| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. саммаад̣̇идтисуд̇д̇ам̣
9. Sammādiṭṭhisuttaṃ
89. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
89. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘‘саммаад̣̇идти 1 саммаад̣̇идтий’д̇и, аавусо, вужжад̇и. гид̇д̇аавад̇аа ну ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и?
‘‘‘Sammādiṭṭhi 2 sammādiṭṭhī’ti, āvuso, vuccati. Kittāvatā nu kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti?
‘‘д̣̇уурад̇оби ко маяам̣, аавусо, ааг̇ажчзяяаама ааяасмад̇о саарибуд̇д̇асса санд̇игз зд̇асса бхаасид̇асса ад̇т̇аман̃н̃аад̇ум̣. саад̇ху вад̇ааяасманд̇ам̣язва саарибуд̇д̇ам̣ бадибхаад̇у зд̇асса бхаасид̇асса ад̇т̇о. ааяасмад̇о саарибуд̇д̇асса суд̇ваа бхигкуу д̇хаарзссанд̇ий’’д̇и. ‘‘д̇зна хи, аавусо, сун̣аат̇а, саад̇хугам̣ манаси гарот̇а, бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
‘‘Dūratopi kho mayaṃ, āvuso, āgaccheyyāma āyasmato sāriputtassa santike etassa bhāsitassa atthamaññātuṃ. Sādhu vatāyasmantaṃyeva sāriputtaṃ paṭibhātu etassa bhāsitassa attho. Āyasmato sāriputtassa sutvā bhikkhū dhāressantī’’ti. ‘‘Tena hi, āvuso, suṇātha, sādhukaṃ manasi karotha, bhāsissāmī’’ti. ‘‘Evamāvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘яад̇о ко, аавусо, арияасааваго агусалан̃жа баж̇аанаад̇и, агусаламуулан̃жа баж̇аанаад̇и, гусалан̃жа баж̇аанаад̇и, гусаламуулан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амам̣ банаавусо, агусалам̣, гад̇амам̣ агусаламуулам̣, гад̇амам̣ гусалам̣, гад̇амам̣ гусаламуулам̣? баан̣аад̇ибаад̇о ко, аавусо, агусалам̣, ад̣̇иннаад̣̇аанам̣ агусалам̣, гаамзсумижчаажааро агусалам̣, мусааваад̣̇о агусалам̣, бисун̣аа ваажаа 3 агусалам̣, парусаа ваажаа 4 агусалам̣, сампаббалаабо агусалам̣, абхиж̇жхаа агусалам̣, б̣яаабаад̣̇о агусалам̣, мижчаад̣̇идти агусалам̣ – ид̣̇ам̣ вужжад̇аавусо агусалам̣. гад̇аман̃жаавусо, агусаламуулам̣? лобхо агусаламуулам̣, д̣̇осо агусаламуулам̣, мохо агусаламуулам̣ – ид̣̇ам̣ вужжад̇аавусо, агусаламуулам̣.
‘‘Yato kho, āvuso, ariyasāvako akusalañca pajānāti, akusalamūlañca pajānāti, kusalañca pajānāti, kusalamūlañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamaṃ panāvuso, akusalaṃ, katamaṃ akusalamūlaṃ, katamaṃ kusalaṃ, katamaṃ kusalamūlaṃ? Pāṇātipāto kho, āvuso, akusalaṃ, adinnādānaṃ akusalaṃ, kāmesumicchācāro akusalaṃ, musāvādo akusalaṃ, pisuṇā vācā 5 akusalaṃ, pharusā vācā 6 akusalaṃ, samphappalāpo akusalaṃ, abhijjhā akusalaṃ, byāpādo akusalaṃ, micchādiṭṭhi akusalaṃ – idaṃ vuccatāvuso akusalaṃ. Katamañcāvuso, akusalamūlaṃ? Lobho akusalamūlaṃ, doso akusalamūlaṃ, moho akusalamūlaṃ – idaṃ vuccatāvuso, akusalamūlaṃ.
‘‘гад̇аман̃жаавусо , гусалам̣? баан̣аад̇ибаад̇аа взраман̣ий гусалам̣, ад̣̇иннаад̣̇аанаа взраман̣ий гусалам̣, гаамзсумижчаажаараа взраман̣ий гусалам̣, мусааваад̣̇аа взраман̣ий гусалам̣, бисун̣ааяа ваажааяа взраман̣ий гусалам̣, парусааяа ваажааяа взраман̣ий гусалам̣, сампаббалаабаа взраман̣ий гусалам̣, анабхиж̇жхаа гусалам̣, аб̣яаабаад̣̇о гусалам̣, саммаад̣̇идти гусалам̣ – ид̣̇ам̣ вужжад̇аавусо, гусалам̣. гад̇аман̃жаавусо, гусаламуулам̣? алобхо гусаламуулам̣, ад̣̇осо гусаламуулам̣, амохо гусаламуулам̣ – ид̣̇ам̣ вужжад̇аавусо, гусаламуулам̣.
‘‘Katamañcāvuso , kusalaṃ? Pāṇātipātā veramaṇī kusalaṃ, adinnādānā veramaṇī kusalaṃ, kāmesumicchācārā veramaṇī kusalaṃ, musāvādā veramaṇī kusalaṃ, pisuṇāya vācāya veramaṇī kusalaṃ, pharusāya vācāya veramaṇī kusalaṃ, samphappalāpā veramaṇī kusalaṃ, anabhijjhā kusalaṃ, abyāpādo kusalaṃ, sammādiṭṭhi kusalaṃ – idaṃ vuccatāvuso, kusalaṃ. Katamañcāvuso, kusalamūlaṃ? Alobho kusalamūlaṃ, adoso kusalamūlaṃ, amoho kusalamūlaṃ – idaṃ vuccatāvuso, kusalamūlaṃ.
