| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
13. авиж̇ж̇ааваг̇г̇о
13. Avijjāvaggo
1. самуд̣̇аяад̇хаммасуд̇д̇ам̣
1. Samudayadhammasuttaṃ
126. саавад̇т̇инид̣̇аанам̣ . ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа…бз… згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘‘авиж̇ж̇аа авиж̇ж̇аа’д̇и, бханд̇з, вужжад̇и. гад̇амаа ну ко, бханд̇з, авиж̇ж̇аа, гид̇д̇аавад̇аа жа авиж̇ж̇ааг̇ад̇о ход̇ий’’д̇и?
126. Sāvatthinidānaṃ . Atha kho aññataro bhikkhu yena bhagavā tenupasaṅkami; upasaṅkamitvā…pe… ekamantaṃ nisinno kho so bhikkhu bhagavantaṃ etadavoca – ‘‘‘avijjā avijjā’ti, bhante, vuccati. Katamā nu kho, bhante, avijjā, kittāvatā ca avijjāgato hotī’’ti?
‘‘ид̇ха , бхигку, ассуд̇аваа бут̇уж̇ж̇ано самуд̣̇аяад̇хаммам̣ руубам̣ ‘самуд̣̇аяад̇хаммам̣ рууба’нд̇и яат̇аабхууд̇ам̣ наббаж̇аанаад̇и ; ваяад̇хаммам̣ руубам̣ ‘ваяад̇хаммам̣ рууба’нд̇и яат̇аабхууд̇ам̣ наббаж̇аанаад̇и; самуд̣̇аяаваяад̇хаммам̣ руубам̣ ‘самуд̣̇аяаваяад̇хаммам̣ рууба’нд̇и яат̇аабхууд̇ам̣ наббаж̇аанаад̇и. самуд̣̇аяад̇хаммам̣ взд̣̇анам̣ ‘самуд̣̇аяад̇хаммаа взд̣̇анаа’д̇и яат̇аабхууд̇ам̣ наббаж̇аанаад̇и; ваяад̇хаммам̣ взд̣̇анам̣ ‘ваяад̇хаммаа взд̣̇анаа’д̇и яат̇аабхууд̇ам̣ наббаж̇аанаад̇и; самуд̣̇аяаваяад̇хаммам̣ взд̣̇анам̣ ‘самуд̣̇аяаваяад̇хаммаа взд̣̇анаа’д̇и яат̇аабхууд̇ам̣ наббаж̇аанаад̇и. самуд̣̇аяад̇хаммам̣ сан̃н̃ам̣…бз… самуд̣̇аяад̇хаммз сан̇каарз ‘самуд̣̇аяад̇хаммаа сан̇каараа’д̇и яат̇аабхууд̇ам̣ наббаж̇аанаад̇и; ваяад̇хаммз сан̇каарз ‘ваяад̇хаммаа сан̇каараа’д̇и яат̇аабхууд̇ам̣ наббаж̇аанаад̇и; самуд̣̇аяаваяад̇хаммз сан̇каарз ‘самуд̣̇аяаваяад̇хаммаа сан̇каараа’д̇и яат̇аабхууд̇ам̣ наббаж̇аанаад̇и. самуд̣̇аяад̇хаммам̣ вин̃н̃аан̣ам̣ ‘самуд̣̇аяад̇хаммам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и; ваяад̇хаммам̣ вин̃н̃аан̣ам̣ ‘ваяад̇хаммам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и; самуд̣̇аяаваяад̇хаммам̣ вин̃н̃аан̣ам̣ ‘самуд̣̇аяаваяад̇хаммам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и. аяам̣ вужжад̇и, бхигку, авиж̇ж̇аа; зд̇д̇аавад̇аа жа авиж̇ж̇ааг̇ад̇о ход̇ий’’д̇и.
‘‘Idha , bhikkhu, assutavā puthujjano samudayadhammaṃ rūpaṃ ‘samudayadhammaṃ rūpa’nti yathābhūtaṃ nappajānāti ; vayadhammaṃ rūpaṃ ‘vayadhammaṃ rūpa’nti yathābhūtaṃ nappajānāti; samudayavayadhammaṃ rūpaṃ ‘samudayavayadhammaṃ rūpa’nti yathābhūtaṃ nappajānāti. Samudayadhammaṃ vedanaṃ ‘samudayadhammā vedanā’ti yathābhūtaṃ nappajānāti; vayadhammaṃ vedanaṃ ‘vayadhammā vedanā’ti yathābhūtaṃ nappajānāti; samudayavayadhammaṃ vedanaṃ ‘samudayavayadhammā vedanā’ti yathābhūtaṃ nappajānāti. Samudayadhammaṃ saññaṃ…pe… samudayadhamme saṅkhāre ‘samudayadhammā saṅkhārā’ti yathābhūtaṃ nappajānāti; vayadhamme saṅkhāre ‘vayadhammā saṅkhārā’ti yathābhūtaṃ nappajānāti; samudayavayadhamme saṅkhāre ‘samudayavayadhammā saṅkhārā’ti yathābhūtaṃ nappajānāti. Samudayadhammaṃ viññāṇaṃ ‘samudayadhammaṃ viññāṇa’nti yathābhūtaṃ nappajānāti; vayadhammaṃ viññāṇaṃ ‘vayadhammaṃ viññāṇa’nti yathābhūtaṃ nappajānāti; samudayavayadhammaṃ viññāṇaṃ ‘samudayavayadhammaṃ viññāṇa’nti yathābhūtaṃ nappajānāti. Ayaṃ vuccati, bhikkhu, avijjā; ettāvatā ca avijjāgato hotī’’ti.
