೧. ಸಮಣಸಞ್ಞಾಸುತ್ತಂ

1. Samaṇasaññāsuttaṃ

೧೦೧. ‘‘ತಿಸ್ಸೋ ಇಮಾ, ಭಿಕ್ಖವೇ, ಸಮಣಸಞ್ಞಾ ಭಾವಿತಾ ಬಹುಲೀಕತಾ ಸತ್ತ ಧಮ್ಮೇ ಪರಿಪೂರೇನ್ತಿ। ಕತಮಾ ತಿಸ್ಸೋ? ವೇವಣ್ಣಿಯಮ್ಹಿ ಅಜ್ಝುಪಗತೋ, ಪರಪಟಿಬದ್ಧಾ ಮೇ ಜೀವಿಕಾ, ಅಞ್ಞೋ ಮೇ ಆಕಪ್ಪೋ ಕರಣೀಯೋತಿ – ಇಮಾ ಖೋ, ಭಿಕ್ಖವೇ, ತಿಸ್ಸೋ ಸಮಣಸಞ್ಞಾ ಭಾವಿತಾ ಬಹುಲೀಕತಾ ಸತ್ತ ಧಮ್ಮೇ ಪರಿಪೂರೇನ್ತಿ।

101. ‘‘Tisso imā, bhikkhave, samaṇasaññā bhāvitā bahulīkatā satta dhamme paripūrenti. Katamā tisso? Vevaṇṇiyamhi ajjhupagato, parapaṭibaddhā me jīvikā, añño me ākappo karaṇīyoti – imā kho, bhikkhave, tisso samaṇasaññā bhāvitā bahulīkatā satta dhamme paripūrenti.

‘‘ಕತಮೇ ಸತ್ತ? ಸನ್ತತಕಾರೀ ¹ ಹೋತಿ ಸನ್ತತವುತ್ತಿ ² ಸೀಲೇಸು, ಅನಭಿಜ್ಝಾಲು ಹೋತಿ, ಅಬ್ಯಾಪಜ್ಜೋ ಹೋತಿ, ಅನತಿಮಾನೀ ಹೋತಿ, ಸಿಕ್ಖಾಕಾಮೋ ಹೋತಿ , ಇದಮತ್ಥಂತಿಸ್ಸ ಹೋತಿ ಜೀವಿತಪರಿಕ್ಖಾರೇಸು, ಆರದ್ಧವೀರಿಯೋ ಚ ³ ವಿಹರತಿ। ಇಮಾ ಖೋ, ಭಿಕ್ಖವೇ, ತಿಸ್ಸೋ ಸಮಣಸಞ್ಞಾ ಭಾವಿತಾ ಬಹುಲೀಕತಾ ಇಮೇ ಸತ್ತ ಧಮ್ಮೇ ಪರಿಪೂರೇನ್ತೀ’’ತಿ। ಪಠಮಂ।

‘‘Katame satta? Santatakārī ⁴ hoti santatavutti ⁵ sīlesu, anabhijjhālu hoti, abyāpajjo hoti, anatimānī hoti, sikkhākāmo hoti , idamatthaṃtissa hoti jīvitaparikkhāresu, āraddhavīriyo ca ⁶ viharati. Imā kho, bhikkhave, tisso samaṇasaññā bhāvitā bahulīkatā ime satta dhamme paripūrentī’’ti. Paṭhamaṃ.

Next: ೨. ಬೋಜ್ಝಙ್ಗಸುತ್ತಂ • 2. Bojjhaṅgasuttaṃ

Footnotes:

1. ಸತತಕಾರೀ (ಸ್ಯಾ॰ ಪೀ॰ ಕ॰)

2. ಸತತವುತ್ತಿ (ಸ್ಯಾ॰ ಪೀ॰)

3. ಆರದ್ಧವಿರಿಯೋ ಚ (ಸೀ॰ ಪೀ॰), ಆರದ್ಧವಿರಿಯೋ (ಸ್ಯಾ॰)

4. satatakārī (syā. pī. ka.)

5. satatavutti (syā. pī.)

6. āraddhaviriyo ca (sī. pī.), āraddhaviriyo (syā.)

Related texts:

ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೧. ಸಮಣಸಞ್ಞಾಸುತ್ತವಣ್ಣನಾ • 1. Samaṇasaññāsuttavaṇṇanā

ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೨. ಸಮಣಸಞ್ಞಾಸುತ್ತಾದಿವಣ್ಣನಾ • 1-12. Samaṇasaññāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact