| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
самат̇агканд̇хагагат̇аа
Samathakkhandhakakathā
2760.
2760.
виваад̣̇аад̇хаарад̇аа жаану-ваад̣̇аад̇хигаран̣амби жа;
Vivādādhāratā cānu-vādādhikaraṇampi ca;
аабад̇д̇аад̇хаарад̇аа жзва, гижжаад̇хигаран̣амби жа.
Āpattādhāratā ceva, kiccādhikaraṇampi ca.
2761.
2761.
зд̇аани бана жад̇д̇аари, вуд̇д̇аани жа махзсинаа;
Etāni pana cattāri, vuttāni ca mahesinā;
бхзд̣̇агаарагавад̇т̇ууни, виваад̣̇о д̇ад̇т̇а ниссид̇о.
Bhedakārakavatthūni, vivādo tattha nissito.
2762.
2762.
вибад̇д̇ияо жад̇ассова, ануваад̣̇о убааг̇ад̇о;
Vipattiyo catassova, anuvādo upāgato;
аабад̇д̇аад̇хаарад̇аа наама, сад̇д̇а аабад̇д̇ияо мад̇аа.
Āpattādhāratā nāma, satta āpattiyo matā.
2763.
2763.
сан̇гхагижжаани ниссааяа, гижжаад̇хигаран̣ам̣ сияаа;
Saṅghakiccāni nissāya, kiccādhikaraṇaṃ siyā;
зд̇зсам̣ д̇у жад̇уннамби, самад̇д̇аа самат̇аа мад̇аа.
Etesaṃ tu catunnampi, samattā samathā matā.
2764.
2764.
саммукаа сад̇и жаамуул̣хо, бадин̃н̃аавинаяоби жа;
Sammukhā sati cāmūḷho, paṭiññāvinayopi ca;
д̇ассабаабияасий жзва, д̇ат̇аа язбхуяяасийби жа.
Tassapāpiyasī ceva, tathā yebhuyyasīpi ca.
2765.
2765.
д̇ин̣авад̇т̇аараго жзва, сад̇д̇амо винаяо мад̇о;
Tiṇavatthārako ceva, sattamo vinayo mato;
сад̇д̇имз самат̇аа вуд̇д̇аа, б̣уд̣̇д̇хзнаад̣̇ижжаб̣анд̇хунаа.
Sattime samathā vuttā, buddhenādiccabandhunā.
2766.
2766.
виваад̣̇о саммад̇и д̣̇вийхи, ануваад̣̇о жад̇уухи жа;
Vivādo sammati dvīhi, anuvādo catūhi ca;
аабад̇д̇и бана д̇ийхзва, гижжамзгзна саммад̇и.
Āpatti pana tīheva, kiccamekena sammati.
2767.
2767.
чадтзна батамзнааби, виваад̣̇о зд̇т̇а саммад̇и;
Chaṭṭhena paṭhamenāpi, vivādo ettha sammati;
саммукаавинаяаад̣̇ийхи, анубуб̣б̣зна д̇ийхиби.
Sammukhāvinayādīhi, anupubbena tīhipi.
2768.
2768.
д̇ат̇зва бан̃жамзнааби, ануваад̣̇о хи саммад̇и;
Tatheva pañcamenāpi, anuvādo hi sammati;
саммукзна бадин̃н̃ааяа, д̇ин̣авад̇т̇аарагзна жа.
Sammukhena paṭiññāya, tiṇavatthārakena ca.
2769.
2769.
аабад̇д̇уубасамам̣ яаад̇и, д̇ийхзва самат̇зхи саа;
Āpattūpasamaṃ yāti, tīheva samathehi sā;
саммукаавинаязнзва, гижжамзгзна саммад̇и.
Sammukhāvinayeneva, kiccamekena sammati.
2770.
2770.
язбхуяяасигагаммз д̇у, салаагам̣ г̇аахаяз б̣уд̇хо;
Yebhuyyasikakamme tu, salākaṃ gāhaye budho;
г̇уул̣хзна вивадзнааби, ган̣н̣аж̇аббзна ваа бана.
Gūḷhena vivaṭenāpi, kaṇṇajappena vā pana.
2771.
2771.
алаж̇ж̇уссад̣̇з г̇уул̣хзна, вивадзнзва лаж̇ж̇ису;
Alajjussade gūḷhena, vivaṭeneva lajjisu;
б̣аалзсу ган̣н̣аж̇аббзна, салаагам̣ г̇аахаяз б̣уд̇хо.
Bālesu kaṇṇajappena, salākaṃ gāhaye budho.
2772.
2772.
