Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā)

    5. самбасаад̣̇анийяасуд̇д̇аван̣н̣анаа

    5. Sampasādanīyasuttavaṇṇanā

    саарибуд̇д̇асийханаад̣̇аван̣н̣анаа

    Sāriputtasīhanādavaṇṇanā

    141. бааваарзнд̇и сан̃чаад̣̇знд̇и сарийрам̣ зд̇знаад̇и баавааро, вад̇т̇ам̣. бааваран̣ам̣ ваа баавааро, ‘‘вад̇т̇ам̣ д̣̇усса’’нд̇и барияааяасад̣̇д̣̇аа зд̇зд̇и д̣̇уссамзва баавааро, со зд̇асса б̣ахувид̇хо анзгагодиббабхзд̣̇о бхан̣д̣абхууд̇о ад̇т̇ийд̇и д̣̇уссабааваариго. со гира буб̣б̣з д̣̇ахарагаалз д̣̇уссабааваарабхан̣д̣амзва б̣ахум̣ бариг̇г̇ахзд̇ваа ваан̣иж̇ж̇ам̣ агааси, д̇зна нам̣ сздтидтаанз тид̇амби ‘‘бааваариго’’ д̇взва сан̃ж̇аананд̇и. бхаг̇авад̇ийд̇и ид̇и-сад̣̇д̣̇о аад̣̇иад̇т̇о, багаарад̇т̇о ваа, д̇зна бхаг̇аванд̇ам̣ убасан̇гамид̇ваа т̇зрзна вуд̇д̇аважанам̣ саб̣б̣ам̣ сан̇г̇ан̣хаад̇и. ‘‘гасмаа звам̣ авожаа’’д̇и д̇ат̇ааважанз гааран̣ам̣ бужчид̇ваа ‘‘соманассабавзд̣̇анад̇т̇а’’нд̇и гасмаа баяож̇анам̣ виссаж̇ж̇ид̇ам̣, д̇аяид̣̇ам̣ амб̣ам̣ будтасса лаб̣уж̇ам̣ б̣яаагаран̣асад̣̇исанд̇и? наяид̣̇амзвам̣ жинд̇зд̇аб̣б̣ам̣. яаа хисса т̇зрасса д̇ад̣̇аа бхаг̇авад̇и соманассуббад̇д̇и, саа нид̣̇д̇хаарид̇аруубаа гааран̣абхаавзна жод̣̇ид̇аа, д̇асмаа звам̣ авожаад̇и, саа зва жа яасмаа нид̣̇д̇хаарид̇аруубаа бавзд̣̇анавасзна бхаг̇авад̇о саммукаа д̇ат̇ааважанам̣ баяож̇зд̇и, д̇асмаа ‘‘ад̇д̇ано уббаннасоманассабавзд̣̇анад̇т̇а’’нд̇и баяож̇анабхаавзна виссаж̇ж̇ид̇ам̣.

    141. Pāvārenti sañchādenti sarīraṃ etenāti pāvāro, vatthaṃ. Pāvaraṇaṃ vā pāvāro, ‘‘vatthaṃ dussa’’nti pariyāyasaddā eteti dussameva pāvāro, so etassa bahuvidho anekakoṭippabhedo bhaṇḍabhūto atthīti dussapāvāriko. So kira pubbe daharakāle dussapāvārabhaṇḍameva bahuṃ pariggahetvā vāṇijjaṃ akāsi, tena naṃ seṭṭhiṭṭhāne ṭhitampi ‘‘pāvāriko’’ tveva sañjānanti. Bhagavatīti iti-saddo ādiattho, pakārattho vā, tena bhagavantaṃ upasaṅkamitvā therena vuttavacanaṃ sabbaṃ saṅgaṇhāti. ‘‘Kasmā evaṃ avocā’’ti tathāvacane kāraṇaṃ pucchitvā ‘‘somanassapavedanattha’’nti kasmā payojanaṃ vissajjitaṃ, tayidaṃ ambaṃ puṭṭhassa labujaṃ byākaraṇasadisanti? Nayidamevaṃ cintetabbaṃ. Yā hissa therassa tadā bhagavati somanassuppatti, sā niddhāritarūpā kāraṇabhāvena coditā, tasmā evaṃ avocāti, sā eva ca yasmā niddhāritarūpā pavedanavasena bhagavato sammukhā tathāvacanaṃ payojeti, tasmā ‘‘attano uppannasomanassapavedanattha’’nti payojanabhāvena vissajjitaṃ.

    д̇ад̇раад̇и д̇асмим̣ соманассабавзд̣̇анз. вихаарз ниваасабаривад̇д̇анавасзна сунивад̇т̇аниваасано. аабхуж̇ид̇ваад̇и ааб̣анд̇хид̇ваа.

    Tatrāti tasmiṃ somanassapavedane. Vihāre nivāsaparivattanavasena sunivatthanivāsano. Ābhujitvāti ābandhitvā.

    самаабад̇д̇ид̇о вудтааяа ‘‘ахо санд̇о вад̇ааяам̣ арияавихааро’’д̇и самаабад̇д̇исукабажжавзгкан̣амукзна ад̇д̇ано г̇ун̣з ануссарид̇ум̣ аарад̣̇д̇хо, аарабхид̇ваа жа нзсам̣ д̇ам̣ д̇ам̣ сааман̃н̃ависзсавибхааг̇авасзна ануссари. д̇ат̇аа хи ‘‘самаад̇хий’’д̇и сааман̃н̃ад̇о г̇ахид̇ассзва ‘‘батамам̣ жхаана’’нд̇иаад̣̇инаа висзсавибхааг̇о, ‘‘бан̃н̃аа’’д̇и сааман̃н̃ад̇о жа г̇ахид̇ассзва ‘‘вибассанаан̃аан̣а’’нд̇иаад̣̇инаа висзсавибхааг̇о уд̣̇д̇хадо. ‘‘логияаабхин̃н̃аасу д̣̇иб̣б̣ажагкун̃аан̣ассзва г̇ахан̣ам̣ т̇зрасса ид̇арзхи саад̇исаяанд̇и д̣̇ассзд̇у’’нд̇и вад̣̇анд̇и, буб̣б̣зниваасан̃аан̣амби бана ‘‘габбасад̇асахассаад̇хигассаа’’д̇иаад̣̇инаа гижжавасзна д̣̇ассид̇амзва, лагкан̣ахааравасзна ваа ид̇арзсам̣ бзд̇т̇а г̇ахид̇ад̇аа взд̣̇ид̇аб̣б̣аа.

    Samāpattito vuṭṭhāya ‘‘aho santo vatāyaṃ ariyavihāro’’ti samāpattisukhapaccavekkhaṇamukhena attano guṇe anussarituṃ āraddho, ārabhitvā ca nesaṃ taṃ taṃ sāmaññavisesavibhāgavasena anussari. Tathā hi ‘‘samādhī’’ti sāmaññato gahitasseva ‘‘paṭhamaṃ jhāna’’ntiādinā visesavibhāgo, ‘‘paññā’’ti sāmaññato ca gahitasseva ‘‘vipassanāñāṇa’’ntiādinā visesavibhāgo uddhaṭo. ‘‘Lokiyābhiññāsu dibbacakkhuñāṇasseva gahaṇaṃ therassa itarehi sātisayanti dassetu’’nti vadanti, pubbenivāsañāṇampi pana ‘‘kappasatasahassādhikassā’’tiādinā kiccavasena dassitameva, lakkhaṇahāravasena vā itaresaṃ pettha gahitatā veditabbā.

    ад̇т̇аббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ ад̇т̇з бабхзд̣̇аг̇ад̇ам̣ н̃аан̣ам̣ ад̇т̇абадисамбхид̣̇аа. д̇ат̇аа д̇хаммаббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа. нируд̇д̇ибабхзд̣̇асса саллагкан̣авибхааванававад̇т̇аанагаран̣асамад̇т̇ам̣ нируд̇д̇ияам̣ бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аа. бадибхаанаббабхзд̣̇асса саллагкан̣авибхааванававад̇т̇аана гаран̣асамад̇т̇ам̣ бадибхаанз бабхзд̣̇аг̇ад̇ам̣ н̃аан̣ам̣ бадибхаанабадисамбхид̣̇аа. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з, (висуд̣̇д̇хи. 2.428) д̇ам̣ сам̣ван̣н̣анаасу (висуд̣̇д̇хи. дий. 2.428) вуд̇д̇анаязнзва взд̣̇ид̇аб̣б̣о. саавагависаяз барамуггам̣саг̇ад̇ам̣ н̃аан̣ам̣ саавагабаарамин̃аан̣ам̣ саб̣б̣ан̃н̃уд̇ан̃н̃аан̣ам̣ вияа саб̣б̣ан̃зяяад̇хаммзсу. д̇ассааби хи висум̣ баригаммам̣ наама над̇т̇и, саавагабаарамияаа бана саммад̣̇зва барибуурид̇ад̇д̇аа аг̇г̇амаг̇г̇асамад̇хиг̇амзнзвасса самад̇хиг̇амо ход̇и. саб̣б̣ан̃н̃уд̇ан̃н̃аан̣ассзва саммаасамб̣уд̣̇д̇хаанам̣ яаава нисиннабаллан̇гаа ануссарад̇од̇и яож̇анаа.

    Atthappabhedassa sallakkhaṇavibhāvanavavatthānakaraṇasamatthaṃ atthe pabhedagataṃ ñāṇaṃ atthapaṭisambhidā. Tathā dhammappabhedassa sallakkhaṇavibhāvanavavatthānakaraṇasamatthaṃ dhamme pabhedagataṃ ñāṇaṃ dhammapaṭisambhidā. Niruttipabhedassa sallakkhaṇavibhāvanavavatthānakaraṇasamatthaṃ niruttiyaṃ pabhedagataṃ ñāṇaṃ niruttipaṭisambhidā. Paṭibhānappabhedassa sallakkhaṇavibhāvanavavatthāna karaṇasamatthaṃ paṭibhāne pabhedagataṃ ñāṇaṃ paṭibhānapaṭisambhidā. Ayamettha saṅkhepo, vitthāro pana visuddhimagge, (visuddhi. 2.428) taṃ saṃvaṇṇanāsu (visuddhi. ṭī. 2.428) vuttanayeneva veditabbo. Sāvakavisaye paramukkaṃsagataṃ ñāṇaṃ sāvakapāramiñāṇaṃ sabbaññutaññāṇaṃ viya sabbañeyyadhammesu. Tassāpi hi visuṃ parikammaṃ nāma natthi, sāvakapāramiyā pana sammadeva paripūritattā aggamaggasamadhigamenevassa samadhigamo hoti. Sabbaññutaññāṇasseva sammāsambuddhānaṃ yāva nisinnapallaṅkā anussaratoti yojanā.

    бхаг̇авад̇о сийлам̣ ниссааяа г̇ун̣з ануссарид̇умаарад̣̇д̇ход̇и яож̇анаа. яасмаа г̇ун̣аанам̣ б̣ахубхаавад̇о нзсам̣ згаж̇жхам̣ аабаат̇ааг̇аманам̣ над̇т̇и, сад̇и жа д̇асмим̣ анируубид̇аруубзнзва ануссаран̣зна бхавид̇аб̣б̣ам̣, д̇асмаа т̇зро сависаяз тад̇ваа д̇з анубад̣̇ам̣ саруубад̇о ануссари, ануссаранд̇о жа саб̣б̣абатамам̣ сийлам̣ ануссари, д̇ам̣ д̣̇ассзнд̇о ‘‘бхаг̇авад̇о сийлам̣ ниссааяаа’’д̇и ааха, сийлам̣ аараб̣бхаад̇и ад̇т̇о. сзсабад̣̇зсуби зсзва наяо. яасмаа жзд̇т̇а т̇зро згзгавасзна бхаг̇авад̇о г̇ун̣з ануссарид̇ваа д̇ад̇о барам̣ жад̇уггабан̃жагаад̣̇ивасзна ануссари, д̇асмаа ‘‘жад̇д̇ааро ид̣̇д̇хибаад̣̇з’’д̇и вад̇ваа д̇ад̇о барам̣ б̣ож̇жхан̇г̇абхааванаасааман̃н̃зна инд̣̇риязсу вад̇д̇аб̣б̣зсу д̇аани аг̇г̇ахзд̇ваа ‘‘жад̇д̇ааро маг̇г̇з’’д̇иаад̣̇и вуд̇д̇ам̣. жад̇уяонибарижчзд̣̇аган̃аан̣ам̣ махаасийханаад̣̇асуд̇д̇з (ма. ни. 1.152) ааг̇ад̇анаязнзва взд̣̇ид̇аб̣б̣ам̣. жад̇д̇ааро арияавам̣саа арияавам̣сасуд̇д̇з (а. ни. 4.28) ааг̇ад̇анаязнзва взд̣̇ид̇аб̣б̣аа.

    Bhagavato sīlaṃ nissāya guṇe anussaritumāraddhoti yojanā. Yasmā guṇānaṃ bahubhāvato nesaṃ ekajjhaṃ āpāthāgamanaṃ natthi, sati ca tasmiṃ anirūpitarūpeneva anussaraṇena bhavitabbaṃ, tasmā thero savisaye ṭhatvā te anupadaṃ sarūpato anussari, anussaranto ca sabbapaṭhamaṃ sīlaṃ anussari, taṃ dassento ‘‘bhagavato sīlaṃ nissāyā’’ti āha, sīlaṃ ārabbhāti attho. Sesapadesupi eseva nayo. Yasmā cettha thero ekekavasena bhagavato guṇe anussaritvā tato paraṃ catukkapañcakādivasena anussari, tasmā ‘‘cattāro iddhipāde’’ti vatvā tato paraṃ bojjhaṅgabhāvanāsāmaññena indriyesu vattabbesu tāni aggahetvā ‘‘cattāro magge’’tiādi vuttaṃ. Catuyoniparicchedakañāṇaṃ mahāsīhanādasutte (ma. ni. 1.152) āgatanayeneva veditabbaṃ. Cattāro ariyavaṃsā ariyavaṃsasutte (a. ni. 4.28) āgatanayeneva veditabbā.

    бад̇хаанияан̇г̇аад̣̇аяо сан̇г̇ийд̇и (д̣̇ий. ни. 3.317) д̣̇асуд̇д̇арасуд̇д̇зсу (д̣̇ий. ни. 3.355) ааг̇амиссанд̇и. ча сааран̣ийяа д̇хаммаа бариниб̣б̣аанасуд̇д̇з (д̣̇ий. ни. 2.141) ааг̇ад̇аа зва. сукам̣ субанаад̣̇аяо (а. ни. 11.15; бади. ма. 2.22) згаад̣̇аса мзд̇д̇аанисам̣саа . ‘‘ид̣̇ам̣ д̣̇угкам̣ арияасажжа’’нд̇иаад̣̇инаа сам̣. ни. 5.1081, махаава. 15, бади. ма. 2.30) жад̇уусу арияасажжзсу д̇ибаривад̇д̇авасзна ааг̇ад̇аа д̣̇ваад̣̇аса д̇хаммажаггаагаараа. маг̇г̇апалзсу бавад̇д̇аани адта н̃аан̣аани, ча асаад̇хааран̣ан̃аан̣аани жаад̇и жуд̣̇д̣̇аса б̣уд̣̇д̇хан̃аан̣аани. бан̃жад̣̇аса вимуд̇д̇ибарибаажанияаа д̇хаммаа мзгхияасуд̇д̇аван̣н̣анааяам̣ (уд̣̇аа. адта. 31) г̇ахзд̇аб̣б̣аа, сол̣асавид̇хаа аанаабаанассад̇и аанаабаанассад̇исуд̇д̇з (ма. ни. 3.148), адтаараса б̣уд̣̇д̇хад̇хаммаа (махаани. 69, 156; жуул̣ани. 85; бади. ма. 3.5; д̣̇ий. ни. адта. 3.305) звам̣ взд̣̇ид̇аб̣б̣аа –

    Padhāniyaṅgādayo saṅgīti (dī. ni. 3.317) dasuttarasuttesu (dī. ni. 3.355) āgamissanti. Cha sāraṇīya dhammā parinibbānasutte (dī. ni. 2.141) āgatā eva. Sukhaṃ supanādayo (a. ni. 11.15; paṭi. ma. 2.22) ekādasa mettānisaṃsā . ‘‘Idaṃ dukkhaṃ ariyasacca’’ntiādinā saṃ. ni. 5.1081, mahāva. 15, paṭi. ma. 2.30) catūsu ariyasaccesu tiparivattavasena āgatā dvādasa dhammacakkākārā. Maggaphalesu pavattāni aṭṭha ñāṇāni, cha asādhāraṇañāṇāni cāti cuddasa buddhañāṇāni. Pañcadasa vimuttiparipācaniyā dhammā meghiyasuttavaṇṇanāyaṃ (udā. aṭṭha. 31) gahetabbā, soḷasavidhā ānāpānassati ānāpānassatisutte (ma. ni. 3.148), aṭṭhārasa buddhadhammā (mahāni. 69, 156; cūḷani. 85; paṭi. ma. 3.5; dī. ni. aṭṭha. 3.305) evaṃ veditabbā –

    ад̇ийд̇ам̣сз б̣уд̣̇д̇хасса бхаг̇авад̇о аббадихад̇ам̣ н̃аан̣ам̣, анааг̇ад̇ам̣сз, бажжуббаннам̣сз б̣уд̣̇д̇хасса бхаг̇авад̇о аббадихад̇ам̣ н̃аан̣ам̣. имзхи д̇ийхи д̇хаммзхи саманнааг̇ад̇асса б̣уд̣̇д̇хасса бхаг̇авад̇о саб̣б̣ам̣ гааяагаммам̣ н̃аан̣абуб̣б̣ан̇г̇амам̣ н̃аан̣аанубаривад̇д̇и, саб̣б̣ам̣ важийгаммам̣, саб̣б̣ам̣ маногаммам̣ н̃аан̣абуб̣б̣ан̇г̇амам̣ н̃аан̣аанубаривад̇д̇и. имзхи чахи д̇хаммзхи саманнааг̇ад̇асса б̣уд̣̇д̇хасса бхаг̇авад̇о над̇т̇и чанд̣̇асса хаани, над̇т̇и д̇хаммад̣̇зсанааяа хаани, над̇т̇и вийрияасса хаани, над̇т̇и самаад̇хисса хаани, над̇т̇и бан̃н̃ааяа хаани, над̇т̇и вимуд̇д̇ияаа хаани. имзхи д̣̇ваад̣̇асахи д̇хаммзхи саманнааг̇ад̇асса б̣уд̣̇д̇хасса бхаг̇авад̇о над̇т̇и д̣̇аваа, над̇т̇и раваа, над̇т̇и абпудтам̣, над̇т̇и взг̇ааяид̇ад̇д̇ам̣, над̇т̇и аб̣яаавадамано, над̇т̇и аббадисан̇каанубзгкаад̇и.

    Atītaṃse buddhassa bhagavato appaṭihataṃ ñāṇaṃ, anāgataṃse, paccuppannaṃse buddhassa bhagavato appaṭihataṃ ñāṇaṃ. Imehi tīhi dhammehi samannāgatassa buddhassa bhagavato sabbaṃ kāyakammaṃ ñāṇapubbaṅgamaṃ ñāṇānuparivatti, sabbaṃ vacīkammaṃ, sabbaṃ manokammaṃ ñāṇapubbaṅgamaṃ ñāṇānuparivatti. Imehi chahi dhammehi samannāgatassa buddhassa bhagavato natthi chandassa hāni, natthi dhammadesanāya hāni, natthi vīriyassa hāni, natthi samādhissa hāni, natthi paññāya hāni, natthi vimuttiyā hāni. Imehi dvādasahi dhammehi samannāgatassa buddhassa bhagavato natthi davā, natthi ravā, natthi apphuṭṭhaṃ, natthi vegāyitattaṃ, natthi abyāvaṭamano, natthi appaṭisaṅkhānupekkhāti.

    д̇ад̇т̇а ‘‘над̇т̇и д̣̇аваад̇и кид̣д̣аад̇хиббааязна гирияаа над̇т̇и. над̇т̇и раваад̇и сахасаа гирияаа над̇т̇ий’’д̇и вад̣̇анд̇и. сахасаа бана гирияаа д̣̇аваа, ‘‘ан̃н̃ам̣ гариссаамий’’д̇и ан̃н̃асса гаран̣ам̣ раваа. над̇т̇и абпуданд̇и н̃аан̣зна апусид̇ам̣ над̇т̇и. над̇т̇и взг̇ааяид̇ад̇д̇анд̇и д̇урид̇агирияаа над̇т̇и. над̇т̇и аб̣яаавадаманод̇и нирад̇т̇агажид̇д̇асамуд̣̇аажааро над̇т̇и. над̇т̇и аббадисан̇каанубзгкаад̇и ан̃н̃аан̣убзгкаа над̇т̇и. гзжи бана ‘‘над̇т̇и д̇хаммад̣̇зсанааяа хааний’’д̇и абатид̇ваа ‘‘над̇т̇и чанд̣̇асса хаани, над̇т̇и вийрияасса хаани, над̇т̇и сад̇ияаа [сад̇д̇ияаа (вибха. мууладий. суд̇д̇анд̇абхааж̇анийяаван̣н̣анаа)] хааний’’д̇и батанд̇и.

    Tattha ‘‘natthi davāti khiḍḍādhippāyena kiriyā natthi. Natthi ravāti sahasā kiriyā natthī’’ti vadanti. Sahasā pana kiriyā davā, ‘‘aññaṃ karissāmī’’ti aññassa karaṇaṃ ravā. Natthi apphuṭanti ñāṇena aphusitaṃ natthi. Natthi vegāyitattanti turitakiriyā natthi. Natthi abyāvaṭamanoti niratthakacittasamudācāro natthi. Natthi appaṭisaṅkhānupekkhāti aññāṇupekkhā natthi. Keci pana ‘‘natthi dhammadesanāya hānī’’ti apaṭhitvā ‘‘natthi chandassa hāni, natthi vīriyassa hāni, natthi satiyā [sattiyā (vibha. mūlaṭī. suttantabhājanīyavaṇṇanā)] hānī’’ti paṭhanti.

    ж̇араамаран̣аад̣̇ийсу згаад̣̇асасу бадижжасамуббаад̣̇ан̇г̇зсу бажжзгам̣ жад̇усажжаяож̇анаавасзна бавад̇д̇аани жад̇ужад̇д̇аалийса н̃аан̣ааниязва (сам̣. ни. 2.33) сукависзсаанам̣ ад̇хидтаанабхаавад̇о н̃аан̣авад̇т̇ууни. вуд̇д̇ан̃хзд̇ам̣ –

    Jarāmaraṇādīsu ekādasasu paṭiccasamuppādaṅgesu paccekaṃ catusaccayojanāvasena pavattāni catucattālīsa ñāṇāniyeva (saṃ. ni. 2.33) sukhavisesānaṃ adhiṭṭhānabhāvato ñāṇavatthūni. Vuttañhetaṃ –

    ‘‘яад̇о ко бхигкавз арияасааваго звам̣ ж̇араамаран̣ам̣ баж̇аанаад̇и, звам̣ ж̇араамаран̣асамуд̣̇аяам̣ баж̇аанаад̇и, звам̣ ж̇араамаран̣анирод̇хам̣ баж̇аанаад̇и, звам̣ ж̇араамаран̣анирод̇хаг̇ааминим̣ бадибад̣̇ам̣ баж̇аанаад̇ий’’д̇иаад̣̇и (сам̣. ни. 2.33).

    ‘‘Yato kho bhikkhave ariyasāvako evaṃ jarāmaraṇaṃ pajānāti, evaṃ jarāmaraṇasamudayaṃ pajānāti, evaṃ jarāmaraṇanirodhaṃ pajānāti, evaṃ jarāmaraṇanirodhagāminiṃ paṭipadaṃ pajānātī’’tiādi (saṃ. ni. 2.33).

    ж̇араамаран̣асамуд̣̇аяод̇и жзд̇т̇а ж̇аад̇и ад̇хиббзд̇аа. сзсабад̣̇зсу бхаваад̣̇аяо взд̣̇ид̇аб̣б̣аа.

    Jarāmaraṇasamudayoti cettha jāti adhippetā. Sesapadesu bhavādayo veditabbā.

    гусалажид̇д̇уббаад̣̇зсу пассаад̣̇аяо баробан̣н̣ааса гусалад̇хаммаа.

    Kusalacittuppādesu phassādayo paropaṇṇāsa kusaladhammā.

    ‘‘ж̇аад̇ибажжаяаа ж̇араамаран̣а’’нд̇и н̃аан̣ам̣, ‘‘асад̇и ж̇аад̇ияаа над̇т̇и ж̇араамаран̣а’’нд̇и н̃аан̣ам̣, ад̇ийд̇амби ад̣̇д̇хаанам̣ ‘‘ж̇аад̇ибажжаяаа ж̇араамаран̣а’’нд̇и н̃аан̣ам̣, ‘‘асад̇и ж̇аад̇ияаа над̇т̇и ж̇араамаран̣а’’нд̇и н̃аан̣ам̣, анааг̇ад̇амби ад̣̇д̇хаанам̣ ‘‘ж̇аад̇ибажжаяаа ж̇араамаран̣а’’нд̇и н̃аан̣ам̣, ‘‘асад̇и ж̇аад̇ияаа над̇т̇и ж̇араамаран̣а’’нд̇и н̃аан̣ам̣. ‘‘яамби ид̣̇ам̣ д̇хаммадтид̇ин̃аан̣ам̣, д̇амби каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамма’’нд̇и н̃аан̣анд̇и звам̣ ж̇араамаран̣аад̣̇ийсу згаад̣̇асасу бадижжасамуббаад̣̇ан̇г̇зсу бажжзгам̣ сад̇д̇а сад̇д̇а гад̇ваа сад̇д̇асад̇д̇ад̇и н̃аан̣авад̇т̇ууни (сам̣. ни. 2.34) взд̣̇ид̇аб̣б̣аани. д̇ад̇т̇а яамбийд̇и чаб̣б̣ид̇хамби бажжавзгкан̣ан̃аан̣ам̣ вибассанаарамман̣абхаавзна згаж̇жхам̣ г̇ахзд̇ваа вуд̇д̇ам̣. д̇хаммадтид̇ин̃аан̣анд̇и чаби н̃аан̣аани сан̇кибид̇ваа вуд̇д̇ам̣ н̃аан̣ам̣. ‘‘каяад̇хамма’’нд̇иаад̣̇инаа бана багаарзна бавад̇д̇ан̃аан̣асса д̣̇ассанам̣, вибассанаад̣̇ассанад̇о вибассанаа бадивибассанаад̣̇ассанамад̇д̇амзваад̇и на д̇ам̣ ‘‘ан̇г̇а’’нд̇и вад̣̇анд̇и, баал̣ияам̣ (сам̣. ни. 2.34) бана саб̣б̣ад̇т̇а н̃аан̣авасзна ан̇г̇аанам̣ вуд̇д̇ад̇д̇аа ‘‘нирод̇хад̇хамманд̇и н̃аан̣а’’нд̇и ид̇и-сад̣̇д̣̇зна багаасзд̇ваа вуд̇д̇ам̣ вибассанаан̃аан̣ам̣ сад̇д̇амам̣ н̃аан̣анд̇и аяамад̇т̇о д̣̇иссад̇и. на хи яамби ид̣̇ам̣ д̇хаммадтид̇ин̃аан̣ам̣, д̇амби н̃аан̣анд̇и самб̣анд̇хо ход̇и н̃аан̣аг̇г̇ахан̣зна зд̇асмим̣ н̃аан̣абхаавад̣̇ассанасса анад̇хиббзд̇ад̇д̇аа, ‘‘каяад̇хаммам̣…бз… нирод̇хад̇хамма’’нд̇и зд̇зсам̣ самб̣анд̇хабхааваббасан̇г̇о жаад̇и. жад̇увийсад̇и…бз… важ̇иран̃аан̣анд̇и зд̇т̇а гзжи д̇аава ааху ‘‘бхаг̇аваа д̣̇звасигам̣ д̣̇ваад̣̇асагодисад̇асахассагкад̇д̇ум̣ махаагарун̣аасамаабад̇д̇им̣ самаабаж̇ж̇ад̇и, д̣̇ваад̣̇асагодисад̇асахассагкад̇д̇умзва жа арахад̇д̇апаласамаабад̇д̇им̣ самаабаж̇ж̇ад̇и, д̇аасам̣ бурзжарам̣, сахаважаран̃жа н̃аан̣ам̣ бадибагкзхи абхзж̇ж̇ад̇ам̣, махад̇д̇ан̃жа убаад̣̇ааяа махааваж̇иран̃аан̣ам̣ наама. вуд̇д̇ан̃хзд̇ам̣ бхаг̇авад̇аа –

    ‘‘Jātipaccayā jarāmaraṇa’’nti ñāṇaṃ, ‘‘asati jātiyā natthi jarāmaraṇa’’nti ñāṇaṃ, atītampi addhānaṃ ‘‘jātipaccayā jarāmaraṇa’’nti ñāṇaṃ, ‘‘asati jātiyā natthi jarāmaraṇa’’nti ñāṇaṃ, anāgatampi addhānaṃ ‘‘jātipaccayā jarāmaraṇa’’nti ñāṇaṃ, ‘‘asati jātiyā natthi jarāmaraṇa’’nti ñāṇaṃ. ‘‘Yampi idaṃ dhammaṭṭhitiñāṇaṃ, tampi khayadhammaṃ vayadhammaṃ virāgadhammaṃ nirodhadhamma’’nti ñāṇanti evaṃ jarāmaraṇādīsu ekādasasu paṭiccasamuppādaṅgesu paccekaṃ satta satta katvā sattasattati ñāṇavatthūni (saṃ. ni. 2.34) veditabbāni. Tattha yampīti chabbidhampi paccavekkhaṇañāṇaṃ vipassanārammaṇabhāvena ekajjhaṃ gahetvā vuttaṃ. Dhammaṭṭhitiñāṇanti chapi ñāṇāni saṅkhipitvā vuttaṃ ñāṇaṃ. ‘‘Khayadhamma’’ntiādinā pana pakārena pavattañāṇassa dassanaṃ, vipassanādassanato vipassanā paṭivipassanādassanamattamevāti na taṃ ‘‘aṅga’’nti vadanti, pāḷiyaṃ (saṃ. ni. 2.34) pana sabbattha ñāṇavasena aṅgānaṃ vuttattā ‘‘nirodhadhammanti ñāṇa’’nti iti-saddena pakāsetvā vuttaṃ vipassanāñāṇaṃ sattamaṃ ñāṇanti ayamattho dissati. Na hi yampi idaṃ dhammaṭṭhitiñāṇaṃ, tampi ñāṇanti sambandho hoti ñāṇaggahaṇena etasmiṃ ñāṇabhāvadassanassa anadhippetattā, ‘‘khayadhammaṃ…pe… nirodhadhamma’’nti etesaṃ sambandhabhāvappasaṅgo cāti. Catuvīsati…pe… vajirañāṇanti ettha keci tāva āhu ‘‘bhagavā devasikaṃ dvādasakoṭisatasahassakkhattuṃ mahākaruṇāsamāpattiṃ samāpajjati, dvādasakoṭisatasahassakkhattumeva ca arahattaphalasamāpattiṃ samāpajjati, tāsaṃ purecaraṃ, sahavacarañca ñāṇaṃ paṭipakkhehi abhejjataṃ, mahattañca upādāya mahāvajirañāṇaṃ nāma. Vuttañhetaṃ bhagavatā –

    ‘д̇ат̇ааг̇ад̇ам̣ , бхигкавз, араханд̇ам̣ саммаасамб̣уд̣̇д̇хам̣ д̣̇вз вид̇аггаа б̣ахулам̣ самуд̣̇аажаранд̇и – кзмо жа вид̇агго, бавивзго жа вид̇агго’д̇и (ид̇иву. 38).

    ‘Tathāgataṃ , bhikkhave, arahantaṃ sammāsambuddhaṃ dve vitakkā bahulaṃ samudācaranti – khemo ca vitakko, paviveko ca vitakko’ti (itivu. 38).

    кзмавид̇агго хи бхаг̇авад̇о махаагарун̣аасамаабад̇д̇им̣ буурзд̇ваа тид̇о, бавивзгавид̇агго арахад̇д̇апаласамаабад̇д̇им̣. б̣уд̣̇д̇хаанан̃хи бхаван̇г̇абариваасо лахуго, мад̇т̇агаббад̇д̇о самаабад̇д̇ийсу васийбхааво, д̇асмаа самаабаж̇ж̇анавудтаанаани гад̇ибаяажид̇д̇агкан̣зхзва иж̇жханд̇и. бан̃жа руубааважарасамаабад̇д̇ияо жад̇ассо аруубасамаабад̇д̇ияо аббаман̃н̃аасамаабад̇д̇ияаа сад̣̇д̇хим̣ д̣̇аса, нирод̇хасамаабад̇д̇и, арахад̇д̇апаласамаабад̇д̇и жаад̇и д̣̇ваад̣̇асзд̇аа самаабад̇д̇ияо бхаг̇аваа бажжзгам̣ д̣̇ивасз д̣̇ивасз годисад̇асахассагкад̇д̇ум̣ бурзбхад̇д̇ам̣ самаабаж̇ж̇ад̇и, д̇ат̇аа бажчаабхад̇д̇а’’нд̇и. ‘‘звам̣ самаабаж̇ж̇ид̇аб̣б̣асамаабад̇д̇исан̃жаарид̇ан̃аан̣ам̣ махааваж̇иран̃аан̣ам̣ наамаа’’д̇и гзжи.

    Khemavitakko hi bhagavato mahākaruṇāsamāpattiṃ pūretvā ṭhito, pavivekavitakko arahattaphalasamāpattiṃ. Buddhānañhi bhavaṅgaparivāso lahuko, matthakappatto samāpattīsu vasībhāvo, tasmā samāpajjanavuṭṭhānāni katipayacittakkhaṇeheva ijjhanti. Pañca rūpāvacarasamāpattiyo catasso arūpasamāpattiyo appamaññāsamāpattiyā saddhiṃ dasa, nirodhasamāpatti, arahattaphalasamāpatti cāti dvādasetā samāpattiyo bhagavā paccekaṃ divase divase koṭisatasahassakkhattuṃ purebhattaṃ samāpajjati, tathā pacchābhatta’’nti. ‘‘Evaṃ samāpajjitabbasamāpattisañcāritañāṇaṃ mahāvajirañāṇaṃ nāmā’’ti keci.

