| Library / Tipiṭaka / திபிடக • Tipiṭaka / வினயவினிச்ச²ய-டீகா • Vinayavinicchaya-ṭīkā |
ஸமத²க்க²ந்த⁴ககதா²வண்ணனா
Samathakkhandhakakathāvaṇṇanā
2760. இதா³னி ஸமத²வினிச்ச²யங் த³ஸ்ஸேதுங் யேஸு அதி⁴கரணேஸு ஸந்தேஸு ஸமதே²ஹி ப⁴விதப்³ப³ங், தானி தாவ த³ஸ்ஸெந்தோ ஆஹ ‘‘விவாதா³தா⁴ரதா’’திஆதி³. விவாதா³தா⁴ரதாதி விவாதா³தி⁴கரணங். ஆபத்தாதா⁴ரதாதி எத்தா²பி ஏஸேவ நயோ. ஆதா⁴ரதாதி அதி⁴கரணபரியாயோ. ஆதா⁴ரீயதி அபி⁴பு⁴ய்யதி வூபஸம்மதி ஸமதே²ஹீதி ஆதா⁴ரோ, விவாதோ³ ச ஸோ ஆதா⁴ரோ சாதி விவாதா³தா⁴ரோ, ஸோ ஏவ விவாதா³தா⁴ரதா. ஏவமாதா⁴ராதி⁴கரண-ஸத்³தா³னங் விவாதா³தி³ஸத்³தே³ஹி ஸஹ கம்மதா⁴ரயஸமாஸோ த³ட்ட²ப்³போ³. அதி⁴கரீயதி அபி⁴பு⁴ய்யதி வூபஸம்மதி ஸமதே²ஹீதி அதி⁴கரணந்தி விவாதா³தி³சதுப்³பி³த⁴மேவ பாளியங் த³ஸ்ஸிதங். அயமத்தோ² ‘‘ஏதேஸங் து சதுன்னம்பி, ஸமத்தா ஸமதா² மதா’’தி வக்க²மானேன விஞ்ஞாயதி.
2760. Idāni samathavinicchayaṃ dassetuṃ yesu adhikaraṇesu santesu samathehi bhavitabbaṃ, tāni tāva dassento āha ‘‘vivādādhāratā’’tiādi. Vivādādhāratāti vivādādhikaraṇaṃ. Āpattādhāratāti etthāpi eseva nayo. Ādhāratāti adhikaraṇapariyāyo. Ādhārīyati abhibhuyyati vūpasammati samathehīti ādhāro, vivādo ca so ādhāro cāti vivādādhāro, so eva vivādādhāratā. Evamādhārādhikaraṇa-saddānaṃ vivādādisaddehi saha kammadhārayasamāso daṭṭhabbo. Adhikarīyati abhibhuyyati vūpasammati samathehīti adhikaraṇanti vivādādicatubbidhameva pāḷiyaṃ dassitaṃ. Ayamattho ‘‘etesaṃ tu catunnampi, samattā samathā matā’’ti vakkhamānena viññāyati.
2761. ஏதானி சத்தாரி அதி⁴கரணானி ச ‘‘இத⁴ பன, பி⁴க்க²வே, பி⁴க்கூ² விவத³ந்தி ‘த⁴ம்மோ’தி வா ‘அத⁴ம்மோ’தி வா’’தி (சூளவ॰ 215) அட்டா²ரஸ பே⁴த³காரகவத்தூ²னி ச மஹேஸினா வுத்தானி. தத்த² தேஸு சதூஸு அதி⁴கரணேஸு விவாதோ³ அதி⁴கரணஸங்கா²தோ ஏதானி அட்டா²ரஸ பே⁴த³கரவத்தூ²னி நிஸ்ஸிதோ நிஸ்ஸாய பவத்தோதி யோஜனா.
2761.Etāni cattāri adhikaraṇāni ca ‘‘idha pana, bhikkhave, bhikkhū vivadanti ‘dhammo’ti vā ‘adhammo’ti vā’’ti (cūḷava. 215) aṭṭhārasa bhedakārakavatthūni ca mahesinā vuttāni. Tattha tesu catūsu adhikaraṇesu vivādo adhikaraṇasaṅkhāto etāni aṭṭhārasa bhedakaravatthūni nissito nissāya pavattoti yojanā.
