| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
30-32. ஸமதித்திகாதி³ஸிக்கா²பத³வண்ணனா
30-32. Samatittikādisikkhāpadavaṇṇanā
ஸமதித்திகந்தி பா⁴வனபுங்ஸகனித்³தே³ஸோ, ஸமதித்திகங் கத்வாதி அத்தோ². ஏவமஞ்ஞேஸுபி ஈதி³ஸேஸு டா²னேஸு அத்தோ² த³ட்ட²ப்³போ³. ஸமபுண்ணந்தி (ஸாரத்த²॰ டீ॰ பாசித்திய 3.605) பத்தஸ்ஸ அந்தோமுக²வட்டிலேகா²ஸமபுண்ணங். ஸமப⁴ரிதந்தி எத்தா²பி ஏஸேவ நயோ. தஞ்ச கோ² அதி⁴ட்டா²னுபக³பத்தஸ்ஸேவ, நேதரஸ்ஸ. தேனாஹ ‘‘அதி⁴ட்டா²னுபக³பத்தஸ்ஸா’’திஆதி³. ரசிதந்தி கதங், பக்கி²த்தங் பூரிதந்தி அத்தோ². யங் கிஞ்சி யாவகாலிகந்தி யாகு³ப⁴த்தப²லாப²லாதி³ங் யங் கிஞ்சி ஆமிஸஜாதிகங். யத்த² கத்த²சீதி அதி⁴ட்டா²னுபகோ³ வா ஹோது, அனதி⁴ட்டா²னுபகோ³ வா யத்த² கத்த²சி பத்தே . தூ²பீகதானீதி தூ²பங் விய கதானி, அதி⁴ட்டா²னுபக³ஸ்ஸ பத்தஸ்ஸ அந்தோமுக²வட்டிலேக²ங் அதிக்கமித்வா கதானீதி அத்தோ². இத³ஞ்ச ‘‘யாமகாலிகாதீ³னீ’’தி இமஸ்ஸ வஸேன வுத்தங், ‘‘யாவகாலிக’’ந்தி இமஸ்ஸ பன வஸேன வசனப்³யத்தயங் கத்வா ‘‘தூ²பீகதம்பி வட்டதீ’’தி யோஜேதப்³ப³ங். பி-ஸத்³தே³ன அதூ²பீகதானி வட்டந்தீதி எத்த² கதா²வ நத்தீ²தி த³ஸ்ஸேதி. ஹெட்டா² ஓரோஹதீதி ஸமந்தா ஓகாஸஸப்³பா⁴வதோ சாலியமானங் ஹெட்டா² ப⁴ஸ்ஸதி . தக்கோலவடங்ஸகாத³யோதி எத்த² மத்த²கே ட²பிததக்கோலமேவ வடங்ஸகஸதி³ஸத்தா தக்கோலவடங்ஸகங். ஆதி³ஸத்³தே³ன புப்ப²வடங்ஸககடுகப²லாதி³வடங்ஸகானங் (பாசி॰ அட்ட²॰ 605) க³ஹணங், ந தங் தூ²பீகதங் நாம ஹோதி பாடேக்கங் பா⁴ஜனத்தா பண்ணாதீ³னங்.
Samatittikanti bhāvanapuṃsakaniddeso, samatittikaṃ katvāti attho. Evamaññesupi īdisesu ṭhānesu attho daṭṭhabbo. Samapuṇṇanti (sārattha. ṭī. pācittiya 3.605) pattassa antomukhavaṭṭilekhāsamapuṇṇaṃ. Samabharitanti etthāpi eseva nayo. Tañca kho adhiṭṭhānupagapattasseva, netarassa. Tenāha ‘‘adhiṭṭhānupagapattassā’’tiādi. Racitanti kataṃ, pakkhittaṃ pūritanti attho. Yaṃ kiñci yāvakālikanti yāgubhattaphalāphalādiṃ yaṃ kiñci āmisajātikaṃ. Yattha katthacīti adhiṭṭhānupago vā hotu, anadhiṭṭhānupago vā yattha katthaci patte . Thūpīkatānīti thūpaṃ viya katāni, adhiṭṭhānupagassa pattassa antomukhavaṭṭilekhaṃ atikkamitvā katānīti attho. Idañca ‘‘yāmakālikādīnī’’ti imassa vasena vuttaṃ, ‘‘yāvakālika’’nti imassa pana vasena vacanabyattayaṃ katvā ‘‘thūpīkatampi vaṭṭatī’’ti yojetabbaṃ. Pi-saddena athūpīkatāni vaṭṭantīti ettha kathāva natthīti dasseti. Heṭṭhā orohatīti samantā okāsasabbhāvato cāliyamānaṃ heṭṭhā bhassati . Takkolavaṭaṃsakādayoti ettha matthake ṭhapitatakkolameva vaṭaṃsakasadisattā takkolavaṭaṃsakaṃ. Ādisaddena pupphavaṭaṃsakakaṭukaphalādivaṭaṃsakānaṃ (pāci. aṭṭha. 605) gahaṇaṃ, na taṃ thūpīkataṃ nāma hoti pāṭekkaṃ bhājanattā paṇṇādīnaṃ.
ஸமதித்திகாதி³ஸிக்கா²பத³வண்ணனா நிட்டி²தா.
Samatittikādisikkhāpadavaṇṇanā niṭṭhitā.