    абарз бана ‘‘яам̣ д̇ам̣ бхаг̇авад̇аа абхисамб̣од̇хид̣̇ивасз бажчимаяаамз бадижжасамуббаад̣̇амукзна бадиломанаязна ж̇араамаран̣ад̇о бадтааяа н̃аан̣ам̣ од̇аарзд̇ваа анубад̣̇ад̇хаммавибассанам̣ аарабханд̇зна яат̇аа наама бурисо сувид̣̇уг̇г̇ам̣ махааг̇аханам̣ махааванам̣ чинд̣̇анд̇о анд̇аранд̇араа нисаанасилааяам̣ парасум̣ сунисид̇ам̣ гарод̇и, звамзва нисаанасилаасад̣̇исияо самаабад̇д̇ияо анд̇аранд̇араа самаабаж̇ж̇ид̇ваа н̃аан̣асса д̇игкависад̣̇асуурабхаавам̣ самбаад̣̇зд̇ум̣ ануломабадиломад̇о бажжзгам̣ бадижжасамуббаад̣̇ан̇г̇авасзна саммасанд̇о д̣̇ивасз д̣̇ивасз лагкагодилагкагодипаласамаабад̇д̇ияо самаабаж̇ж̇ад̇и, д̇ам̣ санд̇хааяа вуд̇д̇ам̣ ‘жад̇увийсад̇и…бз… махааваж̇иран̃аан̣ам̣ ниссааяаа’д̇и’’. нану бхаг̇авад̇о самаабад̇д̇исамаабаж̇ж̇анз баригаммз баяож̇анам̣ над̇т̇ийд̇и? наяид̣̇ам̣ зганд̇игам̣. д̇ат̇аа хи взд̣̇анаабадиббан̣ааманаад̣̇ийсу сависзсам̣ баригаммабуб̣б̣ан̇г̇амзна самаабад̇д̇ияо самаабаж̇ж̇и. абарз бана ‘‘логияасамаабад̇д̇исамаабаж̇ж̇анз баригаммзна баяож̇анам̣ над̇т̇и. логуд̇д̇арасамаабад̇д̇исамаабаж̇ж̇анз д̇аж̇ж̇ам̣ баригаммам̣ ижчид̇аб̣б̣амзваа’’д̇и вад̣̇анд̇и.

    Apare pana ‘‘yaṃ taṃ bhagavatā abhisambodhidivase pacchimayāme paṭiccasamuppādamukhena paṭilomanayena jarāmaraṇato paṭṭhāya ñāṇaṃ otāretvā anupadadhammavipassanaṃ ārabhantena yathā nāma puriso suviduggaṃ mahāgahanaṃ mahāvanaṃ chindanto antarantarā nisānasilāyaṃ pharasuṃ sunisitaṃ karoti, evameva nisānasilāsadisiyo samāpattiyo antarantarā samāpajjitvā ñāṇassa tikkhavisadasūrabhāvaṃ sampādetuṃ anulomapaṭilomato paccekaṃ paṭiccasamuppādaṅgavasena sammasanto divase divase lakkhakoṭilakkhakoṭiphalasamāpattiyo samāpajjati, taṃ sandhāya vuttaṃ ‘catuvīsati…pe… mahāvajirañāṇaṃ nissāyā’ti’’. Nanu bhagavato samāpattisamāpajjane parikamme payojanaṃ natthīti? Nayidaṃ ekantikaṃ. Tathā hi vedanāpaṭippaṇāmanādīsu savisesaṃ parikammapubbaṅgamena samāpattiyo samāpajji. Apare pana ‘‘lokiyasamāpattisamāpajjane parikammena payojanaṃ natthi. Lokuttarasamāpattisamāpajjane tajjaṃ parikammaṃ icchitabbamevā’’ti vadanti.

    ‘‘абарамбараа’’д̇и бад̣̇ам̣ язсам̣ д̣̇зсанааяа ад̇т̇и, д̇з абарамбарияаава. гусалабан̃н̃ад̇д̇ияанд̇и гусалад̇хаммаанам̣ бан̃н̃аабанз. ануд̇д̇арод̇и уд̇д̇амо. убаниссаяз тад̇ваад̇и н̃аан̣уубаниссаяз тад̇ваа яаад̣̇исо буб̣б̣уубаниссаяо буб̣б̣аяог̇о, д̇ад̇т̇а бад̇идтааяа. маханд̇ад̇о сад̣̇д̣̇ахад̇и бадибагкавиг̇амзна н̃аан̣асса вияа сад̣̇д̇хааяаби д̇игкависад̣̇абхааваабад̇д̇ид̇о. авасзсаараханд̇зхийд̇и багад̇исаавагзхи. асийд̇и махаат̇зраа барамад̇т̇ад̣̇ийбанияам̣ т̇зраг̇аат̇ааван̣н̣анааяам̣ наамад̇о уд̣̇д̇хадаа. жад̇д̇ааро махаат̇зраад̇и махаагассабаануруд̣̇д̇хамахаагажжаанамахаагодтигад̇т̇зраа. д̇зсуби аг̇г̇асаавагзсу саарибуд̇д̇ад̇т̇зро бан̃н̃ааяа висидтабхаавад̇о. саарибуд̇д̇ад̇т̇зрад̇оби зго бажжзгаб̣уд̣̇д̇хо д̇игкависад̣̇ан̃аан̣о абхинийхаарамаханд̇ад̇ааяа самбхад̇ан̃аан̣асамбхаарад̇д̇аа. сад̇иби бажжзгаб̣од̇хияаа ависзсзсу б̣ахуусу згаж̇жхам̣ саннибад̇ид̇зсу буб̣б̣аяог̇авасзна логияз висаяз сияаа гассажи н̃аан̣асса висидтад̇аад̇и д̣̇ассзд̇ум̣ ‘‘сажз банаа’’д̇иаад̣̇и вуд̇д̇ам̣. ‘‘саб̣б̣ан̃н̃уб̣уд̣̇д̇хова б̣уд̣̇д̇хаг̇ун̣з маханд̇ад̇о сад̣̇д̣̇ахад̇ий’’д̇и ид̣̇ам̣ хздтаа ааг̇ад̇ад̣̇зсанаасод̇авасзна вуд̇д̇ам̣. б̣уд̣̇д̇хаа хи б̣уд̣̇д̇хаг̇ун̣з махад̇д̇ам̣ бажжагкад̇ова бассанд̇и, на сад̣̇д̣̇аханавасзна.

    ‘‘Aparamparā’’ti padaṃ yesaṃ desanāya atthi, te aparampariyāva. Kusalapaññattiyanti kusaladhammānaṃ paññāpane. Anuttaroti uttamo. Upanissaye ṭhatvāti ñāṇūpanissaye ṭhatvā yādiso pubbūpanissayo pubbayogo, tattha patiṭṭhāya. Mahantato saddahati paṭipakkhavigamena ñāṇassa viya saddhāyapi tikkhavisadabhāvāpattito. Avasesaarahantehīti pakatisāvakehi. Asīti mahātherā paramatthadīpaniyaṃ theragāthāvaṇṇanāyaṃ nāmato uddhaṭā. Cattāro mahātherāti mahākassapaanuruddhamahākaccānamahākoṭṭhikattherā. Tesupi aggasāvakesu sāriputtatthero paññāya visiṭṭhabhāvato. Sāriputtattheratopi eko paccekabuddho tikkhavisadañāṇo abhinīhāramahantatāya sambhatañāṇasambhārattā. Satipi paccekabodhiyā avisesesu bahūsu ekajjhaṃ sannipatitesu pubbayogavasena lokiye visaye siyā kassaci ñāṇassa visiṭṭhatāti dassetuṃ ‘‘sace panā’’tiādi vuttaṃ. ‘‘Sabbaññubuddhova buddhaguṇe mahantato saddahatī’’ti idaṃ heṭṭhā āgatadesanāsotavasena vuttaṃ. Buddhā hi buddhaguṇe mahattaṃ paccakkhatova passanti, na saddahanavasena.

    ид̣̇аани яат̇аавуд̇д̇амад̇т̇ам̣ убамааяа вибхаавзд̇ум̣ ‘‘сзяяат̇ааби наамаа’’д̇иаад̣̇и аарад̣̇д̇хам̣. г̇амбхийро уд̇д̇аанод̇и г̇амбхийро ваа уд̇д̇аано ваад̇и ж̇аананад̇т̇ам̣. ‘‘звамзваа’’д̇иаад̣̇и яат̇аад̣̇ассид̇ааяа убамааяа убамзяязна сам̣санд̣̇анам̣. б̣уд̣̇д̇хаг̇ун̣зсу аббамад̇д̇ависаяамби логияамахааж̇анасса н̃аан̣ам̣ абавад̇д̇ид̇аруубзнзва бавад̇д̇ад̇и анавад̇д̇ид̇асабхаавад̇д̇аад̇и вуд̇д̇ам̣ ‘‘згаб̣яаама…бз… взд̣̇ид̇аб̣б̣аа’’д̇и. д̇ад̇т̇а н̃аад̇ауд̣̇агам̣ вияаад̇и бамаан̣ад̇о н̃аад̇ауд̣̇агам̣ вияа. арияаанам̣ бана д̇ад̇т̇а ад̇д̇ано висаяз бавад̇д̇анаган̃аан̣ам̣ бавад̇д̇ид̇аруубзнзва бавад̇д̇ад̇и ад̇д̇ано бадивзд̇хаануруубам̣, абхинийхаараануруубан̃жа авад̇д̇ид̇асабхаавад̇д̇аад̇и д̣̇ассзнд̇о ‘‘д̣̇асаб̣яаамаяод̇д̇знаа’’д̇иаад̣̇имааха. д̇ад̇т̇а бадивид̣̇д̇хасажжаанамби бадибагкавид̇хаманабуб̣б̣аяог̇ависзсавасзна н̃аан̣ам̣ саад̇исаяам̣, махаанубхааван̃жа ход̇ийд̇и имамад̇т̇ам̣ д̣̇ассзд̇ум̣ сод̇аабаннан̃аан̣асса д̣̇асаб̣яаамауд̣̇агам̣ обаммабхаавзна д̣̇ассзд̇ваа д̇ад̇о барзсам̣ д̣̇асуд̇д̇арад̣̇иг̇ун̣ад̣̇асаг̇ун̣аасийд̇иг̇ун̣ависидтам̣ уд̣̇агам̣ обаммам̣ гад̇ваа д̣̇ассид̇ам̣. нану звам̣ санд̇з б̣уд̣̇д̇хаг̇ун̣аа баримид̇абарижчиннаа, т̇зрзна жа д̇з барижчиж̇ж̇а н̃аад̇аад̇и аабаж̇ж̇ад̇ийд̇и? наабаж̇ж̇ад̇ийд̇и д̣̇ассзнд̇о ‘‘д̇ад̇т̇а яат̇аа со бурисо’’д̇иаад̣̇имааха. д̇ад̇т̇а со бурисод̇и со жад̇ураасийд̇иб̣яаамасахассаббамаан̣зна яод̇д̇зна жад̇ураасийд̇иб̣яаамасахассадтаанз махаасамуд̣̇д̣̇з уд̣̇агам̣ минид̇ваа тид̇о бурисо. со хи т̇зрасса убамаабхаавзна г̇ахид̇о. д̇хамманваязнаад̇и анумаанан̃аан̣зна. д̇ан̃хи сид̣̇д̇хам̣ д̇хаммам̣ ануг̇анд̇ваа бавад̇д̇анад̇о ‘‘д̇хамманваяо’’д̇и вужжад̇и, д̇ат̇аа анваяавасзна ад̇т̇асса б̣уж̇жханад̇о анваяаб̣уд̣̇д̇хи, анумзяяам̣ ануминод̇ийд̇и анумаанам̣, нид̣̇ассанз д̣̇идтанаязна анумзяяам̣ г̇ан̣хаад̇ийд̇и ‘‘наяаг̇г̇аахо’’д̇и жа вужжад̇и. д̇знааха ‘‘д̇хамманваязнаа’’д̇иаад̣̇и. свааяам̣ д̇хамманваяо на яасса гассажи ход̇и, ат̇а ко д̇ат̇ааруубасса аг̇г̇асаавагассзваад̇и ааха ‘‘саавагабаарамин̃аан̣з тад̇ваа’’д̇и. яад̣̇и т̇зро б̣уд̣̇д̇хаг̇ун̣з згад̣̇зсад̇о бажжагкз гад̇ваа д̇ад̣̇ан̃н̃з наяаг̇г̇аахзна г̇ан̣хи, нану звам̣ санд̇з б̣уд̣̇д̇хаг̇ун̣аа баримид̇абарижчиннаа аабаннаад̇и? наяид̣̇ам̣ званд̇и д̣̇ассзнд̇о ‘‘ананд̇аа абаримаан̣аа’’д̇и.

    Idāni yathāvuttamatthaṃ upamāya vibhāvetuṃ ‘‘seyyathāpi nāmā’’tiādi āraddhaṃ. Gambhīro uttānoti gambhīro vā uttāno vāti jānanatthaṃ. ‘‘Evamevā’’tiādi yathādassitāya upamāya upameyyena saṃsandanaṃ. Buddhaguṇesu appamattavisayampi lokiyamahājanassa ñāṇaṃ apavattitarūpeneva pavattati anavattitasabhāvattāti vuttaṃ ‘‘ekabyāma…pe… veditabbā’’ti. Tattha ñātaudakaṃ viyāti pamāṇato ñātaudakaṃ viya. Ariyānaṃ pana tattha attano visaye pavattanakañāṇaṃ pavattitarūpeneva pavattati attano paṭivedhānurūpaṃ, abhinīhārānurūpañca avattitasabhāvattāti dassento ‘‘dasabyāmayottenā’’tiādimāha. Tattha paṭividdhasaccānampi paṭipakkhavidhamanapubbayogavisesavasena ñāṇaṃ sātisayaṃ, mahānubhāvañca hotīti imamatthaṃ dassetuṃ sotāpannañāṇassa dasabyāmaudakaṃ opammabhāvena dassetvā tato paresaṃ dasuttaradiguṇadasaguṇaasītiguṇavisiṭṭhaṃ udakaṃ opammaṃ katvā dassitaṃ. Nanu evaṃ sante buddhaguṇā parimitaparicchinnā, therena ca te paricchijja ñātāti āpajjatīti? Nāpajjatīti dassento ‘‘tattha yathā so puriso’’tiādimāha. Tattha so purisoti so caturāsītibyāmasahassappamāṇena yottena caturāsītibyāmasahassaṭṭhāne mahāsamudde udakaṃ minitvā ṭhito puriso. So hi therassa upamābhāvena gahito. Dhammanvayenāti anumānañāṇena. Tañhi siddhaṃ dhammaṃ anugantvā pavattanato ‘‘dhammanvayo’’ti vuccati, tathā anvayavasena atthassa bujjhanato anvayabuddhi, anumeyyaṃ anuminotīti anumānaṃ, nidassane diṭṭhanayena anumeyyaṃ gaṇhātīti ‘‘nayaggāho’’ti ca vuccati. Tenāha ‘‘dhammanvayenā’’tiādi. Svāyaṃ dhammanvayo na yassa kassaci hoti, atha kho tathārūpassa aggasāvakassevāti āha ‘‘sāvakapāramiñāṇe ṭhatvā’’ti. Yadi thero buddhaguṇe ekadesato paccakkhe katvā tadaññe nayaggāhena gaṇhi, nanu evaṃ sante buddhaguṇā parimitaparicchinnā āpannāti? Nayidaṃ evanti dassento ‘‘anantā aparimāṇā’’ti.

    ‘‘сад̣̇д̣̇ахад̇ий’’д̇и вад̇ваа буна д̇амзвад̇т̇ам̣ вибхаавзнд̇о ‘‘т̇зрзна хи…бз… б̣ахуд̇араа’’д̇и ааха. гат̇ам̣ банааяамад̇т̇о звам̣ д̣̇адтаб̣б̣од̇и звам̣ ад̇хиббааяабхзд̣̇агам̣ убамааяа сан̃н̃аабзд̇ум̣ ‘‘яат̇аа гат̇ам̣ вияаа’’д̇иаад̣̇и вуд̇д̇ам̣ ‘‘убамааяамид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇ий’’д̇и (сам̣. ни. 2.67) ид̇о нава ид̇о наваад̇и ид̇о маж̇жхадтаанад̇о яаава д̣̇агкин̣ад̇ийраа нава ид̇о маж̇жхадтаанад̇о яаава уд̇д̇арад̇ийраа нава. ид̣̇аани яат̇аавуд̇д̇амад̇т̇ам̣ суд̇д̇зна самад̇т̇зд̇ум̣ ‘‘б̣уд̣̇д̇хобий’’д̇и г̇аат̇амааха.

    ‘‘Saddahatī’’ti vatvā puna tamevatthaṃ vibhāvento ‘‘therena hi…pe… bahutarā’’ti āha. Kathaṃ panāyamattho evaṃ daṭṭhabboti evaṃ adhippāyabhedakaṃ upamāya saññāpetuṃ ‘‘yathā kathaṃ viyā’’tiādi vuttaṃ ‘‘upamāyamidhekacce viññū purisā bhāsitassa atthaṃ ājānantī’’ti (saṃ. ni. 2.67) ito nava ito navāti ito majjhaṭṭhānato yāva dakkhiṇatīrā nava ito majjhaṭṭhānato yāva uttaratīrā nava. Idāni yathāvuttamatthaṃ suttena samatthetuṃ ‘‘buddhopī’’ti gāthamāha.

    яамагаяуг̇ал̣амахаанад̣̇иймахогхо вияаад̇и д̣̇виннам̣ згад̇о самааг̇ад̇ад̇д̇аа яуг̇ал̣абхууд̇аанам̣ махаанад̣̇ийнам̣ махогхо вияа.

    Yamakayugaḷamahānadīmahogho viyāti dvinnaṃ ekato samāgatattā yugaḷabhūtānaṃ mahānadīnaṃ mahogho viya.

    анужчавигам̣ гад̇ваад̇и яояам̣ мама басаад̣̇о б̣уд̣̇д̇хаг̇ун̣з аараб̣бха ог̇аал̣хо худ̇ваа уббанно, д̇ам̣ анужчавигам̣ ануруубам̣ гад̇ваа. бадиг̇г̇ахзд̇ум̣ самбадижчид̇ум̣ ан̃н̃о гожи на сагкиссад̇и яаат̇аавад̇о анаваб̣уж̇жханад̇о. бадиг̇г̇ахзд̇ум̣ саггод̇и д̇асса хзд̇уд̇о, бажжаяад̇о, сабхаавад̇о, гижжад̇о, палад̇о саммад̣̇зва бадивиж̇жханад̇о. буурад̇д̇анд̇и бун̣н̣абхааво. баг̇гхаран̣агаалзд̇и вигиран̣агаалз, бад̇анагаалзд̇и ад̇т̇о. ‘‘басанно’’д̇и иминаа басаад̣̇асса вад̇д̇амаанад̇аа д̣̇ийбид̇аад̇и ‘‘уббаннасад̣̇д̇хо’’д̇и иминааби сад̣̇д̇хааяа бажжуббаннад̇аа багаасид̇аад̇и ааха ‘‘звам̣ сад̣̇д̣̇ахаамийд̇и ад̇т̇о’’д̇и. абхин̃н̃ааяад̇ийд̇и абхин̃н̃о, ад̇хиго абхин̃н̃о бхияяобхин̃н̃о, со зва ад̇исаяаважанижчаавасзна ‘‘бхияяобхин̃н̃ад̇аро’’д̇и вуд̇д̇од̇и ааха ‘‘бхияяад̇аро абхин̃н̃аад̇о’’д̇и. д̣̇уд̇ияавигаббз бана абхиж̇аанаад̇ийд̇и абхин̃н̃аа, абхивисидтаа бан̃н̃аа, бхияяо абхин̃н̃аа зд̇ассаад̇и бхияяобхин̃н̃о, со зва ад̇исаяаважанижчаавасзна бхияяобхин̃н̃ад̇аро, свааяамасса ад̇исаяо абхин̃н̃ааяа бхияяобхаавагад̇од̇и ааха ‘‘бхияяад̇араабхин̃н̃о ваа’’д̇и. самб̣уж̇жхад̇и зд̇ааяаад̇и самб̣од̇хи, саб̣б̣ан̃н̃уд̇ан̃н̃аан̣ам̣, аг̇г̇амаг̇г̇ан̃аан̣ан̃жа. саб̣б̣ан̃н̃уд̇ан̃н̃аан̣абад̣̇адтаанан̃хи аг̇г̇амаг̇г̇ан̃аан̣ам̣, аг̇г̇амаг̇г̇ан̃аан̣абад̣̇адтаанан̃жа саб̣б̣ан̃н̃уд̇ан̃н̃аан̣ам̣ самб̣од̇хи наама. д̇ад̇т̇а бад̇хаанавасзна д̇ад̣̇ад̇т̇ад̣̇ассанз батамавигаббо, бад̣̇адтаанавасзна д̣̇уд̇ияавигаббо. гасмаа банзд̇т̇а арахад̇д̇амаг̇г̇ан̃аан̣ассзва г̇ахан̣ам̣, нану хздтимааниби бхаг̇авад̇о маг̇г̇ан̃аан̣аани саваасанамзва яат̇аасагам̣ бадибагкавид̇хаманавасзна бавад̇д̇аани. саваасанаббахаанан̃хи н̃зяяааваран̣аббахаананд̇и? сажжамзд̇ам̣, д̇ам̣ бана абарибун̣н̣ам̣ бадибагкавид̇хаманасса виббагад̇абхаавад̇од̇и ааха ‘‘арахад̇д̇амаг̇г̇ан̃аан̣з ваа’’д̇и. аг̇г̇амаг̇г̇авасзна жзд̇т̇а арияаанам̣ б̣од̇хид̇д̇аяабаарибуурийд̇и д̣̇ассзд̇ум̣ ‘‘арахад̇д̇амаг̇г̇знзва хий’’д̇иаад̣̇и вуд̇д̇ам̣. ниббад̣̇зсаад̇и анавасзсаа. г̇ахид̇аа хонд̇ийд̇и арахад̇д̇амаг̇г̇зна г̇ахид̇зна ад̇хиг̇ад̇зна г̇ахид̇аа ад̇хиг̇ад̇аа хонд̇и. саб̣б̣анд̇и д̇зхи ад̇хиг̇анд̇аб̣б̣ам̣. д̇знаад̇и самб̣од̇хинаа саб̣б̣ан̃н̃уд̇ан̃н̃аан̣абад̣̇адтаанзна арахад̇д̇амаг̇г̇ан̃аан̣зна.

    Anucchavikaṃkatvāti yoyaṃ mama pasādo buddhaguṇe ārabbha ogāḷho hutvā uppanno, taṃ anucchavikaṃ anurūpaṃ katvā. Paṭiggahetuṃ sampaṭicchituṃ añño koci na sakkhissati yāthāvato anavabujjhanato. Paṭiggahetuṃ sakkoti tassa hetuto, paccayato, sabhāvato, kiccato, phalato sammadeva paṭivijjhanato. Pūrattanti puṇṇabhāvo. Paggharaṇakāleti vikiraṇakāle, patanakāleti attho. ‘‘Pasanno’’ti iminā pasādassa vattamānatā dīpitāti ‘‘uppannasaddho’’ti imināpi saddhāya paccuppannatā pakāsitāti āha ‘‘evaṃ saddahāmīti attho’’ti. Abhiññāyatīti abhiñño, adhiko abhiñño bhiyyobhiñño, so eva atisayavacanicchāvasena ‘‘bhiyyobhiññataro’’ti vuttoti āha ‘‘bhiyyataro abhiññāto’’ti. Dutiyavikappe pana abhijānātīti abhiññā, abhivisiṭṭhā paññā, bhiyyo abhiññā etassāti bhiyyobhiñño, so eva atisayavacanicchāvasena bhiyyobhiññataro, svāyamassa atisayo abhiññāya bhiyyobhāvakatoti āha ‘‘bhiyyatarābhiñño vā’’ti. Sambujjhati etāyāti sambodhi, sabbaññutaññāṇaṃ, aggamaggañāṇañca. Sabbaññutaññāṇapadaṭṭhānañhi aggamaggañāṇaṃ, aggamaggañāṇapadaṭṭhānañca sabbaññutaññāṇaṃ sambodhi nāma. Tattha padhānavasena tadatthadassane paṭhamavikappo, padaṭṭhānavasena dutiyavikappo. Kasmā panettha arahattamaggañāṇasseva gahaṇaṃ, nanu heṭṭhimānipi bhagavato maggañāṇāni savāsanameva yathāsakaṃ paṭipakkhavidhamanavasena pavattāni. Savāsanappahānañhi ñeyyāvaraṇappahānanti? Saccametaṃ, taṃ pana aparipuṇṇaṃ paṭipakkhavidhamanassa vippakatabhāvatoti āha ‘‘arahattamaggañāṇe vā’’ti. Aggamaggavasena cettha ariyānaṃ bodhittayapāripūrīti dassetuṃ ‘‘arahattamaggeneva hī’’tiādi vuttaṃ. Nippadesāti anavasesā. Gahitā hontīti arahattamaggena gahitena adhigatena gahitā adhigatā honti. Sabbanti tehi adhigantabbaṃ. Tenāti sambodhinā sabbaññutaññāṇapadaṭṭhānena arahattamaggañāṇena.

    142. каад̣̇анийяаанам̣ ул̣аарад̇аа саад̇арасаанубхаавзнаад̇и ааха ‘‘мад̇хурз ааг̇ажчад̇ий’’д̇и. басам̣сааяа ул̣аарад̇аа висидтабхаавзнаад̇и ааха ‘‘сздтз’’д̇и, обхаасасса ул̣аарад̇аа маханд̇абхаавзнаад̇и вуд̇д̇ам̣ ‘‘вибулз’’д̇и. усабхасса аяанд̇и аасабхий, ид̇ха бана аасабхий вияаад̇и аасабхий. д̇знааха ‘‘усабхасса ваажаасад̣̇исий’’д̇и. язна бана г̇ун̣знассаа д̇ам̣сад̣̇исад̇аа, д̇ам̣ д̣̇ассзд̇ум̣ ‘‘ажалаа асамбавзд̇хий’’д̇и вуд̇д̇ам̣. яад̇о гуд̇ожи ануссаванам̣ ануссаво. виж̇ж̇аадтаанзсу гад̇абарижаяаанам̣ аажарияаанам̣ д̇ам̣ д̇амад̇т̇ам̣ вин̃н̃аабзнд̇ий бавзн̣ий аажарияабарамбараа. гзвалам̣ ад̇д̇ано мад̇ияаа ‘‘ид̇игира звам̣гираа’’д̇и баригаббанаа ид̇игира. бидагасса г̇ант̇асса самбад̣̇аанад̇о саяам̣ самбад̣̇аанабхаавзна г̇ахан̣ам̣ бидагасамбад̣̇аанам̣. яат̇аасуд̇аанам̣ ад̇т̇аанам̣ аагаарасса баривид̇агганам̣ аагаарабаривид̇агго. д̇ат̇зва ‘‘звамзд̇а’’нд̇и д̣̇идтияаа ниж̇жхаанагкаманам̣ д̣̇идтиниж̇жхаанагканд̇и. ааг̇амаад̇хиг̇амзхи винаа д̇аггамаг̇г̇ам̣ ниссааяа д̇агганам̣ д̇агго. анумаанавид̇хим̣ ниссааяа наяаг̇г̇аахо. яасмаа б̣уд̣̇д̇хависаяз тад̇ваа бхаг̇авад̇о аяам̣ т̇зрасса жод̣̇анаа, т̇зрасса жа со ависаяо, д̇асмаа ‘‘бажжагкад̇о н̃аан̣зна бадивиж̇жхид̇ваа вияаа’’д̇и вуд̇д̇ам̣. сийханаад̣̇о вияаад̇и сийханаад̣̇о, д̇ам̣сад̣̇исад̇аа жасса сздтабхаавзна, со жзд̇т̇а звам̣ взд̣̇ид̇аб̣б̣од̇и д̣̇ассзнд̇о ‘‘сийханаад̣̇о’’д̇иаад̣̇имааха. нзва д̣̇анд̇хааяанд̇знаад̇и на манд̣̇ааяанд̇зна. на бхаг̇г̇арааяанд̇знаад̇и абарисан̇ганд̇зна.

    142. Khādanīyānaṃ uḷāratā sātarasānubhāvenāti āha ‘‘madhure āgacchatī’’ti. Pasaṃsāya uḷāratā visiṭṭhabhāvenāti āha ‘‘seṭṭhe’’ti, obhāsassa uḷāratā mahantabhāvenāti vuttaṃ ‘‘vipule’’ti. Usabhassa ayanti āsabhī, idha pana āsabhī viyāti āsabhī. Tenāha ‘‘usabhassa vācāsadisī’’ti. Yena pana guṇenassā taṃsadisatā, taṃ dassetuṃ ‘‘acalā asampavedhī’’ti vuttaṃ. Yato kutoci anussavanaṃ anussavo. Vijjāṭṭhānesu kataparicayānaṃ ācariyānaṃ taṃ tamatthaṃ viññāpentī paveṇī ācariyaparamparā. Kevalaṃ attano matiyā ‘‘itikira evaṃkirā’’ti parikappanā itikira. Piṭakassa ganthassa sampadānato sayaṃ sampadānabhāvena gahaṇaṃ piṭakasampadānaṃ. Yathāsutānaṃ atthānaṃ ākārassa parivitakkanaṃ ākāraparivitakko. Tatheva ‘‘evameta’’nti diṭṭhiyā nijjhānakkhamanaṃ diṭṭhinijjhānakkhanti. Āgamādhigamehi vinā takkamaggaṃ nissāya takkanaṃ takko. Anumānavidhiṃ nissāya nayaggāho. Yasmā buddhavisaye ṭhatvā bhagavato ayaṃ therassa codanā, therassa ca so avisayo, tasmā ‘‘paccakkhato ñāṇena paṭivijjhitvā viyā’’ti vuttaṃ. Sīhanādo viyāti sīhanādo, taṃsadisatā cassa seṭṭhabhāvena, so cettha evaṃ veditabboti dassento ‘‘sīhanādo’’tiādimāha. Neva dandhāyantenāti na mandāyantena. Na bhaggarāyantenāti aparisaṅkantena.

    ануяог̇ад̣̇аабанад̇т̇анд̇и ануяог̇ам̣ сод̇хаабзд̇ум̣. вимад̣̇д̣̇агкаман̃хи сийханаад̣̇ам̣ над̣̇анд̇о ад̇т̇ад̇о д̇ад̇т̇а ануяог̇ам̣ сод̇хзд̇и наама. ануяун̃ж̇анд̇о жа нам̣ сод̇хаабзд̇и наама. д̣̇аад̇унд̇и сод̇хзд̇ум̣. гзжи ‘‘д̣̇аанад̇т̇а’’нд̇и ад̇т̇ам̣ вад̣̇анд̇и, д̇ад̣̇аяуд̇д̇ам̣. на хи яо сийханаад̣̇ам̣ над̣̇ад̇и, со зва д̇ад̇т̇а ануяог̇ам̣ д̣̇зд̇ийд̇и яуж̇ж̇ад̇и. нигхам̣сананд̇и вимад̣̇д̣̇анам̣. д̇хамамаананд̇и д̇аабаяамаанам̣, д̇аабанан̃жзд̇т̇а г̇аг̇г̇арияаа д̇хамаабанасийсзна вад̣̇ад̇и. саб̣б̣з д̇зд̇и саб̣б̣з д̇з ад̇ийд̇з нируд̣̇д̇хз саммаасамб̣уд̣̇д̇хз, д̇знзд̇ам̣ д̣̇ассзд̇и – яз д̇з ахзсум̣ ад̇ийд̇ам̣ ад̣̇д̇хаанам̣ д̇ава абхинийхаарад̇о орам̣ саммаасамб̣уд̣̇д̇хаа, д̇зсам̣ д̇аава сааваган̃аан̣аг̇ожарз д̇хаммз барижчинд̣̇анд̇о маараад̣̇аяо вияа б̣уд̣̇д̇хаанам̣ логияажид̇д̇ажаарам̣ д̇вам̣ ж̇аанзяяааси. яз бана д̇з аб̣бхад̇ийд̇аа д̇ад̇о барад̇о чиннавадумаа чиннабабан̃жаа барияаад̣̇ин̣н̣аваддаа саб̣б̣ад̣̇угкавийд̇ивад̇д̇аа саммаасамб̣уд̣̇д̇хаа, д̇зсам̣ саб̣б̣зсамби сааваган̃аан̣асса ависаяабхууд̇з д̇хаммз гат̇ам̣ ж̇ааниссасийд̇и.

    Anuyogadāpanatthanti anuyogaṃ sodhāpetuṃ. Vimaddakkhamañhi sīhanādaṃ nadanto atthato tattha anuyogaṃ sodheti nāma. Anuyuñjanto ca naṃ sodhāpeti nāma. Dātunti sodhetuṃ. Keci ‘‘dānattha’’nti atthaṃ vadanti, tadayuttaṃ. Na hi yo sīhanādaṃ nadati, so eva tattha anuyogaṃ detīti yujjati. Nighaṃsananti vimaddanaṃ. Dhamamānanti tāpayamānaṃ, tāpanañcettha gaggariyā dhamāpanasīsena vadati. Sabbe teti sabbe te atīte niruddhe sammāsambuddhe, tenetaṃ dasseti – ye te ahesuṃ atītaṃ addhānaṃ tava abhinīhārato oraṃ sammāsambuddhā, tesaṃ tāva sāvakañāṇagocare dhamme paricchindanto mārādayo viya buddhānaṃ lokiyacittacāraṃ tvaṃ jāneyyāsi. Ye pana te abbhatītā tato parato chinnavaṭumā chinnapapañcā pariyādiṇṇavaṭṭā sabbadukkhavītivattā sammāsambuddhā, tesaṃ sabbesampi sāvakañāṇassa avisayabhūte dhamme kathaṃ jānissasīti.

    анааг̇ад̇аб̣уд̣̇д̇хаанам̣ банаад̇и бана-сад̣̇д̣̇о висзсад̇т̇аж̇од̇ано, д̇зна ад̇ийд̇зсу д̇аава канд̇хаанам̣ бхууд̇абуб̣б̣ад̇д̇аа д̇ад̇т̇а сияаа н̃аан̣асса сависаяз г̇ад̇и, анааг̇ад̇зсу бана саб̣б̣асо асан̃ж̇аад̇зсу гат̇анд̇и имамад̇т̇ам̣ ж̇од̇зд̇и. д̇знааха ‘‘анааг̇ад̇аабий’’д̇иаад̣̇и . ‘‘жид̇д̇зна барижчинд̣̇ид̇ваа вид̣̇ид̇аа’’д̇и гасмаа вуд̇д̇ам̣, нану ад̇ийд̇аанааг̇ад̇з сад̇д̇аахз зва бавад̇д̇ам̣ жид̇д̇ам̣ жзд̇обарияан̃аан̣асса висаяо, на д̇ад̇о баранд̇и? наяид̣̇ам̣ жзд̇обарияан̃аан̣агижжавасзна вуд̇д̇ам̣, ат̇а ко буб̣б̣зниваасаанааг̇ад̇ам̣сан̃аан̣авасзна вуд̇д̇ам̣, д̇асмаа нааяам̣ д̣̇осо.

