| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[146] 6. самуд̣̇д̣̇агаагаж̇аад̇агаван̣н̣анаа
[146] 6. Samuddakākajātakavaṇṇanā
аби ну ханугаа санд̇аад̇и ид̣̇ам̣ сад̇т̇аа ж̇зд̇аванз вихаранд̇о самб̣ахулз махаллагз бхигкуу аараб̣бха гат̇зси. д̇з гира г̇ихигаалз саавад̇т̇ияам̣ гудумб̣игаа ад̣дхаа махад̣̇д̇ханаа ан̃н̃аман̃н̃асахааяагаа згад̇о худ̇ваа бун̃н̃аани гаронд̇аа сад̇т̇у д̇хаммад̣̇зсанам̣ суд̇ваа ‘‘маяам̣ махаллагаа, гим̣ но гхарааваасзна, сад̇т̇у санд̇игз раман̣ийяз б̣уд̣̇д̇хасаасанз баб̣б̣аж̇ид̇ваа д̣̇угкассанд̇ам̣ гариссаамаа’’д̇и саб̣б̣ам̣ саабад̇зяяам̣ буд̇д̇ад̇хийд̇аад̣̇ийнам̣ д̣̇ад̇ваа ассумукам̣ н̃аад̇исан̇гхам̣ бахааяа сад̇т̇аарам̣ баб̣б̣аж̇ж̇ам̣ яаажид̇ваа баб̣б̣аж̇им̣су. баб̣б̣аж̇ид̇ваа бана баб̣б̣аж̇ж̇аануруубам̣ саман̣ад̇хаммам̣ на гарим̣су, махаллагабхаавзна д̇хаммамби на барияаабун̣им̣су, г̇ихигаалз вияа баб̣б̣аж̇ид̇агаалзби вихаарабарияанд̇з бан̣н̣асаалам̣ гаарзд̇ваа згад̇ова васим̣су. бин̣д̣ааяа жаранд̇ааби ан̃н̃ад̇т̇а аг̇анд̇ваа язбхуяязна ад̇д̇ано буд̇д̇ад̣̇аарассзва г̇зхам̣ г̇анд̇ваа бхун̃ж̇им̣су. д̇зсу згасса бураан̣ад̣̇уд̇ияигаа саб̣б̣зсамби махаллагад̇т̇зраанам̣ убагаараа ахоси, д̇асмаа сзсааби ад̇д̇анаа лад̣̇д̇хам̣ аахаарам̣ г̇ахзд̇ваа д̇ассааязва г̇зхз нисийд̣̇ид̇ваа бхун̃ж̇анд̇и. сааби д̇зсам̣ яат̇аасаннихид̇ам̣ суубаб̣яан̃ж̇анам̣ д̣̇зд̇и. саа ан̃н̃ад̇арзна рог̇зна пудтаа гааламагааси. ат̇а д̇з махаллагад̇т̇зраа вихаарам̣ г̇анд̇ваа ан̃н̃аман̃н̃ам̣ г̇ийваасу г̇ахзд̇ваа ‘‘мад̇хурахад̇т̇арасаа убаасигаа гаалагад̇аа’’д̇и вихаарабажжанд̇з род̣̇анд̇аа вижарим̣су. д̇зсам̣ сад̣̇д̣̇ам̣ суд̇ваа ид̇о жид̇о жа бхигкуу саннибад̇ид̇ваа ‘‘аавусо, гасмаа род̣̇ат̇аа’’д̇и бужчим̣су. д̇з ‘‘амхаагам̣ сахааяасса бураан̣ад̣̇уд̇ияигаа мад̇хурахад̇т̇арасаа гаалагад̇аа амхаагам̣ ад̇ивияа убагаараа, ‘ид̣̇аани гуд̇о д̇ат̇ааруубим̣ лабхиссаамаа’д̇и иминаа гааран̣зна род̣̇имхаа’’д̇и аахам̣су.
