| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
12. самбаннасийласуд̇д̇аван̣н̣анаа
12. Sampannasīlasuttavaṇṇanā
111. д̣̇ваад̣̇асамз самбаннасийлаад̇и зд̇т̇а д̇ивид̇хам̣ самбаннам̣ барибун̣н̣асаман̇г̇иймад̇хуравасзна. д̇зсу –
111. Dvādasame sampannasīlāti ettha tividhaṃ sampannaṃ paripuṇṇasamaṅgīmadhuravasena. Tesu –
‘‘самбаннам̣ саалигзд̣̇аарам̣, суваа бхун̃ж̇анд̇и госияа;
‘‘Sampannaṃ sālikedāraṃ, suvā bhuñjanti kosiya;
бадивзд̣̇зми д̇з б̣рахмз, на нз ваарзд̇умуссахз’’д̇и. (ж̇аа. 1.14.1) –
Paṭivedemi te brahme, na ne vāretumussahe’’ti. (jā. 1.14.1) –
зд̇т̇а барибун̣н̣ад̇т̇о самбаннасад̣̇д̣̇о. ‘‘иминаа баад̇имогкасам̣варзна убзд̇о ход̇и самубзд̇о убаг̇ад̇о самубаг̇ад̇о самбанно саманнааг̇ад̇о’’д̇и (вибха. 511) зд̇т̇а саман̇г̇ибхаавад̇т̇о самбаннасад̣̇д̣̇о . ‘‘имиссаа, бханд̇з, махаабат̇авияаа хздтимад̇алам̣ самбаннам̣ – сзяяат̇ааби куд̣̇д̣̇амад̇хум̣ анийлагам̣, звамассаад̣̇а’’нд̇и (баараа. 17) зд̇т̇а мад̇хурад̇т̇о самбаннасад̣̇д̣̇о. ид̇ха бана барибун̣н̣ад̇т̇зби саман̇г̇ибхаавзби ваддад̇и, д̇асмаа самбаннасийлаад̇и барибун̣н̣асийлаа худ̇ваад̇иби, сийласаман̇г̇ино худ̇ваад̇иби звамзд̇т̇а ад̇т̇о взд̣̇ид̇аб̣б̣о.
Ettha paripuṇṇattho sampannasaddo. ‘‘Iminā pātimokkhasaṃvarena upeto hoti samupeto upagato samupagato sampanno samannāgato’’ti (vibha. 511) ettha samaṅgibhāvattho sampannasaddo . ‘‘Imissā, bhante, mahāpathaviyā heṭṭhimatalaṃ sampannaṃ – seyyathāpi khuddamadhuṃ anīlakaṃ, evamassāda’’nti (pārā. 17) ettha madhurattho sampannasaddo. Idha pana paripuṇṇatthepi samaṅgibhāvepi vaṭṭati, tasmā sampannasīlāti paripuṇṇasīlā hutvātipi, sīlasamaṅgino hutvātipi evamettha attho veditabbo.
д̇ад̇т̇а ‘‘барибун̣н̣асийлаа’’д̇и иминаа ад̇т̇зна кзд̇д̇ад̣̇осавиг̇амзна кзд̇д̇абаарибуури вияа барибун̣н̣ам̣ наама ход̇и. д̇зна вуд̇д̇ам̣ ‘‘кзд̇д̇ад̣̇осавиг̇амзна кзд̇д̇абаарибуури вияа сийлад̣̇осавиг̇амзна сийлабаарибуури вуд̇д̇аа’’д̇и. ‘‘сийласаман̇г̇ино’’д̇и иминаа бана ад̇т̇зна сийлзна саман̇г̇ийбхууд̇аа самод̇хаанаг̇ад̇аа саманнааг̇ад̇аа худ̇ваа вихарат̇аад̇и вуд̇д̇ам̣ ход̇и. д̇ад̇т̇а д̣̇вийхи гааран̣зхи самбаннасийлад̇аа ход̇и сийлавибад̇д̇ияаа аад̣̇ийнавад̣̇ассанзна, сийласамбад̇д̇ияаа аанисам̣сад̣̇ассанзна жа. д̇ад̣̇убхаяамби висуд̣̇д̇химаг̇г̇з (висуд̣̇д̇хи. 1.20-21) вуд̇д̇анаязна взд̣̇ид̇аб̣б̣ам̣. д̇ад̇т̇а ‘‘самбаннасийлаа’’д̇и зд̇д̇аавад̇аа гира бхаг̇аваа жад̇убаарисуд̣̇д̇хисийлам̣ уд̣̇д̣̇исид̇ваа ‘‘баад̇имогкасам̣варасам̣вуд̇аа’’д̇и иминаа ж̇здтагасийлам̣ д̣̇ассзд̇ийд̇иаад̣̇инаа зд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇амзва. гимасса уд̇д̇ари гаран̣ийяанд̇и звам̣ самбаннасийлаанам̣ вихарад̇ам̣ д̇умхаагам̣ гинд̇и сияаа уд̇д̇ари гаад̇аб̣б̣ам̣, бадибаж̇ж̇ид̇аб̣б̣анд̇и жзд̇и ад̇т̇о.
Tattha ‘‘paripuṇṇasīlā’’ti iminā atthena khettadosavigamena khettapāripūri viya paripuṇṇaṃ nāma hoti. Tena vuttaṃ ‘‘khettadosavigamena khettapāripūri viya sīladosavigamena sīlapāripūri vuttā’’ti. ‘‘Sīlasamaṅgino’’ti iminā pana atthena sīlena samaṅgībhūtā samodhānagatā samannāgatā hutvā viharathāti vuttaṃ hoti. Tattha dvīhi kāraṇehi sampannasīlatā hoti sīlavipattiyā ādīnavadassanena, sīlasampattiyā ānisaṃsadassanena ca. Tadubhayampi visuddhimagge (visuddhi. 1.20-21) vuttanayena veditabbaṃ. Tattha ‘‘sampannasīlā’’ti ettāvatā kira bhagavā catupārisuddhisīlaṃ uddisitvā ‘‘pātimokkhasaṃvarasaṃvutā’’ti iminā jeṭṭhakasīlaṃ dassetītiādinā ettha yaṃ vattabbaṃ, taṃ heṭṭhā vuttameva. Kimassa uttari karaṇīyanti evaṃ sampannasīlānaṃ viharataṃ tumhākaṃ kinti siyā uttari kātabbaṃ, paṭipajjitabbanti ceti attho.
звам̣ ‘‘самбаннасийлаа, бхигкавз, вихарат̇аа’’д̇иаад̣̇инаа самбаад̣̇ануубааязна сад̣̇д̇хим̣ сийласамбад̣̇ааяа бхигкуу нияож̇знд̇о анзгабуг̇г̇алаад̇хидтаанам̣ гад̇ваа д̣̇зсанам̣ аарабхид̇ваа ид̣̇аани яасмаа згабуг̇г̇алаад̇хидтаанавасзна бавад̇д̇ид̇ааби бхаг̇авад̇о д̣̇зсанаа анзгабуг̇г̇алаад̇хидтаанаава ход̇и саб̣б̣асаад̇хааран̣ад̇д̇аа, д̇асмаа д̇ам̣ згабуг̇г̇алаад̇хидтаанавасзна д̣̇ассзнд̇о ‘‘жарад̇о жзби, бхигкавз, бхигкуно’’д̇иаад̣̇имааха.
Evaṃ ‘‘sampannasīlā, bhikkhave, viharathā’’tiādinā sampādanūpāyena saddhiṃ sīlasampadāya bhikkhū niyojento anekapuggalādhiṭṭhānaṃ katvā desanaṃ ārabhitvā idāni yasmā ekapuggalādhiṭṭhānavasena pavattitāpi bhagavato desanā anekapuggalādhiṭṭhānāva hoti sabbasādhāraṇattā, tasmā taṃ ekapuggalādhiṭṭhānavasena dassento ‘‘carato cepi, bhikkhave, bhikkhuno’’tiādimāha.
