| Library / Tipiṭaka / તિપિટક • Tipiṭaka / ચૂળવગ્ગ-અટ્ઠકથા • Cūḷavagga-aṭṭhakathā |
૪. સમથક્ખન્ધકં
4. Samathakkhandhakaṃ
સમ્મુખાવિનયકથા
Sammukhāvinayakathā
૧૮૬-૧૮૭. સમથક્ખન્ધકે – ‘‘અધમ્મવાદી પુગ્ગલો’’તિઆદીનિ છ માતિકાપદાનિ નિક્ખિપિત્વા ‘‘અધમ્મવાદી પુગ્ગલો ધમ્મવાદિં પુગ્ગલં સઞ્ઞાપેતી’’તિઆદિના નયેન વિત્થારો વુત્તો. તત્થ સઞ્ઞાપેતીતિ કારણપતિરૂપકાનિ વત્વા પરિતોસેત્વા જાનાપેતિ. નિજ્ઝાપેતીતિ યથા સો તં અત્થં નિજ્ઝાયતિ, ઓલોકેતિ; એવં કરોતિ. પેક્ખતિ અનુપેક્ખતીતિ યથા સો તં અત્થં પેક્ખતિ ચેવ પુનપ્પુનઞ્ચ પેક્ખતિ; એવં કરોતિ. દસ્સેતિ અનુદસ્સેતીતિ તેસઞ્ઞેવ પરિયાયવચનાનિ. અધમ્મેન વૂપસમ્મતીતિ યસ્મા સો અધમ્મમેવ ‘‘અયં ધમ્મો’’તિઆદિના નયેન મોહેત્વા દસ્સેતિ, તસ્મા અધમ્મેન વૂપસમ્મતિ નામ.
186-187. Samathakkhandhake – ‘‘adhammavādī puggalo’’tiādīni cha mātikāpadāni nikkhipitvā ‘‘adhammavādī puggalo dhammavādiṃ puggalaṃ saññāpetī’’tiādinā nayena vitthāro vutto. Tattha saññāpetīti kāraṇapatirūpakāni vatvā paritosetvā jānāpeti. Nijjhāpetīti yathā so taṃ atthaṃ nijjhāyati, oloketi; evaṃ karoti. Pekkhati anupekkhatīti yathā so taṃ atthaṃ pekkhati ceva punappunañca pekkhati; evaṃ karoti. Dasseti anudassetīti tesaññeva pariyāyavacanāni. Adhammena vūpasammatīti yasmā so adhammameva ‘‘ayaṃ dhammo’’tiādinā nayena mohetvā dasseti, tasmā adhammena vūpasammati nāma.
૧૮૮. ધમ્મેન વૂપસમ્મતીતિ યસ્મા ધમ્મવાદી ધમ્મમેવ ‘‘અયં ધમ્મો’’તિઆદિના નયેન અમોહેત્વા દસ્સેતિ, તસ્મા ધમ્મેન વૂપસમ્મતિ નામ.
188.Dhammena vūpasammatīti yasmā dhammavādī dhammameva ‘‘ayaṃ dhammo’’tiādinā nayena amohetvā dasseti, tasmā dhammena vūpasammati nāma.
સમ્મુખાવિનયકથા નિટ્ઠિતા.
Sammukhāvinayakathā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi
૧. સમ્મુખાવિનયો • 1. Sammukhāvinayo
કણ્હપક્ખનવકં • Kaṇhapakkhanavakaṃ
સુક્કપક્ખનવકં • Sukkapakkhanavakaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / સમ્મુખાવિનયકથાવણ્ણના • Sammukhāvinayakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / સમ્મુખાવિનયકથાવણ્ણના • Sammukhāvinayakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧. સમ્મુખાવિનયકથા • 1. Sammukhāvinayakathā