2762. விபத்தியோ சதஸ்ஸோவாதி ‘‘இத⁴ பன, பி⁴க்க²வே, பி⁴க்கூ² பி⁴க்கு²ங் அனுவத³ந்தி ஸீலவிபத்தியா வா ஆசாரவிபத்தியா வா தி³ட்டி²விபத்தியா வா ஆஜீவவிபத்தியா வா’’தி (சூளவ॰ 215) வுத்தா சதஸ்ஸோ விபத்தியோ. தி³ட்டா²தீ³னங் அனுக³ந்த்வா ஸீலவிபத்திஆதீ³ஹி வத³னங் சோத³னா அனுவாதோ³. உபாக³தோதி நிஸ்ஸிதோ, அனுவாதோ³ சதஸ்ஸோ விபத்தியோ நிஸ்ஸாய பவத்தோதி அத்தோ². ‘‘தத்தா²’’தி பட²மமேவ நித்³தா⁴ரணஸ்ஸ வுத்தத்தா இத⁴ புனவசனே பயோஜனங் ந தி³ஸ்ஸதி, ‘‘ஸம்ப⁴வா’’தி வசனஸ்ஸாபி ந கோசி அத்த²விஸேஸோ தி³ஸ்ஸதி. தஸ்மா ‘‘ஆபத்தாதா⁴ரதா தத்த², ஸத்தஆபத்திஸம்ப⁴வா’’தி பாடோ² ந யுஜ்ஜதி, ‘‘ஆபத்தாதா⁴ரதா நாம, ஸத்த ஆபத்தியோ மதா’’தி பாடோ² யுத்ததரோ, ஆபத்தாதா⁴ரதா நாம ஆபத்தாதி⁴கரணங் நாம ஸத்த ஆபத்தியோ மதா ஸத்த ஆபத்தியோவ அதி⁴ப்பேதாதி அத்தோ².
2762.Vipattiyo catassovāti ‘‘idha pana, bhikkhave, bhikkhū bhikkhuṃ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā’’ti (cūḷava. 215) vuttā catasso vipattiyo. Diṭṭhādīnaṃ anugantvā sīlavipattiādīhi vadanaṃ codanā anuvādo. Upāgatoti nissito, anuvādo catasso vipattiyo nissāya pavattoti attho. ‘‘Tatthā’’ti paṭhamameva niddhāraṇassa vuttattā idha punavacane payojanaṃ na dissati, ‘‘sambhavā’’ti vacanassāpi na koci atthaviseso dissati. Tasmā ‘‘āpattādhāratā tattha, sattaāpattisambhavā’’ti pāṭho na yujjati, ‘‘āpattādhāratā nāma, satta āpattiyo matā’’ti pāṭho yuttataro, āpattādhāratā nāma āpattādhikaraṇaṃ nāma satta āpattiyo matā satta āpattiyova adhippetāti attho.
2763. ஸங்க⁴கிச்சானி நிஸ்ஸாயாதி அபலோகனகம்மாதீ³னி சத்தாரி ஸங்க⁴கம்மானி உபாதா³ய கிச்சாதி⁴கரணாபி⁴தா⁴னங் ஸியா, கிச்சாதி⁴கரணங் நாம சத்தாரி ஸங்க⁴கம்மானீதி அத்தோ². ஏதேஸங் து சதுன்னம்பீதி ஏதேஸங் பன சதுன்னம்பி அதி⁴கரணானங். ஸமத்தாதி வூபஸமஹேதுத்தா. ஸமதா² மதாதி ஸம்முகா²வினயாத³யோ ஸத்த அதி⁴கரணஸமதா²தி அதி⁴ப்பேதா. அதி⁴கரணானி ஸமெந்தி, ஸம்மந்தி வா ஏதேஹீதி ‘‘ஸமதா²’’தி வுச்சந்தீதி ‘‘ஸமத்தா ஸமதா² மதா’’தி இமினா ஸமத²-ஸத்³த³ஸ்ஸ அன்வத்த²ங் தீ³பேதி.
2763.Saṅghakiccāni nissāyāti apalokanakammādīni cattāri saṅghakammāni upādāya kiccādhikaraṇābhidhānaṃ siyā, kiccādhikaraṇaṃ nāma cattāri saṅghakammānīti attho. Etesaṃ tu catunnampīti etesaṃ pana catunnampi adhikaraṇānaṃ. Samattāti vūpasamahetuttā. Samathā matāti sammukhāvinayādayo satta adhikaraṇasamathāti adhippetā. Adhikaraṇāni samenti, sammanti vā etehīti ‘‘samathā’’ti vuccantīti ‘‘samattā samathā matā’’ti iminā samatha-saddassa anvatthaṃ dīpeti.
2764-5. தே ஸரூபதோ த³ஸ்ஸேதுமாஹ ‘‘ஸம்முகா²’’திஆதி³. ‘‘வினயோ’’தி இத³ங் ஸம்முகா²தி³பதே³ஹி பச்சேகங் யோஜேதப்³ப³ங் ‘‘ஸம்முகா²வினயோ ஸதிவினயோ அமூள்ஹவினயோ’’தி. ‘‘படிஞ்ஞாவினயோ’’தி ச படிஞ்ஞாதகரணங் வுத்தங். ஸத்தமோ வினயோதி ஸமதோ² அதி⁴ப்பேதோ. திணவத்தா²ரகோதி இமே ஸத்த ஸமதா² பு³த்³தே⁴னாதி³ச்சப³ந்து⁴னா வுத்தாதி யோஜனா.