д̇ад̇т̇а абхиж̇жхааяад̇и зд̇ааяаад̇и абхиж̇жхаа, барабхан̣д̣аабхиж̇жхааяаналагкан̣асса лобхассзд̇ам̣ ад̇хиважанам̣. б̣яаабаж̇ж̇ад̇и бууд̇ибхавад̇и жид̇д̇ам̣ зд̇знаад̇и б̣яаабаад̣̇о, ‘‘анад̇т̇ам̣ мз ажарий’’д̇иаад̣̇инаяаббавад̇д̇асса згуунавийсад̇иаагхаад̇авад̇т̇увисаяасса д̣̇осассзд̇ам̣ ад̇хиважанам̣. убхиннамби ‘‘д̇ад̇т̇а гад̇амо гаамажчанд̣̇о? яо гаамзсу гаамажчанд̣̇о гаамаснзхо гаамабибаасаа гаамабарил̣аахо гаамамужчаа гаамаж̇жхосаана’’нд̇и (д̇ха. са. 1159), д̇ат̇аа ‘‘лобхо луб̣бханаа луб̣бхид̇ад̇д̇ам̣ саарааг̇о саараж̇ж̇анаа саараж̇ж̇ид̇ад̇д̇ам̣ абхиж̇жхаа лобхо агусаламуула’’нд̇иаад̣̇инаа (д̇ха. са. 391), ‘‘д̣̇осо д̣̇уссанаа д̣̇уссид̇ад̇д̇ам̣ б̣яаабад̇д̇и б̣яаабаж̇ж̇анаа б̣яаабаж̇ж̇ид̇ад̇д̇ам̣ вирод̇хо бадивирод̇хо жан̣д̣иггам̣ асуробо анад̇д̇аманад̇аа жид̇д̇ассаа’’д̇иаад̣̇инаа (д̇ха. са. 418, 1237) жа вид̇т̇ааро взд̣̇ид̇аб̣б̣о. виг̇ад̇о ход̇ийд̇и аяан̃жа абхиж̇жхаа, аяан̃жа б̣яаабаад̣̇о виг̇ад̇о ход̇и абаг̇ад̇о, бахийно ход̇ийд̇и ад̇т̇о. зд̇д̇аавад̇аа гаамажчанд̣̇анийваран̣асса жа б̣яаабаад̣̇анийваран̣асса жа бахаанам̣ д̣̇ассид̇ам̣ ход̇и.
Tattha abhijjhāyati etāyāti abhijjhā, parabhaṇḍābhijjhāyanalakkhaṇassa lobhassetaṃ adhivacanaṃ. Byāpajjati pūtibhavati cittaṃ etenāti byāpādo, ‘‘anatthaṃ me acarī’’tiādinayappavattassa ekūnavīsatiāghātavatthuvisayassa dosassetaṃ adhivacanaṃ. Ubhinnampi ‘‘tattha katamo kāmacchando? Yo kāmesu kāmacchando kāmasneho kāmapipāsā kāmapariḷāho kāmamucchā kāmajjhosāna’’nti (dha. sa. 1159), tathā ‘‘lobho lubbhanā lubbhitattaṃ sārāgo sārajjanā sārajjitattaṃ abhijjhā lobho akusalamūla’’ntiādinā (dha. sa. 391), ‘‘doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassā’’tiādinā (dha. sa. 418, 1237) ca vitthāro veditabbo. Vigato hotīti ayañca abhijjhā, ayañca byāpādo vigato hoti apagato, pahīno hotīti attho. Ettāvatā kāmacchandanīvaraṇassa ca byāpādanīvaraṇassa ca pahānaṃ dassitaṃ hoti.
т̇инамид̣̇д̇ханд̇и т̇инан̃жзва мид̣̇д̇хан̃жа. д̇зсу жид̇д̇асса агамман̃н̃ад̇аа т̇инам̣, ааласияассзд̇ам̣ ад̇хиважанам̣, взд̣̇анаад̣̇ийнам̣ д̇ин̣н̣ам̣ канд̇хаанам̣ агамман̃н̃ад̇аа мид̣̇д̇хам̣, бажалааяигабхаавассзд̇ам̣ ад̇хиважанам̣. убхиннамби ‘‘д̇ад̇т̇а гад̇амам̣ т̇инам̣? яаа жид̇д̇асса агаллад̇аа агамман̃н̃ад̇аа олийяанаа саллийяанаа. д̇ад̇т̇а гад̇амам̣ мид̣̇д̇хам̣? яаа гааяасса агаллад̇аа агамман̃н̃ад̇аа онаахо барияонаахо’’д̇иаад̣̇инаа (д̇ха. са. 1162-1163) наязна вид̇т̇ааро взд̣̇ид̇аб̣б̣о.
Thinamiddhanti thinañceva middhañca. Tesu cittassa akammaññatā thinaṃ, ālasiyassetaṃ adhivacanaṃ, vedanādīnaṃ tiṇṇaṃ khandhānaṃ akammaññatā middhaṃ, pacalāyikabhāvassetaṃ adhivacanaṃ. Ubhinnampi ‘‘tattha katamaṃ thinaṃ? Yā cittassa akallatā akammaññatā olīyanā sallīyanā. Tattha katamaṃ middhaṃ? Yā kāyassa akallatā akammaññatā onāho pariyonāho’’tiādinā (dha. sa. 1162-1163) nayena vitthāro veditabbo.
уд̣̇д̇хажжагуггужжанд̇и уд̣̇д̇хажжан̃жзва гуггужжан̃жа. д̇ад̇т̇а уд̣̇д̇хажжам̣ наама жид̇д̇асса уд̣̇д̇хад̇аагааро, гуггужжам̣ наама агад̇агаляаан̣асса гад̇абаабасса д̇аббажжаяаа виббадисааро. убхиннамби ‘‘д̇ад̇т̇а гад̇амам̣ уд̣̇д̇хажжам̣? яам̣ жид̇д̇асса уд̣̇д̇хажжам̣ авуубасамо жзд̇асо вигкзбо бханд̇ад̇д̇ам̣ жид̇д̇ассаа’’д̇иаад̣̇инаа (д̇ха. са. 1165) вид̇т̇ааро. ‘‘агад̇ам̣ вад̇а мз галяаан̣ам̣, агад̇ам̣ гусалам̣, агад̇ам̣ бхийруд̇д̇аанам̣; гад̇ам̣ баабам̣, гад̇ам̣ луд̣̇д̣̇ам̣, гад̇ам̣ гиб̣б̣иса’’нд̇иаад̣̇инаа (ма. ни. 3.248; нзд̇д̇и. 120) бавад̇д̇иаагааро взд̣̇ид̇аб̣б̣о.
Uddhaccakukkuccanti uddhaccañceva kukkuccañca. Tattha uddhaccaṃ nāma cittassa uddhatākāro, kukkuccaṃ nāma akatakalyāṇassa katapāpassa tappaccayā vippaṭisāro. Ubhinnampi ‘‘tattha katamaṃ uddhaccaṃ? Yaṃ cittassa uddhaccaṃ avūpasamo cetaso vikkhepo bhantattaṃ cittassā’’tiādinā (dha. sa. 1165) vitthāro. ‘‘Akataṃ vata me kalyāṇaṃ, akataṃ kusalaṃ, akataṃ bhīruttānaṃ; kataṃ pāpaṃ, kataṃ luddaṃ, kataṃ kibbisa’’ntiādinā (ma. ni. 3.248; netti. 120) pavattiākāro veditabbo.
вижигижчаад̇и б̣уд̣̇д̇хаад̣̇ийсу сам̣саяо. д̇ассаа ‘‘сад̇т̇ари ган̇кад̇и вижигижчад̇и, наад̇химужжад̇и на самбасийд̣̇ад̇ий’’д̇иаад̣̇инаа (вибха. 915), ‘‘д̇ад̇т̇а гад̇амаа вижигижчаа? яаа ган̇каа ган̇кааяанаа ган̇кааяид̇ад̇д̇ам̣ вимад̇и вижигижчаа д̣̇взл̣хагам̣ д̣̇взд̇хаабат̇о сам̣саяо анзгам̣саг̇г̇аахо аасаббанаа барисаббанаа абарияог̇ааханаа чамбхид̇ад̇д̇ам̣ жид̇д̇асса мановилзко’’д̇иаад̣̇инаа (д̇ха. са. 1008) жа наязна вид̇т̇ааро взд̣̇ид̇аб̣б̣о.
Vicikicchāti buddhādīsu saṃsayo. Tassā ‘‘satthari kaṅkhati vicikicchati, nādhimuccati na sampasīdatī’’tiādinā (vibha. 915), ‘‘tattha katamā vicikicchā? Yā kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhanā chambhitattaṃ cittassa manovilekho’’tiādinā (dha. sa. 1008) ca nayena vitthāro veditabbo.