    Anāgatabuddhānaṃ panāti pana-saddo visesatthajotano, tena atītesu tāva khandhānaṃ bhūtapubbattā tattha siyā ñāṇassa savisaye gati, anāgatesu pana sabbaso asañjātesu kathanti imamatthaṃ joteti. Tenāha ‘‘anāgatāpī’’tiādi . ‘‘Cittena paricchinditvā viditā’’ti kasmā vuttaṃ, nanu atītānāgate sattāhe eva pavattaṃ cittaṃ cetopariyañāṇassa visayo, na tato paranti? Nayidaṃ cetopariyañāṇakiccavasena vuttaṃ, atha kho pubbenivāsaanāgataṃsañāṇavasena vuttaṃ, tasmā nāyaṃ doso.

    вид̣̇ид̇адтаанз на гарод̇и сигкаабад̣̇знзва д̇аад̣̇исасса бадигкзбасса бадигкид̇д̇ад̇д̇аа, сзд̇угхаад̇ад̇о жа. гат̇ам̣ бана т̇зро д̣̇ваяасамбхавз бадигкзбамзва агааси, на вибхаж̇ж̇а б̣яаагаасийд̇и ааха ‘‘т̇зро гираа’’д̇иаад̣̇и. баарам̣ барияанд̇ам̣ минод̇ийд̇и баарамий, саа зва н̃аан̣анд̇и баарамин̃аан̣ам̣, саавагаанам̣ баарамин̃аан̣ам̣ саавагабаарамин̃аан̣ам̣, д̇асмим̣. саавагаанам̣ уггам̣сабарияанд̇аг̇ад̇з ж̇аананз нааяам̣ ануяог̇о, ат̇а ко саб̣б̣ан̃н̃уд̇ан̃н̃аан̣з саб̣б̣ан̃н̃уд̇ааяа ж̇аананз. гзжи бана ‘‘саавагабаарамин̃аан̣зд̇и саавагабаарамин̃аан̣ависаяз’’д̇и ад̇т̇ам̣ вад̣̇анд̇и. д̇ат̇аа сзсабад̣̇зсуби. сийла ..бз… самад̇т̇анд̇и сийласамаад̇хибан̃н̃аавимуд̇д̇исан̇каад̇агааран̣аанам̣ ж̇аананасамад̇т̇ам̣. б̣уд̣̇д̇хасийлаад̣̇аяо хи б̣уд̣̇д̇хаанам̣ б̣уд̣̇д̇хагижжасса, барзхи ‘‘б̣уд̣̇д̇хаа’’д̇и ж̇аананасса жа гааран̣ам̣.

    Viditaṭṭhāne na karoti sikkhāpadeneva tādisassa paṭikkhepassa paṭikkhittattā, setughātato ca. Kathaṃ pana thero dvayasambhave paṭikkhepameva akāsi, na vibhajja byākāsīti āha ‘‘thero kirā’’tiādi. Pāraṃ pariyantaṃ minotīti pāramī, sā eva ñāṇanti pāramiñāṇaṃ, sāvakānaṃ pāramiñāṇaṃ sāvakapāramiñāṇaṃ, tasmiṃ. Sāvakānaṃ ukkaṃsapariyantagate jānane nāyaṃ anuyogo, atha kho sabbaññutaññāṇe sabbaññutāya jānane. Keci pana ‘‘sāvakapāramiñāṇeti sāvakapāramiñāṇavisaye’’ti atthaṃ vadanti. Tathā sesapadesupi. Sīla..pe… samatthanti sīlasamādhipaññāvimuttisaṅkhātakāraṇānaṃ jānanasamatthaṃ. Buddhasīlādayo hi buddhānaṃ buddhakiccassa, parehi ‘‘buddhā’’ti jānanassa ca kāraṇaṃ.

    143. анумаанан̃аан̣ам̣ вияа сам̣саяабидтигам̣ ахуд̇ваа ‘‘ид̣̇амид̣̇а’’нд̇и яат̇аасабхаавад̇о н̃зяяам̣ д̇хаарзд̇и нижчинод̇ийд̇и д̇хаммо, бажжагкан̃аан̣анд̇и ааха ‘‘д̇хаммасса бажжагкад̇о н̃аан̣ассаа’’д̇и. анузд̇ийд̇и анваяод̇и ааха ‘‘ануяог̇ам̣ ануг̇анд̇ваа’’д̇и. бажжагкасид̣̇д̇хан̃хи ад̇т̇ам̣ ануг̇анд̇ваа анумаанан̃аан̣асса бавад̇д̇и д̣̇идтзна ад̣̇идтасса анумаананд̇и взд̣̇ид̇аб̣б̣о. вид̣̇ид̇з взд̣̇агамби н̃аан̣ам̣ ад̇т̇ад̇о вид̣̇ид̇амзва ход̇ийд̇и ‘‘анумаанан̃аан̣ам̣ наяаг̇г̇аахо вид̣̇ид̇о’’д̇и вуд̇д̇ам̣. вид̣̇ид̇од̇и вид̣̇д̇хо бадилад̣̇д̇хо, ад̇хиг̇ад̇од̇и ад̇т̇о. аббамаан̣од̇и абаримаан̣о махаависаяад̇д̇аа. д̇знааха ‘‘абарияанд̇о’’д̇и. д̇знаад̇и абарияанд̇ад̇д̇аа, д̇зна ваа абарияанд̇зна н̃аан̣зна, зд̇знзва т̇зро яам̣ яам̣ анумзяяамад̇т̇ам̣ н̃аад̇угаамо ход̇и, д̇ад̇т̇а д̇ад̇т̇асса асан̇г̇амаббадихадаанумаанан̃аан̣ам̣ бавад̇д̇ад̇ийд̇и д̣̇ассзд̇и. д̇знааха ‘‘со иминаа’’д̇иаад̣̇и. д̇ад̇т̇а иминаад̇и иминаа гааран̣зна. баагаарасса т̇ирабхаавам̣ уд̣̇д̇хамуд̣̇д̇хам̣ аабзд̇ийд̇и уд̣̇д̇хаабам̣, баагаарамуулам̣. аад̣̇и-сад̣̇д̣̇зна баагаарад̣̇ваараб̣анд̇хабарикаад̣̇ийнам̣ сан̇г̇ахо взд̣̇ид̇аб̣б̣о. бажжанд̇з бхавам̣ бажжанд̇имам̣. бан̣д̣ид̇ад̣̇овааригадтаанияам̣ гад̇ваа т̇зро ад̇д̇аанам̣ д̣̇ассзд̇ийд̇и д̣̇ассзнд̇о ‘‘згад̣̇вааранд̇и гасмаа аахаа’’д̇и жод̣̇анам̣ самудтаабзси. яассаа бан̃н̃ааяа васзна бурисо ‘‘бан̣д̣ид̇о’’д̇и вужжад̇и, д̇ам̣ бан̣д̣ижжанд̇и ааха ‘‘бан̣д̣ижжзна саманнааг̇ад̇о’’д̇и. д̇ам̣д̇ам̣ид̇игад̇д̇аб̣б̣ад̇аасу чзгабхааво б̣яад̇д̇абхааво взяяад̇д̇ияам̣. мзд̇хад̇и саммосам̣ хим̣сад̇и вид̇хамад̇ийд̇и мзд̇хаа, саа зд̇асса ад̇т̇ийд̇и мзд̇хаавий. таанз таанз уббад̇д̇и зд̇иссаа ад̇т̇ийд̇и таануббад̇д̇игаа, таанасо уббаж̇ж̇анагабан̃н̃аа. анубарияааяанд̇и зд̇знаад̇и анубарияааяо, со зва бат̇од̇и анубарияааяабат̇о, барид̇о баагаарасса анусам̣яааяанамаг̇г̇о. баагаарабхааг̇аа санд̇хаад̇аб̣б̣аа зд̇т̇аад̇и баагаарасанд̇хи, баагаарасса пуллид̇аббад̣̇зсо. со бана хздтиманд̇зна д̣̇виннамби идтагаанам̣ виг̇амзна звам̣ вужжад̇ийд̇и ааха ‘‘д̣̇виннам̣ идтагаанам̣ абаг̇ад̇адтаана’’нд̇и. чиннадтаананд̇и чиннабхиннаббад̣̇зсо, чиннадтаанам̣ ваа. д̇ан̃хи ‘‘вивара’’нд̇и вужжад̇и.

    143. Anumānañāṇaṃ viya saṃsayapiṭṭhikaṃ ahutvā ‘‘idamida’’nti yathāsabhāvato ñeyyaṃ dhāreti nicchinotīti dhammo, paccakkhañāṇanti āha ‘‘dhammassa paccakkhato ñāṇassā’’ti. Anuetīti anvayoti āha ‘‘anuyogaṃ anugantvā’’ti. Paccakkhasiddhañhi atthaṃ anugantvā anumānañāṇassa pavatti diṭṭhena adiṭṭhassa anumānanti veditabbo. Vidite vedakampi ñāṇaṃ atthato viditameva hotīti ‘‘anumānañāṇaṃ nayaggāho vidito’’ti vuttaṃ. Viditoti viddho paṭiladdho, adhigatoti attho. Appamāṇoti aparimāṇo mahāvisayattā. Tenāha ‘‘apariyanto’’ti. Tenāti apariyantattā, tena vā apariyantena ñāṇena, eteneva thero yaṃ yaṃ anumeyyamatthaṃ ñātukāmo hoti, tattha tatthassa asaṅgamappaṭihaṭaanumānañāṇaṃ pavattatīti dasseti. Tenāha ‘‘so iminā’’tiādi. Tattha imināti iminā kāraṇena. Pākārassa thirabhāvaṃ uddhamuddhaṃ āpetīti uddhāpaṃ, pākāramūlaṃ. Ādi-saddena pākāradvārabandhaparikhādīnaṃ saṅgaho veditabbo. Paccante bhavaṃ paccantimaṃ. Paṇḍitadovārikaṭṭhāniyaṃ katvā thero attānaṃ dassetīti dassento ‘‘ekadvāranti kasmā āhā’’ti codanaṃ samuṭṭhāpesi. Yassā paññāya vasena puriso ‘‘paṇḍito’’ti vuccati, taṃ paṇḍiccanti āha ‘‘paṇḍiccena samannāgato’’ti. Taṃtaṃitikattabbatāsu chekabhāvo byattabhāvo veyyattiyaṃ. Medhati sammosaṃ hiṃsati vidhamatīti medhā, sā etassa atthīti medhāvī. Ṭhāne ṭhāne uppatti etissā atthīti ṭhānuppattikā, ṭhānaso uppajjanakapaññā. Anupariyāyanti etenāti anupariyāyo, so eva pathoti anupariyāyapatho, parito pākārassa anusaṃyāyanamaggo. Pākārabhāgā sandhātabbā etthāti pākārasandhi, pākārassa phullitappadeso. So pana heṭṭhimantena dvinnampi iṭṭhakānaṃ vigamena evaṃ vuccatīti āha ‘‘dvinnaṃ iṭṭhakānaṃ apagataṭṭhāna’’nti. Chinnaṭṭhānanti chinnabhinnappadeso, chinnaṭṭhānaṃ vā. Tañhi ‘‘vivara’’nti vuccati.

    гилидтанд̇и малийнам̣. убад̇аабзнд̇ийд̇и гилзсабарил̣аахзна санд̇аабзнд̇и. виб̣аад̇хзнд̇ийд̇и бийл̣знд̇и. уббаннааяа бан̃н̃ааяа нийваран̣зхи на гин̃жи гаад̇ум̣ саггаад̇и ааха ‘‘ануббаннааяа бан̃н̃ааяа уббаж̇ж̇ид̇ум̣ на д̣̇знд̇ий’’д̇и. д̇асмаад̇и бажжаяуубагхаад̇зна уббаж̇ж̇ид̇ум̣ аббад̣̇аанад̇о. жад̇уусу сад̇ибадтаанзсу судту табид̇ажид̇д̇аад̇и жад̇уб̣б̣ид̇хааяаби сад̇ибадтаанабхааванааяа саммад̣̇зва табид̇ажид̇д̇аа. яат̇аасабхаавзна бхаавзд̇ваад̇и авибарийд̇асабхаавзна яат̇аа бадибагкаа самужчиж̇ж̇анд̇и, звам̣ бхаавзд̇ваа.

    Kiliṭṭhanti malīnaṃ. Upatāpentīti kilesapariḷāhena santāpenti. Vibādhentīti pīḷenti. Uppannāya paññāya nīvaraṇehi na kiñci kātuṃ sakkāti āha ‘‘anuppannāya paññāya uppajjituṃ na dentī’’ti. Tasmāti paccayūpaghātena uppajjituṃ appadānato. Catūsu satipaṭṭhānesu suṭṭhu ṭhapitacittāti catubbidhāyapi satipaṭṭhānabhāvanāya sammadeva ṭhapitacittā. Yathāsabhāvena bhāvetvāti aviparītasabhāvena yathā paṭipakkhā samucchijjanti, evaṃ bhāvetvā.

    буриманаяз сад̇ибадтаанаани, б̣ож̇жхан̇г̇аа жа миссагаа ад̇хиббзд̇аад̇и д̇ад̇о ан̃н̃ат̇аа вад̇д̇ум̣ ‘‘абижзд̇т̇аа’’д̇иаад̣̇и вуд̇д̇ам̣. миссагаад̇и самат̇авибассанаамаг̇г̇авасзна миссагаа. ‘‘жад̇уусу сад̇ибадтаанзсу суббад̇идтид̇ажид̇д̇аа’’д̇иаад̣̇ид̇о вуд̇д̇ад̇д̇аа сад̇ибадтаанз вибассанаад̇и г̇ахзд̇ваа ‘‘сад̇д̇а б̣ож̇жхан̇г̇з яат̇аабхууд̇ам̣ бхаавзд̇ваа’’д̇и вуд̇д̇ад̇д̇аа, маг̇г̇абарияаабаннаанам̣язва жа нзсам̣ ниббарияааяаб̣ож̇жхан̇г̇абхаавад̇о, д̇зсу жа саб̣б̣асо ад̇хиг̇ад̇зсу логанаат̇зна саб̣б̣ан̃н̃уд̇ан̃н̃аан̣амби ад̇хиг̇ад̇амзва ход̇ийд̇и ‘‘б̣ож̇жхан̇г̇з маг̇г̇о, саб̣б̣ан̃н̃уд̇ан̃н̃аан̣ан̃жаад̇и г̇ахид̇з сунд̣̇аро бан̃хо бхавзяяаа’’д̇и махаасивад̇т̇зро ааха, на банзвам̣ г̇ахид̇ам̣ бораан̣зхийд̇и ад̇хиббааяо. ид̇ийд̇и вуд̇д̇аббагаарабараамасанам̣. т̇зрод̇и саарибуд̇д̇ад̇т̇зро.

    Purimanaye satipaṭṭhānāni, bojjhaṅgā ca missakā adhippetāti tato aññathā vattuṃ ‘‘apicetthā’’tiādi vuttaṃ. Missakāti samathavipassanāmaggavasena missakā. ‘‘Catūsu satipaṭṭhānesu suppatiṭṭhitacittā’’tiādito vuttattā satipaṭṭhāne vipassanāti gahetvā ‘‘satta bojjhaṅge yathābhūtaṃ bhāvetvā’’ti vuttattā, maggapariyāpannānaṃyeva ca nesaṃ nippariyāyabojjhaṅgabhāvato, tesu ca sabbaso adhigatesu lokanāthena sabbaññutaññāṇampi adhigatameva hotīti ‘‘bojjhaṅge maggo, sabbaññutaññāṇañcāti gahite sundaro pañho bhaveyyā’’ti mahāsivatthero āha, na panevaṃ gahitaṃ porāṇehīti adhippāyo. Itīti vuttappakāraparāmasanaṃ. Theroti sāriputtatthero.

    д̇ад̇т̇аад̇и д̇зсу бажжанд̇анаг̇араад̣̇ийсу. наг̇арам̣ вияа ниб̣б̣аанам̣ д̇ад̣̇ад̇т̇игзхи убаг̇анд̇аб̣б̣ад̇о, убаг̇ад̇аанан̃жа бариссаяарахид̇асукаад̇хиг̇аманадтаанад̇о. баагааро вияа сийлам̣ д̇ад̣̇убаг̇ад̇аанам̣ барид̇о аарагкабхаавад̇о. барияааяабат̇о вияа хирий сийлабаагаарасса ад̇хидтаанабхаавад̇о. вуд̇д̇ан̃хзд̇ам̣ ‘‘барияааяабат̇од̇и ко бхигку хирияаа зд̇ам̣ ад̇хиважана’’нд̇и. д̣̇ваарам̣ вияа арияамаг̇г̇о ниб̣б̣аананаг̇араббавзсанаан̃ж̇асабхаавад̇о. бан̣д̣ид̇ад̣̇оваариго вияа д̇хаммасзнаабад̇и ниб̣б̣аананаг̇арабавидтабависанагаанам̣ сад̇д̇аанам̣ саллагкан̣ад̇о. д̣̇иннод̇и д̣̇аабид̇о, сод̇хид̇од̇и ад̇т̇о.

    Tatthāti tesu paccantanagarādīsu. Nagaraṃ viya nibbānaṃ tadatthikehi upagantabbato, upagatānañca parissayarahitasukhādhigamanaṭṭhānato. Pākāro viya sīlaṃ tadupagatānaṃ parito ārakkhabhāvato. Pariyāyapatho viya hirī sīlapākārassa adhiṭṭhānabhāvato. Vuttañhetaṃ ‘‘pariyāyapathoti kho bhikkhu hiriyā etaṃ adhivacana’’nti. Dvāraṃ viya ariyamaggo nibbānanagarappavesanaañjasabhāvato. Paṇḍitadovāriko viya dhammasenāpati nibbānanagarapaviṭṭhapavisanakānaṃ sattānaṃ sallakkhaṇato. Dinnoti dāpito, sodhitoti attho.

    144. нибпад̇д̇ид̣̇ассанад̇т̇анд̇и сид̣̇д̇хид̣̇ассанад̇т̇ам̣, ад̇хиг̇амад̣̇ассанад̇т̇анд̇и ад̇т̇о. ‘‘бан̃жанавуд̇ибаасан̣д̣з’’д̇и ид̣̇ам̣ яасмаа т̇зро бариб̣б̣ааж̇аго худ̇ваа д̇ад̇о буб̣б̣зва ниб̣б̣аанабариязсанам̣ жарамаано д̇з д̇з баасан̣д̣ино убасан̇гамид̇ваа ниб̣б̣аанам̣ бужчи, д̇з наасса жид̇д̇ам̣ аараад̇хзсум̣, д̇ам̣ санд̇хааяа вуд̇д̇ам̣. д̇з бана баасан̣д̣аа хздтаа вуд̇д̇аа зва. д̇ад̇т̇зваад̇и д̇ассаязва бхааг̇инзяяасса д̣̇зсияамаанааяа д̣̇зсанааяа. барасса вад̣дхид̇ам̣ бхад̇д̇ам̣ бхун̃ж̇анд̇о вияа саавагабаарамин̃аан̣ам̣ хад̇т̇аг̇ад̇ам̣ агааси ад̇хиг̇ажчи. уд̇д̇аруд̇д̇аранд̇и хздтимасса хздтимасса уд̇д̇аран̣ад̇о ад̇иггаманад̇о уд̇д̇аруд̇д̇арам̣, д̇ад̇о зва бад̇хаанабхаавам̣ баабид̇ад̇ааяа бан̣ийд̇абан̣ийд̇ам̣. уд̇д̇аруд̇д̇аранд̇и ваа убаруубари. бан̣ийд̇абан̣ийд̇анд̇и бан̣ийд̇ад̇арам̣, бан̣ийд̇ад̇аман̃жаад̇и ад̇т̇о. ган̣ханд̇и гаал̣агам̣ сам̣гилзсад̇хаммам̣. сугганд̇и од̣̇аад̇ам̣ вод̣̇аанад̇хаммам̣. савибагкам̣ гад̇ваад̇и бахаад̇аб̣б̣абахааяагабхаавад̣̇ассанавасзна яат̇ааггамам̣ убхаяам̣ савибагкам̣ гад̇ваа. ‘‘аяам̣ ган̣хад̇хаммо, имасса аяам̣ бахааяаго’’д̇и звам̣ ган̣хам̣ бадиб̣аахид̇ваа д̣̇зсанаавасзна нийхарид̇ваа суггам̣, ‘‘аяам̣ суггад̇хаммо, иминаа аяам̣ бахаад̇аб̣б̣о’’д̇и звам̣ суггам̣ бадиб̣аахид̇ваа ган̣хам̣. сауссааханд̇и палуббаад̣̇анасамад̇т̇ад̇аавасзна саб̣яаабаарам̣. д̇знааха ‘‘савибаага’’нд̇и. вибаагад̇хамманд̇и ад̇т̇о.

    144.Nipphattidassanatthanti siddhidassanatthaṃ, adhigamadassanatthanti attho. ‘‘Pañcanavutipāsaṇḍe’’ti idaṃ yasmā thero paribbājako hutvā tato pubbeva nibbānapariyesanaṃ caramāno te te pāsaṇḍino upasaṅkamitvā nibbānaṃ pucchi, te nāssa cittaṃ ārādhesuṃ, taṃ sandhāya vuttaṃ. Te pana pāsaṇḍā heṭṭhā vuttā eva. Tatthevāti tassayeva bhāgineyyassa desiyamānāya desanāya. Parassa vaḍḍhitaṃ bhattaṃ bhuñjanto viya sāvakapāramiñāṇaṃ hatthagataṃ akāsi adhigacchi. Uttaruttaranti heṭṭhimassa heṭṭhimassa uttaraṇato atikkamanato uttaruttaraṃ, tato eva padhānabhāvaṃ pāpitatāya paṇītapaṇītaṃ. Uttaruttaranti vā uparūpari. Paṇītapaṇītanti paṇītataraṃ, paṇītatamañcāti attho. Kaṇhanti kāḷakaṃ saṃkilesadhammaṃ. Sukkanti odātaṃ vodānadhammaṃ. Savipakkhaṃ katvāti pahātabbapahāyakabhāvadassanavasena yathākkamaṃ ubhayaṃ savipakkhaṃ katvā. ‘‘Ayaṃ kaṇhadhammo, imassa ayaṃ pahāyako’’ti evaṃ kaṇhaṃ paṭibāhitvā desanāvasena nīharitvā sukkaṃ, ‘‘ayaṃ sukkadhammo, iminā ayaṃ pahātabbo’’ti evaṃ sukkaṃ paṭibāhitvā kaṇhaṃ.Saussāhanti phaluppādanasamatthatāvasena sabyāpāraṃ. Tenāha ‘‘savipāka’’nti. Vipākadhammanti attho.

    д̇асмим̣ д̣̇зсид̇з д̇хаммзд̇и д̇асмим̣ вуд̇д̇анаязна бхаг̇аваа д̇умхзхи д̣̇зсид̇з д̇хаммз згажжам̣ д̇хаммам̣ наама саавагабаарамин̃аан̣ам̣ ж̇аанид̇ваа бадивиж̇жхид̇ваа. д̇ам̣ж̇аананз хи вуд̇д̇з жад̇усажжад̇хаммаж̇аананам̣ авуд̇д̇асид̣̇д̇ханд̇и. ‘‘жад̇усажжад̇хаммзсуу’’д̇и ид̣̇ам̣ бораан̣адтагат̇ааяам̣ вуд̇д̇аагаарад̣̇ассанам̣. вибагко бана барад̇о ааг̇амиссад̇и. зд̇т̇аад̇и ‘‘д̇хаммзсу нидтам̣ аг̇ама’’нд̇и зд̇асмим̣ бад̣̇з. т̇зрасаллаабод̇и т̇зраанам̣ саллаабасад̣̇исо винижчаяаваад̣̇о . гаал̣аваллаваасийд̇и гаал̣аваллавихаараваасий. ид̣̇аанийд̇и зд̇арахи ‘‘ид̣̇аахам̣ бханд̇з’’д̇иаад̣̇иважанагаалз. имасмим̣ бана таанзд̇и ‘‘д̇хаммзсу нидтам̣ аг̇ама’’нд̇и имасмим̣ бад̣̇зсз, имасмим̣ ваа нидтаанагааран̣абхууд̇з яонисо баривид̇агганз. ‘‘имасмим̣ бана таанз б̣уд̣̇д̇хаг̇ун̣зсу нидтан̇г̇ад̇о’’д̇и гасмаа вуд̇д̇ам̣, нану саавагабаарамин̃аан̣асамад̇хиг̇ад̇агаалз зва т̇зро б̣уд̣̇д̇хаг̇ун̣зсу нидтан̇г̇ад̇од̇и? сажжамзд̇ам̣, ид̣̇аани бана д̇ам̣ баагадам̣ ж̇аад̇анд̇и звам̣ вуд̇д̇ам̣. саб̣б̣анд̇и ‘‘жад̇усажжад̇хаммзсуу’’д̇иаад̣̇и сумад̇т̇зрзна вуд̇д̇ам̣ саб̣б̣ам̣. арахад̇д̇з нидтан̇г̇ад̇од̇и зд̇т̇ааби вуд̇д̇анаязнзва ануяог̇абарихаараа взд̣̇ид̇аб̣б̣аа. яад̣̇иби д̇хаммасзнаабад̇и ‘‘саавагабаарамин̃аан̣ам̣ маяаа самад̇хиг̇ад̇а’’нд̇и ид̇о буб̣б̣зби ж̇аанаад̇иязва, ид̣̇аани бана асан̇кязяяаабаримзяяабхзд̣̇з б̣уд̣̇д̇хаг̇ун̣з наяаг̇г̇аахавасзна бариг̇г̇ахзд̇ваа гижжасид̣̇д̇хияаа д̇асмим̣ н̃аан̣з нидтан̇г̇ад̇о ахосийд̇и д̣̇ассзнд̇о ‘‘махаасивад̇т̇зро…бз… д̇хаммзсууд̇и саавагабаарамин̃аан̣з нидтан̇г̇ад̇о’’д̇и авожа.

    Tasmiṃdesite dhammeti tasmiṃ vuttanayena bhagavā tumhehi desite dhamme ekaccaṃ dhammaṃ nāma sāvakapāramiñāṇaṃ jānitvā paṭivijjhitvā. Taṃjānane hi vutte catusaccadhammajānanaṃ avuttasiddhanti. ‘‘Catusaccadhammesū’’ti idaṃ porāṇaṭṭhakathāyaṃ vuttākāradassanaṃ. Vipakkho pana parato āgamissati. Etthāti ‘‘dhammesu niṭṭhaṃ agama’’nti etasmiṃ pade. Therasallāpoti therānaṃ sallāpasadiso vinicchayavādo . Kāḷavallavāsīti kāḷavallavihāravāsī. Idānīti etarahi ‘‘idāhaṃ bhante’’tiādivacanakāle. Imasmiṃ pana ṭhāneti ‘‘dhammesu niṭṭhaṃ agama’’nti imasmiṃ padese, imasmiṃ vā niṭṭhānakāraṇabhūte yoniso parivitakkane. ‘‘Imasmiṃ pana ṭhāne buddhaguṇesu niṭṭhaṅgato’’ti kasmā vuttaṃ, nanu sāvakapāramiñāṇasamadhigatakāle eva thero buddhaguṇesu niṭṭhaṅgatoti? Saccametaṃ, idāni pana taṃ pākaṭaṃ jātanti evaṃ vuttaṃ. Sabbanti ‘‘catusaccadhammesū’’tiādi sumattherena vuttaṃ sabbaṃ. Arahatte niṭṭhaṅgatoti etthāpi vuttanayeneva anuyogaparihārā veditabbā. Yadipi dhammasenāpati ‘‘sāvakapāramiñāṇaṃ mayā samadhigata’’nti ito pubbepi jānātiyeva, idāni pana asaṅkhyeyyāparimeyyabhede buddhaguṇe nayaggāhavasena pariggahetvā kiccasiddhiyā tasmiṃ ñāṇe niṭṭhaṅgato ahosīti dassento ‘‘mahāsivatthero…pe… dhammesūti sāvakapāramiñāṇe niṭṭhaṅgato’’ti avoca.

    б̣уд̣̇д̇хаг̇ун̣аа бана наяад̇о ааг̇ад̇аа, д̇з наяаг̇г̇аахад̇о яаат̇аавад̇о ж̇аананд̇о саавагабаарамин̃аан̣з д̇ат̇ааж̇аананавасзна нидтан̇г̇ад̇ад̇д̇аа саавагабаарамин̃аан̣амзва д̇асса абараабаруббад̇д̇ивасзна, д̇зна д̇зна бхаавзд̇аб̣б̣агижжаб̣ахуд̇аавасзна жа ‘‘д̇хаммзсуу’’д̇и бут̇уважанзна вуд̇д̇ам̣. ананд̇аабаримзяяаанам̣ анан̃н̃ависаяаанам̣ б̣уд̣̇д̇хаг̇ун̣аанам̣ наяад̇о бариг̇г̇ан̣ханзна т̇зрасса саад̇исаяо бхаг̇авад̇и басаад̣̇о уббаж̇ж̇ад̇ийд̇и ааха ‘‘бхияяосомад̇д̇ааяаа’’д̇иаад̣̇и. ‘‘судту агкаад̇о’’д̇и вад̇ваа д̇ам̣ звасса судту агкаад̇ад̇ам̣ д̣̇ассзд̇ум̣ ‘‘нияяааниго маг̇г̇о’’д̇и вуд̇д̇ам̣. сваагкаад̇ад̇аа хи д̇хаммасса яад̣̇ад̇т̇ам̣ д̣̇зсид̇о, д̇ад̣̇ад̇т̇асаад̇ханзна взд̣̇ид̇аб̣б̣аа. палад̇т̇ааяа нияяаад̇ийд̇и ананд̇аравибаагад̇д̇аа, ад̇д̇ано уббад̇д̇исамананд̇арамзва паланибпаад̣̇анавасзна бавад̇д̇ад̇ийд̇и ад̇т̇о. ваддажаарагад̇о нияяаад̇ийд̇и ваа нияяааниго, нияяаанасийлод̇и ваа. рааг̇ад̣̇осамоханиммад̣̇анасамад̇т̇од̇и ид̇хааби ‘‘басанносми бхаг̇авад̇ийд̇и д̣̇ассзд̇ий’’д̇и аанзд̇ваа самб̣анд̇хо. ван̇гаад̣̇ийд̇и аад̣̇и-сад̣̇д̣̇зна ж̇имхагудилз, ан̃н̃з жа бадибад̇д̇ид̣̇осз сан̇г̇ан̣хаад̇и. бхаг̇аваа д̇умхаагам̣ б̣уд̣̇д̇хасуб̣уд̣̇д̇хад̇аа вияа д̇хаммасуд̇хаммад̇аа, сан̇гхасуббадибад̇д̇и жа д̇хаммзсу нидтан̇г̇аманзна саавагабаарамин̃аан̣з нидтан̇г̇ад̇ад̇д̇аа маяхам̣ судту вибхууд̇аа субаагадаа ж̇аад̇аад̇и д̣̇ассзнд̇о т̇зро ‘‘сваагкаад̇о бхаг̇авад̇аа д̇хаммо, суббадибанно сан̇гход̇и басийд̣̇и’’нд̇и авожа.

    Buddhaguṇā pana nayato āgatā, te nayaggāhato yāthāvato jānanto sāvakapāramiñāṇe tathājānanavasena niṭṭhaṅgatattā sāvakapāramiñāṇameva tassa aparāparuppattivasena, tena tena bhāvetabbakiccabahutāvasena ca ‘‘dhammesū’’ti puthuvacanena vuttaṃ. Anantāparimeyyānaṃ anaññavisayānaṃ buddhaguṇānaṃ nayato pariggaṇhanena therassa sātisayo bhagavati pasādo uppajjatīti āha ‘‘bhiyyosomattāyā’’tiādi. ‘‘Suṭṭhu akkhāto’’ti vatvā taṃ evassa suṭṭhu akkhātataṃ dassetuṃ ‘‘niyyāniko maggo’’ti vuttaṃ. Svākkhātatā hi dhammassa yadatthaṃ desito, tadatthasādhanena veditabbā. Phalatthāya niyyātīti anantaravipākattā, attano uppattisamanantarameva phalanipphādanavasena pavattatīti attho. Vaṭṭacārakato niyyātīti vā niyyāniko, niyyānasīloti vā. Rāgadosamohanimmadanasamatthoti idhāpi ‘‘pasannosmi bhagavatīti dassetī’’ti ānetvā sambandho. Vaṅkādīti ādi-saddena jimhakuṭile, aññe ca paṭipattidose saṅgaṇhāti. Bhagavā tumhākaṃ buddhasubuddhatā viya dhammasudhammatā, saṅghasuppaṭipatti ca dhammesu niṭṭhaṅgamanena sāvakapāramiñāṇe niṭṭhaṅgatattā mayhaṃ suṭṭhu vibhūtā supākaṭā jātāti dassento thero ‘‘svākkhāto bhagavatā dhammo, suppaṭipanno saṅghoti pasīdi’’nti avoca.