Apinu hanukā santāti idaṃ satthā jetavane viharanto sambahule mahallake bhikkhū ārabbha kathesi. Te kira gihikāle sāvatthiyaṃ kuṭumbikā aḍḍhā mahaddhanā aññamaññasahāyakā ekato hutvā puññāni karontā satthu dhammadesanaṃ sutvā ‘‘mayaṃ mahallakā, kiṃ no gharāvāsena, satthu santike ramaṇīye buddhasāsane pabbajitvā dukkhassantaṃ karissāmā’’ti sabbaṃ sāpateyyaṃ puttadhītādīnaṃ datvā assumukhaṃ ñātisaṅghaṃ pahāya satthāraṃ pabbajjaṃ yācitvā pabbajiṃsu. Pabbajitvā pana pabbajjānurūpaṃ samaṇadhammaṃ na kariṃsu, mahallakabhāvena dhammampi na pariyāpuṇiṃsu, gihikāle viya pabbajitakālepi vihārapariyante paṇṇasālaṃ kāretvā ekatova vasiṃsu. Piṇḍāya carantāpi aññattha agantvā yebhuyyena attano puttadārasseva gehaṃ gantvā bhuñjiṃsu. Tesu ekassa purāṇadutiyikā sabbesampi mahallakattherānaṃ upakārā ahosi, tasmā sesāpi attanā laddhaṃ āhāraṃ gahetvā tassāyeva gehe nisīditvā bhuñjanti. Sāpi tesaṃ yathāsannihitaṃ sūpabyañjanaṃ deti. Sā aññatarena rogena phuṭṭhā kālamakāsi. Atha te mahallakattherā vihāraṃ gantvā aññamaññaṃ gīvāsu gahetvā ‘‘madhurahattharasā upāsikā kālakatā’’ti vihārapaccante rodantā vicariṃsu. Tesaṃ saddaṃ sutvā ito cito ca bhikkhū sannipatitvā ‘‘āvuso, kasmā rodathā’’ti pucchiṃsu. Te ‘‘amhākaṃ sahāyassa purāṇadutiyikā madhurahattharasā kālakatā amhākaṃ ativiya upakārā, ‘idāni kuto tathārūpiṃ labhissāmā’ti iminā kāraṇena rodimhā’’ti āhaṃsu.
д̇зсам̣ д̇ам̣ виббагаарам̣ д̣̇исваа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, иминаа наама гааран̣зна махаллагад̇т̇зраа ан̃н̃аман̃н̃ам̣ г̇ийваасу г̇ахзд̇ваа вихаарабажжанд̇з род̣̇анд̇аа вижаранд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзвзд̇з д̇ассаа гаалагирияааяа род̣̇анд̇аа вижаранд̇и, буб̣б̣збзд̇з имам̣ гаагаяонияам̣ ниб̣б̣ад̇д̇ид̇ваа самуд̣̇д̣̇з мад̇ам̣ ниссааяа ‘самуд̣̇д̣̇ауд̣̇агам̣ уссин̃жид̇ваа зд̇ам̣ нийхариссаамаа’д̇и вааяаманд̇аа бан̣д̣ид̇з ниссааяа ж̇ийвид̇ам̣ лабхим̣суу’’д̇и вад̇ваа ад̇ийд̇ам̣ аахари.
Tesaṃ taṃ vippakāraṃ disvā bhikkhū dhammasabhāyaṃ kathaṃ samuṭṭhāpesuṃ ‘‘āvuso, iminā nāma kāraṇena mahallakattherā aññamaññaṃ gīvāsu gahetvā vihārapaccante rodantā vicarantī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idānevete tassā kālakiriyāya rodantā vicaranti, pubbepete imaṃ kākayoniyaṃ nibbattitvā samudde mataṃ nissāya ‘samuddaudakaṃ ussiñcitvā etaṃ nīharissāmā’ti vāyamantā paṇḍite nissāya jīvitaṃ labhiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о самуд̣̇д̣̇ад̣̇звад̇аа худ̇ваа ниб̣б̣ад̇д̇и. ат̇зго гааго ад̇д̇ано бхарияам̣ гаагим̣ аад̣̇ааяа г̇ожарам̣ бариязсамаано самуд̣̇д̣̇ад̇ийрам̣ аг̇амааси . д̇асмим̣ гаалз мануссаа самуд̣̇д̣̇ад̇ийрз кийрабааяаасамажчамам̣сасураад̣̇ийхи нааг̇аб̣алигаммам̣ гад̇ваа баггамим̣су. ат̇а со гааго б̣алигаммадтаанам̣ г̇анд̇ваа кийраад̣̇ийни д̣̇исваа сад̣̇д̇хим̣ гаагияаа кийрабааяаасамажчамам̣саад̣̇ийни бхун̃ж̇ид̇ваа б̣ахум̣ сурам̣ биви. д̇з убхоби сураамад̣̇амад̇д̇аа ‘‘самуд̣̇д̣̇агийл̣ам̣ гийл̣иссаамаа’’д̇и взланд̇з нисийд̣̇ид̇ваа нхааяид̇ум̣ аарабхим̣су ат̇згаа ууми ааг̇анд̇ваа гаагим̣ г̇ахзд̇ваа самуд̣̇д̣̇ам̣ бавзсзси. д̇амзго мажчо мам̣сам̣ каад̣̇ид̇ваа аж̇жхохари. гааго ‘‘бхарияаа мз мад̇аа’’д̇и род̣̇и барид̣̇зви. ат̇асса барид̣̇званасад̣̇д̣̇ам̣ суд̇ваа б̣ахуу гаагаа саннибад̇ид̇ваа ‘‘гим̣гааран̣аа род̣̇асий’’д̇и бужчим̣су. ‘‘сахааяигаа во взланд̇з нхааяамаанаа уумияаа хадаа’’д̇и. д̇з саб̣б̣зби згаравам̣ раванд̇аа род̣̇им̣су. ат̇а нзсам̣ зд̇ад̣̇ахоси ‘‘ид̣̇ам̣ самуд̣̇д̣̇ауд̣̇агам̣ наама амхаагам̣ гим̣ бахоси, уд̣̇агам̣ уссин̃жид̇ваа самуд̣̇д̣̇ам̣ д̇ужчам̣ гад̇ваа сахааяигам̣ нийхариссаамаа’’д̇и. д̇з мукам̣ буурзд̇ваа буурзд̇ваа уд̣̇агам̣ б̣ахи чад̣д̣знд̇и, лон̣ууд̣̇агзна жа г̇алз суссамаанз удтааяудтааяа т̇алам̣ г̇анд̇ваа виссаманд̇и.
Atīte bārāṇasiyaṃ brahmadatte rajjaṃ kārente bodhisatto samuddadevatā hutvā nibbatti. Atheko kāko attano bhariyaṃ kākiṃ ādāya gocaraṃ pariyesamāno samuddatīraṃ agamāsi . Tasmiṃ kāle manussā samuddatīre khīrapāyāsamacchamaṃsasurādīhi nāgabalikammaṃ katvā pakkamiṃsu. Atha so kāko balikammaṭṭhānaṃ gantvā khīrādīni disvā saddhiṃ kākiyā khīrapāyāsamacchamaṃsādīni bhuñjitvā bahuṃ suraṃ pivi. Te ubhopi surāmadamattā ‘‘samuddakīḷaṃ kīḷissāmā’’ti velante nisīditvā nhāyituṃ ārabhiṃsu athekā ūmi āgantvā kākiṃ gahetvā samuddaṃ pavesesi. Tameko maccho maṃsaṃ khāditvā ajjhohari. Kāko ‘‘bhariyā me matā’’ti rodi paridevi. Athassa paridevanasaddaṃ sutvā bahū kākā sannipatitvā ‘‘kiṃkāraṇā rodasī’’ti pucchiṃsu. ‘‘Sahāyikā vo velante nhāyamānā ūmiyā haṭā’’ti. Te sabbepi ekaravaṃ ravantā rodiṃsu. Atha nesaṃ etadahosi ‘‘idaṃ samuddaudakaṃ nāma amhākaṃ kiṃ pahosi, udakaṃ ussiñcitvā samuddaṃ tucchaṃ katvā sahāyikaṃ nīharissāmā’’ti. Te mukhaṃ pūretvā pūretvā udakaṃ bahi chaḍḍenti, loṇūdakena ca gale sussamāne uṭṭhāyuṭṭhāya thalaṃ gantvā vissamanti.
