| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. сааман̃н̃аваг̇г̇о
5. Sāmaññavaggo
1. самб̣аад̇хасуд̇д̇ам̣
1. Sambādhasuttaṃ
42. згам̣ самаяам̣ ааяасмаа аананд̣̇о госамб̣ияам̣ вихарад̇и гхосид̇аараамз. ат̇а ко ааяасмаа уд̣̇ааяий язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа уд̣̇ааяий ааяасманд̇ам̣ аананд̣̇ам̣ зд̇ад̣̇авожа – ‘‘вуд̇д̇амид̣̇ам̣, аавусо, бан̃жаалажан̣д̣зна д̣̇звабуд̇д̇зна –
42. Ekaṃ samayaṃ āyasmā ānando kosambiyaṃ viharati ghositārāme. Atha kho āyasmā udāyī yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā udāyī āyasmantaṃ ānandaṃ etadavoca – ‘‘vuttamidaṃ, āvuso, pañcālacaṇḍena devaputtena –
‘‘самб̣аад̇хз г̇ад̇ам̣ 1 огаасам̣, авид̣̇ваа бхууримзд̇хасо;
‘‘Sambādhe gataṃ 2 okāsaṃ, avidvā bhūrimedhaso;
яо жхаанамаб̣уж̇жхи б̣уд̣̇д̇хо, бадилийнанисабхо муний’’д̇и.
Yo jhānamabujjhi buddho, paṭilīnanisabho munī’’ti.
‘‘гад̇амо, аавусо, самб̣аад̇хо, гад̇амо самб̣аад̇хз огаасаад̇хиг̇амо вуд̇д̇о бхаг̇авад̇аа’’д̇и? ‘‘бан̃жимз, аавусо, гаамаг̇ун̣аа самб̣аад̇хо вуд̇д̇о бхаг̇авад̇аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. имз ко, аавусо, бан̃жа гаамаг̇ун̣аа самб̣аад̇хо вуд̇д̇о бхаг̇авад̇аа.
‘‘Katamo, āvuso, sambādho, katamo sambādhe okāsādhigamo vutto bhagavatā’’ti? ‘‘Pañcime, āvuso, kāmaguṇā sambādho vutto bhagavatā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, āvuso, pañca kāmaguṇā sambādho vutto bhagavatā.
‘‘ид̇хаавусо, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна. д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а вид̇аггавижаараа анируд̣̇д̇хаа хонд̇и, аяамзд̇т̇а самб̣аад̇хо.
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena. Tatrāpatthi sambādho. Kiñca tattha sambādho? Yadeva tattha vitakkavicārā aniruddhā honti, ayamettha sambādho.
‘‘буна жабарам̣, аавусо, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна . д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а бийд̇и анируд̣̇д̇хаа ход̇и , аяамзд̇т̇а самб̣аад̇хо.
‘‘Puna caparaṃ, āvuso, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena . Tatrāpatthi sambādho. Kiñca tattha sambādho? Yadeva tattha pīti aniruddhā hoti , ayamettha sambādho.
‘‘буна жабарам̣, аавусо, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна. д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а убзгкаасукам̣ анируд̣̇д̇хам̣ ход̇и, аяамзд̇т̇а самб̣аад̇хо.
‘‘Puna caparaṃ, āvuso, bhikkhu pītiyā ca virāgā…pe… tatiyaṃ jhānaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena. Tatrāpatthi sambādho. Kiñca tattha sambādho? Yadeva tattha upekkhāsukhaṃ aniruddhaṃ hoti, ayamettha sambādho.
‘‘буна жабарам̣, аавусо, бхигку сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна. д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а руубасан̃н̃аа анируд̣̇д̇хаа ход̇и, аяамзд̇т̇а самб̣аад̇хо.
‘‘Puna caparaṃ, āvuso, bhikkhu sukhassa ca pahānā…pe… catutthaṃ jhānaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena. Tatrāpatthi sambādho. Kiñca tattha sambādho? Yadeva tattha rūpasaññā aniruddhā hoti, ayamettha sambādho.
‘‘буна жабарам̣, аавусо, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна. д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а аагаасаанан̃жааяад̇анасан̃н̃аа анируд̣̇д̇хаа ход̇и, аяамзд̇т̇а самб̣аад̇хо.
‘‘Puna caparaṃ, āvuso, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena. Tatrāpatthi sambādho. Kiñca tattha sambādho? Yadeva tattha ākāsānañcāyatanasaññā aniruddhā hoti, ayamettha sambādho.
‘‘буна жабарам̣, аавусо, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна . д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а вин̃н̃аан̣ан̃жааяад̇анасан̃н̃аа анируд̣̇д̇хаа ход̇и, аяамзд̇т̇а самб̣аад̇хо.
‘‘Puna caparaṃ, āvuso, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena . Tatrāpatthi sambādho. Kiñca tattha sambādho? Yadeva tattha viññāṇañcāyatanasaññā aniruddhā hoti, ayamettha sambādho.
‘‘буна жабарам̣, аавусо, бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна. д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а аагин̃жан̃н̃ааяад̇анасан̃н̃аа анируд̣̇д̇хаа ход̇и, аяамзд̇т̇а самб̣аад̇хо.
‘‘Puna caparaṃ, āvuso, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena. Tatrāpatthi sambādho. Kiñca tattha sambādho? Yadeva tattha ākiñcaññāyatanasaññā aniruddhā hoti, ayamettha sambādho.
‘‘буна жабарам̣, аавусо, бхигку саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа барияааязна. д̇ад̇раабад̇т̇и самб̣аад̇хо. гин̃жа д̇ад̇т̇а самб̣аад̇хо? яад̣̇зва д̇ад̇т̇а нзвасан̃н̃аанаасан̃н̃ааяад̇анасан̃н̃аа анируд̣̇д̇хаа ход̇и, аяамзд̇т̇а самб̣аад̇хо.
‘‘Puna caparaṃ, āvuso, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ettāvatāpi kho, āvuso, sambādhe okāsādhigamo vutto bhagavatā pariyāyena. Tatrāpatthi sambādho. Kiñca tattha sambādho? Yadeva tattha nevasaññānāsaññāyatanasaññā aniruddhā hoti, ayamettha sambādho.
‘‘буна жабарам̣, аавусо, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. зд̇д̇аавад̇ааби ко, аавусо, самб̣аад̇хз огаасаад̇хиг̇амо вуд̇д̇о бхаг̇авад̇аа ниббарияааязнаа’’д̇и. батамам̣.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, sambādhe okāsādhigamo vutto bhagavatā nippariyāyenā’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. самб̣аад̇хасуд̇д̇аван̣н̣анаа • 1. Sambādhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. самб̣аад̇хасуд̇д̇аад̣̇иван̣н̣анаа • 1-10. Sambādhasuttādivaṇṇanā