    гусалад̇хаммад̣̇зсанааван̣н̣анаа

    Kusaladhammadesanāvaṇṇanā

    145. ануд̇д̇арабхаавод̇и сздтабхааво. ануд̇д̇аро бхаг̇аваа язна г̇ун̣зна, со ануд̇д̇арабхааво, д̇ам̣ ануд̇д̇арияам̣. яасмаа д̇ассааби г̇ун̣асса гин̃жи уд̇д̇арид̇арам̣ над̇т̇и зва, д̇асмаа вуд̇д̇ам̣ ‘‘саа д̇умхаагам̣ д̣̇зсанаа ануд̇д̇араад̇и вад̣̇ад̇ий’’д̇и. гусалзсу д̇хаммзсууд̇и гусалад̇хамманимид̇д̇ам̣. нимид̇д̇ад̇т̇з хи зд̇ам̣ бхуммам̣, д̇асмаа гусалад̇хаммад̣̇зсанаахзд̇уби бхаг̇аваава ануд̇д̇арод̇и ад̇т̇о. бхуумим̣ д̣̇ассзнд̇од̇и висаяам̣ д̣̇ассзнд̇о. гусалад̇хаммад̣̇зсанааяа хи гусалаа д̇хаммаа висаяо. вуд̇д̇абад̣̇зд̇и ‘‘гусалзсу д̇хаммзсуу’’д̇и звам̣ вуд̇д̇аваагяз, звам̣ ваа вуд̇д̇ад̇хаммагодтаасз. ‘‘бан̃жад̇хаа’’д̇и гасмаа вуд̇д̇ам̣, нану чзгадтзнаби гусалам̣ ижчид̇аб̣б̣ам̣ ‘‘гусало д̇вам̣ рат̇асса ан̇г̇абажжан̇г̇аана’’нд̇иаад̣̇ийсууд̇и (ма. ни. 2.87)? сажжамзд̇ам̣, со бана чзгадто госалласамбхууд̇адтзнзва сан̇г̇ахид̇од̇и висум̣ на г̇ахид̇о. ‘‘гажжи ну бход̇о гусалам̣, гажжи бход̇о анаамаяа’’нд̇и (ж̇аа. 1.15.146; 2.22.2008) ж̇аад̇агз ааг̇ад̇ад̇д̇аа ‘‘ж̇аад̇агабарияааяам̣ бад̇ваа аарог̇яадтзна гусалам̣ ваддад̇ий’’д̇и вуд̇д̇ам̣. ‘‘д̇ам̣ гим̣ ман̃н̃ат̇а, г̇ахабад̇аяо, имз д̇хаммаа гусалаа ваа агусалаа ваа сааваж̇ж̇аа ваа анаваж̇ж̇аа ваа’’д̇иаад̣̇ийсу суд̇д̇абад̣̇зсзсу ‘‘гусалаа’’д̇и вуд̇д̇ад̇хаммаа зва ‘‘анаваж̇ж̇аа’’д̇и вуд̇д̇аад̇и ааха ‘‘суд̇д̇анд̇абарияааяам̣ бад̇ваа анаваж̇ж̇адтзна гусалам̣ ваддад̇ий’’д̇и. абхид̇хаммз ‘‘госалла’’нд̇и бан̃н̃аа ааг̇ад̇аад̇и яонисоманасигаарахзд̇угасса гусаласса госалласаммууд̇адто, д̣̇арат̇аабхаавад̣̇ийбанад̇о нид̣̇д̣̇арат̇адто, ‘‘гусаласса гад̇ад̇д̇аа убажид̇ад̇д̇аа’’д̇и вад̇ваа идтавибааганид̣̇д̣̇исанад̇о сукавибаагадто жа абхид̇хамманаяасид̣̇д̇ход̇и ааха ‘‘абхид̇хамма…бз… вибаагадтзнаа’’д̇и. б̣аахид̇игасуд̇д̇з (ма. ни. 2.358) бхаг̇авад̇о гааяасамаажаараад̣̇игз ван̣н̣знд̇зна д̇хаммабхан̣д̣ааг̇ааригзна ‘‘яо ко махаарааж̇а гааяасамаажааро анаваж̇ж̇о’’д̇и гусало гааяасамаажааро ран̃н̃о басзнад̣̇исса вуд̇д̇о. на хи бхаг̇авад̇о сукавибаагагаммам̣ ад̇т̇ийд̇и саб̣б̣асааваж̇ж̇арахид̇аа гааяасамаажаараад̣̇аяо ‘‘гусалаа’’д̇и вуд̇д̇аа, ид̇ха бана ‘‘гусалзсу д̇хаммзсуу’’д̇и б̣од̇хибагкияад̇хаммаа ‘‘гусалаа’’д̇и вуд̇д̇аа, д̇з жа самат̇авибассанаа маг̇г̇асамбаяуд̇д̇аа зганд̇зна сукавибаагаа зваад̇и аваж̇ж̇арахид̇ад̇аамад̇д̇ам̣ убаад̣̇ааяа анаваж̇ж̇ад̇т̇о гусала-сад̣̇д̣̇од̇и ааха ‘‘имасмим̣ бана…бз… д̣̇адтаб̣б̣а’’нд̇и. зван̃жа гад̇ваа ‘‘паласад̇ибадтаанам̣ бана ид̇ха анад̇хиббзд̇а’’нд̇и ид̣̇ан̃жа важанам̣ самад̇т̇ид̇ам̣ ход̇и савибаагассзва г̇ахан̣анд̇и гад̇ваа.

    145.Anuttarabhāvoti seṭṭhabhāvo. Anuttaro bhagavā yena guṇena, so anuttarabhāvo, taṃ anuttariyaṃ. Yasmā tassāpi guṇassa kiñci uttaritaraṃ natthi eva, tasmā vuttaṃ ‘‘sā tumhākaṃ desanā anuttarāti vadatī’’ti. Kusalesu dhammesūti kusaladhammanimittaṃ. Nimittatthe hi etaṃ bhummaṃ, tasmā kusaladhammadesanāhetupi bhagavāva anuttaroti attho. Bhūmiṃ dassentoti visayaṃ dassento. Kusaladhammadesanāya hi kusalā dhammā visayo. Vuttapadeti ‘‘kusalesu dhammesū’’ti evaṃ vuttavākye, evaṃ vā vuttadhammakoṭṭhāse. ‘‘Pañcadhā’’ti kasmā vuttaṃ, nanu chekaṭṭhenapi kusalaṃ icchitabbaṃ ‘‘kusalo tvaṃ rathassa aṅgapaccaṅgāna’’ntiādīsūti (ma. ni. 2.87)? Saccametaṃ, so pana chekaṭṭho kosallasambhūtaṭṭheneva saṅgahitoti visuṃ na gahito. ‘‘Kacci nu bhoto kusalaṃ, kacci bhoto anāmaya’’nti (jā. 1.15.146; 2.22.2008) jātake āgatattā ‘‘jātakapariyāyaṃ patvā ārogyaṭṭhena kusalaṃ vaṭṭatī’’ti vuttaṃ. ‘‘Taṃ kiṃ maññatha, gahapatayo, ime dhammā kusalā vā akusalā vā sāvajjā vā anavajjā vā’’tiādīsu suttapadesesu ‘‘kusalā’’ti vuttadhammā eva ‘‘anavajjā’’ti vuttāti āha ‘‘suttantapariyāyaṃ patvā anavajjaṭṭhena kusalaṃ vaṭṭatī’’ti. Abhidhamme ‘‘kosalla’’nti paññā āgatāti yonisomanasikārahetukassa kusalassa kosallasammūtaṭṭho, darathābhāvadīpanato niddarathaṭṭho, ‘‘kusalassa katattā upacitattā’’ti vatvā iṭṭhavipākaniddisanato sukhavipākaṭṭho ca abhidhammanayasiddhoti āha ‘‘abhidhamma…pe… vipākaṭṭhenā’’ti. Bāhitikasutte (ma. ni. 2.358) bhagavato kāyasamācārādike vaṇṇentena dhammabhaṇḍāgārikena ‘‘yo kho mahārāja kāyasamācāro anavajjo’’ti kusalo kāyasamācāro rañño pasenadissa vutto. Na hi bhagavato sukhavipākakammaṃ atthīti sabbasāvajjarahitā kāyasamācārādayo ‘‘kusalā’’ti vuttā, idha pana ‘‘kusalesu dhammesū’’ti bodhipakkhiyadhammā ‘‘kusalā’’ti vuttā, te ca samathavipassanā maggasampayuttā ekantena sukhavipākā evāti avajjarahitatāmattaṃ upādāya anavajjattho kusala-saddoti āha ‘‘imasmiṃ pana…pe… daṭṭhabba’’nti. Evañca katvā ‘‘phalasatipaṭṭhānaṃ pana idha anadhippeta’’nti idañca vacanaṃ samatthitaṃ hoti savipākasseva gahaṇanti katvā.

    ‘‘жуд̣̇д̣̇асавид̇хзнаа’’д̇иаад̣̇и сад̇ибадтаанз (д̣̇ий. ни. 2.376; ма. ни. 1.109) вуд̇д̇анаязна взд̣̇ид̇аб̣б̣ам̣. баг̇г̇ахадтзнаад̇и гусалабагкасса баг̇г̇ан̣ханасабхаавзна. гижжавасзнаад̇и ануббаннаагусалаануббаад̣̇анаад̣̇игижжавасзна. д̇ад̇о зва жасса жад̇уб̣б̣ид̇хад̇аа. иж̇жханадтзнаад̇и ниббаж̇ж̇анасабхаавзна. чанд̣̇аад̣̇аяо зва ид̣̇д̇хибаад̣̇зсу висидтасабхааваа, ид̇арз ависидтаа, д̇зсамби висзсо чанд̣̇аад̣̇игад̇од̇и ааха ‘‘чанд̣̇аад̣̇ивасзна наанаасабхааваа’’д̇и.

    ‘‘Cuddasavidhenā’’tiādi satipaṭṭhāne (dī. ni. 2.376; ma. ni. 1.109) vuttanayena veditabbaṃ. Paggahaṭṭhenāti kusalapakkhassa paggaṇhanasabhāvena. Kiccavasenāti anuppannākusalānuppādanādikiccavasena. Tato eva cassa catubbidhatā. Ijjhanaṭṭhenāti nippajjanasabhāvena. Chandādayo eva iddhipādesu visiṭṭhasabhāvā, itare avisiṭṭhā, tesampi viseso chandādikatoti āha ‘‘chandādivasena nānāsabhāvā’’ti.

    ад̇химогкаад̣̇исабхаававасзнаад̇и басаад̣̇аад̇химогкаад̣̇исалагкан̣авасзна. убад̇т̇амбханадтзнаад̇и самбаяуд̇д̇ад̇хаммаанам̣ убад̇т̇амбханагабхаавзна. агамбияадтзнаад̇и бадибагкзхи агамбияасабхаавзна. салагкан̣знаад̇и ад̇химогкаад̣̇исабхаавзна. нияяаанадтзнаад̇и сам̣гилзсабагкад̇о, ваддажаарагад̇о жа ниг̇г̇аманадтзна. убадтаанаад̣̇инаад̇и убадтаанад̇хаммавижаяабаг̇г̇ахасамбияааяанабассамбханасамаад̇хаанааж̇жхубзгканасан̇каад̇зна ад̇д̇ано сабхаавзна. хзд̇удтзнаад̇и ниб̣б̣аанасса самбаабагахзд̇убхаавзна. д̣̇ассанаад̣̇инаад̇и д̣̇ассанаабхиниробанабариг̇г̇ахасамудтаабанавод̣̇аабанабаг̇г̇ахубадтаанасамаад̇хаанасан̇каад̇зна ад̇д̇ано сабхаавзна.

    Adhimokkhādisabhāvavasenāti pasādādhimokkhādisalakkhaṇavasena. Upatthambhanaṭṭhenāti sampayuttadhammānaṃ upatthambhanakabhāvena. Akampiyaṭṭhenāti paṭipakkhehi akampiyasabhāvena. Salakkhaṇenāti adhimokkhādisabhāvena. Niyyānaṭṭhenāti saṃkilesapakkhato, vaṭṭacārakato ca niggamanaṭṭhena. Upaṭṭhānādināti upaṭṭhānadhammavicayapaggahasampiyāyanapassambhanasamādhānaajjhupekkhanasaṅkhātena attano sabhāvena. Hetuṭṭhenāti nibbānassa sampāpakahetubhāvena. Dassanādināti dassanābhiniropanapariggahasamuṭṭhāpanavodāpanapaggahupaṭṭhānasamādhānasaṅkhātena attano sabhāvena.

    саасанасса барияосаанад̣̇ассанад̇т̇анд̇и саасанам̣ наама ниббарияааяад̇о сад̇д̇ад̇им̣са б̣од̇хибагкияад̇хаммаа. д̇ад̇т̇а яз самат̇авибассанаасахаг̇ад̇аа, д̇з саасанасса аад̣̇и, маг̇г̇абарияаабаннаа маж̇жхз, палабхууд̇аа барияосаанам̣, д̇ам̣д̣̇ассанад̇т̇ам̣. д̇знааха ‘‘саасанасса хий’’д̇иаад̣̇и.

    Sāsanassapariyosānadassanatthanti sāsanaṃ nāma nippariyāyato sattatiṃsa bodhipakkhiyadhammā. Tattha ye samathavipassanāsahagatā, te sāsanassa ādi, maggapariyāpannā majjhe, phalabhūtā pariyosānaṃ, taṃdassanatthaṃ. Tenāha ‘‘sāsanassa hī’’tiādi.

    буна зд̇ад̣̇аануд̇д̇арияам̣ бханд̇зд̇и яат̇аарад̣̇д̇хааяа д̣̇зсанааяа ниг̇аманам̣. вуд̇д̇ассзва ад̇т̇асса буна важанан̃хи ниг̇аманам̣ вуд̇д̇ам̣. д̇ам̣ д̣̇зсананд̇и д̇ам̣ гусалзсу д̇хаммзсу д̣̇зсанааббагаарам̣, д̣̇зсанаавид̇хим̣, д̣̇зсзд̇аб̣б̣ан̃жа, сагалам̣ ваа самбун̣н̣ам̣ анавасзсам̣ абхиж̇аанаад̇и абхивисидтзна н̃аан̣зна ж̇аанаад̇и, асзсам̣ абхиж̇аананад̇о зва уд̇д̇ари убари абхин̃н̃зяяам̣ над̇т̇и. ид̇од̇и бхаг̇авад̇аа абхин̃н̃аад̇ад̇о. ан̃н̃о барамад̇т̇авасзна д̇хаммо ваа бан̃н̃ад̇д̇ивасзна буг̇г̇ало ваа аяам̣ наама яам̣ бхаг̇аваа на ж̇аанаад̇ийд̇и ид̣̇ам̣ над̇т̇и на убалаб̣бхад̇и саб̣б̣ассзва саммад̣̇зва д̇умхзхи абхин̃н̃аад̇ад̇д̇аа. гусалзсу д̇хаммзсу абхиж̇аананз, д̣̇зсанааяан̃жа бхаг̇авад̇о уд̇д̇арид̇аро над̇т̇и.

    Puna etadānuttariyaṃ bhanteti yathāraddhāya desanāya nigamanaṃ. Vuttasseva atthassa puna vacanañhi nigamanaṃ vuttaṃ. Taṃ desananti taṃ kusalesu dhammesu desanāppakāraṃ, desanāvidhiṃ, desetabbañca, sakalaṃ vā sampuṇṇaṃ anavasesaṃ abhijānāti abhivisiṭṭhena ñāṇena jānāti, asesaṃ abhijānanato eva uttari upari abhiññeyyaṃ natthi. Itoti bhagavatā abhiññātato. Añño paramatthavasena dhammo vā paññattivasena puggalo vā ayaṃ nāma yaṃ bhagavā na jānātīti idaṃ natthi na upalabbhati sabbasseva sammadeva tumhehi abhiññātattā. Kusalesu dhammesu abhijānane, desanāyañca bhagavato uttaritaro natthi.

    ааяад̇анабан̣н̣ад̇д̇ид̣̇зсанааван̣н̣анаа

    Āyatanapaṇṇattidesanāvaṇṇanā

    146. ааяад̇анабан̃н̃аабанаасууд̇и жагкаад̣̇ийнам̣, руубаад̣̇ийнан̃жа ааяад̇анаанам̣ самб̣од̇ханзсу, д̇зсам̣ аж̇жхад̇д̇игаб̣аахиравибхааг̇ад̇о, сабхааг̇авибхааг̇ад̇о, самуд̣̇аяад̇о, ад̇т̇ан̇г̇амад̇о, аахаарад̇о, аад̣̇ийнавад̇о, ниссаран̣ад̇о жа д̣̇зсанааяанд̇и ад̇т̇о.

    146.Āyatanapaññāpanāsūti cakkhādīnaṃ, rūpādīnañca āyatanānaṃ sambodhanesu, tesaṃ ajjhattikabāhiravibhāgato, sabhāgavibhāgato, samudayato, atthaṅgamato, āhārato, ādīnavato, nissaraṇato ca desanāyanti attho.

    г̇аб̣бхаавагганд̇ид̣̇зсанааван̣н̣анаа

    Gabbhāvakkantidesanāvaṇṇanā

    147. г̇аб̣бхоггаманзсууд̇и г̇аб̣бхабхаавзна маад̇угужчияам̣ аваггаманзсу ануббавзсзсу, г̇аб̣бхз ваа маад̇угужчисмим̣ аваггаманзсу. бависад̇ийд̇и бажжаяавасзна д̇ад̇т̇а ниб̣б̣ад̇д̇знд̇о бависанд̇о вияа ход̇ийд̇и гад̇ваа вуд̇д̇ам̣. таад̇ийд̇и санд̇аанадтид̇ияаа бавад̇д̇ад̇и, д̇ат̇аабхууд̇о жа д̇ад̇т̇а васанд̇о вияа ход̇ийд̇и ааха ‘‘васад̇ий’’д̇и. багад̇илогияамануссаанам̣ батамаа г̇аб̣бхаавагганд̇ийд̇и бажурамануссаанам̣ г̇аб̣бхаавагганд̇и д̣̇зсанаавасзна ид̇ха батамаа. ‘‘д̣̇уд̇ияаа г̇аб̣бхаавагганд̇ий’’д̇иаад̣̇ийсуби звам̣ яож̇анаа взд̣̇ид̇аб̣б̣аа.

    147.Gabbhokkamanesūti gabbhabhāvena mātukucchiyaṃ avakkamanesu anuppavesesu, gabbhe vā mātukucchismiṃ avakkamanesu. Pavisatīti paccayavasena tattha nibbattento pavisanto viya hotīti katvā vuttaṃ. Ṭhātīti santānaṭṭhitiyā pavattati, tathābhūto ca tattha vasanto viya hotīti āha ‘‘vasatī’’ti. Pakatilokiyamanussānaṃ paṭhamā gabbhāvakkantīti pacuramanussānaṃ gabbhāvakkanti desanāvasena idha paṭhamā. ‘‘Dutiyā gabbhāvakkantī’’tiādīsupi evaṃ yojanā veditabbā.

    аламзваад̇и яуд̇д̇амзва.

    Alamevāti yuttameva.

    кибид̇ум̣ на саггонд̇ийд̇и д̇ат̇аа ваад̇аанам̣ ануббаж̇ж̇анамзва вад̣̇ад̇и. сзсанд̇и буна ‘‘зд̇ад̣̇аануд̇д̇арияа’’д̇иаад̣̇и баатаббад̣̇зсам̣ вад̣̇ад̇и.

    Khipituṃna sakkontīti tathā vātānaṃ anuppajjanameva vadati. Sesanti puna ‘‘etadānuttariya’’tiādi pāṭhappadesaṃ vadati.

    аад̣̇зсанавид̇хаад̣̇зсанааван̣н̣анаа

    Ādesanavidhādesanāvaṇṇanā

    148. барасса жид̇д̇ам̣ аад̣̇исад̇и зд̇зхийд̇и аад̣̇зсанаани, яат̇ааубадтид̇анимид̇д̇аад̣̇ийни, д̇аани зва ан̃н̃аман̃н̃асса асам̣гин̣н̣аруубзна тид̇ад̇д̇аа аад̣̇зсанавид̇хаа, аад̣̇зсанаабхааг̇аа, д̇аасу аад̣̇зсанавид̇хаасу. д̇знааха ‘‘аад̣̇зсанагодтаасзсуу’’д̇и. ааг̇ад̇анимид̇д̇знаад̇и яасса аад̣̇исад̇и, д̇асса, ад̇д̇ано жа убаг̇ад̇анимид̇д̇зна, нимид̇д̇аббад̇д̇асса лаабхаалаабхаад̣̇иаад̣̇исанавид̇хид̣̇ассанасса бавад̇д̇ад̇д̇аа ‘‘ид̣̇ам̣ наама бхависсад̇ий’’д̇и вуд̇д̇ам̣. баал̣ияам̣ бана ‘‘звамби д̇з мано’’д̇иаад̣̇инаа барасса жид̇д̇аад̣̇исанамзва ааг̇ад̇ам̣, д̇ам̣ нид̣̇ассанамад̇д̇ам̣ гад̇анд̇и д̣̇адтаб̣б̣ам̣. д̇ат̇аа хи ‘‘ид̣̇ам̣ наама бхависсад̇ий’’д̇и вуд̇д̇ассзва ад̇т̇асса вибхааванавасзна вад̇т̇у ааг̇ад̇ам̣. г̇ад̇анимид̇д̇ам̣ наама г̇амананимид̇д̇ам̣. тид̇анимид̇д̇ам̣ наама ад̇д̇ано самийбз таананимид̇д̇ам̣, барасса г̇аманавасзна, таанавасзна жа г̇ахзд̇аб̣б̣анимид̇д̇ам̣. мануссаанам̣ баражид̇д̇авид̣̇уунам̣, ид̇арзсамби ваа саванавасзна барасса жид̇д̇ам̣ н̃ад̇ваа гат̇знд̇аанам̣ сад̣̇д̣̇ам̣ суд̇ваа. яагкабисаажаад̣̇ийнанд̇и хин̇гаараяагкаанан̃жзва ган̣н̣абисаажаад̣̇ибисаажаанам̣, гумбхан̣д̣анааг̇аад̣̇ийнан̃жа.

    148. Parassa cittaṃ ādisati etehīti ādesanāni, yathāupaṭṭhitanimittādīni, tāni eva aññamaññassa asaṃkiṇṇarūpena ṭhitattā ādesanavidhā, ādesanābhāgā, tāsu ādesanavidhāsu. Tenāha ‘‘ādesanakoṭṭhāsesū’’ti. Āgatanimittenāti yassa ādisati, tassa, attano ca upagatanimittena, nimittappattassa lābhālābhādiādisanavidhidassanassa pavattattā ‘‘idaṃ nāma bhavissatī’’ti vuttaṃ. Pāḷiyaṃ pana ‘‘evampi te mano’’tiādinā parassa cittādisanameva āgataṃ, taṃ nidassanamattaṃ katanti daṭṭhabbaṃ. Tathā hi ‘‘idaṃ nāma bhavissatī’’ti vuttasseva atthassa vibhāvanavasena vatthu āgataṃ. Gatanimittaṃ nāma gamananimittaṃ. Ṭhitanimittaṃ nāma attano samīpe ṭhānanimittaṃ, parassa gamanavasena, ṭhānavasena ca gahetabbanimittaṃ. Manussānaṃ paracittavidūnaṃ, itaresampi vā savanavasena parassa cittaṃ ñatvā kathentānaṃ saddaṃ sutvā. Yakkhapisācādīnanti hiṅkārayakkhānañceva kaṇṇapisācādipisācānaṃ, kumbhaṇḍanāgādīnañca.

    вид̇аггавибпааравасзнаад̇и вибпааригабхаавзна бавад̇д̇авид̇аггасса васзна. уббаннанд̇и д̇ад̇о самудтид̇ам̣. виббалабанд̇аананд̇и гассажи ад̇т̇асса аб̣од̇ханад̇о вируубам̣, вивид̇хам̣ ваа балабанд̇аанам̣. суд̇д̇абамад̇д̇аад̣̇ийнанд̇и аад̣̇и-сад̣̇д̣̇зна взд̣̇анааддакид̇д̇ажид̇д̇аад̣̇ийнам̣ сан̇г̇ахо. махааадтагат̇ааяам̣ бана ‘‘ид̣̇ам̣ вагкаами, звам̣ вагкаамийд̇и вид̇аггаяад̇о вид̇аггавибпаарасад̣̇д̣̇о наама уббаж̇ж̇ад̇ий’’д̇и (абхи. адта. 1.важийгаммад̣̇ваарагат̇ааби) ааг̇ад̇ад̇д̇аа ж̇ааг̇аранд̇аанам̣ багад̇ияам̣ тид̇аанам̣ авиббалабанд̇аанам̣ вид̇аггавибпаарасад̣̇д̣̇о гад̣̇аажи уббаж̇ж̇ад̇ийд̇и вин̃н̃ааяад̇и, яо логз ‘‘манд̇аж̇аббо’’д̇и вужжад̇и. яасса махааадтагат̇ааяам̣ асод̇авин̃н̃зяяад̇аа вуд̇д̇аа. д̇аад̣̇исан̃хи санд̇хааяа вин̃н̃ад̇д̇исахаж̇амзва ‘‘ж̇ивхаад̇аалужаланаад̣̇игаравид̇аггасамудтид̇ам̣ сукумасад̣̇д̣̇ам̣ д̣̇иб̣б̣асод̇зна суд̇ваа аад̣̇исад̇ийд̇и суд̇д̇з вуд̇д̇а’’нд̇и (д̇ха. са. мууладий. важийгаммад̣̇ваарагат̇ааван̣н̣анаа) аананд̣̇аажарияо авожа. вуд̇д̇алагкан̣о зва бана наад̇исукумо ад̇д̇ано, ажжаасаннаббад̣̇зсз тид̇асса жа мам̣сасод̇ассааби аабаат̇ам̣ г̇ажчад̇ийд̇и саггаа вин̃н̃аад̇ум̣. д̇ассаад̇и д̇асса буг̇г̇аласса. д̇асса васзнаад̇и д̇асса вид̇аггасса васзна. звам̣ аяамби аад̣̇зсанавид̇хаа жзд̇обарияан̃аан̣авасзнзва ааг̇ад̇аад̇и взд̣̇ид̇аб̣б̣аа . гзжи бана ‘‘д̇асса васзнаад̇и д̇асса сад̣̇д̣̇асса васзнаа’’д̇и ад̇т̇ам̣ вад̣̇анд̇и, д̇ам̣ аяуд̇д̇ам̣. на хи сад̣̇д̣̇аг̇г̇ахан̣зна д̇ам̣самудтаабагажид̇д̇ам̣ г̇аяхад̇и, сад̣̇д̣̇аг̇г̇ахан̣аанусаарзнаби д̇ад̣̇ад̇т̇ассзва г̇ахан̣ам̣ ход̇и, на жид̇д̇асса. зд̇знзва яад̣̇згз ‘‘яам̣ вид̇аггаяад̇од̇и яамад̇т̇ам̣ вид̇аггаяад̇о’’д̇и вад̇ваа ‘‘д̇асса васзнаад̇и д̇асса ад̇т̇асса васзнаа’’д̇и ван̣н̣знд̇и, д̇амби бадигкид̇д̇ам̣.

    Vitakkavipphāravasenāti vipphārikabhāvena pavattavitakkassa vasena. Uppannanti tato samuṭṭhitaṃ. Vippalapantānanti kassaci atthassa abodhanato virūpaṃ, vividhaṃ vā palapantānaṃ. Suttapamattādīnanti ādi-saddena vedanāṭṭakhittacittādīnaṃ saṅgaho. Mahāaṭṭhakathāyaṃ pana ‘‘idaṃ vakkhāmi, evaṃ vakkhāmīti vitakkayato vitakkavipphārasaddo nāma uppajjatī’’ti (abhi. aṭṭha. 1.vacīkammadvārakathāpi) āgatattā jāgarantānaṃ pakatiyaṃ ṭhitānaṃ avippalapantānaṃ vitakkavipphārasaddo kadāci uppajjatīti viññāyati, yo loke ‘‘mantajappo’’ti vuccati. Yassa mahāaṭṭhakathāyaṃ asotaviññeyyatā vuttā. Tādisañhi sandhāya viññattisahajameva ‘‘jivhātālucalanādikaravitakkasamuṭṭhitaṃ sukhumasaddaṃ dibbasotena sutvā ādisatīti sutte vutta’’nti (dha. sa. mūlaṭī. vacīkammadvārakathāvaṇṇanā) ānandācariyo avoca. Vuttalakkhaṇo eva pana nātisukhumo attano, accāsannappadese ṭhitassa ca maṃsasotassāpi āpāthaṃ gacchatīti sakkā viññātuṃ. Tassāti tassa puggalassa. Tassa vasenāti tassa vitakkassa vasena. Evaṃ ayampi ādesanavidhā cetopariyañāṇavaseneva āgatāti veditabbā . Keci pana ‘‘tassa vasenāti tassa saddassa vasenā’’ti atthaṃ vadanti, taṃ ayuttaṃ. Na hi saddaggahaṇena taṃsamuṭṭhāpakacittaṃ gayhati, saddaggahaṇānusārenapi tadatthasseva gahaṇaṃ hoti, na cittassa. Eteneva yadeke ‘‘yaṃ vitakkayatoti yamatthaṃ vitakkayato’’ti vatvā ‘‘tassa vasenāti tassa atthassa vasenā’’ti vaṇṇenti, tampi paṭikkhittaṃ.

    манасаа сан̇карийяанд̇ийд̇и маносан̇каараа, взд̣̇анаасан̃н̃аа. бан̣ихид̇аад̇и буримабариб̣анд̇хавинаязна бад̇хаанабхаавзна нихид̇аа табид̇аа. д̇знааха ‘‘жид̇д̇асан̇каараа судтабид̇аа’’д̇и. вид̇аггасса вид̇агганам̣ наама уббаад̣̇анамзваад̇и ааха ‘‘бавад̇д̇зссад̇ий’’д̇и. ‘‘баж̇аанаад̇ий’’д̇и буб̣б̣з вуд̇д̇абад̣̇асамб̣анд̇хад̣̇ассанавасзна аанзд̇и. ааг̇аманзнаад̇и жхаанасса ааг̇аманадтаанавасзна. буб̣б̣абхааг̇знаад̇и маг̇г̇асса саб̣б̣абуб̣б̣абхааг̇зна вибассанаарамбхзна. убхаяам̣ бзд̇ам̣ яо саяам̣ жхааналаабхий, ад̇хиг̇ад̇амаг̇г̇о жа ан̃н̃ам̣ д̇ад̣̇ад̇т̇ааяа бадибаж̇ж̇анд̇ам̣ д̣̇исваа ‘‘аяам̣ иминаа нийхаарзна бадибаж̇ж̇анд̇о ад̣̇д̇хаа жхаанам̣ лабхиссад̇и, маг̇г̇ам̣ ад̇хиг̇амиссад̇ий’’д̇и абхин̃н̃ааяа винаа анумаанавасзна ж̇аанаад̇и, д̇ам̣ д̣̇ассзд̇ум̣ вуд̇д̇ам̣. д̇знааха ‘‘ааг̇аманзна ж̇аанаад̇и наамаа’’д̇иаад̣̇и. ананд̇араад̇и вудтид̇агаалам̣ санд̇хааяааха. д̇ад̣̇аа хи бавад̇д̇авид̇аггабаж̇аананзнзва жхаанасса хаанабхааг̇ияад̇аад̣̇ивисзсабаж̇аананам̣.

    Manasā saṅkharīyantīti manosaṅkhārā, vedanāsaññā. Paṇihitāti purimaparibandhavinayena padhānabhāvena nihitā ṭhapitā. Tenāha ‘‘cittasaṅkhārā suṭṭhapitā’’ti. Vitakkassa vitakkanaṃ nāma uppādanamevāti āha ‘‘pavattessatī’’ti. ‘‘Pajānātī’’ti pubbe vuttapadasambandhadassanavasena āneti. Āgamanenāti jhānassa āgamanaṭṭhānavasena. Pubbabhāgenāti maggassa sabbapubbabhāgena vipassanārambhena. Ubhayaṃ petaṃ yo sayaṃ jhānalābhī, adhigatamaggo ca aññaṃ tadatthāya paṭipajjantaṃ disvā ‘‘ayaṃ iminā nīhārena paṭipajjanto addhā jhānaṃ labhissati, maggaṃ adhigamissatī’’ti abhiññāya vinā anumānavasena jānāti, taṃ dassetuṃ vuttaṃ. Tenāha ‘‘āgamanena jānāti nāmā’’tiādi. Anantarāti vuṭṭhitakālaṃ sandhāyāha. Tadā hi pavattavitakkapajānaneneva jhānassa hānabhāgiyatādivisesapajānanaṃ.

    гим̣ банид̣̇ам̣ жзд̇обарияан̃аан̣ам̣ барасса жид̇д̇ам̣ барижчиж̇ж̇а ж̇аананд̇ам̣ ид̣̇д̇хижид̇д̇абхаавад̇о ависзсад̇о саб̣б̣зсамби жид̇д̇ам̣ ж̇аанаад̇ийд̇и? нод̇и д̣̇ассзнд̇о ‘‘д̇ад̇т̇аа’’д̇иаад̣̇имааха. на арияаананд̇и язна жид̇д̇зна д̇з арияаа наама ж̇аад̇аа, д̇ам̣ логуд̇д̇аражид̇д̇ам̣ на ж̇аанаад̇и аббадивид̣̇д̇хабхаавад̇о . яат̇аа хи бут̇уж̇ж̇ано саб̣б̣зсамби арияаанам̣ логуд̇д̇аражид̇д̇ам̣ на ж̇аанаад̇и аббадивид̣̇д̇хад̇д̇аа, звам̣ арияоби хздтимо убаримасса логуд̇д̇аражид̇д̇ам̣ на ж̇аанаад̇и аббадивид̣̇д̇хад̇д̇аа зва . яат̇аа бана убаримо хздтимам̣ паласамаабад̇д̇им̣ на самаабаж̇ж̇ад̇и, гим̣ звам̣ со д̇асса логуд̇д̇аражид̇д̇ам̣ на ж̇аанаад̇ийд̇и жод̣̇анам̣ санд̇хааяааха ‘‘убаримо бана хздтимасса ж̇аанаад̇ий’’д̇и, бадивид̣̇д̇хад̇д̇аад̇и ад̇хиббааяо. ‘‘убаримо хздтимам̣ на самаабаж̇ж̇ад̇ий’’д̇и вад̇ваа д̇ад̇т̇а гааран̣амааха ‘‘д̇зсан̃хий’’д̇иаад̣̇и. д̇зсанд̇и арияаанам̣. хздтимаа хздтимаа самаабад̇д̇и бхууманд̇араббад̇д̇ияаа бадиббассад̣̇д̇хигаббаа. д̇знааха ‘‘д̇ад̇рубабад̇д̇иязва ход̇ий’’д̇и, на убарибхуумибад̇д̇и. нимид̇д̇аад̣̇ивасзна н̃аад̇асса гад̣̇аажи б̣яабхижаароби сияаа, на бана абхин̃н̃аан̃аан̣зна н̃аад̇ассаад̇и ааха ‘‘жзд̇о…бз… над̇т̇ий’’д̇и. ‘‘д̇ам̣ бхаг̇аваа’’д̇иаад̣̇и сзсам̣ наама.

