Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೩೬. ಸಮುಗ್ಗಜಾತಕಂ (೧೦)
436. Samuggajātakaṃ (10)
೮೭.
87.
ಕುತೋ ನು ಆಗಚ್ಛಥ ಭೋ ತಯೋ ಜನಾ, ಸ್ವಾಗತಾ ಏಥ 1 ನಿಸೀದಥಾಸನೇ।
Kuto nu āgacchatha bho tayo janā, svāgatā etha 2 nisīdathāsane;
ಕಚ್ಚಿತ್ಥ ಭೋನ್ತೋ ಕುಸಲಂ ಅನಾಮಯಂ, ಚಿರಸ್ಸಮಬ್ಭಾಗಮನಂ ಹಿ ವೋ ಇಧ॥
Kaccittha bhonto kusalaṃ anāmayaṃ, cirassamabbhāgamanaṃ hi vo idha.
೮೮.
88.
ಅಹಮೇವ ಏಕೋ ಇಧ ಮಜ್ಜ ಪತ್ತೋ, ನ ಚಾಪಿ ಮೇ ದುತಿಯೋ ಕೋಚಿ ವಿಜ್ಜತಿ।
Ahameva eko idha majja patto, na cāpi me dutiyo koci vijjati;
ಕಿಮೇವ ಸನ್ಧಾಯ ತೇ ಭಾಸಿತಂ ಇಸೇ, ‘‘ಕುತೋ ನು ಆಗಚ್ಛಥ ಭೋ ತಯೋ ಜನಾ’’॥
Kimeva sandhāya te bhāsitaṃ ise, ‘‘kuto nu āgacchatha bho tayo janā’’.
೮೯.
89.
ತುವಞ್ಚ ಏಕೋ ಭರಿಯಾ ಚ ತೇ ಪಿಯಾ, ಸಮುಗ್ಗಪಕ್ಖಿತ್ತನಿಕಿಣ್ಣಮನ್ತರೇ ।
Tuvañca eko bhariyā ca te piyā, samuggapakkhittanikiṇṇamantare ;
೯೦.
90.
ಸಂವಿಗ್ಗರೂಪೋ ಇಸಿನಾ ವಿಯಾಕತೋ 7, ಸೋ ದಾನವೋ ತತ್ಥ ಸಮುಗ್ಗಮುಗ್ಗಿಲಿ।
Saṃviggarūpo isinā viyākato 8, so dānavo tattha samuggamuggili;
ಅದ್ದಕ್ಖಿ ಭರಿಯಂ ಸುಚಿ ಮಾಲಧಾರಿನಿಂ, ವಾಯುಸ್ಸ ಪುತ್ತೇನ ಸಹಾ ತಹಿಂ ರತಂ॥
Addakkhi bhariyaṃ suci māladhāriniṃ, vāyussa puttena sahā tahiṃ rataṃ.
೯೧.
91.
ಸುದಿಟ್ಠರೂಪಮುಗ್ಗತಪಾನುವತ್ತಿನಾ 9, ಹೀನಾ ನರಾ ಯೇ ಪಮದಾವಸಂ ಗತಾ।
Sudiṭṭharūpamuggatapānuvattinā 10, hīnā narā ye pamadāvasaṃ gatā;
ಯಥಾ ಹವೇ ಪಾಣರಿವೇತ್ಥ ರಕ್ಖಿತಾ, ದುಟ್ಠಾ ಮಯೀ ಅಞ್ಞಮಭಿಪ್ಪಮೋದಯಿ॥
Yathā have pāṇarivettha rakkhitā, duṭṭhā mayī aññamabhippamodayi.
೯೨.
92.
ದಿವಾ ಚ ರತ್ತೋ ಚ ಮಯಾ ಉಪಟ್ಠಿತಾ, ತಪಸ್ಸಿನಾ ಜೋತಿರಿವಾ ವನೇ ವಸಂ।
Divā ca ratto ca mayā upaṭṭhitā, tapassinā jotirivā vane vasaṃ;
ಸಾ ಧಮ್ಮಮುಕ್ಕಮ್ಮ ಅಧಮ್ಮಮಾಚರಿ, ಅಕಿರಿಯರೂಪೋ ಪಮದಾಹಿ ಸನ್ಥವೋ॥
Sā dhammamukkamma adhammamācari, akiriyarūpo pamadāhi santhavo.
೯೩.
93.
ಸರೀರಮಜ್ಝಮ್ಹಿ ಠಿತಾತಿಮಞ್ಞಹಂ, ಮಯ್ಹಂ ಅಯನ್ತಿ ಅಸತಿಂ ಅಸಞ್ಞತಂ।
Sarīramajjhamhi ṭhitātimaññahaṃ, mayhaṃ ayanti asatiṃ asaññataṃ;
ಸಾ ಧಮ್ಮಮುಕ್ಕಮ್ಮ ಅಧಮ್ಮಮಾಚರಿ, ಅಕಿರಿಯರೂಪೋ ಪಮದಾಹಿ ಸನ್ಥವೋ॥
Sā dhammamukkamma adhammamācari, akiriyarūpo pamadāhi santhavo.
೯೪.
94.
ಸುರಕ್ಖಿತಂ ಮೇತಿ ಕಥಂ ನು ವಿಸ್ಸಸೇ, ಅನೇಕಚಿತ್ತಾಸು ನ ಹತ್ಥಿ 11 ರಕ್ಖಣಾ।
Surakkhitaṃ meti kathaṃ nu vissase, anekacittāsu na hatthi 12 rakkhaṇā;
ಏತಾ ಹಿ ಪಾತಾಲಪಪಾತಸನ್ನಿಭಾ, ಏತ್ಥಪ್ಪಮತ್ತೋ ಬ್ಯಸನಂ ನಿಗಚ್ಛತಿ॥
Etā hi pātālapapātasannibhā, etthappamatto byasanaṃ nigacchati.
೯೫.
95.
ತಸ್ಮಾ ಹಿ ತೇ ಸುಖಿನೋ ವೀತಸೋಕಾ, ಯೇ ಮಾತುಗಾಮೇಹಿ ಚರನ್ತಿ ನಿಸ್ಸಟಾ।
Tasmā hi te sukhino vītasokā, ye mātugāmehi caranti nissaṭā;
ಏತಂ ಸಿವಂ ಉತ್ತಮಮಾಭಿಪತ್ಥಯಂ, ನ ಮಾತುಗಾಮೇಹಿ ಕರೇಯ್ಯ ಸನ್ಥವನ್ತಿ॥
Etaṃ sivaṃ uttamamābhipatthayaṃ, na mātugāmehi kareyya santhavanti.
ಸಮುಗ್ಗಜಾತಕಂ ದಸಮಂ।
Samuggajātakaṃ dasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೩೬] ೧೦. ಸಮುಗ್ಗಜಾತಕವಣ್ಣನಾ • [436] 10. Samuggajātakavaṇṇanā