| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[515] 5. самбхаваж̇аад̇агаван̣н̣анаа
[515] 5. Sambhavajātakavaṇṇanā
раж̇ж̇ан̃жа бадибаннаасмаад̇и ид̣̇ам̣ сад̇т̇аа ж̇зд̇аванз вихаранд̇о бан̃н̃аабаарамим̣ аараб̣бха гат̇зси. бажжуббаннавад̇т̇у махаауман̇г̇аж̇аад̇агз (ж̇аа. 2.22.590 аад̣̇аяо) аави бхависсад̇и.
Rajjañcapaṭipannāsmāti idaṃ satthā jetavane viharanto paññāpāramiṃ ārabbha kathesi. Paccuppannavatthu mahāumaṅgajātake (jā. 2.22.590 ādayo) āvi bhavissati.
ад̇ийд̇з бана гурурадтз инд̣̇абад̇т̇анаг̇арз д̇ханан̃жаяагораб̣яо наама рааж̇аа раж̇ж̇ам̣ гаарзси. д̇асса сужирад̇о наама б̣раахман̣о бурохид̇о ад̇т̇ад̇хаммаанусаасаго ахоси. рааж̇аа д̣̇аанаад̣̇ийни бун̃н̃аани гаронд̇о д̇хаммзна раж̇ж̇аманусааси. со згад̣̇ивасам̣ д̇хаммаяааг̇ам̣ наама бан̃хам̣ абхисан̇карид̇ваа сужирад̇ам̣ наама б̣раахман̣ам̣ бурохид̇ам̣ аасанз нисийд̣̇аабзд̇ваа саггаарам̣ гад̇ваа бан̃хам̣ бужчанд̇о жад̇ассо г̇аат̇ааяо абхааси –
Atīte pana kururaṭṭhe indapatthanagare dhanañcayakorabyo nāma rājā rajjaṃ kāresi. Tassa sucirato nāma brāhmaṇo purohito atthadhammānusāsako ahosi. Rājā dānādīni puññāni karonto dhammena rajjamanusāsi. So ekadivasaṃ dhammayāgaṃ nāma pañhaṃ abhisaṅkharitvā sucirataṃ nāma brāhmaṇaṃ purohitaṃ āsane nisīdāpetvā sakkāraṃ katvā pañhaṃ pucchanto catasso gāthāyo abhāsi –
138.
138.
‘‘раж̇ж̇ан̃жа бадибаннаасма, аад̇хибажжам̣ сужийрад̇а;
‘‘Rajjañca paṭipannāsma, ādhipaccaṃ sucīrata;
махад̇д̇ам̣ бад̇д̇умижчаами, виж̇зд̇ум̣ бат̇авим̣ имам̣.
Mahattaṃ pattumicchāmi, vijetuṃ pathaviṃ imaṃ.
139.
139.
‘‘д̇хаммзна но ад̇хаммзна, ад̇хаммо мз на ружжад̇и;
‘‘Dhammena no adhammena, adhammo me na ruccati;
гижжова д̇хаммо жарид̇о, ран̃н̃о ход̇и сужийрад̇а.
Kiccova dhammo carito, rañño hoti sucīrata.
140.
140.
‘‘ид̇ха жзваанинд̣̇ид̇аа язна, бзжжа язна анинд̣̇ид̇аа;
‘‘Idha cevāninditā yena, pecca yena aninditā;
яасам̣ д̣̇звамануссзсу, язна баббому б̣раахман̣а.
Yasaṃ devamanussesu, yena pappomu brāhmaṇa.
141.
141.
‘‘яохам̣ ад̇т̇ан̃жа д̇хамман̃жа, гад̇д̇умижчаами б̣раахман̣а;
‘‘Yohaṃ atthañca dhammañca, kattumicchāmi brāhmaṇa;
д̇ам̣ д̇вам̣ ад̇т̇ан̃жа д̇хамман̃жа, б̣раахман̣агкаахи бужчид̇о’’д̇и.
Taṃ tvaṃ atthañca dhammañca, brāhmaṇakkhāhi pucchito’’ti.
д̇ад̇т̇а раж̇ж̇анд̇и, аажарияа, маяам̣ имасмим̣ сад̇д̇аяож̇анигз инд̣̇абад̇т̇анаг̇арз раж̇ж̇ан̃жа, д̇ияож̇анасад̇игз гурурадтз иссарабхаавасан̇каад̇ам̣ аад̇хибажжан̃жа. бадибаннаасмаад̇и ад̇хиг̇ад̇аа бхаваама. махад̇д̇анд̇и ид̣̇аани маханд̇абхаавам̣. бад̇д̇умижчаами виж̇зд̇унд̇и имам̣ бат̇авим̣ д̇хаммзна абхибхавид̇ум̣ аж̇жход̇т̇арид̇ум̣ ижчаами. гижжоваад̇и авасзсаж̇анзхи ран̃н̃о жарид̇о д̇хаммо гижжо гаран̣ийяад̇аро. рааж̇аанувад̇д̇аго хи лого, со д̇асмим̣ д̇хаммигз саб̣б̣оби д̇хаммиго ход̇и. д̇асмаа зса д̇хаммо наама ран̃н̃ова гижжод̇и.
Tattha rajjanti, ācariya, mayaṃ imasmiṃ sattayojanike indapatthanagare rajjañca, tiyojanasatike kururaṭṭhe issarabhāvasaṅkhātaṃ ādhipaccañca. Paṭipannāsmāti adhigatā bhavāma. Mahattanti idāni mahantabhāvaṃ. Pattumicchāmi vijetunti imaṃ pathaviṃ dhammena abhibhavituṃ ajjhottharituṃ icchāmi. Kiccovāti avasesajanehi rañño carito dhammo kicco karaṇīyataro. Rājānuvattako hi loko, so tasmiṃ dhammike sabbopi dhammiko hoti. Tasmā esa dhammo nāma raññova kiccoti.
ид̇ха жзваанинд̣̇ид̇аад̇и язна маяам̣ ид̇халогз баралогз жа анинд̣̇ид̇аа. язна баббомууд̇и язна маяам̣ нираяаад̣̇ийсу аниб̣б̣ад̇д̇ид̇ваа д̣̇звзсу жа мануссзсу жа яасам̣ иссарияам̣ собхаг̇г̇ам̣ баабун̣зяяаама, д̇ам̣ но гааран̣ам̣ гат̇зхийд̇и . яоханд̇и, б̣раахман̣а, яо ахам̣ палавибаагасан̇каад̇ам̣ ад̇т̇ан̃жа д̇асса ад̇т̇асса хзд̇убхууд̇ам̣ д̇хамман̃жа гад̇д̇ум̣ самаад̣̇ааяа вад̇д̇ид̇ум̣ уббаад̣̇зд̇ун̃жа ижчаами. д̇ам̣ д̇ванд̇и д̇асса маяхам̣ д̇вам̣ сукзнзва ниб̣б̣аанаг̇аамимаг̇г̇ам̣ ааруяха абадисанд̇хигабхаавам̣ бад̇т̇знд̇асса д̇ам̣ ад̇т̇ан̃жа д̇хамман̃жа бужчид̇о агкаахи, баагадам̣ гад̇ваа гат̇зхийд̇и б̣раахман̣ам̣ д̇хаммаяааг̇абан̃хам̣ бужчи.
Idha cevāninditāti yena mayaṃ idhaloke paraloke ca aninditā. Yena pappomūti yena mayaṃ nirayādīsu anibbattitvā devesu ca manussesu ca yasaṃ issariyaṃ sobhaggaṃ pāpuṇeyyāma, taṃ no kāraṇaṃ kathehīti . Yohanti, brāhmaṇa, yo ahaṃ phalavipākasaṅkhātaṃ atthañca tassa atthassa hetubhūtaṃ dhammañca kattuṃ samādāya vattituṃ uppādetuñca icchāmi. Taṃ tvanti tassa mayhaṃ tvaṃ sukheneva nibbānagāmimaggaṃ āruyha apaṭisandhikabhāvaṃ patthentassa taṃ atthañca dhammañca pucchito akkhāhi, pākaṭaṃ katvā kathehīti brāhmaṇaṃ dhammayāgapañhaṃ pucchi.
аяам̣ бана бан̃хо г̇амбхийро б̣уд̣̇д̇хависаяо, саб̣б̣ан̃н̃уб̣уд̣̇д̇хамзва д̇ам̣ бужчид̇ум̣ яуд̇д̇ам̣, д̇асмим̣ асад̇и саб̣б̣ан̃н̃уд̇ан̃н̃аан̣абариязсагам̣ б̣од̇хисад̇д̇анд̇и. сужирад̇о бана ад̇д̇ано аб̣од̇хисад̇д̇ад̇ааяа бан̃хам̣ гат̇зд̇ум̣ наасагки, асаггонд̇о жа бан̣д̣ид̇амаанам̣ агад̇ваа ад̇д̇ано асамад̇т̇абхаавам̣ гат̇знд̇о г̇аат̇амааха –
Ayaṃ pana pañho gambhīro buddhavisayo, sabbaññubuddhameva taṃ pucchituṃ yuttaṃ, tasmiṃ asati sabbaññutaññāṇapariyesakaṃ bodhisattanti. Sucirato pana attano abodhisattatāya pañhaṃ kathetuṃ nāsakkhi, asakkonto ca paṇḍitamānaṃ akatvā attano asamatthabhāvaṃ kathento gāthamāha –
142.
142.
‘‘наан̃н̃ад̇ра вид̇хураа рааж̇а, зд̇ад̣̇агкаад̇умарахад̇и;
‘‘Nāññatra vidhurā rāja, etadakkhātumarahati;
яам̣ д̇вам̣ ад̇т̇ан̃жа д̇хамман̃жа, гад̇д̇умижчаси кад̇д̇ияаа’’д̇и.
Yaṃ tvaṃ atthañca dhammañca, kattumicchasi khattiyā’’ti.
д̇ассад̇т̇о – ависаяо зса, махаарааж̇а, бан̃хо маад̣̇исаанам̣. ахан̃хи нзвасса аад̣̇им̣, на барияосаанам̣ бассаами, анд̇хагаарам̣ бавидто вияа хоми. б̣аараан̣асиран̃н̃о бана бурохид̇о вид̇хуро наама б̣раахман̣о ад̇т̇и, со зд̇ам̣ аажигкзяяа, д̇ам̣ табзд̇ваа яам̣ д̇вам̣ ад̇т̇ан̃жа д̇хамман̃жа гад̇д̇умижчаси, зд̇ам̣ агкаад̇ум̣ на ан̃н̃о арахад̇ийд̇и.
Tassattho – avisayo esa, mahārāja, pañho mādisānaṃ. Ahañhi nevassa ādiṃ, na pariyosānaṃ passāmi, andhakāraṃ paviṭṭho viya homi. Bārāṇasirañño pana purohito vidhuro nāma brāhmaṇo atthi, so etaṃ ācikkheyya, taṃ ṭhapetvā yaṃ tvaṃ atthañca dhammañca kattumicchasi, etaṃ akkhātuṃ na añño arahatīti.
рааж̇аа д̇асса важанам̣ суд̇ваа ‘‘д̇зна хи, б̣раахман̣а, киббам̣ д̇асса санд̇игам̣ г̇ажчаахий’’д̇и бан̣н̣аагаарам̣ д̣̇ад̇ваа д̇ам̣ бзсзд̇угаамо худ̇ваа г̇аат̇амааха –
Rājā tassa vacanaṃ sutvā ‘‘tena hi, brāhmaṇa, khippaṃ tassa santikaṃ gacchāhī’’ti paṇṇākāraṃ datvā taṃ pesetukāmo hutvā gāthamāha –
143.
143.
‘‘зхи ко бахид̇о г̇ажча, вид̇хурасса убанд̇игам̣;
‘‘Ehi kho pahito gaccha, vidhurassa upantikaṃ;
нигкан̃жимам̣ суван̣н̣асса, харам̣ г̇ажча сужийрад̇а;
Nikkhañcimaṃ suvaṇṇassa, haraṃ gaccha sucīrata;
абхихаарам̣ имам̣ д̣̇аж̇ж̇аа, ад̇т̇ад̇хаммаанусидтияаа’’д̇и.
Abhihāraṃ imaṃ dajjā, atthadhammānusiṭṭhiyā’’ti.
д̇ад̇т̇а убанд̇иганд̇и санд̇игам̣. нигканд̇и бан̃жасуван̣н̣о зго нигко. аяам̣ бана рад̇д̇асуван̣н̣асса нигкасахассам̣ д̣̇ад̇ваа звамааха. имам̣ д̣̇аж̇ж̇аад̇и д̇зна имасмим̣ д̇хаммаяааг̇абан̃хз гат̇ид̇з д̇асса ад̇т̇ад̇хаммаанусидтияаа абхихаарабууж̇ам̣ гаронд̇о имам̣ нигкасахассам̣ д̣̇ад̣̇зяяаасийд̇и.
Tattha upantikanti santikaṃ. Nikkhanti pañcasuvaṇṇo eko nikkho. Ayaṃ pana rattasuvaṇṇassa nikkhasahassaṃ datvā evamāha. Imaṃ dajjāti tena imasmiṃ dhammayāgapañhe kathite tassa atthadhammānusiṭṭhiyā abhihārapūjaṃ karonto imaṃ nikkhasahassaṃ dadeyyāsīti.
зван̃жа бана вад̇ваа бан̃хависсаж̇ж̇анасса ликанад̇т̇ааяа сад̇асахассаг̇гханагам̣ суван̣н̣абаддан̃жа г̇аманад̇т̇ааяа яаанам̣, бариваарад̇т̇ааяа б̣алагааяам̣, д̇ан̃жа бан̣н̣аагаарам̣ д̣̇ад̇ваа д̇ан̇кан̣ан̃н̃зва уяяож̇зси. со бана инд̣̇абад̇т̇анаг̇араа нигкамид̇ваа уж̇угамзва б̣аараан̣асим̣ аг̇анд̇ваа яад̇т̇а яад̇т̇а бан̣д̣ид̇аа васанд̇и, саб̣б̣аани д̇аани таанаани убасан̇гамид̇ваа сагалаж̇амб̣уд̣̇ийбз бан̃хасса виссаж̇ж̇зд̇аарам̣ алабхид̇ваа анубуб̣б̣зна б̣аараан̣асим̣ бад̇ваа згасмим̣ таанз ниваасам̣ г̇ахзд̇ваа гад̇ибаязхи ж̇анзхи сад̣̇д̇хим̣ баад̇араасабхун̃ж̇анавзлааяа вид̇хурасса нивзсанам̣ г̇анд̇ваа ааг̇ад̇абхаавам̣ аарожаабзд̇ваа д̇зна баггосаабид̇о д̇ам̣ сагз гхарз бхун̃ж̇амаанам̣ ад̣̇д̣̇аса. д̇амад̇т̇ам̣ аавигаронд̇о сад̇т̇аа сад̇д̇амам̣ г̇аат̇амааха –
Evañca pana vatvā pañhavissajjanassa likhanatthāya satasahassagghanakaṃ suvaṇṇapaṭṭañca gamanatthāya yānaṃ, parivāratthāya balakāyaṃ, tañca paṇṇākāraṃ datvā taṅkhaṇaññeva uyyojesi. So pana indapatthanagarā nikkhamitvā ujukameva bārāṇasiṃ agantvā yattha yattha paṇḍitā vasanti, sabbāni tāni ṭhānāni upasaṅkamitvā sakalajambudīpe pañhassa vissajjetāraṃ alabhitvā anupubbena bārāṇasiṃ patvā ekasmiṃ ṭhāne nivāsaṃ gahetvā katipayehi janehi saddhiṃ pātarāsabhuñjanavelāya vidhurassa nivesanaṃ gantvā āgatabhāvaṃ ārocāpetvā tena pakkosāpito taṃ sake ghare bhuñjamānaṃ addasa. Tamatthaṃ āvikaronto satthā sattamaṃ gāthamāha –
144.
144.
‘‘сваад̇хиббааг̇аа бхаарад̣̇вааж̇о, вид̇хурасса убанд̇игам̣;
‘‘Svādhippāgā bhāradvājo, vidhurassa upantikaṃ;
д̇амад̣̇д̣̇аса махааб̣рахмаа, асамаанам̣ сагз гхарз’’д̇и.
Tamaddasa mahābrahmā, asamānaṃ sake ghare’’ti.
д̇ад̇т̇а сваад̇хиббааг̇аад̇и со бхаарад̣̇вааж̇аг̇од̇д̇о сужирад̇о ад̇хиббааг̇аа, г̇ад̇од̇и ад̇т̇о. махааб̣рахмаад̇и махааб̣раахман̣о. асамаананд̇и бхун̃ж̇амаанам̣.
Tattha svādhippāgāti so bhāradvājagotto sucirato adhippāgā, gatoti attho. Mahābrahmāti mahābrāhmaṇo. Asamānanti bhuñjamānaṃ.
со бана д̇асса б̣ааласахааяаго згаажарияагулз уг̇г̇ахид̇асиббо, д̇асмаа д̇зна сад̣̇д̇хим̣ згад̇о бхун̃ж̇ид̇ваа бхад̇д̇агижжабарияосаанз суканисинно ‘‘самма гимад̇т̇ам̣ ааг̇ад̇осий’’д̇и будто ааг̇аманагааран̣ам̣ аажигканд̇о адтамам̣ г̇аат̇амааха –
So pana tassa bālasahāyako ekācariyakule uggahitasippo, tasmā tena saddhiṃ ekato bhuñjitvā bhattakiccapariyosāne sukhanisinno ‘‘samma kimatthaṃ āgatosī’’ti puṭṭho āgamanakāraṇaṃ ācikkhanto aṭṭhamaṃ gāthamāha –
145.
145.
‘‘ран̃н̃охам̣ бахид̇о д̣̇ууд̇о, гораб̣яасса яасассино;
‘‘Raññohaṃ pahito dūto, korabyassa yasassino;
‘ад̇т̇ам̣ д̇хамман̃жа бужчзси’, ижжаб̣рави яуд̇хидтило;
‘Atthaṃ dhammañca pucchesi’, iccabravi yudhiṭṭhilo;
д̇ам̣ д̇вам̣ ад̇т̇ан̃жа д̇хамман̃жа, вид̇хурагкаахи бужчид̇о’’д̇и.
Taṃ tvaṃ atthañca dhammañca, vidhurakkhāhi pucchito’’ti.
д̇ад̇т̇а ран̃н̃оханд̇и ахам̣ ран̃н̃о гораб̣яасса яасассино д̣̇ууд̇о. бахид̇од̇и д̇зна бзсид̇о ид̇хааг̇амим̣. бужчзсийд̇и со яуд̇хидтилаг̇од̇д̇о д̇ханан̃жаяарааж̇аа мам̣ д̇хаммаяааг̇абан̃хам̣ наама бужчи, ахам̣ гат̇зд̇ум̣ асаггонд̇о ‘‘д̇вам̣ сагкиссасий’’д̇и н̃ад̇ваа д̇асса аарожзсим̣, со жа бан̣н̣аагаарам̣ д̣̇ад̇ваа бан̃хабужчанад̇т̇ааяа мам̣ д̇ава санд̇игам̣ бзсзнд̇о ‘‘вид̇хурасса санд̇игам̣ г̇анд̇ваа имасса бан̃хасса ад̇т̇ан̃жа баал̣ид̇хамман̃жа бужчзяяаасий’’д̇и аб̣рави. ‘‘д̇ам̣ д̇вам̣ ид̣̇аани маяаа бужчид̇о агкаахий’’д̇и.
Tattha raññohanti ahaṃ rañño korabyassa yasassino dūto. Pahitoti tena pesito idhāgamiṃ. Pucchesīti so yudhiṭṭhilagotto dhanañcayarājā maṃ dhammayāgapañhaṃ nāma pucchi, ahaṃ kathetuṃ asakkonto ‘‘tvaṃ sakkhissasī’’ti ñatvā tassa ārocesiṃ, so ca paṇṇākāraṃ datvā pañhapucchanatthāya maṃ tava santikaṃ pesento ‘‘vidhurassa santikaṃ gantvā imassa pañhassa atthañca pāḷidhammañca puccheyyāsī’’ti abravi. ‘‘Taṃ tvaṃ idāni mayā pucchito akkhāhī’’ti.
д̇ад̣̇аа бана со б̣раахман̣о ‘‘махааж̇анасса жид̇д̇ам̣ г̇ан̣хиссаамий’’д̇и г̇ан̇г̇ам̣ бид̣̇аханд̇о вияа винижчаяам̣ вижаарзд̇и. д̇асса бан̃хависсаж̇ж̇анз огаасо над̇т̇и. со д̇амад̇т̇ам̣ аажигканд̇о навамам̣ г̇аат̇амааха –
Tadā pana so brāhmaṇo ‘‘mahājanassa cittaṃ gaṇhissāmī’’ti gaṅgaṃ pidahanto viya vinicchayaṃ vicāreti. Tassa pañhavissajjane okāso natthi. So tamatthaṃ ācikkhanto navamaṃ gāthamāha –
146.
146.
‘‘г̇ан̇г̇ам̣ мз бид̣̇ахиссанд̇и, на д̇ам̣ саггоми б̣раахман̣а;
‘‘Gaṅgaṃ me pidahissanti, na taṃ sakkomi brāhmaṇa;
абид̇хзд̇ум̣ махаасинд̇хум̣, д̇ам̣ гат̇ам̣ со бхависсад̇и;
Apidhetuṃ mahāsindhuṃ, taṃ kathaṃ so bhavissati;
на д̇з саггоми агкаад̇ум̣, ад̇т̇ам̣ д̇хамман̃жа бужчид̇о’’д̇и.
Na te sakkomi akkhātuṃ, atthaṃ dhammañca pucchito’’ti.
д̇ассад̇т̇о – б̣раахман̣а, маяхам̣ ‘‘махааж̇анасса наанаажид̇д̇аг̇ад̇исан̇каад̇ам̣ г̇ан̇г̇ам̣ бид̣̇ахисса’’нд̇и б̣яаабааро уббанно, д̇амахам̣ махаасинд̇хум̣ абид̇хзд̇ум̣ на саггоми, д̇асмаа гат̇ам̣ со огаасо бхависсад̇и, яасмаа д̇з ахам̣ бан̃хам̣ виссаж̇ж̇зяяам̣. ид̇и жид̇д̇згаг̇г̇ад̇ан̃жзва огаасан̃жа алабханд̇о на д̇з саггоми агкаад̇ум̣ ад̇т̇ам̣ д̇хамман̃жа бужчид̇од̇и.
Tassattho – brāhmaṇa, mayhaṃ ‘‘mahājanassa nānācittagatisaṅkhātaṃ gaṅgaṃ pidahissa’’nti byāpāro uppanno, tamahaṃ mahāsindhuṃ apidhetuṃ na sakkomi, tasmā kathaṃ so okāso bhavissati, yasmā te ahaṃ pañhaṃ vissajjeyyaṃ. Iti cittekaggatañceva okāsañca alabhanto na te sakkomi akkhātuṃ atthaṃ dhammañca pucchitoti.
зван̃жа бана вад̇ваа ‘‘буд̇д̇о мз бан̣д̣ид̇о маяаа н̃аан̣аванд̇ад̇аро, со д̇з б̣яаагариссад̇и, д̇асса санд̇игам̣ г̇ажчаахий’’д̇и вад̇ваа д̣̇асамам̣ г̇аат̇амааха –
Evañca pana vatvā ‘‘putto me paṇḍito mayā ñāṇavantataro, so te byākarissati, tassa santikaṃ gacchāhī’’ti vatvā dasamaṃ gāthamāha –
147.
147.
‘‘бхад̣̇рагааро жа мз буд̇д̇о, орасо мама ад̇раж̇о;
‘‘Bhadrakāro ca me putto, oraso mama atrajo;
д̇ам̣ д̇вам̣ ад̇т̇ан̃жа д̇хамман̃жа, г̇анд̇ваа бужчассу б̣раахман̣аа’’д̇и.
Taṃ tvaṃ atthañca dhammañca, gantvā pucchassu brāhmaṇā’’ti.
д̇ад̇т̇а орасод̇и урз сам̣вад̣дхо. ад̇раж̇од̇и ад̇д̇анаа ж̇аад̇од̇и.
Tattha orasoti ure saṃvaḍḍho. Atrajoti attanā jātoti.
д̇ам̣ суд̇ваа сужирад̇о вид̇хурасса гхараа нигкамид̇ваа бхад̣̇рагаарасса бхуд̇д̇абаад̇араасасса ад̇д̇ано барисамаж̇жхз нисиннагаалз нивзсанам̣ аг̇амааси. д̇амад̇т̇ам̣ багаасзнд̇о сад̇т̇аа згаад̣̇асамам̣ г̇аат̇амааха –
Taṃ sutvā sucirato vidhurassa gharā nikkhamitvā bhadrakārassa bhuttapātarāsassa attano parisamajjhe nisinnakāle nivesanaṃ agamāsi. Tamatthaṃ pakāsento satthā ekādasamaṃ gāthamāha –
148.
148.
‘‘сваад̇хиббааг̇аа бхаарад̣̇вааж̇о, бхад̣̇рагаарассубанд̇игам̣;
‘‘Svādhippāgā bhāradvājo, bhadrakārassupantikaṃ;
д̇амад̣̇д̣̇аса махааб̣рахмаа, нисиннам̣ самхи взсманий’’д̇и.
Tamaddasa mahābrahmā, nisinnaṃ samhi vesmanī’’ti.
д̇ад̇т̇а взсманийд̇и гхарз.
Tattha vesmanīti ghare.
со д̇ад̇т̇а г̇анд̇ваа бхад̣̇рагаарамаан̣авзна гад̇аасанаабхихаарасаггааро нисийд̣̇ид̇ваа ааг̇аманагааран̣ам̣ будто д̣̇ваад̣̇асамам̣ г̇аат̇амааха –
So tattha gantvā bhadrakāramāṇavena katāsanābhihārasakkāro nisīditvā āgamanakāraṇaṃ puṭṭho dvādasamaṃ gāthamāha –
149.
149.
‘‘ран̃н̃охам̣ бахид̇о д̣̇ууд̇о, гораб̣яасса яасассино;
‘‘Raññohaṃ pahito dūto, korabyassa yasassino;
‘ад̇т̇ам̣ д̇хамман̃жа бужчзси’, ижжаб̣рави яуд̇хидтило;
‘Atthaṃ dhammañca pucchesi’, iccabravi yudhiṭṭhilo;
д̇ам̣ д̇вам̣ ад̇т̇ан̃жа д̇хамман̃жа, бхад̣̇рагаара баб̣руухи мз’’д̇и.
Taṃ tvaṃ atthañca dhammañca, bhadrakāra pabrūhi me’’ti.
ат̇а нам̣ бхад̣̇рагааро, ‘‘д̇аад̇а, ахам̣ имзсу д̣̇ивасзсу барад̣̇ааригагаммз абхинивидто, жид̇д̇ам̣ мз б̣яаагулам̣, д̇зна д̇яаахам̣ виссаж̇ж̇зд̇ум̣ на сагкиссаами, маяхам̣ бана ганидто сан̃жаяагумааро наама маяаа ад̇ивияа н̃аан̣аванд̇ад̇аро, д̇ам̣ бужча, со д̇з бан̃хам̣ виссаж̇ж̇зссад̇ий’’д̇и д̇асса санд̇игам̣ бзсзнд̇о д̣̇вз г̇аат̇аа абхааси –
Atha naṃ bhadrakāro, ‘‘tāta, ahaṃ imesu divasesu paradārikakamme abhiniviṭṭho, cittaṃ me byākulaṃ, tena tyāhaṃ vissajjetuṃ na sakkhissāmi, mayhaṃ pana kaniṭṭho sañcayakumāro nāma mayā ativiya ñāṇavantataro, taṃ puccha, so te pañhaṃ vissajjessatī’’ti tassa santikaṃ pesento dve gāthā abhāsi –
150.
150.
‘‘мам̣сагааж̇ам̣ авахааяа, г̇од̇хам̣ анубад̇аамахам̣;
‘‘Maṃsakājaṃ avahāya, godhaṃ anupatāmahaṃ;
на д̇з саггоми агкаад̇ум̣, ад̇т̇ам̣ д̇хамман̃жа бужчид̇о.
Na te sakkomi akkhātuṃ, atthaṃ dhammañca pucchito.
151.
151.