д̇з хануусу гиланд̇зсу мукзсу сугканд̇зсу агкийсу рад̇д̇зсу д̣̇ийнаа гиланд̇аа худ̇ваа ан̃н̃аман̃н̃ам̣ ааманд̇зд̇ваа ‘‘амбхо, маяам̣ самуд̣̇д̣̇ауд̣̇агам̣ г̇ахзд̇ваа б̣ахи баад̇зма, г̇ахид̇аг̇ахид̇адтаанам̣ буна уд̣̇агзна буурад̇и, самуд̣̇д̣̇ам̣ д̇ужчам̣ гаад̇ум̣ на сагкиссаамаа’’д̇и вад̇ваа имам̣ г̇аат̇амаахам̣су –
Te hanūsu kilantesu mukhesu sukkhantesu akkhīsu rattesu dīnā kilantā hutvā aññamaññaṃ āmantetvā ‘‘ambho, mayaṃ samuddaudakaṃ gahetvā bahi pātema, gahitagahitaṭṭhānaṃ puna udakena pūrati, samuddaṃ tucchaṃ kātuṃ na sakkhissāmā’’ti vatvā imaṃ gāthamāhaṃsu –
146.
146.
‘‘аби ну ханугаа санд̇аа, мукан̃жа барисуссад̇и;
‘‘Api nu hanukā santā, mukhañca parisussati;
орамаама на баарзма, буурад̇зва маход̣̇ад̇хий’’д̇и.
Oramāma na pārema, pūrateva mahodadhī’’ti.
д̇ад̇т̇а аби ну ханугаа санд̇аад̇и аби но ханугаа санд̇аа, аби амхаагам̣ ханугаа гиланд̇аа. орамаама на баарзмаад̇и маяам̣ ад̇д̇ано б̣алзна махаасамуд̣̇д̣̇ауд̣̇агам̣ аагад̣дхаама осаарзма, д̇ужчам̣ бана нам̣ гаад̇ум̣ на саггома. аяан̃хи буурад̇зва маход̣̇ад̇хийд̇и.
Tattha api nu hanukā santāti api no hanukā santā, api amhākaṃ hanukā kilantā. Oramāma na pāremāti mayaṃ attano balena mahāsamuddaudakaṃ ākaḍḍhāma osārema, tucchaṃ pana naṃ kātuṃ na sakkoma. Ayañhi pūrateva mahodadhīti.
зван̃жа бана вад̇ваа саб̣б̣зби д̇з гаагаа ‘‘д̇ассаа гаагияаа зваруубам̣ наама д̇ун̣д̣ам̣ ахоси, зваруубаани ваддагкийни, зваруубам̣ чависан̣таанам̣, зваруубо мад̇хурасад̣̇д̣̇о. саа но имам̣ жорасамуд̣̇д̣̇ам̣ ниссааяа надтаа’’д̇и б̣ахум̣ виббалабим̣су. д̇з звам̣ виббалабамаанз самуд̣̇д̣̇ад̣̇звад̇аа бхзраваруубам̣ д̣̇ассзд̇ваа балаабзси, звам̣ д̇зсам̣ сод̇т̇и ахоси.
Evañca pana vatvā sabbepi te kākā ‘‘tassā kākiyā evarūpaṃ nāma tuṇḍaṃ ahosi, evarūpāni vaṭṭakkhīni, evarūpaṃ chavisaṇṭhānaṃ, evarūpo madhurasaddo. Sā no imaṃ corasamuddaṃ nissāya naṭṭhā’’ti bahuṃ vippalapiṃsu. Te evaṃ vippalapamāne samuddadevatā bheravarūpaṃ dassetvā palāpesi, evaṃ tesaṃ sotthi ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гаагий аяам̣ бураан̣ад̣̇уд̇ияигаа ахоси, гааго махаллагад̇т̇зро, сзсагаагаа сзсамахаллагад̇т̇зраа, самуд̣̇д̣̇ад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kākī ayaṃ purāṇadutiyikā ahosi, kāko mahallakatthero, sesakākā sesamahallakattherā, samuddadevatā pana ahameva ahosi’’nti.
самуд̣̇д̣̇агаагаж̇аад̇агаван̣н̣анаа чадтаа.
Samuddakākajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 146. самуд̣̇д̣̇агаагаж̇аад̇агам̣ • 146. Samuddakākajātakaṃ
