| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
6. ஸம்முதிஞாணகதா²வண்ணனா
6. Sammutiñāṇakathāvaṇṇanā
434-435. இதா³னி ஸம்முதிஞாணகதா² நாம ஹோதி. தத்த² ஸம்முதிஸச்சங் பரமத்த²ஸச்சந்தி த்³வே ஸச்சானி. யே பன ஏவங் விபா⁴க³ங் அகத்வா ஸச்சந்தி வசனஸாமஞ்ஞேன ஸம்முதிஞாணம்பி ‘‘ஸச்சாரம்மணமேவா’’தி வத³ந்தி, ஸெய்யதா²பி அந்த⁴கா; தே அயுத்தவாதி³னோதி தேஸங் வாத³விஸோத⁴னத்த²ங் அயங் கதா² ஆரத்³தா⁴. தத்த² ந வத்தப்³ப³ந்தி புச்சா² பரவாதி³ஸ்ஸ, பரமத்த²ஸச்சங் ஸந்தா⁴ய படிஞ்ஞா ஸகவாதி³ஸ்ஸ. ஸம்முதிஸச்சம்ஹீதி ஸம்முதிங் அனுபவிட்டே² ஸச்சம்ஹி. பச்சத்தே வா பு⁴ம்மவசனங், ஸம்முதிஸச்சந்தி அத்தோ². ஸம்முதிஞாணங் ஸச்சாரம்மணஞ்ஞேவாதி புச்சா² ஸகவாதி³ஸ்ஸ, படிஞ்ஞா இதரஸ்ஸ. ததோ நங் ‘‘யதி³ தங் அவிஸேஸேன ஸச்சாரம்மணஞ்ஞேவ, தேன ஞாணேன து³க்க²பரிஞ்ஞாதீ³னி கரெய்யா’’தி சோதே³துங் தேன ஞாணேனாதிஆதி³மாஹ.
434-435. Idāni sammutiñāṇakathā nāma hoti. Tattha sammutisaccaṃ paramatthasaccanti dve saccāni. Ye pana evaṃ vibhāgaṃ akatvā saccanti vacanasāmaññena sammutiñāṇampi ‘‘saccārammaṇamevā’’ti vadanti, seyyathāpi andhakā; te ayuttavādinoti tesaṃ vādavisodhanatthaṃ ayaṃ kathā āraddhā. Tattha na vattabbanti pucchā paravādissa, paramatthasaccaṃ sandhāya paṭiññā sakavādissa. Sammutisaccamhīti sammutiṃ anupaviṭṭhe saccamhi. Paccatte vā bhummavacanaṃ, sammutisaccanti attho. Sammutiñāṇaṃ saccārammaṇaññevāti pucchā sakavādissa, paṭiññā itarassa. Tato naṃ ‘‘yadi taṃ avisesena saccārammaṇaññeva, tena ñāṇena dukkhapariññādīni kareyyā’’ti codetuṃ tena ñāṇenātiādimāha.
ஸம்முதிஞாணகதா²வண்ணனா.
Sammutiñāṇakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (48) 6. ஸம்முதிஞாணகதா² • (48) 6. Sammutiñāṇakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 6. ஸம்முதிஞாணகதா²வண்ணனா • 6. Sammutiñāṇakathāvaṇṇanā