звам̣ вуд̇д̇з, со бхигку бхаг̇аванд̇ам̣ зд̇ад̣̇авожа – ‘‘‘виж̇ж̇аа виж̇ж̇аа’д̇и, бханд̇з, вужжад̇и. гад̇амаа ну ко, бханд̇з, виж̇ж̇аа, гид̇д̇аавад̇аа жа виж̇ж̇ааг̇ад̇о ход̇ий’’д̇и?
Evaṃ vutte, so bhikkhu bhagavantaṃ etadavoca – ‘‘‘vijjā vijjā’ti, bhante, vuccati. Katamā nu kho, bhante, vijjā, kittāvatā ca vijjāgato hotī’’ti?
‘‘ид̇ха, бхигку, суд̇аваа арияасааваго самуд̣̇аяад̇хаммам̣ руубам̣ ‘самуд̣̇аяад̇хаммам̣ рууба’нд̇и яат̇аабхууд̇ам̣ баж̇аанаад̇и; ваяад̇хаммам̣ руубам̣ ‘ваяад̇хаммам̣ рууба’нд̇и яат̇аабхууд̇ам̣ баж̇аанаад̇и ; самуд̣̇аяаваяад̇хаммам̣ руубам̣ ‘самуд̣̇аяаваяад̇хаммам̣ рууба’нд̇и яат̇аабхууд̇ам̣ баж̇аанаад̇и. самуд̣̇аяад̇хаммам̣ взд̣̇анам̣ ‘самуд̣̇аяад̇хаммаа взд̣̇анаа’д̇и яат̇аабхууд̇ам̣ баж̇аанаад̇и; ваяад̇хаммам̣ взд̣̇анам̣ ‘ваяад̇хаммаа взд̣̇анаа’д̇и яат̇аабхууд̇ам̣ баж̇аанаад̇и; самуд̣̇аяаваяад̇хаммам̣ взд̣̇анам̣ ‘самуд̣̇аяаваяад̇хаммаа взд̣̇анаа’д̇и яат̇аабхууд̇ам̣ баж̇аанаад̇и. самуд̣̇аяад̇хаммам̣ сан̃н̃ам̣… самуд̣̇аяад̇хаммз сан̇каарз ‘самуд̣̇аяад̇хаммаа сан̇каараа’д̇и яат̇аабхууд̇ам̣ баж̇аанаад̇и; ваяад̇хаммз сан̇каарз ‘ваяад̇хаммаа сан̇каараа’д̇и яат̇аабхууд̇ам̣ баж̇аанаад̇и; самуд̣̇аяаваяад̇хаммз сан̇каарз ‘самуд̣̇аяаваяад̇хаммаа сан̇каараа’д̇и яат̇аабхууд̇ам̣ баж̇аанаад̇и. самуд̣̇аяад̇хаммам̣ вин̃н̃аан̣ам̣ ‘самуд̣̇аяад̇хаммам̣ вин̃н̃аан̣а’нд̇и яат̇аабхууд̇ам̣ баж̇аанаад̇и; ваяад̇хаммам̣ вин̃н̃аан̣ам̣ ‘ваяад̇хаммам̣ вин̃н̃аан̣а’нд̇и яат̇аабхууд̇ам̣ баж̇аанаад̇и; самуд̣̇аяаваяад̇хаммам̣ вин̃н̃аан̣ам̣ ‘самуд̣̇аяаваяад̇хаммам̣ вин̃н̃аан̣а’нд̇и яат̇аабхууд̇ам̣ баж̇аанаад̇и. аяам̣ вужжад̇и, бхигку, виж̇ж̇аа; зд̇д̇аавад̇аа жа виж̇ж̇ааг̇ад̇о ход̇ий’’д̇и. батамам̣.
‘‘Idha, bhikkhu, sutavā ariyasāvako samudayadhammaṃ rūpaṃ ‘samudayadhammaṃ rūpa’nti yathābhūtaṃ pajānāti; vayadhammaṃ rūpaṃ ‘vayadhammaṃ rūpa’nti yathābhūtaṃ pajānāti ; samudayavayadhammaṃ rūpaṃ ‘samudayavayadhammaṃ rūpa’nti yathābhūtaṃ pajānāti. Samudayadhammaṃ vedanaṃ ‘samudayadhammā vedanā’ti yathābhūtaṃ pajānāti; vayadhammaṃ vedanaṃ ‘vayadhammā vedanā’ti yathābhūtaṃ pajānāti; samudayavayadhammaṃ vedanaṃ ‘samudayavayadhammā vedanā’ti yathābhūtaṃ pajānāti. Samudayadhammaṃ saññaṃ… samudayadhamme saṅkhāre ‘samudayadhammā saṅkhārā’ti yathābhūtaṃ pajānāti; vayadhamme saṅkhāre ‘vayadhammā saṅkhārā’ti yathābhūtaṃ pajānāti; samudayavayadhamme saṅkhāre ‘samudayavayadhammā saṅkhārā’ti yathābhūtaṃ pajānāti. Samudayadhammaṃ viññāṇaṃ ‘samudayadhammaṃ viññāṇa’nti yathābhūtaṃ pajānāti; vayadhammaṃ viññāṇaṃ ‘vayadhammaṃ viññāṇa’nti yathābhūtaṃ pajānāti; samudayavayadhammaṃ viññāṇaṃ ‘samudayavayadhammaṃ viññāṇa’nti yathābhūtaṃ pajānāti. Ayaṃ vuccati, bhikkhu, vijjā; ettāvatā ca vijjāgato hotī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-10. самуд̣̇аяад̇хаммасуд̇д̇аад̣̇иван̣н̣анаа • 1-10. Samudayadhammasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-10. самуд̣̇аяад̇хаммасуд̇д̇аад̣̇иван̣н̣анаа • 1-10. Samudayadhammasuttādivaṇṇanā
