| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၇. သမထဝာရော
7. Samathavāro
၁၉၉. မေထုနံ ဓမ္မံ ပဋိသေဝနပစ္စယာ အာပတ္တိယော သတ္တန္နံ သမထာနံ ကတိဟိ သမထေဟိ သမ္မန္တိ? မေထုနံ ဓမ္မံ ပဋိသေဝနပစ္စယာ အာပတ္တိယော သတ္တန္နံ သမထာနံ တီဟိ သမထေဟိ သမ္မန္တိ – သိယာ သမ္မုခာဝိနယေန စ ပဋိညာတကရဏေန စ; သိယာ သမ္မုခာဝိနယေန တိဏဝတ္ထာရကေန စ။ပေ.။။
199. Methunaṃ dhammaṃ paṭisevanapaccayā āpattiyo sattannaṃ samathānaṃ katihi samathehi sammanti? Methunaṃ dhammaṃ paṭisevanapaccayā āpattiyo sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca; siyā sammukhāvinayena tiṇavatthārakena ca…pe….
အနာဒရိယံ ပဋိစ္စ ဥဒကေ ဥစ္စာရံ ဝာ ပသ္သာဝံ ဝာ ခေဠံ ဝာ ကရဏပစ္စယာ အာပတ္တိ သတ္တန္နံ သမထာနံ ကတိဟိ သမထေဟိ သမ္မတိ? အနာဒရိယံ ပဋိစ္စ ဥဒကေ ဥစ္စာရံ ဝာ ပသ္သာဝံ ဝာ ခေဠံ ဝာ ကရဏပစ္စယာ အာပတ္တိ သတ္တန္နံ သမထာနံ တီဟိ သမထေဟိ သမ္မတိ – သိယာ သမ္မုခာဝိနယေန စ ပဋိညာတကရဏေန စ, သိယာ သမ္မုခာဝိနယေန စ တိဏဝတ္ထာရကေန စာတိ။
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti sattannaṃ samathānaṃ katihi samathehi sammati? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti sattannaṃ samathānaṃ tīhi samathehi sammati – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
သမထဝာရော နိဋ္ဌိတော သတ္တမော။
Samathavāro niṭṭhito sattamo.
