| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. самуг̇гхаад̇асааруббасуд̇д̇ам̣
8. Samugghātasāruppasuttaṃ
30. ‘‘саб̣б̣аман̃н̃ид̇асамуг̇гхаад̇асааруббам̣ во, бхигкавз, бадибад̣̇ам̣ д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамийд̇и. гад̇амаа жа саа, бхигкавз, саб̣б̣аман̃н̃ид̇асамуг̇гхаад̇асааруббаа бадибад̣̇аа? ид̇ха, бхигкавз, бхигку жагкум̣ на ман̃н̃ад̇и, жагкусмим̣ на ман̃н̃ад̇и, жагкуд̇о на ман̃н̃ад̇и, жагкум̣ мзд̇и на ман̃н̃ад̇и. руубз на ман̃н̃ад̇и, руубзсу на ман̃н̃ад̇и, руубад̇о на ман̃н̃ад̇и, руубаа мзд̇и на ман̃н̃ад̇и. жагкувин̃н̃аан̣ам̣ на ман̃н̃ад̇и, жагкувин̃н̃аан̣асмим̣ на ман̃н̃ад̇и, жагкувин̃н̃аан̣ад̇о на ман̃н̃ад̇и, жагкувин̃н̃аан̣ам̣ мзд̇и на ман̃н̃ад̇и. жагкусампассам̣ на ман̃н̃ад̇и, жагкусампассасмим̣ на ман̃н̃ад̇и, жагкусампассад̇о на ман̃н̃ад̇и, жагкусампассо мзд̇и на ман̃н̃ад̇и. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃ад̇и , д̇асмимби на ман̃н̃ад̇и, д̇ад̇оби на ман̃н̃ад̇и, д̇ам̣ мзд̇и на ман̃н̃ад̇и…бз… ж̇ивхам̣ на ман̃н̃ад̇и, ж̇ивхааяа на ман̃н̃ад̇и, ж̇ивхаад̇о на ман̃н̃ад̇и, ж̇ивхаа мзд̇и на ман̃н̃ад̇и. расз на ман̃н̃ад̇и, расзсу на ман̃н̃ад̇и, расад̇о на ман̃н̃ад̇и, расаа мзд̇и на ман̃н̃ад̇и. ж̇ивхаавин̃н̃аан̣ам̣ на ман̃н̃ад̇и, ж̇ивхаавин̃н̃аан̣асмим̣ на ман̃н̃ад̇и, ж̇ивхаавин̃н̃аан̣ад̇о на ман̃н̃ад̇и, ж̇ивхаавин̃н̃аан̣ам̣ мзд̇и на ман̃н̃ад̇и. ж̇ивхаасампассам̣ на ман̃н̃ад̇и, ж̇ивхаасампассасмим̣ на ман̃н̃ад̇и, ж̇ивхаасампассад̇о на ман̃н̃ад̇и, ж̇ивхаасампассо мзд̇и на ман̃н̃ад̇и. яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃ад̇и, д̇асмимби на ман̃н̃ад̇и, д̇ад̇оби на ман̃н̃ад̇и, д̇ам̣ мзд̇и на ман̃н̃ад̇и…бз… манам̣ на ман̃н̃ад̇и, манасмим̣ на ман̃н̃ад̇и, манад̇о на ман̃н̃ад̇и, мано мзд̇и на ман̃н̃ад̇и. д̇хаммз на ман̃н̃ад̇и, д̇хаммзсу на ман̃н̃ад̇и, д̇хаммад̇о на ман̃н̃ад̇и, д̇хаммаа мзд̇и на ман̃н̃ад̇и. мановин̃н̃аан̣ам̣ на ман̃н̃ад̇и, мановин̃н̃аан̣асмим̣ на ман̃н̃ад̇и, мановин̃н̃аан̣ад̇о на ман̃н̃ад̇и, мановин̃н̃аан̣ам̣ мзд̇и на ман̃н̃ад̇и. маносампассам̣ на ман̃н̃ад̇и, маносампассасмим̣ на ман̃н̃ад̇и, маносампассад̇о на ман̃н̃ад̇и, маносампассо мзд̇и на ман̃н̃ад̇и . яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃ад̇и, д̇асмимби на ман̃н̃ад̇и, д̇ад̇оби на ман̃н̃ад̇и, д̇ам̣ мзд̇и на ман̃н̃ад̇и. саб̣б̣ам̣ на ман̃н̃ад̇и, саб̣б̣асмим̣ на ман̃н̃ад̇и, саб̣б̣ад̇о на ман̃н̃ад̇и, саб̣б̣ам̣ мзд̇и на ман̃н̃ад̇и. со звам̣ аман̃н̃амаано на жа гин̃жи логз убаад̣̇ияад̇и. анубаад̣̇ияам̣ на барид̇ассад̇и. абарид̇ассам̣ бажжад̇д̇ан̃н̃зва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. аяам̣ ко саа, бхигкавз, саб̣б̣аман̃н̃ид̇асамуг̇гхаад̇асааруббаа бадибад̣̇аа’’д̇и. адтамам̣.
