| Library / Tipiṭaka / திபிடக • Tipiṭaka / வினயவினிச்ச²ய-டீகா • Vinayavinicchaya-ṭīkā |
ஸமுட்டா²னஸீஸகதா²வண்ணனா
Samuṭṭhānasīsakathāvaṇṇanā
325-6. மஹேஸினா த்³வீஸு விப⁴ங்கே³ஸு பஞ்ஞத்தானி யானி பாராஜிகாதீ³னி ஸிக்கா²பதா³னி உபோஸதே² உத்³தி³ஸந்தி, தேஸங் ஸிக்கா²பதா³னங் ஸமுட்டா²னங் பி⁴க்கூ²னங் பாடவத்தா²ய இதோ பரங் பவக்கா²மி, தங் ஸமாஹிதா ஸுணாதா²தி யோஜனா.
325-6. Mahesinā dvīsu vibhaṅgesu paññattāni yāni pārājikādīni sikkhāpadāni uposathe uddisanti, tesaṃ sikkhāpadānaṃ samuṭṭhānaṃ bhikkhūnaṃ pāṭavatthāya ito paraṃ pavakkhāmi, taṃ samāhitā suṇāthāti yojanā.
327. காயோ ச வாசா ச காயவாசா சாதி அசித்தகானி யானி தீணி ஸமுட்டா²னானி, தானேவ சித்தேன பச்சேகங் யோஜிதானி ஸசித்தகானி தீணி ஸமுட்டா²னானி ஹொந்தீதி ஏவமேவ ஸமுட்டா²னங் புரிமானங் த்³வின்னங் வஸேன ஏகங்கி³கங், ததியசதுத்த²பஞ்சமானங் வஸேன த்³வங்கி³கங், ச²ட்ட²ஸ்ஸ வஸேன திவங்கி³கஞ்சாதி ஏவங் ச²தா⁴ ஸமுட்டா²னவிதி⁴ங் வத³ந்தீதி யோஜனா. காயோ, வாசாதி ஏகங்கி³கங் த்³வயங், காயவாசா , காயசித்தங், வாசாசித்தந்தி து³வங்கி³கத்தயங், காயவாசாசித்தந்தி அங்க³பே⁴தே³ன திவித⁴ம்பி அவயவபே⁴தே³ன ஸமுட்டா²னபே⁴த³விதி⁴ங் ச²ப்பகாரங் வத³ந்தீதி அதி⁴ப்பாயோ.
327. Kāyo ca vācā ca kāyavācā cāti acittakāni yāni tīṇi samuṭṭhānāni, tāneva cittena paccekaṃ yojitāni sacittakāni tīṇi samuṭṭhānāni hontīti evameva samuṭṭhānaṃ purimānaṃ dvinnaṃ vasena ekaṅgikaṃ, tatiyacatutthapañcamānaṃ vasena dvaṅgikaṃ, chaṭṭhassa vasena tivaṅgikañcāti evaṃ chadhā samuṭṭhānavidhiṃ vadantīti yojanā. Kāyo, vācāti ekaṅgikaṃ dvayaṃ, kāyavācā , kāyacittaṃ, vācācittanti duvaṅgikattayaṃ, kāyavācācittanti aṅgabhedena tividhampi avayavabhedena samuṭṭhānabhedavidhiṃ chappakāraṃ vadantīti adhippāyo.
328. தேஸு ச²ஸு ஸமுட்டா²னேஸு ஏகேன வா ஸமுட்டா²னேன த்³வீஹி வா தீஹி வா சதூஹி வா ச²ஹி வா ஸமுட்டா²னேஹி நானா ஆபத்தியோ ஜாயரேதி ஸம்ப³ந்தோ⁴.
328.Tesu chasu samuṭṭhānesu ekena vā samuṭṭhānena dvīhi vā tīhi vā catūhi vā chahi vā samuṭṭhānehi nānā āpattiyo jāyareti sambandho.
329. தத்த² தாஸு நானாபத்தீஸு. பஞ்ச ஸமுட்டா²னானி ஏதிஸ்ஸாதி பஞ்சஸமுட்டா²னா, ஏவரூபா காசி ஆபத்தி ந விஜ்ஜதி. ஏகமேகங் ஸமுட்டா²னங் யாஸந்தி விக்³க³ஹோ. பச்சி²மேஹேவ தீஹிபீதி ஸசித்தகேஹேவ தீஹி ஸமுட்டா²னேஹி, யா ஆபத்தி ஏகஸமுட்டா²னா ஹோதி, ஸா ஸசித்தகானங் திண்ணமஞ்ஞதரேன ஹோதீதி அதி⁴ப்பாயோ.
329.Tattha tāsu nānāpattīsu. Pañca samuṭṭhānāni etissāti pañcasamuṭṭhānā, evarūpā kāci āpatti na vijjati. Ekamekaṃ samuṭṭhānaṃ yāsanti viggaho. Pacchimeheva tīhipīti sacittakeheva tīhi samuṭṭhānehi, yā āpatti ekasamuṭṭhānā hoti, sā sacittakānaṃ tiṇṇamaññatarena hotīti adhippāyo.
330-1. ததியச்ச²ட்ட²தோபி சாதி காயவாசதோ, காயவாசாசித்ததோ ச. சதுத்த²ச்ச²ட்ட²தோ சேவாதி காயசித்ததோ காயவாசாசித்ததோ ச. பஞ்சமச்ச²ட்ட²தோபி சாதி வாசாசித்ததோ காயவாசாசித்ததோ ச. ‘‘காயதோ காயசித்ததோ’’தி பட²மங் த்³விஸமுட்டா²னங், ‘‘வாசதோ வாசாசித்ததோ’’தி து³தியங், ‘‘காயவாசதோ காயவாசாசித்ததோ’’தி ததியங், ‘‘காயசித்ததோ காயவாசாசித்ததோ’’தி சதுத்த²ங், ‘‘வாசாசித்ததோ காயவாசாசித்ததோ’’தி பஞ்சமங் த்³விஸமுட்டா²னந்தி ஏவங் பஞ்சதா⁴ ஏவ டி²தேஹி த்³வீஹி ஸமுட்டா²னேஹி ஏஸா த்³விஸமுட்டா²னாபத்தி ஜாயதே ஸமுட்டா²தி. ந அஞ்ஞதோதி காயதோ வாசதோதி ஏகங், வாசதோ காயவாசதோதி ஏகந்தி ஏவங் யதா²வுத்தக்கமவிபரியாயேன யோஜிதேஹி அஞ்ஞேஹி ஸமுட்டா²னேஹி ந ஸமுட்டா²தி.
