| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
5. сам̣садтаваараван̣н̣анаа
5. Saṃsaṭṭhavāravaṇṇanā
351-368. сам̣садтаваарз бажжанийяз ‘‘навиббаяуд̇д̇з бадисанд̇хи над̇т̇ий’’д̇и ид̣̇ам̣ вад̇т̇увирахид̇ааяа бадисанд̇хияаа висум̣ ануд̣̇д̇харан̣ад̇о вуд̇д̇ам̣. бадижжаваараад̣̇ийсу хи сахаж̇аад̇асса бажжаяабхаавад̣̇ассанад̇т̇ам̣ савад̇т̇угаа бадисанд̇хи уд̣̇д̇хадаа, саа ид̇хааби ад̇хибад̇ибурзж̇аад̇аасзванзсу нагамманавибааганажхаананавиббаяуд̇д̇зсу на лаб̣бхад̇и, ан̃н̃зсу жа ануломад̇о бажжанийяад̇о жа лаб̣бхамаанабажжаязсу лаб̣бхад̇ийд̇и имасса висзсасса д̣̇ассанад̇т̇ам̣ уд̣̇д̇хадаад̇и. сзсаа д̇зраса на лаб̣бханд̇ийд̇и зд̇т̇а ‘‘сзсаа жуд̣̇д̣̇асаа’’д̇и бхавид̇аб̣б̣ам̣. на жхаанз зганд̇и ахзд̇угабан̃жавин̃н̃аан̣авасзнаад̇и бан̃жавин̃н̃аан̣аанам̣ хзд̇убажжаяавирахид̇амад̇д̇ад̣̇ассанад̇т̇ам̣ ахзд̇угаг̇г̇ахан̣ам̣ гад̇анд̇и д̣̇адтаб̣б̣ам̣, ‘‘намаг̇г̇з зганд̇и ахзд̇угагирияавасзнаа’’д̇и вуд̇д̇ам̣, ‘‘ахзд̇угавибаагагирияавасзнаа’’д̇и бхавид̇аб̣б̣ам̣.
351-368. Saṃsaṭṭhavāre paccanīye ‘‘navippayutte paṭisandhi natthī’’ti idaṃ vatthuvirahitāya paṭisandhiyā visuṃ anuddharaṇato vuttaṃ. Paṭiccavārādīsu hi sahajātassa paccayabhāvadassanatthaṃ savatthukā paṭisandhi uddhaṭā, sā idhāpi adhipatipurejātāsevanesu nakammanavipākanajhānanavippayuttesu na labbhati, aññesu ca anulomato paccanīyato ca labbhamānapaccayesu labbhatīti imassa visesassa dassanatthaṃ uddhaṭāti. Sesā terasa na labbhantīti ettha ‘‘sesā cuddasā’’ti bhavitabbaṃ. Na jhāne ekanti ahetukapañcaviññāṇavasenāti pañcaviññāṇānaṃ hetupaccayavirahitamattadassanatthaṃ ahetukaggahaṇaṃ katanti daṭṭhabbaṃ, ‘‘namagge ekanti ahetukakiriyavasenā’’ti vuttaṃ, ‘‘ahetukavipākakiriyavasenā’’ti bhavitabbaṃ.
369-391. хздтаа вуд̇д̇анаязнзваад̇и бадижжаваарз ануломабажжанийяз вуд̇д̇анаязна. ‘‘нахзд̇убажжаяуббаннзсу ахзд̇угамохова жхаанамаг̇г̇абажжаяам̣ лабхад̇и, сзсаа на лабханд̇ий’’д̇и вуд̇д̇ам̣, сзсзсу бана бан̃жавин̃н̃аан̣аваж̇ж̇аахзд̇угагканд̇хаа д̇ам̣самудтаанаа бажжаяуббаннад̇хаммаа жхаанабажжаяам̣ лабханд̇и, на бажжанийяаануломз д̣̇виннам̣ бажжаяаанам̣ ануломзна саха яож̇анаа ад̇т̇ийд̇и жхаанамаг̇г̇абажжаяам̣ сахид̇ам̣ лабхад̇ийд̇и жа на саггаа вад̇д̇ум̣, д̇асмаа ‘‘ахзд̇угамохова маг̇г̇абажжаяам̣ лабхад̇ий’’д̇и вад̇д̇аб̣б̣ам̣.
369-391. Heṭṭhāvuttanayenevāti paṭiccavāre anulomapaccanīye vuttanayena. ‘‘Nahetupaccayuppannesu ahetukamohova jhānamaggapaccayaṃ labhati, sesā na labhantī’’ti vuttaṃ, sesesu pana pañcaviññāṇavajjāhetukakkhandhā taṃsamuṭṭhānā paccayuppannadhammā jhānapaccayaṃ labhanti, na paccanīyānulome dvinnaṃ paccayānaṃ anulomena saha yojanā atthīti jhānamaggapaccayaṃ sahitaṃ labhatīti ca na sakkā vattuṃ, tasmā ‘‘ahetukamohova maggapaccayaṃ labhatī’’ti vattabbaṃ.
сам̣садтаваараван̣н̣анаа нидтид̇аа.
Saṃsaṭṭhavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. сам̣садтаваараван̣н̣анаа • 5. Saṃsaṭṭhavāravaṇṇanā
