| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
16. самааробанахааравибхан̇г̇аван̣н̣анаа
16. Samāropanahāravibhaṅgavaṇṇanā
50. д̇ад̇т̇а гад̇амо самааробано хаарод̇и самааробанахааравибхан̇г̇о. д̇ад̇т̇а згасмим̣ бад̣̇адтаанзд̇и яасмим̣ гисмин̃жи згасмим̣ гааран̣абхууд̇з д̇хаммз суд̇д̇зна г̇ахид̇з. яад̇д̇агаани бад̣̇адтаанаани од̇аранд̇ийд̇и яад̇д̇агаани ан̃н̃зсам̣ гааран̣абхууд̇аани д̇асмим̣ д̇хаммз самосаранд̇и. саб̣б̣аани д̇аани самааробаяид̇аб̣б̣аанийд̇и саб̣б̣аани д̇аани бад̣̇адтаанаани бад̣̇адтаанабхууд̇аа д̇хаммаа саммаа нид̣̇д̇хааран̣авасзна аанзд̇ваа д̣̇зсанааяа ааробзд̇аб̣б̣аа, д̣̇зсанаарул̣хз вияа гад̇ваа гат̇зд̇аб̣б̣аад̇и ад̇т̇о. яат̇аа ааваддз хаарз ‘‘згамхи бад̣̇адтаанз, бариязсад̇и сзсагам̣ бад̣̇адтаана’’нд̇и (нзд̇д̇и. 4 нид̣̇д̣̇зсаваара) важанад̇о анзгзсам̣ бад̣̇адтаанаанам̣ бариязсанаа вуд̇д̇аа, звамид̇хааби б̣ахуунам̣ бад̣̇адтаанаанам̣ самааробанаа гаад̇аб̣б̣аад̇и д̣̇ассзнд̇о ‘‘яат̇аа ааваддз хаарз’’д̇и ааха. на гзвалам̣ бад̣̇адтаанавасзнзва самааробанаа, ат̇а ко взважанабхааванаабахаанавасзнаби самааробанаа гаад̇аб̣б̣аад̇и д̣̇ассзнд̇о ‘‘д̇ад̇т̇а самааробанаа жад̇уб̣б̣ид̇хаа’’д̇иаад̣̇имааха.
50.Tatthakatamo samāropano hāroti samāropanahāravibhaṅgo. Tattha ekasmiṃ padaṭṭhāneti yasmiṃ kismiñci ekasmiṃ kāraṇabhūte dhamme suttena gahite. Yattakāni padaṭṭhānāni otarantīti yattakāni aññesaṃ kāraṇabhūtāni tasmiṃ dhamme samosaranti. Sabbāni tāni samāropayitabbānīti sabbāni tāni padaṭṭhānāni padaṭṭhānabhūtā dhammā sammā niddhāraṇavasena ānetvā desanāya āropetabbā, desanāruḷhe viya katvā kathetabbāti attho. Yathā āvaṭṭe hāre ‘‘ekamhi padaṭṭhāne, pariyesati sesakaṃ padaṭṭhāna’’nti (netti. 4 niddesavāra) vacanato anekesaṃ padaṭṭhānānaṃ pariyesanā vuttā, evamidhāpi bahūnaṃ padaṭṭhānānaṃ samāropanā kātabbāti dassento ‘‘yathā āvaṭṭe hāre’’ti āha. Na kevalaṃ padaṭṭhānavaseneva samāropanā, atha kho vevacanabhāvanāpahānavasenapi samāropanā kātabbāti dassento ‘‘tattha samāropanā catubbidhā’’tiādimāha.
