| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೧೦. ಸಮುದ್ದಕಸುತ್ತವಣ್ಣನಾ
10. Samuddakasuttavaṇṇanā
೨೫೬. ಚಕ್ಕವಾಳಮಹಾಸಮುದ್ದಪಿಟ್ಠಿಯನ್ತಿ ಚಕ್ಕವಾಳಪಬ್ಬತಪಾದಸಮನ್ತಾ ಮಹಾಸಮುದ್ದತೀರಪಿಟ್ಠಿಯಂ। ಯಥೇವ ಸಿನೇರುಸಮೀಪೇ ಮಹಾಸಮುದ್ದೋ ಅನುಪುಬ್ಬನಿನ್ನೋ ಅನುಪುಬ್ಬಪೋಣೋ ಅನುಪುಬ್ಬಪಬ್ಭಾರೋ, ಏವಂ ಯೇಭುಯ್ಯೇನ ಚಕ್ಕವಾಳಪಾದಸಮೀಪೇಪಿ। ತೇನಾಹ ‘‘ರಜತಪಟ್ಟವಣ್ಣೇ ವಾಲುಕಪುಲಿನೇ’’ತಿ। ವುತ್ತಪ್ಪಕಾರಾಸೂತಿ ಅನನ್ತರಸುತ್ತೇ ವುತ್ತಪ್ಪಕಾರಾಸು। ಅಸ್ಸಮಪದೇನಾತಿ ಅಸ್ಸಮಪದವೇಮಜ್ಝೇನ। ಏವಂ ಚಿನ್ತಯಿಂಸೂತಿ ‘‘ಯಂ ನೂನ ಮಯ’’ನ್ತಿಆದಿನಾ ಯಥಾ ಪಾಳಿಯಂ ಆಗತಂ, ಏವಂ ಮನ್ತಯಿಂಸು।
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
ಇಚ್ಛಿತಕರೋತಿ ಯದಿಚ್ಛಿತಕರಣಂ। ದುಟ್ಠಾನನ್ತಿ ದುರಾಸಯಾನಂ। ತೇ ಪನ ದುಟ್ಠಜ್ಝಾಸಯಾ ವಿರುದ್ಧಾ ಹೋನ್ತೀತಿ ಆಹ ‘‘ದುಟ್ಠಾನಂ ವಿರುದ್ಧಾನ’’ನ್ತಿ। ಪವುತ್ತನ್ತಿ ಬೀಜಂ ಸನ್ಧಾಯ ವಪಿತಂ। ತೇನಾಹ ‘‘ಖೇತ್ತೇ ಪತಿಟ್ಠಾಪಿತ’’ನ್ತಿ।
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
ಸಾಯಮಾಸಭತ್ತನ್ತಿ ಸಾಯಂ ಅಸಿತಬ್ಬಭೋಜನಂ। ಯಥಾವಾರಂ ಭಕ್ಖಿತಮೇತಂ ದೇವಾನಂ ವಿಯ ಸುಖುಮಂ ಗುರುವಾಸಞ್ಚ ನ ಹೋತೀತಿ ‘‘ಭತ್ತ’’ನ್ತಿ ವುತ್ತಂ। ಗೇಲಞ್ಞಜಾತನ್ತಿ ಸಞ್ಜಾತಗೇಲಞ್ಞಂ। ವೇಪತೀತಿ ಕಮ್ಪತಿ ಪವೇಧತಿ।
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
ಸಮುದ್ದಕಸುತ್ತವಣ್ಣನಾ ನಿಟ್ಠಿತಾ।
Samuddakasuttavaṇṇanā niṭṭhitā.
ಪಠಮವಗ್ಗವಣ್ಣನಾ ನಿಟ್ಠಿತಾ।
Paṭhamavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೦. ಸಮುದ್ದಕಸುತ್ತಂ • 10. Samuddakasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೦. ಸಮುದ್ದಕಸುತ್ತವಣ್ಣನಾ • 10. Samuddakasuttavaṇṇanā