330-1.Tatiyacchaṭṭhatopi cāti kāyavācato, kāyavācācittato ca. Catutthacchaṭṭhato cevāti kāyacittato kāyavācācittato ca. Pañcamacchaṭṭhatopi cāti vācācittato kāyavācācittato ca. ‘‘Kāyato kāyacittato’’ti paṭhamaṃ dvisamuṭṭhānaṃ, ‘‘vācato vācācittato’’ti dutiyaṃ, ‘‘kāyavācato kāyavācācittato’’ti tatiyaṃ, ‘‘kāyacittato kāyavācācittato’’ti catutthaṃ, ‘‘vācācittato kāyavācācittato’’ti pañcamaṃ dvisamuṭṭhānanti evaṃ pañcadhā eva ṭhitehi dvīhi samuṭṭhānehi esā dvisamuṭṭhānāpatti jāyate samuṭṭhāti. Na aññatoti kāyato vācatoti ekaṃ, vācato kāyavācatoti ekanti evaṃ yathāvuttakkamavipariyāyena yojitehi aññehi samuṭṭhānehi na samuṭṭhāti.
332. பட²மேஹி ச தீஹீதி ‘‘காயதோ, வாசதோ, காயவாசதோ’’தி பட²மங் நித்³தி³ட்டே²ஹி தீஹி அசித்தகஸமுட்டா²னேஹி. பச்சி²மேஹி சாதி ‘‘காயசித்ததோ, வாசாசித்ததோ, காயவாசாசித்ததோ’’தி ஏவங் பச்சா² வுத்தேஹி ஸசித்தகேஹி தீஹி ஸமுட்டா²னேஹி. ந அஞ்ஞதோதி ‘‘காயதோ, வாசதோ, காயசித்ததோ, வாசதோ, காயவாசதோ, காயசித்ததோ’’தி ஏவங் வுத்தவிபல்லாஸதோ அஞ்ஞேஹி தீஹி ஸமுட்டா²னேஹி ந ஸமுட்டா²தி.
332.Paṭhamehi ca tīhīti ‘‘kāyato, vācato, kāyavācato’’ti paṭhamaṃ niddiṭṭhehi tīhi acittakasamuṭṭhānehi. Pacchimehi cāti ‘‘kāyacittato, vācācittato, kāyavācācittato’’ti evaṃ pacchā vuttehi sacittakehi tīhi samuṭṭhānehi. Na aññatoti ‘‘kāyato, vācato, kāyacittato, vācato, kāyavācato, kāyacittato’’ti evaṃ vuttavipallāsato aññehi tīhi samuṭṭhānehi na samuṭṭhāti.
333-4. பட²மா ததியா சேவ, சதுத்த²ச்ச²ட்ட²தோபி சாதி காயதோ, காயவாசதோ, காயசித்ததோ, காயவாசாசித்ததோதி ஏதேஹி சதூஹி ஸமுட்டா²னேஹி சேவ. து³தியா…பே॰… ச்ச²ட்ட²தோபி சாதி வாசதோ, காயவாசதோ, வாசாசித்ததோ, காயவாசாசித்ததோதி இமேஹி சதூஹி சாதி சதுஸமுட்டா²னேனாபத்தி.
333-4.Paṭhamā tatiyā ceva, catutthacchaṭṭhatopi cāti kāyato, kāyavācato, kāyacittato, kāyavācācittatoti etehi catūhi samuṭṭhānehi ceva. Dutiyā…pe… cchaṭṭhatopi cāti vācato, kāyavācato, vācācittato, kāyavācācittatoti imehi catūhi cāti catusamuṭṭhānenāpatti.
ஸா ஏவங் த்³விதா⁴ டி²தேஹி சதூஹி ஸமுட்டா²னேஹி ஜாயதே. ந பனஞ்ஞதோதி ‘‘காயதோ, வாசதோ, காயவாசதோ, காயசித்ததோ’’தி ஏவமாதி³னா விபல்லாஸனயேன யோஜிதேஹி சதூஹி ஸமுட்டா²னேஹி ந ஸமுட்டா²தி. ச² ஸமுட்டா²னானி யஸ்ஸா ஸா ச²ஸமுட்டா²னா. ஸசித்தகேஹி தீஹி, அசித்தகேஹி தீஹீதி ச²ஹி ஏவ ஸமுட்டா²னேஹி ஸமுட்டா²தீதி. பகாரந்தராபா⁴வா இத⁴ ‘‘ந அஞ்ஞதோ’’தி ந வுத்தங்.
Sā evaṃ dvidhā ṭhitehi catūhi samuṭṭhānehi jāyate. Na panaññatoti ‘‘kāyato, vācato, kāyavācato, kāyacittato’’ti evamādinā vipallāsanayena yojitehi catūhi samuṭṭhānehi na samuṭṭhāti. Cha samuṭṭhānāni yassā sā chasamuṭṭhānā. Sacittakehi tīhi, acittakehi tīhīti chahi eva samuṭṭhānehi samuṭṭhātīti. Pakārantarābhāvā idha ‘‘na aññato’’ti na vuttaṃ.
ஆஹ ச அட்ட²கதா²சரியோ மாதிகட்ட²கதா²யங்.
Āha ca aṭṭhakathācariyo mātikaṭṭhakathāyaṃ.
335. ஸமுட்டா²தி ஏதஸ்மாதி ஸமுட்டா²னங், காயாதி³ ச²ப்³பி³த⁴ங், ஏகங் ஸமுட்டா²னங் காரணங் யஸ்ஸா ஸா ஏகஸமுட்டா²னா. பகாரந்தராபா⁴வா திதா⁴. கத²ங்? ஸசித்தகானங் திண்ணங் ஸமுட்டா²னானங் வஸேன திவிதா⁴. த்³வீஹி ஸமுட்டா²னேஹி ஸமுட்டி²தா த்³விஸமுட்டி²தா, த்³விஸமுட்டா²னாபத்தீதி அத்தோ². பஞ்சதா⁴தி வுத்தனயேன பஞ்சப்பகாரா. தீணி ஸமுட்டா²னானி யஸ்ஸா ஸா திஸமுட்டா²னா, சத்தாரி ஸமுட்டா²னானி யஸ்ஸா ஸா சதுருட்டா²னா, திஸமுட்டா²னா ச சதுருட்டா²னா ச திசதுருட்டா²னாதி ஏகதே³ஸஸரூபேகஸேஸோ, திஸமுட்டா²னா த்³விதா⁴ விப⁴த்தா, சதுஸமுட்டா²னா ச த்³விதா⁴ ஏவ விப⁴த்தாதி அத்தோ². ச²ஹி ஸமுட்டா²னேஹி ஸமுட்டி²தா ச²ஸமுட்டி²தா, ச²ஸமுட்டா²னாதி அத்தோ². ஏகதா⁴தி பகாரந்தராபா⁴வா ஏகதா⁴வ டி²தாதி அதி⁴ப்பாயோ.
