| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
(24) 4. கம்மவக்³கோ³
(24) 4. Kammavaggo
1. ஸங்கி²த்தஸுத்தவண்ணனா
1. Saṃkhittasuttavaṇṇanā
232. சதுத்த²ஸ்ஸ பட²மே கண்ஹந்தி காளகங் த³ஸஅகுஸலகம்மபத²கம்மங். கண்ஹவிபாகந்தி அபாயே நிப்³ப³த்தனதோ காளகவிபாகங். ஸுக்கந்தி பண்ட³ரகங் குஸலகம்மபத²கம்மங் . ஸுக்கவிபாகந்தி ஸக்³கே³ நிப்³ப³த்தனதோ பண்ட³ரகவிபாகங். கண்ஹஸுக்கந்தி மிஸ்ஸககம்மங். கண்ஹஸுக்கவிபாகந்தி ஸுக²து³க்க²விபாகங். மிஸ்ஸககம்மஞ்ஹி கத்வா அகுஸலேன திரச்சா²னயோனியங் மங்க³லஹத்தி²ட்டா²னாதீ³ஸு உப்பன்னோ குஸலேன பவத்தே ஸுக²ங் வேதி³யதி. குஸலேன ராஜகுலேபி நிப்³ப³த்தோ அகுஸலேன பவத்தே து³க்க²ங் வேதி³யதி. அகண்ஹங் அஸுக்கந்தி கம்மக்க²யகரங் சதுமக்³க³ஞாணங் அதி⁴ப்பேதங். தஞ்ஹி யதி³ கண்ஹங் ப⁴வெய்ய, கண்ஹவிபாகங் த³தெ³ய்ய. யதி³ ஸுக்கங் ப⁴வெய்ய, ஸுக்கவிபாகங் த³தெ³ய்ய. உப⁴யவிபாகஸ்ஸ பன அப்பதா³னதோ அகண்ஹங் அஸுக்கந்தி அயமெத்த² அத்தோ².
232. Catutthassa paṭhame kaṇhanti kāḷakaṃ dasaakusalakammapathakammaṃ. Kaṇhavipākanti apāye nibbattanato kāḷakavipākaṃ. Sukkanti paṇḍarakaṃ kusalakammapathakammaṃ . Sukkavipākanti sagge nibbattanato paṇḍarakavipākaṃ. Kaṇhasukkanti missakakammaṃ. Kaṇhasukkavipākanti sukhadukkhavipākaṃ. Missakakammañhi katvā akusalena tiracchānayoniyaṃ maṅgalahatthiṭṭhānādīsu uppanno kusalena pavatte sukhaṃ vediyati. Kusalena rājakulepi nibbatto akusalena pavatte dukkhaṃ vediyati. Akaṇhaṃ asukkanti kammakkhayakaraṃ catumaggañāṇaṃ adhippetaṃ. Tañhi yadi kaṇhaṃ bhaveyya, kaṇhavipākaṃ dadeyya. Yadi sukkaṃ bhaveyya, sukkavipākaṃ dadeyya. Ubhayavipākassa pana appadānato akaṇhaṃ asukkanti ayamettha attho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஸங்கி²த்தஸுத்தங் • 1. Saṃkhittasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. ஸங்கி²த்தஸுத்தவண்ணனா • 1. Saṃkhittasuttavaṇṇanā