    Kiṃ panidaṃ cetopariyañāṇaṃ parassa cittaṃ paricchijja jānantaṃ iddhicittabhāvato avisesato sabbesampi cittaṃ jānātīti? Noti dassento ‘‘tatthā’’tiādimāha. Na ariyānanti yena cittena te ariyā nāma jātā, taṃ lokuttaracittaṃ na jānāti appaṭividdhabhāvato . Yathā hi puthujjano sabbesampi ariyānaṃ lokuttaracittaṃ na jānāti appaṭividdhattā, evaṃ ariyopi heṭṭhimo uparimassa lokuttaracittaṃ na jānāti appaṭividdhattā eva . Yathā pana uparimo heṭṭhimaṃ phalasamāpattiṃ na samāpajjati, kiṃ evaṃ so tassa lokuttaracittaṃ na jānātīti codanaṃ sandhāyāha ‘‘uparimo pana heṭṭhimassa jānātī’’ti, paṭividdhattāti adhippāyo. ‘‘Uparimo heṭṭhimaṃ na samāpajjatī’’ti vatvā tattha kāraṇamāha ‘‘tesañhī’’tiādi. Tesanti ariyānaṃ. Heṭṭhimā heṭṭhimā samāpatti bhūmantarappattiyā paṭippassaddhikappā. Tenāha ‘‘tatrupapattiyeva hotī’’ti, na uparibhūmipatti. Nimittādivasena ñātassa kadāci byabhicāropi siyā, na pana abhiññāñāṇena ñātassāti āha ‘‘ceto…pe… natthī’’ti. ‘‘Taṃ bhagavā’’tiādi sesaṃ nāma.

    д̣̇ассанасамаабад̇д̇ид̣̇зсанааван̣н̣анаа

    Dassanasamāpattidesanāvaṇṇanā

    149. б̣рахмаж̇аалзд̇и б̣рахмаж̇ааласуд̇д̇аван̣н̣анааяам̣. уд̇д̇арабад̣̇алобзна хзса нид̣̇д̣̇зсо. аад̇аббанд̇и вийрияам̣ аад̇аббад̇и госаж̇ж̇ам̣ саб̣б̣амби сам̣гилзсабагканд̇и. гусалавийрияассзва хзд̇т̇а г̇ахан̣ам̣ аббамаад̣̇аад̣̇ибад̣̇анд̇арасаннид̇хаанад̇о. бад̣̇ахид̇аб̣б̣ад̇од̇и бад̣̇аханад̇о, бхааванам̣ уд̣̇д̣̇исса вааяаманад̇од̇и ад̇т̇о. ануяун̃ж̇ид̇аб̣б̣ад̇од̇и ануяун̃ж̇анад̇о. ийд̣̇исаанам̣ бад̣̇аанам̣ б̣ахулам̣гад̇д̇увисаяад̇ааяа ижчид̇аб̣б̣ад̇д̇аа аад̇аббабад̣̇асса вияа ид̇арзсамби гад̇д̇усаад̇ханад̇аа д̣̇адтаб̣б̣аа. бадибад̇д̇ияам̣ наббамаж̇ж̇ад̇и зд̇знаад̇и аббамаад̣̇о, сад̇иавиббаваасо. саммаа манаси гарод̇и зд̇знаад̇и саммааманасигааро, д̇ат̇аабавад̇д̇о гусалажид̇д̇уббаад̣̇о. бхааванаануяог̇амзва д̇ат̇аа вад̣̇ад̇и. д̣̇зсанааггамзна батамаа, д̣̇ассанасамаабад̇д̇и наама гараж̇агааяз бадиггуулаагаарасса саммад̣̇зва д̣̇ассанавасзна бавад̇д̇асамаабад̇д̇ибхаавад̇о. ниббарияааязнзваад̇и вуд̇д̇алагкан̣ад̣̇ассанасамаабад̇д̇исанниссаяад̇д̇аа, д̣̇ассанамаг̇г̇апалабхаавад̇о жа батамасааман̃н̃апалам̣ барияааязна винаа д̣̇ассанасамаабад̇д̇и.

    149.Brahmajāleti brahmajālasuttavaṇṇanāyaṃ. Uttarapadalopena hesa niddeso. Ātappanti vīriyaṃ ātappati kosajjaṃ sabbampi saṃkilesapakkhanti. Kusalavīriyasseva hettha gahaṇaṃ appamādādipadantarasannidhānato. Padahitabbatoti padahanato, bhāvanaṃ uddissa vāyamanatoti attho. Anuyuñjitabbatoti anuyuñjanato. Īdisānaṃ padānaṃ bahulaṃkattuvisayatāya icchitabbattā ātappapadassa viya itaresampi kattusādhanatā daṭṭhabbā. Paṭipattiyaṃ nappamajjati etenāti appamādo, satiavippavāso. Sammā manasi karoti etenāti sammāmanasikāro, tathāpavatto kusalacittuppādo. Bhāvanānuyogameva tathā vadati. Desanākkamena paṭhamā, dassanasamāpatti nāma karajakāye paṭikkūlākārassa sammadeva dassanavasena pavattasamāpattibhāvato. Nippariyāyenevāti vuttalakkhaṇadassanasamāpattisannissayattā, dassanamaggaphalabhāvato ca paṭhamasāmaññaphalaṃ pariyāyena vinā dassanasamāpatti.

    ад̇иггамма чавимам̣салохид̇ам̣ адтим̣ бажжавзгкад̇ийд̇и д̇аани абажжавзгкид̇ваа адтимзва бажжавзгкад̇и. адтиаарамман̣аа д̣̇иб̣б̣ажагкубаад̣̇агаж̇жхаанасамаабад̇д̇ийд̇и вуд̇д̇анаязна адтиаарамман̣аа д̣̇иб̣б̣ажагкуад̇хидтаанаа батамаж̇жхаанасамаабад̇д̇и. яо хи бхигку аалогагасин̣з жад̇уд̇т̇аж̇жхаанам̣ ниб̣б̣ад̇д̇зд̇ваа д̇ам̣ баад̣̇агам̣ гад̇ваа ад̇хиг̇ад̇ад̣̇иб̣б̣ажагкун̃аан̣о худ̇ваа савин̃н̃аан̣агз гааяз адтим̣ бариг̇г̇ахзд̇ваа д̇ад̇т̇а бадиггууламанасигааравасзна батамам̣ жхаанам̣ ниб̣б̣ад̇д̇зд̇и, д̇ассааяам̣ батамаж̇жхаанасамаабад̇д̇и д̣̇уд̇ияаа д̣̇ассанасамаабад̇д̇и. д̇зна вуд̇д̇ам̣ ‘‘адти адтий’’д̇иаад̣̇и. яо банзд̇т̇а баал̣ияам̣ д̣̇вад̇д̇им̣саагаараманасигааро вуд̇д̇о, со маг̇г̇асод̇ханавасзна вуд̇д̇о. д̇ад̇т̇а ваа гад̇абарижаяасса сукзнзва вуд̇д̇анаяаа адтибажжавзгкан̣аа самиж̇жхад̇ийд̇и. д̇знзвзд̇т̇а ‘‘имам̣ жзваа’’д̇и ‘‘ад̇иггамма жаа’’д̇и жа-сад̣̇д̣̇о самужжаяад̇т̇о вуд̇д̇о. д̇ам̣ жхаананд̇и яат̇аавуд̇д̇ам̣ батамаж̇жхаанам̣. аяанд̇и аяам̣ сагад̣̇ааг̇аамипаласамаабад̇д̇и . саад̇исаяам̣ жад̇усажжад̣̇ассанааг̇аманад̇о барияааязна винаа мукяаа д̣̇уд̇ияаа д̣̇ассанасамаабад̇д̇и. яаава д̇ад̇ияамаг̇г̇аа вад̇д̇ад̇ийд̇и ааха ‘‘кийн̣аасавасса васзна жад̇уд̇т̇аа д̣̇ассанасамаабад̇д̇и гат̇ид̇аа’’д̇и.

    Atikkamma chavimaṃsalohitaṃ aṭṭhiṃ paccavekkhatīti tāni apaccavekkhitvā aṭṭhimeva paccavekkhati. Aṭṭhiārammaṇā dibbacakkhupādakajjhānasamāpattīti vuttanayena aṭṭhiārammaṇā dibbacakkhuadhiṭṭhānā paṭhamajjhānasamāpatti. Yo hi bhikkhu ālokakasiṇe catutthajjhānaṃ nibbattetvā taṃ pādakaṃ katvā adhigatadibbacakkhuñāṇo hutvā saviññāṇake kāye aṭṭhiṃ pariggahetvā tattha paṭikkūlamanasikāravasena paṭhamaṃ jhānaṃ nibbatteti, tassāyaṃ paṭhamajjhānasamāpatti dutiyā dassanasamāpatti. Tena vuttaṃ ‘‘aṭṭhi aṭṭhī’’tiādi. Yo panettha pāḷiyaṃ dvattiṃsākāramanasikāro vutto, so maggasodhanavasena vutto. Tattha vā kataparicayassa sukheneva vuttanayā aṭṭhipaccavekkhaṇā samijjhatīti. Tenevettha ‘‘imaṃ cevā’’ti ‘‘atikkamma cā’’ti ca-saddo samuccayattho vutto. Taṃ jhānanti yathāvuttaṃ paṭhamajjhānaṃ. Ayanti ayaṃ sakadāgāmiphalasamāpatti . Sātisayaṃ catusaccadassanāgamanato pariyāyena vinā mukhyā dutiyā dassanasamāpatti. Yāva tatiyamaggā vattatīti āha ‘‘khīṇāsavassa vasena catutthā dassanasamāpatti kathitā’’ti.

    баал̣ияам̣ бурисасса жаад̇и жа-сад̣̇д̣̇о б̣яад̇ирзгз, д̇зна яат̇аавуд̇д̇асамаабад̇д̇ид̣̇ваяад̇о вужжамаанам̣язва имасса висзсам̣ ж̇од̇зд̇и. авижчзд̣̇зна бавад̇д̇ияаа сод̇асад̣̇исад̇ааяа вин̃н̃аан̣амзва вин̃н̃аан̣асод̇ам̣, д̇ад̣̇зд̇ам̣ вин̃н̃аан̣ам̣ буримад̇о ананд̇арабажжаяам̣ лабхид̇ваа бажчимасса ананд̇арабажжаяо худ̇ваа бавад̇д̇ад̇ийд̇и аяам̣ асса сод̇ааг̇ад̇ад̇ааяа сод̇асад̣̇исад̇аа, д̇асмаа баж̇аанид̇аб̣б̣абхаавзна вуд̇д̇ам̣ згамзва жзд̇т̇а вин̃н̃аан̣ам̣ , д̇асмаа адтагат̇ааяам̣ ‘‘вин̃н̃аан̣асод̇анд̇и вин̃н̃аан̣амзваа’’д̇и вуд̇д̇ам̣. д̣̇вийхиби бхааг̇зхийд̇и орабхааг̇абарабхааг̇зхи. ид̇халого хисса орабхааг̇о, баралого барабхааг̇о д̣̇виннамби васзнзд̇ам̣ самб̣анд̇ханд̇и. д̇знааха ‘‘ид̇халогз бад̇идтид̇а’’нд̇иаад̣̇и. вин̃н̃аан̣асса кан̣з кан̣з бхиж̇ж̇анд̇асса гаамам̣ над̇т̇и гассажи бад̇идтид̇ад̇аа, д̇ан̣хаавасзна бана д̇ам̣ ‘‘бад̇идтид̇а’’нд̇и вужжад̇ийд̇и ааха ‘‘чанд̣̇арааг̇авасзнаа’’д̇и. вуд̇д̇ан̃хзд̇ам̣ –

    Pāḷiyaṃ purisassa cāti ca-saddo byatireke, tena yathāvuttasamāpattidvayato vuccamānaṃyeva imassa visesaṃ joteti. Avicchedena pavattiyā sotasadisatāya viññāṇameva viññāṇasotaṃ, tadetaṃ viññāṇaṃ purimato anantarapaccayaṃ labhitvā pacchimassa anantarapaccayo hutvā pavattatīti ayaṃ assa sotāgatatāya sotasadisatā, tasmā pajānitabbabhāvena vuttaṃ ekameva cettha viññāṇaṃ , tasmā aṭṭhakathāyaṃ ‘‘viññāṇasotanti viññāṇamevā’’ti vuttaṃ. Dvīhipi bhāgehīti orabhāgaparabhāgehi. Idhaloko hissa orabhāgo, paraloko parabhāgo dvinnampi vasenetaṃ sambandhanti. Tenāha ‘‘idhaloke patiṭṭhita’’ntiādi. Viññāṇassa khaṇe khaṇe bhijjantassa kāmaṃ natthi kassaci patiṭṭhitatā, taṇhāvasena pana taṃ ‘‘patiṭṭhita’’nti vuccatīti āha ‘‘chandarāgavasenā’’ti. Vuttañhetaṃ –

    ‘‘габ̣ал̣ийгаарз жз бхигкавз аахаарз ад̇т̇и рааг̇о, ад̇т̇и нанд̣̇ий, ад̇т̇и д̇ан̣хаа, бад̇идтид̇ам̣ д̇ад̇т̇а вин̃н̃аан̣ам̣ вирул̣хам̣. яад̇т̇а бад̇идтид̇ам̣ вин̃н̃аан̣ам̣ вирул̣хам̣…бз… ад̇т̇и д̇ад̇т̇а ааяад̇им̣ бунаб̣бхаваабхиниб̣б̣ад̇д̇ий’’д̇иаад̣̇и (сам̣. ни. 2.64; гат̇аа. 296; махаани. 7).

    ‘‘Kabaḷīkāre ce bhikkhave āhāre atthi rāgo, atthi nandī, atthi taṇhā, patiṭṭhitaṃ tattha viññāṇaṃ viruḷhaṃ. Yattha patiṭṭhitaṃ viññāṇaṃ viruḷhaṃ…pe… atthi tattha āyatiṃ punabbhavābhinibbattī’’tiādi (saṃ. ni. 2.64; kathā. 296; mahāni. 7).

    гамманд̇и гусалаагусалагаммам̣, убаяог̇аважанамзд̇ам̣. гаммад̇о убаг̇ажчанд̇анд̇и гаммабхаавзна убаг̇ажчанд̇ам̣, вин̃н̃аан̣анд̇и ад̇хиббааяо. абхисан̇кааравин̃н̃аан̣ан̃хи язна гаммунаа сахаг̇ад̇ам̣, ан̃н̃ад̣̇ад̇т̇у д̇аб̣бхаавамзва убаг̇ад̇ам̣ худ̇ваа бавад̇д̇ад̇и. ид̇халогз бад̇идтид̇ам̣ наама ид̇ха гад̇уубажид̇агаммабхаавуубаг̇аманад̇о. гаммабхавам̣ аагад̣дханд̇анд̇и гаммавин̃н̃аан̣ам̣ ад̇д̇анаа самбаяуд̇д̇агаммам̣ ж̇аваабзд̇ваа бадисанд̇хиниб̣б̣ад̇д̇анзна д̇ад̣̇абхимукам̣ аагад̣дханд̇ам̣. д̇знзва бадисанд̇хиниб̣б̣ад̇д̇анасаамад̇т̇иязна баралогз бад̇идтид̇ам̣ наама ад̇д̇ано паласса д̇ад̇т̇а бад̇идтаабанзна. гзжи бана ‘‘абхисан̇кааравин̃н̃аан̣ам̣ барад̇о вибаагам̣ д̣̇аад̇ум̣ асамад̇т̇ам̣ ид̇халогз бад̇идтид̇ам̣ наама, д̣̇аад̇ум̣ самад̇т̇ам̣ бана баралогз бад̇идтид̇ам̣ наамаа’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣ ‘‘убхаяад̇о аб̣б̣ожчинна’’нд̇и вуд̇д̇ад̇д̇аа. яан̃жа д̇зхи ‘‘баралогз бад̇идтид̇а’’нд̇и вуд̇д̇ам̣, д̇ам̣ ид̇халогзби бад̇идтид̇амзва. на хи д̇асса ид̇халогз бад̇идтид̇абхаавзна винаа баралогз бад̇идтид̇абхааво самбхавад̇и. сзгкабут̇уж̇ж̇анаанам̣ жзд̇обарияан̃аан̣анд̇и сзгкаанам̣ , бут̇уж̇ж̇анаанан̃жа жзд̇асо барижчинд̣̇анаган̃аан̣ам̣. гат̇ид̇ам̣ барижчинд̣̇ид̇аб̣б̣асса жзд̇асо чанд̣̇арааг̇авасзна бад̇идтид̇абхааваж̇од̇анад̇о.

    Kammanti kusalākusalakammaṃ, upayogavacanametaṃ. Kammato upagacchantanti kammabhāvena upagacchantaṃ, viññāṇanti adhippāyo. Abhisaṅkhāraviññāṇañhi yena kammunā sahagataṃ, aññadatthu tabbhāvameva upagataṃ hutvā pavattati. Idhaloke patiṭṭhitaṃ nāma idha katūpacitakammabhāvūpagamanato. Kammabhavaṃ ākaḍḍhantanti kammaviññāṇaṃ attanā sampayuttakammaṃ javāpetvā paṭisandhinibbattanena tadabhimukhaṃ ākaḍḍhantaṃ. Teneva paṭisandhinibbattanasāmatthiyena paraloke patiṭṭhitaṃ nāma attano phalassa tattha patiṭṭhāpanena. Keci pana ‘‘abhisaṅkhāraviññāṇaṃ parato vipākaṃ dātuṃ asamatthaṃ idhaloke patiṭṭhitaṃ nāma, dātuṃ samatthaṃ pana paraloke patiṭṭhitaṃ nāmā’’ti vadanti, taṃ tesaṃ matimattaṃ ‘‘ubhayato abbocchinna’’nti vuttattā. Yañca tehi ‘‘paraloke patiṭṭhita’’nti vuttaṃ, taṃ idhalokepi patiṭṭhitameva. Na hi tassa idhaloke patiṭṭhitabhāvena vinā paraloke patiṭṭhitabhāvo sambhavati. Sekkhaputhujjanānaṃcetopariyañāṇanti sekkhānaṃ , puthujjanānañca cetaso paricchindanakañāṇaṃ. Kathitaṃ paricchinditabbassa cetaso chandarāgavasena patiṭṭhitabhāvajotanato.

    жад̇уд̇т̇ааяа д̣̇ассанасамаабад̇д̇ияаа д̇ад̇ияад̣̇ассанасамаабад̇д̇ияам̣ вуд̇д̇аббадигкзбзна ад̇т̇о взд̣̇ид̇аб̣б̣о.

    Catutthāya dassanasamāpattiyā tatiyadassanasamāpattiyaṃ vuttappaṭikkhepena attho veditabbo.

    буримаанам̣ д̣̇виннам̣ самаабад̇д̇ийнам̣ буб̣б̣з самат̇авасзна ад̇т̇асса вуд̇д̇ад̇д̇аа ид̣̇аани вибассанаавасзна д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. нижжаламзва буб̣б̣з вуд̇д̇асса ад̇т̇асса абанзд̇аб̣б̣ад̇о. ад̇т̇анд̇арад̇т̇ад̇ааяа д̣̇ассияамаанааяа бад̣̇ам̣ жалид̇ам̣ наама ход̇и. абаро наяод̇и зд̇т̇а батамаж̇жхаанасса батамад̣̇ассанасамаабад̇д̇ибхаавз абуб̣б̣ам̣ над̇т̇и. д̣̇уд̇ияаж̇жхаанам̣ д̣̇уд̇ияаад̇и зд̇т̇а бана ‘‘адтигаван̣н̣агасин̣авасзна бадилад̣̇д̇хад̣̇уд̇ияаж̇жхаанам̣ д̣̇уд̇ияаа д̣̇ассанасамаабад̇д̇ий’’д̇и вад̣̇анд̇и, д̇ад̇ияаж̇жхаанамби д̇ат̇зва бадилад̣̇д̇хам̣. д̣̇ассанасамаабад̇д̇ибхааво бана яо бхигку аалогагасин̣з жад̇уд̇т̇аж̇жхаанам̣ ниб̣б̣ад̇д̇зд̇ваа д̇ам̣ баад̣̇агам̣ гад̇ваа ад̇хиг̇ад̇ад̣̇иб̣б̣ажагкуго худ̇ваа савин̃н̃аан̣агз адтим̣ бариг̇г̇ахзд̇ваа д̇ад̇т̇а ван̣н̣агасин̣авасзна хздтимаани д̇ийн̣и жхаанаани ниб̣б̣ад̇д̇зд̇и, д̇асса. д̇ад̇ияаж̇жхаанам̣ д̇ад̇ияаа д̣̇ассанасамаабад̇д̇и ад̇хидтаанабхууд̇асса д̣̇иб̣б̣ажагкун̃аан̣асса васзна. жад̇уд̇т̇аж̇жхаанам̣ жад̇уд̇т̇аад̇и руубааважаражад̇уд̇т̇аж̇жхаанам̣ ниб̣б̣ад̇д̇зд̇ваа д̇ам̣ баад̣̇агам̣ гад̇ваа ад̇хиг̇ад̇ад̣̇иб̣б̣ажагкун̃аан̣асса д̇ам̣ жад̇уд̇т̇аж̇жхаанам̣ жад̇уд̇т̇аа д̣̇ассанасамаабад̇д̇и. ид̇хааби сзгкабут̇уж̇ж̇анаанам̣ жзд̇асо барижчинд̣̇анзна д̇ад̇ияаа д̣̇ассанасамаабад̇д̇и, арахад̇о жид̇д̇асса барижчинд̣̇анзна жад̇уд̇т̇аа д̣̇ассанасамаабад̇д̇и взд̣̇ид̇аб̣б̣аа. зван̃хзсаа ад̇т̇аван̣н̣анаа баал̣ияаа сам̣санд̣̇зяяа. ‘‘батамамаг̇г̇о’’д̇иаад̣̇ийсу адтиаарамман̣абатамаж̇жхаанабаад̣̇аго батамамаг̇г̇о батамаа д̣̇ассанасамаабад̇д̇и. адтиаарамман̣ад̣̇уд̇ияаж̇жхаанабаад̣̇аго д̣̇уд̇ияамаг̇г̇о д̣̇уд̇ияаа д̣̇ассанасамаабад̇д̇и. баражид̇д̇ан̃аан̣асахаг̇ад̇аа жад̇уд̇т̇аж̇жхаанабаад̣̇агаа д̇ад̇ияажад̇уд̇т̇амаг̇г̇аа д̇ад̇ияажад̇уд̇т̇ад̣̇ассанасамаабад̇д̇ияод̇и . бурисасса вин̃н̃аан̣абаж̇аананам̣ банзд̇т̇а асаммохавасзна д̣̇адтаб̣б̣ам̣.

    Purimānaṃ dvinnaṃ samāpattīnaṃ pubbe samathavasena atthassa vuttattā idāni vipassanāvasena dassetuṃ ‘‘apicā’’tiādi vuttaṃ. Niccalameva pubbe vuttassa atthassa apanetabbato. Atthantaratthatāya dassiyamānāya padaṃ calitaṃ nāma hoti. Aparo nayoti ettha paṭhamajjhānassa paṭhamadassanasamāpattibhāve apubbaṃ natthi. Dutiyajjhānaṃ dutiyāti ettha pana ‘‘aṭṭhikavaṇṇakasiṇavasena paṭiladdhadutiyajjhānaṃ dutiyā dassanasamāpattī’’ti vadanti, tatiyajjhānampi tatheva paṭiladdhaṃ. Dassanasamāpattibhāvo pana yo bhikkhu ālokakasiṇe catutthajjhānaṃ nibbattetvā taṃ pādakaṃ katvā adhigatadibbacakkhuko hutvā saviññāṇake aṭṭhiṃ pariggahetvā tattha vaṇṇakasiṇavasena heṭṭhimāni tīṇi jhānāni nibbatteti, tassa. Tatiyajjhānaṃ tatiyā dassanasamāpatti adhiṭṭhānabhūtassa dibbacakkhuñāṇassa vasena. Catutthajjhānaṃ catutthāti rūpāvacaracatutthajjhānaṃ nibbattetvā taṃ pādakaṃ katvā adhigatadibbacakkhuñāṇassa taṃ catutthajjhānaṃ catutthā dassanasamāpatti. Idhāpi sekkhaputhujjanānaṃ cetaso paricchindanena tatiyā dassanasamāpatti, arahato cittassa paricchindanena catutthā dassanasamāpatti veditabbā. Evañhesā atthavaṇṇanā pāḷiyā saṃsandeyya. ‘‘Paṭhamamaggo’’tiādīsu aṭṭhiārammaṇapaṭhamajjhānapādako paṭhamamaggo paṭhamā dassanasamāpatti. Aṭṭhiārammaṇadutiyajjhānapādako dutiyamaggo dutiyā dassanasamāpatti. Paracittañāṇasahagatā catutthajjhānapādakā tatiyacatutthamaggā tatiyacatutthadassanasamāpattiyoti . Purisassa viññāṇapajānanaṃ panettha asammohavasena daṭṭhabbaṃ.

    буг̇г̇алабан̣н̣ад̇д̇ид̣̇зсанааван̣н̣анаа

    Puggalapaṇṇattidesanāvaṇṇanā

    150. буг̇г̇алабан̣н̣ад̇д̇ийсууд̇и буг̇г̇алаанам̣ бан̃н̃аабанзсу. г̇ун̣ависзсавасзна ан̃н̃аман̃н̃ам̣ асан̇гарад̇о табанзсу. логавохааравасзнаад̇и логасаммуд̇ивасзна. логавохааро хзса, яад̣̇ид̣̇ам̣ ‘‘сад̇д̇о буг̇г̇ало’’д̇иаад̣̇и. руубаад̣̇ийсу сад̇д̇ависад̇д̇ад̇ааяа сад̇д̇о. д̇асса д̇асса сад̇д̇анигааяасса бууран̣ад̇о г̇аланад̇о, маран̣авасзна бад̇анад̇о жа буг̇г̇ало. санд̇ад̇ияаа наяанад̇о наро. ад̇д̇абхаавасса босанад̇о босо. звам̣ бан̃н̃аабзд̇аб̣б̣аасу вохарид̇аб̣б̣аасу. ‘‘саб̣б̣амзд̇ам̣ буг̇г̇ало’’д̇и имиссаа саад̇хааран̣абан̃н̃ад̇д̇ияаа вибхааванавасзна вуд̇д̇ам̣, на ид̇хаад̇хиббзд̇аасаад̇хааран̣абан̃н̃ад̇д̇ияаа, д̇асмаа логабан̃н̃ад̇д̇ийсууд̇и сад̇д̇алогаг̇ад̇абан̃н̃ад̇д̇ийсу. ануд̇д̇аро ход̇и анан̃н̃асаад̇хааран̣ад̇д̇аа д̇асса бан̃н̃аабанасса.

    150.Puggalapaṇṇattīsūti puggalānaṃ paññāpanesu. Guṇavisesavasena aññamaññaṃ asaṅkarato ṭhapanesu. Lokavohāravasenāti lokasammutivasena. Lokavohāro hesa, yadidaṃ ‘‘satto puggalo’’tiādi. Rūpādīsu sattavisattatāya satto. Tassa tassa sattanikāyassa pūraṇato galanato, maraṇavasena patanato ca puggalo. Santatiyā nayanato naro. Attabhāvassa posanato poso. Evaṃ paññāpetabbāsu voharitabbāsu. ‘‘Sabbametaṃ puggalo’’ti imissā sādhāraṇapaññattiyā vibhāvanavasena vuttaṃ, na idhādhippetaasādhāraṇapaññattiyā, tasmā lokapaññattīsūti sattalokagatapaññattīsu. Anuttaro hoti anaññasādhāraṇattā tassa paññāpanassa.

    д̣̇вийхи бхааг̇зхийд̇и гааран̣з, ниссаггз жзд̇ам̣ бут̇уважанам̣, аавуд̇д̇иаад̣̇ивасзна жааяамад̇т̇о взд̣̇ид̇аб̣б̣од̇и ааха ‘‘аруубасамаабад̇д̇ияаа’’д̇иаад̣̇и, зд̇зна ‘‘самаабад̇д̇ияаа вигкамбханавимогкзна, маг̇г̇зна самужчзд̣̇авимогкзна вимуд̇д̇ад̇д̇аа убхад̇обхааг̇авимуд̇д̇о’’д̇и звам̣ бавад̇д̇о д̇ибидагажуул̣анааг̇ад̇т̇зраваад̣̇о, ‘‘наамагааяад̇о, руубагааяад̇о жа вимуд̇д̇ад̇д̇аа убхад̇обхааг̇авимуд̇д̇о’’д̇и звам̣ бавад̇д̇о д̇ибидагамахаад̇хаммарагкид̇ад̇т̇зраваад̣̇о, ‘‘самаабад̇д̇ияаа вигкамбханавимогкзна згаваарам̣ вимуд̇д̇ова маг̇г̇зна самужчзд̣̇авимогкзна згаваарам̣ вимуд̇д̇ад̇д̇аа убхад̇обхааг̇авимуд̇д̇о’’д̇и звам̣ бавад̇д̇о д̇ибидагажуул̣аабхаяад̇т̇зраваад̣̇о жаад̇и имзсам̣ д̇ин̣н̣амби т̇зраваад̣̇аанам̣ згаж̇жхам̣ сан̇г̇ахо гад̇од̇и д̣̇адтаб̣б̣ам̣. вимуд̇д̇од̇и гилзсзхи вимуд̇д̇о, гилзсавигкамбханасамужчзд̣̇анзхи ваа гааяад̣̇ваяад̇о вимуд̇д̇од̇и ад̇т̇о. аруубасамаабад̇д̇ийнанд̇и нид̣̇д̇хааран̣з саамиважанам̣. арахад̇д̇аббад̇д̇аанааг̇ааминод̇и бхууд̇абуб̣б̣аг̇ад̇ияаа вуд̇д̇ам̣. на хи арахад̇д̇аббад̇д̇о анааг̇аамий наама ход̇и. баал̣ийд̇и буг̇г̇алабан̃н̃ад̇д̇ибаал̣и. адта вимогкз гааязна пусид̇ваад̇и адта самаабад̇д̇ияо сахаж̇аад̇анаамагааязна бадилабхид̇ваа. бан̃н̃ааяа жасса д̣̇исваа аасаваа баригкийн̣аа хонд̇ийд̇и вибассанаабан̃н̃ааяа сан̇каараг̇ад̇ам̣, маг̇г̇абан̃н̃ааяа жад̇д̇аари сажжаани бассид̇ваа жад̇д̇аароби аасаваа баригкийн̣аа хонд̇и. д̣̇исваад̇и д̣̇ассанахзд̇у. на хи аасавз бан̃н̃ааяа бассанд̇и, д̣̇ассанагааран̣аа бана баригкийн̣аа ‘‘д̣̇исваа баригкийн̣аа’’д̇и вуд̇д̇аа д̣̇ассанааяад̇д̇абаригкийн̣ад̇д̇аа. зван̃хи д̣̇ассанам̣ аасаваанам̣ каяасса буримагирияаабхаавзна вуд̇д̇ам̣.

    Dvīhi bhāgehīti kāraṇe, nissakke cetaṃ puthuvacanaṃ, āvuttiādivasena cāyamattho veditabboti āha ‘‘arūpasamāpattiyā’’tiādi, etena ‘‘samāpattiyā vikkhambhanavimokkhena, maggena samucchedavimokkhena vimuttattā ubhatobhāgavimutto’’ti evaṃ pavatto tipiṭakacūḷanāgattheravādo, ‘‘nāmakāyato, rūpakāyato ca vimuttattā ubhatobhāgavimutto’’ti evaṃ pavatto tipiṭakamahādhammarakkhitattheravādo, ‘‘samāpattiyā vikkhambhanavimokkhena ekavāraṃ vimuttova maggena samucchedavimokkhena ekavāraṃ vimuttattā ubhatobhāgavimutto’’ti evaṃ pavatto tipiṭakacūḷābhayattheravādo cāti imesaṃ tiṇṇampi theravādānaṃ ekajjhaṃ saṅgaho katoti daṭṭhabbaṃ. Vimuttoti kilesehi vimutto, kilesavikkhambhanasamucchedanehi vā kāyadvayato vimuttoti attho. Arūpasamāpattīnanti niddhāraṇe sāmivacanaṃ. Arahattappattaanāgāminoti bhūtapubbagatiyā vuttaṃ. Na hi arahattappatto anāgāmī nāma hoti. Pāḷīti puggalapaññattipāḷi. Aṭṭha vimokkhe kāyena phusitvāti aṭṭha samāpattiyo sahajātanāmakāyena paṭilabhitvā. Paññāya cassa disvā āsavā parikkhīṇā hontīti vipassanāpaññāya saṅkhāragataṃ, maggapaññāya cattāri saccāni passitvā cattāropi āsavā parikkhīṇā honti. Disvāti dassanahetu. Na hi āsave paññāya passanti, dassanakāraṇā pana parikkhīṇā ‘‘disvā parikkhīṇā’’ti vuttā dassanāyattaparikkhīṇattā. Evañhi dassanaṃ āsavānaṃ khayassa purimakiriyābhāvena vuttaṃ.

    бан̃н̃ааяа висзсад̇о муд̇д̇од̇и бан̃н̃аавимуд̇д̇о анавасзсад̇о аасаваанам̣ баригкийн̣ад̇д̇аа. адтавимогкабадигкзбавасзнзва, на д̇ад̣̇згад̣̇зсабхууд̇аруубаж̇жхаанабадигкзбавасзна. зван̃хи аруубаж̇жхаанзгад̣̇зсаабхаавзби адтавимогкабадигкзбо на ход̇ийд̇и сид̣̇д̇хам̣ ход̇и. аруубааважараж̇жхаанзсу хи згасмимби сад̇и убхад̇обхааг̇авимуд̇д̇оязва наама ход̇и, на бан̃н̃аавимуд̇д̇од̇и.

    Paññāya visesato muttoti paññāvimutto anavasesato āsavānaṃ parikkhīṇattā. Aṭṭhavimokkhapaṭikkhepavaseneva, na tadekadesabhūtarūpajjhānapaṭikkhepavasena. Evañhi arūpajjhānekadesābhāvepi aṭṭhavimokkhapaṭikkhepo na hotīti siddhaṃ hoti. Arūpāvacarajjhānesu hi ekasmimpi sati ubhatobhāgavimuttoyeva nāma hoti, na paññāvimuttoti.

    пудтанд̇ам̣ сажчигарод̇ийд̇и пудтаанам̣ анд̇о пудтанд̇о, пудтаанам̣ аруубаж̇жхаанаанам̣ ананд̇аро гаалод̇и ад̇хиббааяо, ажжанд̇асам̣яог̇з жзд̇ам̣ убаяог̇аважанам̣, пудтаананд̇арагааламзва сажчигаад̇аб̣б̣ам̣, сажчигад̇о сажчигаран̣уубааязнаад̇и вуд̇д̇ам̣ ход̇и. д̇знааха ‘‘со жхаанапасса’’нд̇иаад̣̇и. згажжз аасаваад̇и хздтимамаг̇г̇ад̇д̇аяаваж̇жхаа аасаваа. яо хи аруубаж̇жхаанзна руубагааяад̇о, наамагааязгад̣̇зсад̇о жа вигкамбханавимогкзна вимуд̇д̇о, д̇зна нирод̇хасан̇каад̇о вимогко ааложид̇о багаасид̇о вияа ход̇и, на бана гааязна сажчигад̇о. нирод̇хам̣ бана аарамман̣ам̣ гад̇ваа згажжзсу аасавзсу кзбид̇зсу д̇зна сажчигад̇о ход̇и, д̇асмаа со сажчигаад̇аб̣б̣ам̣ нирод̇хам̣ яат̇ааложид̇ам̣ наамагааязна сажчигарод̇ийд̇и гааяасагкийд̇и вужжад̇и, на д̇у вимуд̇д̇од̇и згажжаанам̣ аасаваанам̣ абаригкийн̣ад̇д̇аа.

