| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
૭. સમથવારો
7. Samathavāro
૧૮૬. મેથુનં ધમ્મં પટિસેવન્તસ્સ આપત્તિયો સત્તન્નં સમથાનં કતિહિ સમથેહિ સમ્મન્તિ? મેથુનં ધમ્મં પટિસેવન્તસ્સ આપત્તિયો સત્તન્નં સમથાનં તીહિ સમથેહિ સમ્મન્તિ – સિયા સમ્મુખાવિનયેન ચ પટિઞ્ઞાતકરણેન ચ, સિયા સમ્મુખાવિનયેન ચ તિણવત્થારકેન ચ…પે॰….
186. Methunaṃ dhammaṃ paṭisevantassa āpattiyo sattannaṃ samathānaṃ katihi samathehi sammanti? Methunaṃ dhammaṃ paṭisevantassa āpattiyo sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca…pe….
અનાદરિયં પટિચ્ચ ઉદકે ઉચ્ચારં વા પસ્સાવં વા ખેળં વા કરોન્તસ્સ આપત્તિ સત્તન્નં સમથાનં કતિહિ સમથેહિ સમ્મતિ? અનાદરિયં પટિચ્ચ ઉદકે ઉચ્ચારં વા પસ્સાવં વા ખેળં વા કરોન્તસ્સ આપત્તિ સત્તન્નં સમથાનં તીહિ સમથેહિ સમ્મતિ – સિયા સમ્મુખાવિનયેન ચ પટિઞ્ઞાતકરણેન ચ, સિયા સમ્મુખાવિનયેન ચ તિણવત્થારકેન ચ.
Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti sattannaṃ samathānaṃ katihi samathehi sammati? Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti sattannaṃ samathānaṃ tīhi samathehi sammati – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
સમથવારો નિટ્ઠિતો સત્તમો.
Samathavāro niṭṭhito sattamo.
