| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༦. སམྨཱསམྦུདྡྷསུཏྟཝཎྞནཱ
6. Sammāsambuddhasuttavaṇṇanā
༥༨. ཨདྷིཀཾ སཝིསེསཾ པཡསཏི པཡུཉྫཏི ཨེཏེནཱཏི ཨདྷིཔྤཡཱསོ, ཝིསིཊྛཔཡོགོ། ཏེནཱཧ ‘‘ཨདྷིཀཔཡོགོ’’ཏི། ཨིམཉྷི མགྒནྟི ཨཊྛངྒིཀཾ ཨརིཡམགྒམཱཧ། ཨིདྷཱཏི ཨིམསྨིཾ སུཏྟེ། ཨཝཏྟམཱནཊྛེནཱཏི བུདྡྷུཔྤཱདཏོ པུབྦེ ན ཝཏྟམཱནབྷཱཝེན། མགྒཾ ཛཱནཱཏཱིཏི སམུདཱགམཏོ པཊྛཱཡ སཔུབྦབྷཱགཾ སསམྦྷཱརཝིསཡཾ སཕལཾ སཨུདྲཡཾ ཨརིཡཾ མགྒཾ ཛཱནཱཏི ཨཝབུཛ྄ཛྷཏཱིཏི མགྒཉྙཱུ། ཝིདིཏནྟི ཨཉྙེསམྤི ཉཱཏཾ པཊིལདྡྷཾ ཧཏྠཏལེ ཨཱམལཀཾ ཝིཡ པཱཀཊཾ ཨཀཱསི, ཏཐཱ ཀཏྭཱ དེསེསི། ཨམགྒེ པརིཝཛྫནེན མགྒེ པཊིཔཏྟཱིཏི ཏསྶ མགྒཀུསལཏཱ ཝིཡ ཨམགྒཀུསལཏཱཔི ཨིཙྪིཏབྦཱཏི ཨཱཧ ‘‘མགྒེ ཙ ཨམགྒེ ཙ ཀོཝིདོ’’ཏི། ཨཧཾ པཋམཾ གཏོཏི ཨཧཾ པཋམམགྒེན སམནྣཱགཏོ།
58. Adhikaṃ savisesaṃ payasati payuñjati etenāti adhippayāso, visiṭṭhapayogo. Tenāha ‘‘adhikapayogo’’ti. Imañhi magganti aṭṭhaṅgikaṃ ariyamaggamāha. Idhāti imasmiṃ sutte. Avattamānaṭṭhenāti buddhuppādato pubbe na vattamānabhāvena. Maggaṃ jānātīti samudāgamato paṭṭhāya sapubbabhāgaṃ sasambhāravisayaṃ saphalaṃ saudrayaṃ ariyaṃ maggaṃ jānāti avabujjhatīti maggaññū. Viditanti aññesampi ñātaṃ paṭiladdhaṃ hatthatale āmalakaṃ viya pākaṭaṃ akāsi, tathā katvā desesi. Amagge parivajjanena magge paṭipattīti tassa maggakusalatā viya amaggakusalatāpi icchitabbāti āha ‘‘magge ca amagge ca kovido’’ti. Ahaṃ paṭhamaṃ gatoti ahaṃ paṭhamamaggena samannāgato.
སམྨཱསམྦུདྡྷསུཏྟཝཎྞནཱ ནིཊྛིཏཱ།
Sammāsambuddhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. སམྨཱསམྦུདྡྷསུཏྟཾ • 6. Sammāsambuddhasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. སམྨཱསམྦུདྡྷསུཏྟཝཎྞནཱ • 6. Sammāsambuddhasuttavaṇṇanā
