| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
16. самааробанахааравибхан̇г̇о
16. Samāropanahāravibhaṅgo
50. д̇ад̇т̇а гад̇амо самааробано хааро? ‘‘яз д̇хаммаа яам̣муулаа, яз жзгад̇т̇аа багаасид̇аа мунинаа’’д̇и.
50. Tattha katamo samāropano hāro? ‘‘Ye dhammā yaṃmūlā, ye cekatthā pakāsitā muninā’’ti.
згасмим̣ бад̣̇адтаанз яад̇д̇агаани бад̣̇адтаанаани од̇аранд̇и, саб̣б̣аани д̇аани самааробаяид̇аб̣б̣аани. яат̇аа ааваддз хаарз б̣ахугаани бад̣̇адтаанаани од̇аранд̇ийд̇и. д̇ад̇т̇а самааробанаа жад̇уб̣б̣ид̇хаа бад̣̇адтаанам̣, взважанам̣, бхааванаа, бахаанамид̇и.
Ekasmiṃ padaṭṭhāne yattakāni padaṭṭhānāni otaranti, sabbāni tāni samāropayitabbāni. Yathā āvaṭṭe hāre bahukāni padaṭṭhānāni otarantīti. Tattha samāropanā catubbidhā padaṭṭhānaṃ, vevacanaṃ, bhāvanā, pahānamiti.
д̇ад̇т̇а гад̇амаа бад̣̇адтаанзна самааробанаа?
Tattha katamā padaṭṭhānena samāropanā?
‘‘саб̣б̣абаабасса агаран̣ам̣, гусаласса убасамбад̣̇аа;
‘‘Sabbapāpassa akaraṇaṃ, kusalassa upasampadā;
сажид̇д̇абарияод̣̇абанам̣, зд̇ам̣ б̣уд̣̇д̇хаана саасана’’нд̇и.
Sacittapariyodapanaṃ, etaṃ buddhāna sāsana’’nti.
д̇асса гим̣ бад̣̇адтаанам̣? д̇ийн̣и сужарид̇аани – гааяасужарид̇ам̣ важийсужарид̇ам̣ маносужарид̇ам̣ – ид̣̇ам̣ бад̣̇адтаанам̣; д̇ад̇т̇а яам̣ гааяиган̃жа ваажасиган̃жа сужарид̇ам̣, аяам̣ сийлагканд̇хо. маносужарид̇з яаа анабхиж̇жхаа аб̣яаабаад̣̇о жа, аяам̣ самаад̇хигканд̇хо. яаа саммаад̣̇идти, аяам̣ бан̃н̃аагканд̇хо. ид̣̇ам̣ бад̣̇адтаанам̣, д̇ад̇т̇а сийлагканд̇хо жа самаад̇хигканд̇хо жа самат̇о, бан̃н̃аагканд̇хо вибассанаа. ид̣̇ам̣ бад̣̇адтаанам̣, д̇ад̇т̇а самат̇асса палам̣ рааг̇авирааг̇аа жзд̇овимуд̇д̇и, вибассанаа палам̣ авиж̇ж̇аавирааг̇аа бан̃н̃аавимуд̇д̇и. ид̣̇ам̣ бад̣̇адтаанам̣.
Tassa kiṃ padaṭṭhānaṃ? Tīṇi sucaritāni – kāyasucaritaṃ vacīsucaritaṃ manosucaritaṃ – idaṃ padaṭṭhānaṃ; tattha yaṃ kāyikañca vācasikañca sucaritaṃ, ayaṃ sīlakkhandho. Manosucarite yā anabhijjhā abyāpādo ca, ayaṃ samādhikkhandho. Yā sammādiṭṭhi, ayaṃ paññākkhandho. Idaṃ padaṭṭhānaṃ, tattha sīlakkhandho ca samādhikkhandho ca samatho, paññākkhandho vipassanā. Idaṃ padaṭṭhānaṃ, tattha samathassa phalaṃ rāgavirāgā cetovimutti, vipassanā phalaṃ avijjāvirāgā paññāvimutti. Idaṃ padaṭṭhānaṃ.