30. ‘‘Sabbamaññitasamugghātasāruppaṃ vo, bhikkhave, paṭipadaṃ desessāmi. Taṃ suṇātha, sādhukaṃ manasi karotha; bhāsissāmīti. Katamā ca sā, bhikkhave, sabbamaññitasamugghātasāruppā paṭipadā? Idha, bhikkhave, bhikkhu cakkhuṃ na maññati, cakkhusmiṃ na maññati, cakkhuto na maññati, cakkhuṃ meti na maññati. Rūpe na maññati, rūpesu na maññati, rūpato na maññati, rūpā meti na maññati. Cakkhuviññāṇaṃ na maññati, cakkhuviññāṇasmiṃ na maññati, cakkhuviññāṇato na maññati, cakkhuviññāṇaṃ meti na maññati. Cakkhusamphassaṃ na maññati, cakkhusamphassasmiṃ na maññati, cakkhusamphassato na maññati, cakkhusamphasso meti na maññati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati , tasmimpi na maññati, tatopi na maññati, taṃ meti na maññati…pe… jivhaṃ na maññati, jivhāya na maññati, jivhāto na maññati, jivhā meti na maññati. Rase na maññati, rasesu na maññati, rasato na maññati, rasā meti na maññati. Jivhāviññāṇaṃ na maññati, jivhāviññāṇasmiṃ na maññati, jivhāviññāṇato na maññati, jivhāviññāṇaṃ meti na maññati. Jivhāsamphassaṃ na maññati, jivhāsamphassasmiṃ na maññati, jivhāsamphassato na maññati, jivhāsamphasso meti na maññati. Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati…pe… manaṃ na maññati, manasmiṃ na maññati, manato na maññati, mano meti na maññati. Dhamme na maññati, dhammesu na maññati, dhammato na maññati, dhammā meti na maññati. Manoviññāṇaṃ na maññati, manoviññāṇasmiṃ na maññati, manoviññāṇato na maññati, manoviññāṇaṃ meti na maññati. Manosamphassaṃ na maññati, manosamphassasmiṃ na maññati, manosamphassato na maññati, manosamphasso meti na maññati . Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati. Sabbaṃ na maññati, sabbasmiṃ na maññati, sabbato na maññati, sabbaṃ meti na maññati. So evaṃ amaññamāno na ca kiñci loke upādiyati. Anupādiyaṃ na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ayaṃ kho sā, bhikkhave, sabbamaññitasamugghātasāruppā paṭipadā’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. самуг̇гхаад̇асааруббасуд̇д̇аван̣н̣анаа • 8. Samugghātasāruppasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. самуг̇гхаад̇асааруббасуд̇д̇аван̣н̣анаа • 8. Samugghātasāruppasuttavaṇṇanā