‘‘сан̃жаяо наама мз бхаад̇аа, ганидто мз сужийрад̇а;
‘‘Sañcayo nāma me bhātā, kaniṭṭho me sucīrata;
д̇ам̣ д̇вам̣ ад̇т̇ан̃жа д̇хамман̃жа, г̇анд̇ваа бужчассу б̣раахман̣аа’’д̇и.
Taṃ tvaṃ atthañca dhammañca, gantvā pucchassu brāhmaṇā’’ti.
д̇ад̇т̇а мам̣сагааж̇анд̇и яат̇аа наама бурисо т̇ууламиг̇амам̣сам̣ гааж̇знаад̣̇ааяа г̇ажчанд̇о анд̇араамаг̇г̇з г̇од̇хабод̇агам̣ д̣̇исваа мам̣сагааж̇ам̣ чад̣д̣зд̇ваа д̇ам̣ ануб̣анд̇хзяяа, звамзва ад̇д̇ано гхарз васавад̇д̇иним̣ бхарияам̣ чад̣д̣зд̇ваа барасса рагкид̇аг̇обид̇ам̣ ид̇т̇им̣ ануб̣анд̇ханд̇о хомийд̇и д̣̇ийбзнд̇о звамаахаад̇и.
Tattha maṃsakājanti yathā nāma puriso thūlamigamaṃsaṃ kājenādāya gacchanto antarāmagge godhapotakaṃ disvā maṃsakājaṃ chaḍḍetvā taṃ anubandheyya, evameva attano ghare vasavattiniṃ bhariyaṃ chaḍḍetvā parassa rakkhitagopitaṃ itthiṃ anubandhanto homīti dīpento evamāhāti.
со д̇асмим̣ кан̣з сан̃жаяасса нивзсанам̣ г̇анд̇ваа д̇зна гад̇асаггааро ааг̇аманагааран̣ам̣ будто аажигки. д̇амад̇т̇ам̣ багаасзнд̇о сад̇т̇аа д̣̇вз г̇аат̇аа абхааси –
So tasmiṃ khaṇe sañcayassa nivesanaṃ gantvā tena katasakkāro āgamanakāraṇaṃ puṭṭho ācikkhi. Tamatthaṃ pakāsento satthā dve gāthā abhāsi –
152.
152.
‘‘сваад̇хиббааг̇аа бхаарад̣̇вааж̇о, сан̃жаяасса убанд̇игам̣;
‘‘Svādhippāgā bhāradvājo, sañcayassa upantikaṃ;
д̇амад̣̇д̣̇аса махааб̣рахмаа, нисиннам̣ самхи взсмани.
Tamaddasa mahābrahmā, nisinnaṃ samhi vesmani.
153.
153.
‘‘ран̃н̃охам̣ бахид̇о д̣̇ууд̇о, гораб̣яасса яасассино;
‘‘Raññohaṃ pahito dūto, korabyassa yasassino;
‘ад̇т̇ам̣ д̇хамман̃жа бужчзси’, ижжаб̣рави яуд̇хидтило;
‘Atthaṃ dhammañca pucchesi’, iccabravi yudhiṭṭhilo;
д̇ам̣ д̇вам̣ ад̇т̇ан̃жа д̇хамман̃жа, сан̃жаяагкаахи бужчид̇о’’д̇и.
Taṃ tvaṃ atthañca dhammañca, sañcayakkhāhi pucchito’’ti.
сан̃жаяагумааро бана д̇ад̣̇аа барад̣̇аарамзва сзвад̇и. ат̇асса со ‘‘ахам̣, д̇аад̇а, барад̣̇аарам̣ сзваами, сзванд̇о жа бана г̇ан̇г̇ам̣ од̇арид̇ваа барад̇ийрам̣ г̇ажчаами, д̇ам̣ мам̣ сааяан̃жа баад̇о жа над̣̇им̣ д̇аранд̇ам̣ мажжу г̇илад̇и наама, д̇зна жид̇д̇ам̣ мз б̣яаагулам̣, на д̇яаахам̣ аажигкид̇ум̣ сагкиссаами, ганидто бана мз самбхавагумааро наама ад̇т̇и ж̇аад̇ияаа сад̇д̇авассиго, маяаа сад̇аг̇ун̣зна сахассаг̇ун̣зна сад̇асахассаг̇ун̣знаад̇хиган̃аан̣ад̇аро, со д̇з аажигкиссад̇и, г̇ажча д̇ам̣ бужчаахий’’д̇и ааха. имамад̇т̇ам̣ багаасзнд̇о сад̇т̇аа д̣̇вз г̇аат̇аа абхааси –
Sañcayakumāro pana tadā paradārameva sevati. Athassa so ‘‘ahaṃ, tāta, paradāraṃ sevāmi, sevanto ca pana gaṅgaṃ otaritvā paratīraṃ gacchāmi, taṃ maṃ sāyañca pāto ca nadiṃ tarantaṃ maccu gilati nāma, tena cittaṃ me byākulaṃ, na tyāhaṃ ācikkhituṃ sakkhissāmi, kaniṭṭho pana me sambhavakumāro nāma atthi jātiyā sattavassiko, mayā sataguṇena sahassaguṇena satasahassaguṇenādhikañāṇataro, so te ācikkhissati, gaccha taṃ pucchāhī’’ti āha. Imamatthaṃ pakāsento satthā dve gāthā abhāsi –
154.
154.
‘‘сад̣̇аа мам̣ г̇илад̇з мажжу, сааяам̣ баад̇о сужийрад̇а;
‘‘Sadā maṃ gilate maccu, sāyaṃ pāto sucīrata;
на д̇з саггоми агкаад̇ум̣, ад̇т̇ам̣ д̇хамман̃жа бужчид̇о.
Na te sakkomi akkhātuṃ, atthaṃ dhammañca pucchito.
155.
155.
‘‘самбхаво наама мз бхаад̇аа, ганидто мз сужийрад̇а;
‘‘Sambhavo nāma me bhātā, kaniṭṭho me sucīrata;
д̇ам̣ д̇вам̣ ад̇т̇ан̃жа д̇хамман̃жа, г̇анд̇ваа бужчассу б̣раахман̣аа’’д̇и.
Taṃ tvaṃ atthañca dhammañca, gantvā pucchassu brāhmaṇā’’ti.
д̇ам̣ суд̇ваа сужирад̇о ‘‘аяам̣ бан̃хо имасмим̣ логз аб̣бхуд̇о бхависсад̇и, имам̣ бан̃хам̣ виссаж̇ж̇зд̇ум̣ самад̇т̇о наама над̇т̇и ман̃н̃з’’д̇и жинд̇зд̇ваа д̣̇вз г̇аат̇аа абхааси –
Taṃ sutvā sucirato ‘‘ayaṃ pañho imasmiṃ loke abbhuto bhavissati, imaṃ pañhaṃ vissajjetuṃ samattho nāma natthi maññe’’ti cintetvā dve gāthā abhāsi –
156.
156.
‘‘аб̣бхуд̇о вад̇а бхо д̇хаммо, нааяам̣ асмаага ружжад̇и;
‘‘Abbhuto vata bho dhammo, nāyaṃ asmāka ruccati;
д̇аяо ж̇анаа бид̇аабуд̇д̇аа, д̇з су бан̃н̃ааяа но вид̣̇уу.
Tayo janā pitāputtā, te su paññāya no vidū.
157.
157.
‘‘на д̇ам̣ саггот̇а агкаад̇ум̣, ад̇т̇ам̣ д̇хамман̃жа бужчид̇аа;
‘‘Na taṃ sakkotha akkhātuṃ, atthaṃ dhammañca pucchitā;
гат̇ам̣ ну д̣̇ахаро ж̇ан̃н̃аа, ад̇т̇ам̣ д̇хамман̃жа бужчид̇о’’д̇и.
Kathaṃ nu daharo jaññā, atthaṃ dhammañca pucchito’’ti.
д̇ад̇т̇а нааяанд̇и аяам̣ бан̃хад̇хаммо аб̣бхуд̇о, имам̣ гат̇зд̇ум̣ самад̇т̇зна наама на бхавид̇аб̣б̣ам̣, д̇асмаа яам̣ д̇вам̣ ‘‘гумааро гат̇зссад̇ий’’д̇и вад̣̇ад̇и, нааяам̣ асмаагам̣ ружжад̇и. д̇з сууд̇и зд̇т̇а су-гааро нибаад̇амад̇д̇ам̣. бид̇аад̇и вид̇хуро бан̣д̣ид̇о, буд̇д̇аа бхад̣̇рагааро сан̃жаяо жаад̇и д̇зби д̇аяо бид̇аабуд̇д̇аа бан̃н̃ааяа имам̣ д̇хаммам̣ но вид̣̇уу, на виж̇аананд̇и, ан̃н̃о го ж̇ааниссад̇ийд̇и ад̇т̇о. на д̇анд̇и д̇умхз д̇аяо ж̇анаа бужчид̇аа зд̇ам̣ агкаад̇ум̣ на саггот̇а, д̣̇ахаро сад̇д̇авассиго гумааро бужчид̇о гат̇ам̣ ну ж̇ан̃н̃аа, гзна гааран̣зна ж̇аанид̇ум̣ сагкиссад̇ийд̇и ад̇т̇о.
Tattha nāyanti ayaṃ pañhadhammo abbhuto, imaṃ kathetuṃ samatthena nāma na bhavitabbaṃ, tasmā yaṃ tvaṃ ‘‘kumāro kathessatī’’ti vadati, nāyaṃ asmākaṃ ruccati. Te sūti ettha su-kāro nipātamattaṃ. Pitāti vidhuro paṇḍito, puttā bhadrakāro sañcayo cāti tepi tayo pitāputtā paññāya imaṃ dhammaṃ no vidū, na vijānanti, añño ko jānissatīti attho. Na tanti tumhe tayo janā pucchitā etaṃ akkhātuṃ na sakkotha, daharo sattavassiko kumāro pucchito kathaṃ nu jaññā, kena kāraṇena jānituṃ sakkhissatīti attho.