ванам̣ ванат̇асса бад̣̇адтаанам̣. гин̃жа ванам̣? го жа ванат̇о? ванам̣ наама бан̃жа гаамаг̇ун̣аа, д̇ан̣хаа ванат̇о. ид̣̇ам̣ бад̣̇адтаанам̣. ванам̣ наама нимид̇д̇аг̇г̇аахо ‘‘ид̇т̇ий’’д̇и ваа ‘‘бурисо’’д̇и ваа. ванат̇о наама д̇зсам̣ д̇зсам̣ ан̇г̇абажжан̇г̇аанам̣ ануб̣яан̃ж̇анаг̇г̇аахо ‘‘ахо жагку, ахо сод̇ам̣, ахо гхаанам̣, ахо ж̇ивхаа, ахо гааяо, ид̇и. ид̣̇ам̣ бад̣̇адтаанам̣. ванам̣ наама ча аж̇жхад̇д̇игаб̣аахираани ааяад̇анаани абарин̃н̃аад̇аани. яам̣ д̇ад̣̇убхаяам̣ бадижжа уббаж̇ж̇ад̇и сам̣яож̇анам̣, аяам̣ ванат̇о. ид̣̇ам̣ бад̣̇адтаанам̣. ванам̣ наама анусаяо. ванат̇о наама барияудтаанам̣. ид̣̇ам̣ бад̣̇адтаанам̣. д̇знааха бхаг̇аваа ‘‘чзд̇ваа ванан̃жа ванат̇ан̃жаа’’д̇и. аяам̣ бад̣̇адтаанзна самааробанаа.
Vanaṃ vanathassa padaṭṭhānaṃ. Kiñca vanaṃ? Ko ca vanatho? Vanaṃ nāma pañca kāmaguṇā, taṇhā vanatho. Idaṃ padaṭṭhānaṃ. Vanaṃ nāma nimittaggāho ‘‘itthī’’ti vā ‘‘puriso’’ti vā. Vanatho nāma tesaṃ tesaṃ aṅgapaccaṅgānaṃ anubyañjanaggāho ‘‘aho cakkhu, aho sotaṃ, aho ghānaṃ, aho jivhā, aho kāyo, iti. Idaṃ padaṭṭhānaṃ. Vanaṃ nāma cha ajjhattikabāhirāni āyatanāni apariññātāni. Yaṃ tadubhayaṃ paṭicca uppajjati saṃyojanaṃ, ayaṃ vanatho. Idaṃ padaṭṭhānaṃ. Vanaṃ nāma anusayo. Vanatho nāma pariyuṭṭhānaṃ. Idaṃ padaṭṭhānaṃ. Tenāha bhagavā ‘‘chetvā vanañca vanathañcā’’ti. Ayaṃ padaṭṭhānena samāropanā.
51. д̇ад̇т̇а гад̇амаа взважанзна самааробанаа? рааг̇авирааг̇аа жзд̇овимуд̇д̇и сзгкапалам̣; авиж̇ж̇аавирааг̇аа бан̃н̃аавимуд̇д̇и асзгкапалам̣. ид̣̇ам̣ взважанам̣. рааг̇авирааг̇аа жзд̇овимуд̇д̇и анааг̇аамипалам̣; авиж̇ж̇аавирааг̇аа бан̃н̃аавимуд̇д̇и аг̇г̇апалам̣ арахад̇д̇ам̣. ид̣̇ам̣ взважанам̣. рааг̇авирааг̇аа жзд̇овимуд̇д̇и гаамад̇хаад̇усамад̇иггаманам̣; авиж̇ж̇аавирааг̇аа бан̃н̃аавимуд̇д̇и д̇зд̇хаад̇усамад̇иггаманам̣. ид̣̇ам̣ взважанам̣. бан̃н̃инд̣̇рияам̣, бан̃н̃ааб̣алам̣, ад̇хибан̃н̃аасигкаа, бан̃н̃аагканд̇хо, д̇хаммавижаяасамб̣ож̇жхан̇г̇о, убзгкаасамб̣ож̇жхан̇г̇о, н̃аан̣ам̣, саммаад̣̇идти, д̇ийран̣аа, санд̇ийран̣аа, хирий, вибассанаа, д̇хаммз н̃аан̣ам̣, саб̣б̣ам̣, ид̣̇ам̣ взважанам̣. аяам̣ взважанзна самааробанаа.