зд̇т̇а жа абхиж̇жхааб̣яаабаад̣̇аад̣̇ийнам̣ виг̇амавасзна жа бахаанавасзна жа д̇зсам̣ вигкамбханамзва взд̣̇ид̇аб̣б̣ам̣. яам̣ санд̇хааяа вуд̇д̇ам̣ –
Ettha ca abhijjhābyāpādādīnaṃ vigamavasena ca pahānavasena ca tesaṃ vikkhambhanameva veditabbaṃ. Yaṃ sandhāya vuttaṃ –
‘‘со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и. б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и, б̣яаабаад̣̇абад̣̇осаа жид̇д̇ам̣ барисод̇хзд̇и. т̇инамид̣̇д̇хам̣ бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и. уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ убасанд̇ажид̇д̇о уд̣̇д̇хажжагуггужжаа жид̇д̇ам̣ барисод̇хзд̇и. вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇ий’’д̇и (вибха. 508).
‘‘So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti. Byāpādapadosaṃ pahāya abyāpannacitto viharati, byāpādapadosā cittaṃ parisodheti. Thinamiddhaṃ pahāya vigatathinamiddho viharati ālokasaññī sato sampajāno, thinamiddhā cittaṃ parisodheti. Uddhaccakukkuccaṃ pahāya anuddhato viharati ajjhattaṃ upasantacitto uddhaccakukkuccā cittaṃ parisodheti. Vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodhetī’’ti (vibha. 508).
д̇ад̇т̇а яат̇аа нийваран̣аанам̣ бахаанам̣ ход̇и, д̇ам̣ взд̣̇ид̇аб̣б̣ам̣. гат̇ан̃жа нзсам̣ бахаанам̣ ход̇и? гаамажчанд̣̇асса д̇аава асубханимид̇д̇з яонисоманасигаарзна бахаанам̣ ход̇и, субханимид̇д̇з аяонисоманасигаарзнасса уббад̇д̇и. д̇знааха бхаг̇аваа –
Tattha yathā nīvaraṇānaṃ pahānaṃ hoti, taṃ veditabbaṃ. Kathañca nesaṃ pahānaṃ hoti? Kāmacchandassa tāva asubhanimitte yonisomanasikārena pahānaṃ hoti, subhanimitte ayonisomanasikārenassa uppatti. Tenāha bhagavā –
‘‘ад̇т̇и, бхигкавз, субханимид̇д̇ам̣. д̇ад̇т̇а аяонисоманасигаараб̣ахулийгааро аяамаахааро ануббаннасса ваа гаамажчанд̣̇асса уббаад̣̇ааяа, уббаннасса ваа гаамажчанд̣̇асса бхияяобхаавааяа взбуллааяаа’’д̇и (сам̣. ни. 5.232).
‘‘Atthi, bhikkhave, subhanimittaṃ. Tattha ayonisomanasikārabahulīkāro ayamāhāro anuppannassa vā kāmacchandassa uppādāya, uppannassa vā kāmacchandassa bhiyyobhāvāya vepullāyā’’ti (saṃ. ni. 5.232).
звам̣ субханимид̇д̇з аяонисоманасигаарзна уббаж̇ж̇анд̇асса гаамажчанд̣̇асса д̇аббадибагкад̇о асубханимид̇д̇з яонисоманасигаарзна бахаанам̣ ход̇и. д̇ад̇т̇а асубханимид̇д̇ам̣ наама асубхамби асубхаарамман̣амби, яонисоманасигааро наама убааяаманасигааро, бат̇аманасигааро, анижжз анижжанд̇и ваа, д̣̇угкз д̣̇угканд̇и ваа, анад̇д̇ани анад̇д̇аад̇и ваа, асубхз асубханд̇и ваа манасигааро. д̇ам̣ д̇ад̇т̇а б̣ахулам̣ бавад̇д̇аяад̇о гаамажчанд̣̇о бахийяад̇и. д̇знааха бхаг̇аваа –
Evaṃ subhanimitte ayonisomanasikārena uppajjantassa kāmacchandassa tappaṭipakkhato asubhanimitte yonisomanasikārena pahānaṃ hoti. Tattha asubhanimittaṃ nāma asubhampi asubhārammaṇampi, yonisomanasikāro nāma upāyamanasikāro, pathamanasikāro, anicce aniccanti vā, dukkhe dukkhanti vā, anattani anattāti vā, asubhe asubhanti vā manasikāro. Taṃ tattha bahulaṃ pavattayato kāmacchando pahīyati. Tenāha bhagavā –
‘‘ад̇т̇и, бхигкавз, асубханимид̇д̇ам̣. д̇ад̇т̇а яонисоманасигаараб̣ахулийгааро – аяамаахааро ануббаннасса ваа гаамажчанд̣̇асса ануббаад̣̇ааяа, уббаннасса ваа гаамажчанд̣̇асса бахаанааяаа’’д̇и (сам̣. ни. 5.232).
‘‘Atthi, bhikkhave, asubhanimittaṃ. Tattha yonisomanasikārabahulīkāro – ayamāhāro anuppannassa vā kāmacchandassa anuppādāya, uppannassa vā kāmacchandassa pahānāyā’’ti (saṃ. ni. 5.232).
абижа ча д̇хаммаа гаамажчанд̣̇асса бахаанааяа сам̣вад̇д̇анд̇и – асубханимид̇д̇асса уг̇г̇ахо, асубхабхааванаануяог̇о, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, галяаан̣амид̇д̇ад̇аа, саббааяагат̇аад̇и. д̣̇асавид̇хан̃хи асубханимид̇д̇ам̣ уг̇г̇ан̣ханд̇ассаби гаамажчанд̣̇о бахийяад̇и, бхаавзнд̇ассаби , инд̣̇риязсу бихид̇ад̣̇ваарассаби жад̇уннам̣ бан̃жаннам̣ аалобаанам̣ огаасз сад̇и уд̣̇агам̣ бивид̇ваа яаабанасийлад̇ааяа бхож̇анз мад̇д̇ан̃н̃уноби. д̇зна вуд̇д̇ам̣ –
Apica cha dhammā kāmacchandassa pahānāya saṃvattanti – asubhanimittassa uggaho, asubhabhāvanānuyogo, indriyesu guttadvāratā, bhojane mattaññutā, kalyāṇamittatā, sappāyakathāti. Dasavidhañhi asubhanimittaṃ uggaṇhantassapi kāmacchando pahīyati, bhāventassapi , indriyesu pihitadvārassapi catunnaṃ pañcannaṃ ālopānaṃ okāse sati udakaṃ pivitvā yāpanasīlatāya bhojane mattaññunopi. Tena vuttaṃ –
‘‘жад̇д̇ааро бан̃жа аалобз, абхуд̇ваа уд̣̇агам̣ бивз;
‘‘Cattāro pañca ālope, abhutvā udakaṃ pive;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983);
Alaṃ phāsuvihārāya, pahitattassa bhikkhuno’’ti. (theragā. 983);
асубхагаммигад̇иссад̇т̇зрасад̣̇исз галяаан̣амид̇д̇з сзванд̇ассаби гаамажчанд̣̇о бахийяад̇и, таананисаж̇ж̇аад̣̇ийсу д̣̇асаасубханиссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа гаамажчанд̣̇асса бахаанааяа сам̣вад̇д̇анд̇ий’’д̇и.
Asubhakammikatissattherasadise kalyāṇamitte sevantassapi kāmacchando pahīyati, ṭhānanisajjādīsu dasaasubhanissitasappāyakathāyapi pahīyati. Tena vuttaṃ ‘‘cha dhammā kāmacchandassa pahānāya saṃvattantī’’ti.