335. Samuṭṭhāti etasmāti samuṭṭhānaṃ, kāyādi chabbidhaṃ, ekaṃ samuṭṭhānaṃ kāraṇaṃ yassā sā ekasamuṭṭhānā. Pakārantarābhāvā tidhā. Kathaṃ? Sacittakānaṃ tiṇṇaṃ samuṭṭhānānaṃ vasena tividhā. Dvīhi samuṭṭhānehi samuṭṭhitā dvisamuṭṭhitā, dvisamuṭṭhānāpattīti attho. Pañcadhāti vuttanayena pañcappakārā. Tīṇi samuṭṭhānāni yassā sā tisamuṭṭhānā, cattāri samuṭṭhānāni yassā sā caturuṭṭhānā, tisamuṭṭhānā ca caturuṭṭhānā ca ticaturuṭṭhānāti ekadesasarūpekaseso, tisamuṭṭhānā dvidhā vibhattā, catusamuṭṭhānā ca dvidhā eva vibhattāti attho. Chahi samuṭṭhānehi samuṭṭhitā chasamuṭṭhitā, chasamuṭṭhānāti attho. Ekadhāti pakārantarābhāvā ekadhāva ṭhitāti adhippāyo.
336. ஸப்³பா³ ஆபத்தியோ ஸமுட்டா²னவிஸேஸதோ ஏவங் தேரஸதா⁴ டி²தானங் ஸமுட்டா²னபே⁴தா³னங் நானத்ததோ தேஹி ஸமுட்டி²தானங் பட²மங் பஞ்ஞத்தத்தா ஸீஸபூ⁴தானங் ஸிக்கா²பதா³னங் வஸேன தேரஸேவ நாமானி லப⁴ந்தி, தானி இதோ பரங் வக்கா²மீதி யோஜனா.
336.Sabbā āpattiyo samuṭṭhānavisesato evaṃ terasadhā ṭhitānaṃ samuṭṭhānabhedānaṃ nānattato tehi samuṭṭhitānaṃ paṭhamaṃ paññattattā sīsabhūtānaṃ sikkhāpadānaṃ vasena teraseva nāmāni labhanti, tāni ito paraṃ vakkhāmīti yojanā.
337. பட²மந்திமவத்து²ஞ்சாதி பட²மபாராஜிகஸமுட்டா²னங். து³தியந்தி அதி³ன்னாதா³னஸமுட்டா²னங். ஸஞ்சரித்தகந்தி ஸஞ்சரித்தஸமுட்டா²னங். ஸமனுபா⁴ஸனந்தி ஸமனுபா⁴ஸனஸமுட்டா²னங். ‘‘கதி²னங் ஏளகலோமக’’ந்தி பத³ச்சே²தோ³, கதி²னஸமுட்டா²னங் ஏளகலோமஸமுட்டா²னஞ்ச.
337.Paṭhamantimavatthuñcāti paṭhamapārājikasamuṭṭhānaṃ. Dutiyanti adinnādānasamuṭṭhānaṃ. Sañcarittakanti sañcarittasamuṭṭhānaṃ. Samanubhāsananti samanubhāsanasamuṭṭhānaṃ. ‘‘Kathinaṃ eḷakalomaka’’nti padacchedo, kathinasamuṭṭhānaṃ eḷakalomasamuṭṭhānañca.
338. பத³ஸோத⁴ம்மந்தி பத³ஸோத⁴ம்மஸமுட்டா²னங். அத்³தா⁴னங் தெ²ய்யஸத்த²ந்தி அத்³தா⁴னஸமுட்டா²னங் தெ²ய்யஸத்த²ஸமுட்டா²னங். தே³ஸனாதி த⁴ம்மதே³ஸனாஸமுட்டா²னங். பூ⁴தாரோசனகந்தி பூ⁴தாரோசனஸமுட்டா²னங். சோரிவுட்டா²பனந்தி சோரிவுட்டா²பனஸமுட்டா²னங்.
338.Padasodhammanti padasodhammasamuṭṭhānaṃ. Addhānaṃ theyyasatthanti addhānasamuṭṭhānaṃ theyyasatthasamuṭṭhānaṃ. Desanāti dhammadesanāsamuṭṭhānaṃ. Bhūtārocanakanti bhūtārocanasamuṭṭhānaṃ. Corivuṭṭhāpananti corivuṭṭhāpanasamuṭṭhānaṃ.
339. அனநுஞ்ஞாதகஞ்சாதி அனநுஞ்ஞாதகஸமுட்டா²னஞ்சாதி ஏதானி தேரஸ தேஹி ஸமுட்டா²னேஹி ஸமுட்டி²தானங் தேஸங் ஸிக்கா²பதா³னங் பட²மங் பட²மங் நித்³தி³ட்டா²னங் பட²மபாராஜிகாதி³ஸிக்கா²பத³ஸமுட்டா²னானங் இதரேஸங் புப்³ப³ங்க³மபா⁴வதோ ‘‘ஸீஸானீ’’தி வுத்தானி. யதா²ஹ பரிவாரட்ட²கதா²யங் ‘‘பட²மபாராஜிகங் நாம ஏகங் ஸமுட்டா²னஸீஸங், ஸேஸானி தேன ஸதி³ஸானீ’’திஆதி³ (பரி॰ அட்ட²॰ 258). தேரஸேதே ஸமுட்டா²னநயாதி ஏதே ஸீஸவஸேன த³ஸ்ஸிதா தேரஸ ஸமுட்டா²னநயா. விஞ்ஞூஹி உபாலித்தே²ராதீ³ஹி.
339.Ananuññātakañcāti ananuññātakasamuṭṭhānañcāti etāni terasa tehi samuṭṭhānehi samuṭṭhitānaṃ tesaṃ sikkhāpadānaṃ paṭhamaṃ paṭhamaṃ niddiṭṭhānaṃ paṭhamapārājikādisikkhāpadasamuṭṭhānānaṃ itaresaṃ pubbaṅgamabhāvato ‘‘sīsānī’’ti vuttāni. Yathāha parivāraṭṭhakathāyaṃ ‘‘paṭhamapārājikaṃ nāma ekaṃ samuṭṭhānasīsaṃ, sesāni tena sadisānī’’tiādi (pari. aṭṭha. 258). Terasete samuṭṭhānanayāti ete sīsavasena dassitā terasa samuṭṭhānanayā. Viññūhi upālittherādīhi.