гасмаа банзд̇т̇а бад̣̇адтаанавзважанаани г̇ахид̇аани, нану бад̣̇адтаанавзважанахаарз зва аяамад̇т̇о вибхаавид̇од̇и? сажжамзд̇ам̣, ид̇ха бана бад̣̇адтаанавзважанаг̇г̇ахан̣ам̣ бхааванаабахаанаанам̣ ад̇хидтаанависаяад̣̇ассанад̇т̇ан̃жзва д̇зсам̣ ад̇хиважанавибхааг̇ад̣̇ассанад̇т̇ан̃жа. зван̃хи бхааванаабахаанаани сувин̃н̃зяяаани хонд̇и сугараани жа бан̃н̃аабзд̇ум̣. ид̣̇ам̣ бад̣̇адтаананд̇и ид̣̇ам̣ д̇ивид̇хам̣ сужарид̇ам̣ б̣уд̣̇д̇хаанам̣ саасанасса оваад̣̇асса висаяаад̇хидтаанабхаавад̇о бад̣̇адтаанам̣. д̇ад̇т̇а ‘‘гааяига’’нд̇иаад̣̇инаа д̇ийхи сужарид̇зхи сийлаад̣̇аяо д̇аяо канд̇хз самат̇авибассанаа д̇ад̇ияажад̇уд̇т̇апалаани жа нид̣̇д̇хаарзд̇ваа д̣̇ассзд̇и, д̇ам̣ сувин̃н̃зяяамзва. ванийяад̇ийд̇и ванам̣, ванад̇и, вануд̇з ид̇и ваа ванам̣. д̇ад̇т̇а яасмаа бан̃жа гаамаг̇ун̣аа гаамад̇ан̣хааяа, нимид̇д̇аг̇г̇аахо ануб̣яан̃ж̇анаг̇г̇аахасса, аж̇жхад̇д̇игаб̣аахираани ааяад̇анаани д̇аббадиб̣анд̇хачанд̣̇арааг̇аад̣̇ийнам̣, анусаяаа жа барияудтаанаанам̣ гааран̣аани хонд̇и, д̇асмаа д̇амад̇т̇ам̣ д̣̇ассзд̇ум̣ ‘‘бан̃жа гаамаг̇ун̣аа’’д̇иаад̣̇и вуд̇д̇ам̣.
Kasmā panettha padaṭṭhānavevacanāni gahitāni, nanu padaṭṭhānavevacanahāre eva ayamattho vibhāvitoti? Saccametaṃ, idha pana padaṭṭhānavevacanaggahaṇaṃ bhāvanāpahānānaṃ adhiṭṭhānavisayadassanatthañceva tesaṃ adhivacanavibhāgadassanatthañca. Evañhi bhāvanāpahānāni suviññeyyāni honti sukarāni ca paññāpetuṃ. Idaṃ padaṭṭhānanti idaṃ tividhaṃ sucaritaṃ buddhānaṃ sāsanassa ovādassa visayādhiṭṭhānabhāvato padaṭṭhānaṃ. Tattha ‘‘kāyika’’ntiādinā tīhi sucaritehi sīlādayo tayo khandhe samathavipassanā tatiyacatutthaphalāni ca niddhāretvā dasseti, taṃ suviññeyyameva. Vanīyatīti vanaṃ, vanati, vanute iti vā vanaṃ. Tattha yasmā pañca kāmaguṇā kāmataṇhāya, nimittaggāho anubyañjanaggāhassa, ajjhattikabāhirāni āyatanāni tappaṭibandhachandarāgādīnaṃ, anusayā ca pariyuṭṭhānānaṃ kāraṇāni honti, tasmā tamatthaṃ dassetuṃ ‘‘pañca kāmaguṇā’’tiādi vuttaṃ.
51. аяам̣ взважанзна самааробанаад̇и яо ‘‘рааг̇авирааг̇аа жзд̇овимуд̇д̇и сзгкапалам̣, анааг̇аамипалам̣, гаамад̇хаад̇усамад̇иггамана’’нд̇и зд̇зхи барияааяаважанзхи д̇ад̇ияапаласса нид̣̇д̣̇зсо, д̇ат̇аа яо ‘‘авиж̇ж̇аавирааг̇аа бан̃н̃аавимуд̇д̇и асзгкапалам̣, аг̇г̇апалам̣ арахад̇д̇ам̣, д̇зд̇хаад̇угасамад̇иггамана’’нд̇и зд̇зхи барияааяаважанзхи жад̇уд̇т̇апаласса нид̣̇д̣̇зсо, яо жа ‘‘бан̃н̃инд̣̇рияа’’нд̇иаад̣̇ийхи барияааяаважанзхи бан̃н̃ааяа нид̣̇д̣̇зсо, аяам̣ взважанзхи жа самааробанаа.
51.Ayaṃ vevacanena samāropanāti yo ‘‘rāgavirāgā cetovimutti sekkhaphalaṃ, anāgāmiphalaṃ, kāmadhātusamatikkamana’’nti etehi pariyāyavacanehi tatiyaphalassa niddeso, tathā yo ‘‘avijjāvirāgā paññāvimutti asekkhaphalaṃ, aggaphalaṃ arahattaṃ, tedhātukasamatikkamana’’nti etehi pariyāyavacanehi catutthaphalassa niddeso, yo ca ‘‘paññindriya’’ntiādīhi pariyāyavacanehi paññāya niddeso, ayaṃ vevacanehi ca samāropanā.
д̇асмаад̇иха д̇вам̣, бхигку, гааяз гааяаанубассий вихараахийд̇иаад̣̇и лагкан̣ахааравибхан̇г̇аван̣н̣анааяам̣ вуд̇д̇анаязна взд̣̇ид̇аб̣б̣ам̣. гзвалам̣ д̇ад̇т̇а згалагкан̣ад̇д̇аа авуд̇д̇аанамби вуд̇д̇абхаавад̣̇ассанавасзнзва ааг̇ад̇ам̣, ид̇ха бхааванаасамааробанавасзнаад̇и аяамзва висзсо. гааяаанубассанаа висзсад̇о асубхаанубассанаа зва гаамарааг̇ад̇ад̣̇згадтагилзсаанам̣ зганд̇абадибагкаад̇и асубхасан̃н̃аа габ̣ал̣ийгаараахаарабарин̃н̃ааяа бариб̣анд̇хагилзсаа гаамубаад̣̇аанам̣ гаамаяог̇о абхиж̇жхаагааяаг̇ант̇о гаамаасаво гаамогхо рааг̇асаллам̣ руубад̇хаммабарин̃н̃ааяа бадибагкагилзсаа руубад̇хаммзсу рааг̇о чанд̣̇ааг̇ад̇иг̇амананд̇и зд̇зсам̣ баабад̇хаммаанам̣ бахаанааяа сам̣вад̇д̇ад̇ийд̇и имамад̇т̇ам̣ д̣̇ассзд̇и ‘‘гааяз гааяаанубассий вихаранд̇о’’д̇иаад̣̇инаа.
Tasmātiha tvaṃ, bhikkhu, kāye kāyānupassī viharāhītiādi lakkhaṇahāravibhaṅgavaṇṇanāyaṃ vuttanayena veditabbaṃ. Kevalaṃ tattha ekalakkhaṇattā avuttānampi vuttabhāvadassanavaseneva āgataṃ, idha bhāvanāsamāropanavasenāti ayameva viseso. Kāyānupassanā visesato asubhānupassanā eva kāmarāgatadekaṭṭhakilesānaṃ ekantapaṭipakkhāti asubhasaññā kabaḷīkārāhārapariññāya paribandhakilesā kāmupādānaṃ kāmayogo abhijjhākāyagantho kāmāsavo kāmogho rāgasallaṃ rūpadhammapariññāya paṭipakkhakilesā rūpadhammesu rāgo chandāgatigamananti etesaṃ pāpadhammānaṃ pahānāya saṃvattatīti imamatthaṃ dasseti ‘‘kāye kāyānupassī viharanto’’tiādinā.
д̇ат̇аа взд̣̇анаанубассанаа висзсад̇о д̣̇угкаанубассанаад̇и, саа –
Tathā vedanānupassanā visesato dukkhānupassanāti, sā –
‘‘яо сукам̣ д̣̇угкад̇о ад̣̇д̣̇а, д̣̇угкамад̣̇д̣̇агки саллад̇о;
‘‘Yo sukhaṃ dukkhato adda, dukkhamaddakkhi sallato;
ад̣̇угкамасукам̣ санд̇ам̣, ад̣̇агки нам̣ анижжад̇о’’д̇и. (сам̣. ни. 4.253; ид̇иву. 53) –
Adukkhamasukhaṃ santaṃ, adakkhi naṃ aniccato’’ti. (saṃ. ni. 4.253; itivu. 53) –
аад̣̇иважанад̇о саб̣б̣ам̣ взд̣̇анам̣ ‘‘д̣̇угка’’нд̇и бассанд̇ий сукасан̃н̃ааяа взд̣̇анаахзд̇убарин̃н̃ааяа бариб̣анд̇хагилзсаанам̣ г̇осийлаад̣̇ийхи бхавасуд̣̇д̇хи ход̇ийд̇и взд̣̇анаассаад̣̇зна бавад̇д̇асса бхавубаад̣̇аанасан̇каад̇асса сийлаб̣б̣ад̇убаад̣̇аанасса взд̣̇анаавасзна ‘‘анад̇т̇ам̣ мз ажарий’’д̇иаад̣̇инаяаббавад̇д̇асса (д̣̇ий. ни. 3.340; а. ни. 9.29; 10.79; д̇ха. са. 1237; вибха. 909, 960) б̣яаабаад̣̇агааяаг̇ант̇асса д̣̇осасалласса взд̣̇анаассаад̣̇авасзнзва бавад̇д̇асса бхаваяог̇абхаваабхавабхавогхасан̇каад̇асса бхаварааг̇асса бхавабарин̃н̃ааяа бариб̣анд̇хагагилзсаанам̣ взд̣̇анаависаяасса рааг̇асса д̣̇осааг̇ад̇иг̇аманасса жа бахаанааяа сам̣вад̇д̇ад̇ийд̇и зд̇амад̇т̇ам̣ д̣̇ассзд̇и ‘‘взд̣̇анаасу взд̣̇анаанубассий’’д̇иаад̣̇инаа.
Ādivacanato sabbaṃ vedanaṃ ‘‘dukkha’’nti passantī sukhasaññāya vedanāhetupariññāya paribandhakilesānaṃ gosīlādīhi bhavasuddhi hotīti vedanāssādena pavattassa bhavupādānasaṅkhātassa sīlabbatupādānassa vedanāvasena ‘‘anatthaṃ me acarī’’tiādinayappavattassa (dī. ni. 3.340; a. ni. 9.29; 10.79; dha. sa. 1237; vibha. 909, 960) byāpādakāyaganthassa dosasallassa vedanāssādavaseneva pavattassa bhavayogabhavābhavabhavoghasaṅkhātassa bhavarāgassa bhavapariññāya paribandhakakilesānaṃ vedanāvisayassa rāgassa dosāgatigamanassa ca pahānāya saṃvattatīti etamatthaṃ dasseti ‘‘vedanāsu vedanānupassī’’tiādinā.
д̇ат̇аа жид̇д̇аанубассанаа висзсад̇о анижжаанубассанаад̇и, саа жид̇д̇ам̣ ‘‘анижжа’’нд̇и бассанд̇ий д̇ад̇т̇а язбхуяязна сад̇д̇аа нижжасан̃н̃инод̇и нижжасан̃н̃ааяа вин̃н̃аан̣аахаарабарин̃н̃ааяа бариб̣анд̇хагилзсаанам̣ нижжаабхинивзсабадибагкад̇о зва д̣̇идтубаад̣̇аанам̣ д̣̇идтияог̇асийлаб̣б̣ад̇абараамаасагааяаг̇ант̇ад̣̇идтаасавад̣̇идтогхасан̇каад̇ааяа д̣̇идтияаа нижжасан̃н̃аанимид̇д̇асса ‘‘сзяяохамасмий’’д̇иаад̣̇инаяаббавад̇д̇асса (д̇ха. са. 1239; вибха. 832, 866, 962) маанасалласса сан̃н̃аабарин̃н̃ааяа бадибагкагилзсаанам̣ сан̃н̃ааяа рааг̇асса д̣̇идтаабхинивзсасса аббахийнад̇д̇аа уббаж̇ж̇анагасса бхаяааг̇ад̇иг̇аманасса жа бахаанааяа сам̣вад̇д̇ад̇ийд̇и имамад̇т̇ам̣ д̣̇ассзд̇и ‘‘жид̇д̇з жид̇д̇аанубассий’’д̇иаад̣̇инаа.