    Phuṭṭhantaṃ sacchikarotīti phuṭṭhānaṃ anto phuṭṭhanto, phuṭṭhānaṃ arūpajjhānānaṃ anantaro kāloti adhippāyo, accantasaṃyoge cetaṃ upayogavacanaṃ, phuṭṭhānantarakālameva sacchikātabbaṃ, sacchikato sacchikaraṇūpāyenāti vuttaṃ hoti. Tenāha ‘‘so jhānaphassa’’ntiādi. Ekacce āsavāti heṭṭhimamaggattayavajjhā āsavā. Yo hi arūpajjhānena rūpakāyato, nāmakāyekadesato ca vikkhambhanavimokkhena vimutto, tena nirodhasaṅkhāto vimokkho ālocito pakāsito viya hoti, na pana kāyena sacchikato. Nirodhaṃ pana ārammaṇaṃ katvā ekaccesu āsavesu khepitesu tena sacchikato hoti, tasmā so sacchikātabbaṃ nirodhaṃ yathālocitaṃ nāmakāyena sacchikarotīti kāyasakkhīti vuccati, na tu vimuttoti ekaccānaṃ āsavānaṃ aparikkhīṇattā.

    д̣̇идтанд̇ам̣ бад̇д̇од̇и д̣̇ассанасан̇каад̇асса сод̇аабад̇д̇имаг̇г̇ан̃аан̣асса ананд̇арам̣ бад̇д̇од̇и ад̇т̇о. ‘‘д̣̇идтад̇д̇аа бад̇д̇о’’д̇иби баато, д̇зна жад̇усажжад̣̇ассанасан̇каад̇ааяа д̣̇идтияаа нирод̇хасса бад̇д̇ад̇ам̣ д̣̇ийбзд̇и. д̇знааха ‘‘д̣̇угкаа сан̇каараа’’д̇иаад̣̇и. батамапалад̇о бадтааяа яаава аг̇г̇амаг̇г̇аа д̣̇идтиббад̇д̇од̇и ааха ‘‘зсоби гааяасагкий вияа чаб̣б̣ид̇хо ход̇ий’’д̇и. ид̣̇ам̣ д̣̇угканд̇и ‘‘ид̣̇ам̣ д̣̇угкам̣, зд̇д̇агам̣ д̣̇угкам̣, на ид̇о уд̣̇д̇хам̣ д̣̇угка’’нд̇и яат̇аабхууд̇ам̣ баж̇аанаад̇и. яасмаа ид̣̇ам̣ яаат̇аавасарасад̇о баж̇аанаад̇и, баж̇аананд̇о жа табзд̇ваа д̇ан̣хам̣ бан̃жубаад̣̇аанагканд̇хз ‘‘д̣̇угкасажжа’’нд̇и баж̇аанаад̇и. д̇ан̣хам̣ бана ид̣̇ам̣ д̣̇угкам̣ ид̇о самуд̣̇зд̇и, д̇асмаа ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и. яасмаа ид̣̇ам̣ д̣̇угкан̃жа самуд̣̇аяо жа ниб̣б̣аанам̣ бад̇ваа нируж̇жханд̇и вуубасаманд̇и аббавад̇д̇им̣ г̇ажчанд̇и, д̇асмаа д̇ам̣ ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и. арияо бана адтан̇г̇иго маг̇г̇о д̇ам̣ д̣̇угканирод̇хам̣ г̇ажчад̇и, д̇зна д̇ам̣ ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и. зд̇д̇аавад̇аа наанагкан̣з сажжававад̇т̇аанам̣ д̣̇ассид̇ам̣. ид̣̇аани д̇ам̣ згагкан̣з д̣̇ассзд̇ум̣ ‘‘д̇ат̇ааг̇ад̇аббавзд̣̇ид̇аа’’д̇иаад̣̇и вуд̇д̇ам̣. д̇ат̇ааг̇ад̇аббавзд̣̇ид̇аад̇и д̇ат̇ааг̇ад̇зна б̣од̇химан̣д̣з бадивид̣̇д̇хаа вид̣̇ид̇аа баагадаа гад̇аа. д̇хаммаад̇и жад̇усажжад̇хаммаа. вод̣̇идтаа хонд̇ийд̇и суд̣̇идтаа хонд̇и. вожарид̇аад̇и сужарид̇аа, д̇зсу д̇зна бан̃н̃аа судту жараабид̇аад̇и ад̇т̇о. аяанд̇и аяам̣ зваруубо буг̇г̇ало ‘‘д̣̇идтиббад̇д̇о’’д̇и вужжад̇и.

    Diṭṭhantaṃ pattoti dassanasaṅkhātassa sotāpattimaggañāṇassa anantaraṃ pattoti attho. ‘‘Diṭṭhattā patto’’tipi pāṭho, tena catusaccadassanasaṅkhātāya diṭṭhiyā nirodhassa pattataṃ dīpeti. Tenāha ‘‘dukkhā saṅkhārā’’tiādi. Paṭhamaphalato paṭṭhāya yāva aggamaggā diṭṭhippattoti āha ‘‘esopi kāyasakkhī viya chabbidho hotī’’ti. Idaṃ dukkhanti ‘‘idaṃ dukkhaṃ, ettakaṃ dukkhaṃ, na ito uddhaṃ dukkha’’nti yathābhūtaṃ pajānāti. Yasmā idaṃ yāthāvasarasato pajānāti, pajānanto ca ṭhapetvā taṇhaṃ pañcupādānakkhandhe ‘‘dukkhasacca’’nti pajānāti. Taṇhaṃ pana idaṃ dukkhaṃ ito samudeti, tasmā ‘‘ayaṃ dukkhasamudayo’’ti yathābhūtaṃ pajānāti. Yasmā idaṃ dukkhañca samudayo ca nibbānaṃ patvā nirujjhanti vūpasamanti appavattiṃ gacchanti, tasmā taṃ ‘‘ayaṃ dukkhanirodho’’ti yathābhūtaṃ pajānāti. Ariyo pana aṭṭhaṅgiko maggo taṃ dukkhanirodhaṃ gacchati, tena taṃ ‘‘ayaṃ dukkhanirodhagāminī paṭipadā’’ti yathābhūtaṃ pajānāti. Ettāvatā nānakkhaṇe saccavavatthānaṃ dassitaṃ. Idāni taṃ ekakkhaṇe dassetuṃ ‘‘tathāgatappaveditā’’tiādi vuttaṃ. Tathāgatappaveditāti tathāgatena bodhimaṇḍe paṭividdhā viditā pākaṭā katā. Dhammāti catusaccadhammā. Vodiṭṭhā hontīti sudiṭṭhā honti. Vocaritāti sucaritā, tesu tena paññā suṭṭhu carāpitāti attho. Ayanti ayaṃ evarūpo puggalo ‘‘diṭṭhippatto’’ti vuccati.

    сад̣̇д̇хааяа вимуд̇д̇од̇и сад̣̇д̣̇аханавасзна вимуд̇д̇о, зд̇зна саб̣б̣ат̇аа авимуд̇д̇ассаби сад̣̇д̇хаамад̇д̇зна вимуд̇д̇абхаавам̣ д̣̇ассзд̇и. сад̣̇д̇хаавимуд̇д̇од̇и ваа сад̣̇д̇хааяа ад̇химуд̇д̇од̇и ад̇т̇о. вуд̇д̇анаязнзваад̇и гааяасагкимхи вуд̇д̇анаязнзва. но жа ко яат̇аа д̣̇идтиббад̇д̇ассаад̇и яат̇аа д̣̇идтиббад̇д̇асса аасаваа баригкийн̣аа, на звам̣ сад̣̇д̇хааяа вимуд̇д̇ассаад̇и ад̇т̇о. гим̣ бана нзсам̣ гилзсаббахаанз наанад̇д̇ам̣ ад̇т̇ийд̇и? над̇т̇и. ат̇а гасмаа сад̣̇д̇хаавимуд̇д̇о д̣̇идтиббад̇д̇ам̣ на баабун̣аад̇ийд̇и? ааг̇аманийяанаанад̇д̇зна. д̣̇идтиббад̇д̇о хи ааг̇аманамхи гилзсз вигкамбхзнд̇о аббад̣̇угкзна, агиламанд̇о жа саггод̇и вигкамбхзд̇ум̣, сад̣̇д̇хаавимуд̇д̇о д̣̇угкзна гиламанд̇о вигкамбхзд̇и, д̇асмаа д̣̇идтиббад̇д̇ам̣ на баабун̣аад̇и. д̇знааха ‘‘зд̇зсу хий’’д̇иаад̣̇и.

    Saddhāyavimuttoti saddahanavasena vimutto, etena sabbathā avimuttassapi saddhāmattena vimuttabhāvaṃ dasseti. Saddhāvimuttoti vā saddhāya adhimuttoti attho. Vuttanayenevāti kāyasakkhimhi vuttanayeneva. No ca kho yathā diṭṭhippattassāti yathā diṭṭhippattassa āsavā parikkhīṇā, na evaṃ saddhāya vimuttassāti attho. Kiṃ pana nesaṃ kilesappahāne nānattaṃ atthīti? Natthi. Atha kasmā saddhāvimutto diṭṭhippattaṃ na pāpuṇātīti? Āgamanīyanānattena. Diṭṭhippatto hi āgamanamhi kilese vikkhambhento appadukkhena, akilamanto ca sakkoti vikkhambhetuṃ, saddhāvimutto dukkhena kilamanto vikkhambheti, tasmā diṭṭhippattaṃ na pāpuṇāti. Tenāha ‘‘etesu hī’’tiādi.

    аарамман̣ам̣ яаат̇аавад̇о д̇хаарзд̇и авад̇хаарзд̇ийд̇и д̇хаммо, бан̃н̃аа. бан̃н̃аабуб̣б̣ан̇г̇аманд̇и бан̃н̃аабад̇хаанам̣. бан̃н̃ам̣ ваахзд̇ийд̇и бан̃н̃ааваахий, бан̃н̃ам̣ саад̇исаяам̣ бавад̇д̇зд̇ийд̇и ад̇т̇о. бан̃н̃аа ваа имам̣ буг̇г̇алам̣ ваахзд̇и, ниб̣б̣аанаабхимукам̣ г̇амзд̇ийд̇и ад̇т̇о. сад̣̇д̇хаанусааринид̣̇д̣̇зсзби зсзва наяо.

    Ārammaṇaṃ yāthāvato dhāreti avadhāretīti dhammo, paññā. Paññāpubbaṅgamanti paññāpadhānaṃ. Paññaṃ vāhetīti paññāvāhī, paññaṃ sātisayaṃ pavattetīti attho. Paññā vā imaṃ puggalaṃ vāheti, nibbānābhimukhaṃ gametīti attho. Saddhānusāriniddesepi eseva nayo.

    д̇асмаад̇и висуд̣̇д̇химаг̇г̇з (висуд̣̇д̇хи. 2.770, 776) вуд̇д̇ад̇д̇аа, д̇ад̇о зва висуд̣̇д̇химаг̇г̇з, д̇ам̣ сам̣ван̣н̣анаасу (висуд̣̇д̇хи. дий. 2.776) вуд̇д̇анаязнзд̇т̇а ад̇т̇о взд̣̇ид̇аб̣б̣о.

    Tasmāti visuddhimagge (visuddhi. 2.770, 776) vuttattā, tato eva visuddhimagge, taṃ saṃvaṇṇanāsu (visuddhi. ṭī. 2.776) vuttanayenettha attho veditabbo.

    бад̇хаанад̣̇зсанааван̣н̣анаа

    Padhānadesanāvaṇṇanā

    151. бад̣̇аханавасзнаад̇и бхааванаануяог̇авасзна. сад̇д̇а б̣ож̇жхан̇г̇аа бад̇хаанаад̇и вуд̇д̇аа вивзганиссид̇аад̣̇ибхаавзна бад̣̇ахид̇аб̣б̣ад̇о бхаавзд̇аб̣б̣ад̇о.

    151.Padahanavasenāti bhāvanānuyogavasena. Satta bojjhaṅgā padhānāti vuttā vivekanissitādibhāvena padahitabbato bhāvetabbato.

    бадибад̣̇аад̣̇зсанааван̣н̣анаа

    Paṭipadādesanāvaṇṇanā

    152. д̣̇угкзна гасирзна самаад̇хим̣ уббаад̣̇знд̇ассаад̇и буб̣б̣абхааг̇з ааг̇аманагаалз гижчзна д̣̇угкзна сасан̇каарзна саббаяог̇зна гиламанд̇асса гилзсз вигкамбхзд̇ваа логуд̇д̇арасамаад̇хим̣ уббаад̣̇знд̇асса. д̣̇анд̇хам̣ д̇ам̣ таанам̣ абхиж̇аананд̇ассаад̇и вигкамбхид̇зсу гилзсзсу вибассанаабариваасз жирам̣ васид̇ваа д̇ам̣ логуд̇д̇арасамаад̇хисан̇каад̇ам̣ таанам̣ д̣̇анд̇хам̣ сан̣игам̣ абхиж̇аананд̇асса бадивиж̇жханд̇асса, сажчигаронд̇асса баабун̣анд̇ассаад̇и ад̇т̇о. аяам̣ вужжад̇ийд̇и яаа зсаа звам̣ уббаж̇ж̇ад̇и, аяам̣ гилзсавигкамбханабадибад̣̇ааяа д̣̇угкад̇д̇аа, вибассанаабариваасабан̃н̃ааяа жа д̣̇анд̇хад̇д̇аа маг̇г̇агаалз згажид̇д̇агкан̣з уббаннааби бан̃н̃аа ааг̇аманавасзна ‘‘д̣̇угкабадибад̣̇аа д̣̇анд̇хаабхин̃н̃аа наамаа’’д̇и вужжад̇и. убари д̇ийсу бад̣̇зсуби иминаава наязна ад̇т̇о взд̣̇ид̇аб̣б̣о.

    152.Dukkhenakasirena samādhiṃ uppādentassāti pubbabhāge āgamanakāle kicchena dukkhena sasaṅkhārena sappayogena kilamantassa kilese vikkhambhetvā lokuttarasamādhiṃ uppādentassa. Dandhaṃ taṃ ṭhānaṃ abhijānantassāti vikkhambhitesu kilesesu vipassanāparivāse ciraṃ vasitvā taṃ lokuttarasamādhisaṅkhātaṃ ṭhānaṃ dandhaṃ saṇikaṃ abhijānantassa paṭivijjhantassa, sacchikarontassa pāpuṇantassāti attho. Ayaṃ vuccatīti yā esā evaṃ uppajjati, ayaṃ kilesavikkhambhanapaṭipadāya dukkhattā, vipassanāparivāsapaññāya ca dandhattā maggakāle ekacittakkhaṇe uppannāpi paññā āgamanavasena ‘‘dukkhapaṭipadā dandhābhiññā nāmā’’ti vuccati. Upari tīsu padesupi imināva nayena attho veditabbo.

    бхассасамаажаараад̣̇ид̣̇зсанааван̣н̣анаа

    Bhassasamācārādidesanāvaṇṇanā

    153. бхассасамаажаарзд̇и важийсамаажаарз. тид̇од̇и яат̇аарад̣̇д̇хам̣ д̇ам̣ авижчзд̣̇авасзна гат̇знд̇о. д̇знааха ‘‘гат̇аамаг̇г̇ам̣ анубажчинд̣̇ид̇ваа гат̇знд̇о’’д̇и. мусааваад̣̇уубасан̃хид̇анд̇и анд̇аранд̇араа бавад̇д̇зна мусааваад̣̇зна убасам̣хид̇ам̣. вибхууд̇и вужжад̇и висум̣бхааво, д̇ад̇т̇а нияуд̇д̇анд̇и взбхууд̇игам̣, д̇ад̣̇зва взбхууд̇ияам̣, бзсун̃н̃ам̣. д̇знааха ‘‘бхзд̣̇агараваажа’’нд̇и. гаран̣уд̇д̇арияалагкан̣ад̇о саарамбхад̇о ж̇аад̇аад̇и саарамбхаж̇аа. д̇ассаа бавад̇д̇иаагаарад̣̇ассанад̇т̇ам̣ ‘‘д̇вам̣ д̣̇уссийло’’д̇иаад̣̇и вуд̇д̇ам̣. б̣ахид̣̇д̇хаагат̇аа аманаабаа, манаабааби барасса жид̇д̇авигхаад̇аавахад̇д̇аа гаран̣уд̇д̇арияабагкияамзваад̇и д̣̇ассзнд̇о ‘‘д̇уяха’’нд̇иаад̣̇имааха. вигкзбагат̇аабавад̇д̇анд̇и вигкзбагат̇аавасзна бавад̇д̇ам̣. ж̇аяабурзгкааро худ̇ваад̇и ад̇д̇ано ж̇аяам̣ бурагкад̇ваа. яам̣ гин̃жи на бхаасад̇ийд̇и яож̇анаа. ‘‘манд̇аа’’д̇и вужжад̇и бан̃н̃аа, манд̇анам̣ ж̇аанананд̇и гад̇ваа. ‘‘манд̇аа’’д̇и ид̣̇ам̣ ‘‘манд̇зд̇ваа’’д̇и иминаа самаанад̇т̇ам̣ нибаад̇абад̣̇анд̇и ааха ‘‘убабаригкид̇ваа’’д̇и. яуд̇д̇агат̇амзваад̇и ад̇д̇ано, сун̣анд̇асса жа яуд̇д̇аруубамзва гат̇ам̣. хад̣̇аяз нид̣̇ахид̇аб̣б̣аяуд̇д̇анд̇и ад̇т̇асамбад̇д̇ияаа, б̣яан̃ж̇анасамбад̇д̇ияаа ад̇т̇авзд̣̇аад̣̇ибадилаабханимид̇д̇ад̇д̇аа жид̇д̇з табзд̇аб̣б̣ам̣, вимуд̇д̇ааяад̇анабхаавзна манаси гаад̇аб̣б̣анд̇и ад̇т̇о. саб̣б̣ан̇г̇асамбаннааби ваажаа агаалз бхаасид̇аа абхааж̇анз бхаасид̇аа вияа на ад̇т̇аавахаад̇и ааха ‘‘яуд̇д̇абад̇д̇агаалзнаа’’д̇и. аяан̃жа жад̇уран̇г̇асаманнааг̇ад̇аа субхаасид̇аваажаа сажжасамб̣од̇хаавахаад̣̇ид̇ааяа сад̇д̇аанам̣ махид̣̇д̇хигаа махаанисам̣саад̇и д̣̇ассзд̇ум̣ ‘‘звам̣ бхаасид̇аа хий’’д̇иаад̣̇и вуд̇д̇ам̣.

    153.Bhassasamācāreti vacīsamācāre. Ṭhitoti yathāraddhaṃ taṃ avicchedavasena kathento. Tenāha ‘‘kathāmaggaṃ anupacchinditvā kathento’’ti. Musāvādūpasañhitanti antarantarā pavattena musāvādena upasaṃhitaṃ. Vibhūti vuccati visuṃbhāvo, tattha niyuttanti vebhūtikaṃ, tadeva vebhūtiyaṃ, pesuññaṃ. Tenāha ‘‘bhedakaravāca’’nti. Karaṇuttariyalakkhaṇato sārambhato jātāti sārambhajā. Tassā pavattiākāradassanatthaṃ ‘‘tvaṃ dussīlo’’tiādi vuttaṃ. Bahiddhākathā amanāpā, manāpāpi parassa cittavighātāvahattā karaṇuttariyapakkhiyamevāti dassento ‘‘tuyha’’ntiādimāha. Vikkhepakathāpavattanti vikkhepakathāvasena pavattaṃ. Jayapurekkhāro hutvāti attano jayaṃ purakkhatvā. Yaṃ kiñci na bhāsatīti yojanā. ‘‘Mantā’’ti vuccati paññā, mantanaṃ jānananti katvā. ‘‘Mantā’’ti idaṃ ‘‘mantetvā’’ti iminā samānatthaṃ nipātapadanti āha ‘‘upaparikkhitvā’’ti. Yuttakathamevāti attano, suṇantassa ca yuttarūpameva kathaṃ. Hadaye nidahitabbayuttanti atthasampattiyā, byañjanasampattiyā atthavedādipaṭilābhanimittattā citte ṭhapetabbaṃ, vimuttāyatanabhāvena manasi kātabbanti attho. Sabbaṅgasampannāpi vācā akāle bhāsitā abhājane bhāsitā viya na atthāvahāti āha ‘‘yuttapattakālenā’’ti. Ayañca caturaṅgasamannāgatā subhāsitavācā saccasambodhāvahāditāya sattānaṃ mahiddhikā mahānisaṃsāti dassetuṃ ‘‘evaṃ bhāsitā hī’’tiādi vuttaṃ.

    сийлаажаарзд̇и сийлз жа аажаарз жа барисуд̣̇д̇хасийлз жзва барисуд̣̇д̇хаманосамаажаарз жа. тид̇од̇и бад̇идтаханд̇о. сажжам̣ зд̇асса ад̇т̇ийд̇и сажжод̇и ааха ‘‘сажжагат̇о’’д̇и. зса наяо сад̣̇д̇ход̇и зд̇т̇ааби. д̇знааха ‘‘сад̣̇д̇хаасамбанно’’д̇и. ‘‘нану жа хздтаа сажжам̣ гат̇ид̇амзваа’’д̇и гасмаа вуд̇д̇ам̣? хздтаа хи важийсамаажаарам̣ гат̇знд̇зна сажжам̣ гат̇ид̇ам̣, бадибагкабадигкзбавасзна ид̇ха сийлам̣ гат̇знд̇зна д̇ам̣ барибун̣н̣ам̣ гад̇ваа д̣̇ассзд̇ум̣ сажжам̣ саруубзнзва гат̇ид̇ам̣. ‘‘буг̇г̇алаад̇хидтаанааяа гат̇ааяа аараб̣бханд̇аран̃жзд̇ам̣, д̇ат̇ааби сажжам̣ вад̇ваа ананд̇арамзва сажжасса гат̇анам̣ бунаруд̇д̇ам̣ ход̇ийд̇и барасса жод̣̇анаавасаро маа ход̇уу’’д̇и д̇ад̇т̇а барихаарам̣ д̣̇аад̇угаамо ‘‘ид̇ха гасмаа буна вуд̇д̇а’’нд̇и ааха. хздтаа ваажаасажжам̣ гат̇ид̇ам̣ жад̇уран̇г̇асаманнааг̇ад̇ам̣ субхаасид̇аваажам̣ д̣̇ассзнд̇зна. анд̇амасо…бз… д̣̇ассзд̇ум̣ ид̇ха вуд̇д̇ам̣ ‘‘звам̣ сийлам̣ субарисуд̣̇д̇хам̣ ход̇ий’’д̇и. имасмим̣ банад̇т̇з ‘‘звам̣ барид̇д̇агам̣ ко, раахула, д̇зсам̣ сааман̃н̃ам̣, язсам̣ над̇т̇и самбаж̇аанамусааваад̣̇з лаж̇ж̇аа’’д̇иаад̣̇и наяаббавад̇д̇ам̣ раахуловаад̣̇асуд̇д̇ам̣ д̣̇ассзд̇аб̣б̣ам̣.

    Sīlācāreti sīle ca ācāre ca parisuddhasīle ceva parisuddhamanosamācāre ca. Ṭhitoti patiṭṭhahanto. Saccaṃ etassa atthīti saccoti āha ‘‘saccakatho’’ti. Esa nayo saddhoti etthāpi. Tenāha ‘‘saddhāsampanno’’ti. ‘‘Nanu ca heṭṭhā saccaṃ kathitamevā’’ti kasmā vuttaṃ? Heṭṭhā hi vacīsamācāraṃ kathentena saccaṃ kathitaṃ, paṭipakkhapaṭikkhepavasena idha sīlaṃ kathentena taṃ paripuṇṇaṃ katvā dassetuṃ saccaṃ sarūpeneva kathitaṃ. ‘‘Puggalādhiṭṭhānāya kathāya ārabbhantarañcetaṃ, tathāpi saccaṃ vatvā anantarameva saccassa kathanaṃ punaruttaṃ hotīti parassa codanāvasaro mā hotū’’ti tattha parihāraṃ dātukāmo ‘‘idha kasmā puna vutta’’nti āha. Heṭṭhā vācāsaccaṃ kathitaṃ caturaṅgasamannāgataṃ subhāsitavācaṃ dassentena. Antamaso…pe… dassetuṃ idha vuttaṃ ‘‘evaṃ sīlaṃ suparisuddhaṃ hotī’’ti. Imasmiṃ panatthe ‘‘evaṃ parittakaṃ kho, rāhula, tesaṃ sāmaññaṃ, yesaṃ natthi sampajānamusāvāde lajjā’’tiādi nayappavattaṃ rāhulovādasuttaṃ dassetabbaṃ.

    г̇уд̇д̇аа сад̇игаваадзна бид̣̇ахид̇аа д̣̇ваараа зд̇знаад̇и г̇уд̇д̇ад̣̇ваарод̇и ааха ‘‘часу инд̣̇риязсуу’’д̇иаад̣̇и . бариязсанабадиг̇г̇ан̣ханабарибхог̇ависсаж̇ж̇анавасзна бхож̇анз мад̇д̇ам̣ ж̇аанаад̇ийд̇и бхож̇анз мад̇д̇ан̃н̃уу. саманд̇и ависамам̣. самажаарид̇аа хи гааяависамаад̣̇ийни бахааяа гааяасамаад̣̇ибууран̣ам̣. нисаж̇ж̇ааяаад̇и зд̇т̇а ид̇и-сад̣̇д̣̇о аад̣̇иад̇т̇о, д̇зна ‘‘ааваран̣ийязхи д̇хаммзхи жид̇д̇ам̣ барисод̇хзд̇ий’’д̇и звамаад̣̇им̣ сан̇г̇ан̣хаад̇и. бхааванааяа жид̇д̇абарисод̇ханан̃хи ж̇ааг̇арияаануяог̇о, на нид̣̇д̣̇аавинод̣̇анамад̇д̇ам̣. нид̇д̇анд̣̇ийд̇и виг̇ад̇ат̇инамид̣̇д̇хо. саа бана нид̇д̇анд̣̇ид̇аа гааяааласияавиг̇аманз баагадаа ход̇ийд̇и вуд̇д̇ам̣ ‘‘гааяааласияавирахид̇о’’д̇и. ‘‘аарад̣̇д̇хавийрияо’’д̇и иминаа д̣̇увид̇хоби вийрияаарамбхо г̇ахид̇од̇и д̇ам̣ вибхаж̇ид̇ваа д̣̇ассзд̇ум̣ ‘‘гааяигавийриязнаабий’’д̇иаад̣̇и вуд̇д̇ам̣. сан̇г̇амма г̇ан̣авихааро сахаваасо сан̇г̇ан̣игаа, саа бана гилзсзхиби звам̣ ход̇ийд̇и д̇ад̇о висзсзд̇ум̣ ‘‘г̇ан̣асан̇г̇ан̣ига’’нд̇и вуд̇д̇ам̣. г̇ан̣зна сан̇г̇ан̣игам̣ г̇ан̣асан̇г̇ан̣иганд̇и. аарамбхавад̇т̇увасзнаад̇и анад̇хиг̇ад̇ависзсаад̇хиг̇амагааран̣авасзна згавихаарий, на гзвалам̣ згийбхаававасзна. гилзсасан̇г̇ан̣иганд̇и гилзсасахид̇ажид̇д̇ад̇ам̣. яат̇аа д̇ат̇аад̇и вибассанаавасзна, бадисан̇каанавасзна ваа. самат̇авасзна аарамман̣уубаниж̇жхаанам̣. вибассанаавасзна лагкан̣уубаниж̇жхаанам̣.

    Guttā satikavāṭena pidahitā dvārā etenāti guttadvāroti āha ‘‘chasu indriyesū’’tiādi . Pariyesanapaṭiggaṇhanaparibhogavissajjanavasena bhojane mattaṃ jānātīti bhojane mattaññū. Samanti avisamaṃ. Samacāritā hi kāyavisamādīni pahāya kāyasamādipūraṇaṃ. Nisajjāyāti ettha iti-saddo ādiattho, tena ‘‘āvaraṇīyehi dhammehi cittaṃ parisodhetī’’ti evamādiṃ saṅgaṇhāti. Bhāvanāya cittaparisodhanañhi jāgariyānuyogo, na niddāvinodanamattaṃ. Nittandīti vigatathinamiddho. Sā pana nittanditā kāyālasiyavigamane pākaṭā hotīti vuttaṃ ‘‘kāyālasiyavirahito’’ti. ‘‘Āraddhavīriyo’’ti iminā duvidhopi vīriyārambho gahitoti taṃ vibhajitvā dassetuṃ ‘‘kāyikavīriyenāpī’’tiādi vuttaṃ. Saṅgamma gaṇavihāro sahavāso saṅgaṇikā, sā pana kilesehipi evaṃ hotīti tato visesetuṃ ‘‘gaṇasaṅgaṇika’’nti vuttaṃ. Gaṇena saṅgaṇikaṃ gaṇasaṅgaṇikanti. Ārambhavatthuvasenāti anadhigatavisesādhigamakāraṇavasena ekavihārī, na kevalaṃ ekībhāvavasena. Kilesasaṅgaṇikanti kilesasahitacittataṃ. Yathā tathāti vipassanāvasena, paṭisaṅkhānavasena vā. Samathavasena ārammaṇūpanijjhānaṃ. Vipassanāvasena lakkhaṇūpanijjhānaṃ.

    галяаан̣абадибхаанод̇и сунд̣̇арабадибхаано, саа банасса бадибхаанасамбад̣̇аа важанажаад̇урияасахид̇аава ижчид̇аад̇и ааха ‘‘вааггаран̣а…бз… самбанно жаа’’д̇и. ‘‘бадибхаана’’нд̇и хи н̃аан̣амби вужжад̇и н̃аан̣асса убадтид̇аважанамби. д̇ад̇т̇а ад̇т̇аяуд̇д̇ам̣ гааран̣аяуд̇д̇ам̣ бадибхаанамассаад̇и яуд̇д̇абадибхаано. бужчид̇аананд̇арамзва сийгхам̣ б̣яаагаад̇ум̣ асамад̇т̇ад̇ааяа но муд̇д̇абадибхаанам̣ ассаад̇и но муд̇д̇абадибхаано. ид̇ха бана вигин̣н̣аваажо муд̇д̇абадибхаано ад̇хиббзд̇од̇и ад̇хиббааязна ‘‘сийласамаажаарасмин̃хи тид̇абхигку муд̇д̇абадибхаано на ход̇ий’’д̇и вуд̇д̇ам̣. г̇аманасамад̇т̇ааяаад̇и ассуд̇ам̣ д̇хаммам̣ г̇амзд̇ум̣ самад̇т̇ааяа. д̇хааран̣асамад̇т̇ааяаад̇и саад̇исаяам̣ сад̇ивийрияасахид̇ад̇ааяа яат̇аасуд̇ам̣ яат̇аабарияад̇д̇ам̣ д̇хаммам̣ д̇хаарзд̇ум̣ самад̇т̇ааяа. мунанад̇о ануминанад̇о муд̇ийд̇и анумаана бан̃н̃ааяа наамам̣. д̇ийхи бад̣̇зхийд̇и ‘‘г̇ад̇имаа д̇хид̇имаа муд̇имаа’’д̇и д̇ийхи бад̣̇зхи. хздтаад̇и хздтаа ‘‘аарад̣̇д̇хавийрияо’’д̇и вуд̇д̇адтаанз. ид̇хаад̇и ‘‘д̇хид̇имаа’’д̇и вуд̇д̇адтаанз. вийрияамби хздтаа г̇ун̣абхууд̇ам̣ г̇ахид̇анд̇и вуд̇д̇овааяамад̇т̇о. хздтаад̇и ‘‘ж̇ааг̇арияаануяог̇амануяуд̇д̇о, жхааяий’’д̇и зд̇т̇а вибассанаабан̃н̃аа гат̇ид̇аа. ид̇хаад̇и ‘‘д̇хид̇имаа муд̇имаа’’д̇и зд̇т̇а б̣уд̣̇д̇хаважанаг̇ан̣ханабан̃н̃аа гат̇ид̇аа гаран̣абуб̣б̣аабарагосаллабан̃н̃аад̣̇ийбанад̇о. гилзсагаамоби вад̇т̇угаамо вияа яат̇аабавад̇д̇о ассаад̣̇ийяад̇ийд̇и вуд̇д̇ам̣ ‘‘вад̇т̇угаамагилзсагаамзсу аг̇ид̣̇д̇хо’’д̇и.

    Kalyāṇapaṭibhānoti sundarapaṭibhāno, sā panassa paṭibhānasampadā vacanacāturiyasahitāva icchitāti āha ‘‘vākkaraṇa…pe… sampanno cā’’ti. ‘‘Paṭibhāna’’nti hi ñāṇampi vuccati ñāṇassa upaṭṭhitavacanampi. Tattha atthayuttaṃ kāraṇayuttaṃ paṭibhānamassāti yuttapaṭibhāno. Pucchitānantarameva sīghaṃ byākātuṃ asamatthatāya no muttapaṭibhānaṃ assāti no muttapaṭibhāno. Idha pana vikiṇṇavāco muttapaṭibhāno adhippetoti adhippāyena ‘‘sīlasamācārasmiñhi ṭhitabhikkhu muttapaṭibhāno na hotī’’ti vuttaṃ. Gamanasamatthāyāti assutaṃ dhammaṃ gametuṃ samatthāya. Dhāraṇasamatthāyāti sātisayaṃ sativīriyasahitatāya yathāsutaṃ yathāpariyattaṃ dhammaṃ dhāretuṃ samatthāya. Munanato anuminanato mutīti anumāna paññāya nāmaṃ. Tīhi padehīti ‘‘gatimā dhitimā mutimā’’ti tīhi padehi. Heṭṭhāti heṭṭhā ‘‘āraddhavīriyo’’ti vuttaṭṭhāne. Idhāti ‘‘dhitimā’’ti vuttaṭṭhāne. Vīriyampi heṭṭhā guṇabhūtaṃ gahitanti vuttovāyamattho. Heṭṭhāti ‘‘jāgariyānuyogamanuyutto, jhāyī’’ti ettha vipassanāpaññā kathitā. Idhāti ‘‘dhitimā mutimā’’ti ettha buddhavacanagaṇhanapaññā kathitā karaṇapubbāparakosallapaññādīpanato. Kilesakāmopi vatthukāmo viya yathāpavatto assādīyatīti vuttaṃ ‘‘vatthukāmakilesakāmesu agiddho’’ti.