2764-5. Te sarūpato dassetumāha ‘‘sammukhā’’tiādi. ‘‘Vinayo’’ti idaṃ sammukhādipadehi paccekaṃ yojetabbaṃ ‘‘sammukhāvinayo sativinayo amūḷhavinayo’’ti. ‘‘Paṭiññāvinayo’’ti ca paṭiññātakaraṇaṃ vuttaṃ. Sattamo vinayoti samatho adhippeto. Tiṇavatthārakoti ime satta samathā buddhenādiccabandhunā vuttāti yojanā.
2766. சதூஸு அதி⁴கரணேஸு யங் அதி⁴கரணங் யத்தகேஹி ஸமதே²ஹி ஸம்மதி, தே ஸங்க³ஹெத்வா த³ஸ்ஸெந்தோ ஆஹ ‘‘விவாதோ³’’திஆதி³.
2766. Catūsu adhikaraṇesu yaṃ adhikaraṇaṃ yattakehi samathehi sammati, te saṅgahetvā dassento āha ‘‘vivādo’’tiādi.
2767-9. ‘‘விவாதோ³’’திஆதி³னா உத்³தி³ட்ட²மத்த²ங் நித்³தி³ஸந்தோ ஆஹ ‘‘ச²ட்டே²னா’’திஆதி³. எத்த² ஏதேஸு சதூஸு அதி⁴கரணேஸு, ஸமதே²ஸு ச கிங் கேன ஸம்மதீதி சே? விவாதோ³ விவாதா³தி⁴கரணங் ச²ட்டே²ன யேபு⁴ய்யஸிகாய, பட²மேன ஸமதே²ன ஸம்முகா²வினயேன சாதி த்³வீஹி ஸமதே²ஹி ஸம்மதி. யஸ்ஸா கிரியாய த⁴ம்மவாதி³னோ ப³ஹுதரா, ஏஸா யேபு⁴ய்யஸிகா. ‘‘ஸங்க⁴ஸம்முக²தா, த⁴ம்மஸம்முக²தா, வினயஸம்முக²தா, புக்³க³லஸம்முக²தா’’தி (சூளவ॰ 229, 234, 236, 237, 242) வுத்தானங் ஸங்கா⁴தீ³னங் சதுன்னங் ஸன்னிதா⁴னேன வா க³ணபுக்³க³லேஹி ஸமியமானங் விவாதா³தி⁴கரணங் ஸங்க⁴ஸம்முக²தங் வினா இதரேஹி தீஹி வா ஸம்மதீதி வுத்தங் ஹோதி.
2767-9. ‘‘Vivādo’’tiādinā uddiṭṭhamatthaṃ niddisanto āha ‘‘chaṭṭhenā’’tiādi. Ettha etesu catūsu adhikaraṇesu, samathesu ca kiṃ kena sammatīti ce? Vivādo vivādādhikaraṇaṃ chaṭṭhena yebhuyyasikāya, paṭhamena samathena sammukhāvinayena cāti dvīhi samathehi sammati. Yassā kiriyāya dhammavādino bahutarā, esā yebhuyyasikā. ‘‘Saṅghasammukhatā, dhammasammukhatā, vinayasammukhatā, puggalasammukhatā’’ti (cūḷava. 229, 234, 236, 237, 242) vuttānaṃ saṅghādīnaṃ catunnaṃ sannidhānena vā gaṇapuggalehi samiyamānaṃ vivādādhikaraṇaṃ saṅghasammukhataṃ vinā itarehi tīhi vā sammatīti vuttaṃ hoti.
எத்த² ச காரகஸங்க⁴ஸ்ஸ ஸங்க⁴ஸாமக்³கி³வஸேன ஸம்முகீ²பா⁴வோ ஸங்க⁴ஸம்முக²தா, ஸமேதப்³ப³ஸ்ஸ வத்து²னோ பூ⁴ததா த⁴ம்மஸம்முக²தா, யதா² தங் ஸமேதப்³ப³ங், ததே²வஸ்ஸ ஸமனங் வினயஸம்முக²தா, யோ ச விவத³தி, யேன ச விவத³தி, தேஸங் உபி⁴ன்னங் அத்த²பச்சத்தி²கானங் ஸம்முகீ²பா⁴வோ புக்³க³லஸம்முக²தா.
Ettha ca kārakasaṅghassa saṅghasāmaggivasena sammukhībhāvo saṅghasammukhatā, sametabbassa vatthuno bhūtatā dhammasammukhatā, yathā taṃ sametabbaṃ, tathevassa samanaṃ vinayasammukhatā, yo ca vivadati, yena ca vivadati, tesaṃ ubhinnaṃ atthapaccatthikānaṃ sammukhībhāvo puggalasammukhatā.
‘‘அனுவாதோ³ சதூஹிபீ’’தி உத்³தி³ட்ட²ங் நித்³தி³ஸந்தோ ஆஹ ‘‘ஸம்முகா²’’திஆதி³. அனுபுப்³பே³னாதி அனுபடிபாடியா. ஸம்முகா²வினயாதீ³ஹி தீஹிபீதி ஸம்முகா²வினயஸதிவினயஅமூள்ஹவினயேஹி தீஹிபி. ததே²வாதி யதா² தீஹி, ததா² பஞ்சமேன தஸ்ஸபாபியஸிகாஸமதே²னாபி அனுவாதோ³ ஸம்மதி, பகே³வ சதூஹீதி அத்தோ².