Tathā cittānupassanā visesato aniccānupassanāti, sā cittaṃ ‘‘anicca’’nti passantī tattha yebhuyyena sattā niccasaññinoti niccasaññāya viññāṇāhārapariññāya paribandhakilesānaṃ niccābhinivesapaṭipakkhato eva diṭṭhupādānaṃ diṭṭhiyogasīlabbataparāmāsakāyaganthadiṭṭhāsavadiṭṭhoghasaṅkhātāya diṭṭhiyā niccasaññānimittassa ‘‘seyyohamasmī’’tiādinayappavattassa (dha. sa. 1239; vibha. 832, 866, 962) mānasallassa saññāpariññāya paṭipakkhakilesānaṃ saññāya rāgassa diṭṭhābhinivesassa appahīnattā uppajjanakassa bhayāgatigamanassa ca pahānāya saṃvattatīti imamatthaṃ dasseti ‘‘citte cittānupassī’’tiādinā.
д̇ат̇аа д̇хаммаанубассанаа висзсад̇о анад̇д̇асан̃н̃аад̇и, саа сан̇каарзсу ад̇д̇асан̃н̃ааяа маносан̃жзд̇анаахаарабарин̃н̃ааяа бадибагкагилзсаанам̣ саггааяад̣̇идтияаа ‘‘ид̣̇амзва сажжа’’нд̇и (ма. ни. 2.187, 202-203; 3.27) бавад̇д̇асса мижчаабхинивзсасса мижчаабхинивзсахзд̇угааяа авиж̇ж̇ааяог̇аавиж̇ж̇аасаваавиж̇ж̇огхамохасалласан̇каад̇ааяа авиж̇ж̇ааяа сан̇каарабарин̃н̃ааяа бариб̣анд̇хагилзсаанам̣ сан̇каарзсу рааг̇асса мохааг̇ад̇иг̇аманасса жа бахаанааяа сам̣вад̇д̇ад̇ийд̇и имамад̇т̇ам̣ д̣̇ассзд̇и ‘‘д̇хаммзсу д̇хаммаанубассий вихаранд̇о’’д̇иаад̣̇инаа. сзсам̣ уд̇д̇аанамзва.
Tathā dhammānupassanā visesato anattasaññāti, sā saṅkhāresu attasaññāya manosañcetanāhārapariññāya paṭipakkhakilesānaṃ sakkāyadiṭṭhiyā ‘‘idameva sacca’’nti (ma. ni. 2.187, 202-203; 3.27) pavattassa micchābhinivesassa micchābhinivesahetukāya avijjāyogaavijjāsavaavijjoghamohasallasaṅkhātāya avijjāya saṅkhārapariññāya paribandhakilesānaṃ saṅkhāresu rāgassa mohāgatigamanassa ca pahānāya saṃvattatīti imamatthaṃ dasseti ‘‘dhammesu dhammānupassī viharanto’’tiādinā. Sesaṃ uttānameva.
самааробанахааравибхан̇г̇аван̣н̣анаа нидтид̇аа.
Samāropanahāravibhaṅgavaṇṇanā niṭṭhitā.
нидтид̇аа жа хааравибхан̇г̇аван̣н̣анаа.
Niṭṭhitā ca hāravibhaṅgavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 16. самааробанахааравибхан̇г̇о • 16. Samāropanahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 16. самааробанахааравибхан̇г̇аван̣н̣анаа • 16. Samāropanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 16. самааробанахааравибхан̇г̇авибхааванаа • 16. Samāropanahāravibhaṅgavibhāvanā