лаж̇ж̇ий алаж̇ж̇ий б̣аалод̇и, гзна саггаа виж̇аанид̇ум̣?
Lajjī alajjī bāloti, kena sakkā vijānituṃ?
сагзна гаммунааязва, д̇зна саггаа виж̇аанид̇ум̣.
Sakena kammunāyeva, tena sakkā vijānituṃ.
2773.
2773.
аабаж̇ж̇ад̇и жа сан̃жижжа, аабад̇д̇им̣ бариг̇уухад̇и;
Āpajjati ca sañcicca, āpattiṃ parigūhati;
чанд̣̇аад̣̇иаг̇ад̇им̣ яаад̇и, алаж̇ж̇ий зд̣̇исо сияаа.
Chandādiagatiṃ yāti, alajjī ediso siyā.
2774.
2774.
наабаж̇ж̇ад̇и жа сан̃жижжа, аабад̇д̇им̣ на жа г̇уухад̇и;
Nāpajjati ca sañcicca, āpattiṃ na ca gūhati;
на г̇ажчад̇иг̇ад̇ин̃жааби, зд̣̇исо лаж̇ж̇и буг̇г̇ало.
Na gacchatigatiñcāpi, ediso lajji puggalo.
2775.
2775.
д̣̇ужжинд̇ид̇о жа д̣̇уб̣бхаасий, д̇ат̇аа д̣̇уггадагаариго;
Duccintito ca dubbhāsī, tathā dukkaṭakāriko;
зд̣̇исо бана ‘‘б̣аало’’д̇и, лагкан̣знзва н̃ааяад̇и.
Ediso pana ‘‘bālo’’ti, lakkhaṇeneva ñāyati.
2776.
2776.
д̇ид̇хаа салаагаг̇аахзна, б̣ахугаа д̇хаммаваад̣̇ино;
Tidhā salākagāhena, bahukā dhammavādino;
язбхуяяасигагаммзна, гад̇д̇аб̣б̣анд̇и ж̇иноб̣рави.
Yebhuyyasikakammena, kattabbanti jinobravi.
2777.
2777.
алаж̇ж̇ий саануваад̣̇о жа, асужий гаммад̇о жа яо;
Alajjī sānuvādo ca, asucī kammato ca yo;
д̇ассабаабияасийгамма-яог̇г̇о со ход̇и буг̇г̇ало.
Tassapāpiyasīkamma-yoggo so hoti puggalo.
2778.
2778.
бхан̣д̣анз галахз ж̇аад̇з, виваад̣̇асмим̣ анаббагз;
Bhaṇḍane kalahe jāte, vivādasmiṃ anappake;
б̣ахуассааман̣з жин̣н̣з, анаг̇г̇зби жа бхассагз.
Bahuassāmaṇe ciṇṇe, anaggepi ca bhassake.
2779.
2779.
мууламуулам̣ г̇авзсанд̇ам̣, ход̇и ваал̣ан̃жа гагкал̣ам̣;
Mūlamūlaṃ gavesantaṃ, hoti vāḷañca kakkhaḷaṃ;
д̇ин̣авад̇т̇аарагзнзва, гаад̇аб̣б̣анд̇и багаасид̇ам̣.
Tiṇavatthārakeneva, kātabbanti pakāsitaṃ.
2780.
2780.
яат̇аа жа д̇ин̣абан̣н̣зна, чаннам̣ г̇уут̇ан̃жа муд̇д̇агам̣;
Yathā ca tiṇapaṇṇena, channaṃ gūthañca muttakaṃ;
на жа вааяад̇и д̣̇уг̇г̇анд̇хам̣, вуубасаммад̇и д̇ан̇кан̣з.
Na ca vāyati duggandhaṃ, vūpasammati taṅkhaṇe.
2781.
2781.
табзд̇ваа т̇уллаваж̇ж̇ан̃жа, г̇ихийхи бадисам̣яуд̇ам̣;
Ṭhapetvā thullavajjañca, gihīhi paṭisaṃyutaṃ;
д̣̇идтаавигаммиган̃жзва, яо жа д̇ад̇т̇а на ход̇и д̇ам̣.
Diṭṭhāvikammikañceva, yo ca tattha na hoti taṃ.
2782.
2782.
сзсааяаабад̇д̇ияаа яаава, убасамбад̣̇амаал̣ад̇о;
Sesāyāpattiyā yāva, upasampadamāḷato;
суд̣̇д̇хо ход̇и нираабад̇д̇и, д̇ин̣авад̇т̇аарагз д̇ат̇аа.
Suddho hoti nirāpatti, tiṇavatthārake tathā.
самат̇агканд̇хагагат̇аа.
Samathakkhandhakakathā.