д̇ам̣ суд̇ваа сан̃жаяагумааро, ‘‘д̇аад̇а, самбхавагумаарам̣ ‘д̣̇ахаро’д̇и маа ун̃н̃ааси, сажзби бан̃хависсаж̇ж̇анзнаад̇т̇иго, г̇ажча нам̣ бужчаа’’д̇и ад̇т̇ад̣̇ийбанаахи убамаахи гумаарасса ван̣н̣ам̣ багаасзнд̇о д̣̇ваад̣̇аса г̇аат̇аа абхааси –
Taṃ sutvā sañcayakumāro, ‘‘tāta, sambhavakumāraṃ ‘daharo’ti mā uññāsi, sacepi pañhavissajjanenātthiko, gaccha naṃ pucchā’’ti atthadīpanāhi upamāhi kumārassa vaṇṇaṃ pakāsento dvādasa gāthā abhāsi –
158.
158.
‘‘маа нам̣ д̣̇ахарод̇и ун̃н̃ааси, абужчид̇ваана самбхавам̣;
‘‘Mā naṃ daharoti uññāsi, apucchitvāna sambhavaṃ;
бужчид̇ваа самбхавам̣ ж̇ан̃н̃аа, ад̇т̇ам̣ д̇хамман̃жа б̣раахман̣а.
Pucchitvā sambhavaṃ jaññā, atthaṃ dhammañca brāhmaṇa.
159.
159.
‘‘яат̇ааби жанд̣̇о вимало, г̇ажчам̣ аагаасад̇хаад̇уяаа;
‘‘Yathāpi cando vimalo, gacchaṃ ākāsadhātuyā;
саб̣б̣з д̇аарааг̇ан̣з логз, аабхааяа ад̇ирожад̇и.
Sabbe tārāgaṇe loke, ābhāya atirocati.
160.
160.
‘‘звамби д̣̇ахаруубзд̇о, бан̃н̃ааяог̇зна самбхаво;
‘‘Evampi daharūpeto, paññāyogena sambhavo;
маа нам̣ д̣̇ахарод̇и ун̃н̃ааси, абужчид̇ваана самбхавам̣;
Mā naṃ daharoti uññāsi, apucchitvāna sambhavaṃ;
бужчид̇ваа самбхавам̣ ж̇ан̃н̃аа, ад̇т̇ам̣ д̇хамман̃жа б̣раахман̣а.
Pucchitvā sambhavaṃ jaññā, atthaṃ dhammañca brāhmaṇa.
161.
161.
‘‘яат̇ааби раммаго маасо, г̇имхаанам̣ ход̇и б̣раахман̣а;
‘‘Yathāpi rammako māso, gimhānaṃ hoti brāhmaṇa;
ад̇зван̃н̃зхи маасзхи, д̣̇умабубпзхи собхад̇и.
Atevaññehi māsehi, dumapupphehi sobhati.
162.
162.
‘‘звамби д̣̇ахаруубзд̇о, бан̃н̃ааяог̇зна самбхаво;
‘‘Evampi daharūpeto, paññāyogena sambhavo;
маа нам̣ д̣̇ахарод̇и ун̃н̃ааси, абужчид̇ваана самбхавам̣;
Mā naṃ daharoti uññāsi, apucchitvāna sambhavaṃ;
бужчид̇ваа самбхавам̣ ж̇ан̃н̃аа, ад̇т̇ам̣ д̇хамман̃жа б̣раахман̣а.
Pucchitvā sambhavaṃ jaññā, atthaṃ dhammañca brāhmaṇa.
163.
163.
‘‘яат̇ааби химаваа б̣рахмз, баб̣б̣ад̇о г̇анд̇хамаад̣̇ано;
‘‘Yathāpi himavā brahme, pabbato gandhamādano;
наанааругкзхи сан̃чанно, махаабхууд̇аг̇ан̣аалаяо;
Nānārukkhehi sañchanno, mahābhūtagaṇālayo;
осад̇хзхи жа д̣̇иб̣б̣зхи, д̣̇исаа бхаад̇и баваад̇и жа.
Osadhehi ca dibbehi, disā bhāti pavāti ca.
164.
164.
‘‘звамби д̣̇ахаруубзд̇о, бан̃н̃ааяог̇зна самбхаво;
‘‘Evampi daharūpeto, paññāyogena sambhavo;
маа нам̣ д̣̇ахарод̇и ун̃н̃ааси, абужчид̇ваана самбхавам̣;
Mā naṃ daharoti uññāsi, apucchitvāna sambhavaṃ;
бужчид̇ваа самбхавам̣ ж̇ан̃н̃аа, ад̇т̇ам̣ д̇хамман̃жа б̣раахман̣а.
Pucchitvā sambhavaṃ jaññā, atthaṃ dhammañca brāhmaṇa.
165.
165.
‘‘яат̇ааби бааваго б̣рахмз, ажжимаалий яасассимаа;
‘‘Yathāpi pāvako brahme, accimālī yasassimā;
ж̇аламаано ванз г̇ажчз, анало ган̣хавад̇д̇аний.
Jalamāno vane gacche, analo kaṇhavattanī.
166.
166.
‘‘гхад̇аасано д̇хуумагзд̇у, уд̇д̇амаахзвананд̣̇ахо;
‘‘Ghatāsano dhūmaketu, uttamāhevanandaho;
нисийт̇з баб̣б̣ад̇аг̇г̇асмим̣, бахууд̇зд̇хо вирожад̇и.
Nisīthe pabbataggasmiṃ, pahūtedho virocati.
167.
167.
‘‘звамби д̣̇ахаруубзд̇о, бан̃н̃ааяог̇зна самбхаво;
‘‘Evampi daharūpeto, paññāyogena sambhavo;
маа нам̣ д̣̇ахарод̇и ун̃н̃ааси, абужчид̇ваана самбхавам̣;
Mā naṃ daharoti uññāsi, apucchitvāna sambhavaṃ;
бужчид̇ваа самбхавам̣ ж̇ан̃н̃аа, ад̇т̇ам̣ д̇хамман̃жа б̣раахман̣а.
Pucchitvā sambhavaṃ jaññā, atthaṃ dhammañca brāhmaṇa.
168.
168.
‘‘ж̇авзна бхад̣̇рам̣ ж̇аананд̇и, б̣алиб̣ад̣̇д̣̇ан̃жа ваахияз;
‘‘Javena bhadraṃ jānanti, balibaddañca vāhiye;
д̣̇охзна д̇хзнум̣ ж̇аананд̇и, бхаасамаанан̃жа бан̣д̣ид̇ам̣.
Dohena dhenuṃ jānanti, bhāsamānañca paṇḍitaṃ.
169.
169.
‘‘звамби д̣̇ахаруубзд̇о, бан̃н̃ааяог̇зна самбхаво;
‘‘Evampi daharūpeto, paññāyogena sambhavo;
маа нам̣ д̣̇ахарод̇и ун̃н̃ааси, абужчид̇ваана самбхавам̣;
Mā naṃ daharoti uññāsi, apucchitvāna sambhavaṃ;
бужчид̇ваа самбхавам̣ ж̇ан̃н̃аа, ад̇т̇ам̣ д̇хамман̃жа б̣раахман̣аа’’д̇и.
Pucchitvā sambhavaṃ jaññā, atthaṃ dhammañca brāhmaṇā’’ti.
д̇ад̇т̇а ж̇ан̃н̃аад̇и ж̇ааниссаси. жанд̣̇од̇и бун̣н̣ажанд̣̇о. вималод̇и аб̣бхаад̣̇ималавирахид̇о. звамби д̣̇ахаруубзд̇од̇и звам̣ самбхавагумааро д̣̇ахарабхаавзна убзд̇оби бан̃н̃ааяог̇зна сагалаж̇амб̣уд̣̇ийбад̇алз авасзсз бан̣д̣ид̇з ад̇иггамид̇ваа вирожад̇и. раммагод̇и жид̇д̇амаасо. ад̇зван̃н̃зхийд̇и ад̇ивияа ан̃н̃зхи згаад̣̇асахи маасзхи. званд̇и звам̣ самбхавоби бан̃н̃ааяог̇зна собхад̇и. химаваад̇и химабаад̇асамаяз химаяуд̇д̇од̇и химаваа, г̇имхагаалз химам̣ вамад̇ийд̇и химаваа. самбад̇д̇ам̣ ж̇анам̣ г̇анд̇хзна мад̣̇аяад̇ийд̇и г̇анд̇хамаад̣̇ано. махаабхууд̇аг̇ан̣аалаяод̇и д̣̇зваг̇ан̣аанам̣ ниваасо. д̣̇исаа бхаад̇ийд̇и саб̣б̣ад̣̇исаа згобхаасаа вияа гарод̇и. баваад̇ийд̇и г̇анд̇хзна саб̣б̣ад̣̇исаа вааяад̇и. званд̇и звам̣ самбхавоби бан̃н̃ааяог̇зна саб̣б̣ад̣̇исаа бхаад̇и жзва баваад̇и жа.
Tattha jaññāti jānissasi. Candoti puṇṇacando. Vimaloti abbhādimalavirahito. Evampi daharūpetoti evaṃ sambhavakumāro daharabhāvena upetopi paññāyogena sakalajambudīpatale avasese paṇḍite atikkamitvā virocati. Rammakoti cittamāso. Atevaññehīti ativiya aññehi ekādasahi māsehi. Evanti evaṃ sambhavopi paññāyogena sobhati. Himavāti himapātasamaye himayuttoti himavā, gimhakāle himaṃ vamatīti himavā. Sampattaṃ janaṃ gandhena madayatīti gandhamādano. Mahābhūtagaṇālayoti devagaṇānaṃ nivāso. Disā bhātīti sabbadisā ekobhāsā viya karoti. Pavātīti gandhena sabbadisā vāyati. Evanti evaṃ sambhavopi paññāyogena sabbadisā bhāti ceva pavāti ca.
яасассимаад̇и д̇зж̇асамбад̇д̇ияаа яасассимаа. ажжимаалийд̇и ажжийхи яуд̇д̇о. ж̇аламаано ванз г̇ажчзд̇и г̇ажчасан̇каад̇з махааванз ж̇аланд̇о жарад̇и. аналод̇и ад̇ид̇д̇о. г̇ад̇амаг̇г̇асса ган̣хабхаавзна ган̣хавад̇д̇аний. яан̃н̃з аахуд̇ивасзна аахуд̇ам̣ гхад̇ам̣ аснаад̇ийд̇и гхад̇аасано. д̇хуумо гзд̇угижжам̣ асса саад̇хзд̇ийд̇и д̇хуумагзд̇у. уд̇д̇амаахзвананд̣̇аход̇и ахзванам̣ вужжад̇и ванасан̣д̣о, уд̇д̇амам̣ ванасан̣д̣ам̣ д̣̇ахад̇ийд̇и ад̇т̇о. нисийт̇зд̇и рад̇д̇ибхааг̇з. баб̣б̣ад̇аг̇г̇асминд̇и баб̣б̣ад̇асикарз. бахууд̇зд̇ход̇и бахууд̇аинд̇хано. вирожад̇ийд̇и саб̣б̣ад̣̇исаасу обхаасад̇и. званд̇и звам̣ мама ганидто самбхавагумааро д̣̇ахароби бан̃н̃ааяог̇зна вирожад̇и. бхад̣̇ранд̇и бхад̣̇рам̣ ассааж̇аанийяам̣ ж̇авасамбад̇д̇ияаа ж̇аананд̇и, на сарийрзна. ваахиязд̇и вахид̇аб̣б̣абхаарз сад̇и бхааравахад̇ааяа ‘‘ахам̣ уд̇д̇амо’’д̇и б̣алиб̣ад̣̇д̣̇ам̣ ж̇аананд̇и. д̣̇охзнаад̇и д̣̇охасамбад̇д̇ияаа д̇хзнум̣ ‘‘сукийраа’’д̇и ж̇аананд̇и. бхаасамаананд̇и зд̇т̇а ‘‘наабхаасамаанам̣ ж̇аананд̇и, миссам̣ б̣аалзхи бан̣д̣ид̇а’’нд̇и суд̇д̇ам̣ (сам̣. ни. 2.241) аахарид̇аб̣б̣ам̣.
Yasassimāti tejasampattiyā yasassimā. Accimālīti accīhi yutto. Jalamāno vane gaccheti gacchasaṅkhāte mahāvane jalanto carati. Analoti atitto. Gatamaggassa kaṇhabhāvena kaṇhavattanī. Yaññe āhutivasena āhutaṃ ghataṃ asnātīti ghatāsano. Dhūmo ketukiccaṃ assa sādhetīti dhūmaketu. Uttamāhevanandahoti ahevanaṃ vuccati vanasaṇḍo, uttamaṃ vanasaṇḍaṃ dahatīti attho. Nisītheti rattibhāge. Pabbataggasminti pabbatasikhare. Pahūtedhoti pahūtaindhano. Virocatīti sabbadisāsu obhāsati. Evanti evaṃ mama kaniṭṭho sambhavakumāro daharopi paññāyogena virocati. Bhadranti bhadraṃ assājānīyaṃ javasampattiyā jānanti, na sarīrena. Vāhiyeti vahitabbabhāre sati bhāravahatāya ‘‘ahaṃ uttamo’’ti balibaddaṃ jānanti. Dohenāti dohasampattiyā dhenuṃ ‘‘sukhīrā’’ti jānanti. Bhāsamānanti ettha ‘‘nābhāsamānaṃ jānanti, missaṃ bālehi paṇḍita’’nti suttaṃ (saṃ. ni. 2.241) āharitabbaṃ.
сужирад̇о звам̣ д̇асмим̣ самбхавам̣ ван̣н̣знд̇з ‘‘бан̃хам̣ бужчид̇ваа ж̇ааниссаамий’’д̇и ‘‘гахам̣ бана д̇з гумаара ганидто’’д̇и бужчи. ат̇асса со сийхабан̃ж̇арам̣ виварид̇ваа хад̇т̇ам̣ басаарзд̇ваа ‘‘яо зса баасаад̣̇ад̣̇ваарз анд̇аравийт̇ияаа гумаарагзхи сад̣̇д̇хим̣ суван̣н̣аван̣н̣о гийл̣ад̇и, аяам̣ мама ганидто, убасан̇гамид̇ваа д̇ам̣ бужча, б̣уд̣̇д̇халийл̣ааяа д̇з бан̃хам̣ гат̇зссад̇ий’’д̇и ааха. сужирад̇о д̇асса важанам̣ суд̇ваа баасаад̣̇аа оруяха гумаарасса санд̇игам̣ аг̇амааси. гааяа взлааяаад̇и? гумаарасса нивад̇т̇асаадагам̣ можзд̇ваа канд̇хз кибид̇ваа убхохи хад̇т̇зхи бам̣сум̣ г̇ахзд̇ваа тид̇авзлааяа. д̇амад̇т̇ам̣ аавигаронд̇о сад̇т̇аа г̇аат̇амааха –
Sucirato evaṃ tasmiṃ sambhavaṃ vaṇṇente ‘‘pañhaṃ pucchitvā jānissāmī’’ti ‘‘kahaṃ pana te kumāra kaniṭṭho’’ti pucchi. Athassa so sīhapañjaraṃ vivaritvā hatthaṃ pasāretvā ‘‘yo esa pāsādadvāre antaravīthiyā kumārakehi saddhiṃ suvaṇṇavaṇṇo kīḷati, ayaṃ mama kaniṭṭho, upasaṅkamitvā taṃ puccha, buddhalīḷāya te pañhaṃ kathessatī’’ti āha. Sucirato tassa vacanaṃ sutvā pāsādā oruyha kumārassa santikaṃ agamāsi. Kāya velāyāti? Kumārassa nivatthasāṭakaṃ mocetvā khandhe khipitvā ubhohi hatthehi paṃsuṃ gahetvā ṭhitavelāya. Tamatthaṃ āvikaronto satthā gāthamāha –
170.
170.
‘‘сваад̇хиббааг̇аа бхаарад̣̇вааж̇о, самбхавасса убанд̇игам̣;
‘‘Svādhippāgā bhāradvājo, sambhavassa upantikaṃ;
д̇амад̣̇д̣̇аса махааб̣рахмаа, гийл̣амаанам̣ б̣ахийбурз’’д̇и.
Tamaddasa mahābrahmā, kīḷamānaṃ bahīpure’’ti.
д̇ад̇т̇а б̣ахийбурзд̇и б̣ахинивзсанз.
Tattha bahīpureti bahinivesane.
махаасад̇д̇оби б̣раахман̣ам̣ ааг̇анд̇ваа бурад̇о тид̇ам̣ д̣̇исваа ‘‘д̇аад̇а, гзнад̇т̇знааг̇ад̇осий’’д̇и бужчид̇ваа, ‘‘д̇аад̇а, гумаара ахам̣ ж̇амб̣уд̣̇ийбад̇алз аахин̣д̣анд̇о маяаа бужчид̇ам̣ бан̃хам̣ гат̇зд̇ум̣ самад̇т̇ам̣ алабхид̇ваа д̇ава санд̇игам̣ ааг̇ад̇омхий’’д̇и вуд̇д̇з ‘‘сагалаж̇амб̣уд̣̇ийбз гира авинижчид̇о бан̃хо мама санд̇игам̣ ааг̇ад̇о, ахам̣ н̃аан̣зна махаллаго’’д̇и хирод̇д̇аббам̣ бадилабхид̇ваа хад̇т̇аг̇ад̇ам̣ бам̣сум̣ чад̣д̣зд̇ваа канд̇хад̇о саадагам̣ аад̣̇ааяа ниваасзд̇ваа ‘‘бужча, б̣раахман̣а, б̣уд̣̇д̇халийл̣ааяа д̇з гат̇зссаамий’’д̇и саб̣б̣ан̃н̃убавааран̣ам̣ баваарзси. д̇ад̇о б̣раахман̣о –
Mahāsattopi brāhmaṇaṃ āgantvā purato ṭhitaṃ disvā ‘‘tāta, kenatthenāgatosī’’ti pucchitvā, ‘‘tāta, kumāra ahaṃ jambudīpatale āhiṇḍanto mayā pucchitaṃ pañhaṃ kathetuṃ samatthaṃ alabhitvā tava santikaṃ āgatomhī’’ti vutte ‘‘sakalajambudīpe kira avinicchito pañho mama santikaṃ āgato, ahaṃ ñāṇena mahallako’’ti hirottappaṃ paṭilabhitvā hatthagataṃ paṃsuṃ chaḍḍetvā khandhato sāṭakaṃ ādāya nivāsetvā ‘‘puccha, brāhmaṇa, buddhalīḷāya te kathessāmī’’ti sabbaññupavāraṇaṃ pavāresi. Tato brāhmaṇo –
171.
171.