‘‘Anuvādo catūhipī’’ti uddiṭṭhaṃ niddisanto āha ‘‘sammukhā’’tiādi. Anupubbenāti anupaṭipāṭiyā. Sammukhāvinayādīhi tīhipīti sammukhāvinayasativinayaamūḷhavinayehi tīhipi. Tathevāti yathā tīhi, tathā pañcamena tassapāpiyasikāsamathenāpi anuvādo sammati, pageva catūhīti attho.
யோ பாபுஸ்ஸன்னதாய பாபியோ புக்³க³லோ, தஸ்ஸ கத்தப்³ப³தோ ‘‘தஸ்ஸபாபியஸிகா’’தி கம்மங் வுச்சதி. ஆயஸ்மதோ த³ப்³ப³ஸ்ஸ மல்லபுத்தஸ்ஸ விய ஸதிவேபுல்லப்பத்தஸ்ஸ கீ²ணாஸவஸ்ஸ கதா அமூலிகா ஸீலவிபத்திசோத³னா ஸம்முகா²வினயேன, ஞத்திசதுத்தா²ய கம்மவாசாய தி³ன்னேன ஸதிவினயேன ச ஸம்மதி. உம்மத்தகஸ்ஸ பி⁴க்கு²னோ கதா ஆபத்திசோத³னா ஸம்முகா²வினயேன ச ததே²வ தி³ன்னேன அமூள்ஹவினயேன ச ஸம்மதி. ஸங்க⁴மஜ்ஜே² ஆபத்தியா சோதி³யமானஸ்ஸ அவஜானித்வா படிஜானநாதி³ங் கரொந்தஸ்ஸ பாபபி⁴க்கு²னோ ப³ஹுலாபத்திசோத³னா ஸம்முகா²வினயேன சேவ ததே²வ பகதேன தஸ்ஸபாபியஸிகாகம்மேன ச வூபஸம்மதீதி வுத்தங் ஹோதி.
Yo pāpussannatāya pāpiyo puggalo, tassa kattabbato ‘‘tassapāpiyasikā’’ti kammaṃ vuccati. Āyasmato dabbassa mallaputtassa viya sativepullappattassa khīṇāsavassa katā amūlikā sīlavipatticodanā sammukhāvinayena, ñatticatutthāya kammavācāya dinnena sativinayena ca sammati. Ummattakassa bhikkhuno katā āpatticodanā sammukhāvinayena ca tatheva dinnena amūḷhavinayena ca sammati. Saṅghamajjhe āpattiyā codiyamānassa avajānitvā paṭijānanādiṃ karontassa pāpabhikkhuno bahulāpatticodanā sammukhāvinayena ceva tatheva pakatena tassapāpiyasikākammena ca vūpasammatīti vuttaṃ hoti.
‘‘ஆபத்தி பன தீஹேவா’’தி உத்³தே³ஸஸ்ஸ நித்³தே³ஸமாஹ ‘‘ஸம்முகே²னா’’திஆதி³. ஸம்முகே²ன ஸம்முகா²வினயேன, படிஞ்ஞாய படிஞ்ஞாதகரணேன, திணவத்தா²ரகேன வா இமேஹி தீஹி ஏவ ஸமதே²ஹி ஸா ஆபத்தி ஆபத்தாதி⁴கரணங் உபஸமங் யாதீதி யோஜனா. எத்த² படிஞ்ஞாதகரணங் நாம ஆபத்திங் படிக்³க³ண்ஹந்தேன ‘‘பஸ்ஸஸீ’’தி வுத்தே ஆபத்திங் தே³ஸெந்தேன ‘‘ஆம பஸ்ஸாமீ’’தி ஸம்படிச்ச²னங். திணவத்தா²ரகங் பன ஸயமேவ வக்க²தி.
‘‘Āpatti pana tīhevā’’ti uddesassa niddesamāha ‘‘sammukhenā’’tiādi. Sammukhena sammukhāvinayena, paṭiññāya paṭiññātakaraṇena, tiṇavatthārakena vā imehi tīhi eva samathehi sā āpatti āpattādhikaraṇaṃ upasamaṃ yātīti yojanā. Ettha paṭiññātakaraṇaṃ nāma āpattiṃ paṭiggaṇhantena ‘‘passasī’’ti vutte āpattiṃ desentena ‘‘āma passāmī’’ti sampaṭicchanaṃ. Tiṇavatthārakaṃ pana sayameva vakkhati.