340. தத்த² தேரஸஸு ஸமுட்டா²னஸீஸேஸு. யாதி யா பன ஆபத்தி. ஆதி³பாராஜிகுட்டா²னாதி பட²மபாராஜிகஸமுட்டா²னா.
340.Tattha terasasu samuṭṭhānasīsesu. Yāti yā pana āpatti. Ādipārājikuṭṭhānāti paṭhamapārājikasamuṭṭhānā.
341. அதி³ன்னாதா³ன-ஸத்³தோ³ புப்³ப³கோ பட²மோ ஏதிஸ்ஸா தங்ஸமுட்டா²னாபத்தியாதி அதி³ன்னாதா³னபுப்³ப³கா, அதி³ன்னாதா³னஸமுட்டா²னாதி உத்³தி³ட்டா²தி யோஜனா.
341. Adinnādāna-saddo pubbako paṭhamo etissā taṃsamuṭṭhānāpattiyāti adinnādānapubbakā, adinnādānasamuṭṭhānāti uddiṭṭhāti yojanā.
342. ஜாதூதி ஏகங்ஸேன.
342.Jātūti ekaṃsena.
343. அயங் ஸமுட்டா²னவஸேன ‘‘ஸமனுபா⁴ஸனாஸமுட்டா²னா’’தி வுத்தாதி யோஜனா.
343. Ayaṃ samuṭṭhānavasena ‘‘samanubhāsanāsamuṭṭhānā’’ti vuttāti yojanā.
344. கதி²ன-ஸத்³தோ³ உபபதோ³ யஸ்ஸா தங்ஸமுட்டா²னாய ஆபத்தியா ஸா கதி²னுபபதா³, கதி²னஸமுட்டா²னாதி மதா ஞாதா, அயங் ஸமுட்டா²னவஸேன ‘‘கதி²னஸமுட்டா²னா’’தி ஞாதாதி அத்தோ².
344. Kathina-saddo upapado yassā taṃsamuṭṭhānāya āpattiyā sā kathinupapadā, kathinasamuṭṭhānāti matā ñātā, ayaṃ samuṭṭhānavasena ‘‘kathinasamuṭṭhānā’’ti ñātāti attho.
345. ஏளகலோம-ஸத்³தோ³ ஆதி³ யஸ்ஸா தங்ஸமுட்டா²னாபத்தியா ஸா ஏளகலோமாதி³ஸமுட்டா²னாதி அத்தோ².
345. Eḷakaloma-saddo ādi yassā taṃsamuṭṭhānāpattiyā sā eḷakalomādisamuṭṭhānāti attho.
349. எத்த² ஸமுட்டா²னேஸு.
349.Ettha samuṭṭhānesu.
350. பூ⁴தாரோசன-ஸத்³தோ³ புப்³ப³பா⁴கோ³ ஏதிஸ்ஸா தங்ஸமுட்டா²னாய ஆபத்தியாதி பூ⁴தாரோசனபுப்³ப³கா, பூ⁴தாரோசனஸமுட்டா²னாதி அத்தோ².
350. Bhūtārocana-saddo pubbabhāgo etissā taṃsamuṭṭhānāya āpattiyāti bhūtārocanapubbakā, bhūtārocanasamuṭṭhānāti attho.
351. ஸமுட்டா²னங் ஸமுட்டி²தங், சோரிவுட்டா²பனங் ஸமுட்டி²தங் யஸ்ஸா ஸா சோரிவுட்டா²பனஸமுட்டி²தா, சோரிவுட்டா²பனஸமுட்டா²னாதி அத்தோ².
351. Samuṭṭhānaṃ samuṭṭhitaṃ, corivuṭṭhāpanaṃ samuṭṭhitaṃ yassā sā corivuṭṭhāpanasamuṭṭhitā, corivuṭṭhāpanasamuṭṭhānāti attho.
353. தத்தா²தி தேரஸஸமுட்டா²னஸீஸேஸு, ‘‘ஸமுட்டா²னங் ஸசித்தக’’ந்தி இத³ங் ‘‘பட²ம’’ந்திஆதீ³ஹி பச்சேகங் யோஜேதப்³ப³ங். பட²மங் ஸமுட்டா²னந்தி பட²மபாராஜிகஸமுட்டா²னங். து³தியங் ஸமுட்டா²னந்தி அதி³ன்னாதா³னஸமுட்டா²னங். சதுத்த²ங் ஸமுட்டா²னந்தி ஸமனுபா⁴ஸனஸமுட்டா²னங். நவமங் ஸமுட்டா²னந்தி தெ²ய்யஸத்த²ஸமுட்டா²னங். த³ஸமங் ஸமுட்டா²னந்தி த⁴ம்மதே³ஸனாஸமுட்டா²னங். த்³வாத³ஸமங் ஸமுட்டா²னந்தி சோரிவுட்டா²பனஸமுட்டா²னங்.
353.Tatthāti terasasamuṭṭhānasīsesu, ‘‘samuṭṭhānaṃ sacittaka’’nti idaṃ ‘‘paṭhama’’ntiādīhi paccekaṃ yojetabbaṃ. Paṭhamaṃ samuṭṭhānanti paṭhamapārājikasamuṭṭhānaṃ. Dutiyaṃ samuṭṭhānanti adinnādānasamuṭṭhānaṃ. Catutthaṃ samuṭṭhānanti samanubhāsanasamuṭṭhānaṃ. Navamaṃ samuṭṭhānanti theyyasatthasamuṭṭhānaṃ. Dasamaṃ samuṭṭhānanti dhammadesanāsamuṭṭhānaṃ. Dvādasamaṃ samuṭṭhānanti corivuṭṭhāpanasamuṭṭhānaṃ.
