૧. સમણસઞ્ઞાસુત્તં

1. Samaṇasaññāsuttaṃ

૧૦૧. ‘‘તિસ્સો ઇમા, ભિક્ખવે, સમણસઞ્ઞા ભાવિતા બહુલીકતા સત્ત ધમ્મે પરિપૂરેન્તિ. કતમા તિસ્સો? વેવણ્ણિયમ્હિ અજ્ઝુપગતો, પરપટિબદ્ધા મે જીવિકા, અઞ્ઞો મે આકપ્પો કરણીયોતિ – ઇમા ખો, ભિક્ખવે, તિસ્સો સમણસઞ્ઞા ભાવિતા બહુલીકતા સત્ત ધમ્મે પરિપૂરેન્તિ.

101. ‘‘Tisso imā, bhikkhave, samaṇasaññā bhāvitā bahulīkatā satta dhamme paripūrenti. Katamā tisso? Vevaṇṇiyamhi ajjhupagato, parapaṭibaddhā me jīvikā, añño me ākappo karaṇīyoti – imā kho, bhikkhave, tisso samaṇasaññā bhāvitā bahulīkatā satta dhamme paripūrenti.

‘‘કતમે સત્ત? સન્તતકારી ¹ હોતિ સન્તતવુત્તિ ² સીલેસુ, અનભિજ્ઝાલુ હોતિ, અબ્યાપજ્જો હોતિ, અનતિમાની હોતિ, સિક્ખાકામો હોતિ , ઇદમત્થંતિસ્સ હોતિ જીવિતપરિક્ખારેસુ, આરદ્ધવીરિયો ચ ³ વિહરતિ. ઇમા ખો, ભિક્ખવે, તિસ્સો સમણસઞ્ઞા ભાવિતા બહુલીકતા ઇમે સત્ત ધમ્મે પરિપૂરેન્તી’’તિ. પઠમં.

‘‘Katame satta? Santatakārī ⁴ hoti santatavutti ⁵ sīlesu, anabhijjhālu hoti, abyāpajjo hoti, anatimānī hoti, sikkhākāmo hoti , idamatthaṃtissa hoti jīvitaparikkhāresu, āraddhavīriyo ca ⁶ viharati. Imā kho, bhikkhave, tisso samaṇasaññā bhāvitā bahulīkatā ime satta dhamme paripūrentī’’ti. Paṭhamaṃ.

Next: ૨. બોજ્ઝઙ્ગસુત્તં • 2. Bojjhaṅgasuttaṃ

Footnotes:

1. સતતકારી (સ્યા॰ પી॰ ક॰)

2. સતતવુત્તિ (સ્યા॰ પી॰)

3. આરદ્ધવિરિયો ચ (સી॰ પી॰), આરદ્ધવિરિયો (સ્યા॰)

4. satatakārī (syā. pī. ka.)

5. satatavutti (syā. pī.)

6. āraddhaviriyo ca (sī. pī.), āraddhaviriyo (syā.)

Related texts:

અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. સમણસઞ્ઞાસુત્તવણ્ણના • 1. Samaṇasaññāsuttavaṇṇanā

ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૨. સમણસઞ્ઞાસુત્તાદિવણ્ણના • 1-12. Samaṇasaññāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact