| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[296] 6. самуд̣̇д̣̇аж̇аад̇агаван̣н̣анаа
[296] 6. Samuddajātakavaṇṇanā
го нааяанд̇и ид̣̇ам̣ сад̇т̇аа ж̇зд̇аванз вихаранд̇о убананд̣̇ад̇т̇зрам̣ аараб̣бха гат̇зси. со хи махаг̇гхасо махаад̇ан̣хо ахоси, сагадабуурзхи бажжаязхиби санд̇аббзд̇ум̣ на саггаа. вассуубанааяигагаалз д̣̇вийсу д̇ийсу вихаарзсу вассам̣ убаг̇анд̇ваа згасмим̣ убааханз табзд̇и, згасмим̣ гад̇д̇араяадтим̣, згасмим̣ уд̣̇агад̇умб̣ам̣. згасмим̣ саяам̣ васад̇и, ж̇анабад̣̇авихаарам̣ г̇анд̇ваа бан̣ийд̇абаригкаарз бхигкуу д̣̇исваа арияавам̣сагат̇ам̣ гат̇зд̇ваа д̇зсам̣ бам̣сугуулаани г̇аахаабзд̇ваа д̇зсам̣ жийвараани г̇ан̣хаад̇и, мад̇д̇игаабад̇д̇з г̇аахаабзд̇ваа манаабаманаабз бад̇д̇з т̇аалагаани жа г̇ахзд̇ваа яаанагам̣ буурзд̇ваа ж̇зд̇аванам̣ ааг̇ажчад̇и. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, убананд̣̇о сагяабуд̇д̇о махаг̇гхасо махижчо ан̃н̃зсам̣ бадибад̇д̇им̣ гат̇зд̇ваа саман̣абаригкаарзна яаанагам̣ буурзд̇ваа ааг̇ажчад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘аяуд̇д̇ам̣, бхигкавз, убананд̣̇зна гад̇ам̣ барзсам̣ арияавам̣сагат̇ам̣ гат̇знд̇зна, батамад̇аран̃хи ад̇д̇анаа аббижчзна худ̇ваа бажчаа барзсам̣ арияавам̣сам̣ гат̇зд̇ум̣ ваддад̇ий’’д̇и.
Ko nāyanti idaṃ satthā jetavane viharanto upanandattheraṃ ārabbha kathesi. So hi mahagghaso mahātaṇho ahosi, sakaṭapūrehi paccayehipi santappetuṃ na sakkā. Vassūpanāyikakāle dvīsu tīsu vihāresu vassaṃ upagantvā ekasmiṃ upāhane ṭhapeti, ekasmiṃ kattarayaṭṭhiṃ, ekasmiṃ udakatumbaṃ. Ekasmiṃ sayaṃ vasati, janapadavihāraṃ gantvā paṇītaparikkhāre bhikkhū disvā ariyavaṃsakathaṃ kathetvā tesaṃ paṃsukūlāni gāhāpetvā tesaṃ cīvarāni gaṇhāti, mattikāpatte gāhāpetvā manāpamanāpe patte thālakāni ca gahetvā yānakaṃ pūretvā jetavanaṃ āgacchati. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, upanando sakyaputto mahagghaso mahiccho aññesaṃ paṭipattiṃ kathetvā samaṇaparikkhārena yānakaṃ pūretvā āgacchatī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘ayuttaṃ, bhikkhave, upanandena kataṃ paresaṃ ariyavaṃsakathaṃ kathentena, paṭhamatarañhi attanā appicchena hutvā pacchā paresaṃ ariyavaṃsaṃ kathetuṃ vaṭṭatī’’ti.
‘‘ад̇д̇аанамзва батамам̣, бад̇ируубз нивзсаяз;
‘‘Attānameva paṭhamaṃ, patirūpe nivesaye;
ат̇ан̃н̃аманусаасзяяа, на гилиссзяяа бан̣д̣ид̇о’’д̇и. (д̇ха. ба. 158) –
Athaññamanusāseyya, na kilisseyya paṇḍito’’ti. (dha. pa. 158) –
имам̣ д̇хаммабад̣̇з г̇аат̇ам̣ д̣̇зсзд̇ваа убананд̣̇ам̣ г̇арахид̇ваа ‘‘на, бхигкавз, ид̣̇аанзва убананд̣̇о махижчо, буб̣б̣з махаасамуд̣̇д̣̇зби уд̣̇агам̣ рагкид̇аб̣б̣ам̣ ман̃н̃ий’’д̇и вад̇ваа ад̇ийд̇ам̣ аахари.
Imaṃ dhammapade gāthaṃ desetvā upanandaṃ garahitvā ‘‘na, bhikkhave, idāneva upanando mahiccho, pubbe mahāsamuddepi udakaṃ rakkhitabbaṃ maññī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о самуд̣̇д̣̇ад̣̇звад̇аа худ̇ваа ниб̣б̣ад̇д̇и. ат̇зго гааго самуд̣̇д̣̇асса убарибхааг̇з вижаранд̇о ‘‘самуд̣̇д̣̇з уд̣̇агам̣ бамаан̣зна биват̇а, рагканд̇аа биват̇аа’’д̇и мажчасан̇гхасагун̣асан̇гхз ваарзнд̇о ваарзнд̇о жарад̇и. д̇ам̣ д̣̇исваа самуд̣̇д̣̇ад̣̇звад̇аа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto samuddadevatā hutvā nibbatti. Atheko kāko samuddassa uparibhāge vicaranto ‘‘samudde udakaṃ pamāṇena pivatha, rakkhantā pivathā’’ti macchasaṅghasakuṇasaṅghe vārento vārento carati. Taṃ disvā samuddadevatā paṭhamaṃ gāthamāha –
136.
136.
‘‘го нааяам̣ лон̣ад̇ояасмим̣, саманд̇аа барид̇хаавад̇и;
‘‘Ko nāyaṃ loṇatoyasmiṃ, samantā paridhāvati;
мажчз магарз жа ваарзд̇и, уумийсу жа вихан̃н̃ад̇ий’’д̇и.
Macche makare ca vāreti, ūmīsu ca vihaññatī’’ti.
д̇ад̇т̇а го нааяанд̇и го ну аяам̣.
Tattha ko nāyanti ko nu ayaṃ.
д̇ам̣ суд̇ваа самуд̣̇д̣̇агааго д̣̇уд̇ияам̣ г̇аат̇амааха –
Taṃ sutvā samuddakāko dutiyaṃ gāthamāha –
137.
137.
‘‘ананд̇абааяий сагун̣о, ад̇ид̇д̇од̇и д̣̇исаасуд̇о;
‘‘Anantapāyī sakuṇo, atittoti disāsuto;
самуд̣̇д̣̇ам̣ баад̇умижчаами, сааг̇арам̣ сарид̇ам̣бад̇и’’нд̇и.
Samuddaṃ pātumicchāmi, sāgaraṃ saritaṃpati’’nti.
д̇ассад̇т̇о – ахам̣ ананд̇асааг̇арам̣ баад̇умижчаами, д̇знамхи ананд̇абааяий наама сагун̣о махад̇ияааби абууран̣ияаа д̇ан̣хааяа саманнааг̇ад̇ад̇д̇аа ад̇ид̇д̇од̇иби ахам̣ д̣̇исаасу суд̇о виссуд̇о баагадо, сваахам̣ имам̣ сагаласамуд̣̇д̣̇ам̣ сунд̣̇араанам̣ рад̇анаанам̣ аагарад̇д̇аа сааг̇арзна ваа кад̇ад̇д̇аа сааг̇арам̣ сарид̇аанам̣ бад̇ибхаавзна сарид̇ам̣бад̇им̣ баад̇умижчаамийд̇и.
Tassattho – ahaṃ anantasāgaraṃ pātumicchāmi, tenamhi anantapāyī nāma sakuṇo mahatiyāpi apūraṇiyā taṇhāya samannāgatattā atittotipi ahaṃ disāsu suto vissuto pākaṭo, svāhaṃ imaṃ sakalasamuddaṃ sundarānaṃ ratanānaṃ ākarattā sāgarena vā khatattā sāgaraṃ saritānaṃ patibhāvena saritaṃpatiṃ pātumicchāmīti.
д̇ам̣ суд̇ваа самуд̣̇д̣̇ад̣̇звад̇аа д̇ад̇ияам̣ г̇аат̇амааха –
Taṃ sutvā samuddadevatā tatiyaṃ gāthamāha –
138.
138.
‘‘со аяам̣ хааяад̇и жзва, буурад̇з жа маход̣̇ад̇хи;
‘‘So ayaṃ hāyati ceva, pūrate ca mahodadhi;
наасса нааяад̇и бийд̇анд̇о, абзяяо гира сааг̇аро’’д̇и.
Nāssa nāyati pītanto, apeyyo kira sāgaro’’ti.
д̇ад̇т̇а со аяам̣ хааяад̇и жзваад̇и уд̣̇агасса осагганавзлааяа хааяад̇и, нигкаманавзлааяа буурад̇и. наасса нааяад̇ийд̇и асса махаасамуд̣̇д̣̇асса сажзби нам̣ сагалалого бивзяяа, д̇ат̇ааби ‘‘ид̇о зд̇д̇агам̣ наама уд̣̇агам̣ бийд̇а’’нд̇и барияанд̇о на бан̃н̃ааяад̇и. абзяяо гираад̇и зсо гира сааг̇аро на саггаа гзнажи уд̣̇агам̣ кзбзд̇ваа баад̇унд̇и.
Tattha so ayaṃ hāyati cevāti udakassa osakkanavelāya hāyati, nikkhamanavelāya pūrati. Nāssa nāyatīti assa mahāsamuddassa sacepi naṃ sakalaloko piveyya, tathāpi ‘‘ito ettakaṃ nāma udakaṃ pīta’’nti pariyanto na paññāyati. Apeyyo kirāti eso kira sāgaro na sakkā kenaci udakaṃ khepetvā pātunti.
зван̃жа бана вад̇ваа саа бхзраваруубаарамман̣ам̣ д̣̇ассзд̇ваа самуд̣̇д̣̇агаагам̣ балаабзси.
Evañca pana vatvā sā bheravarūpārammaṇaṃ dassetvā samuddakākaṃ palāpesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа самуд̣̇д̣̇агааго убананд̣̇о ахоси, д̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā samuddakāko upanando ahosi, devatā pana ahameva ahosi’’nti.
самуд̣̇д̣̇аж̇аад̇агаван̣н̣анаа чадтаа.
Samuddajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 296. самуд̣̇д̣̇аж̇аад̇агам̣ • 296. Samuddajātakaṃ