‘‘яад̇о ко, аавусо, арияасааваго звам̣ агусалам̣ баж̇аанаад̇и, звам̣ агусаламуулам̣ баж̇аанаад̇и, звам̣ гусалам̣ баж̇аанаад̇и, звам̣ гусаламуулам̣ баж̇аанаад̇и, со саб̣б̣асо рааг̇аанусаяам̣ бахааяа, бадигхаанусаяам̣ бадивинод̣̇зд̇ваа, ‘асмий’д̇и д̣̇идтимаанаанусаяам̣ самууханид̇ваа, авиж̇ж̇ам̣ бахааяа виж̇ж̇ам̣ уббаад̣̇зд̇ваа, д̣̇идтзвад̇хаммз д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ akusalaṃ pajānāti, evaṃ akusalamūlaṃ pajānāti, evaṃ kusalaṃ pajānāti, evaṃ kusalamūlaṃ pajānāti, so sabbaso rāgānusayaṃ pahāya, paṭighānusayaṃ paṭivinodetvā, ‘asmī’ti diṭṭhimānānusayaṃ samūhanitvā, avijjaṃ pahāya vijjaṃ uppādetvā, diṭṭhevadhamme dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
90. ‘‘саад̇хаавусо’’д̇и ко д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇ид̇ваа анумод̣̇ид̇ваа ааяасманд̇ам̣ саарибуд̇д̇ам̣ уд̇д̇ари 7 бан̃хам̣ абужчум̣ 8 – ‘‘сияаа банаавусо, ан̃н̃оби барияааяо яат̇аа арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и?
‘‘сияаа, аавусо. яад̇о ко, аавусо, арияасааваго аахааран̃жа баж̇аанаад̇и, аахаарасамуд̣̇аяан̃жа баж̇аанаад̇и, аахааранирод̇хан̃жа баж̇аанаад̇и, аахааранирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амо банаавусо, аахааро, гад̇амо аахаарасамуд̣̇аяо, гад̇амо аахааранирод̇хо, гад̇амаа аахааранирод̇хаг̇ааминий бадибад̣̇аа? жад̇д̇ааромз, аавусо, аахаараа бхууд̇аанам̣ ваа сад̇д̇аанам̣ тид̇ияаа, самбхавзсийнам̣ ваа ануг̇г̇ахааяа. гад̇амз жад̇д̇ааро? габ̣ал̣ийгааро аахааро ол̣аариго ваа сукумо ваа, пассо д̣̇уд̇ияо, маносан̃жзд̇анаа д̇ад̇ияаа, вин̃н̃аан̣ам̣ жад̇уд̇т̇ам̣. д̇ан̣хаасамуд̣̇аяаа аахаарасамуд̣̇аяо, д̇ан̣хаанирод̇хаа аахааранирод̇хо, аяамзва арияо адтан̇г̇иго маг̇г̇о аахааранирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о , саммааааж̇ийво саммаавааяаамо саммаасад̇и саммаасамаад̇хи’.
‘‘Siyā, āvuso. Yato kho, āvuso, ariyasāvako āhārañca pajānāti, āhārasamudayañca pajānāti, āhāranirodhañca pajānāti, āhāranirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamo panāvuso, āhāro, katamo āhārasamudayo, katamo āhāranirodho, katamā āhāranirodhagāminī paṭipadā? Cattārome, āvuso, āhārā bhūtānaṃ vā sattānaṃ ṭhitiyā, sambhavesīnaṃ vā anuggahāya. Katame cattāro? Kabaḷīkāro āhāro oḷāriko vā sukhumo vā, phasso dutiyo, manosañcetanā tatiyā, viññāṇaṃ catutthaṃ. Taṇhāsamudayā āhārasamudayo, taṇhānirodhā āhāranirodho, ayameva ariyo aṭṭhaṅgiko maggo āhāranirodhagāminī paṭipadā, seyyathidaṃ – sammādiṭṭhi sammāsaṅkappo sammāvācā sammākammanto , sammāājīvo sammāvāyāmo sammāsati sammāsamādhi’.
‘‘яад̇о ко, аавусо, арияасааваго звам̣ аахаарам̣ баж̇аанаад̇и, звам̣ аахаарасамуд̣̇аяам̣ баж̇аанаад̇и, звам̣ аахааранирод̇хам̣ баж̇аанаад̇и, звам̣ аахааранирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа, бадигхаанусаяам̣ бадивинод̣̇зд̇ваа, ‘асмий’д̇и д̣̇идтимаанаанусаяам̣ самууханид̇ваа, авиж̇ж̇ам̣ бахааяа виж̇ж̇ам̣ уббаад̣̇зд̇ваа, д̣̇идтзвад̇хаммз д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ āhāraṃ pajānāti, evaṃ āhārasamudayaṃ pajānāti, evaṃ āhāranirodhaṃ pajānāti, evaṃ āhāranirodhagāminiṃ paṭipadaṃ pajānāti, so sabbaso rāgānusayaṃ pahāya, paṭighānusayaṃ paṭivinodetvā, ‘asmī’ti diṭṭhimānānusayaṃ samūhanitvā, avijjaṃ pahāya vijjaṃ uppādetvā, diṭṭhevadhamme dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
91. ‘‘саад̇хаавусо’’д̇и ко д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇ид̇ваа анумод̣̇ид̇ваа ааяасманд̇ам̣ саарибуд̇д̇ам̣ уд̇д̇ари бан̃хам̣ абужчум̣ – ‘‘сияаа банаавусо, ан̃н̃оби барияааяо яат̇аа арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и?
91. ‘‘Sādhāvuso’’ti kho te bhikkhū āyasmato sāriputtassa bhāsitaṃ abhinanditvā anumoditvā āyasmantaṃ sāriputtaṃ uttari pañhaṃ apucchuṃ – ‘‘siyā panāvuso, aññopi pariyāyo yathā ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti?
‘‘сияаа, аавусо. яад̇о ко, аавусо, арияасааваго д̣̇угкан̃жа баж̇аанаад̇и, д̣̇угкасамуд̣̇аяан̃жа баж̇аанаад̇и, д̣̇угканирод̇хан̃жа баж̇аанаад̇и, д̣̇угканирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амам̣ банаавусо, д̣̇угкам̣, гад̇амо д̣̇угкасамуд̣̇аяо, гад̇амо д̣̇угканирод̇хо, гад̇амаа д̣̇угканирод̇хаг̇ааминий бадибад̣̇аа? ж̇аад̇иби д̣̇угкаа, ж̇арааби д̣̇угкаа, маран̣амби д̣̇угкам̣, согабарид̣̇звад̣̇угкад̣̇оманассубааяаасааби д̣̇угкаа, аббиязхи самбаяог̇оби д̣̇угко, биязхи виббаяог̇оби д̣̇угко, яамбижчам̣ на лабхад̇и д̇амби д̣̇угкам̣, сам̣кид̇д̇зна бан̃жубаад̣̇аанагканд̇хаа 11 д̣̇угкаа – ид̣̇ам̣ вужжад̇аавусо, д̣̇угкам̣. гад̇амо жаавусо, д̣̇угкасамуд̣̇аяо? яааяам̣ д̇ан̣хаа боноб̣бхавигаа нанд̣̇ийрааг̇асахаг̇ад̇аа 12 д̇ад̇рад̇ад̇раабхинанд̣̇иний 13, сзяяат̇ид̣̇ам̣, гаамад̇ан̣хаа бхавад̇ан̣хаа вибхавад̇ан̣хаа – аяам̣ вужжад̇аавусо, д̣̇угкасамуд̣̇аяо. гад̇амо жаавусо, д̣̇угканирод̇хо? яо д̇ассааязва д̇ан̣хааяа асзсавирааг̇анирод̇хо жааг̇о бадиниссаг̇г̇о муд̇д̇и анаалаяо – аяам̣ вужжад̇аавусо, д̣̇угканирод̇хо. гад̇амаа жаавусо, д̣̇угканирод̇хаг̇ааминий бадибад̣̇аа? аяамзва арияо адтан̇г̇иго маг̇г̇о, сзяяат̇ид̣̇ам̣, саммаад̣̇идти…бз… саммаасамаад̇хи – аяам̣ вужжад̇аавусо, д̣̇угканирод̇хаг̇ааминий бадибад̣̇аа.