354. ஸமுட்டா²னேதி ஸமுட்டா²னஸீஸே. ஸதி³ஸாதி தேன தேன ஸமுட்டா²னஸீஸேன ஸமுட்டா²னா ஆபத்தியோ. இதா⁴தி இமஸ்மிங் ஸமுட்டா²னவினிச்ச²யே. தி³ஸ்ஸரேதி தி³ஸ்ஸந்தே, தி³ஸ்ஸந்தீதி அத்தோ². அத² வா இத⁴ தி³ஸ்ஸரேதி இத⁴ உப⁴தோவிப⁴ங்கே³ ஏதேஸு தேரஸஸமுட்டா²னேஸு ஏகேகஸ்மிங் அஞ்ஞானிபி ஸதி³ஸானி ஸமுட்டா²னானி தி³ஸ்ஸந்தீதி அத்தோ². இதா³னி தானி ஸரூபதோ நித³ஸ்ஸேதுமாஹ ‘‘ஸுக்கஞ்சா’’திஆதி³. தத்த² ஸுக்கந்தி ஸுக்கவிஸ்ஸட்டி²ஸிக்கா²பத³ங். ஏஸ நயோ ‘‘காயஸங்ஸக்³கோ³’’திஆதீ³ஸுபி. யதெ³த்த² து³விஞ்ஞெய்யங், தங் வக்கா²ம.
354.Samuṭṭhāneti samuṭṭhānasīse. Sadisāti tena tena samuṭṭhānasīsena samuṭṭhānā āpattiyo. Idhāti imasmiṃ samuṭṭhānavinicchaye. Dissareti dissante, dissantīti attho. Atha vā idha dissareti idha ubhatovibhaṅge etesu terasasamuṭṭhānesu ekekasmiṃ aññānipi sadisāni samuṭṭhānāni dissantīti attho. Idāni tāni sarūpato nidassetumāha ‘‘sukkañcā’’tiādi. Tattha sukkanti sukkavissaṭṭhisikkhāpadaṃ. Esa nayo ‘‘kāyasaṃsaggo’’tiādīsupi. Yadettha duviññeyyaṃ, taṃ vakkhāma.
355. புப்³பு³பபரிபாகோ சாதி ‘‘ஜானங் புப்³பு³பக³தங் பி⁴க்கு²’’ந்தி (பாசி॰ 120) ஸிக்கா²பத³ஞ்ச ‘‘பி⁴க்கு²னிபரிபாசித’’ந்தி (பாசி॰ 192, 194) பிண்ட³பாதஸிக்கா²பத³ஞ்ச. ரஹோ பி⁴க்கு²னியாஸஹாதி பி⁴க்கு²னியா ஸத்³தி⁴ங் ரஹோ நிஸஜ்ஜஸிக்கா²பத³ஞ்ச. ஸபோ⁴ஜனே, ரஹோ த்³வே சாதி ஸபோ⁴ஜனே குலே அனுபக²ஜ்ஜஸிக்கா²பத³ஞ்ச த்³வே ரஹோனிஸஜ்ஜஸிக்கா²பதா³னி ச. அங்கு³லீ உத³கே ஹஸந்தி அங்கு³லிபதோத³ஞ்ச உத³கஹஸத⁴ம்மஸிக்கா²பத³ஞ்ச.
355.Pubbupaparipāko cāti ‘‘jānaṃ pubbupagataṃ bhikkhu’’nti (pāci. 120) sikkhāpadañca ‘‘bhikkhuniparipācita’’nti (pāci. 192, 194) piṇḍapātasikkhāpadañca. Raho bhikkhuniyāsahāti bhikkhuniyā saddhiṃ raho nisajjasikkhāpadañca. Sabhojane, raho dve cāti sabhojane kule anupakhajjasikkhāpadañca dve rahonisajjasikkhāpadāni ca. Aṅgulī udake hasanti aṅgulipatodañca udakahasadhammasikkhāpadañca.
356. பஹாரே உக்³கி³ரே சேவாதி பஹாரதா³னஸிக்கா²பத³ஞ்ச தலஸத்திஉக்³கி³ரணஸிக்கா²பத³ஞ்ச. தேபஞ்ஞாஸா ச ஸேகி²யாதி பஞ்சஸத்ததிஸேகி²யாஸு வக்க²மானானி உஜ்ஜக்³கி⁴காதீ³னி ஸமனுபா⁴ஸனஸமுட்டா²னானி த³ஸ, ச²த்தபாணிஆதீ³னி த⁴ம்மதே³ஸனாஸமுட்டா²னானி ஏகாத³ஸ, தெ²ய்யஸத்த²ஸமுட்டா²னங் , ஸூபோத³னவிஞ்ஞத்திஸிக்கா²பத³ஞ்சாதி பா³வீஸதி ஸிக்கா²பதா³னி ட²பெத்வா பரிமண்ட³லனிவாஸனாதீ³னி இதரானி தேபஞ்ஞாஸ ஸேகி²யஸிக்கா²பதா³னி ச. அத⁴க்க²குப்³ப⁴ஜாணுஞ்சாதி பி⁴க்கு²னீனங் அத⁴க்க²கஉப்³ப⁴ஜாணுஸிக்கா²பத³ஞ்ச. கா³மந்தரமவஸ்ஸுதாதி கா³மந்தரக³மனங், அவஸ்ஸுதஸ்ஸ ஹத்த²தோ கா²த³னீயக்³க³ஹணஸிக்கா²பத³ஞ்ச.
356.Pahāre uggire cevāti pahāradānasikkhāpadañca talasattiuggiraṇasikkhāpadañca. Tepaññāsā ca sekhiyāti pañcasattatisekhiyāsu vakkhamānāni ujjagghikādīni samanubhāsanasamuṭṭhānāni dasa, chattapāṇiādīni dhammadesanāsamuṭṭhānāni ekādasa, theyyasatthasamuṭṭhānaṃ , sūpodanaviññattisikkhāpadañcāti bāvīsati sikkhāpadāni ṭhapetvā parimaṇḍalanivāsanādīni itarāni tepaññāsa sekhiyasikkhāpadāni ca. Adhakkhakubbhajāṇuñcāti bhikkhunīnaṃ adhakkhakaubbhajāṇusikkhāpadañca. Gāmantaramavassutāti gāmantaragamanaṃ, avassutassa hatthato khādanīyaggahaṇasikkhāpadañca.