бадигханимид̇д̇з ааяонисоманасигаарзна б̣яаабаад̣̇асса уббаад̣̇о ход̇и. д̇ад̇т̇а бадигхамби бадигханимид̇д̇ам̣, бадигхаарамман̣амби бадигханимид̇д̇ам̣. аяонисоманасигааро саб̣б̣ад̇т̇а згалагкан̣о зва. д̇ам̣ д̇асмим̣ нимид̇д̇з б̣ахулам̣ бавад̇д̇аяад̇о б̣яаабаад̣̇о уббаж̇ж̇ад̇и. д̇знааха бхаг̇аваа –
Paṭighanimitte āyonisomanasikārena byāpādassa uppādo hoti. Tattha paṭighampi paṭighanimittaṃ, paṭighārammaṇampi paṭighanimittaṃ. Ayonisomanasikāro sabbattha ekalakkhaṇo eva. Taṃ tasmiṃ nimitte bahulaṃ pavattayato byāpādo uppajjati. Tenāha bhagavā –
‘‘ад̇т̇и, бхигкавз, бадигханимид̇д̇ам̣. д̇ад̇т̇а аяонисоманасигаараб̣ахулийгааро – аяамаахааро ануббаннасса ваа б̣яаабаад̣̇асса уббаад̣̇ааяа, уббаннасса ваа б̣яаабаад̣̇асса бхияяобхаавааяа взбуллааяаа’’д̇и (сам̣. ни. 5.232).
‘‘Atthi, bhikkhave, paṭighanimittaṃ. Tattha ayonisomanasikārabahulīkāro – ayamāhāro anuppannassa vā byāpādassa uppādāya, uppannassa vā byāpādassa bhiyyobhāvāya vepullāyā’’ti (saṃ. ni. 5.232).
мзд̇д̇ааяа бана жзд̇овимуд̇д̇ияаа яонисоманасигаарзнасса бахаанам̣ ход̇и. д̇ад̇т̇а ‘‘мзд̇д̇аа’’д̇и вуд̇д̇з аббанааби убажаароби ваддад̇и, ‘‘жзд̇овимуд̇д̇ий’’д̇и бана аббанаава. яонисоманасигааро вуд̇д̇алагкан̣ова. д̇ам̣ д̇ад̇т̇а б̣ахулам̣ бавад̇д̇аяад̇о б̣яаабаад̣̇о бахийяад̇и. д̇знааха бхаг̇аваа –
Mettāya pana cetovimuttiyā yonisomanasikārenassa pahānaṃ hoti. Tattha ‘‘mettā’’ti vutte appanāpi upacāropi vaṭṭati, ‘‘cetovimuttī’’ti pana appanāva. Yonisomanasikāro vuttalakkhaṇova. Taṃ tattha bahulaṃ pavattayato byāpādo pahīyati. Tenāha bhagavā –
‘‘ад̇т̇и, бхигкавз, мзд̇д̇аажзд̇овимуд̇д̇и. д̇ад̇т̇а яонисоманасигаараб̣ахулийгааро аяамаахааро ануббаннасса ваа б̣яаабаад̣̇асса ануббаад̣̇ааяа уббаннасса ваа б̣яаабаад̣̇асса бахаанааяаа’’д̇и (сам̣. ни. 5.232).
‘‘Atthi, bhikkhave, mettācetovimutti. Tattha yonisomanasikārabahulīkāro ayamāhāro anuppannassa vā byāpādassa anuppādāya uppannassa vā byāpādassa pahānāyā’’ti (saṃ. ni. 5.232).
абижа ча д̇хаммаа б̣яаабаад̣̇асса бахаанааяа сам̣вад̇д̇анд̇и – мзд̇д̇аанимид̇д̇асса уг̇г̇ахо, мзд̇д̇аабхааванаа, гаммассагад̇аабажжавзгкан̣аа, бадисан̇каанаб̣ахулад̇аа, галяаан̣амид̇д̇ад̇аа, саббааяагат̇аад̇и. од̇хисагаанод̇хисагад̣̇исаапаран̣аанан̃хи ан̃н̃ад̇аравасзна мзд̇д̇ам̣ уг̇г̇ан̣ханд̇ассаби б̣яаабаад̣̇о бахийяад̇и, од̇хисо анод̇хисо д̣̇исаапаран̣авасзна мзд̇д̇ам̣ бхаавзнд̇ассаби б̣яаабаад̣̇о бахийяад̇и, ‘‘д̇вам̣ зд̇асса гуд̣̇д̇хо гим̣ гариссаси, гимасса сийлаад̣̇ийни винаасзд̇ум̣ сагкиссаси нану д̇вам̣ ад̇д̇ано гаммзна ааг̇анд̇ваа ад̇д̇ано гаммзнзва г̇амиссаси, барасса гуж̇жханам̣ наама вийд̇ажжиган̇г̇аарад̇ад̇д̇ааяасалаагаг̇уут̇аад̣̇ийни г̇ахзд̇ваа барам̣ бахарид̇угаамад̇аа вияа ход̇и. зсоби д̇ава гуд̣̇д̇хо гим̣ гариссад̇и, гим̣ д̇з сийлаад̣̇ийни винаасзд̇ум̣ сагкиссад̇и зса ад̇д̇ано гаммзна ааг̇анд̇ваа ад̇д̇ано гаммзнзва г̇амиссад̇и, аббадижчид̇абахзн̣агам̣ вияа, бадиваад̇ам̣ кид̇д̇араж̇омудти вияа жа зд̇ассзва зса год̇хо мад̇т̇агз бад̇иссад̇ий’’д̇и звам̣ ад̇д̇ано жа барасса жаад̇и убхаязсам̣ гаммассагад̇ам̣ бажжавзгкад̇оби, бажжавзгкид̇ваа бадисан̇каанз тид̇ассаби, ассаг̇уд̇д̇ад̇т̇зрасад̣̇исз мзд̇д̇аабхааванаарад̇з галяаан̣амид̇д̇з сзванд̇ассааби б̣яаабаад̣̇о бахийяад̇и, таананисаж̇ж̇аад̣̇ийсу мзд̇д̇ааниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа б̣яаабаад̣̇асса бахаанааяа сам̣вад̇д̇анд̇ий’’д̇и.
Apica cha dhammā byāpādassa pahānāya saṃvattanti – mettānimittassa uggaho, mettābhāvanā, kammassakatāpaccavekkhaṇā, paṭisaṅkhānabahulatā, kalyāṇamittatā, sappāyakathāti. Odhisakānodhisakadisāpharaṇānañhi aññataravasena mettaṃ uggaṇhantassapi byāpādo pahīyati, odhiso anodhiso disāpharaṇavasena mettaṃ bhāventassapi byāpādo pahīyati, ‘‘tvaṃ etassa kuddho kiṃ karissasi, kimassa sīlādīni vināsetuṃ sakkhissasi nanu tvaṃ attano kammena āgantvā attano kammeneva gamissasi, parassa kujjhanaṃ nāma vītaccikaṅgāratattaayasalākagūthādīni gahetvā paraṃ paharitukāmatā viya hoti. Esopi tava kuddho kiṃ karissati, kiṃ te sīlādīni vināsetuṃ sakkhissati esa attano kammena āgantvā attano kammeneva gamissati, appaṭicchitapaheṇakaṃ viya, paṭivātaṃ khittarajomuṭṭhi viya ca etasseva esa kodho matthake patissatī’’ti evaṃ attano ca parassa cāti ubhayesaṃ kammassakataṃ paccavekkhatopi, paccavekkhitvā paṭisaṅkhāne ṭhitassapi, assaguttattherasadise mettābhāvanārate kalyāṇamitte sevantassāpi byāpādo pahīyati, ṭhānanisajjādīsu mettānissitasappāyakathāyapi pahīyati. Tena vuttaṃ ‘‘cha dhammā byāpādassa pahānāya saṃvattantī’’ti.
арад̇иаад̣̇ийсу аяонисоманасигаарзна т̇инамид̣̇д̇хасса уббаад̣̇о ход̇и. арад̇и наама угган̣тид̇ад̇аа, д̇анд̣̇ий наама гааяааласияам̣, виж̇амбхид̇аа наама гааяавинаманаа, бхад̇д̇асаммад̣̇о наама бхад̇д̇амужчаа бхад̇д̇абарил̣аахо, жзд̇асо лийнад̇д̇ам̣ наама жид̇д̇асса лийнаагааро. имзсу арад̇иаад̣̇ийсу аяонисоманасигаарам̣ б̣ахулам̣ бавад̇д̇аяад̇о т̇инамид̣̇д̇хам̣ уббаж̇ж̇ад̇и. д̇знааха бхаг̇аваа –
Aratiādīsu ayonisomanasikārena thinamiddhassa uppādo hoti. Arati nāma ukkaṇṭhitatā, tandī nāma kāyālasiyaṃ, vijambhitā nāma kāyavinamanā, bhattasammado nāma bhattamucchā bhattapariḷāho, cetaso līnattaṃ nāma cittassa līnākāro. Imesu aratiādīsu ayonisomanasikāraṃ bahulaṃ pavattayato thinamiddhaṃ uppajjati. Tenāha bhagavā –
‘‘ад̇т̇и, бхигкавз, арад̇и д̇анд̣̇ий виж̇амбхид̇аа бхад̇д̇асаммад̣̇о жзд̇асо лийнад̇д̇ам̣. д̇ад̇т̇а аяонисоманасигаараб̣ахулийгааро – аяамаахааро ануббаннасса ваа т̇инамид̣̇д̇хасса уббаад̣̇ааяа, уббаннасса ваа т̇инамид̣̇д̇хасса бхияяобхаавааяа взбуллааяаа’’д̇и (сам̣. ни. 5.232).