51. Tattha katamā vevacanena samāropanā? Rāgavirāgā cetovimutti sekkhaphalaṃ; avijjāvirāgā paññāvimutti asekkhaphalaṃ. Idaṃ vevacanaṃ. Rāgavirāgā cetovimutti anāgāmiphalaṃ; avijjāvirāgā paññāvimutti aggaphalaṃ arahattaṃ. Idaṃ vevacanaṃ. Rāgavirāgā cetovimutti kāmadhātusamatikkamanaṃ; avijjāvirāgā paññāvimutti tedhātusamatikkamanaṃ. Idaṃ vevacanaṃ. Paññindriyaṃ, paññābalaṃ, adhipaññāsikkhā, paññākkhandho, dhammavicayasambojjhaṅgo, upekkhāsambojjhaṅgo, ñāṇaṃ, sammādiṭṭhi, tīraṇā, santīraṇā, hirī, vipassanā, dhamme ñāṇaṃ, sabbaṃ, idaṃ vevacanaṃ. Ayaṃ vevacanena samāropanā.
д̇ад̇т̇а гад̇амаа бхааванааяа самааробанаа? яат̇ааха бхаг̇аваа ‘‘д̇асмаад̇иха д̇вам̣ бхигку гааяз гааяаанубассий вихараахи, аад̇аабий самбаж̇аано сад̇имаа винзяяа логз абхиж̇жхаад̣̇оманассам̣’’. аад̇аабийд̇и вийрияинд̣̇рияам̣. самбаж̇аанод̇и бан̃н̃инд̣̇рияам̣. сад̇имаад̇и сад̇инд̣̇рияам̣. винзяяа логз абхиж̇жхаад̣̇оманассанд̇и самаад̇хинд̣̇рияам̣. звам̣ гааяз гааяаанубассино вихарад̇о жад̇д̇ааро сад̇ибадтаанаа бхааванаабаарибуурим̣ г̇ажчанд̇и. гзна гааран̣зна? згалагкан̣ад̇д̇аа жад̇уннам̣ инд̣̇рияаанам̣. жад̇уусу сад̇ибадтаанзсу бхаавияамаанзсу жад̇д̇ааро саммаббад̇хаанаа бхааванаабаарибуурим̣ г̇ажчанд̇и. жад̇уусу саммаббад̇хаанзсу бхаавияамаанзсу жад̇д̇ааро ид̣̇д̇хибаад̣̇аа бхааванаабаарибуурим̣ г̇ажчанд̇и. жад̇уусу ид̣̇д̇хибаад̣̇зсу бхаавияамаанзсу бан̃жинд̣̇рияаани бхааванаабаарибуурим̣ г̇ажчанд̇и. звам̣ саб̣б̣з . гзна гааран̣зна? саб̣б̣з хи б̣од̇хан̇г̇амаа д̇хаммаа б̣од̇хибагкияаа нияяаанигалагкан̣зна згалагкан̣аа, д̇з згалагкан̣ад̇д̇аа бхааванаабаарибуурим̣ г̇ажчанд̇и. аяам̣ бхааванааяа самааробанаа.
Tattha katamā bhāvanāya samāropanā? Yathāha bhagavā ‘‘tasmātiha tvaṃ bhikkhu kāye kāyānupassī viharāhi, ātāpī sampajāno satimā vineyya loke abhijjhādomanassaṃ’’. Ātāpīti vīriyindriyaṃ. Sampajānoti paññindriyaṃ. Satimāti satindriyaṃ. Vineyya loke abhijjhādomanassanti samādhindriyaṃ. Evaṃ kāye kāyānupassino viharato cattāro satipaṭṭhānā bhāvanāpāripūriṃ gacchanti. Kena kāraṇena? Ekalakkhaṇattā catunnaṃ indriyānaṃ. Catūsu satipaṭṭhānesu bhāviyamānesu cattāro sammappadhānā bhāvanāpāripūriṃ gacchanti. Catūsu sammappadhānesu bhāviyamānesu cattāro iddhipādā bhāvanāpāripūriṃ gacchanti. Catūsu iddhipādesu bhāviyamānesu pañcindriyāni bhāvanāpāripūriṃ gacchanti. Evaṃ sabbe . Kena kāraṇena? Sabbe hi bodhaṅgamā dhammā bodhipakkhiyā niyyānikalakkhaṇena ekalakkhaṇā, te ekalakkhaṇattā bhāvanāpāripūriṃ gacchanti. Ayaṃ bhāvanāya samāropanā.