357-8. தலமட்டு²த³ஸுத்³தி⁴ சாதி தலகா⁴தங், ஜதுமட்ட²ங், உத³கஸுத்³தி⁴காதி³யனஞ்ச. வஸ்ஸங்வுத்தா²தி ‘‘வஸ்ஸங்வுத்தா²…பே॰… ச²ப்பஞ்சயோஜனானீ’’தி (பாசி॰ 974) ஸிக்கா²பத³ஞ்ச. ஓவாதா³ய ந க³ச்ச²ந்தீதி ஓவாதா³ய அக³மனஸிக்கா²பத³ஞ்ச. நானுப³ந்தே⁴ பவத்தினிந்தி ‘‘வுட்டா²பிதங் பவத்தினிங் த்³வே வஸ்ஸானி நானுப³ந்தெ⁴ய்யா’’தி (பாசி॰ 1112) ஸிக்கா²பத³ஞ்சாதி உப⁴தோவிப⁴ங்கே³ நித்³தி³ட்டா² இமே பஞ்சஸத்ததி த⁴ம்மா காயசித்தஸமுட்டி²தா மேது²னேன ஸமா ஏகஸமுட்டா²னா மதாதி யோஜனா.
357-8.Talamaṭṭhudasuddhi cāti talaghātaṃ, jatumaṭṭhaṃ, udakasuddhikādiyanañca. Vassaṃvutthāti ‘‘vassaṃvutthā…pe… chappañcayojanānī’’ti (pāci. 974) sikkhāpadañca. Ovādāya na gacchantīti ovādāya agamanasikkhāpadañca. Nānubandhe pavattininti ‘‘vuṭṭhāpitaṃ pavattiniṃ dve vassāni nānubandheyyā’’ti (pāci. 1112) sikkhāpadañcāti ubhatovibhaṅge niddiṭṭhā ime pañcasattati dhammā kāyacittasamuṭṭhitā methunena samā ekasamuṭṭhānā matāti yojanā.
எத்த² ச பாளியங் ‘‘ச²ஸத்ததீ’’தி க³ணனபரிச்சே²தோ³ ஸமுட்டா²னஸிக்கா²பதே³ன ஸஹ த³ஸ்ஸிதோ. இத⁴ பன தங் வினா தங்ஸதி³ஸானமேவ க³ணனா த³ஸ்ஸிதா. தேனேவ பட²மங் ஸமுட்டா²னஸீஸங் பாளியங் க³ணனாயபி த³ஸ்ஸிதங், இதே⁴வ ந த³ஸ்ஸிதங். உபரி கத்த²சி ஸமுட்டா²னஸீஸஸ்ஸ த³ஸ்ஸனங் பனெத்த² வக்க²மானானங் தங்ஸதி³ஸபா⁴வத³ஸ்ஸனத்த²ங், க³ணனாய வக்க²மானாய அந்தோக³த⁴பா⁴வத³ஸ்ஸனத்த²ங். தேனேவ தத்த²பி தங் வினா க³ணனங் வக்க²தி.
Ettha ca pāḷiyaṃ ‘‘chasattatī’’ti gaṇanaparicchedo samuṭṭhānasikkhāpadena saha dassito. Idha pana taṃ vinā taṃsadisānameva gaṇanā dassitā. Teneva paṭhamaṃ samuṭṭhānasīsaṃ pāḷiyaṃ gaṇanāyapi dassitaṃ, idheva na dassitaṃ. Upari katthaci samuṭṭhānasīsassa dassanaṃ panettha vakkhamānānaṃ taṃsadisabhāvadassanatthaṃ, gaṇanāya vakkhamānāya antogadhabhāvadassanatthaṃ. Teneva tatthapi taṃ vinā gaṇanaṃ vakkhati.
பட²மபாராஜிகஸமுட்டா²னவண்ணனா.
Paṭhamapārājikasamuṭṭhānavaṇṇanā.
359. விக்³க³ஹந்தி மனுஸ்ஸவிக்³க³ஹஸிக்கா²பத³ங். உத்தரி சேவாதி உத்தரிமனுஸ்ஸத⁴ம்மஸிக்கா²பத³ஞ்ச. து³ட்டு²ல்லந்தி து³ட்டு²ல்லவாசாஸிக்கா²பத³ங். அத்தகாமதாதி அத்தகாமபாரிசரியஸிக்கா²பத³ஞ்ச. து³ட்ட²தோ³ஸா து³வே சேவாதி த்³வே து³ட்ட²தோ³ஸஸிக்கா²பதா³னி ச. து³தியானியதோபி சாதி து³தியஅனியதஸிக்கா²பத³ஞ்ச.
359.Viggahanti manussaviggahasikkhāpadaṃ. Uttari cevāti uttarimanussadhammasikkhāpadañca. Duṭṭhullanti duṭṭhullavācāsikkhāpadaṃ. Attakāmatāti attakāmapāricariyasikkhāpadañca. Duṭṭhadosā duve cevāti dve duṭṭhadosasikkhāpadāni ca. Dutiyāniyatopi cāti dutiyaaniyatasikkhāpadañca.
360. அச்சி²ந்த³னஞ்சாதி ஸாமங் சீவரங் த³த்வா அச்சி²ந்த³னஞ்ச. பரிணாமோதி ஸங்கி⁴கலாப⁴ஸ்ஸ அத்தனோ பரிணாமனஞ்ச. முஸாஓமஸபேஸுணாதி முஸாவாதோ³ ச ஓமஸவாதோ³ ச பி⁴க்கு²பேஸுஞ்ஞஞ்ச. து³ட்டு²ல்லாரோசனஞ்சேவாதி து³ட்டு²ல்லாபத்திஆரோசனஸிக்கா²பத³ஞ்ச. பத²வீக²ணனம்பி சாதி பத²வீக²ணனஸிக்கா²பத³ஞ்ச.
360.Acchindanañcāti sāmaṃ cīvaraṃ datvā acchindanañca. Pariṇāmoti saṅghikalābhassa attano pariṇāmanañca. Musāomasapesuṇāti musāvādo ca omasavādo ca bhikkhupesuññañca. Duṭṭhullārocanañcevāti duṭṭhullāpattiārocanasikkhāpadañca. Pathavīkhaṇanampi cāti pathavīkhaṇanasikkhāpadañca.
361. பூ⁴தகா³மஞ்ச வாதோ³ சாதி பூ⁴தகா³மஸிக்கா²பத³ங், அஞ்ஞவாத³கஸிக்கா²பத³ஞ்ச. உஜ்ஜா²பனகமேவ சாதி உஜ்ஜா²பனகஸிக்கா²பத³ஞ்ச. நிக்கட்³டோ⁴ ஸிஞ்சனஞ்சேவாதி விஹாரதோ நிக்கட்³ட⁴னஞ்ச உத³கே திணாதி³ஸிஞ்சனஞ்ச. ஆமிஸஹேது சாதி ஆமிஸஹேது பி⁴க்கு²னியோ ஓவாத³ஸிக்கா²பத³ஞ்ச.