    анусаасанавид̇хаад̣̇зсанаад̣̇иван̣н̣анаа

    Anusāsanavidhādesanādivaṇṇanā

    154. ад̇д̇ано убааяаманасигаарзнаад̇и ад̇д̇ани самбхууд̇зна бат̇аманасигаарзна бхааванааманасигаарзна. бадибаж̇ж̇амаанод̇и висуд̣̇д̇хим̣ бадибаж̇ж̇амаано.

    154.Attano upāyamanasikārenāti attani sambhūtena pathamanasikārena bhāvanāmanasikārena. Paṭipajjamānoti visuddhiṃ paṭipajjamāno.

    155. гилзсавимуд̇д̇ин̃аан̣зд̇и гилзсаббахаанаж̇аананз.

    155.Kilesavimuttiñāṇeti kilesappahānajānane.

    156. барияаад̣̇ияамаанод̇и барижчиж̇ж̇а г̇ан̣ханд̇од̇и ад̇т̇о. суд̣̇д̇хагканд̇хзязва ануссарад̇и наамаг̇од̇д̇ам̣ барияаад̣̇ияид̇ум̣ асаггонд̇о. вуд̇д̇амзвад̇т̇ам̣ виварид̇ум̣ ‘‘зго хий’’д̇иаад̣̇и вуд̇д̇ам̣. саггод̇и барияаад̣̇ияид̇ум̣. асаггонд̇асса васзна г̇ахид̇ам̣, ‘‘амуд̇раасим̣ звам̣наамо’’д̇иаад̣̇и вуд̇д̇анд̇и ад̇т̇о. асаггонд̇ассаад̇и жа аароханз асаггонд̇асса, ороханз бана н̃аан̣асса т̇ирабхууд̇ад̇д̇аа. д̇знааха ‘‘суд̣̇д̇хагканд̇хзязва ануссаранд̇о’’д̇иаад̣̇и. зд̇анд̇и буб̣б̣аабаравирод̇хам̣. на саллагкзси д̣̇идтаабхинивзсзна гун̣тан̃аан̣ад̇д̇аа. д̇знааха ‘‘д̣̇идтиг̇ад̇игад̇д̇аа’’д̇и. таананд̇и згасмим̣ багкз авадтаанам̣. нияамод̇и ваад̣̇анияамо бадинияад̇аваад̣̇ад̇аа. д̇знааха ‘‘имам̣ г̇ахзд̇ваа’’д̇иаад̣̇и.

    156.Pariyādiyamānoti paricchijja gaṇhantoti attho. Suddhakkhandheyeva anussarati nāmagottaṃ pariyādiyituṃ asakkonto. Vuttamevatthaṃ vivarituṃ ‘‘eko hī’’tiādi vuttaṃ. Sakkoti pariyādiyituṃ. Asakkontassavasena gahitaṃ, ‘‘amutrāsiṃ evaṃnāmo’’tiādi vuttanti attho. Asakkontassāti ca ārohane asakkontassa, orohane pana ñāṇassa thirabhūtattā. Tenāha ‘‘suddhakkhandheyeva anussaranto’’tiādi. Etanti pubbāparavirodhaṃ. Na sallakkhesi diṭṭhābhinivesena kuṇṭhañāṇattā. Tenāha ‘‘diṭṭhigatikattā’’ti. Ṭhānanti ekasmiṃ pakkhe avaṭṭhānaṃ. Niyamoti vādaniyamo paṭiniyatavādatā. Tenāha ‘‘imaṃ gahetvā’’tiādi.

    157. бин̣д̣аг̇ан̣анааяаад̇и ‘‘згам̣ д̣̇вз’’д̇иаад̣̇инаа аг̇ан̣зд̇ваа сан̇галанабад̣̇уббаад̣̇анаад̣̇инаа бин̣д̣анавасзна г̇ан̣анааяа. ажчид̣̇д̣̇агавасзнаад̇и авижчинд̣̇агаг̇ан̣анаавасзна г̇ан̣анаа гамаг̇ан̣анам̣ мун̃жид̇ваа ‘‘имасмим̣ ругкз зд̇д̇агаани бан̣н̣ааний’’д̇и ваа ‘‘имасмим̣ ж̇алаасаяз зд̇д̇агаани уд̣̇агаал̣хагааний’’д̇и ваа звам̣ г̇ан̣зд̇аб̣б̣асса згаж̇жхамби бин̣д̣зд̇ваа г̇ан̣анаа. гамаг̇ан̣анаа хи анд̇аранд̇араа вижчиж̇ж̇а бавад̇д̇ияаа бажчинд̣̇игаа. саа банзсаа г̇ан̣анаа савананд̇арам̣ анабзгкид̇ваа манасаава г̇ан̣зд̇аб̣б̣ад̇о ‘‘маног̇ан̣анаа’’д̇иби вужжад̇ийд̇и ааха ‘‘маног̇ан̣анааяаа’’д̇и. бин̣д̣аг̇ан̣анамзва д̣̇ассзд̇и, на вибхааг̇аг̇ан̣анам̣. сан̇каад̇ум̣ на саггаа ан̃н̃зхи асан̇кязяяаабхаавад̇о. бан̃н̃аабаарамияаа буурид̇абхаавам̣ д̣̇ассзнд̇о ид̇араасам̣ бууран̣зна винаа д̇ассаа бууран̣ам̣ над̇т̇ийд̇и ‘‘д̣̇асаннам̣ баарамийнам̣ буурид̇ад̇д̇аа’’д̇и ааха. д̇знааха ‘‘саб̣б̣ан̃н̃уд̇ан̃н̃аан̣асса суббадивид̣̇д̇хад̇д̇аа’’д̇и. зд̇д̇аганд̇и д̣̇ассзт̇аад̇и д̣̇ийбзд̇и т̇зро. яам̣ бана баал̣ияам̣ ‘‘саагаарам̣ сауд̣̇д̣̇зсам̣ ануссарад̇ий’’д̇и вуд̇д̇ам̣, д̇ам̣ д̇асса ануссаран̣амад̇д̇ам̣ санд̇хааяа вуд̇д̇ам̣, на ааяуно вассаад̣̇иг̇ан̣анааяа барижчинд̣̇анам̣ д̇асса ависаяабхаавад̇о.

    157.Piṇḍagaṇanāyāti ‘‘ekaṃ dve’’tiādinā agaṇetvā saṅkalanapaduppādanādinā piṇḍanavasena gaṇanāya. Acchiddakavasenāti avicchindakagaṇanāvasena gaṇanā kamagaṇanaṃ muñcitvā ‘‘imasmiṃ rukkhe ettakāni paṇṇānī’’ti vā ‘‘imasmiṃ jalāsaye ettakāni udakāḷhakānī’’ti vā evaṃ gaṇetabbassa ekajjhampi piṇḍetvā gaṇanā. Kamagaṇanā hi antarantarā vicchijja pavattiyā pacchindikā. Sā panesā gaṇanā savanantaraṃ anapekkhitvā manasāva gaṇetabbato ‘‘manogaṇanā’’tipi vuccatīti āha ‘‘manogaṇanāyā’’ti. Piṇḍagaṇanameva dasseti, na vibhāgagaṇanaṃ. Saṅkhātuṃ na sakkā aññehi asaṅkhyeyyābhāvato. Paññāpāramiyā pūritabhāvaṃ dassento itarāsaṃ pūraṇena vinā tassā pūraṇaṃ natthīti ‘‘dasannaṃ pāramīnaṃ pūritattā’’ti āha. Tenāha ‘‘sabbaññutaññāṇassa suppaṭividdhattā’’ti. Ettakanti dassethāti dīpeti thero. Yaṃ pana pāḷiyaṃ ‘‘sākāraṃ sauddesaṃ anussaratī’’ti vuttaṃ, taṃ tassa anussaraṇamattaṃ sandhāya vuttaṃ, na āyuno vassādigaṇanāya paricchindanaṃ tassa avisayabhāvato.

    158. д̇умхаагам̣ саммаасамб̣уд̣̇д̇хаанам̣ язва ануд̇д̇араа анан̃н̃асаад̇хааран̣ад̇д̇аа. ид̣̇аани д̇ассаа д̣̇зсанааяа маж̇жхз бхиннасуван̣н̣асса вияа вибхааг̇аабхаавам̣ д̣̇ассзд̇ум̣ ‘‘ад̇ийд̇аб̣уд̣̇д̇хаабий’’д̇иаад̣̇и вуд̇д̇ам̣. иминааби гааран̣знаад̇и ануд̇д̇арабхаавзна, ан̃н̃зхи б̣уд̣̇д̇хзхи згасад̣̇исабхаавзна жа.

    158.Tumhākaṃ sammāsambuddhānaṃ yeva anuttarā anaññasādhāraṇattā. Idāni tassā desanāya majjhe bhinnasuvaṇṇassa viya vibhāgābhāvaṃ dassetuṃ ‘‘atītabuddhāpī’’tiādi vuttaṃ. Imināpi kāraṇenāti anuttarabhāvena, aññehi buddhehi ekasadisabhāvena ca.

    159. аасаваанам̣ аарамман̣абхаавуубаг̇аманзна саасаваа. убзжжа аад̇хийяанд̇ийд̇и убаад̇хий, д̣̇осааробанаани, саха убаад̇хийхийд̇и саубаад̇хигаа. анарияид̣̇д̇хияан̃хи ад̇д̇ано жид̇д̇ад̣̇осзна згажжз убаарамбхам̣ д̣̇ад̣̇анд̇и, свааяамад̇т̇о гзваддасуд̇д̇зна д̣̇ийбзд̇аб̣б̣о. но ‘‘арияаа’’д̇и вужжад̇и саасавабхаавад̇о. нид̣̇д̣̇осзхи кийн̣аасавзхи бавад̇д̇зд̇аб̣б̣ад̇о нид̣̇д̣̇осаа д̣̇осзхи саха аббавад̇д̇анад̇о. д̇ад̇о зва анубаарамбхаа. арияаанам̣ ид̣̇д̇хийд̇и арияид̣̇д̇хийд̇и вужжад̇и.

    159. Āsavānaṃ ārammaṇabhāvūpagamanena sāsavā. Upecca ādhīyantīti upādhī, dosāropanāni, saha upādhīhīti saupādhikā. Anariyiddhiyañhi attano cittadosena ekacce upārambhaṃ dadanti, svāyamattho kevaṭṭasuttena dīpetabbo. No ‘‘ariyā’’ti vuccati sāsavabhāvato. Niddosehi khīṇāsavehi pavattetabbato niddosā dosehi saha appavattanato. Tato eva anupārambhā. Ariyānaṃ iddhīti ariyiddhīti vuccati.

    аббадиггууласан̃н̃ийд̇и идтасан̃н̃ий идтаагаарзна бавад̇д̇ажид̇д̇о. бадиггуулзд̇и аманун̃н̃з анидтз . д̇хаад̇усан̃н̃анд̇и ‘‘д̇хаад̇уяо’’д̇и сан̃н̃ам̣. убасам̣харад̇ийд̇и убанзд̇и бавад̇д̇зд̇и. анидтасмим̣ вад̇т̇усминд̇и анидтз сад̇д̇асан̃н̃ид̇з аарамман̣з. мзд̇д̇ааяа ваа парад̇ийд̇и мзд̇д̇ам̣ хид̇зсид̇ам̣ убасам̣харанд̇о саб̣б̣ад̇т̇агамзва д̇ам̣ д̇ад̇т̇а парад̇и. д̇хаад̇уд̇о ваа убасам̣харад̇ийд̇и д̇хаммасабхааважинд̇анзна д̇хаад̇усо, бажжавзгкан̣ааяа д̇хаад̇уманасигаарам̣ ваа д̇ад̇т̇а бавад̇д̇зд̇и. аббадиггуулз сад̇д̇з н̃аад̇имид̇д̇аад̣̇игз яаат̇аавад̇о д̇хаммасабхааважинд̇анзна анижжасан̃н̃ааяа висабхааг̇абхууд̇з ‘‘гзсаад̣̇и асужигодтаасамзваа’’д̇и асубхасан̃н̃ам̣ парад̇и асубхаманасигаарам̣ бавад̇д̇зд̇и. чал̣ан̇г̇убзгкааяаад̇и идтаанидтачал̣аарамман̣аабаат̇з барисуд̣̇д̇хабагад̇ибхааваавиж̇аханалагкан̣ааяа часу д̣̇ваарзсу бавад̇д̇анад̇о ‘‘чал̣ан̇г̇убзгкааяаа’’д̇и лад̣̇д̇ханаамааяа д̇ад̇рамаж̇жхад̇д̇убзгкааяа.

    Appaṭikkūlasaññīti iṭṭhasaññī iṭṭhākārena pavattacitto. Paṭikkūleti amanuññe aniṭṭhe . Dhātusaññanti ‘‘dhātuyo’’ti saññaṃ. Upasaṃharatīti upaneti pavatteti. Aniṭṭhasmiṃ vatthusminti aniṭṭhe sattasaññite ārammaṇe. Mettāya vā pharatīti mettaṃ hitesitaṃ upasaṃharanto sabbatthakameva taṃ tattha pharati. Dhātuto vā upasaṃharatīti dhammasabhāvacintanena dhātuso, paccavekkhaṇāya dhātumanasikāraṃ vā tattha pavatteti. Appaṭikkūle satte ñātimittādike yāthāvato dhammasabhāvacintanena aniccasaññāya visabhāgabhūte ‘‘kesādi asucikoṭṭhāsamevā’’ti asubhasaññaṃ pharati asubhamanasikāraṃ pavatteti. Chaḷaṅgupekkhāyāti iṭṭhāniṭṭhachaḷārammaṇāpāthe parisuddhapakatibhāvāvijahanalakkhaṇāya chasu dvāresu pavattanato ‘‘chaḷaṅgupekkhāyā’’ti laddhanāmāya tatramajjhattupekkhāya.

    д̇ам̣ д̣̇зсананд̇и д̇ам̣ д̣̇вийсу ид̣̇д̇хивид̇хаасу д̣̇зсанаббагаарам̣ д̣̇зсанаавид̇хим̣. асзсам̣ сагаланд̇и асзсам̣ ниравасзсам̣ самбун̣н̣ам̣ абхивисидтзна н̃аан̣зна ж̇аанаад̇и. асзсам̣ абхиж̇аанад̇о д̇ад̇о уд̇д̇ари абхин̃н̃зяяам̣ над̇т̇и. ид̇од̇и бхаг̇авад̇о абхин̃н̃аад̇ад̇о. ан̃н̃о барамад̇т̇авасзна д̇хаммо ваа бан̃н̃ад̇д̇ивасзна буг̇г̇ало ваа аяам̣ наама яам̣ бхаг̇аваа на ж̇аанаад̇ийд̇и ид̣̇ам̣ над̇т̇и на убалаб̣бхад̇и саб̣б̣ассзва саммад̣̇зва д̇умхзхи абхин̃н̃аад̇ад̇д̇аа. д̣̇вийсу ид̣̇д̇хивид̇хаасу абхиж̇аананз, д̣̇зсанааяан̃жа бхаг̇авад̇о уд̇д̇арид̇аро над̇т̇и. иминаабийд̇и би-сад̣̇д̣̇о на гзвалам̣ вуд̇д̇ад̇т̇асамужжаяад̇т̇о, ат̇а ко авуд̇д̇ад̇т̇асамужжаяад̇т̇оби д̣̇адтаб̣б̣о. яам̣ д̇ам̣ бханд̇зд̇иаад̣̇инааби хи бхаг̇авад̇о г̇ун̣ад̣̇ассанам̣ д̇ассзва басаад̣̇асса гааран̣авибхааванам̣.

    Taṃ desananti taṃ dvīsu iddhividhāsu desanappakāraṃ desanāvidhiṃ. Asesaṃ sakalanti asesaṃ niravasesaṃ sampuṇṇaṃ abhivisiṭṭhena ñāṇena jānāti. Asesaṃ abhijānato tato uttari abhiññeyyaṃnatthi. Itoti bhagavato abhiññātato. Añño paramatthavasena dhammo vā paññattivasena puggalo vā ayaṃ nāma yaṃ bhagavā na jānātīti idaṃ natthi na upalabbhati sabbasseva sammadeva tumhehi abhiññātattā. Dvīsu iddhividhāsu abhijānane, desanāyañca bhagavato uttaritaro natthi. Imināpīti pi-saddo na kevalaṃ vuttatthasamuccayattho, atha kho avuttatthasamuccayatthopi daṭṭhabbo. Yaṃ taṃ bhantetiādināpi hi bhagavato guṇadassanaṃ tasseva pasādassa kāraṇavibhāvanaṃ.

    ан̃н̃ат̇аасад̇т̇уг̇ун̣ад̣̇ассанаад̣̇иван̣н̣анаа

    Aññathāsatthuguṇadassanādivaṇṇanā

    160. буб̣б̣з ‘‘зд̇ад̣̇аануд̇д̇арияам̣ бханд̇з’’д̇иаад̣̇инаа яат̇аавуд̇д̇аб̣уд̣̇д̇хаг̇ун̣аа д̣̇ассид̇аа, д̇ад̇о ан̃н̃о звааяам̣ багааро ‘‘яам̣ д̇ам̣ бханд̇з’’д̇иаад̣̇инаа аарад̣̇д̇ход̇и ааха ‘‘абарзнааби аагаарзнаа’’д̇и. б̣уд̣̇д̇хаанам̣ саммаасамб̣од̇хияаа сад̣̇д̣̇аханад̇о висзсад̇о сад̣̇д̇хаа гулабуд̇д̇аа наама б̣од̇хисад̇д̇аа, махааб̣од̇хисад̇д̇аад̇и ад̇хиббааяо. д̇з хи махаабхинийхаарад̇о бадтааяа махааб̣од̇хияам̣ сад̇д̇аа аасад̇д̇аа лаг̇г̇аа нияад̇абхаавуубаг̇аманзна гзнажи асам̣хаарияабхаавад̇о. яад̇о нзсам̣ на гат̇ан̃жи д̇ад̇т̇а сад̣̇д̇хааяа ан̃н̃ат̇ад̇д̇ам̣ ход̇и, зд̇знзва д̇зсам̣ гаммапалам̣ сад̣̇д̇хааяаби ан̃н̃ат̇ад̇д̇аабхааво д̣̇ийбид̇о д̣̇адтаб̣б̣о. д̇асмаад̇и яасмаа ад̇исаяаважанижчаавасзна, ‘‘ануббад̇д̇ам̣ д̇ам̣ бхаг̇авад̇аа’’д̇и сад̣̇д̣̇анд̇арасаннид̇хаанзна жа висидтависаяам̣ ‘‘сад̣̇д̇хзна гулабуд̇д̇знаа’’д̇и ид̣̇ам̣ бад̣̇ам̣, д̇асмаа. логуд̇д̇арад̇хаммасамад̇хиг̇амамуулагад̇д̇аа саб̣б̣аб̣уд̣̇д̇хаг̇ун̣асамад̇хиг̇амасса ‘‘нава логуд̇д̇арад̇хаммаа’’д̇и вуд̇д̇ам̣. ‘‘аарад̣̇д̇хавийриязнаа’’д̇иаад̣̇ийсу самаасабад̣̇зсу ‘‘вийрияам̣ т̇аамо’’д̇иаад̣̇ийни аваяавабад̣̇аани. аад̣̇и-сад̣̇д̣̇зна бараггамабад̣̇ам̣ сан̇г̇ан̣хаад̇и, на д̇хораяхабад̣̇ам̣. на хи д̇ам̣ вийрияавзважанам̣, ат̇а ко вийрияаванд̇аваажагам̣. д̇хурааяа нияуд̇д̇од̇и хи д̇хораяхо. д̇знааха ‘‘д̇ам̣ д̇хурам̣ ваханасамад̇т̇зна махаабурисзнаа’’д̇и. баг̇г̇ахид̇авийриязнаад̇и асит̇илавийриязна. т̇иравийриязнаад̇и уссол̣хийбхаавуубаг̇аманзна т̇ирабхааваббад̇д̇авийриязна. асамад̇хурзхийд̇и анан̃н̃асаад̇хааран̣ад̇хурзхи. барзсам̣ асаяхасаханаа хи логанаат̇аа. д̇ам̣ саб̣б̣ам̣ ажинд̇зяяаабаримзяяабхзд̣̇ам̣ б̣уд̣̇д̇хаанам̣ г̇ун̣аж̇аад̇ам̣. баарамид̇аа, б̣уд̣̇д̇хаг̇ун̣аа, взнзяяасад̇д̇аад̇и яасмаа ид̣̇ам̣ д̇аяам̣ саб̣б̣зсамби б̣уд̣̇д̇хаанам̣ самаанамзва, д̇асмаа ааха ‘‘ад̇ийд̇аанааг̇ад̇а…бз… ууно над̇т̇ий’’д̇и.

    160. Pubbe ‘‘etadānuttariyaṃ bhante’’tiādinā yathāvuttabuddhaguṇā dassitā, tato añño evāyaṃ pakāro ‘‘yaṃ taṃ bhante’’tiādinā āraddhoti āha ‘‘aparenāpi ākārenā’’ti. Buddhānaṃ sammāsambodhiyā saddahanato visesato saddhā kulaputtā nāma bodhisattā, mahābodhisattāti adhippāyo. Te hi mahābhinīhārato paṭṭhāya mahābodhiyaṃ sattā āsattā laggā niyatabhāvūpagamanena kenaci asaṃhāriyabhāvato. Yato nesaṃ na kathañci tattha saddhāya aññathattaṃ hoti, eteneva tesaṃ kammaphalaṃ saddhāyapi aññathattābhāvo dīpito daṭṭhabbo. Tasmāti yasmā atisayavacanicchāvasena, ‘‘anuppattaṃ taṃ bhagavatā’’ti saddantarasannidhānena ca visiṭṭhavisayaṃ ‘‘saddhena kulaputtenā’’ti idaṃ padaṃ, tasmā. Lokuttaradhammasamadhigamamūlakattā sabbabuddhaguṇasamadhigamassa ‘‘nava lokuttaradhammā’’ti vuttaṃ. ‘‘Āraddhavīriyenā’’tiādīsu samāsapadesu ‘‘vīriyaṃ thāmo’’tiādīni avayavapadāni. Ādi-saddena parakkamapadaṃ saṅgaṇhāti, na dhorayhapadaṃ. Na hi taṃ vīriyavevacanaṃ, atha kho vīriyavantavācakaṃ. Dhurāya niyuttoti hi dhorayho. Tenāha ‘‘taṃ dhuraṃ vahanasamatthena mahāpurisenā’’ti. Paggahitavīriyenāti asithilavīriyena. Thiravīriyenāti ussoḷhībhāvūpagamanena thirabhāvappattavīriyena. Asamadhurehīti anaññasādhāraṇadhurehi. Paresaṃ asayhasahanā hi lokanāthā. Taṃ sabbaṃ acinteyyāparimeyyabhedaṃ buddhānaṃ guṇajātaṃ. Pāramitā, buddhaguṇā, veneyyasattāti yasmā idaṃ tayaṃ sabbesampi buddhānaṃ samānameva, tasmā āha ‘‘atītānāgata…pe… ūno natthī’’ti.

    гаамасукаллигаануяог̇анд̇и гаамасукз аллийнаа худ̇ваа ануяун̃ж̇анам̣. го ж̇аанаад̇и баралогам̣ ‘‘ад̇т̇ий’’д̇и, зд̇т̇а ‘‘го згависаяояам̣ инд̣̇рияаг̇ожаро’’д̇и звам̣д̣̇идти худ̇ваад̇и ад̇хиббааяо. сукод̇и идто сукаавахо. бариб̣б̣ааж̇игааяаад̇и д̇аабасабариб̣б̣ааж̇игааяа д̇арун̣ияаа. муд̣̇угааяаад̇и сукумаалааяа. ломасааяаад̇и д̇арун̣амуд̣̇уломавад̇ияаа. мол̣иб̣анд̇хаахийд̇и мол̣им̣ гад̇ваа б̣анд̇хагзсаахи. барижаарзнд̇ийд̇и ад̇д̇ано баарижааригам̣ гаронд̇и, инд̣̇рияаани ваа д̇ад̇т̇а барид̇о жаарзнд̇и. лаамаганд̇и бадигилидтам̣. г̇аамаваасийнам̣ б̣аалаанам̣ д̇хаммам̣. бут̇уж̇ж̇анаанамид̣̇анд̇и бот̇уж̇ж̇анигам̣. яат̇аа бана д̇ам̣ ‘‘бут̇уж̇ж̇анаанамид̣̇а’’нд̇и вад̇д̇аб̣б̣ад̇ам̣ лабхад̇и, д̇ам̣ д̣̇ассзд̇ум̣ ‘‘бут̇уж̇ж̇анзхи сзвид̇аб̣б̣а’’нд̇и ааха. анариязхи сзвид̇аб̣б̣анд̇и ваа анарияам̣. яасмаа бана нид̣̇д̣̇осад̇т̇о арияад̇т̇о, д̇асмаа ‘‘анарияанд̇и на нид̣̇д̣̇оса’’нд̇и вуд̇д̇ам̣. анад̇т̇асам̣яуд̇д̇анд̇и д̣̇идтад̇хаммигасамбарааяигаад̣̇ививид̇хавибулаанад̇т̇асан̃хид̇ам̣. ад̇д̇агиламат̇аануяог̇анд̇и ад̇д̇ано гиламат̇асса кзд̣̇анасса ануяун̃ж̇анам̣. д̣̇угкам̣ зд̇асса ад̇т̇ийд̇и д̣̇угкам̣. д̣̇угкаманам̣ зд̇ассаад̇и д̣̇угкамам̣.

    Kāmasukhallikānuyoganti kāmasukhe allīnā hutvā anuyuñjanaṃ. Ko jānāti paralokaṃ ‘‘atthī’’ti, ettha ‘‘ko ekavisayoyaṃ indriyagocaro’’ti evaṃdiṭṭhi hutvāti adhippāyo. Sukhoti iṭṭho sukhāvaho. Paribbājikāyāti tāpasaparibbājikāya taruṇiyā. Mudukāyāti sukhumālāya. Lomasāyāti taruṇamudulomavatiyā. Moḷibandhāhīti moḷiṃ katvā bandhakesāhi. Paricārentīti attano pāricārikaṃ karonti, indriyāni vā tattha parito cārenti. Lāmakanti paṭikiliṭṭhaṃ. Gāmavāsīnaṃ bālānaṃ dhammaṃ. Puthujjanānamidanti pothujjanikaṃ. Yathā pana taṃ ‘‘puthujjanānamida’’nti vattabbataṃ labhati, taṃ dassetuṃ ‘‘puthujjanehi sevitabba’’nti āha. Anariyehi sevitabbanti vā anariyaṃ. Yasmā pana niddosattho ariyattho, tasmā ‘‘anariyanti na niddosa’’nti vuttaṃ. Anatthasaṃyuttanti diṭṭhadhammikasamparāyikādivividhavipulānatthasañhitaṃ. Attakilamathānuyoganti attano kilamathassa khedanassa anuyuñjanaṃ. Dukkhaṃ etassa atthīti dukkhaṃ. Dukkhamanaṃ etassāti dukkhamaṃ.

    аабхижзд̇асигаананд̇и абхижзд̇о вужжад̇и абхигганд̇ам̣ висуд̣̇д̇хам̣ жид̇д̇ам̣, ад̇хижид̇д̇ам̣ ваа, д̇асмим̣ абхижзд̇аси ж̇аад̇аанийд̇и аабхижзд̇асигаани, абхижзд̇осанниссид̇аани ваа. д̣̇идтад̇хаммасукавихаараананд̇и д̣̇идтад̇хаммз сукавихаараанам̣, д̣̇идтад̇хаммо вужжад̇и бажжагко ад̇д̇абхааво, д̇ад̇т̇а сукавихаарабхууд̇аананд̇и ад̇т̇о, руубааважаражхаанаанамзд̇ам̣ ад̇хиважанам̣. д̇аани хи аббзд̇ваа нисиннаа жхааяино имасмим̣язва ад̇д̇абхаавз асам̣гилидтам̣ нзгкаммасукам̣ винд̣̇анд̇и, д̇асмаа ‘‘д̣̇идтад̇хаммасукавихаарааний’’д̇и вужжанд̇ийд̇и. гат̇ид̇аа ‘‘д̣̇идтад̇хаммасукавихааро’’д̇и саббийд̇игад̇д̇аа, логуд̇д̇аравибаагасукумасан̃хид̇ад̇д̇аа жа. саха маг̇г̇зна вибассанаабаад̣̇агаж̇жхаанам̣ гат̇ид̇ам̣ ‘‘жад̇д̇ааромз жунд̣̇а сукаллигаануяог̇аа зганд̇аниб̣б̣ид̣̇ааяаа’’д̇иаад̣̇инаа (д̣̇ий. ни. 3.184) жад̇уд̇т̇аж̇жхаанигапаласамаабад̇д̇ийд̇и жад̇уд̇т̇аж̇жхаанигаа паласамаабад̇д̇и д̣̇идтад̇хаммасукавихаарабхаавзна гат̇ид̇аа. жад̇д̇аари руубааважараани ‘‘д̣̇идтад̇хаммасукавихаараж̇жхаанааний’’д̇и гат̇ид̇аанийд̇и ад̇т̇о. нигаамалаабхийд̇и нигаамзна лаабхий ад̇д̇ано ижчаавасзна лаабхий. ижчид̇ижчид̇агкан̣з самаабаж̇ж̇ид̇ум̣ самад̇т̇од̇и ад̇т̇о . д̇знааха ‘‘яат̇аагаамалаабхий’’д̇и. ад̣̇угкалаабхийд̇и сукзнзва бажжанийгад̇хаммаанам̣ самужчиннад̇д̇аа самаабаж̇ж̇ид̇ум̣ самад̇т̇о. агасиралаабхийд̇и агасираанам̣ вибулаанам̣ лаабхий, яат̇аабарижчзд̣̇знзва вудтаад̇ум̣ самад̇т̇о. згажжо хи лаабхийязва ход̇и, на бана саггод̇и ижчид̇ижчид̇агкан̣з самаабаж̇ж̇ид̇ум̣. згажжо д̇ат̇аа самаабаж̇ж̇ид̇ум̣ саггод̇и, баариб̣анд̇хагз бана гижчзна вигкамбхзд̇и. згажжо д̇ат̇аа жа самаабаж̇ж̇ад̇и, баариб̣анд̇хагз жа агижчзнзва вигкамбхзд̇и , на саггод̇и наал̣игаяанд̇ам̣ вияа яат̇аабарижчзд̣̇з вудтаад̇ум̣. бхаг̇аваа бана саб̣б̣асо самужчиннабаариб̣анд̇хагад̇д̇аа васибхаавасса саммад̣̇зва самад̇хиг̇ад̇ад̇д̇аа саб̣б̣амзд̇ам̣ саммад̣̇зва саггод̇и.

    Ābhicetasikānanti abhiceto vuccati abhikkantaṃ visuddhaṃ cittaṃ, adhicittaṃ vā, tasmiṃ abhicetasi jātānīti ābhicetasikāni, abhicetosannissitāni vā. Diṭṭhadhammasukhavihārānanti diṭṭhadhamme sukhavihārānaṃ, diṭṭhadhammo vuccati paccakkho attabhāvo, tattha sukhavihārabhūtānanti attho, rūpāvacarajhānānametaṃ adhivacanaṃ. Tāni hi appetvā nisinnā jhāyino imasmiṃyeva attabhāve asaṃkiliṭṭhaṃ nekkhammasukhaṃ vindanti, tasmā ‘‘diṭṭhadhammasukhavihārānī’’ti vuccantīti. Kathitā ‘‘diṭṭhadhammasukhavihāro’’ti sappītikattā, lokuttaravipākasukhumasañhitattā ca. Saha maggena vipassanāpādakajjhānaṃ kathitaṃ ‘‘cattārome cunda sukhallikānuyogā ekantanibbidāyā’’tiādinā (dī. ni. 3.184) catutthajjhānikaphalasamāpattīti catutthajjhānikā phalasamāpatti diṭṭhadhammasukhavihārabhāvena kathitā. Cattāri rūpāvacarāni ‘‘diṭṭhadhammasukhavihārajjhānānī’’ti kathitānīti attho. Nikāmalābhīti nikāmena lābhī attano icchāvasena lābhī. Icchiticchitakkhaṇe samāpajjituṃ samatthoti attho . Tenāha ‘‘yathākāmalābhī’’ti. Adukkhalābhīti sukheneva paccanīkadhammānaṃ samucchinnattā samāpajjituṃ samattho. Akasiralābhīti akasirānaṃ vipulānaṃ lābhī, yathāparicchedeneva vuṭṭhātuṃ samattho. Ekacco hi lābhīyeva hoti, na pana sakkoti icchiticchitakkhaṇe samāpajjituṃ. Ekacco tathā samāpajjituṃ sakkoti, pāribandhake pana kicchena vikkhambheti. Ekacco tathā ca samāpajjati, pāribandhake ca akiccheneva vikkhambheti , na sakkoti nāḷikayantaṃ viya yathāparicchede vuṭṭhātuṃ. Bhagavā pana sabbaso samucchinnapāribandhakattā vasibhāvassa sammadeva samadhigatattā sabbametaṃ sammadeva sakkoti.