д̇ад̇т̇а гад̇амаа бахаанзна самааробанаа? гааяз гааяаанубассий вихаранд̇о ‘‘асубхз субха’’нд̇и вибаллаасам̣ баж̇ахад̇и, габ̣ал̣ийгааро жасса аахааро барин̃н̃ам̣ г̇ажчад̇и, гаамубаад̣̇аанзна жа анубаад̣̇аано бхавад̇и, гаамаяог̇зна жа висам̣яуд̇д̇о бхавад̇и, абхиж̇жхаагааяаг̇ант̇зна жа виббаяуж̇ж̇ад̇и, гаамаасавзна жа анаасаво бхавад̇и, гаамогхан̃жа уд̇д̇ин̣н̣о бхавад̇и, рааг̇асаллзна жа висалло бхавад̇и, руубуубигаа 1 жасса вин̃н̃аан̣адтид̇и барин̃н̃ам̣ г̇ажчад̇и, руубад̇хаад̇уяам̣ жасса рааг̇о бахийно бхавад̇и, на жа чанд̣̇ааг̇ад̇им̣ г̇ажчад̇и.
Tattha katamā pahānena samāropanā? Kāye kāyānupassī viharanto ‘‘asubhe subha’’nti vipallāsaṃ pajahati, kabaḷīkāro cassa āhāro pariññaṃ gacchati, kāmupādānena ca anupādāno bhavati, kāmayogena ca visaṃyutto bhavati, abhijjhākāyaganthena ca vippayujjati, kāmāsavena ca anāsavo bhavati, kāmoghañca uttiṇṇo bhavati, rāgasallena ca visallo bhavati, rūpūpikā 2 cassa viññāṇaṭṭhiti pariññaṃ gacchati, rūpadhātuyaṃ cassa rāgo pahīno bhavati, na ca chandāgatiṃ gacchati.
взд̣̇анаасу взд̣̇анаанубассий вихаранд̇о ‘‘д̣̇угкз сука’’нд̇и вибаллаасам̣ баж̇ахад̇и, пассо жасса аахааро барин̃н̃ам̣ г̇ажчад̇и, бхавуубаад̣̇аанзна жа анубаад̣̇аано бхавад̇и, бхаваяог̇зна жа висам̣яуд̇д̇о бхавад̇и, б̣яаабаад̣̇агааяаг̇ант̇зна жа виббаяуж̇ж̇ад̇и, бхаваасавзна жа анаасаво бхавад̇и, бхавогхан̃жа уд̇д̇ин̣н̣о бхавад̇и, д̣̇осасаллзна жа висалло бхавад̇и, взд̣̇ануубигаа жасса вин̃н̃аан̣адтид̇и барин̃н̃ам̣ г̇ажчад̇и, взд̣̇анаад̇хаад̇уяам̣ жасса рааг̇о бахийно бхавад̇и, на жа д̣̇осааг̇ад̇им̣ г̇ажчад̇и.
Vedanāsu vedanānupassī viharanto ‘‘dukkhe sukha’’nti vipallāsaṃ pajahati, phasso cassa āhāro pariññaṃ gacchati, bhavūpādānena ca anupādāno bhavati, bhavayogena ca visaṃyutto bhavati, byāpādakāyaganthena ca vippayujjati, bhavāsavena ca anāsavo bhavati, bhavoghañca uttiṇṇo bhavati, dosasallena ca visallo bhavati, vedanūpikā cassa viññāṇaṭṭhiti pariññaṃ gacchati, vedanādhātuyaṃ cassa rāgo pahīno bhavati, na ca dosāgatiṃ gacchati.
жид̇д̇з жид̇д̇аанубассий вихаранд̇о ‘‘анижжз нижжа’’нд̇и вибаллаасам̣ баж̇ахад̇и, вин̃н̃аан̣ам̣ жасса аахааро барин̃н̃ам̣ г̇ажчад̇и, д̣̇идтубаад̣̇аанзна жа анубаад̣̇аано бхавад̇и, д̣̇идтияог̇зна жа висам̣яуд̇д̇о бхавад̇и, сийлаб̣б̣ад̇абараамаасагааяаг̇ант̇зна жа виббаяуж̇ж̇ад̇и, д̣̇идтаасавзна жа анаасаво бхавад̇и, д̣̇идтогхан̃жа уд̇д̇ин̣н̣о бхавад̇и, маанасаллзна жа висалло бхавад̇и, сан̃н̃уубигаа жасса вин̃н̃аан̣адтид̇и барин̃н̃ам̣ г̇ажчад̇и, сан̃н̃аад̇хаад̇уяам̣ жасса рааг̇о бахийно бхавад̇и, на жа бхаяааг̇ад̇им̣ г̇ажчад̇и.