361.Bhūtagāmañcavādo cāti bhūtagāmasikkhāpadaṃ, aññavādakasikkhāpadañca. Ujjhāpanakameva cāti ujjhāpanakasikkhāpadañca. Nikkaḍḍho siñcanañcevāti vihārato nikkaḍḍhanañca udake tiṇādisiñcanañca. Āmisahetu cāti āmisahetu bhikkhuniyo ovādasikkhāpadañca.
362. பு⁴த்தாவிந்தி பு⁴த்தாவிங் அனதிரித்தேன கா²த³னீயாதி³னா பவாரணஸிக்கா²பத³ஞ்ச. ஏஹனாத³ரிந்தி ‘‘ஏஹாவுஸோ, கா³மங் வா’’தி (பாசி॰ 275) வுத்தஸிக்கா²பத³ஞ்ச அனாத³ரியஸிக்கா²பத³ஞ்ச. பி⁴ங்ஸாபனமேவ சாதி பி⁴க்கு²பி⁴ங்ஸனகஞ்ச. அபனிதெ⁴ய்யாதி பத்தாதி³அபனிதா⁴னஸிக்கா²பத³ஞ்ச. ஸஞ்சிச்ச பாணந்தி ஸஞ்சிச்ச பாணங் ஜீவிதாவோரோபனஞ்ச. ஸப்பாணகம்பி சாதி ஜானங் ஸப்பாணகஉத³கஸிக்கா²பத³ஞ்ச.
362.Bhuttāvinti bhuttāviṃ anatirittena khādanīyādinā pavāraṇasikkhāpadañca. Ehanādarinti ‘‘ehāvuso, gāmaṃ vā’’ti (pāci. 275) vuttasikkhāpadañca anādariyasikkhāpadañca. Bhiṃsāpanameva cāti bhikkhubhiṃsanakañca. Apanidheyyāti pattādiapanidhānasikkhāpadañca. Sañcicca pāṇanti sañcicca pāṇaṃ jīvitāvoropanañca. Sappāṇakampi cāti jānaṃ sappāṇakaudakasikkhāpadañca.
363. உக்கோடனஞ்சாதி புனகம்மாய உக்கோடனஞ்ச. ஊனோதி ஊனவீஸதிவஸ்ஸஸிக்கா²பத³ஞ்ச. ஸங்வாஸோதி உக்கி²த்தகேன ஸத்³தி⁴ங் ஸங்வாஸஸிக்கா²பத³ஞ்ச. நாஸனே சாதி நாஸிதகஸாமணேரஸம்போ⁴க³ஸிக்கா²பத³ஞ்ச. ஸஹத⁴ம்மிகந்தி ஸஹத⁴ம்மிகங் வுச்சமானஸிக்கா²பத³ஞ்ச. விலேகா² சாதி ‘‘விலேகா²ய ஸங்வத்தந்தீ’’தி (பாசி॰ 439) ஆக³தஸிக்கா²பத³ஞ்ச. மோஹனாதி மோஹனஸிக்கா²பத³ஞ்ச. அமூலகேன சாதி அமூலகேன ஸங்கா⁴தி³ஸேஸேன அனுத்³த⁴ங்ஸனஸிக்கா²பத³ஞ்ச.
363.Ukkoṭanañcāti punakammāya ukkoṭanañca. Ūnoti ūnavīsativassasikkhāpadañca. Saṃvāsoti ukkhittakena saddhiṃ saṃvāsasikkhāpadañca. Nāsane cāti nāsitakasāmaṇerasambhogasikkhāpadañca. Sahadhammikanti sahadhammikaṃ vuccamānasikkhāpadañca. Vilekhā cāti ‘‘vilekhāya saṃvattantī’’ti (pāci. 439) āgatasikkhāpadañca. Mohanāti mohanasikkhāpadañca. Amūlakena cāti amūlakena saṅghādisesena anuddhaṃsanasikkhāpadañca.
364. குக்குச்சங் கீ²யனங் த³த்வாதி குக்குச்சஉப்பாத³னஞ்ச த⁴ம்மிகானங் கம்மானங் ச²ந்த³ங் த³த்வா கீ²யனஞ்ச சீவரங் த³த்வா கீ²யனஞ்ச. பரிணாமெய்ய புக்³க³லேதி ஸங்கி⁴கங் லாப⁴ங் புக்³க³லஸ்ஸ பரிணாமனஸிக்கா²பத³ஞ்ச. கிங் தே, அகாலங், அச்சி²ந்தே³தி ‘‘கிங் தே, அய்யே, ஏஸோ புரிஸபுக்³க³லோ கரிஸ்ஸதீ’’தி (பாசி॰ 705) ஆக³தஸிக்கா²பத³ஞ்ச அகாலசீவரங் ‘‘காலசீவர’’ந்தி அதி⁴ட்ட²ஹித்வா பா⁴ஜனஸிக்கா²பத³ஞ்ச பி⁴க்கு²னியா ஸத்³தி⁴ங் சீவரங் பரிவத்தெத்வா அச்சி²ந்த³னஸிக்கா²பத³ஞ்ச. து³க்³க³ஹனிரயேன சாதி து³க்³க³ஹிதேன து³பதா⁴ரிதேன பரங் உஜ்ஜா²பனஸிக்கா²பத³ஞ்ச நிரயேன வா ப்³ரஹ்மசரியேன வா அபி⁴ஸபனஸிக்கா²பத³ஞ்ச.
364.Kukkuccaṃ khīyanaṃ datvāti kukkuccauppādanañca dhammikānaṃ kammānaṃ chandaṃ datvā khīyanañca cīvaraṃ datvā khīyanañca. Pariṇāmeyya puggaleti saṅghikaṃ lābhaṃ puggalassa pariṇāmanasikkhāpadañca. Kiṃ te, akālaṃ, acchindeti ‘‘kiṃ te, ayye, eso purisapuggalo karissatī’’ti (pāci. 705) āgatasikkhāpadañca akālacīvaraṃ ‘‘kālacīvara’’nti adhiṭṭhahitvā bhājanasikkhāpadañca bhikkhuniyā saddhiṃ cīvaraṃ parivattetvā acchindanasikkhāpadañca. Duggahanirayena cāti duggahitena dupadhāritena paraṃ ujjhāpanasikkhāpadañca nirayena vā brahmacariyena vā abhisapanasikkhāpadañca.