‘‘Atthi, bhikkhave, arati tandī vijambhitā bhattasammado cetaso līnattaṃ. Tattha ayonisomanasikārabahulīkāro – ayamāhāro anuppannassa vā thinamiddhassa uppādāya, uppannassa vā thinamiddhassa bhiyyobhāvāya vepullāyā’’ti (saṃ. ni. 5.232).
аарамбхад̇хаад̇уаад̣̇ийсу бана яонисоманасигаарзна т̇инамид̣̇д̇хасса бахаанам̣ ход̇и. аарамбхад̇хаад̇у наама батамаарамбхавийрияам̣, ниггамад̇хаад̇у наама госаж̇ж̇ад̇о нигканд̇ад̇ааяа д̇ад̇о б̣алавад̇арам̣, бараггамад̇хаад̇у наама барам̣ барам̣ таанам̣ аггаманад̇о д̇ад̇оби б̣алавад̇арам̣. имасмим̣ д̇иббабхзд̣̇з вийрияз яонисоманасигаарам̣ б̣ахулам̣ бавад̇д̇аяад̇о т̇инамид̣̇д̇хам̣ бахийяад̇и. д̇знааха –
Ārambhadhātuādīsu pana yonisomanasikārena thinamiddhassa pahānaṃ hoti. Ārambhadhātu nāma paṭhamārambhavīriyaṃ, nikkamadhātu nāma kosajjato nikkhantatāya tato balavataraṃ, parakkamadhātu nāma paraṃ paraṃ ṭhānaṃ akkamanato tatopi balavataraṃ. Imasmiṃ tippabhede vīriye yonisomanasikāraṃ bahulaṃ pavattayato thinamiddhaṃ pahīyati. Tenāha –
‘‘ад̇т̇и, бхигкавз, аарамбхад̇хаад̇у, ниггамад̇хаад̇у, бараггамад̇хаад̇у. д̇ад̇т̇а яонисоманасигаараб̣ахулийгааро – аяамаахааро ануббаннасса ваа т̇инамид̣̇д̇хасса ануббаад̣̇ааяа, уббаннасса ваа т̇инамид̣̇д̇хасса бахаанааяаа’’д̇и (сам̣. ни. 5.232).
‘‘Atthi, bhikkhave, ārambhadhātu, nikkamadhātu, parakkamadhātu. Tattha yonisomanasikārabahulīkāro – ayamāhāro anuppannassa vā thinamiddhassa anuppādāya, uppannassa vā thinamiddhassa pahānāyā’’ti (saṃ. ni. 5.232).
абижа ча д̇хаммаа т̇инамид̣̇д̇хасса бахаанааяа сам̣вад̇д̇анд̇и, ад̇ибхож̇анз нимид̇д̇аг̇г̇аахо – ирияаабат̇асамбаривад̇д̇анад̇аа, аалогасан̃н̃ааманасигааро , аб̣бхогаасаваасо, галяаан̣амид̇д̇ад̇аа, саббааяагат̇аад̇и . аахарахад̇т̇агабхуд̇д̇авамид̇агад̇ад̇т̇аваддагаалам̣саадагагаагамаасагабхож̇анам̣ бхун̃ж̇ид̇ваа рад̇д̇идтаанад̣̇иваадтаанз нисиннасса хи саман̣ад̇хаммам̣ гарод̇о т̇инамид̣̇д̇хам̣ махаахад̇т̇ий вияа од̇т̇аранд̇ам̣ ааг̇ажчад̇и, жад̇убан̃жааалобаогаасам̣ бана табзд̇ваа баанийяам̣ бивид̇ваа яаабанасийласса бхигкуно д̇ам̣ на ход̇и. звам̣ ад̇ибхож̇анз нимид̇д̇ам̣ г̇ан̣ханд̇ассаби т̇инамид̣̇д̇хам̣ бахийяад̇и. яасмим̣ ирияаабат̇з т̇инамид̣̇д̇хам̣ оггамад̇и, д̇ад̇о ан̃н̃ам̣ баривад̇д̇знд̇ассаби, рад̇д̇им̣ жанд̣̇аалогам̣ д̣̇ийбаалогам̣ уггаалогам̣ д̣̇иваа суурияаалогам̣ манасигаронд̇ассаби, аб̣бхогаасз васанд̇ассаби махаагассабад̇т̇зрасад̣̇исз виг̇ад̇ат̇инамид̣̇д̇хз галяаан̣амид̇д̇з сзванд̇ассаби т̇инамид̣̇д̇хам̣ бахийяад̇и, таананисаж̇ж̇аад̣̇ийсу д̇худ̇ан̇г̇аниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа т̇инамид̣̇д̇хасса бахаанааяа сам̣вад̇д̇анд̇ий’’д̇и.
Apica cha dhammā thinamiddhassa pahānāya saṃvattanti, atibhojane nimittaggāho – iriyāpathasamparivattanatā, ālokasaññāmanasikāro , abbhokāsavāso, kalyāṇamittatā, sappāyakathāti . Āharahatthakabhuttavamitakatatthavaṭṭakaalaṃsāṭakakākamāsakabhojanaṃ bhuñjitvā rattiṭṭhānadivāṭṭhāne nisinnassa hi samaṇadhammaṃ karoto thinamiddhaṃ mahāhatthī viya ottharantaṃ āgacchati, catupañcaālopaokāsaṃ pana ṭhapetvā pānīyaṃ pivitvā yāpanasīlassa bhikkhuno taṃ na hoti. Evaṃ atibhojane nimittaṃ gaṇhantassapi thinamiddhaṃ pahīyati. Yasmiṃ iriyāpathe thinamiddhaṃ okkamati, tato aññaṃ parivattentassapi, rattiṃ candālokaṃ dīpālokaṃ ukkālokaṃ divā sūriyālokaṃ manasikarontassapi, abbhokāse vasantassapi mahākassapattherasadise vigatathinamiddhe kalyāṇamitte sevantassapi thinamiddhaṃ pahīyati, ṭhānanisajjādīsu dhutaṅganissitasappāyakathāyapi pahīyati. Tena vuttaṃ ‘‘cha dhammā thinamiddhassa pahānāya saṃvattantī’’ti.
жзд̇асо авуубасамз аяонисоманасигаарзна уд̣̇д̇хажжагуггужжасса уббаад̣̇о ход̇и. авуубасамо наама авуубасанд̇аагааро, ад̇т̇ад̇о д̇ам̣ уд̣̇д̇хажжагуггужжамзва. д̇ад̇т̇а аяонисоманасигаарам̣ б̣ахулам̣ бавад̇д̇аяад̇о уд̣̇д̇хажжагуггужжам̣ уббаж̇ж̇ад̇и. д̇знааха –
Cetaso avūpasame ayonisomanasikārena uddhaccakukkuccassa uppādo hoti. Avūpasamo nāma avūpasantākāro, atthato taṃ uddhaccakukkuccameva. Tattha ayonisomanasikāraṃ bahulaṃ pavattayato uddhaccakukkuccaṃ uppajjati. Tenāha –
‘‘ад̇т̇и, бхигкавз, жзд̇асо авуубасамо. д̇ад̇т̇а аяонисоманасигаараб̣ахулийгааро – аяамаахааро ануббаннасса ваа уд̣̇д̇хажжагуггужжасса уббаад̣̇ааяа, уббаннасса ваа уд̣̇д̇хажжагуггужжасса бхияяобхаавааяа взбуллааяаа’’д̇и (сам̣. ни. 5.232).
‘‘Atthi, bhikkhave, cetaso avūpasamo. Tattha ayonisomanasikārabahulīkāro – ayamāhāro anuppannassa vā uddhaccakukkuccassa uppādāya, uppannassa vā uddhaccakukkuccassa bhiyyobhāvāya vepullāyā’’ti (saṃ. ni. 5.232).