    ануяог̇ад̣̇аанаббагаараван̣н̣анаа

    Anuyogadānappakāravaṇṇanā

    161. д̣̇асасахассилогад̇хаад̇уяаад̇и имааяа логад̇хаад̇уяаа сад̣̇д̇хим̣ имам̣ логад̇хаад̇ум̣ бариваарзд̇ваа тид̇ааяа д̣̇асасахассилогад̇хаад̇уяаа. ж̇аад̇икзд̇д̇абхаавзна хи д̇ам̣ згаж̇жхам̣ г̇ахзд̇ваа ‘‘згиссаа логад̇хаад̇уяаа’’д̇и вуд̇д̇ам̣, д̇ад̇д̇агааяа зва ж̇аад̇икзд̇д̇абхааво д̇хаммад̇аавасзна взд̣̇ид̇аб̣б̣о. ‘‘бариг̇г̇ахавасзнаа’’д̇и гзжи. саб̣б̣зсамби б̣уд̣̇д̇хаанам̣ д̇ад̇д̇агам̣ зва ж̇аад̇икзд̇д̇ам̣. ‘‘д̇анниваасийнам̣язва жа д̣̇зваанам̣ д̇хаммаабхисамаяо’’д̇и вад̣̇анд̇и. багамбанад̣̇звад̇уубасан̇гаманаад̣̇инаа ж̇аад̇ажаггаваал̣зна самаанаяог̇агкамадтаанам̣ ж̇аад̇икзд̇д̇ам̣. сарасзнзва аан̣аабавад̇д̇анадтаанам̣ аан̣аакзд̇д̇ам̣. б̣уд̣̇д̇хан̃аан̣асса висаяабхууд̇ам̣ таанам̣ висаяакзд̇д̇ам̣. оггаманаад̣̇ийнам̣ чаннамзва г̇ахан̣ам̣ нид̣̇ассанамад̇д̇ам̣ махаабхинийхаараад̣̇игаалзби д̇асса багамбаналаб̣бханад̇о. аан̣аакзд̇д̇ам̣ наама, яам̣ згажжам̣ сам̣ваддад̇и, виваддад̇и жа. аан̣аа вад̇д̇ад̇и д̇анниваасид̣̇звад̇аанам̣ сирасаа самбадижчанзна, д̇ан̃жа ко гзвалам̣ б̣уд̣̇д̇хаанам̣ аанубхаавзнзва, на ад̇хиббааяавасзна. ‘‘яаавад̇аа бана ааган̇кзяяаа’’д̇и (а. ни. 3.81) важанад̇о д̇ад̇о барамби аан̣аа бавад̇д̇зяязва.

    161.Dasasahassilokadhātuyāti imāya lokadhātuyā saddhiṃ imaṃ lokadhātuṃ parivāretvā ṭhitāya dasasahassilokadhātuyā. Jātikhettabhāvena hi taṃ ekajjhaṃ gahetvā ‘‘ekissā lokadhātuyā’’ti vuttaṃ, tattakāya eva jātikhettabhāvo dhammatāvasena veditabbo. ‘‘Pariggahavasenā’’ti keci. Sabbesampi buddhānaṃ tattakaṃ eva jātikhettaṃ. ‘‘Tannivāsīnaṃyeva ca devānaṃ dhammābhisamayo’’ti vadanti. Pakampanadevatūpasaṅkamanādinā jātacakkavāḷena samānayogakkhamaṭṭhānaṃ jātikhettaṃ. Saraseneva āṇāpavattanaṭṭhānaṃ āṇākhettaṃ. Buddhañāṇassa visayabhūtaṃ ṭhānaṃ visayakhettaṃ. Okkamanādīnaṃ channameva gahaṇaṃ nidassanamattaṃ mahābhinīhārādikālepi tassa pakampanalabbhanato. Āṇākhettaṃ nāma, yaṃ ekaccaṃ saṃvaṭṭati, vivaṭṭati ca. Āṇā vattati tannivāsidevatānaṃ sirasā sampaṭicchanena, tañca kho kevalaṃ buddhānaṃ ānubhāveneva, na adhippāyavasena. ‘‘Yāvatā pana ākaṅkheyyā’’ti (a. ni. 3.81) vacanato tato parampi āṇā pavatteyyeva.

    нуббаж̇ж̇анд̇ийд̇и бана ад̇т̇ийд̇и ‘‘на мз аажарияо ад̇т̇и, сад̣̇исо мз на виж̇ж̇ад̇ий’’д̇и (ма. ни. 1.285; 2.341; махаава. 11; гат̇аа. 405) имиссаа логад̇хаад̇уяаа тад̇ваа вад̣̇анд̇зна бхаг̇авад̇аа, имасмим̣язва суд̇д̇з ‘‘гим̣ банаавусо, саарибуд̇д̇а, ад̇т̇зд̇арахи ан̃н̃о саман̣о ваа б̣раахман̣о ваа бхаг̇авад̇аа самасамо самб̣од̇хияа’’нд̇и (д̣̇ий. ни. 3.161) звам̣ будто ‘‘ахам̣ бханд̇з нод̇и вад̣̇зяяа’’нд̇и (д̣̇ий. ни. 3.161) вад̇ваа д̇асса гааран̣ам̣ д̣̇ассзд̇ум̣ ‘‘адтаанамзд̇ам̣ анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа’’д̇и (д̣̇ий. ни. 3.161; ма. ни. 3.129; а. ни. 1.277; нзд̇д̇и. 57; ми. ба. 5.1.1) имам̣ суд̇д̇ам̣ д̣̇ассзнд̇зна д̇хаммасзнаабад̇инаа жа б̣уд̣̇д̇хакзд̇д̇абхууд̇ам̣ имам̣ логад̇хаад̇ум̣ табзд̇ваа ан̃н̃ад̇т̇а ануббад̇д̇и вуд̇д̇аа ход̇ийд̇и ад̇хиббааяо.

    Nuppajjantīti pana atthīti ‘‘na me ācariyo atthi, sadiso me na vijjatī’’ti (ma. ni. 1.285; 2.341; mahāva. 11; kathā. 405) imissā lokadhātuyā ṭhatvā vadantena bhagavatā, imasmiṃyeva sutte ‘‘kiṃ panāvuso, sāriputta, atthetarahi añño samaṇo vā brāhmaṇo vā bhagavatā samasamo sambodhiya’’nti (dī. ni. 3.161) evaṃ puṭṭho ‘‘ahaṃ bhante noti vadeyya’’nti (dī. ni. 3.161) vatvā tassa kāraṇaṃ dassetuṃ ‘‘aṭṭhānametaṃ anavakāso, yaṃ ekissā lokadhātuyā dve arahanto sammāsambuddhā’’ti (dī. ni. 3.161; ma. ni. 3.129; a. ni. 1.277; netti. 57; mi. pa. 5.1.1) imaṃ suttaṃ dassentena dhammasenāpatinā ca buddhakhettabhūtaṃ imaṃ lokadhātuṃ ṭhapetvā aññattha anuppatti vuttā hotīti adhippāyo.

    згад̇од̇и саха, згасмим̣ гаалзд̇и ад̇т̇о. со бана гаало гат̇ам̣ барижчиннод̇и? жаримабхавз бадисанд̇хиг̇г̇ахан̣ад̇о бадтааяа яаава д̇хаад̇убариниб̣б̣аананд̇и д̣̇ассзнд̇о ‘‘д̇ад̇т̇а б̣од̇хибаллан̇гз’’д̇иаад̣̇имааха. нисиннагаалад̇о бадтааяаад̇и бадиломаггамзна вад̣̇ад̇и. кзд̇д̇абариг̇г̇ахо гад̇ова ход̇и ‘‘ид̣̇ам̣ б̣уд̣̇д̇хаанам̣ ж̇аад̇икзд̇д̇а’’нд̇и. гзна бана бариг̇г̇ахо гад̇о? уббаж̇ж̇амаанзна б̣од̇хисад̇д̇зна. бариниб̣б̣аанад̇о бадтааяаад̇и анубаад̣̇исзсааяа ниб̣б̣аанад̇хаад̇уяаа бариниб̣б̣аанад̇о бадтааяа. зд̇т̇анд̇арзд̇и жаримабхавз б̣од̇хисад̇д̇асса бадисанд̇хиг̇г̇ахан̣ам̣, д̇хаад̇убариниб̣б̣аананд̇и имзхи д̣̇вийхи барижчиннз зд̇асмим̣ анд̇арз.

    Ekatoti saha, ekasmiṃ kāleti attho. So pana kālo kathaṃ paricchinnoti? Carimabhave paṭisandhiggahaṇato paṭṭhāya yāva dhātuparinibbānanti dassento ‘‘tattha bodhipallaṅke’’tiādimāha. Nisinnakālato paṭṭhāyāti paṭilomakkamena vadati. Khettapariggaho katova hoti ‘‘idaṃ buddhānaṃ jātikhetta’’nti. Kena pana pariggaho kato? Uppajjamānena bodhisattena. Parinibbānato paṭṭhāyāti anupādisesāya nibbānadhātuyā parinibbānato paṭṭhāya. Etthantareti carimabhave bodhisattassa paṭisandhiggahaṇaṃ, dhātuparinibbānanti imehi dvīhi paricchinne etasmiṃ antare.

    д̇ибидагаанд̇арад̇хаанагат̇ааван̣н̣анаа

    Tipiṭakaantaradhānakathāvaṇṇanā

    ‘‘на ниваарид̇аа’’д̇и вад̇ваа д̇ад̇т̇а гааран̣ам̣ д̣̇ассзд̇ум̣ ‘‘д̇ийн̣и хий’’д̇иаад̣̇и вуд̇д̇ам̣. бадибад̇д̇ианд̇арад̇хаанзна саасанасса осаггид̇ад̇д̇аа абарасса уббад̇д̇и лад̣̇д̇хаавасараа ход̇и. бадибад̣̇аад̇и бадивзд̇хаавахаа буб̣б̣абхааг̇абадибад̣̇аа.

    ‘‘Na nivāritā’’ti vatvā tattha kāraṇaṃ dassetuṃ ‘‘tīṇi hī’’tiādi vuttaṃ. Paṭipattiantaradhānena sāsanassa osakkitattā aparassa uppatti laddhāvasarā hoti. Paṭipadāti paṭivedhāvahā pubbabhāgapaṭipadā.

    ‘‘барияад̇д̇и бамаан̣а’’нд̇и вад̇ваа д̇амад̇т̇ам̣ б̣од̇хисад̇д̇ам̣ нид̣̇ассанам̣ гад̇ваа д̣̇ассзд̇ум̣ ‘‘яат̇аа’’д̇иаад̣̇и вуд̇д̇ам̣. д̇аяид̣̇ам̣ хийнам̣ нид̣̇ассанам̣ гад̇анд̇и д̣̇адтаб̣б̣ам̣. нияяаанигад̇хаммасса хи тид̇им̣ д̣̇ассзнд̇о анияяаанигад̇хаммам̣ нид̣̇ассзд̇и.

    ‘‘Pariyatti pamāṇa’’nti vatvā tamatthaṃ bodhisattaṃ nidassanaṃ katvā dassetuṃ ‘‘yathā’’tiādi vuttaṃ. Tayidaṃ hīnaṃ nidassanaṃ katanti daṭṭhabbaṃ. Niyyānikadhammassa hi ṭhitiṃ dassento aniyyānikadhammaṃ nidasseti.

    маад̇игааяа анд̇арахид̇ааяаад̇и ‘‘яо бана бхигкуу’’д̇иаад̣̇и (баараа. 39, 44; баажи. 45) наяаббавад̇д̇ааяа сигкаабад̣̇абаал̣имаад̇игааяа анд̇арахид̇ааяа. нид̣̇аануд̣̇д̣̇зсасан̇каад̇з баад̇имогкз, баб̣б̣аж̇ж̇ааубасамбад̣̇аагаммзсу жа саасанам̣ д̇идтад̇и. яат̇аа ваа баад̇имогкз д̇харанд̇з зва баб̣б̣аж̇ж̇аа убасамбад̣̇аа жа, звам̣ сад̇и зва д̇ад̣̇убхаяз баад̇имогкам̣ д̇ад̣̇убхаяаабхаавз баад̇имогкаабхаавад̇о. д̇асмаа д̇аяид̣̇ам̣ д̇аяам̣ саасанасса тид̇ихзд̇ууд̇и ааха ‘‘баад̇имогкабаб̣б̣аж̇ж̇ааубасамбад̣̇аасу тид̇аасу саасанам̣ д̇идтад̇ий’’д̇и. яасмаа ваа убасамбад̣̇аад̇хийнам̣ баад̇имогкам̣ анубасамбаннасса анижчид̇ад̇д̇аа, убасамбад̣̇аа жа баб̣б̣аж̇ж̇аад̇хийнаа, д̇асмаа баад̇имогкз, д̇ам̣ сид̣̇д̇хияаа сид̣̇д̇хаасу баб̣б̣аж̇ж̇убасамбад̣̇аасу жа саасанам̣ д̇идтад̇и. осаггид̇ам̣ наамаад̇и бажчимагабадивзд̇хасийлабхзд̣̇ад̣̇ваяам̣ згад̇о гад̇ваа д̇ад̇о барам̣ винадтам̣ наама ход̇и, бажчимагабадивзд̇хад̇о барам̣ бадивзд̇хасаасанам̣, бажчимагасийлабхзд̣̇ад̇о барам̣ бадибад̇д̇исаасанам̣ винадтам̣ наама ход̇ийд̇и ад̇т̇о.

    Mātikāya antarahitāyāti ‘‘yo pana bhikkhū’’tiādi (pārā. 39, 44; pāci. 45) nayappavattāya sikkhāpadapāḷimātikāya antarahitāya. Nidānuddesasaṅkhāte pātimokkhe, pabbajjāupasampadākammesu ca sāsanaṃ tiṭṭhati. Yathā vā pātimokkhe dharante eva pabbajjā upasampadā ca, evaṃ sati eva tadubhaye pātimokkhaṃ tadubhayābhāve pātimokkhābhāvato. Tasmā tayidaṃ tayaṃ sāsanassa ṭhitihetūti āha ‘‘pātimokkhapabbajjāupasampadāsu ṭhitāsu sāsanaṃ tiṭṭhatī’’ti. Yasmā vā upasampadādhīnaṃ pātimokkhaṃ anupasampannassa anicchitattā, upasampadā ca pabbajjādhīnā, tasmā pātimokkhe, taṃ siddhiyā siddhāsu pabbajjupasampadāsu ca sāsanaṃ tiṭṭhati. Osakkitaṃ nāmāti pacchimakapaṭivedhasīlabhedadvayaṃ ekato katvā tato paraṃ vinaṭṭhaṃ nāma hoti, pacchimakapaṭivedhato paraṃ paṭivedhasāsanaṃ, pacchimakasīlabhedato paraṃ paṭipattisāsanaṃ vinaṭṭhaṃ nāma hotīti attho.

    саасанаанд̇арахид̇аван̣н̣анаа

    Sāsanaantarahitavaṇṇanā

    зд̇зна гаамам̣ ‘‘саасанадтид̇ияаа барияад̇д̇и бамаан̣а’’нд̇и вуд̇д̇ам̣, барияад̇д̇и бана бадибад̇д̇ихзд̇угаад̇и бадибад̇д̇ияаа асад̇и саа аббад̇идтаа ход̇и бадивзд̇хо вияа, д̇асмаа бадибад̇д̇ианд̇арад̇хаанам̣ саасаносагганасса висзсагааран̣анд̇и д̣̇ассзд̇ваа д̇аяид̣̇ам̣ саасаносагганам̣ д̇хаад̇убариниб̣б̣ааносаананд̇и д̣̇ассзд̇ум̣ ‘‘д̇ийн̣и бариниб̣б̣аанааний’’д̇иаад̣̇и вуд̇д̇ам̣. д̇хаад̇уунам̣ саннибаад̇анаад̣̇и б̣уд̣̇д̇хаанам̣ ад̇хидтаанзнзваад̇и взд̣̇ид̇аб̣б̣ам̣.

    Etena kāmaṃ ‘‘sāsanaṭṭhitiyā pariyatti pamāṇa’’nti vuttaṃ, pariyatti pana paṭipattihetukāti paṭipattiyā asati sā appatiṭṭhā hoti paṭivedho viya, tasmā paṭipattiantaradhānaṃ sāsanosakkanassa visesakāraṇanti dassetvā tayidaṃ sāsanosakkanaṃ dhātuparinibbānosānanti dassetuṃ ‘‘tīṇi parinibbānānī’’tiādi vuttaṃ. Dhātūnaṃ sannipātanādi buddhānaṃ adhiṭṭhānenevāti veditabbaṃ.

    д̇аад̇и расмияо. гаарун̃н̃анд̇и барид̣̇званагаарун̃н̃ам̣. ж̇амб̣уд̣̇ийбз, д̣̇ийбанд̇арзсу, д̣̇званааг̇аб̣рахмалогзсу жа виббагирид̇ваа тид̇аанам̣ д̇хаад̇уунам̣ махааб̣од̇хибаллан̇гадтаанз згаж̇жхам̣ саннибаад̇анам̣, расмивиссаж̇ж̇анам̣, д̇ад̇т̇а д̇зж̇од̇хаад̇уяаа удтаанам̣, згаж̇аалибхааво жаад̇и саб̣б̣амзд̇ам̣ сад̇т̇у ад̇хидтаанавасзнзваад̇и взд̣̇ид̇аб̣б̣ам̣.

    Tāti rasmiyo. Kāruññanti paridevanakāruññaṃ. Jambudīpe, dīpantaresu, devanāgabrahmalokesu ca vippakiritvā ṭhitānaṃ dhātūnaṃ mahābodhipallaṅkaṭṭhāne ekajjhaṃ sannipātanaṃ, rasmivissajjanaṃ, tattha tejodhātuyā uṭṭhānaṃ, ekajālibhāvo cāti sabbametaṃ satthu adhiṭṭhānavasenevāti veditabbaṃ.

    анажчарияад̇д̇аад̇и д̣̇вийсуби уббаж̇ж̇амаанзсу ажчарияад̇д̇аабхаавад̣̇осад̇од̇и ад̇т̇о. б̣уд̣̇д̇хаа наама маж̇жхз бхиннасуван̣н̣ам̣ вияа згасад̣̇исаад̇и д̇зсам̣ д̣̇зсанааби згарасаа зваад̇и ааха ‘‘д̣̇зсанааяа жа висзсаабхаавад̇о’’д̇и, зд̇зна жа анажчарияад̇д̇амзва саад̇хзд̇и. ‘‘виваад̣̇абхаавад̇о’’д̇и зд̇зна виваад̣̇аабхаавад̇т̇ам̣ д̣̇вз згад̇о на уббаж̇ж̇анд̇ийд̇и д̣̇ассзд̇и.

    Anacchariyattāti dvīsupi uppajjamānesu acchariyattābhāvadosatoti attho. Buddhā nāma majjhe bhinnasuvaṇṇaṃ viya ekasadisāti tesaṃ desanāpi ekarasā evāti āha ‘‘desanāya ca visesābhāvato’’ti, etena ca anacchariyattameva sādheti. ‘‘Vivādabhāvato’’ti etena vivādābhāvatthaṃ dve ekato na uppajjantīti dasseti.

    д̇ад̇т̇аад̇и милинд̣̇абан̃хз (ми. ба. 5.1.1). згуд̣̇д̣̇зсод̇и зго згавид̇хо абхинно уд̣̇д̣̇зсо. сзсабад̣̇зсуби зсзва наяо.

    Tatthāti milindapañhe (mi. pa. 5.1.1). Ekuddesoti eko ekavidho abhinno uddeso. Sesapadesupi eseva nayo.

    згам̣ зва б̣уд̣̇д̇хам̣ д̇хаарзд̇ийд̇и згаб̣уд̣̇д̇хад̇хааран̣ий, зд̇зна звам̣сабхааваа зд̇з б̣уд̣̇д̇хаг̇ун̣аа, язна д̣̇уд̇ияам̣ б̣уд̣̇д̇хаг̇ун̣ам̣ д̇хаарзд̇ум̣ асамад̇т̇аа аяам̣ логад̇хаад̇ууд̇и д̣̇ассзд̇и. бажжаяависзсанибпаннаанан̃хи д̇хаммаанам̣ сабхаавависзсо на саггаа ниваарзд̇унд̇и. ‘‘на д̇хаарзяяаа’’д̇и вад̇ваа д̇амзва ад̇хааран̣ам̣ барияааязхи багаасзнд̇о ‘‘жалзяяаа’’д̇иаад̣̇имааха. д̇ад̇т̇а жалзяяаад̇и барибпанд̣̇зяяа. гамбзяяаад̇и бавзд̇хзяяа. намзяяаад̇и згабассзна над̇аа бхавзяяа. он̣амзяяаад̇и осийд̣̇зяяа. винамзяяаад̇и вивид̇хаа ид̇о жид̇о жа намзяяа. вигирзяяаад̇и ваад̇зна бхусамудти вияа виббагирзяяа. вид̇хамзяяаад̇и винассзяяа. вид̣̇д̇хам̣сзяяаад̇и саб̣б̣асо вид̣̇д̇хасд̇аа бхавзяяа. д̇ат̇аабхууд̇аа жа на гад̇т̇ажи д̇идтзяяаад̇и ааха ‘‘на таанам̣ убаг̇ажчзяяаа’’д̇и.

    Ekaṃ eva buddhaṃ dhāretīti ekabuddhadhāraṇī, etena evaṃsabhāvā ete buddhaguṇā, yena dutiyaṃ buddhaguṇaṃ dhāretuṃ asamatthā ayaṃ lokadhātūti dasseti. Paccayavisesanipphannānañhi dhammānaṃ sabhāvaviseso na sakkā nivāretunti. ‘‘Na dhāreyyā’’ti vatvā tameva adhāraṇaṃ pariyāyehi pakāsento ‘‘caleyyā’’tiādimāha. Tattha caleyyāti paripphandeyya. Kampeyyāti pavedheyya. Nameyyāti ekapassena natā bhaveyya. Oṇameyyāti osīdeyya. Vinameyyāti vividhā ito cito ca nameyya. Vikireyyāti vātena bhusamuṭṭhi viya vippakireyya. Vidhameyyāti vinasseyya. Viddhaṃseyyāti sabbaso viddhastā bhaveyya. Tathābhūtā ca na katthaci tiṭṭheyyāti āha ‘‘na ṭhānaṃ upagaccheyyā’’ti.

    ид̣̇аани д̇ад̇т̇а нид̣̇ассанам̣ д̣̇ассзнд̇о ‘‘яат̇аа махаарааж̇аа’’д̇иаад̣̇имааха. д̇ад̇т̇а самубаад̣̇игаад̇и самам̣ уд̣̇д̇хам̣ баж̇ж̇ад̇и бавад̇д̇ад̇ийд̇и самубаад̣̇игаа, уд̣̇агасса убари самам̣г̇ааминийд̇и ад̇т̇о. ван̣н̣знаад̇и сан̣таанзна. бамаан̣знаад̇и аарохзна. гисат̇уулзнаад̇и гисат̇уулабхаавзна, барин̣аахзнаад̇и ад̇т̇о. д̣̇виннамбийд̇и д̣̇взби, д̣̇виннамби ваа сарийрабхаарам̣.

    Idāni tattha nidassanaṃ dassento ‘‘yathā mahārājā’’tiādimāha. Tattha samupādikāti samaṃ uddhaṃ pajjati pavattatīti samupādikā, udakassa upari samaṃgāminīti attho. Vaṇṇenāti saṇṭhānena. Pamāṇenāti ārohena. Kisathūlenāti kisathūlabhāvena, pariṇāhenāti attho. Dvinnampīti dvepi, dvinnampi vā sarīrabhāraṃ.

    чаад̣̇знд̇анд̇и рожзнд̇ам̣ ружим̣ уббаад̣̇знд̇ам̣. д̇анд̣̇ийгад̇од̇и д̇зна бхож̇анзна д̇анд̣̇ийбхууд̇о. анон̣амид̇ад̣̇ан̣д̣аж̇аад̇од̇и яаавад̣̇ад̇т̇абхож̇анзна он̣амид̇ум̣ асамад̇т̇ад̇ааяа анон̣амид̇ад̣̇ан̣д̣о вияа ж̇аад̇о. сагим̣ бхуд̇д̇оваад̇и згам̣ вад̣дхид̇агам̣ бхуд̇д̇амад̇д̇ова марзяяаад̇и. ад̇ид̇хаммабхаарзнаад̇и д̇хаммзна наама бат̇авий д̇идтзяяа, сагим̣ д̇знзва жалад̇и винассад̇ийд̇и ад̇хиббааязна бужчад̇и. буна т̇зро рад̇анам̣ наама логз гудумб̣ам̣ санд̇хаарзнд̇ам̣, абхимад̇ан̃жа логзна; д̇ам̣ ад̇д̇ано г̇арусабхаавад̇ааяа сагадабхан̇г̇асса гааран̣ам̣ ад̇ибхаарабхууд̇ам̣ д̣̇идтамзвам̣ д̇хаммо жа хид̇асукависзсзхи д̇ам̣саман̇г̇инам̣ д̇хаарзнд̇о, абхимад̇о жа вин̃н̃уунам̣ г̇амбхийраббамзяяабхаавзна г̇арусабхаавад̇д̇аа ад̇ибхаарабхууд̇о бат̇авижаланасса гааран̣ам̣ ход̇ийд̇и д̣̇ассзнд̇о ‘‘ид̇ха махаарааж̇а д̣̇вз сагадаа’’д̇иаад̣̇имааха, зд̇знзва д̇ат̇ааг̇ад̇асса маад̇угужчиоггаманаад̣̇игаалз бат̇авигамбанагааран̣ам̣ сам̣ван̣н̣ид̇анд̇и д̣̇адтаб̣б̣ам̣. згассаад̇и згасмаа, згасса ваа сагадасса рад̇анам̣ д̇асмаа сагадад̇о г̇ахзд̇ваад̇и ад̇т̇о.

    Chādentanti rocentaṃ ruciṃ uppādentaṃ. Tandīkatoti tena bhojanena tandībhūto. Anoṇamitadaṇḍajātoti yāvadatthabhojanena oṇamituṃ asamatthatāya anoṇamitadaṇḍo viya jāto. Sakiṃbhuttovāti ekaṃ vaḍḍhitakaṃ bhuttamattova mareyyāti. Atidhammabhārenāti dhammena nāma pathavī tiṭṭheyya, sakiṃ teneva calati vinassatīti adhippāyena pucchati. Puna thero ratanaṃ nāma loke kuṭumbaṃ sandhārentaṃ, abhimatañca lokena; taṃ attano garusabhāvatāya sakaṭabhaṅgassa kāraṇaṃ atibhārabhūtaṃ diṭṭhamevaṃ dhammo ca hitasukhavisesehi taṃsamaṅginaṃ dhārento, abhimato ca viññūnaṃ gambhīrappameyyabhāvena garusabhāvattā atibhārabhūto pathavicalanassa kāraṇaṃ hotīti dassento ‘‘idha mahārāja dve sakaṭā’’tiādimāha, eteneva tathāgatassa mātukucchiokkamanādikāle pathavikampanakāraṇaṃ saṃvaṇṇitanti daṭṭhabbaṃ. Ekassāti ekasmā, ekassa vā sakaṭassa ratanaṃ tasmā sakaṭato gahetvāti attho.

    осаарид̇анд̇и ужжаарид̇ам̣, гат̇ид̇анд̇и ад̇т̇о.

    Osāritanti uccāritaṃ, kathitanti attho.

    аг̇г̇од̇и саб̣б̣асад̇д̇зхи аг̇г̇о.

    Aggoti sabbasattehi aggo.

    сабхаавабагад̇игаад̇и сабхаавабхууд̇аа агид̇д̇имаа багад̇игаа. гааран̣амаханд̇ад̇д̇аад̇и гааран̣аанам̣ маханд̇ад̇ааяа, маханд̇зхи б̣уд̣̇д̇хагарад̇хаммзхи баарамисан̇каад̇зхи гааран̣зхи б̣уд̣̇д̇хаг̇ун̣аанам̣ ниб̣б̣ад̇д̇ид̇од̇и вуд̇д̇ам̣ ход̇и. бат̇авиаад̣̇ийни маханд̇аани вад̇т̇ууни, маханд̇аа жа саггабхааваад̣̇аяо ад̇д̇ано ад̇д̇ано висаяз згзгаава, звам̣ саммаасамб̣уд̣̇д̇хоби маханд̇о ад̇д̇ано висаяз зго зва. го жа д̇асса висаяо? б̣уд̣̇д̇хабхууми, яаавад̇агам̣ ваа н̃зяяамзвам̣ ‘‘аагаасо вияа ананд̇ависаяо бхаг̇аваа зго зва ход̇ий’’д̇и вад̣̇анд̇о ‘‘згиссаа логад̇хаад̇уяаа’’д̇и вуд̇д̇алогад̇хаад̇уд̇о ан̃н̃зсуби жаггаваал̣зсу абарасса б̣уд̣̇д̇хасса абхаавам̣ д̣̇ассзд̇и.

    Sabhāvapakatikāti sabhāvabhūtā akittimā pakatikā. Kāraṇamahantattāti kāraṇānaṃ mahantatāya, mahantehi buddhakaradhammehi pāramisaṅkhātehi kāraṇehi buddhaguṇānaṃ nibbattitoti vuttaṃ hoti. Pathaviādīni mahantāni vatthūni, mahantā ca sakkabhāvādayo attano attano visaye ekekāva, evaṃ sammāsambuddhopi mahanto attano visaye eko eva. Ko ca tassa visayo? Buddhabhūmi, yāvatakaṃ vā ñeyyamevaṃ ‘‘ākāso viya anantavisayo bhagavā eko eva hotī’’ti vadanto ‘‘ekissā lokadhātuyā’’ti vuttalokadhātuto aññesupi cakkavāḷesu aparassa buddhassa abhāvaṃ dasseti.

    ‘‘саммукаа мзд̇а’’нд̇иаад̣̇инаа бавад̇д̇ид̇ам̣ ад̇д̇ано б̣яаагаран̣ам̣ авибарийд̇ад̇т̇ад̇ааяа сад̇т̇ари басаад̣̇уббаад̣̇анзна саммаабадибаж̇ж̇амаанасса ануггамзна логуд̇д̇арад̇хаммаавахамби ход̇ийд̇и ааха ‘‘д̇хаммасса…бз… бадибад̣̇а’’нд̇и. ваад̣̇асса анубад̇анам̣ ануббавад̇д̇и ваад̣̇аанубаад̇од̇и ааха ‘‘ваад̣̇оязваа’’д̇и.

    ‘‘Sammukhā meta’’ntiādinā pavattitaṃ attano byākaraṇaṃ aviparītatthatāya satthari pasāduppādanena sammāpaṭipajjamānassa anukkamena lokuttaradhammāvahampi hotīti āha ‘‘dhammassa…pe… paṭipada’’nti. Vādassa anupatanaṃ anuppavatti vādānupātoti āha ‘‘vādoyevā’’ti.

    ажчарияааб̣бхуд̇аван̣н̣анаа

    Acchariyaabbhutavaṇṇanā

    162. уд̣̇ааяийд̇и наамам̣, махаасарийрад̇ааяа бана т̇зро махаауд̣̇ааяийд̇и бан̃н̃ааяид̇т̇а, яасса васзна винаяз нисийд̣̇анасса д̣̇асаа анун̃н̃аад̇аа. бан̃жаван̣н̣аад̇и куд̣̇д̣̇игаад̣̇ибхзд̣̇ад̇о бан̃жаббагаараа. бийд̇исамудтаанзхи бан̣ийд̇аруубзхи ад̇иб̣яаабид̇ад̣̇зхо ‘‘ниранд̇арам̣ бийд̇ияаа пудасарийро’’д̇и вуд̇д̇о, д̇ад̇о звассаа барияааяад̇о паран̣алагкан̣амби вуд̇д̇ам̣. абба-сад̣̇д̣̇о ‘‘аббагасирзнзваа’’д̇иаад̣̇ийсу (сам̣. ни. 1.101; 5.158; а. ни. 7.71) вияа ид̇ха абхаавад̇т̇од̇и ааха ‘‘аббижчад̇аад̇и нид̇д̇ан̣хад̇аа’’д̇и. д̇ийхаагаарзхийд̇и яат̇аалаабхаяат̇ааб̣алаяат̇аасааруббаббагаарзхи.

    162.Udāyīti nāmaṃ, mahāsarīratāya pana thero mahāudāyīti paññāyittha, yassa vasena vinaye nisīdanassa dasā anuññātā. Pañcavaṇṇāti khuddikādibhedato pañcappakārā. Pītisamuṭṭhānehi paṇītarūpehi atibyāpitadeho ‘‘nirantaraṃ pītiyā phuṭasarīro’’ti vutto, tato evassā pariyāyato pharaṇalakkhaṇampi vuttaṃ. Appa-saddo ‘‘appakasirenevā’’tiādīsu (saṃ. ni. 1.101; 5.158; a. ni. 7.71) viya idha abhāvatthoti āha ‘‘appicchatāti nittaṇhatā’’ti. Tīhākārehīti yathālābhayathābalayathāsāruppappakārehi.

    на на гат̇зд̇и гат̇зд̇иязва. жийвараад̣̇ихзд̇унд̇и жийваруббаад̣̇аад̣̇ихзд̇убхууд̇ам̣ баяуд̇д̇агат̇ам̣ на гат̇зд̇и. взнзяяавасзнаад̇и винзд̇аб̣б̣абуг̇г̇алавасзна. гат̇зд̇и ‘‘звамаяам̣ винаяам̣ убаг̇ажчад̇ий’’д̇и. ‘‘саб̣б̣аабхибхуу саб̣б̣авид̣̇уухамасмий’’д̇иаад̣̇игаа (ма. ни. 1.285; 2.341; махаава. 11; гат̇аа. 405; д̇ха. ба. 353) г̇аат̇ааби ‘‘д̣̇асаб̣аласаманнааг̇ад̇о, бхигкавз, д̇ат̇ааг̇ад̇о’’д̇иаад̣̇игаа (сам̣. ни. 2.21, 22) суд̇д̇анд̇ааби.

    Na na katheti kathetiyeva. Cīvarādihetunti cīvaruppādādihetubhūtaṃ payuttakathaṃ na katheti. Veneyyavasenāti vinetabbapuggalavasena. Katheti ‘‘evamayaṃ vinayaṃ upagacchatī’’ti. ‘‘Sabbābhibhū sabbavidūhamasmī’’tiādikā (ma. ni. 1.285; 2.341; mahāva. 11; kathā. 405; dha. pa. 353) gāthāpi ‘‘dasabalasamannāgato, bhikkhave, tathāgato’’tiādikā (saṃ. ni. 2.21, 22) suttantāpi.

    163. абхигкан̣анд̇и абхин̣хам̣. ниг̇г̇аат̇агад̇д̇аа, бужчанависсаж̇ж̇анавасзна бавад̇д̇ид̇ад̇д̇аа жа ‘‘взяяаагаран̣а’’нд̇и вуд̇д̇ам̣. сзсам̣ саб̣б̣ам̣ сувин̃н̃зяяам̣ зваад̇и.

    163.Abhikkhaṇanti abhiṇhaṃ. Niggāthakattā, pucchanavissajjanavasena pavattitattā ca ‘‘veyyākaraṇa’’nti vuttaṃ. Sesaṃ sabbaṃ suviññeyyaṃ evāti.

    самбасаад̣̇анийяасуд̇д̇аван̣н̣анааяа лийнад̇т̇аббагаасанаа.

    Sampasādanīyasuttavaṇṇanāya līnatthappakāsanā.




    Next: 6. баасаад̣̇игасуд̇д̇аван̣н̣анаа • 6. Pāsādikasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 5. самбасаад̣̇анийяасуд̇д̇ам̣ • 5. Sampasādanīyasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 5. самбасаад̣̇анийяасуд̇д̇аван̣н̣анаа • 5. Sampasādanīyasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact