Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[519] 9. самб̣улааж̇аад̇агаван̣н̣анаа

[519] 9. Sambulājātakavaṇṇanā

гаа взд̇хамаанаад̇и ид̣̇ам̣ сад̇т̇аа ж̇зд̇аванз вихаранд̇о маллигам̣ д̣̇звим̣ аараб̣бха гат̇зси. вад̇т̇у гуммаасабин̣д̣иж̇аад̇агз (ж̇аа. 1.7.142 аад̣̇аяо) вид̇т̇аарид̇амзва. саа бана д̇ат̇ааг̇ад̇асса д̇ин̣н̣ам̣ гуммаасабин̣д̣игаанам̣ д̣̇аанаанубхаавзна д̇ам̣ д̣̇ивасан̃н̃зва ран̃н̃о аг̇г̇амахзсибхаавам̣ бад̇ваа буб̣б̣удтааяид̇аад̣̇ийхи бан̃жахи галяаан̣ад̇хаммзхи саманнааг̇ад̇аа н̃аан̣асамбаннаа б̣уд̣̇д̇хубадтааяигаа бад̇ид̣̇звад̇аа ахоси. д̇ассаа бад̇ид̣̇звад̇аабхааво сагаланаг̇арз баагадо ахоси. ат̇згад̣̇ивасам̣ д̇хаммасабхааяам̣ гат̇ам̣ самудтаабзсум̣ – ‘‘аавусо, маллигаа д̣̇звий гира вад̇д̇асамбаннаа н̃аан̣асамбаннаа бад̇ид̣̇звад̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзсаа вад̇д̇асамбаннаа бад̇ид̣̇звад̇ааязваа’’д̇и вад̇ваа ад̇ийд̇ам̣ аахари.