தீஹேவ ஸமதே²ஹீதி எத்த² க³ருகாபத்தி ஸம்முகா²வினயேன, படிஞ்ஞாதகரணேன சாதி த்³வீஹி, லஹுகாபத்திங் ஆபஜ்ஜித்வா ஸங்கே⁴ வா க³ணே வா புக்³க³லே வா தே³ஸனாய ஸம்முகா²வினயேன சேவ படிஞ்ஞாதகரணேன ச, கோஸம்ப³கானங் விக்³க³ஹஸதி³ஸங் மஹாவிக்³க³ஹங் கரொந்தேஹி ஆபன்னா அனேகவிதா⁴ ஆபத்தியோ ஸசே ஹொந்தி, தாஸு வக்க²மானஸரூபங் து²ல்லவஜ்ஜாதி³ங் ட²பெத்வா அவஸேஸா ஸப்³பா³ ஆபத்தியோ ஸம்முகா²வினயேன, திணவத்தா²ரகேன ச ஸம்மந்தீதி அத்தோ².
Tīheva samathehīti ettha garukāpatti sammukhāvinayena, paṭiññātakaraṇena cāti dvīhi, lahukāpattiṃ āpajjitvā saṅghe vā gaṇe vā puggale vā desanāya sammukhāvinayena ceva paṭiññātakaraṇena ca, kosambakānaṃ viggahasadisaṃ mahāviggahaṃ karontehi āpannā anekavidhā āpattiyo sace honti, tāsu vakkhamānasarūpaṃ thullavajjādiṃ ṭhapetvā avasesā sabbā āpattiyo sammukhāvinayena, tiṇavatthārakena ca sammantīti attho.
கிச்சங் கிச்சாதி⁴கரணங் ஏகேன ஸம்முகா²வினயேனேவ ஸம்மதீதி யோஜனா.
Kiccaṃ kiccādhikaraṇaṃ ekena sammukhāvinayeneva sammatīti yojanā.
2770. யேபு⁴ய்யஸிககம்மேதி எத்த² நிமித்தத்தே² பு⁴ம்மங். ஸலாகங் கா³ஹயேதி வினிச்ச²யகாரகே ஸங்கே⁴ த⁴ம்மவாதீ³னங் ப³ஹுத்தங் வா அப்பதரத்தங் வா ஜானிதுங் வக்க²மானேன நயேன ஸலாகங் கா³ஹாபெய்ய. பு³தோ⁴தி ‘‘ந ச²ந்தா³க³திங் க³ச்ச²தி…பே॰… க³ஹிதாக³ஹிதஞ்ச ஜானாதீ’’தி வுத்தங் பஞ்சஹி அங்கே³ஹி ஸமன்னாக³தங் புக்³க³லங் த³ஸ்ஸேதி. ‘‘கூ³ள்ஹேனா’’திஆதி³னா ஸலாகக்³கா³ஹப்பகாரோ த³ஸ்ஸிதோ. கண்ணஜப்பேனாதி எத்த² கண்ணே ஜப்போ யஸ்மிங் ஸலாகக்³கா³ஹபயோகே³தி விக்³க³ஹோ. எத்த² கூ³ள்ஹஸலாகக்³கா³ஹோ நாம த⁴ம்மவாதி³ஸலாகா ச அத⁴ம்மவாதி³ஸலாகா ச விஸுங் விஸுங் சீவரகண்ணே பக்கி²பித்வா புக்³க³லானங் ஸந்திகங் விஸுங் விஸுங் உபஸங்கமித்வா ஸலாகா விஸுங் விஸுங் த³ஸ்ஸெத்வா ‘‘இதோ தவ ருச்சனகங் க³ண்ஹாஹீ’’தி ரஹோ ட²த்வா கா³ஹாபனங். விவடகங் நாம த⁴ம்மவாதீ³னங் ப³ஹுபா⁴வங் ஞத்வா ஸப்³பே³ஸு ஜானந்தேஸு புக்³க³லானங் ஸந்திகங் கா³ஹாபனங். கண்ணஜப்பனங் நாம ஏவமேவ கண்ணமூலே ரஹோ ட²த்வா கா³ஹாபனங்.
2770.Yebhuyyasikakammeti ettha nimittatthe bhummaṃ. Salākaṃ gāhayeti vinicchayakārake saṅghe dhammavādīnaṃ bahuttaṃ vā appatarattaṃ vā jānituṃ vakkhamānena nayena salākaṃ gāhāpeyya. Budhoti ‘‘na chandāgatiṃ gacchati…pe… gahitāgahitañca jānātī’’ti vuttaṃ pañcahi aṅgehi samannāgataṃ puggalaṃ dasseti. ‘‘Gūḷhenā’’tiādinā salākaggāhappakāro dassito. Kaṇṇajappenāti ettha kaṇṇe jappo yasmiṃ salākaggāhapayogeti viggaho. Ettha gūḷhasalākaggāho nāma dhammavādisalākā ca adhammavādisalākā ca visuṃ visuṃ cīvarakaṇṇe pakkhipitvā puggalānaṃ santikaṃ visuṃ visuṃ upasaṅkamitvā salākā visuṃ visuṃ dassetvā ‘‘ito tava ruccanakaṃ gaṇhāhī’’ti raho ṭhatvā gāhāpanaṃ. Vivaṭakaṃ nāma dhammavādīnaṃ bahubhāvaṃ ñatvā sabbesu jānantesu puggalānaṃ santikaṃ gāhāpanaṃ. Kaṇṇajappanaṃ nāma evameva kaṇṇamūle raho ṭhatvā gāhāpanaṃ.
