| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. сам̣садтаваараван̣н̣анаа
5. Saṃsaṭṭhavāravaṇṇanā
338-346. сам̣садтаваарз гусалам̣ д̇хаммам̣ сам̣садтод̇и гусалам̣ д̇хаммам̣ згуббаад̣̇аад̣̇илагкан̣зна самбаяог̇адтзна бажжаяам̣ гад̇ваад̇и ад̇т̇о. гусалам̣ згам̣ канд̇хам̣ сам̣садтод̇и гусалам̣ згам̣ канд̇хам̣ самбаяуд̇д̇абажжаяам̣ гад̇ваа д̇аяо канд̇хаа уббаж̇ж̇анд̇и хзд̇убажжаяаад̇и вуд̇д̇ам̣ ход̇и. иминаа убааязна саб̣б̣абад̣̇зсу ад̇т̇о взд̣̇ид̇аб̣б̣о. имасмим̣ бана хзд̇убажжаяз аруубад̇хаммассзва самбаяог̇адтзна бажжаяам̣ гад̇ваа д̇аяо бан̃хаа виссаж̇ж̇ид̇аа. яат̇аа жа хзд̇убажжаяз, д̇ат̇аа аарамман̣абажжаяаад̣̇ийсуби, гзвалам̣ вибаагабажжаяз згамзва виссаж̇ж̇анам̣.
338-346. Saṃsaṭṭhavāre kusalaṃ dhammaṃ saṃsaṭṭhoti kusalaṃ dhammaṃ ekuppādādilakkhaṇena sampayogaṭṭhena paccayaṃ katvāti attho. Kusalaṃ ekaṃ khandhaṃ saṃsaṭṭhoti kusalaṃ ekaṃ khandhaṃ sampayuttapaccayaṃ katvā tayo khandhā uppajjanti hetupaccayāti vuttaṃ hoti. Iminā upāyena sabbapadesu attho veditabbo. Imasmiṃ pana hetupaccaye arūpadhammasseva sampayogaṭṭhena paccayaṃ katvā tayo pañhā vissajjitā. Yathā ca hetupaccaye, tathā ārammaṇapaccayādīsupi, kevalaṃ vipākapaccaye ekameva vissajjanaṃ.
347-350. ид̣̇аани яат̇аалад̣̇д̇хаани виссаж̇ж̇анаани г̇ан̣анавасзна д̣̇ассзд̇ум̣ хзд̇уяаа д̇ийн̣ийд̇иаад̣̇и вуд̇д̇ам̣. д̇ад̇т̇а саб̣б̣ад̇игзсу гусалзна гусалам̣, агусалзна агусалам̣, аб̣яаагад̇зна аб̣яаагад̇анд̇и аяамзва нияамо. згагз бана аб̣яаагад̇зна аб̣яаагад̇амзва лаб̣бхад̇ийд̇и звамзд̇т̇а б̣аавийсад̇ияаа бажжаязсу д̇ийн̣и, вибаагз зганд̇и д̣̇вз барижчзд̣̇аа. бажчааж̇аад̇з ануломам̣ над̇т̇и. д̇асмаа д̇ийн̣и зганд̇и имзсан̃н̃зва васзна д̣̇угад̇игаад̣̇ийсу бажжаяасам̣санд̣̇анз яад̇т̇а вибаагабажжаяо бависад̇и; д̇ад̇т̇а згам̣, сзсзсу д̇ийн̣ийд̇и звам̣ г̇ан̣анаа взд̣̇ид̇аб̣б̣аа. сзсамзд̇т̇а ануломз уд̇д̇аанад̇т̇амзва.
347-350. Idāni yathāladdhāni vissajjanāni gaṇanavasena dassetuṃ hetuyā tīṇītiādi vuttaṃ. Tattha sabbatikesu kusalena kusalaṃ, akusalena akusalaṃ, abyākatena abyākatanti ayameva niyamo. Ekake pana abyākatena abyākatameva labbhatīti evamettha bāvīsatiyā paccayesu tīṇi, vipāke ekanti dve paricchedā. Pacchājāte anulomaṃ natthi. Tasmā tīṇi ekanti imesaññeva vasena dukatikādīsu paccayasaṃsandane yattha vipākapaccayo pavisati; tattha ekaṃ, sesesu tīṇīti evaṃ gaṇanā veditabbā. Sesamettha anulome uttānatthameva.
351-354. бажжанийяз бана гусалам̣ на лаб̣бхад̇ийд̇и агусаламзва аад̣̇им̣ гад̇ваа виссаж̇ж̇анам̣ гад̇ам̣, д̇ам̣ уд̇д̇аанад̇т̇амзва.
351-354. Paccanīye pana kusalaṃ na labbhatīti akusalameva ādiṃ katvā vissajjanaṃ kataṃ, taṃ uttānatthameva.
359. яам̣ банзд̇т̇а бажжанийяз виссаж̇ж̇анабарижчзд̣̇ам̣ г̇ан̣анад̇о д̣̇ассзд̇ум̣ нахзд̇уяаа д̣̇взд̇иаад̣̇и вуд̇д̇ам̣, д̇ад̇т̇а д̣̇вз д̇ийн̣и зганд̇и д̇аяо барижчзд̣̇аа. д̇зсам̣ васзна д̣̇угад̇игаад̣̇ийсу бажжаяасам̣санд̣̇анз г̇ан̣анаа взд̣̇ид̇аб̣б̣аа. ид̇хааби ад̇хигад̇араг̇ан̣анаанам̣ уунад̇араг̇ан̣анзна сад̣̇д̇хим̣ сам̣санд̣̇анз уунад̇араг̇ан̣анамзва лаб̣бхад̇и, самаг̇ан̣анзна сад̣̇д̇хим̣ самаг̇ан̣анам̣. яасмаа жзд̇т̇а аруубад̇хаммааязва бажжаяуббаннаа, д̇асмаа нахзд̇унаад̇хибад̇инабурзж̇аад̇анабажчааж̇аад̇анаасзвананагамманавибааганажхаананамаг̇г̇анавиббаяуд̇д̇авасзна д̣̇асзва бажжаяаа бажжанийгад̇о д̣̇ассид̇аа, сзсаа жуд̣̇д̣̇аса на лаб̣бханд̇и. язби лаб̣бханд̇и, д̇зсуби вибаагз бажжаяуббаннз нагамманавибаагаа на лаб̣бханд̇и.
