| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੫. ਸਮ੍ਮੁਖਾਥવਿਕਤ੍ਥੇਰਅਪਦਾਨવਣ੍ਣਨਾ
5. Sammukhāthavikattheraapadānavaṇṇanā
ਜਾਯਮਾਨੇ વਿਪਸ੍ਸਿਮ੍ਹੀਤਿਆਦਿਕਂ ਆਯਸ੍ਮਤੋ ਸਮ੍ਮੁਖਾਥવਿਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ ਸਤ੍ਤવਸ੍ਸਿਕਕਾਲੇਯੇવ ਸਕਸਿਪ੍ਪੇ ਨਿਪ੍ਫਤ੍ਤਿਂ ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ વਸਨ੍ਤੋ વਿਪਸ੍ਸਿਮ੍ਹਿ ਬੋਧਿਸਤ੍ਤੇ ਉਪ੍ਪਨ੍ਨੇ ਸਬ੍ਬਬੁਦ੍ਧਾਨਂ ਲਕ੍ਖਣਾਨਿ વੇਦਤ੍ਤਯੇ ਦਿਸ੍ਸਮਾਨਾਨਿ ਤਾਨਿ ਰਾਜਪ੍ਪਮੁਖਸ੍ਸ ਜਨਕਾਯਸ੍ਸ વਿਪਸ੍ਸੀਬੋਧਿਸਤ੍ਤਸ੍ਸ ਲਕ੍ਖਣਞ੍ਚ ਬੁਦ੍ਧਭਾવਞ੍ਚ ਬ੍ਯਾਕਰਿਤ੍વਾ ਜਨਾਨਂ ਮਾਨਸਂ ਨਿਬ੍ਬਾਪੇਸਿ, ਅਨੇਕਾਨਿ ਚ ਥੁਤਿવਚਨਾਨਿ ਨਿવੇਦੇਸਿ। ਸੋ ਤੇਨ ਕੁਸਲਕਮ੍ਮੇਨ ਛ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤ੍ਤਿਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ। ਕਤਕੁਸਲਨਾਮੇਨ ਸਮ੍ਮੁਖਾਥવਿਕਤ੍ਥੇਰੋਤਿ ਪਾਕਟੋ।
Jāyamāne vipassimhītiādikaṃ āyasmato sammukhāthavikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle brāhmaṇakule nibbatto sattavassikakāleyeva sakasippe nipphattiṃ patto gharāvāsaṃ saṇṭhapetvā vasanto vipassimhi bodhisatte uppanne sabbabuddhānaṃ lakkhaṇāni vedattaye dissamānāni tāni rājappamukhassa janakāyassa vipassībodhisattassa lakkhaṇañca buddhabhāvañca byākaritvā janānaṃ mānasaṃ nibbāpesi, anekāni ca thutivacanāni nivedesi. So tena kusalakammena cha kāmāvacarasampattiyo anubhavitvā manussesu ca cakkavattisampattiyo anubhavitvā imasmiṃ buddhuppāde kulagehe nibbatto viññutaṃ patto saddhājāto pabbajitvā nacirasseva arahā ahosi. Katakusalanāmena sammukhāthavikattheroti pākaṭo.
੪੧. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਜਾਯਮਾਨੇ વਿਪਸ੍ਸਿਮ੍ਹੀਤਿਆਦਿਮਾਹ। વਿਪਸ੍ਸਿਮ੍ਹਿ ਸਮ੍ਮਾਸਮ੍ਬੁਦ੍ਧੇ ਜਾਯਮਾਨੇ ਉਪ੍ਪਜ੍ਜਮਾਨੇ ਮਾਤੁਕੁਚ੍ਛਿਤੋ ਨਿਕ੍ਖਨ੍ਤੇ ਅਹਂ ਪਾਤੁਭੂਤਂ ਨਿਮਿਤ੍ਤਂ ਕਾਰਣਂ ਬੁਦ੍ਧਭਾવਸ੍ਸ ਹੇਤੁਂ ਬ੍ਯਾਕਰਿਂ ਕਥੇਸਿਂ, ਅਨੇਕਾਨਿ ਅਚ੍ਛਰਿਯਾਨਿ ਪਾਕਟਾਨਿ ਅਕਾਸਿਨ੍ਤਿ ਅਤ੍ਥੋ। ਸੇਸਂ વੁਤ੍ਤਨਯਾਨੁਸਾਰੇਨ ਸੁવਿਞ੍ਞੇਯ੍ਯਮੇવਾਤਿ।
41. So attano pubbakammaṃ saritvā somanassajāto pubbacaritāpadānaṃ pakāsento jāyamāne vipassimhītiādimāha. Vipassimhi sammāsambuddhe jāyamāne uppajjamāne mātukucchito nikkhante ahaṃ pātubhūtaṃ nimittaṃ kāraṇaṃ buddhabhāvassa hetuṃ byākariṃ kathesiṃ, anekāni acchariyāni pākaṭāni akāsinti attho. Sesaṃ vuttanayānusārena suviññeyyamevāti.
ਸਮ੍ਮੁਖਾਥવਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sammukhāthavikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੫. ਸਮ੍ਮੁਖਾਥવਿਕਤ੍ਥੇਰਅਪਦਾਨਂ • 5. Sammukhāthavikattheraapadānaṃ
