| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౫. సామఞ్ఞవగ్గో
5. Sāmaññavaggo
౧. సమ్బాధసుత్తవణ్ణనా
1. Sambādhasuttavaṇṇanā
౪౨. పఞ్చమస్స పఠమే ఉదాయీతి కాళుదాయిత్థేరో. అవిద్వాతి అఞ్ఞాసి. భూరిమేధసోతి మహాపఞ్ఞో. యో ఝానమబుజ్ఝీతి యో ఝానం అబుజ్ఝి. పటిలీననిసభోతి ఏకీభావవసేన పటిలీనో చేవ ఉత్తమట్ఠేన చ నిసభో. మునీతి బుద్ధముని. పరియాయేనాతి ఏకేన కారణేన. కామసమ్బాధస్స హి అభావమత్తేనేవ పఠమజ్ఝానం ఓకాసాధిగమో నామ, న సబ్బథా సబ్బం. తత్రాపత్థి సమ్బాధోతి తస్మిమ్పి పఠమజ్ఝానే సమ్బాధో పటిపీళనం అత్థియేవ. తత్రాపిత్థీతిపి పాఠో. కిఞ్చ తత్థ సమ్బాధోతి తస్మిం పన ఝానే కిం సమ్బాధో నామ. అయమేత్థ సమ్బాధోతి అయం వితక్కవిచారానం అనిరుద్ధభావో సమ్బాధో సంపీళా నామ. ఇమినా ఉపాయేన సబ్బవారేసు అత్థో వేదితబ్బో. నిప్పరియాయేనాతి న ఏకేన కారణేన, అథ ఖో ఆసవక్ఖయో నామ సబ్బసమ్బాధానం పహీనత్తా సబ్బేన సబ్బం ఓకాసాధిగమో నామాతి.
42. Pañcamassa paṭhame udāyīti kāḷudāyitthero. Avidvāti aññāsi. Bhūrimedhasoti mahāpañño. Yo jhānamabujjhīti yo jhānaṃ abujjhi. Paṭilīnanisabhoti ekībhāvavasena paṭilīno ceva uttamaṭṭhena ca nisabho. Munīti buddhamuni. Pariyāyenāti ekena kāraṇena. Kāmasambādhassa hi abhāvamatteneva paṭhamajjhānaṃ okāsādhigamo nāma, na sabbathā sabbaṃ. Tatrāpatthi sambādhoti tasmimpi paṭhamajjhāne sambādho paṭipīḷanaṃ atthiyeva. Tatrāpitthītipi pāṭho. Kiñca tattha sambādhoti tasmiṃ pana jhāne kiṃ sambādho nāma. Ayamettha sambādhoti ayaṃ vitakkavicārānaṃ aniruddhabhāvo sambādho saṃpīḷā nāma. Iminā upāyena sabbavāresu attho veditabbo. Nippariyāyenāti na ekena kāraṇena, atha kho āsavakkhayo nāma sabbasambādhānaṃ pahīnattā sabbena sabbaṃ okāsādhigamo nāmāti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧. సమ్బాధసుత్తం • 1. Sambādhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. సమ్బాధసుత్తాదివణ్ణనా • 1-10. Sambādhasuttādivaṇṇanā
