| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೬. ಸಮ್ಮಾಸಮ್ಬುದ್ಧಸುತ್ತವಣ್ಣನಾ
6. Sammāsambuddhasuttavaṇṇanā
೫೮. ಅಧಿಕಂ ಸವಿಸೇಸಂ ಪಯಸತಿ ಪಯುಞ್ಜತಿ ಏತೇನಾತಿ ಅಧಿಪ್ಪಯಾಸೋ, ವಿಸಿಟ್ಠಪಯೋಗೋ। ತೇನಾಹ ‘‘ಅಧಿಕಪಯೋಗೋ’’ತಿ। ಇಮಞ್ಹಿ ಮಗ್ಗನ್ತಿ ಅಟ್ಠಙ್ಗಿಕಂ ಅರಿಯಮಗ್ಗಮಾಹ। ಇಧಾತಿ ಇಮಸ್ಮಿಂ ಸುತ್ತೇ। ಅವತ್ತಮಾನಟ್ಠೇನಾತಿ ಬುದ್ಧುಪ್ಪಾದತೋ ಪುಬ್ಬೇ ನ ವತ್ತಮಾನಭಾವೇನ। ಮಗ್ಗಂ ಜಾನಾತೀತಿ ಸಮುದಾಗಮತೋ ಪಟ್ಠಾಯ ಸಪುಬ್ಬಭಾಗಂ ಸಸಮ್ಭಾರವಿಸಯಂ ಸಫಲಂ ಸಉದ್ರಯಂ ಅರಿಯಂ ಮಗ್ಗಂ ಜಾನಾತಿ ಅವಬುಜ್ಝತೀತಿ ಮಗ್ಗಞ್ಞೂ। ವಿದಿತನ್ತಿ ಅಞ್ಞೇಸಮ್ಪಿ ಞಾತಂ ಪಟಿಲದ್ಧಂ ಹತ್ಥತಲೇ ಆಮಲಕಂ ವಿಯ ಪಾಕಟಂ ಅಕಾಸಿ, ತಥಾ ಕತ್ವಾ ದೇಸೇಸಿ। ಅಮಗ್ಗೇ ಪರಿವಜ್ಜನೇನ ಮಗ್ಗೇ ಪಟಿಪತ್ತೀತಿ ತಸ್ಸ ಮಗ್ಗಕುಸಲತಾ ವಿಯ ಅಮಗ್ಗಕುಸಲತಾಪಿ ಇಚ್ಛಿತಬ್ಬಾತಿ ಆಹ ‘‘ಮಗ್ಗೇ ಚ ಅಮಗ್ಗೇ ಚ ಕೋವಿದೋ’’ತಿ। ಅಹಂ ಪಠಮಂ ಗತೋತಿ ಅಹಂ ಪಠಮಮಗ್ಗೇನ ಸಮನ್ನಾಗತೋ।
58. Adhikaṃ savisesaṃ payasati payuñjati etenāti adhippayāso, visiṭṭhapayogo. Tenāha ‘‘adhikapayogo’’ti. Imañhi magganti aṭṭhaṅgikaṃ ariyamaggamāha. Idhāti imasmiṃ sutte. Avattamānaṭṭhenāti buddhuppādato pubbe na vattamānabhāvena. Maggaṃ jānātīti samudāgamato paṭṭhāya sapubbabhāgaṃ sasambhāravisayaṃ saphalaṃ saudrayaṃ ariyaṃ maggaṃ jānāti avabujjhatīti maggaññū. Viditanti aññesampi ñātaṃ paṭiladdhaṃ hatthatale āmalakaṃ viya pākaṭaṃ akāsi, tathā katvā desesi. Amagge parivajjanena magge paṭipattīti tassa maggakusalatā viya amaggakusalatāpi icchitabbāti āha ‘‘magge ca amagge ca kovido’’ti. Ahaṃ paṭhamaṃ gatoti ahaṃ paṭhamamaggena samannāgato.
ಸಮ್ಮಾಸಮ್ಬುದ್ಧಸುತ್ತವಣ್ಣನಾ ನಿಟ್ಠಿತಾ।
Sammāsambuddhasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಸಮ್ಮಾಸಮ್ಬುದ್ಧಸುತ್ತಂ • 6. Sammāsambuddhasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಸಮ್ಮಾಸಮ್ಬುದ್ಧಸುತ್ತವಣ್ಣನಾ • 6. Sammāsambuddhasuttavaṇṇanā