самаад̇хисан̇каад̇з бана жзд̇асо вуубасамз яонисоманасигаарзнасса бахаанам̣ ход̇и. д̇знааха –
Samādhisaṅkhāte pana cetaso vūpasame yonisomanasikārenassa pahānaṃ hoti. Tenāha –
‘‘ад̇т̇и, бхигкавз, жзд̇асо вуубасамо. д̇ад̇т̇а яонисоманасигаараб̣ахулийгааро – аяамаахааро ануббаннасса ваа уд̣̇д̇хажжагуггужжасса ануббаад̣̇ааяа, уббаннасса ваа уд̣̇д̇хажжагуггужжасса бахаанааяаа’’д̇и (сам̣. ни. 5.232).
‘‘Atthi, bhikkhave, cetaso vūpasamo. Tattha yonisomanasikārabahulīkāro – ayamāhāro anuppannassa vā uddhaccakukkuccassa anuppādāya, uppannassa vā uddhaccakukkuccassa pahānāyā’’ti (saṃ. ni. 5.232).
абижа ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇и – б̣ахуссуд̇ад̇аа, барибужчагад̇аа, винаяз багад̇ан̃н̃уд̇аа, вуд̣дхасзвид̇аа, галяаан̣амид̇д̇ад̇аа, саббааяагат̇аад̇и. б̣аахусажжзнаби хи згам̣ ваа д̣̇вз ваа д̇аяо ваа жад̇д̇ааро ваа бан̃жа ваа нигааяз баал̣ивасзна жа ад̇т̇авасзна жа уг̇г̇ан̣ханд̇ассаби уд̣̇д̇хажжагуггужжам̣ бахийяад̇и, габбияаагаббияабарибужчааб̣ахулассаби, винаяабан̃н̃ад̇д̇ияам̣ жин̣н̣авасийбхаавад̇ааяа багад̇ан̃н̃уноби , вуд̣дхз махаллагад̇т̇зрз убасан̇гаманд̇ассаби, убаалид̇т̇зрасад̣̇исз винаяад̇харз галяаан̣амид̇д̇з сзванд̇ассаби уд̣̇д̇хажжагуггужжам̣ бахийяад̇и, таананисаж̇ж̇аад̣̇ийсу габбияаагаббияаниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇ий’’д̇и.
Apica cha dhammā uddhaccakukkuccassa pahānāya saṃvattanti – bahussutatā, paripucchakatā, vinaye pakataññutā, vuḍḍhasevitā, kalyāṇamittatā, sappāyakathāti. Bāhusaccenapi hi ekaṃ vā dve vā tayo vā cattāro vā pañca vā nikāye pāḷivasena ca atthavasena ca uggaṇhantassapi uddhaccakukkuccaṃ pahīyati, kappiyākappiyaparipucchābahulassapi, vinayapaññattiyaṃ ciṇṇavasībhāvatāya pakataññunopi , vuḍḍhe mahallakatthere upasaṅkamantassapi, upālittherasadise vinayadhare kalyāṇamitte sevantassapi uddhaccakukkuccaṃ pahīyati, ṭhānanisajjādīsu kappiyākappiyanissitasappāyakathāyapi pahīyati. Tena vuttaṃ ‘‘cha dhammā uddhaccakukkuccassa pahānāya saṃvattantī’’ti.
вижигижчаадтааниязсу д̇хаммзсу аяонисоманасигаарзна вижигижчааяа уббаад̣̇о ход̇и. вижигижчаадтаанияаа д̇хаммаа наама бунаббунам̣ вижигижчааяа гааран̣ад̇д̇аа вижигижчаава. д̇ад̇т̇а аяонисоманасигаарам̣ б̣ахулам̣ бавад̇д̇аяад̇о вижигижчаа уббаж̇ж̇ад̇и. д̇знааха –
Vicikicchāṭṭhāniyesu dhammesu ayonisomanasikārena vicikicchāya uppādo hoti. Vicikicchāṭṭhāniyā dhammā nāma punappunaṃ vicikicchāya kāraṇattā vicikicchāva. Tattha ayonisomanasikāraṃ bahulaṃ pavattayato vicikicchā uppajjati. Tenāha –
‘‘ад̇т̇и, бхигкавз, вижигижчаадтаанияаа д̇хаммаа. д̇ад̇т̇а аяонисоманасигаараб̣ахулийгааро – аяамаахааро ануббаннааяа ваа вижигижчааяа уббаад̣̇ааяа, уббаннааяа ваа вижигижчааяа бхияяобхаавааяа взбуллааяаа’’д̇и (сам̣. ни. 5.232).
‘‘Atthi, bhikkhave, vicikicchāṭṭhāniyā dhammā. Tattha ayonisomanasikārabahulīkāro – ayamāhāro anuppannāya vā vicikicchāya uppādāya, uppannāya vā vicikicchāya bhiyyobhāvāya vepullāyā’’ti (saṃ. ni. 5.232).
гусалаад̣̇ид̇хаммзсу бана яонисоманасигаарзна вижигижчааяа бахаанам̣ ход̇и. д̇знааха –
Kusalādidhammesu pana yonisomanasikārena vicikicchāya pahānaṃ hoti. Tenāha –
‘‘ад̇т̇и, бхигкавз, гусалаагусалаа д̇хаммаа, сааваж̇ж̇аанаваж̇ж̇аа д̇хаммаа, сзвид̇аб̣б̣аасзвид̇аб̣б̣аа д̇хаммаа, хийнабан̣ийд̇аа д̇хаммаа, ган̣хасуггасаббадибхааг̇аа д̇хаммаа. д̇ад̇т̇а яонисоманасигаараб̣ахулийгааро аяамаахааро ануббаннааяа ваа вижигижчааяа ануббаад̣̇ааяа, уббаннааяа ваа вижигижчааяа бахаанааяаа’’д̇и (сам̣. ни. 5.232).
‘‘Atthi, bhikkhave, kusalākusalā dhammā, sāvajjānavajjā dhammā, sevitabbāsevitabbā dhammā, hīnapaṇītā dhammā, kaṇhasukkasappaṭibhāgā dhammā. Tattha yonisomanasikārabahulīkāro ayamāhāro anuppannāya vā vicikicchāya anuppādāya, uppannāya vā vicikicchāya pahānāyā’’ti (saṃ. ni. 5.232).
абижа ча д̇хаммаа вижигижчааяа бахаанааяа сам̣вад̇д̇анд̇и б̣ахуссуд̇ад̇аа, барибужчагад̇аа, винаяз багад̇ан̃н̃уд̇аа, ад̇химогкаб̣ахулад̇аа, галяаан̣амид̇д̇ад̇аа, саббааяагат̇аад̇и . б̣аахусажжавасзнаби хи згам̣ ваа…бз… бан̃жа ваа нигааяз баал̣ивасзна жа ад̇т̇авасзна жа уг̇г̇ан̣ханд̇ассаби вижигижчаа бахийяад̇и, д̇ийн̣и рад̇анаани аараб̣бха гусалаад̣̇ибхзд̣̇зсу д̇хаммзсу барибужчааб̣ахулассаби, винаяз жин̣н̣авасийбхаавассаби, д̇ийсу рад̇анзсу огаббанийяа, сад̣̇д̇хаасан̇каад̇а, ад̇химогкаб̣ахулассаби, сад̣̇д̇хаад̇химуд̇д̇з ваггалид̇т̇зрасад̣̇исз галяаан̣амид̇д̇з сзванд̇ассаби вижигижчаа бахийяад̇и, таананисаж̇ж̇аад̣̇ийсу д̇ин̣н̣ам̣ рад̇анаанам̣ г̇ун̣аниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа вижигижчааяа бахаанааяа сам̣вад̇д̇анд̇ий’’д̇и.
Apica cha dhammā vicikicchāya pahānāya saṃvattanti bahussutatā, paripucchakatā, vinaye pakataññutā, adhimokkhabahulatā, kalyāṇamittatā, sappāyakathāti . Bāhusaccavasenapi hi ekaṃ vā…pe… pañca vā nikāye pāḷivasena ca atthavasena ca uggaṇhantassapi vicikicchā pahīyati, tīṇi ratanāni ārabbha kusalādibhedesu dhammesu paripucchābahulassapi, vinaye ciṇṇavasībhāvassapi, tīsu ratanesu okappanīya, saddhāsaṅkhāta, adhimokkhabahulassapi, saddhādhimutte vakkalittherasadise kalyāṇamitte sevantassapi vicikicchā pahīyati, ṭhānanisajjādīsu tiṇṇaṃ ratanānaṃ guṇanissitasappāyakathāyapi pahīyati. Tena vuttaṃ ‘‘cha dhammā vicikicchāya pahānāya saṃvattantī’’ti.
