| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૩. તતિયપણ્ણાસકં
3. Tatiyapaṇṇāsakaṃ
(૧૧) ૧. સમણસઞ્ઞાવગ્ગો
(11) 1. Samaṇasaññāvaggo
૧-૧૨. સમણસઞ્ઞાસુત્તાદિવણ્ણના
1-12. Samaṇasaññāsuttādivaṇṇanā
૧૦૧-૧૧૨. તતિયસ્સ પઠમાદીનિ ઉત્તાનાનિ. છટ્ઠે નિજ્જરકારણાનીતિ પજહનકારણાનિ. ઇમસ્મિં મગ્ગો કથીયતીતિ કત્વા ‘‘અયં હેટ્ઠા…પે॰… પુન ગહિતા’’તિ વુત્તં. કિઞ્ચાપિ નિજ્જિણ્ણા મિચ્છાદિટ્ઠીતિ આનેત્વા સમ્બન્ધિતબ્બં. યથા મિચ્છાદિટ્ઠિ વિપસ્સનાય નિજ્જિણ્ણાપિ ન સમુચ્છિન્નાતિ સમુચ્છેદપ્પહાનદસ્સનત્થં પુન ગહિતા, એવં મિચ્છાસઙ્કપ્પાદયોપિ વિપસ્સનાય પહીનાપિ અસમુચ્છિન્નતાય ઇધ પુન ગહિતાતિ અયમત્થો ‘‘મિચ્છાસઙ્કપ્પસ્સા’’તિઆદીસુ સબ્બપદેસુ વત્તબ્બોતિ દસ્સેતિ ‘‘એવં સબ્બપદેસુ યોજેતબ્બો’’તિ ઇમિના. એત્થ ચાતિ ‘‘સમ્માવિમુત્તિપચ્ચયા ચ અનેકે કુસલા ધમ્મા ભાવનાપારિપૂરિં ગચ્છન્તી’’તિ એતસ્મિં પાળિપદે. એત્થ ચ સમુચ્છેદવસેન ચ પટિપ્પસ્સદ્ધિવસેન ચ પટિપક્ખધમ્માનં સમ્મદેવ વિમુચ્ચનં સમ્માવિમુત્તિ. તપ્પચ્ચયા ચ મગ્ગફલેસુ અટ્ઠ ઇન્દ્રિયાનિ ભાવનાપારિપૂરિં ઉપગચ્છન્તીતિ મગ્ગસમ્પયુત્તાનિપિ સદ્ધાદીનિ ઇન્દ્રિયાનિ ઉદ્ધટાનિ. મગ્ગવસેન હિ ફલેસુ ભાવનાપારિપૂરી નામાતિ. અભિનન્દનટ્ઠેનાતિ અતિવિય સિનેહનટ્ઠેન. ઇદઞ્હિ સોમનસ્સિન્દ્રિયં ઉક્કંસગતસાતસભાવતો સમ્પયુત્તધમ્મે સિનેહન્તં તેમેન્તં વિય પવત્તતિ. પવત્તસન્તતિઆધિપતેય્યટ્ઠેનાતિ વિપાકસન્તાનસ્સ જીવને અધિપતિભાવેન. એવન્તિઆદિ વુત્તસ્સેવ અત્થસ્સ નિગમનં. સત્તમાદીનિ ઉત્તાનત્થાનિ.
101-112. Tatiyassa paṭhamādīni uttānāni. Chaṭṭhe nijjarakāraṇānīti pajahanakāraṇāni. Imasmiṃ maggo kathīyatīti katvā ‘‘ayaṃ heṭṭhā…pe… puna gahitā’’ti vuttaṃ. Kiñcāpi nijjiṇṇā micchādiṭṭhīti ānetvā sambandhitabbaṃ. Yathā micchādiṭṭhi vipassanāya nijjiṇṇāpi na samucchinnāti samucchedappahānadassanatthaṃ puna gahitā, evaṃ micchāsaṅkappādayopi vipassanāya pahīnāpi asamucchinnatāya idha puna gahitāti ayamattho ‘‘micchāsaṅkappassā’’tiādīsu sabbapadesu vattabboti dasseti ‘‘evaṃ sabbapadesu yojetabbo’’ti iminā. Ettha cāti ‘‘sammāvimuttipaccayā ca aneke kusalā dhammā bhāvanāpāripūriṃ gacchantī’’ti etasmiṃ pāḷipade. Ettha ca samucchedavasena ca paṭippassaddhivasena ca paṭipakkhadhammānaṃ sammadeva vimuccanaṃ sammāvimutti. Tappaccayā ca maggaphalesu aṭṭha indriyāni bhāvanāpāripūriṃ upagacchantīti maggasampayuttānipi saddhādīni indriyāni uddhaṭāni. Maggavasena hi phalesu bhāvanāpāripūrī nāmāti. Abhinandanaṭṭhenāti ativiya sinehanaṭṭhena. Idañhi somanassindriyaṃ ukkaṃsagatasātasabhāvato sampayuttadhamme sinehantaṃ tementaṃ viya pavattati. Pavattasantatiādhipateyyaṭṭhenāti vipākasantānassa jīvane adhipatibhāvena. Evantiādi vuttasseva atthassa nigamanaṃ. Sattamādīni uttānatthāni.
સમણસઞ્ઞાસુત્તાદિવણ્ણના નિટ્ઠિતા.
Samaṇasaññāsuttādivaṇṇanā niṭṭhitā.
સમણસઞ્ઞાવગ્ગવણ્ણના નિટ્ઠિતા.
Samaṇasaññāvaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૧. સમણસઞ્ઞાસુત્તં • 1. Samaṇasaññāsuttaṃ
૨. બોજ્ઝઙ્ગસુત્તં • 2. Bojjhaṅgasuttaṃ
૩. મિચ્છત્તસુત્તં • 3. Micchattasuttaṃ
૪. બીજસુત્તં • 4. Bījasuttaṃ
૫. વિજ્જાસુત્તં • 5. Vijjāsuttaṃ
૬. નિજ્જરસુત્તં • 6. Nijjarasuttaṃ
૭. ધોવનસુત્તં • 7. Dhovanasuttaṃ
૮. તિકિચ્છકસુત્તં • 8. Tikicchakasuttaṃ
૯. વમનસુત્તં • 9. Vamanasuttaṃ
૧૦. નિદ્ધમનીયસુત્તં • 10. Niddhamanīyasuttaṃ
૧૧. પઠમઅસેખસુત્તં • 11. Paṭhamaasekhasuttaṃ
૧૨. દુતિયઅસેખસુત્તં • 12. Dutiyaasekhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૧. સમણસઞ્ઞાસુત્તવણ્ણના • 1. Samaṇasaññāsuttavaṇṇanā
૩. મિચ્છત્તસુત્તવણ્ણના • 3. Micchattasuttavaṇṇanā
૪-૫. બીજસુત્તાદિવણ્ણના • 4-5. Bījasuttādivaṇṇanā
૬. નિજ્જરસુત્તવણ્ણના • 6. Nijjarasuttavaṇṇanā
૭. ધોવનાસુત્તવણ્ણના • 7. Dhovanāsuttavaṇṇanā
૮-૧૦. તિકિચ્છકસુત્તાદિવણ્ણના • 8-10. Tikicchakasuttādivaṇṇanā
૧૧. પઠમઅસેખસુત્તવણ્ણના • 11. Paṭhamaasekhasuttavaṇṇanā
૧૨. દુતિયઅસેખસુત્તવણ્ણના • 12. Dutiyaasekhasuttavaṇṇanā