‘‘Siyā, āvuso. Yato kho, āvuso, ariyasāvako dukkhañca pajānāti, dukkhasamudayañca pajānāti, dukkhanirodhañca pajānāti, dukkhanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamaṃ panāvuso, dukkhaṃ, katamo dukkhasamudayo, katamo dukkhanirodho, katamā dukkhanirodhagāminī paṭipadā? Jātipi dukkhā, jarāpi dukkhā, maraṇampi dukkhaṃ, sokaparidevadukkhadomanassupāyāsāpi dukkhā, appiyehi sampayogopi dukkho, piyehi vippayogopi dukkho, yampicchaṃ na labhati tampi dukkhaṃ, saṃkhittena pañcupādānakkhandhā 14 dukkhā – idaṃ vuccatāvuso, dukkhaṃ. Katamo cāvuso, dukkhasamudayo? Yāyaṃ taṇhā ponobbhavikā nandīrāgasahagatā 15 tatratatrābhinandinī 16, seyyathidaṃ, kāmataṇhā bhavataṇhā vibhavataṇhā – ayaṃ vuccatāvuso, dukkhasamudayo. Katamo cāvuso, dukkhanirodho? Yo tassāyeva taṇhāya asesavirāganirodho cāgo paṭinissaggo mutti anālayo – ayaṃ vuccatāvuso, dukkhanirodho. Katamā cāvuso, dukkhanirodhagāminī paṭipadā? Ayameva ariyo aṭṭhaṅgiko maggo, seyyathidaṃ, sammādiṭṭhi…pe… sammāsamādhi – ayaṃ vuccatāvuso, dukkhanirodhagāminī paṭipadā.
‘‘яад̇о ко, аавусо, арияасааваго звам̣ д̣̇угкам̣ баж̇аанаад̇и, звам̣ д̣̇угкасамуд̣̇аяам̣ баж̇аанаад̇и, звам̣ д̣̇угканирод̇хам̣ баж̇аанаад̇и, звам̣ д̣̇угканирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа, бадигхаанусаяам̣ бадивинод̣̇зд̇ваа, ‘асмий’д̇и д̣̇идтимаанаанусаяам̣ самууханид̇ваа, авиж̇ж̇ам̣ бахааяа виж̇ж̇ам̣ уббаад̣̇зд̇ваа, д̣̇идтзвад̇хаммз д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ dukkhaṃ pajānāti, evaṃ dukkhasamudayaṃ pajānāti, evaṃ dukkhanirodhaṃ pajānāti, evaṃ dukkhanirodhagāminiṃ paṭipadaṃ pajānāti, so sabbaso rāgānusayaṃ pahāya, paṭighānusayaṃ paṭivinodetvā, ‘asmī’ti diṭṭhimānānusayaṃ samūhanitvā, avijjaṃ pahāya vijjaṃ uppādetvā, diṭṭhevadhamme dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
92. ‘‘саад̇хаавусо’’д̇и ко д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇ид̇ваа анумод̣̇ид̇ваа ааяасманд̇ам̣ саарибуд̇д̇ам̣ уд̇д̇ари бан̃хам̣ абужчум̣ – ‘‘сияаа банаавусо, ан̃н̃оби барияааяо яат̇аа арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и?
92. ‘‘Sādhāvuso’’ti kho te bhikkhū āyasmato sāriputtassa bhāsitaṃ abhinanditvā anumoditvā āyasmantaṃ sāriputtaṃ uttari pañhaṃ apucchuṃ – ‘‘siyā panāvuso, aññopi pariyāyo yathā ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti?
‘‘сияаа, аавусо. яад̇о ко, аавусо, арияасааваго ж̇араамаран̣ан̃жа баж̇аанаад̇и, ж̇араамаран̣асамуд̣̇аяан̃жа баж̇аанаад̇и, ж̇араамаран̣анирод̇хан̃жа баж̇аанаад̇и, ж̇араамаран̣анирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амам̣ банаавусо, ж̇араамаран̣ам̣, гад̇амо ж̇араамаран̣асамуд̣̇аяо, гад̇амо ж̇араамаран̣анирод̇хо, гад̇амаа ж̇араамаран̣анирод̇хаг̇ааминий бадибад̣̇аа? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇араа ж̇ийран̣ад̇аа кан̣д̣ижжам̣ баалижжам̣ валид̇д̇ажад̇аа ааяуно сам̣хаани инд̣̇рияаанам̣ барибааго – аяам̣ вужжад̇аавусо, ж̇араа. гад̇аман̃жаавусо, маран̣ам̣? яаа 17 д̇зсам̣ д̇зсам̣ сад̇д̇аанам̣ д̇амхаа д̇амхаа сад̇д̇анигааяаа жуд̇и жаванад̇аа бхзд̣̇о анд̇арад̇хаанам̣ мажжу маран̣ам̣ гаалам̣гирияаа канд̇хаанам̣ бхзд̣̇о, гал̣зварасса нигкзбо, ж̇ийвид̇инд̣̇рияассубажчзд̣̇о – ид̣̇ам̣ вужжад̇аавусо, маран̣ам̣. ид̇и аяан̃жа ж̇араа ид̣̇ан̃жа маран̣ам̣ – ид̣̇ам̣ вужжад̇аавусо, ж̇араамаран̣ам̣. ж̇аад̇исамуд̣̇аяаа ж̇араамаран̣асамуд̣̇аяо, ж̇аад̇инирод̇хаа ж̇араамаран̣анирод̇хо, аяамзва арияо адтан̇г̇иго маг̇г̇о ж̇араамаран̣анирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
‘‘Siyā, āvuso. Yato kho, āvuso, ariyasāvako jarāmaraṇañca pajānāti, jarāmaraṇasamudayañca pajānāti, jarāmaraṇanirodhañca pajānāti, jarāmaraṇanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamaṃ panāvuso, jarāmaraṇaṃ, katamo jarāmaraṇasamudayo, katamo jarāmaraṇanirodho, katamā jarāmaraṇanirodhagāminī paṭipadā? Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – ayaṃ vuccatāvuso, jarā. Katamañcāvuso, maraṇaṃ? Yā 18 tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālaṃkiriyā khandhānaṃ bhedo, kaḷevarassa nikkhepo, jīvitindriyassupacchedo – idaṃ vuccatāvuso, maraṇaṃ. Iti ayañca jarā idañca maraṇaṃ – idaṃ vuccatāvuso, jarāmaraṇaṃ. Jātisamudayā jarāmaraṇasamudayo, jātinirodhā jarāmaraṇanirodho, ayameva ariyo aṭṭhaṅgiko maggo jarāmaraṇanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ ж̇араамаран̣ам̣ баж̇аанаад̇и, звам̣ ж̇араамаран̣асамуд̣̇ам̣ баж̇аанаад̇и, звам̣ ж̇араамаран̣анирод̇хам̣ баж̇аанаад̇и, звам̣ ж̇араамаран̣анирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ jarāmaraṇaṃ pajānāti, evaṃ jarāmaraṇasamudaṃ pajānāti, evaṃ jarāmaraṇanirodhaṃ pajānāti, evaṃ jarāmaraṇanirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
93. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго ж̇аад̇ин̃жа баж̇аанаад̇и, ж̇аад̇исамуд̣̇аяан̃жа баж̇аанаад̇и, ж̇аад̇инирод̇хан̃жа баж̇аанаад̇и, ж̇аад̇инирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амаа банаавусо, ж̇аад̇и, гад̇амо ж̇аад̇исамуд̣̇аяо, гад̇амо ж̇аад̇инирод̇хо, гад̇амаа ж̇аад̇инирод̇хаг̇ааминий бадибад̣̇аа? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇аад̇и сан̃ж̇аад̇и огганд̇и абхиниб̣б̣ад̇д̇и канд̇хаанам̣ баад̇убхааво, ааяад̇анаанам̣ бадилаабхо – аяам̣ вужжад̇аавусо, ж̇аад̇и. бхавасамуд̣̇аяаа ж̇аад̇исамуд̣̇аяо, бхаванирод̇хаа ж̇аад̇инирод̇хо, аяамзва арияо адтан̇г̇иго маг̇г̇о ж̇аад̇инирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
93. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako jātiñca pajānāti, jātisamudayañca pajānāti, jātinirodhañca pajānāti, jātinirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamā panāvuso, jāti, katamo jātisamudayo, katamo jātinirodho, katamā jātinirodhagāminī paṭipadā? Yā tesaṃ tesaṃ sattānaṃ tamhi tamhi sattanikāye jāti sañjāti okkanti abhinibbatti khandhānaṃ pātubhāvo, āyatanānaṃ paṭilābho – ayaṃ vuccatāvuso, jāti. Bhavasamudayā jātisamudayo, bhavanirodhā jātinirodho, ayameva ariyo aṭṭhaṅgiko maggo jātinirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ ж̇аад̇им̣ баж̇аанаад̇и, звам̣ ж̇аад̇исамуд̣̇аяам̣ баж̇аанаад̇и, звам̣ ж̇аад̇инирод̇хам̣ баж̇аанаад̇и, звам̣ ж̇аад̇инирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ jātiṃ pajānāti, evaṃ jātisamudayaṃ pajānāti, evaṃ jātinirodhaṃ pajānāti, evaṃ jātinirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
94. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго бхаван̃жа баж̇аанаад̇и, бхавасамуд̣̇аяан̃жа баж̇аанаад̇и, бхаванирод̇хан̃жа баж̇аанаад̇и, бхаванирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амо банаавусо, бхаво, гад̇амо бхавасамуд̣̇аяо, гад̇амо бхаванирод̇хо, гад̇амаа бхаванирод̇хаг̇ааминий бадибад̣̇аа? д̇аяомз, аавусо, бхаваа – гаамабхаво, руубабхаво, аруубабхаво. убаад̣̇аанасамуд̣̇аяаа бхавасамуд̣̇аяо, убаад̣̇аананирод̇хаа бхаванирод̇хо, аяамзва арияо адтан̇г̇иго маг̇г̇о бхаванирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
94. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako bhavañca pajānāti, bhavasamudayañca pajānāti, bhavanirodhañca pajānāti, bhavanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamo panāvuso, bhavo, katamo bhavasamudayo, katamo bhavanirodho, katamā bhavanirodhagāminī paṭipadā? Tayome, āvuso, bhavā – kāmabhavo, rūpabhavo, arūpabhavo. Upādānasamudayā bhavasamudayo, upādānanirodhā bhavanirodho, ayameva ariyo aṭṭhaṅgiko maggo bhavanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ бхавам̣ баж̇аанаад̇и, звам̣ бхавасамуд̣̇аяам̣ баж̇аанаад̇и, звам̣ бхаванирод̇хам̣ баж̇аанаад̇и, звам̣ бхаванирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и. зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ bhavaṃ pajānāti, evaṃ bhavasamudayaṃ pajānāti, evaṃ bhavanirodhaṃ pajānāti, evaṃ bhavanirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti. Ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
95. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго убаад̣̇аанан̃жа баж̇аанаад̇и, убаад̣̇аанасамуд̣̇аяан̃жа баж̇аанаад̇и, убаад̣̇аананирод̇хан̃жа баж̇аанаад̇и, убаад̣̇аананирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амам̣ банаавусо, убаад̣̇аанам̣, гад̇амо убаад̣̇аанасамуд̣̇аяо, гад̇амо убаад̣̇аананирод̇хо, гад̇амаа убаад̣̇аананирод̇хаг̇ааминий бадибад̣̇аа? жад̇д̇ааримаани, аавусо, убаад̣̇аанаани – гаамубаад̣̇аанам̣, д̣̇идтубаад̣̇аанам̣, сийлаб̣б̣ад̇убаад̣̇аанам̣, ад̇д̇аваад̣̇убаад̣̇аанам̣. д̇ан̣хаасамуд̣̇аяаа убаад̣̇аанасамуд̣̇аяо, д̇ан̣хаанирод̇хаа убаад̣̇аананирод̇хо, аяамзва арияо адтан̇г̇иго маг̇г̇о убаад̣̇аананирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
95. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako upādānañca pajānāti, upādānasamudayañca pajānāti, upādānanirodhañca pajānāti, upādānanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamaṃ panāvuso, upādānaṃ, katamo upādānasamudayo, katamo upādānanirodho, katamā upādānanirodhagāminī paṭipadā? Cattārimāni, āvuso, upādānāni – kāmupādānaṃ, diṭṭhupādānaṃ, sīlabbatupādānaṃ, attavādupādānaṃ. Taṇhāsamudayā upādānasamudayo, taṇhānirodhā upādānanirodho, ayameva ariyo aṭṭhaṅgiko maggo upādānanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ убаад̣̇аанам̣ баж̇аанаад̇и, звам̣ убаад̣̇аанасамуд̣̇аяам̣ баж̇аанаад̇и, звам̣ убаад̣̇аананирод̇хам̣ баж̇аанаад̇и, звам̣ убаад̣̇аананирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ upādānaṃ pajānāti, evaṃ upādānasamudayaṃ pajānāti, evaṃ upādānanirodhaṃ pajānāti, evaṃ upādānanirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
96. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго д̇ан̣хан̃жа баж̇аанаад̇и, д̇ан̣хаасамуд̣̇аяан̃жа баж̇аанаад̇и, д̇ан̣хаанирод̇хан̃жа баж̇аанаад̇и, д̇ан̣хаанирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амаа банаавусо, д̇ан̣хаа, гад̇амо д̇ан̣хаасамуд̣̇аяо, гад̇амо д̇ан̣хаанирод̇хо, гад̇амаа д̇ан̣хаанирод̇хаг̇ааминий бадибад̣̇аа? чаяимз, аавусо, д̇ан̣хаагааяаа – руубад̇ан̣хаа, сад̣̇д̣̇ад̇ан̣хаа, г̇анд̇хад̇ан̣хаа, расад̇ан̣хаа, подтаб̣б̣ад̇ан̣хаа, д̇хаммад̇ан̣хаа. взд̣̇анаасамуд̣̇аяаа д̇ан̣хаасамуд̣̇аяо, взд̣̇анаанирод̇хаа д̇ан̣хаанирод̇хо, аяамзва арияо адтан̇г̇иго маг̇г̇о д̇ан̣хаанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
96. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako taṇhañca pajānāti, taṇhāsamudayañca pajānāti, taṇhānirodhañca pajānāti, taṇhānirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamā panāvuso, taṇhā, katamo taṇhāsamudayo, katamo taṇhānirodho, katamā taṇhānirodhagāminī paṭipadā? Chayime, āvuso, taṇhākāyā – rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā. Vedanāsamudayā taṇhāsamudayo, vedanānirodhā taṇhānirodho, ayameva ariyo aṭṭhaṅgiko maggo taṇhānirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ д̇ан̣хам̣ баж̇аанаад̇и, звам̣ д̇ан̣хаасамуд̣̇аяам̣ баж̇аанаад̇и, звам̣ д̇ан̣хаанирод̇хам̣ баж̇аанаад̇и, звам̣ д̇ан̣хаанирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ taṇhaṃ pajānāti, evaṃ taṇhāsamudayaṃ pajānāti, evaṃ taṇhānirodhaṃ pajānāti, evaṃ taṇhānirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
97. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго взд̣̇анан̃жа баж̇аанаад̇и, взд̣̇анаасамуд̣̇аяан̃жа баж̇аанаад̇и, взд̣̇анаанирод̇хан̃жа баж̇аанаад̇и, взд̣̇анаанирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амаа банаавусо, взд̣̇анаа, гад̇амо взд̣̇анаасамуд̣̇аяо, гад̇амо взд̣̇анаанирод̇хо, гад̇амаа взд̣̇анаанирод̇хаг̇ааминий бадибад̣̇аа? чаяимз, аавусо, взд̣̇анаагааяаа – жагкусампассаж̇аа взд̣̇анаа, сод̇асампассаж̇аа взд̣̇анаа, гхаанасампассаж̇аа взд̣̇анаа, ж̇ивхаасампассаж̇аа взд̣̇анаа, гааяасампассаж̇аа взд̣̇анаа, маносампассаж̇аа взд̣̇анаа. пассасамуд̣̇аяаа взд̣̇анаасамуд̣̇аяо, пассанирод̇хаа взд̣̇анаанирод̇хо, аяамзва арияо адтан̇г̇иго маг̇г̇о взд̣̇анаанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
97. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako vedanañca pajānāti, vedanāsamudayañca pajānāti, vedanānirodhañca pajānāti, vedanānirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamā panāvuso, vedanā, katamo vedanāsamudayo, katamo vedanānirodho, katamā vedanānirodhagāminī paṭipadā? Chayime, āvuso, vedanākāyā – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Phassasamudayā vedanāsamudayo, phassanirodhā vedanānirodho, ayameva ariyo aṭṭhaṅgiko maggo vedanānirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ взд̣̇анам̣ баж̇аанаад̇и, звам̣ взд̣̇анаасамуд̣̇аяам̣ баж̇аанаад̇и, звам̣ взд̣̇анаанирод̇хам̣ баж̇аанаад̇и, звам̣ взд̣̇анаанирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ vedanaṃ pajānāti, evaṃ vedanāsamudayaṃ pajānāti, evaṃ vedanānirodhaṃ pajānāti, evaṃ vedanānirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
98. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго пассан̃жа баж̇аанаад̇и, пассасамуд̣̇аяан̃жа баж̇аанаад̇и, пассанирод̇хан̃жа баж̇аанаад̇и, пассанирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амо банаавусо, пассо, гад̇амо пассасамуд̣̇аяо, гад̇амо пассанирод̇хо, гад̇амаа пассанирод̇хаг̇ааминий бадибад̣̇аа? чаяимз, аавусо, пассагааяаа – жагкусампассо, сод̇асампассо , гхаанасампассо, ж̇ивхаасампассо, гааяасампассо, маносампассо. сал̣ааяад̇анасамуд̣̇аяаа пассасамуд̣̇аяо, сал̣ааяад̇ананирод̇хаа пассанирод̇хо, аяамзва арияо адтан̇г̇иго маг̇г̇о пассанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
98. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako phassañca pajānāti, phassasamudayañca pajānāti, phassanirodhañca pajānāti, phassanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamo panāvuso, phasso, katamo phassasamudayo, katamo phassanirodho, katamā phassanirodhagāminī paṭipadā? Chayime, āvuso, phassakāyā – cakkhusamphasso, sotasamphasso , ghānasamphasso, jivhāsamphasso, kāyasamphasso, manosamphasso. Saḷāyatanasamudayā phassasamudayo, saḷāyatananirodhā phassanirodho, ayameva ariyo aṭṭhaṅgiko maggo phassanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ пассам̣ баж̇аанаад̇и, звам̣ пассасамуд̣̇аяам̣ баж̇аанаад̇и, звам̣ пассанирод̇хам̣ баж̇аанаад̇и, звам̣ пассанирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ phassaṃ pajānāti, evaṃ phassasamudayaṃ pajānāti, evaṃ phassanirodhaṃ pajānāti, evaṃ phassanirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
99. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго сал̣ааяад̇анан̃жа баж̇аанаад̇и, сал̣ааяад̇анасамуд̣̇аяан̃жа баж̇аанаад̇и, сал̣ааяад̇ананирод̇хан̃жа баж̇аанаад̇и, сал̣ааяад̇ананирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амам̣ банаавусо, сал̣ааяад̇анам̣, гад̇амо сал̣ааяад̇анасамуд̣̇аяо, гад̇амо сал̣ааяад̇ананирод̇хо, гад̇амаа сал̣ааяад̇ананирод̇хаг̇ааминий бадибад̣̇аа ? чаяимаани, аавусо, ааяад̇анаани – жагкааяад̇анам̣, сод̇ааяад̇анам̣, гхаанааяад̇анам̣, ж̇ивхааяад̇анам̣, гааяааяад̇анам̣, манааяад̇анам̣. наамаруубасамуд̣̇аяаа сал̣ааяад̇анасамуд̣̇аяо, наамаруубанирод̇хаа сал̣ааяад̇ананирод̇хо, аяамзва арияо адтан̇г̇иго маг̇г̇о сал̣ааяад̇ананирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
99. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako saḷāyatanañca pajānāti, saḷāyatanasamudayañca pajānāti, saḷāyatananirodhañca pajānāti, saḷāyatananirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamaṃ panāvuso, saḷāyatanaṃ, katamo saḷāyatanasamudayo, katamo saḷāyatananirodho, katamā saḷāyatananirodhagāminī paṭipadā ? Chayimāni, āvuso, āyatanāni – cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ. Nāmarūpasamudayā saḷāyatanasamudayo, nāmarūpanirodhā saḷāyatananirodho, ayameva ariyo aṭṭhaṅgiko maggo saḷāyatananirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ сал̣ааяад̇анам̣ баж̇аанаад̇и, звам̣ сал̣ааяад̇анасамуд̣̇аяам̣ баж̇аанаад̇и, звам̣ сал̣ааяад̇ананирод̇хам̣ баж̇аанаад̇и , звам̣ сал̣ааяад̇ананирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ saḷāyatanaṃ pajānāti, evaṃ saḷāyatanasamudayaṃ pajānāti, evaṃ saḷāyatananirodhaṃ pajānāti , evaṃ saḷāyatananirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
100. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго наамаруубан̃жа баж̇аанаад̇и, наамаруубасамуд̣̇аяан̃жа баж̇аанаад̇и, наамаруубанирод̇хан̃жа баж̇аанаад̇и, наамаруубанирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амам̣ банаавусо, наамаруубам̣, гад̇амо наамаруубасамуд̣̇аяо, гад̇амо наамаруубанирод̇хо, гад̇амаа наамаруубанирод̇хаг̇ааминий бадибад̣̇аа? взд̣̇анаа, сан̃н̃аа, жзд̇анаа, пассо, манасигааро – ид̣̇ам̣ вужжад̇аавусо, наамам̣; жад̇д̇аари жа махаабхууд̇аани, жад̇уннан̃жа махаабхууд̇аанам̣ убаад̣̇ааяаруубам̣ – ид̣̇ам̣ вужжад̇аавусо, руубам̣. ид̇и ид̣̇ан̃жа наамам̣ ид̣̇ан̃жа руубам̣ – ид̣̇ам̣ вужжад̇аавусо, наамаруубам̣. вин̃н̃аан̣асамуд̣̇аяаа наамаруубасамуд̣̇аяо, вин̃н̃аан̣анирод̇хаа наамаруубанирод̇хо, аяамзва арияо адтан̇г̇иго маг̇г̇о наамаруубанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
100. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako nāmarūpañca pajānāti, nāmarūpasamudayañca pajānāti, nāmarūpanirodhañca pajānāti, nāmarūpanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamaṃ panāvuso, nāmarūpaṃ, katamo nāmarūpasamudayo, katamo nāmarūpanirodho, katamā nāmarūpanirodhagāminī paṭipadā? Vedanā, saññā, cetanā, phasso, manasikāro – idaṃ vuccatāvuso, nāmaṃ; cattāri ca mahābhūtāni, catunnañca mahābhūtānaṃ upādāyarūpaṃ – idaṃ vuccatāvuso, rūpaṃ. Iti idañca nāmaṃ idañca rūpaṃ – idaṃ vuccatāvuso, nāmarūpaṃ. Viññāṇasamudayā nāmarūpasamudayo, viññāṇanirodhā nāmarūpanirodho, ayameva ariyo aṭṭhaṅgiko maggo nāmarūpanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ наамаруубам̣ баж̇аанаад̇и, звам̣ наамаруубасамуд̣̇аяам̣ баж̇аанаад̇и, звам̣ наамаруубанирод̇хам̣ баж̇аанаад̇и, звам̣ наамаруубанирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ nāmarūpaṃ pajānāti, evaṃ nāmarūpasamudayaṃ pajānāti, evaṃ nāmarūpanirodhaṃ pajānāti, evaṃ nāmarūpanirodhagāminiṃ paṭipadaṃ pajānāti, so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
101. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго вин̃н̃аан̣ан̃жа баж̇аанаад̇и, вин̃н̃аан̣асамуд̣̇аяан̃жа баж̇аанаад̇и, вин̃н̃аан̣анирод̇хан̃жа баж̇аанаад̇и, вин̃н̃аан̣анирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амам̣ банаавусо, вин̃н̃аан̣ам̣, гад̇амо вин̃н̃аан̣асамуд̣̇аяо, гад̇амо вин̃н̃аан̣анирод̇хо, гад̇амаа вин̃н̃аан̣анирод̇хаг̇ааминий бадибад̣̇аа? чаяимз, аавусо, вин̃н̃аан̣агааяаа – жагкувин̃н̃аан̣ам̣, сод̇авин̃н̃аан̣ам̣, гхаанавин̃н̃аан̣ам̣, ж̇ивхаавин̃н̃аан̣ам̣, гааяавин̃н̃аан̣ам̣, мановин̃н̃аан̣ам̣. сан̇каарасамуд̣̇аяаа вин̃н̃аан̣асамуд̣̇аяо, сан̇кааранирод̇хаа вин̃н̃аан̣анирод̇хо, аяамзва арияо адтан̇г̇иго маг̇г̇о вин̃н̃аан̣анирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
101. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako viññāṇañca pajānāti, viññāṇasamudayañca pajānāti, viññāṇanirodhañca pajānāti, viññāṇanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamaṃ panāvuso, viññāṇaṃ, katamo viññāṇasamudayo, katamo viññāṇanirodho, katamā viññāṇanirodhagāminī paṭipadā? Chayime, āvuso, viññāṇakāyā – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Saṅkhārasamudayā viññāṇasamudayo, saṅkhāranirodhā viññāṇanirodho, ayameva ariyo aṭṭhaṅgiko maggo viññāṇanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ вин̃н̃аан̣ам̣ баж̇аанаад̇и, звам̣ вин̃н̃аан̣асамуд̣̇аяам̣ баж̇аанаад̇и, звам̣ вин̃н̃аан̣анирод̇хам̣ баж̇аанаад̇и, звам̣ вин̃н̃аан̣анирод̇хаг̇ааминим̣ бадибад̣̇ам̣ баж̇аанаад̇и , со саб̣б̣асо рааг̇аанусаяам̣ бахааяа…бз… д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ viññāṇaṃ pajānāti, evaṃ viññāṇasamudayaṃ pajānāti, evaṃ viññāṇanirodhaṃ pajānāti, evaṃ viññāṇanirodhagāminiṃ paṭipadaṃ pajānāti , so sabbaso rāgānusayaṃ pahāya…pe… dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
102. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго сан̇каарз жа баж̇аанаад̇и, сан̇каарасамуд̣̇аяан̃жа баж̇аанаад̇и, сан̇кааранирод̇хан̃жа баж̇аанаад̇и, сан̇кааранирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амз банаавусо, сан̇каараа, гад̇амо сан̇каарасамуд̣̇аяо, гад̇амо сан̇кааранирод̇хо, гад̇амаа сан̇кааранирод̇хаг̇ааминий бадибад̣̇аа? д̇аяомз, аавусо, сан̇каараа – гааяасан̇кааро, важийсан̇кааро, жид̇д̇асан̇кааро. авиж̇ж̇аасамуд̣̇аяаа сан̇каарасамуд̣̇аяо, авиж̇ж̇аанирод̇хаа сан̇кааранирод̇хо, аяамзва арияо адтан̇г̇иго маг̇г̇о сан̇кааранирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
102. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako saṅkhāre ca pajānāti, saṅkhārasamudayañca pajānāti, saṅkhāranirodhañca pajānāti, saṅkhāranirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katame panāvuso, saṅkhārā, katamo saṅkhārasamudayo, katamo saṅkhāranirodho, katamā saṅkhāranirodhagāminī paṭipadā? Tayome, āvuso, saṅkhārā – kāyasaṅkhāro, vacīsaṅkhāro, cittasaṅkhāro. Avijjāsamudayā saṅkhārasamudayo, avijjānirodhā saṅkhāranirodho, ayameva ariyo aṭṭhaṅgiko maggo saṅkhāranirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ сан̇каарз баж̇аанаад̇и, звам̣ сан̇каарасамуд̣̇аяам̣ баж̇аанаад̇и, звам̣ сан̇кааранирод̇хам̣ баж̇аанаад̇и, звам̣ сан̇кааранирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа, бадигхаанусаяам̣ бадивинод̣̇зд̇ваа, ‘асмий’д̇и д̣̇идтимаанаанусаяам̣ самууханид̇ваа, авиж̇ж̇ам̣ бахааяа виж̇ж̇ам̣ уббаад̣̇зд̇ваа, д̣̇идтзва д̇хаммз д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ saṅkhāre pajānāti, evaṃ saṅkhārasamudayaṃ pajānāti, evaṃ saṅkhāranirodhaṃ pajānāti, evaṃ saṅkhāranirodhagāminiṃ paṭipadaṃ pajānāti, so sabbaso rāgānusayaṃ pahāya, paṭighānusayaṃ paṭivinodetvā, ‘asmī’ti diṭṭhimānānusayaṃ samūhanitvā, avijjaṃ pahāya vijjaṃ uppādetvā, diṭṭheva dhamme dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
103. ‘‘саад̇хаавусо’’д̇и ко…бз… абужчум̣ – сияаа банаавусо…бз… ‘‘сияаа, аавусо. яад̇о ко, аавусо, арияасааваго авиж̇ж̇ан̃жа баж̇аанаад̇и, авиж̇ж̇аасамуд̣̇аяан̃жа баж̇аанаад̇и, авиж̇ж̇аанирод̇хан̃жа баж̇аанаад̇и, авиж̇ж̇аанирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амаа банаавусо, авиж̇ж̇аа, гад̇амо авиж̇ж̇аасамуд̣̇аяо, гад̇амо авиж̇ж̇аанирод̇хо, гад̇амаа авиж̇ж̇аанирод̇хаг̇ааминий бадибад̣̇аа? яам̣ ко, аавусо, д̣̇угкз ан̃н̃аан̣ам̣, д̣̇угкасамуд̣̇аяз ан̃н̃аан̣ам̣, д̣̇угканирод̇хз ан̃н̃аан̣ам̣, д̣̇угканирод̇хаг̇ааминияаа бадибад̣̇ааяа ан̃н̃аан̣ам̣ – аяам̣ вужжад̇аавусо, авиж̇ж̇аа. аасавасамуд̣̇аяаа авиж̇ж̇аасамуд̣̇аяо, аасаванирод̇хаа авиж̇ж̇аанирод̇хо, аяамзва арияо адтан̇г̇иго маг̇г̇о авиж̇ж̇аанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
103. ‘‘Sādhāvuso’’ti kho…pe… apucchuṃ – siyā panāvuso…pe… ‘‘siyā, āvuso. Yato kho, āvuso, ariyasāvako avijjañca pajānāti, avijjāsamudayañca pajānāti, avijjānirodhañca pajānāti, avijjānirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamā panāvuso, avijjā, katamo avijjāsamudayo, katamo avijjānirodho, katamā avijjānirodhagāminī paṭipadā? Yaṃ kho, āvuso, dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ – ayaṃ vuccatāvuso, avijjā. Āsavasamudayā avijjāsamudayo, āsavanirodhā avijjānirodho, ayameva ariyo aṭṭhaṅgiko maggo avijjānirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ авиж̇ж̇ам̣ баж̇аанаад̇и, звам̣ авиж̇ж̇аасамуд̣̇аяам̣ баж̇аанаад̇и, звам̣ авиж̇ж̇аанирод̇хам̣ баж̇аанаад̇и, звам̣ авиж̇ж̇аанирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа, бадигхаанусаяам̣ бадивинод̣̇зд̇ваа, ‘асмий’д̇и д̣̇идтимаанаанусаяам̣ самууханид̇ваа, авиж̇ж̇ам̣ бахааяа виж̇ж̇ам̣ уббаад̣̇зд̇ваа, д̣̇идтзва д̇хаммз д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ avijjaṃ pajānāti, evaṃ avijjāsamudayaṃ pajānāti, evaṃ avijjānirodhaṃ pajānāti, evaṃ avijjānirodhagāminiṃ paṭipadaṃ pajānāti, so sabbaso rāgānusayaṃ pahāya, paṭighānusayaṃ paṭivinodetvā, ‘asmī’ti diṭṭhimānānusayaṃ samūhanitvā, avijjaṃ pahāya vijjaṃ uppādetvā, diṭṭheva dhamme dukkhassantakaro hoti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
104. ‘‘саад̇хаавусо’’д̇и ко д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇ид̇ваа анумод̣̇ид̇ваа ааяасманд̇ам̣ саарибуд̇д̇ам̣ уд̇д̇ари бан̃хам̣ абужчум̣ – ‘‘сияаа банаавусо, ан̃н̃оби барияааяо яат̇аа арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и?