зд̇т̇а жа яат̇аавуд̇д̇зхи д̇зхи д̇зхи д̇хаммзхи вигкамбханавасзна бахийнаанам̣ имзсам̣ нийваран̣аанам̣ гаамажчанд̣̇анийваран̣асса д̇аава арахад̇д̇амаг̇г̇зна ажжанд̇аббахаанам̣ ход̇и, д̇ат̇аа т̇инамид̣̇д̇ханийваран̣асса уд̣̇д̇хажжанийваран̣асса жа . б̣яаабаад̣̇анийваран̣асса бана гуггужжанийваран̣асса жа анааг̇аамимаг̇г̇зна, вижигижчаанийваран̣асса сод̇аабад̇д̇имаг̇г̇зна ажжанд̇аббахаанам̣ ход̇и. д̇асмаа д̇зсам̣ д̇ат̇аа бахаанааяа убагаарад̇хаммз д̣̇ассзд̇ум̣ ‘‘аарад̣̇д̇хам̣ ход̇и вийрияа’’нд̇иаад̣̇и аарад̣̇д̇хам̣. ид̣̇амзва ваа яат̇аавуд̇д̇ам̣ абхиж̇жхаад̣̇ийнам̣ нийваран̣аанам̣ бахаанам̣, яасмаа хийнавийрияад̇ааяа гусийд̇зна, анубадтид̇ассад̇ид̇ааяа мудтассад̇инаа, абадиббассад̣̇д̇хад̣̇арат̇ад̇ааяа саарад̣̇д̇хагааязна, асамаахид̇ад̇ааяа вигкид̇д̇ажид̇д̇зна на гад̣̇аажиби д̇з саггаа ниб̣б̣ад̇д̇зд̇ум̣, баг̇зва ид̇арам̣, д̇асмаа яат̇аа бадибаннасса со абхиж̇жхаад̣̇ийнам̣ виг̇амо бахаанам̣ самбхавад̇и, д̇ам̣ д̣̇ассзд̇ум̣ ‘‘аарад̣̇д̇хам̣ ход̇и вийрияа’’нд̇иаад̣̇и аарад̣̇д̇хам̣. д̇ассад̇т̇о – д̇зсам̣ нийваран̣аанам̣ бахаанааяа саб̣б̣зсамби ваа сам̣гилзсад̇хаммаанам̣ самужчинд̣̇анад̇т̇ааяа вийрияам̣ аарад̣̇д̇хам̣ ход̇и, баг̇г̇ахид̇ам̣ асит̇илаббавад̇д̇анд̇и вуд̇д̇ам̣ ход̇и. аарад̣̇д̇хад̇д̇аа зва жа анд̇араа сан̇гожасса анаабаж̇ж̇анад̇о асаллийнам̣.
Ettha ca yathāvuttehi tehi tehi dhammehi vikkhambhanavasena pahīnānaṃ imesaṃ nīvaraṇānaṃ kāmacchandanīvaraṇassa tāva arahattamaggena accantappahānaṃ hoti, tathā thinamiddhanīvaraṇassa uddhaccanīvaraṇassa ca . Byāpādanīvaraṇassa pana kukkuccanīvaraṇassa ca anāgāmimaggena, vicikicchānīvaraṇassa sotāpattimaggena accantappahānaṃ hoti. Tasmā tesaṃ tathā pahānāya upakāradhamme dassetuṃ ‘‘āraddhaṃ hoti vīriya’’ntiādi āraddhaṃ. Idameva vā yathāvuttaṃ abhijjhādīnaṃ nīvaraṇānaṃ pahānaṃ, yasmā hīnavīriyatāya kusītena, anupaṭṭhitassatitāya muṭṭhassatinā, apaṭippassaddhadarathatāya sāraddhakāyena, asamāhitatāya vikkhittacittena na kadācipi te sakkā nibbattetuṃ, pageva itaraṃ, tasmā yathā paṭipannassa so abhijjhādīnaṃ vigamo pahānaṃ sambhavati, taṃ dassetuṃ ‘‘āraddhaṃ hoti vīriya’’ntiādi āraddhaṃ. Tassattho – tesaṃ nīvaraṇānaṃ pahānāya sabbesampi vā saṃkilesadhammānaṃ samucchindanatthāya vīriyaṃ āraddhaṃ hoti, paggahitaṃ asithilappavattanti vuttaṃ hoti. Āraddhattā eva ca antarā saṅkocassa anāpajjanato asallīnaṃ.
убадтид̇аа сад̇и асаммудтаад̇и на гзвалан̃жа вийрияамзва, сад̇иби аарамман̣аабхимукабхаавзна убадтид̇аа ход̇и, д̇ат̇аа убадтид̇ад̇д̇аа зва жа жирагад̇ажирабхаасид̇аанам̣ саран̣асамад̇т̇ад̇ааяа асаммудтаа. бассад̣̇д̇ход̇и гааяажид̇д̇ад̣̇арат̇аббассамбханзна гааяобисса бассад̣̇д̇хо ход̇и. д̇ад̇т̇а яасмаа наамагааяз бассад̣̇д̇хз руубагааяобисса бассад̣̇д̇хо зва ход̇и, д̇асмаа ‘‘наамагааяо руубагааяо’’д̇и ависзсзд̇ваа ‘‘бассад̣̇д̇хо гааяо’’д̇и вуд̇д̇ам̣. асаарад̣̇д̇ход̇и со жа бассад̣̇д̇хад̇д̇аа зва асаарад̣̇д̇хо, виг̇ад̇ад̣̇арат̇од̇и вуд̇д̇ам̣ ход̇и. самаахид̇ам̣ жид̇д̇ам̣ згаг̇г̇анд̇и жид̇д̇амбисса саммаа аахид̇ам̣ судту табид̇ам̣ аббид̇ам̣ вияа ход̇и, самаахид̇ад̇д̇аа зва жа згаг̇г̇ам̣ ажалам̣ нибпанд̣̇анам̣ нирин̃ж̇ананд̇и.
Upaṭṭhitā sati asammuṭṭhāti na kevalañca vīriyameva, satipi ārammaṇābhimukhabhāvena upaṭṭhitā hoti, tathā upaṭṭhitattā eva ca cirakatacirabhāsitānaṃ saraṇasamatthatāya asammuṭṭhā. Passaddhoti kāyacittadarathappassambhanena kāyopissa passaddho hoti. Tattha yasmā nāmakāye passaddhe rūpakāyopissa passaddho eva hoti, tasmā ‘‘nāmakāyo rūpakāyo’’ti avisesetvā ‘‘passaddho kāyo’’ti vuttaṃ. Asāraddhoti so ca passaddhattā eva asāraddho, vigatadarathoti vuttaṃ hoti. Samāhitaṃ cittaṃ ekagganti cittampissa sammā āhitaṃ suṭṭhu ṭhapitaṃ appitaṃ viya hoti, samāhitattā eva ca ekaggaṃ acalaṃ nipphandanaṃ niriñjananti.
зд̇д̇аавад̇аа жхаанамаг̇г̇аанам̣ буб̣б̣абхааг̇абадибад̣̇аа гат̇ид̇аа. д̇знзвааха –
Ettāvatā jhānamaggānaṃ pubbabhāgapaṭipadā kathitā. Tenevāha –
‘‘жарамби, бхигкавз, бхигку звам̣бхууд̇о аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇од̇и вужжад̇ий’’д̇и (ид̇иву. 110).
‘‘Carampi, bhikkhave, bhikkhu evaṃbhūto ātāpī ottāpī satataṃ samitaṃ āraddhavīriyo pahitattoti vuccatī’’ti (itivu. 110).
д̇ассад̇т̇о хздтаа вуд̇д̇о зва.
Tassattho heṭṭhā vutto eva.