‘‘ран̃н̃охам̣ бахид̇о д̣̇ууд̇о, гораб̣яасса яасассино;
‘‘Raññohaṃ pahito dūto, korabyassa yasassino;
‘ад̇т̇ам̣ д̇хамман̃жа бужчзси’, ижжаб̣рави яуд̇хидтило;
‘Atthaṃ dhammañca pucchesi’, iccabravi yudhiṭṭhilo;
д̇ам̣ д̇вам̣ ад̇т̇ан̃жа д̇хамман̃жа, самбхавагкаахи бужчид̇о’’д̇и. –
Taṃ tvaṃ atthañca dhammañca, sambhavakkhāhi pucchito’’ti. –
г̇аат̇ааяа бан̃хам̣ бужчи.
Gāthāya pañhaṃ pucchi.
д̇асса ад̇т̇о самбхавабан̣д̣ид̇асса г̇аг̇анамаж̇жхз бун̣н̣ажанд̣̇о вияа баагадо ахоси.
Tassa attho sambhavapaṇḍitassa gaganamajjhe puṇṇacando viya pākaṭo ahosi.
ат̇а нам̣ ‘‘д̇зна хи сун̣охий’’д̇и вад̇ваа д̇хаммаяааг̇абан̃хам̣ виссаж̇ж̇знд̇о г̇аат̇амааха –
Atha naṃ ‘‘tena hi suṇohī’’ti vatvā dhammayāgapañhaṃ vissajjento gāthamāha –
172.
172.
‘‘д̇аг̇гха д̇з ахамагкиссам̣, яат̇ааби гусало д̇ат̇аа;
‘‘Taggha te ahamakkhissaṃ, yathāpi kusalo tathā;
рааж̇аа жа ко д̇ам̣ ж̇аанаад̇и, яад̣̇и гаахад̇и ваа на ваа’’д̇и.
Rājā ca kho taṃ jānāti, yadi kāhati vā na vā’’ti.
д̇асса анд̇аравийт̇ияам̣ тад̇ваа мад̇хурассарзна д̇хаммам̣ д̣̇зсзнд̇асса сад̣̇д̣̇о д̣̇ваад̣̇асаяож̇анигам̣ сагалаб̣аараан̣асинаг̇арам̣ авад̇т̇ари. ат̇а рааж̇аа жа убарааж̇аад̣̇аяо жа саб̣б̣з саннибад̇им̣су. махаасад̇д̇о махааж̇анасса маж̇жхз д̇хаммад̣̇зсанам̣ бадтабзси.
Tassa antaravīthiyaṃ ṭhatvā madhurassarena dhammaṃ desentassa saddo dvādasayojanikaṃ sakalabārāṇasinagaraṃ avatthari. Atha rājā ca uparājādayo ca sabbe sannipatiṃsu. Mahāsatto mahājanassa majjhe dhammadesanaṃ paṭṭhapesi.
д̇ад̇т̇а д̇аг̇гхаад̇и згам̣саважанам̣. яат̇ааби гусалод̇и яат̇аа ад̇игусало саб̣б̣ан̃н̃уб̣уд̣̇д̇хо аажигкад̇и, д̇ат̇аа д̇з згам̣сзнзва ахамагкиссанд̇и ад̇т̇о. рааж̇аа жа ко д̇анд̇и ахам̣ д̇ам̣ бан̃хам̣ яат̇аа д̇умхаагам̣ рааж̇аа ж̇аанид̇ум̣ саггод̇и, д̇ат̇аа гат̇зссаами. д̇ад̇о уд̇д̇ари рааж̇аа зва д̇ам̣ ж̇аанаад̇и, яад̣̇и гариссад̇и ваа на ваа гариссад̇и, гаронд̇асса ваа агаронд̇асса ваа д̇ассзвзд̇ам̣ бхависсад̇и, маяхам̣ бана д̣̇осо над̇т̇ийд̇и д̣̇ийбзд̇и.
Tattha tagghāti ekaṃsavacanaṃ. Yathāpi kusaloti yathā atikusalo sabbaññubuddho ācikkhati, tathā te ekaṃseneva ahamakkhissanti attho. Rājā ca kho tanti ahaṃ taṃ pañhaṃ yathā tumhākaṃ rājā jānituṃ sakkoti, tathā kathessāmi. Tato uttari rājā eva taṃ jānāti, yadi karissati vā na vā karissati, karontassa vā akarontassa vā tassevetaṃ bhavissati, mayhaṃ pana doso natthīti dīpeti.
звам̣ имааяа г̇аат̇ааяа бан̃хагат̇анам̣ бадиж̇аанид̇ваа ид̣̇аани д̇хаммаяааг̇абан̃хам̣ гат̇знд̇о ааха –
Evaṃ imāya gāthāya pañhakathanaṃ paṭijānitvā idāni dhammayāgapañhaṃ kathento āha –
173.
173.
‘‘аж̇ж̇а сувзд̇и сам̣сзяяа, ран̃н̃аа будто сужийрад̇а;
‘‘Ajja suveti saṃseyya, raññā puṭṭho sucīrata;
маа гад̇ваа авасий рааж̇аа, ад̇т̇з ж̇аад̇з яуд̇хидтило.
Mā katvā avasī rājā, atthe jāte yudhiṭṭhilo.
174.
174.
‘‘аж̇жхад̇д̇ан̃н̃зва сам̣сзяяа, ран̃н̃аа будто сужийрад̇а;
‘‘Ajjhattaññeva saṃseyya, raññā puṭṭho sucīrata;
гуммаг̇г̇ам̣ на нивзсзяяа, яат̇аа муул̣хо ажзд̇асо.
Kummaggaṃ na niveseyya, yathā mūḷho acetaso.
175.
175.
‘‘ад̇д̇аанам̣ наад̇ивад̇д̇зяяа, ад̇хаммам̣ на самаажарз;
‘‘Attānaṃ nātivatteyya, adhammaṃ na samācare;
ад̇ид̇т̇з наббад̇аарзяяа, анад̇т̇з на яуд̇о сияаа.
Atitthe nappatāreyya, anatthe na yuto siyā.
176.
176.
‘‘яо жа зд̇аани таанаани, гад̇д̇ум̣ ж̇аанаад̇и кад̇д̇ияо;
‘‘Yo ca etāni ṭhānāni, kattuṃ jānāti khattiyo;
сад̣̇аа со вад̣дхад̇з рааж̇аа, суггабагкзва жанд̣̇имаа.
Sadā so vaḍḍhate rājā, sukkapakkheva candimā.
177.
177.
‘‘н̃аад̇ийнан̃жа бияо ход̇и, мид̇д̇зсу жа вирожад̇и;
‘‘Ñātīnañca piyo hoti, mittesu ca virocati;
гааяасса бхзд̣̇аа саббан̃н̃о, саг̇г̇ам̣ со убабаж̇ж̇ад̇ий’’д̇и.
Kāyassa bhedā sappañño, saggaṃ so upapajjatī’’ti.
д̇ад̇т̇а сам̣сзяяаад̇и гат̇зяяа. ид̣̇ам̣ вуд̇д̇ам̣ ход̇и – д̇аад̇а, сужирад̇а сажз д̇умхаагам̣ ран̃н̃аа ‘‘аж̇ж̇а д̣̇аанам̣ д̣̇зма, сийлам̣ рагкаама, убосат̇агаммам̣ гаромаа’’д̇и гожи будто, ‘‘махаарааж̇а, аж̇ж̇а д̇аава баан̣ам̣ ханаама, гаамз барибхун̃ж̇аама, сурам̣ биваама, гусалам̣ бана гариссаама сувз’’д̇и ран̃н̃о гат̇зяяа, д̇асса ад̇имаханд̇ассаби амажжасса важанам̣ гад̇ваа д̇умхаагам̣ рааж̇аа яуд̇хидтилаг̇од̇д̇о д̇ат̇ааруубз ад̇т̇з ж̇аад̇з д̇ам̣ д̣̇ивасам̣ бамаад̣̇зна вийд̇инаамзнд̇о маа аваси, д̇асса важанам̣ агад̇ваа уббаннам̣ гусалажид̇д̇ам̣ абарихаабзд̇ваа гусалабадисам̣яуд̇д̇ам̣ гаммам̣ гарод̇уязва, ид̣̇амасса гат̇зяяаасийд̇и. звам̣ махаасад̇д̇о имааяа г̇аат̇ааяа –
Tattha saṃseyyāti katheyya. Idaṃ vuttaṃ hoti – tāta, sucirata sace tumhākaṃ raññā ‘‘ajja dānaṃ dema, sīlaṃ rakkhāma, uposathakammaṃ karomā’’ti koci puṭṭho, ‘‘mahārāja, ajja tāva pāṇaṃ hanāma, kāme paribhuñjāma, suraṃ pivāma, kusalaṃ pana karissāma suve’’ti rañño katheyya, tassa atimahantassapi amaccassa vacanaṃ katvā tumhākaṃ rājā yudhiṭṭhilagotto tathārūpe atthe jāte taṃ divasaṃ pamādena vītināmento mā avasi, tassa vacanaṃ akatvā uppannaṃ kusalacittaṃ aparihāpetvā kusalapaṭisaṃyuttaṃ kammaṃ karotuyeva, idamassa katheyyāsīti. Evaṃ mahāsatto imāya gāthāya –
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз’’д̇и. (ма. ни. 3.272) –
‘‘Ajjeva kiccamātappaṃ, ko jaññā maraṇaṃ suve’’ti. (ma. ni. 3.272) –
бхад̣̇д̣̇згарад̇д̇асуд̇д̇ан̃жзва,
Bhaddekarattasuttañceva,
‘‘аббамаад̣̇о амад̇абад̣̇ам̣, бамаад̣̇о мажжуно бад̣̇а’’нд̇и. (д̇ха. ба. 21) –
‘‘Appamādo amatapadaṃ, pamādo maccuno pada’’nti. (dha. pa. 21) –
аббамаад̣̇оваад̣̇ан̃жа гат̇зси.