104. ‘‘Sādhāvuso’’ti kho te bhikkhū āyasmato sāriputtassa bhāsitaṃ abhinanditvā anumoditvā āyasmantaṃ sāriputtaṃ uttari pañhaṃ apucchuṃ – ‘‘siyā panāvuso, aññopi pariyāyo yathā ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhamma’’nti?
‘‘сияаа, аавусо. яад̇о ко, аавусо, арияасааваго аасаван̃жа баж̇аанаад̇и, аасавасамуд̣̇аяан̃жа баж̇аанаад̇и, аасаванирод̇хан̃жа баж̇аанаад̇и, аасаванирод̇хаг̇ааминим̣ бадибад̣̇ан̃жа баж̇аанаад̇и – зд̇д̇аавад̇ааби ко, аавусо, арияасааваго саммаад̣̇идти ход̇и, уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хаммам̣. гад̇амо банаавусо, аасаво, гад̇амо аасавасамуд̣̇аяо, гад̇амо аасаванирод̇хо, гад̇амаа аасаванирод̇хаг̇ааминий бадибад̣̇аад̇и? д̇аяомз, аавусо, аасаваа – гаамаасаво, бхаваасаво, авиж̇ж̇аасаво. авиж̇ж̇аасамуд̣̇аяаа аасавасамуд̣̇аяо, авиж̇ж̇аанирод̇хаа аасаванирод̇хо, аяамзва арияо адтан̇г̇иго маг̇г̇о аасаванирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
‘‘Siyā, āvuso. Yato kho, āvuso, ariyasāvako āsavañca pajānāti, āsavasamudayañca pajānāti, āsavanirodhañca pajānāti, āsavanirodhagāminiṃ paṭipadañca pajānāti – ettāvatāpi kho, āvuso, ariyasāvako sammādiṭṭhi hoti, ujugatāssa diṭṭhi, dhamme aveccappasādena samannāgato, āgato imaṃ saddhammaṃ. Katamo panāvuso, āsavo, katamo āsavasamudayo, katamo āsavanirodho, katamā āsavanirodhagāminī paṭipadāti? Tayome, āvuso, āsavā – kāmāsavo, bhavāsavo, avijjāsavo. Avijjāsamudayā āsavasamudayo, avijjānirodhā āsavanirodho, ayameva ariyo aṭṭhaṅgiko maggo āsavanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, аавусо, арияасааваго звам̣ аасавам̣ баж̇аанаад̇и, звам̣ аасавасамуд̣̇аяам̣ баж̇аанаад̇и, звам̣ аасаванирод̇хам̣ баж̇аанаад̇и, звам̣ аасаванирод̇хаг̇ааминим̣ бадибад̣̇ам̣ баж̇аанаад̇и, со саб̣б̣асо рааг̇аанусаяам̣ бахааяа, бадигхаанусаяам̣ бадивинод̣̇зд̇ваа, ‘асмий’д̇и д̣̇идтимаанаанусаяам̣ самууханид̇ваа, авиж̇ж̇ам̣ бахааяа виж̇ж̇ам̣ уббаад̣̇зд̇ваа, д̣̇идтзва д̇хаммз д̣̇угкассанд̇агаро ход̇и – зд̇д̇аавад̇ааби ко, аавусо, арияасааваго саммаад̣̇идти ход̇и , уж̇уг̇ад̇аасса д̣̇идти, д̇хаммз авзжжаббасаад̣̇зна саманнааг̇ад̇о, ааг̇ад̇о имам̣ сад̣̇д̇хамма’’нд̇и.
‘‘Yato kho, āvuso, ariyasāvako evaṃ āsavaṃ pajānāti, evaṃ āsavasamudayaṃ pajānāti, evaṃ āsavanirodhaṃ pajānāti, evaṃ āsavanirodhagāminiṃ paṭipadaṃ pajānāti, so sabbaso rāgānusayaṃ pahāya, paṭighānusayaṃ paṭivinodetvā, ‘asmī’ti diṭṭhimānānusayaṃ samūhanitvā, avijjaṃ pahāya vijjaṃ uppādetvā, diṭṭheva dhamme dukkhassantakaro hoti – ettāvatāpi kho, āvuso, ariyasāvako sammādiṭṭhi hoti , ujugatāssa diṭṭhi, dhamme aveccappasādena samannāgato, āgato imaṃ saddhamma’’nti.
ид̣̇амавожааяасмаа саарибуд̇д̇о. ад̇д̇аманаа д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇унд̇и.
Idamavocāyasmā sāriputto. Attamanā te bhikkhū āyasmato sāriputtassa bhāsitaṃ abhinandunti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. саммаад̣̇идтисуд̇д̇аван̣н̣анаа • 9. Sammādiṭṭhisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. саммаад̣̇идтисуд̇д̇аван̣н̣анаа • 9. Sammādiṭṭhisuttavaṇṇanā