359. Yaṃ panettha paccanīye vissajjanaparicchedaṃ gaṇanato dassetuṃ nahetuyā dvetiādi vuttaṃ, tattha dve tīṇi ekanti tayo paricchedā. Tesaṃ vasena dukatikādīsu paccayasaṃsandane gaṇanā veditabbā. Idhāpi adhikataragaṇanānaṃ ūnataragaṇanena saddhiṃ saṃsandane ūnataragaṇanameva labbhati, samagaṇanena saddhiṃ samagaṇanaṃ. Yasmā cettha arūpadhammāyeva paccayuppannā, tasmā nahetunādhipatinapurejātanapacchājātanāsevananakammanavipākanajhānanamagganavippayuttavasena daseva paccayā paccanīkato dassitā, sesā cuddasa na labbhanti. Yepi labbhanti, tesupi vipāke paccayuppanne nakammanavipākā na labbhanti.
360-368. нахзд̇убажжаяаа наад̇хибад̇ияаа д̣̇взд̇и нахзд̇уяаа лад̣̇д̇хам̣ д̣̇ваяамзва. сзсад̣̇ваязсуби зсзва наяо. нагаммз зганд̇и ахзд̇угагирияажзд̇анам̣ бажжаяуббаннам̣ гад̇ваа аб̣яаагад̇зна аб̣яаагад̇ам̣. навибаагз д̣̇взд̇и ахзд̇угамохагирияавасзна д̣̇вз. нажхаанз зганд̇и ахзд̇угабан̃жавин̃н̃аан̣авасзна аб̣яаагад̇ависсаж̇ж̇анам̣ взд̣̇ид̇аб̣б̣ам̣. намаг̇г̇з зганд̇и ахзд̇угавибаагагирияавасзна аб̣яаагад̇ависсаж̇ж̇анам̣. иминаавубааязна саб̣б̣асам̣санд̣̇анзсу ад̇т̇о взд̣̇ид̇аб̣б̣од̇и.
360-368. Nahetupaccayā nādhipatiyā dveti nahetuyā laddhaṃ dvayameva. Sesadvayesupi eseva nayo. Nakamme ekanti ahetukakiriyacetanaṃ paccayuppannaṃ katvā abyākatena abyākataṃ. Navipāke dveti ahetukamohakiriyavasena dve. Najhāne ekanti ahetukapañcaviññāṇavasena abyākatavissajjanaṃ veditabbaṃ. Namagge ekanti ahetukavipākakiriyavasena abyākatavissajjanaṃ. Imināvupāyena sabbasaṃsandanesu attho veditabboti.
369-383. ануломабажжанийяз хздтаа вуд̇д̇аа нахзд̇уаад̣̇аяо д̣̇асзва бажжанийяад̇о лаб̣бханд̇и, на сзсаа. язби лаб̣бханд̇и, д̇зсу хзд̇умхи ануломад̇о тид̇з жхаанамаг̇г̇аа бажжанийяад̇о на лаб̣бханд̇ийд̇и саб̣б̣ам̣ хздтаа вуд̇д̇анаязнзва взд̣̇ид̇аб̣б̣анд̇и.
369-383. Anulomapaccanīye heṭṭhā vuttā nahetuādayo daseva paccanīyato labbhanti, na sesā. Yepi labbhanti, tesu hetumhi anulomato ṭhite jhānamaggā paccanīyato na labbhantīti sabbaṃ heṭṭhā vuttanayeneva veditabbanti.
384-391. бажжанийяаануломз нахзд̇убажжаяуббаннзсу ахзд̇угамохова жхаанамаг̇г̇абажжаяам̣ лабхад̇и, сзсаа на лабханд̇и. нажхаанабажжаяз адтаахзд̇угажид̇д̇ааниби. нагаммабажжаяаа нахзд̇убажжаяаа наад̇хибад̇ибажжаяаа набурзж̇аад̇абажжаяаа аарамман̣з зганд̇и ааруббз ахзд̇угагирияажзд̇анаавасзна аб̣яаагад̇зна аб̣яаагад̇ам̣. иминаа убааязна яам̣ лаб̣бхад̇и, яан̃жа на лаб̣бхад̇и, д̇асса васзна саб̣б̣ад̇т̇а г̇ан̣анаа взд̣̇ид̇аб̣б̣аад̇и.
384-391. Paccanīyānulome nahetupaccayuppannesu ahetukamohova jhānamaggapaccayaṃ labhati, sesā na labhanti. Najhānapaccaye aṭṭhāhetukacittānipi. Nakammapaccayā nahetupaccayā nādhipatipaccayā napurejātapaccayā ārammaṇe ekanti āruppe ahetukakiriyacetanāvasena abyākatena abyākataṃ. Iminā upāyena yaṃ labbhati, yañca na labbhati, tassa vasena sabbattha gaṇanā veditabbāti.
сам̣садтаваараван̣н̣анаа.
Saṃsaṭṭhavāravaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