Kāvedhamānāti idaṃ satthā jetavane viharanto mallikaṃ deviṃ ārabbha kathesi. Vatthu kummāsapiṇḍijātake (jā. 1.7.142 ādayo) vitthāritameva. Sā pana tathāgatassa tiṇṇaṃ kummāsapiṇḍikānaṃ dānānubhāvena taṃ divasaññeva rañño aggamahesibhāvaṃ patvā pubbuṭṭhāyitādīhi pañcahi kalyāṇadhammehi samannāgatā ñāṇasampannā buddhupaṭṭhāyikā patidevatā ahosi. Tassā patidevatābhāvo sakalanagare pākaṭo ahosi. Athekadivasaṃ dhammasabhāyaṃ kathaṃ samuṭṭhāpesuṃ – ‘‘āvuso, mallikā devī kira vattasampannā ñāṇasampannā patidevatā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesā vattasampannā patidevatāyevā’’ti vatvā atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇асса ран̃н̃о сод̇т̇исзно наама буд̇д̇о ахоси. д̇ам̣ рааж̇аа ваяаббад̇д̇ам̣ убараж̇ж̇з бад̇идтабзси, самб̣улаа наамасса аг̇г̇амахзсий ахоси уд̇д̇амаруубад̇хараа сарийраббабхаасамбаннаа, ниваад̇з ж̇аламаанаа д̣̇ийбасикаа вияа кааяад̇и. абарабхааг̇з сод̇т̇исзнасса сарийрз гудтам̣ уббаж̇ж̇ад̇и, взж̇ж̇аа д̇игижчид̇ум̣ наасагким̣су. со бхиж̇ж̇амаанз гудтз бадигууло худ̇ваа виббадисаарам̣ бад̇ваа ‘‘го мз раж̇ж̇зна ад̇т̇о, аран̃н̃з анаат̇амаран̣ам̣ мариссаамий’’д̇и ран̃н̃о аарожаабзд̇ваа ид̇т̇ааг̇аарам̣ чад̣д̣зд̇ваа нигками. самб̣улаа б̣ахуухи убааязхи нивад̇д̇ияамаанааби анивад̇д̇ид̇ваава ‘‘ахам̣ д̇ам̣ саамигам̣ аран̃н̃з бадиж̇аг̇г̇иссаамий’’д̇и вад̇ваа сад̣̇д̇хин̃н̃зва нигками. со аран̃н̃ам̣ бависид̇ваа сулабхамуулапалаапалз чааяууд̣̇агасамбаннз бад̣̇зсз бан̣н̣асаалам̣ гад̇ваа ваасам̣ габбзси. рааж̇ад̇хийд̇аа д̇ам̣ бадиж̇аг̇г̇и. гат̇ам̣? саа хи баад̇о вудтааяа ассамабад̣̇ам̣ саммаж̇ж̇ид̇ваа баанийяабарибхож̇анийяам̣ убадтабзд̇ваа д̣̇анд̇агадтан̃жа мукад̇хованан̃жа убанаамзд̇ваа мукз д̇ход̇з наанааосад̇хаани бисид̇ваа д̇асса ван̣з магкзд̇ваа мад̇хурамад̇хураани палаапалаани каад̣̇аабзд̇ваа мукам̣ вигкаалзд̇ваа хад̇т̇зсу д̇ход̇зсу ‘‘аббамад̇д̇о хохи д̣̇зваа’’д̇и вад̇ваа ванд̣̇ид̇ваа бажчикан̣ид̇д̇иан̇гусагз аад̣̇ааяа палаапалад̇т̇ааяа аран̃н̃ам̣ бависид̇ваа палаапалаани аахарид̇ваа згаманд̇з табзд̇ваа гхадзна уд̣̇агам̣ аахарид̇ваа наанаажун̣н̣зхи жа мад̇д̇игаахи жа сод̇т̇исзнам̣ нхаабзд̇ваа буна мад̇хурапалаапалаани убанаамзд̇и. барибхог̇аавасаанз ваасид̇абаанийяам̣ убанзд̇ваа саяам̣ палаапалаани барибхун̃ж̇ид̇ваа бад̣̇арасант̇арам̣ сам̣вид̣̇ахид̇ваа д̇асмим̣ д̇ад̇т̇а нибаннз д̇асса баад̣̇з д̇ховид̇ваа сийсабаригаммабидтибаригаммабаад̣̇абаригаммаани гад̇ваа саяанабассам̣ убаг̇анд̇ваа нибаж̇ж̇ад̇и. зд̇знубааязна саамигам̣ бадиж̇аг̇г̇и.

Atīte bārāṇasiyaṃ brahmadattassa rañño sotthiseno nāma putto ahosi. Taṃ rājā vayappattaṃ uparajje patiṭṭhapesi, sambulā nāmassa aggamahesī ahosi uttamarūpadharā sarīrappabhāsampannā, nivāte jalamānā dīpasikhā viya khāyati. Aparabhāge sotthisenassa sarīre kuṭṭhaṃ uppajjati, vejjā tikicchituṃ nāsakkhiṃsu. So bhijjamāne kuṭṭhe paṭikūlo hutvā vippaṭisāraṃ patvā ‘‘ko me rajjena attho, araññe anāthamaraṇaṃ marissāmī’’ti rañño ārocāpetvā itthāgāraṃ chaḍḍetvā nikkhami. Sambulā bahūhi upāyehi nivattiyamānāpi anivattitvāva ‘‘ahaṃ taṃ sāmikaṃ araññe paṭijaggissāmī’’ti vatvā saddhiññeva nikkhami. So araññaṃ pavisitvā sulabhamūlaphalāphale chāyūdakasampanne padese paṇṇasālaṃ katvā vāsaṃ kappesi. Rājadhītā taṃ paṭijaggi. Kathaṃ? Sā hi pāto vuṭṭhāya assamapadaṃ sammajjitvā pānīyaparibhojanīyaṃ upaṭṭhapetvā dantakaṭṭhañca mukhadhovanañca upanāmetvā mukhe dhote nānāosadhāni pisitvā tassa vaṇe makkhetvā madhuramadhurāni phalāphalāni khādāpetvā mukhaṃ vikkhāletvā hatthesu dhotesu ‘‘appamatto hohi devā’’ti vatvā vanditvā pacchikhaṇittiaṅkusake ādāya phalāphalatthāya araññaṃ pavisitvā phalāphalāni āharitvā ekamante ṭhapetvā ghaṭena udakaṃ āharitvā nānācuṇṇehi ca mattikāhi ca sotthisenaṃ nhāpetvā puna madhuraphalāphalāni upanāmeti. Paribhogāvasāne vāsitapānīyaṃ upanetvā sayaṃ phalāphalāni paribhuñjitvā padarasantharaṃ saṃvidahitvā tasmiṃ tattha nipanne tassa pāde dhovitvā sīsaparikammapiṭṭhiparikammapādaparikammāni katvā sayanapassaṃ upagantvā nipajjati. Etenupāyena sāmikaṃ paṭijaggi.

саа згад̣̇ивасам̣ аран̃н̃з палаапалам̣ аахаранд̇ий згам̣ г̇ириганд̣̇арам̣ д̣̇исваа сийсад̇о бажчим̣ од̇аарзд̇ваа ганд̣̇арад̇ийрз табзд̇ваа ‘‘нхааяиссаамий’’д̇и од̇арид̇ваа халид̣̇д̣̇ааяа сарийрам̣ уб̣б̣аддзд̇ваа нхад̇ваа суд̇ход̇асарийраа уд̇д̇арид̇ваа ваагажийрам̣ ниваасзд̇ваа ганд̣̇арад̇ийрз адтааси. ат̇ассаа сарийраббабхааяа ванам̣ згобхаасам̣ ахоси. д̇асмим̣ кан̣з зго д̣̇аанаво г̇ожарад̇т̇ааяа жаранд̇о д̇ам̣ д̣̇исваа бадиб̣ад̣̇д̇хажид̇д̇о худ̇ваа г̇аат̇аад̣̇ваяам̣ ааха –

Sā ekadivasaṃ araññe phalāphalaṃ āharantī ekaṃ girikandaraṃ disvā sīsato pacchiṃ otāretvā kandaratīre ṭhapetvā ‘‘nhāyissāmī’’ti otaritvā haliddāya sarīraṃ ubbaṭṭetvā nhatvā sudhotasarīrā uttaritvā vākacīraṃ nivāsetvā kandaratīre aṭṭhāsi. Athassā sarīrappabhāya vanaṃ ekobhāsaṃ ahosi. Tasmiṃ khaṇe eko dānavo gocaratthāya caranto taṃ disvā paṭibaddhacitto hutvā gāthādvayaṃ āha –

297.

‘‘гаа взд̇хамаанаа г̇ириганд̣̇арааяам̣, згаа д̇увам̣ д̇идтаси сам̣хид̇ууру;

‘‘Kā vedhamānā girikandarāyaṃ, ekā tuvaṃ tiṭṭhasi saṃhitūru;

будтааси мз баан̣ибамзяяамаж̇жхз, агкаахи мз нааман̃жа б̣анд̇хавз жа.

Puṭṭhāsi me pāṇipameyyamajjhe, akkhāhi me nāmañca bandhave ca.

298.

‘‘обхаасаяам̣ ванам̣ раммам̣, сийхаб̣яаг̇гханисзвид̇ам̣;

‘‘Obhāsayaṃ vanaṃ rammaṃ, sīhabyagghanisevitaṃ;

гаа ваа д̇вамаси галяаан̣и, гасса ваа д̇вам̣ сумаж̇жхимз;

Kā vā tvamasi kalyāṇi, kassa vā tvaṃ sumajjhime;

абхиваад̣̇зми д̇ам̣ бхад̣̇д̣̇з, д̣̇аанаваахам̣ намад̇т̇у д̇з’’д̇и.

Abhivādemi taṃ bhadde, dānavāhaṃ namatthu te’’ti.

д̇ад̇т̇а гаа взд̇хамаанаад̇и нхаанамад̇д̇ад̇ааяа сийд̇абхаавзна гамбамаанаа. сам̣хид̇уурууд̇и самбин̣д̣ид̇ууру уд̇д̇амауурулагкан̣з. баан̣ибамзяяамаж̇жхзд̇и хад̇т̇зна минид̇аб̣б̣амаж̇жхз. гаа ваа д̇ванд̇и гаа наама ваа д̇вам̣ бхаваси. абхиваад̣̇змийд̇и ванд̣̇аами. д̣̇аанавааханд̇и ахам̣ зго д̣̇аанаво, аяам̣ намаггааро д̇ава ад̇т̇у, ан̃ж̇алим̣ д̇з баг̇г̇ан̣хаамийд̇и аважа.

Tattha kā vedhamānāti nhānamattatāya sītabhāvena kampamānā. Saṃhitūrūti sampiṇḍitūru uttamaūrulakkhaṇe. Pāṇipameyyamajjheti hatthena minitabbamajjhe. Kā vā tvanti kā nāma vā tvaṃ bhavasi. Abhivādemīti vandāmi. Dānavāhanti ahaṃ eko dānavo, ayaṃ namakkāro tava atthu, añjaliṃ te paggaṇhāmīti avaca.

саа д̇асса важанам̣ суд̇ваа д̇иссо г̇аат̇аа абхааси –

Sā tassa vacanaṃ sutvā tisso gāthā abhāsi –

299.

‘‘яо буд̇д̇о гаасирааж̇асса, сод̇т̇исзнод̇и д̇ам̣ вид̣̇уу;

‘‘Yo putto kāsirājassa, sotthisenoti taṃ vidū;

д̇ассаахам̣ самб̣улаа бхарияаа, звам̣ ж̇аанаахи д̣̇аанава;

Tassāhaṃ sambulā bhariyā, evaṃ jānāhi dānava;

абхиваад̣̇зми д̇ам̣ бханд̇з, самб̣улаахам̣ намад̇т̇у д̇з.

Abhivādemi taṃ bhante, sambulāhaṃ namatthu te.

300.

‘‘взд̣̇зхабуд̇д̇о бхад̣̇д̣̇анд̇з, ванз васад̇и аад̇уро;

‘‘Vedehaputto bhaddante, vane vasati āturo;

д̇амахам̣ рог̇асаммад̇д̇ам̣, згаа згам̣ убадтахам̣.

Tamahaṃ rogasammattaṃ, ekā ekaṃ upaṭṭhahaṃ.

301.

‘‘ахан̃жа ванамун̃чааяа, мад̇хумам̣сам̣ миг̇ааб̣илам̣;

‘‘Ahañca vanamuñchāya, madhumaṃsaṃ migābilaṃ;

яад̣̇аахараами д̇ам̣ бхагко, д̇асса нуунаж̇ж̇а наад̇хад̇ий’’д̇и.

Yadāharāmi taṃ bhakkho, tassa nūnajja nādhatī’’ti.

д̇ад̇т̇а взд̣̇зхабуд̇д̇од̇и взд̣̇зхарааж̇ад̇хийд̇ааяа буд̇д̇о. рог̇асаммад̇д̇анд̇и рог̇абийл̣ид̇ам̣. убадтаханд̇и убадтахаами бадиж̇аг̇г̇аами. ‘‘убадтид̇аа’’д̇иби баато. ванамун̃чааяаад̇и ванам̣ ун̃чзд̇ваа ун̃чаажарияам̣ жарид̇ваа. мад̇хумам̣санд̇и ниммагкигам̣ мад̇хун̃жа миг̇ааб̣иламам̣сан̃жа сийхаб̣яаг̇гхамиг̇зхи каад̣̇ид̇амам̣сад̇о ад̇ирид̇д̇агодтаасам̣. д̇ам̣ бхагкод̇и яам̣ ахам̣ аахараами, д̇ам̣ бхагкова со мама саамиго. д̇асса нуунаж̇ж̇аад̇и д̇асса ман̃н̃з аж̇ж̇а аахаарам̣ алабхамаанасса сарийрам̣ аад̇абз багкид̇д̇абад̣̇умам̣ вияа наад̇хад̇и убад̇аббад̇и милааяад̇и.

Tattha vedehaputtoti vedeharājadhītāya putto. Rogasammattanti rogapīḷitaṃ. Upaṭṭhahanti upaṭṭhahāmi paṭijaggāmi. ‘‘Upaṭṭhitā’’tipi pāṭho. Vanamuñchāyāti vanaṃ uñchetvā uñchācariyaṃ caritvā. Madhumaṃsanti nimmakkhikaṃ madhuñca migābilamaṃsañca sīhabyagghamigehi khāditamaṃsato atirittakoṭṭhāsaṃ. Taṃ bhakkhoti yaṃ ahaṃ āharāmi, taṃ bhakkhova so mama sāmiko. Tassa nūnajjāti tassa maññe ajja āhāraṃ alabhamānassa sarīraṃ ātape pakkhittapadumaṃ viya nādhati upatappati milāyati.

д̇ад̇о барам̣ д̣̇аанавасса жа д̇ассаа жа важанабадиважанаг̇аат̇ааяо хонд̇и –

Tato paraṃ dānavassa ca tassā ca vacanapaṭivacanagāthāyo honti –

302.

‘‘гим̣ ванз рааж̇абуд̇д̇зна, аад̇урзна гариссаси;

‘‘Kiṃ vane rājaputtena, āturena karissasi;

самб̣улз барижин̣н̣зна, ахам̣ бхад̇д̇аа бхаваами д̇з.

Sambule pariciṇṇena, ahaṃ bhattā bhavāmi te.

303.

‘‘согаддааяа д̣̇урад̇д̇ааяа, гим̣ руубам̣ виж̇ж̇ад̇з мама;

‘‘Sokaṭṭāya durattāya, kiṃ rūpaṃ vijjate mama;

ан̃н̃ам̣ бариязса бхад̣̇д̣̇анд̇з, абхируубад̇арам̣ маяаа.

Aññaṃ pariyesa bhaddante, abhirūpataraṃ mayā.

304.

‘‘зхимам̣ г̇иримааруяха, бхарияаа мз жад̇уссад̇аа;

‘‘Ehimaṃ girimāruyha, bhariyā me catussatā;

д̇аасам̣ д̇вам̣ бавараа хохи, саб̣б̣агаамасамид̣̇д̇хиний.

Tāsaṃ tvaṃ pavarā hohi, sabbakāmasamiddhinī.

305.

‘‘нууна д̇аарагаван̣н̣аабхз, яам̣ гин̃жи манасижчаси;

‘‘Nūna tārakavaṇṇābhe, yaṃ kiñci manasicchasi;

саб̣б̣ам̣ д̇ам̣ бажурам̣ маяхам̣, рамассваж̇ж̇а маяаа саха.

Sabbaṃ taṃ pacuraṃ mayhaṃ, ramassvajja mayā saha.

306.

‘‘но жз д̇увам̣ махзсзяяам̣, самб̣улз гаараяиссаси;

‘‘No ce tuvaṃ maheseyyaṃ, sambule kārayissasi;

алам̣ д̇вам̣ баад̇араасааяа, бан̣хз бхагкаа бхависсаси.

Alaṃ tvaṃ pātarāsāya, paṇhe bhakkhā bhavissasi.

307.

‘‘д̇ан̃жа сад̇д̇аж̇адо луд̣̇д̣̇о, гал̣ааро бурисаад̣̇аго;

‘‘Tañca sattajaṭo luddo, kaḷāro purisādako;

ванз наат̇ам̣ абассанд̇им̣, самб̣улам̣ аг̇г̇ахий бхуж̇з.

Vane nāthaṃ apassantiṃ, sambulaṃ aggahī bhuje.

308.

‘‘ад̇хибаннаа бисаажзна, луд̣̇д̣̇знаамисажагкунаа;

‘‘Adhipannā pisācena, luddenāmisacakkhunā;

саа жа сад̇д̇увасам̣ бад̇д̇аа, бад̇имзваанусожад̇и.

Sā ca sattuvasaṃ pattā, patimevānusocati.

309.

‘‘на мз ид̣̇ам̣ д̇ат̇аа д̣̇угкам̣, яам̣ мам̣ каад̣̇зяяа рагкасо;

‘‘Na me idaṃ tathā dukkhaṃ, yaṃ maṃ khādeyya rakkhaso;

яан̃жа мз аяяабуд̇д̇асса, мано хзссад̇и ан̃н̃ат̇аа.

Yañca me ayyaputtassa, mano hessati aññathā.

310.

‘‘на санд̇и д̣̇зваа бавасанд̇и нууна, на хи нууна санд̇и ид̇ха логабаалаа;

‘‘Na santi devā pavasanti nūna, na hi nūna santi idha lokapālā;

сахасаа гаронд̇аанамасан̃н̃ад̇аанам̣, на хи нууна санд̇и бадисзд̇хид̇ааро’’д̇и.

Sahasā karontānamasaññatānaṃ, na hi nūna santi paṭisedhitāro’’ti.

д̇ад̇т̇а барижин̣н̣знаад̇и д̇зна аад̇урзна барижин̣н̣зна гим̣ гариссаси. согаддааяаад̇и согаад̇урааяа. ‘‘согадтааяаа’’д̇иби баато, согз тид̇ааяаад̇и ад̇т̇о. д̣̇урад̇д̇ааяаад̇и д̣̇уг̇г̇ад̇агабан̣абхааваббад̇д̇ааяа ад̇д̇абхаавааяа. зхиманд̇и маа д̇вам̣ д̣̇урад̇д̇аамхийд̇и жинд̇аяи, зд̇ам̣ мама г̇иримхи д̣̇иб̣б̣авимаанам̣, зхи имам̣ г̇ирим̣ ааруха. жад̇уссад̇аад̇и д̇асмим̣ мз вимаанз абарааби жад̇уссад̇аа бхарияааяо ад̇т̇и. саб̣б̣ам̣ д̇анд̇и яам̣ гин̃жи убабхог̇абарибхог̇авад̇т̇аабхаран̣аад̣̇игам̣ ижчаси, саб̣б̣ам̣ д̇ам̣ нууна маяхам̣ бажурам̣ б̣ахум̣ сулабхам̣, д̇асмаа маа габан̣аамхийд̇и жинд̇аяи, зхи маяаа саха рамассууд̇и вад̣̇ад̇и.

Tattha pariciṇṇenāti tena āturena pariciṇṇena kiṃ karissasi. Sokaṭṭāyāti sokāturāya. ‘‘Sokaṭṭhāyā’’tipi pāṭho, soke ṭhitāyāti attho. Durattāyāti duggatakapaṇabhāvappattāya attabhāvāya. Ehimanti mā tvaṃ durattāmhīti cintayi, etaṃ mama girimhi dibbavimānaṃ, ehi imaṃ giriṃ āruha. Catussatāti tasmiṃ me vimāne aparāpi catussatā bhariyāyo atthi. Sabbaṃ tanti yaṃ kiñci upabhogaparibhogavatthābharaṇādikaṃ icchasi, sabbaṃ taṃ nūna mayhaṃ pacuraṃ bahuṃ sulabhaṃ, tasmā mā kapaṇāmhīti cintayi, ehi mayā saha ramassūti vadati.

махзсзяяанд̇и, ‘‘бхад̣̇д̣̇з, самб̣улз но жз мз д̇вам̣ махзсибхаавам̣ гаарзссаси, барияад̇д̇аа д̇вам̣ мама баад̇араасааяа, д̇зна д̇ам̣ б̣алаггаарзна вимаанам̣ нзссаами, д̇ад̇ра мам̣ асан̇г̇ан̣ханд̇ий мама свз баад̇ова бхагкаа бхависсасий’’д̇и звам̣ вад̇ваа со сад̇д̇ахи ж̇адаахи саманнааг̇ад̇о луд̣̇д̣̇аго д̣̇аарун̣о нигканд̇ад̣̇анд̇о д̇ам̣ д̇асмим̣ ванз гин̃жи ад̇д̇ано наат̇ам̣ абассанд̇им̣ самб̣улам̣ бхуж̇з аг̇г̇ахзси. ад̇хибаннаад̇и аж̇жход̇т̇адаа. аамисажагкунаад̇и гилзсалолзна. бад̇имзваад̇и ад̇д̇ано ажинд̇зд̇ваа бад̇имзва анусожад̇и. мано хзссад̇ийд̇и мам̣ жирааяанд̇им̣ вид̣̇ид̇ваа ан̃н̃ат̇аа жид̇д̇ам̣ бхависсад̇и. на санд̇и д̣̇зваад̇и ид̣̇ам̣ саа д̣̇аанавзна бхуж̇з г̇ахид̇аа д̣̇звад̇уж̇жхаабанам̣ гаронд̇ий ааха. логабаалаад̇и зваруубаанам̣ сийлаванд̇ийнам̣ бад̇ид̣̇звад̇аанам̣ баалагаа логабаалаа нууна ид̇ха логз на санд̇ийд̇и барид̣̇звад̇и.

Maheseyyanti, ‘‘bhadde, sambule no ce me tvaṃ mahesibhāvaṃ kāressasi, pariyattā tvaṃ mama pātarāsāya, tena taṃ balakkārena vimānaṃ nessāmi, tatra maṃ asaṅgaṇhantī mama sve pātova bhakkhā bhavissasī’’ti evaṃ vatvā so sattahi jaṭāhi samannāgato luddako dāruṇo nikkhantadanto taṃ tasmiṃ vane kiñci attano nāthaṃ apassantiṃ sambulaṃ bhuje aggahesi. Adhipannāti ajjhotthaṭā. Āmisacakkhunāti kilesalolena. Patimevāti attano acintetvā patimeva anusocati. Mano hessatīti maṃ cirāyantiṃ viditvā aññathā cittaṃ bhavissati. Na santi devāti idaṃ sā dānavena bhuje gahitā devatujjhāpanaṃ karontī āha. Lokapālāti evarūpānaṃ sīlavantīnaṃ patidevatānaṃ pālakā lokapālā nūna idha loke na santīti paridevati.

ат̇ассаа сийлад̇зж̇зна саггасса бхаванам̣ гамби, бан̣д̣угамб̣аласилаасанам̣ ун̣хаагаарам̣ д̣̇ассзси. сагго ааваж̇ж̇знд̇о д̇ам̣ гааран̣ам̣ н̃ад̇ваа важ̇ирам̣ аад̣̇ааяа взг̇зна г̇анд̇ваа д̣̇аанавасса мад̇т̇агз тад̇ваа ид̇арам̣ г̇аат̇амааха –

Athassā sīlatejena sakkassa bhavanaṃ kampi, paṇḍukambalasilāsanaṃ uṇhākāraṃ dassesi. Sakko āvajjento taṃ kāraṇaṃ ñatvā vajiraṃ ādāya vegena gantvā dānavassa matthake ṭhatvā itaraṃ gāthamāha –

311.

‘‘ид̇т̇ийнамзсаа бавараа яасассиний, санд̇аа самаа аг̇г̇иривуг̇г̇ад̇зж̇аа;

‘‘Itthīnamesā pavarā yasassinī, santā samā aggirivuggatejā;

д̇ан̃жз д̇увам̣ рагкасаад̣̇зси ган̃н̃ам̣, муд̣̇д̇хаа жа хи сад̇д̇ад̇хаа д̇з палзяяа;

Tañce tuvaṃ rakkhasādesi kaññaṃ, muddhā ca hi sattadhā te phaleyya;

маа д̇вам̣ д̣̇ахий мун̃жа бад̇иб̣б̣ад̇ааяаа’’д̇и.

Mā tvaṃ dahī muñca patibbatāyā’’ti.

д̇ад̇т̇а санд̇аад̇и убасанд̇аа, ат̇а ваа бан̣д̣ид̇аа н̃аан̣асамбаннаа. самаад̇и гааяависамаад̣̇ивирахид̇аа. ад̣̇зсийд̇и каад̣̇аси. палзяяаад̇и иминаа мз инд̣̇аваж̇ирзна бахарид̇ваа муд̣̇д̇хаа бхиж̇ж̇зт̇а. маа д̇вам̣ д̣̇ахийд̇и д̇вам̣ имам̣ бад̇иб̣б̣ад̇ам̣ маа д̇аабзяяаасийд̇и.

Tattha santāti upasantā, atha vā paṇḍitā ñāṇasampannā. Samāti kāyavisamādivirahitā. Adesīti khādasi. Phaleyyāti iminā me indavajirena paharitvā muddhā bhijjetha. Mā tvaṃ dahīti tvaṃ imaṃ patibbataṃ mā tāpeyyāsīti.

д̇ам̣ суд̇ваа д̣̇аанаво самб̣улам̣ виссаж̇ж̇зси. сагго ‘‘бунаби зса зваруубам̣ гарзяяаа’’д̇и жинд̇зд̇ваа д̣̇аанавам̣ д̣̇звасан̇калигааяа б̣анд̇хид̇ваа буна анааг̇аманааяа д̇ад̇ияз баб̣б̣ад̇анд̇арз виссаж̇ж̇зси, рааж̇ад̇хийд̇арам̣ аббамаад̣̇зна овад̣̇ид̇ваа сагадтаанамзва г̇ад̇о. рааж̇ад̇хийд̇ааби ад̇т̇ан̇г̇ад̇з суурияз жанд̣̇аалогзна ассамам̣ баабун̣и. д̇амад̇т̇ам̣ багаасзнд̇о сад̇т̇аа адта г̇аат̇аа абхааси –

Taṃ sutvā dānavo sambulaṃ vissajjesi. Sakko ‘‘punapi esa evarūpaṃ kareyyā’’ti cintetvā dānavaṃ devasaṅkhalikāya bandhitvā puna anāgamanāya tatiye pabbatantare vissajjesi, rājadhītaraṃ appamādena ovaditvā sakaṭṭhānameva gato. Rājadhītāpi atthaṅgate sūriye candālokena assamaṃ pāpuṇi. Tamatthaṃ pakāsento satthā aṭṭha gāthā abhāsi –

312.

‘‘саа жа ассамамааг̇ажчи, бамуд̇д̇аа бурисаад̣̇агаа;

‘‘Sā ca assamamāgacchi, pamuttā purisādakā;

нийл̣ам̣ бал̣инам̣ сагун̣ийва, г̇ад̇асин̇г̇ам̣ва аалаяам̣.

Nīḷaṃ paḷinaṃ sakuṇīva, gatasiṅgaṃva ālayaṃ.

313.

‘‘саа д̇ад̇т̇а барид̣̇звзси, рааж̇абуд̇д̇ий яасассиний;

‘‘Sā tattha paridevesi, rājaputtī yasassinī;

самб̣улаа уд̇умад̇д̇агкаа, ванз наат̇ам̣ абассанд̇ий.

Sambulā utumattakkhā, vane nāthaṃ apassantī.

314.

‘‘саман̣з б̣раахман̣з ванд̣̇з, самбаннажаран̣з исз;

‘‘Samaṇe brāhmaṇe vande, sampannacaraṇe ise;