2771. அலஜ்ஜுஸ்ஸதே³தி எத்த² ‘‘ஸங்கே⁴’’தி ஸேஸோ. லஜ்ஜிஸு பா³லேஸூதி எத்தா²பி ‘‘உஸ்ஸதே³ஸூ’’தி வத்தப்³ப³ங்.
2771.Alajjussadeti ettha ‘‘saṅghe’’ti seso. Lajjisu bālesūti etthāpi ‘‘ussadesū’’ti vattabbaṃ.
2772. ஸகேன கம்முனாயேவாதி அத்தனோ யங் கிச்சங், தேனேவாதி.
2772.Sakena kammunāyevāti attano yaṃ kiccaṃ, tenevāti.
2773-5. ‘‘ஆபஜ்ஜதீ’’திஆதி³ ‘‘அலஜ்ஜீ, லஜ்ஜீ, பா³லோ’’தி ஜானநஸ்ஸ ஹேதுபூ⁴தகம்மத³ஸ்ஸனங். து³ச்சிந்திதோதி அபி⁴ஜ்ஜா²தி³திவித⁴மனோது³ச்சரிதவஸேன து³ட்டு² சிந்தெந்தோ. து³ப்³பா⁴ஸீதி முஸாவாதா³தி³சதுப்³பி³த⁴வசீது³ச்சரிதவஸேன வசீத்³வாரே பஞ்ஞத்தானங் ஸிக்கா²பதா³னங் வீதிக்கமவஸேன து³ட்டு² பா⁴ஸனஸீலோ. து³க்கடகாரிகோதி பாணாதிபாதாதி³திவித⁴காயது³ச்சரிதவஸேன காயத்³வாரே பஞ்ஞத்தஸிக்கா²பதா³னங் வீதிக்கமவஸேன குச்சி²தகம்மஸ்ஸ கரணஸீலோ. இதி லக்க²ணேனேவாதி யதா²வுத்தங் அலஜ்ஜீலஜ்ஜீபா³லலக்க²ணங் நிக³மேதி.
2773-5.‘‘Āpajjatī’’tiādi ‘‘alajjī, lajjī, bālo’’ti jānanassa hetubhūtakammadassanaṃ. Duccintitoti abhijjhāditividhamanoduccaritavasena duṭṭhu cintento. Dubbhāsīti musāvādādicatubbidhavacīduccaritavasena vacīdvāre paññattānaṃ sikkhāpadānaṃ vītikkamavasena duṭṭhu bhāsanasīlo. Dukkaṭakārikoti pāṇātipātāditividhakāyaduccaritavasena kāyadvāre paññattasikkhāpadānaṃ vītikkamavasena kucchitakammassa karaṇasīlo. Iti lakkhaṇenevāti yathāvuttaṃ alajjīlajjībālalakkhaṇaṃ nigameti.
2776. ‘‘யேபு⁴ய்யஸிகா’’திஆதி³கா³தா²ஹி நித்³தி³ட்ட²மேவ அத்த²ங் நிக³மேதுமாஹ ‘‘திதா⁴’’திஆதி³. திதா⁴ஸலாககா³ஹேனாதி திவித⁴ஸ்ஸ ஸலாககா³ஹஸ்ஸ அஞ்ஞதரேன. ப³ஹுகா த⁴ம்மவாதி³னோ யதி³ ஸியுந்தி யோஜனா. காதப்³ப³ந்தி எத்த² ‘‘விவாதா³தி⁴கரணவூபஸமன’’ந்தி ஸேஸோ.
2776. ‘‘Yebhuyyasikā’’tiādigāthāhi niddiṭṭhameva atthaṃ nigametumāha ‘‘tidhā’’tiādi. Tidhāsalākagāhenāti tividhassa salākagāhassa aññatarena. Bahukā dhammavādino yadi siyunti yojanā. Kātabbanti ettha ‘‘vivādādhikaraṇavūpasamana’’nti seso.
2777. யோ புக்³க³லோ அலஜ்ஜீ ச ஹோதி ஸானுவாதோ³ ச கம்மதோ காயகம்மதோ, வசீகம்மதோ ச அஸுசி ச ஸம்பு³த்³த⁴ஜிகு³ச்ச²னீயோதி அத்தோ². ஸோ ஏவங்விதோ⁴ பாபபுக்³க³லோ தஸ்ஸ பாபியஸிககம்மஸ்ஸ யோகோ³ ஹோதீதி ஸம்ப³ந்தோ⁴. ஸானுவாதோ³தி எத்த² அனுவாதோ³ நாம சோத³னா, ஸஹ அனுவாதே³ன வத்ததீதி ஸானுவாதோ³, பாபக³ரஹிதபுக்³க³லேஹி காதப்³ப³சோத³னாய அனுரூபோதி அத்தோ².
