| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૫. ચૂળવગ્ગો
5. Cūḷavaggo
૧. સમ્મુખીભાવસુત્તવણ્ણના
1. Sammukhībhāvasuttavaṇṇanā
૪૧. પઞ્ચમસ્સ પઠમે સમ્મુખીભાવાતિ સમ્મુખીભાવેન, વિજ્જમાનતાયાતિ અત્થો. પસવતીતિ પટિલભતિ. સદ્ધાય સમ્મુખીભાવાતિ યદિ હિ સદ્ધા ન ભવેય્ય, દેય્યધમ્મો ન ભવેય્ય, દક્ખિણેય્યસઙ્ખાતા પટિગ્ગાહકપુગ્ગલા ન ભવેય્યું, કથં પુઞ્ઞકમ્મં કરેય્ય. તેસં પન સમ્મુખીભાવેન સક્કા કાતુન્તિ તસ્મા ‘‘સદ્ધાય સમ્મુખીભાવા’’તિઆદિમાહ. એત્થ ચ દ્વે ધમ્મા સુલભા દેય્યધમ્મા ચેવ દક્ખિણેય્યા ચ, સદ્ધા પન દુલ્લભા. પુથુજ્જનસ્સ હિ સદ્ધા અથાવરા પદવારેન નાના હોતિ, તેનેવ મહામોગ્ગલ્લાનસદિસોપિ અગ્ગસાવકો પાટિભોગો ભવિતું અસક્કોન્તો આહ – ‘‘દ્વિન્નં ખો તે અહં, આવુસો, ધમ્માનં પાટિભોગો ભોગાનઞ્ચ જીવિતસ્સ ચ, સદ્ધાય પન ત્વંયેવ પાટિભોગો’’તિ (ઉદા॰ ૧૮).
41. Pañcamassa paṭhame sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvāti yadi hi saddhā na bhaveyya, deyyadhammo na bhaveyya, dakkhiṇeyyasaṅkhātā paṭiggāhakapuggalā na bhaveyyuṃ, kathaṃ puññakammaṃ kareyya. Tesaṃ pana sammukhībhāvena sakkā kātunti tasmā ‘‘saddhāya sammukhībhāvā’’tiādimāha. Ettha ca dve dhammā sulabhā deyyadhammā ceva dakkhiṇeyyā ca, saddhā pana dullabhā. Puthujjanassa hi saddhā athāvarā padavārena nānā hoti, teneva mahāmoggallānasadisopi aggasāvako pāṭibhogo bhavituṃ asakkonto āha – ‘‘dvinnaṃ kho te ahaṃ, āvuso, dhammānaṃ pāṭibhogo bhogānañca jīvitassa ca, saddhāya pana tvaṃyeva pāṭibhogo’’ti (udā. 18).
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. સમ્મુખીભાવસુત્તં • 1. Sammukhībhāvasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧. સમ્મુખીભાવસુત્તવણ્ણના • 1. Sammukhībhāvasuttavaṇṇanā
