| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
సమథాధికరణవారకథావణ్ణనా
Samathādhikaraṇavārakathāvaṇṇanā
౩౦౯-౩౧౦. సమథా సమథేహి సమ్మన్తీతిఆది పుచ్ఛా. సియా సమథా సమథేహి సమ్మన్తీతిఆది విస్సజ్జనం. తత్థ సమథా సమథేహి సమ్మన్తీతి ఏత్థ సమ్మన్తీతి సమ్పజ్జన్తి, అధికరణా వా పన సమ్మన్తి వూపసమం గచ్ఛన్తి, తస్మా యేభుయ్యసికా సమ్ముఖావినయేన సమ్మతీతి ఏత్థ సమ్ముఖావినయేన సద్ధిం యేభుయ్యసికా సమ్పజ్జతి, న సతివినయాదీహి సద్ధిం తేసం తస్సా అనుపకారత్తాతి ఏవమత్థో దట్ఠబ్బో.
309-310.Samathā samathehi sammantītiādi pucchā. Siyā samathā samathehi sammantītiādi vissajjanaṃ. Tattha samathā samathehi sammantīti ettha sammantīti sampajjanti, adhikaraṇā vā pana sammanti vūpasamaṃ gacchanti, tasmā yebhuyyasikā sammukhāvinayena sammatīti ettha sammukhāvinayena saddhiṃ yebhuyyasikā sampajjati, na sativinayādīhi saddhiṃ tesaṃ tassā anupakārattāti evamattho daṭṭhabbo.
౩౧౧. ‘‘సమ్ముఖావినయో వివాదాధికరణేన సమ్మతీ’’తి పాఠో. ‘‘సమ్ముఖావినయో న కేనచి సమ్మతీ’’తి హి అవసానే వుత్తత్తా సమ్ముఖావినయో సయం సమథేన వా అధికరణేన వా సమేతబ్బో న హోతి.
311. ‘‘Sammukhāvinayo vivādādhikaraṇena sammatī’’ti pāṭho. ‘‘Sammukhāvinayo na kenaci sammatī’’ti hi avasāne vuttattā sammukhāvinayo sayaṃ samathena vā adhikaraṇena vā sametabbo na hoti.
౩౧౩. వివాదాధికరణం…పే॰… కిచ్చాధికరణేన సమ్మతీతి ఏత్థ ‘‘సుణాతు మే భన్తే …పే॰… పఠమం సలాకం నిక్ఖిపామీ’’తి ఏవం వివాదాధికరణం కిచ్చాధికరణేన సమ్మతీతి దట్ఠబ్బం.
313.Vivādādhikaraṇaṃ…pe… kiccādhikaraṇena sammatīti ettha ‘‘suṇātu me bhante …pe… paṭhamaṃ salākaṃ nikkhipāmī’’ti evaṃ vivādādhikaraṇaṃ kiccādhikaraṇena sammatīti daṭṭhabbaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / పరివారపాళి • Parivārapāḷi / ౧౯. సమథాధికరణవారో • 19. Samathādhikaraṇavāro
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / సంసట్ఠవారాదివణ్ణనా • Saṃsaṭṭhavārādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / సంసట్ఠవారాదివణ్ణనా • Saṃsaṭṭhavārādivaṇṇanā