Citte cittānupassī viharanto ‘‘anicce nicca’’nti vipallāsaṃ pajahati, viññāṇaṃ cassa āhāro pariññaṃ gacchati, diṭṭhupādānena ca anupādāno bhavati, diṭṭhiyogena ca visaṃyutto bhavati, sīlabbataparāmāsakāyaganthena ca vippayujjati, diṭṭhāsavena ca anāsavo bhavati, diṭṭhoghañca uttiṇṇo bhavati, mānasallena ca visallo bhavati, saññūpikā cassa viññāṇaṭṭhiti pariññaṃ gacchati, saññādhātuyaṃ cassa rāgo pahīno bhavati, na ca bhayāgatiṃ gacchati.
д̇хаммзсу д̇хаммаанубассий вихаранд̇о ‘‘анад̇д̇ани 3 ад̇д̇аа’’д̇и вибаллаасам̣ баж̇ахад̇и, маносан̃жзд̇анаа жасса аахааро барин̃н̃ам̣ г̇ажчад̇и, ад̇д̇аваад̣̇убаад̣̇аанзна жа анубаад̣̇аано бхавад̇и, авиж̇ж̇ааяог̇зна жа висам̣яуд̇д̇о бхавад̇и, ид̣̇ам̣сажжаабхинивзсагааяаг̇ант̇зна жа виббаяуж̇ж̇ад̇и, авиж̇ж̇аасавзна жа анаасаво бхавад̇и, авиж̇ж̇огхан̃жа уд̇д̇ин̣н̣о бхавад̇и, мохасаллзна жа висалло бхавад̇и , сан̇кааруубигаа жасса вин̃н̃аан̣адтид̇и барин̃н̃ам̣ г̇ажчад̇и, сан̇каарад̇хаад̇уяам̣ жасса рааг̇о бахийно бхавад̇и, на жа мохааг̇ад̇им̣ г̇ажчад̇и. аяам̣ бахаанзна самааробанаа.
Dhammesu dhammānupassī viharanto ‘‘anattani 4 attā’’ti vipallāsaṃ pajahati, manosañcetanā cassa āhāro pariññaṃ gacchati, attavādupādānena ca anupādāno bhavati, avijjāyogena ca visaṃyutto bhavati, idaṃsaccābhinivesakāyaganthena ca vippayujjati, avijjāsavena ca anāsavo bhavati, avijjoghañca uttiṇṇo bhavati, mohasallena ca visallo bhavati , saṅkhārūpikā cassa viññāṇaṭṭhiti pariññaṃ gacchati, saṅkhāradhātuyaṃ cassa rāgo pahīno bhavati, na ca mohāgatiṃ gacchati. Ayaṃ pahānena samāropanā.
д̇знааха ааяасмаа махаагажжааяано –
Tenāha āyasmā mahākaccāyano –
‘‘яз д̇хаммаа яам̣ муулаа, яз жзгад̇т̇аа багаасид̇аа мунинаа;
‘‘Ye dhammā yaṃ mūlā, ye cekatthā pakāsitā muninā;
д̇з самааробаяид̇аб̣б̣аа, зса самааробано хааро’’д̇и.
Te samāropayitabbā, esa samāropano hāro’’ti.
нияуд̇д̇о самааробано хааро.
Niyutto samāropano hāro.
нидтид̇о жа хааравибхан̇г̇о.
Niṭṭhito ca hāravibhaṅgo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 16. самааробанахааравибхан̇г̇аван̣н̣анаа • 16. Samāropanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 16. самааробанахааравибхан̇г̇аван̣н̣анаа • 16. Samāropanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 16. самааробанахааравибхан̇г̇авибхааванаа • 16. Samāropanahāravibhaṅgavibhāvanā