2777. Yo puggalo alajjī ca hoti sānuvādo ca kammato kāyakammato, vacīkammato ca asuci ca sambuddhajigucchanīyoti attho. So evaṃvidho pāpapuggalo tassa pāpiyasikakammassa yogo hotīti sambandho. Sānuvādoti ettha anuvādo nāma codanā, saha anuvādena vattatīti sānuvādo, pāpagarahitapuggalehi kātabbacodanāya anurūpoti attho.
2778-9. ப⁴ண்ட³னேதி கலஹஸ்ஸ புப்³ப³பா⁴கே³. கலஹேதி காயவசீத்³வாரப்பவத்தே ஹத்த²பராமஸாதி³கே கலஹே ச. விவாத³ம்ஹி அனப்பகேதி ப³ஹுவிதே⁴ விவாதே³ ஜாதே. ப³ஹுஅஸ்ஸாமணே சிண்ணேதி ஸமணானங் அனநுச்ச²விகே நானப்பகாரே காயிகவாசஸிகவீதிக்கமே ச கதே. அனக்³கே³தி அனந்தே. ப⁴ஸ்ஸகேதி குச்சி²தே அமனாபவசனே சிண்ணேதி யோஜனா, பா⁴ஸிதேதி அத்தோ². க³வேஸந்தந்தி க³வேஸியமானங், ஆபத்தாதி⁴கரணந்தி ஸேஸோ. வாளந்தி சண்ட³ங். கக்க²ளந்தி ஆஸஜ்ஜங். காதப்³ப³ந்தி வூபஸமேதப்³ப³ங்.
2778-9.Bhaṇḍaneti kalahassa pubbabhāge. Kalaheti kāyavacīdvārappavatte hatthaparāmasādike kalahe ca. Vivādamhi anappaketi bahuvidhe vivāde jāte. Bahuassāmaṇe ciṇṇeti samaṇānaṃ ananucchavike nānappakāre kāyikavācasikavītikkame ca kate. Anaggeti anante. Bhassaketi kucchite amanāpavacane ciṇṇeti yojanā, bhāsiteti attho. Gavesantanti gavesiyamānaṃ, āpattādhikaraṇanti seso. Vāḷanti caṇḍaṃ. Kakkhaḷanti āsajjaṃ. Kātabbanti vūpasametabbaṃ.
2780-2. யதா² ச வூபஸம்மதி, ததா² திணவத்தா²ரகே ஸுத்³தோ⁴ ஹோதீதி ஸம்ப³ந்தோ⁴.
2780-2. Yathā ca vūpasammati, tathā tiṇavatthārake suddho hotīti sambandho.
து²ல்லவஜ்ஜந்தி பாராஜிகஞ்சேவ ஸங்கா⁴தி³ஸேஸஞ்ச. கி³ஹீஹி படிஸங்யுதந்தி கி³ஹீனங் ஜாதிஆதீ³ஹி பாளியா ஆக³தேஹி த³ஸஹி அக்கோஸவத்தூ²ஹி, அட்ட²கதா²க³தேஹி ச தத³ஞ்ஞேஹி அக்கோஸவத்தூ²ஹி கு²ங்ஸனவம்ப⁴னபச்சயா ச த⁴ம்மிகபடிஸ்ஸவஸ்ஸ அஸச்சாபனபச்சயா ச ஆபன்னாபத்திங். ஏஸா ஏவ ஹி ஆபத்தி கி³ஹிபடிஸங்யுத்தா நாம பரிவாரே ‘‘அத்தி² கி³ஹிபடிஸங்யுத்தா, அத்தி² நகி³ஹிபடிஸங்யுத்தா’’தி து³கங் நிக்கி²பித்வா ‘‘கி³ஹிபடிஸங்யுத்தாதி ஸுத⁴ம்மத்தே²ரஸ்ஸ ஆபத்தி, யா ச த⁴ம்மிகஸ்ஸ படிஸ்ஸவஸ்ஸ அஸச்சாபனே ஆபத்தி. அவஸேஸா நகி³ஹிபடிஸங்யுத்தா’’தி (பரி॰ அட்ட²॰ 321) வசனதோ.
Thullavajjanti pārājikañceva saṅghādisesañca. Gihīhi paṭisaṃyutanti gihīnaṃ jātiādīhi pāḷiyā āgatehi dasahi akkosavatthūhi, aṭṭhakathāgatehi ca tadaññehi akkosavatthūhi khuṃsanavambhanapaccayā ca dhammikapaṭissavassa asaccāpanapaccayā ca āpannāpattiṃ. Esā eva hi āpatti gihipaṭisaṃyuttā nāma parivāre ‘‘atthi gihipaṭisaṃyuttā, atthi nagihipaṭisaṃyuttā’’ti dukaṃ nikkhipitvā ‘‘gihipaṭisaṃyuttāti sudhammattherassa āpatti, yā ca dhammikassa paṭissavassa asaccāpane āpatti. Avasesā nagihipaṭisaṃyuttā’’ti (pari. aṭṭha. 321) vacanato.