г̇аат̇аасу яад̇ам̣ жарзд̇и яад̇амаано жарзяяа, жан̇гаманаад̣̇ивасзна г̇аманам̣ габбзнд̇оби ‘‘ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇ий’’д̇иаад̣̇инаа (сам̣. ни. 5.651-662; вибха. 390) наязна вуд̇д̇асаммаббад̇хаанавийрияавасзна яад̇анд̇о гхадзнд̇о вааяаманд̇о яат̇аа агусалаа д̇хаммаа бахийяанд̇и, гусалаа д̇хаммаа бхааванаабаарибуурим̣ г̇ажчанд̇и, звам̣ г̇аманам̣ габбзяяаад̇и ад̇т̇о. зса наяо сзсзсуби. гзжи бана ‘‘яад̇а’’нд̇и зд̇асса сам̣яад̇од̇и ад̇т̇ам̣ вад̣̇анд̇и. д̇идтзд̇и д̇идтзяяа таанам̣ габбзяяа. ажчзд̇и нисийд̣̇зяяа. саязд̇и нибаж̇ж̇зяяа. яад̇амзнам̣ басаараязд̇и зд̇ам̣ басаарзд̇аб̣б̣ам̣ хад̇т̇абаад̣̇аад̣̇им̣ яад̇ам̣ яад̇амаано яат̇аавуд̇д̇авийрияасаман̇г̇ийязва худ̇ваа басаарзяяа, саб̣б̣ад̇т̇а бамаад̣̇ам̣ виж̇ахзяяаад̇и ад̇хиббааяо.
Gāthāsu yataṃ careti yatamāno careyya, caṅkamanādivasena gamanaṃ kappentopi ‘‘anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamatī’’tiādinā (saṃ. ni. 5.651-662; vibha. 390) nayena vuttasammappadhānavīriyavasena yatanto ghaṭento vāyamanto yathā akusalā dhammā pahīyanti, kusalā dhammā bhāvanāpāripūriṃ gacchanti, evaṃ gamanaṃ kappeyyāti attho. Esa nayo sesesupi. Keci pana ‘‘yata’’nti etassa saṃyatoti atthaṃ vadanti. Tiṭṭheti tiṭṭheyya ṭhānaṃ kappeyya. Accheti nisīdeyya. Sayeti nipajjeyya. Yatamenaṃ pasārayeti etaṃ pasāretabbaṃ hatthapādādiṃ yataṃ yatamāno yathāvuttavīriyasamaṅgīyeva hutvā pasāreyya, sabbattha pamādaṃ vijaheyyāti adhippāyo.
ид̣̇аани яат̇аа бадибаж̇ж̇анд̇о яад̇ам̣ яад̇амаано наама ход̇и, д̇ам̣ бадибад̣̇ам̣ д̣̇ассзд̇ум̣ ‘‘уд̣̇д̇ха’’нд̇иаад̣̇и вуд̇д̇ам̣. д̇ад̇т̇а уд̣̇д̇ханд̇и убари. д̇ирияанд̇и д̇ирияад̇о, бурад̇т̇имад̣̇исаад̣̇ивасзна саманд̇ад̇о д̣̇исаабхааг̇зсууд̇и ад̇т̇о. абаажийнанд̇и хздтаа. яаавад̇аа ж̇аг̇ад̇о г̇ад̇ийд̇и яад̇д̇агаа сад̇д̇асан̇каарабхзд̣̇асса логасса бавад̇д̇и, д̇ад̇т̇а саб̣б̣ад̇т̇аад̇и ад̇т̇о. зд̇д̇аавад̇аа анавасзсад̇о саммасанан̃аан̣асса висаяам̣ сан̇г̇ахзд̇ваа д̣̇ассзд̇и. самавзгкид̇аад̇и саммаа хзд̇унаа н̃ааязна авзгкид̇аа, анижжаад̣̇ивасзна вибассагод̇и вуд̇д̇ам̣ ход̇и. д̇хаммаананд̇и сад̇д̇асун̃н̃аанам̣. канд̇хаананд̇и руубаад̣̇ийнам̣ бан̃жаннам̣ канд̇хаанам̣. уд̣̇аяаб̣б̣аяанд̇и уд̣̇аяан̃жа ваяан̃жа. ид̣̇ам̣ вуд̇д̇ам̣ ход̇и – убари д̇ирияам̣ ад̇ход̇и д̇исан̇г̇ахз саб̣б̣асмим̣ логз ад̇ийд̇аад̣̇ибхзд̣̇абхиннаанам̣ бан̃жубаад̣̇аанагканд̇хасан̇каад̇аанам̣ саб̣б̣зсам̣ руубааруубад̇хаммаанам̣ анижжад̇аад̣̇исаммасанаад̇хиг̇ад̇зна уд̣̇аяаб̣б̣аяан̃аан̣зна бан̃жавийсад̇ияаа аагаарзхи уд̣̇аяам̣, бан̃жавийсад̇ияаа аагаарзхи ваяан̃жа самавзгкид̇аа саманубассид̇аа бхавзяяаад̇и.
Idāni yathā paṭipajjanto yataṃ yatamāno nāma hoti, taṃ paṭipadaṃ dassetuṃ ‘‘uddha’’ntiādi vuttaṃ. Tattha uddhanti upari. Tiriyanti tiriyato, puratthimadisādivasena samantato disābhāgesūti attho. Apācīnanti heṭṭhā. Yāvatā jagato gatīti yattakā sattasaṅkhārabhedassa lokassa pavatti, tattha sabbatthāti attho. Ettāvatā anavasesato sammasanañāṇassa visayaṃ saṅgahetvā dasseti. Samavekkhitāti sammā hetunā ñāyena avekkhitā, aniccādivasena vipassakoti vuttaṃ hoti. Dhammānanti sattasuññānaṃ. Khandhānanti rūpādīnaṃ pañcannaṃ khandhānaṃ. Udayabbayanti udayañca vayañca. Idaṃ vuttaṃ hoti – upari tiriyaṃ adhoti tisaṅgahe sabbasmiṃ loke atītādibhedabhinnānaṃ pañcupādānakkhandhasaṅkhātānaṃ sabbesaṃ rūpārūpadhammānaṃ aniccatādisammasanādhigatena udayabbayañāṇena pañcavīsatiyā ākārehi udayaṃ, pañcavīsatiyā ākārehi vayañca samavekkhitā samanupassitā bhaveyyāti.
жзд̇осамат̇асаамийжинд̇и жид̇д̇асам̣гилзсаанам̣ ажжанд̇авуубасаманад̇о жзд̇осамат̇асан̇каад̇асса арияамаг̇г̇асса анужчавигабадибад̣̇ам̣ н̃аан̣ад̣̇ассанависуд̣̇д̇хим̣. сигкамаананд̇и бадибаж̇ж̇амаанам̣ бхаавзнд̇ам̣ н̃аан̣абарамбарам̣ ниб̣б̣ад̇д̇знд̇ам̣. сад̣̇аад̇и саб̣б̣агаалам̣, рад̇д̇ин̃жзва д̣̇иваа жа. сад̇анд̇и жад̇усамбаж̇ан̃н̃зна саманнааг̇ад̇ааяа сад̇ияаа сад̇огаарим̣. сад̇ад̇ам̣ бахид̇ад̇д̇од̇и саб̣б̣агаалам̣ бахид̇ад̇д̇о ниб̣б̣аанам̣ бадибзсид̇ад̇д̇од̇и д̇ат̇аавид̇хам̣ бхигкум̣ б̣уд̣̇д̇хаад̣̇аяо арияаа ааху аажигканд̇и гат̇знд̇и. сзсам̣ вуд̇д̇анаяамзва.
Cetosamathasāmīcinti cittasaṃkilesānaṃ accantavūpasamanato cetosamathasaṅkhātassa ariyamaggassa anucchavikapaṭipadaṃ ñāṇadassanavisuddhiṃ. Sikkhamānanti paṭipajjamānaṃ bhāventaṃ ñāṇaparamparaṃ nibbattentaṃ. Sadāti sabbakālaṃ, rattiñceva divā ca. Satanti catusampajaññena samannāgatāya satiyā satokāriṃ. Satataṃ pahitattoti sabbakālaṃ pahitatto nibbānaṃ paṭipesitattoti tathāvidhaṃ bhikkhuṃ buddhādayo ariyā āhu ācikkhanti kathenti. Sesaṃ vuttanayameva.
д̣̇ваад̣̇асамасуд̇д̇аван̣н̣анаа нидтид̇аа.
Dvādasamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 12. самбаннасийласуд̇д̇ам̣ • 12. Sampannasīlasuttaṃ