Appamādovādañca kathesi.
аж̇жхад̇д̇ан̃н̃зваад̇и , д̇аад̇а, сужирад̇а самбхавабан̣д̣ид̇о д̇аяаа д̇хаммаяааг̇абан̃хз бужчид̇з гим̣ гат̇зсийд̇и ран̃н̃аа будто самаано д̇умхаагам̣ ран̃н̃о аж̇жхад̇д̇ан̃н̃зва сам̣сзяяа, нияагаж̇жхад̇д̇асан̇каад̇ам̣ канд̇хабан̃жагам̣ худ̇ваа абхаавад̇о анижжанд̇и гат̇зяяааси. зд̇д̇аавад̇аа махаасад̇д̇о –
Ajjhattaññevāti , tāta, sucirata sambhavapaṇḍito tayā dhammayāgapañhe pucchite kiṃ kathesīti raññā puṭṭho samāno tumhākaṃ rañño ajjhattaññeva saṃseyya, niyakajjhattasaṅkhātaṃ khandhapañcakaṃ hutvā abhāvato aniccanti katheyyāsi. Ettāvatā mahāsatto –
‘‘саб̣б̣з сан̇каараа анижжаад̇и, яад̣̇аа бан̃н̃ааяа бассад̇и’’. (д̇ха. ба. 277) –
‘‘Sabbe saṅkhārā aniccāti, yadā paññāya passati’’. (dha. pa. 277) –
‘‘анижжаа вад̇а сан̇каараа, уббаад̣̇аваяад̇хаммино’’д̇и. (д̣̇ий. ни. 2.221) –
‘‘Aniccā vata saṅkhārā, uppādavayadhammino’’ti. (dī. ni. 2.221) –
звам̣ вибхаавид̇ам̣ анижжад̇ам̣ гат̇зсийд̇и.
Evaṃ vibhāvitaṃ aniccataṃ kathesīti.
гуммаг̇г̇анд̇и, б̣раахман̣а, яат̇аа муул̣хо ажзд̇ано анд̇хаб̣аалабут̇уж̇ж̇ано д̣̇ваасадтид̣̇идтиг̇ад̇асан̇каад̇ам̣ гуммаг̇г̇ам̣ сзвад̇и, звам̣ д̇ава рааж̇аа д̇ам̣ гуммаг̇г̇ам̣ на сзвзяяа, нияяаанигам̣ д̣̇асагусалагаммабат̇амаг̇г̇амзва сзвад̇у, звамасса вад̣̇зяяаасийд̇и.
Kummagganti, brāhmaṇa, yathā mūḷho acetano andhabālaputhujjano dvāsaṭṭhidiṭṭhigatasaṅkhātaṃ kummaggaṃ sevati, evaṃ tava rājā taṃ kummaggaṃ na seveyya, niyyānikaṃ dasakusalakammapathamaggameva sevatu, evamassa vadeyyāsīti.
ад̇д̇аананд̇и имам̣ суг̇ад̇ияам̣ тид̇ам̣ ад̇д̇абхаавам̣ наад̇ивад̇д̇зяяа, язна гаммзна д̇иссо гусаласамбад̇д̇ияо саб̣б̣агаамасаг̇г̇з ад̇иггамид̇ваа абааяз ниб̣б̣ад̇д̇анд̇и, д̇ам̣ гаммам̣ на гарзяяаад̇и ад̇т̇о. ад̇хамманд̇и д̇ивид̇хад̣̇ужжарид̇асан̇каад̇ам̣ ад̇хаммам̣ на самаажарзяяа. ад̇ид̇т̇зд̇и д̣̇ваасадтид̣̇идтисан̇каад̇з ад̇ид̇т̇з наббад̇аарзяяа на од̇аарзяяа. ‘‘на д̇аарзяяаа’’д̇иби баато, ад̇д̇ано д̣̇идтаануг̇ад̇имаабаж̇ж̇анд̇ам̣ ж̇анам̣ на од̇аарзяяа. анад̇т̇зд̇и агааран̣з. на яуд̇од̇и яуд̇д̇абаяуд̇д̇о на сияаа. б̣раахман̣а, яад̣̇и д̇з рааж̇аа д̇хаммаяааг̇абан̃хз вад̇д̇ид̇угаамо, ‘‘имасмим̣ оваад̣̇з вад̇д̇ад̇уу’’д̇и д̇асса гат̇зяяаасийд̇и аяамзд̇т̇а ад̇хиббааяо.
Attānanti imaṃ sugatiyaṃ ṭhitaṃ attabhāvaṃ nātivatteyya, yena kammena tisso kusalasampattiyo sabbakāmasagge atikkamitvā apāye nibbattanti, taṃ kammaṃ na kareyyāti attho. Adhammanti tividhaduccaritasaṅkhātaṃ adhammaṃ na samācareyya. Atittheti dvāsaṭṭhidiṭṭhisaṅkhāte atitthe nappatāreyya na otāreyya. ‘‘Na tāreyyā’’tipi pāṭho, attano diṭṭhānugatimāpajjantaṃ janaṃ na otāreyya. Anattheti akāraṇe. Na yutoti yuttapayutto na siyā. Brāhmaṇa, yadi te rājā dhammayāgapañhe vattitukāmo, ‘‘imasmiṃ ovāde vattatū’’ti tassa katheyyāsīti ayamettha adhippāyo.
сад̣̇аад̇и сад̇ад̇ам̣. ид̣̇ам̣ вуд̇д̇ам̣ ход̇и – ‘‘яо кад̇д̇ияо зд̇аани гааран̣аани гаад̇ум̣ ж̇аанаад̇и, со рааж̇аа суггабагкз жанд̣̇о вияа сад̣̇аа вад̣дхад̇ий’’д̇и . вирожад̇ийд̇и мид̇д̇аамажжаанам̣ маж̇жхз ад̇д̇ано сийлаажааран̃аан̣аад̣̇ийхи г̇ун̣зхи собхад̇и вирожад̇ийд̇и.
Sadāti satataṃ. Idaṃ vuttaṃ hoti – ‘‘yo khattiyo etāni kāraṇāni kātuṃ jānāti, so rājā sukkapakkhe cando viya sadā vaḍḍhatī’’ti . Virocatīti mittāmaccānaṃ majjhe attano sīlācārañāṇādīhi guṇehi sobhati virocatīti.
звам̣ махаасад̇д̇о г̇аг̇анад̇алз жанд̣̇ам̣ удтаабзнд̇о вияа б̣уд̣̇д̇халийл̣ааяа б̣раахман̣асса бан̃хам̣ гат̇зси. махааж̇ано над̣̇анд̇о сзлзнд̇о абподзнд̇о саад̇хугаарасахассаани ад̣̇ааси, жзлугкзбз жа ан̇г̇улиподз жа бавад̇д̇зси, хад̇т̇абил̣анд̇ханаад̣̇ийни киби. звам̣ кид̇д̇ад̇ханам̣ годимад̇д̇ам̣ ахоси. рааж̇аабисса д̇удто маханд̇ам̣ яасам̣ ад̣̇ааси. сужирад̇оби нигкасахассзна бууж̇ам̣ гад̇ваа суван̣н̣абаддз ж̇аад̇ихин̇г̇улагзна бан̃хависсаж̇ж̇анам̣ ликид̇ваа инд̣̇абад̇т̇анаг̇арам̣ г̇анд̇ваа ран̃н̃о д̇хаммаяааг̇абан̃хам̣ гат̇зси. рааж̇аа д̇асмим̣ д̇хаммз вад̇д̇ид̇ваа саг̇г̇абурам̣ буурзси.
Evaṃ mahāsatto gaganatale candaṃ uṭṭhāpento viya buddhalīḷāya brāhmaṇassa pañhaṃ kathesi. Mahājano nadanto selento apphoṭento sādhukārasahassāni adāsi, celukkhepe ca aṅguliphoṭe ca pavattesi, hatthapiḷandhanādīni khipi. Evaṃ khittadhanaṃ koṭimattaṃ ahosi. Rājāpissa tuṭṭho mahantaṃ yasaṃ adāsi. Suciratopi nikkhasahassena pūjaṃ katvā suvaṇṇapaṭṭe jātihiṅgulakena pañhavissajjanaṃ likhitvā indapatthanagaraṃ gantvā rañño dhammayāgapañhaṃ kathesi. Rājā tasmiṃ dhamme vattitvā saggapuraṃ pūresi.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабан̃н̃оязваа’’д̇и вад̇ваа ж̇аад̇агам̣ самод̇хаанзси ‘‘д̇ад̣̇аа д̇ханан̃жаяарааж̇аа аананд̣̇о ахоси, сужирад̇о ануруд̣̇д̇хо, вид̇хуро гассабо, бхад̣̇рагааро мог̇г̇аллаано, сан̃жаяамаан̣аво саарибуд̇д̇о, самбхавабан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi tathāgato mahāpaññoyevā’’ti vatvā jātakaṃ samodhānesi ‘‘tadā dhanañcayarājā ānando ahosi, sucirato anuruddho, vidhuro kassapo, bhadrakāro moggallāno, sañcayamāṇavo sāriputto, sambhavapaṇḍito pana ahameva ahosi’’nti.
самбхаваж̇аад̇агаван̣н̣анаа бан̃жамаа.
Sambhavajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 515. самбхаваж̇аад̇агам̣ • 515. Sambhavajātakaṃ