ஸுத⁴ம்மத்தே²ரஸ்ஸ ஆபத்தீதி ச தேன சித்தஸ்ஸ க³ஹபதினோ ஜாதிங் படிச்ச கு²ங்ஸனவம்ப⁴னபச்சயா ஆபன்னா ஓமஸவாத³ஸிக்கா²பத³விபா⁴க³க³தா து³க்கடாபத்தி க³ஹேதப்³பா³. இத³ஞ்ச உபலக்க²ணமத்தங், தஸ்மா இதரேஹிபி அக்கோஸவத்தூ²ஹி கி³ஹிங் கு²ங்ஸெந்தானங் வம்பெ⁴ந்தானங் இதரேஸங் பி⁴க்கூ²னங் ஸா ஆபத்தி கி³ஹிபடிஸங்யுத்தாவாதி வேதி³தப்³ப³ங். ததா² ஆபன்னங் ஆபத்திங் தே³ஸாபெந்தேன த³ஸ்ஸனூபசாரங் அவிஜஹாபெத்வா ஸவனூபசாரங் ஜஹாபெத்வா ஏகங்ஸே உத்தராஸங்க³ங் காராபெத்வா உக்குடிகங் நிஸீதா³பெத்வா அஞ்ஜலிங் பக்³க³ண்ஹாபெத்வா ஸா ஆபத்தி தே³ஸாபேதப்³பா³.
Sudhammattherassa āpattīti ca tena cittassa gahapatino jātiṃ paṭicca khuṃsanavambhanapaccayā āpannā omasavādasikkhāpadavibhāgagatā dukkaṭāpatti gahetabbā. Idañca upalakkhaṇamattaṃ, tasmā itarehipi akkosavatthūhi gihiṃ khuṃsentānaṃ vambhentānaṃ itaresaṃ bhikkhūnaṃ sā āpatti gihipaṭisaṃyuttāvāti veditabbaṃ. Tathā āpannaṃ āpattiṃ desāpentena dassanūpacāraṃ avijahāpetvā savanūpacāraṃ jahāpetvā ekaṃse uttarāsaṅgaṃ kārāpetvā ukkuṭikaṃ nisīdāpetvā añjaliṃ paggaṇhāpetvā sā āpatti desāpetabbā.
தி³ட்டா²விகம்மிகந்தி தி³ட்டா²விகம்மே நியுத்தோ தி³ட்டா²விகம்மிகோ, தங், அட்ட²கதா²யங் ‘‘யே பன ‘ந மேதங் க²மதீ’தி அஞ்ஞமஞ்ஞங் தி³ட்டா²விகம்மங் கரொந்தீ’’தி (சூளவ॰ அட்ட²॰ 214) யே புக்³க³லா த³ஸ்ஸிதா, தேஸமஞ்ஞதரஸ்ஸேவ க³ஹணங்.
Diṭṭhāvikammikanti diṭṭhāvikamme niyutto diṭṭhāvikammiko, taṃ, aṭṭhakathāyaṃ ‘‘ye pana ‘na metaṃ khamatī’ti aññamaññaṃ diṭṭhāvikammaṃ karontī’’ti (cūḷava. aṭṭha. 214) ye puggalā dassitā, tesamaññatarasseva gahaṇaṃ.
யோதி ப⁴ண்ட³னகாரகேஹி பி⁴க்கூ²ஹி ஸத்³தி⁴ங் மஹந்தங் விக்³க³ஹங் கத்வா ஸம்ப³ஹுலா ஆபத்தியோ ஆபன்னோ யோ பி⁴க்கு². தத்தா²தி தஸ்மிங் திணவத்தா²ரகஸமத²காரகே பி⁴க்கு²ஸமூஹே. ந ஹோதீதி ச²ந்த³ங் த³த்வா தங் பி⁴க்கு²பரிஸங் அனாக³தத்தா ந ஸங்விஜ்ஜதி. தஞ்ச ட²பெத்வாதி யோஜனா.
Yoti bhaṇḍanakārakehi bhikkhūhi saddhiṃ mahantaṃ viggahaṃ katvā sambahulā āpattiyo āpanno yo bhikkhu. Tatthāti tasmiṃ tiṇavatthārakasamathakārake bhikkhusamūhe. Na hotīti chandaṃ datvā taṃ bhikkhuparisaṃ anāgatattā na saṃvijjati. Tañca ṭhapetvāti yojanā.
திணவத்தா²ரகே கதே ஸதி யாவ உபஸம்பத³மாளதோ பபு⁴தி ஆபன்னாய ஸேஸாய ஆபத்தியா நிராபத்தி ஹுத்வா ஸுத்³தோ⁴ ஹோதி ஸங்கோ⁴தி யோஜனா.
Tiṇavatthārake kate sati yāva upasampadamāḷato pabhuti āpannāya sesāya āpattiyā nirāpatti hutvā suddho hoti saṅghoti yojanā.
ஸமத²க்க²ந்த⁴ககதா²வண்ணனா.
Samathakkhandhakakathāvaṇṇanā.