365. க³ணஸ்ஸ சாதி ‘‘க³ணஸ்ஸ சீவரலாப⁴ங் அந்தராயங் கரெய்யா’’தி (பாசி॰ 908) வுத்தஸிக்கா²பத³ஞ்ச. விப⁴ங்க³ஞ்சாதி ‘‘த⁴ம்மிகங் சீவரவிப⁴ங்க³ங் படிபா³ஹெய்யா’’தி (பாசி॰ 912) வுத்தஸிக்கா²பத³ஞ்ச. து³ப்³ப³லாஸா ததே²வ சாதி ‘‘து³ப்³ப³லசீவரபச்சாஸாய சீவரகாலஸமயங் அதிக்காமெய்யா’’தி (பாசி॰ 921) வுத்தஸிக்கா²பத³ஞ்ச. த⁴ம்மிகங் கதி²னுத்³தா⁴ரந்தி ‘‘த⁴ம்மிகங் கதி²னுத்³தா⁴ரங் படிபா³ஹெய்யா’’தி (பாசி॰ 928) வுத்தஸிக்கா²பத³ஞ்ச. ஸஞ்சிச்சாபா²ஸுமேவ சாதி ‘‘பி⁴க்கு²னியா ஸஞ்சிச்ச அபா²ஸுங் கரெய்யா’’தி (பாசி॰ 942) வுத்தஸிக்கா²பத³ஞ்ச.
365.Gaṇassa cāti ‘‘gaṇassa cīvaralābhaṃ antarāyaṃ kareyyā’’ti (pāci. 908) vuttasikkhāpadañca. Vibhaṅgañcāti ‘‘dhammikaṃ cīvaravibhaṅgaṃ paṭibāheyyā’’ti (pāci. 912) vuttasikkhāpadañca. Dubbalāsā tatheva cāti ‘‘dubbalacīvarapaccāsāya cīvarakālasamayaṃ atikkāmeyyā’’ti (pāci. 921) vuttasikkhāpadañca. Dhammikaṃ kathinuddhāranti ‘‘dhammikaṃ kathinuddhāraṃ paṭibāheyyā’’ti (pāci. 928) vuttasikkhāpadañca. Sañciccāphāsumeva cāti ‘‘bhikkhuniyā sañcicca aphāsuṃ kareyyā’’ti (pāci. 942) vuttasikkhāpadañca.
366. ஸயங் உபஸ்ஸயங் த³த்வாதி ‘‘பி⁴க்கு²னியா உபஸ்ஸயங் த³த்வா குபிதா அனத்தமனா நிக்கட்³டெ⁴ய்யா’’தி (பாசி॰ 951) வுத்தஸிக்கா²பத³ஞ்ச. அக்கோஸெய்ய சாதி ‘‘பி⁴க்கு²ங் அக்கோஸெய்ய வா பரிபா⁴ஸெய்ய வா’’தி (பாசி॰ 1029) வுத்தஸிக்கா²பத³ஞ்ச. சண்டி³காதி ‘‘சண்டீ³கதா க³ணங் பரிபா⁴ஸெய்யா’’தி (பாசி॰ 1034) வுத்தஸிக்கா²பத³ஞ்ச. குலமச்ச²ரினீ அஸ்ஸாதி ‘‘குலமச்ச²ரினீ அஸ்ஸா’’தி (பாசி॰ 1043) வுத்தஸிக்கா²பத³ஞ்ச. க³ப்³பி⁴னிங் வுட்டா²பெய்ய சாதி ‘‘க³ப்³பி⁴னிங் வுட்டா²பெய்யா’’தி (பாசி॰ 1068) வுத்தஸிக்கா²பத³ஞ்ச.
366.Sayaṃ upassayaṃ datvāti ‘‘bhikkhuniyā upassayaṃ datvā kupitā anattamanā nikkaḍḍheyyā’’ti (pāci. 951) vuttasikkhāpadañca. Akkoseyya cāti ‘‘bhikkhuṃ akkoseyya vā paribhāseyya vā’’ti (pāci. 1029) vuttasikkhāpadañca. Caṇḍikāti ‘‘caṇḍīkatā gaṇaṃ paribhāseyyā’’ti (pāci. 1034) vuttasikkhāpadañca. Kulamaccharinī assāti ‘‘kulamaccharinī assā’’ti (pāci. 1043) vuttasikkhāpadañca. Gabbhiniṃ vuṭṭhāpeyya cāti ‘‘gabbhiniṃ vuṭṭhāpeyyā’’ti (pāci. 1068) vuttasikkhāpadañca.
367. பாயந்திந்தி ‘‘பாயந்திங் வுட்டா²பெய்யா’’தி (பாசி॰ 1073) வுத்தஸிக்கா²பத³ஞ்ச. த்³வே ச வஸ்ஸானீதி ‘‘த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் ஸிக்க²மானங் வுட்டா²பெய்யா’’தி (பாசி॰ 1080) வுத்தஸிக்கா²பத³ஞ்ச. ஸங்கே⁴னாஸம்மதந்தி ‘‘ஸிக்கி²தஸிக்க²ங் ஸிக்க²மானங் ஸங்கே⁴ன அஸம்மதங் வுட்டா²பெய்யா’’தி (பாசி॰ 1086) வுத்தஸிக்கா²பத³ஞ்ச. திஸ்ஸோ கி³ஹிக³தா வுத்தாதி ‘‘ஊனத்³வாத³ஸவஸ்ஸங் கி³ஹிக³தங் (பாசி॰ 1091), பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் (பாசி॰ 1097), த்³வேவஸ்ஸானி ஸிக்கி²தஸிக்க²ங் ஸங்கே⁴ன அஸம்மத’’ந்தி (பாசி॰ 1103) வுத்தஸிக்கா²பதா³னி ச. திஸ்ஸோயேவ குமாரிகாதி ‘‘ஊனவீஸதிவஸ்ஸங் குமாரிபூ⁴த’’ந்திஆதி³னா (பாசி॰ 1120) நயேன வுத்தா திஸ்ஸோ ச.
367.Pāyantinti ‘‘pāyantiṃ vuṭṭhāpeyyā’’ti (pāci. 1073) vuttasikkhāpadañca. Dve ca vassānīti ‘‘dve vassāni chasu dhammesu asikkhitasikkhaṃ sikkhamānaṃ vuṭṭhāpeyyā’’ti (pāci. 1080) vuttasikkhāpadañca. Saṅghenāsammatanti ‘‘sikkhitasikkhaṃ sikkhamānaṃ saṅghena asammataṃ vuṭṭhāpeyyā’’ti (pāci. 1086) vuttasikkhāpadañca. Tisso gihigatā vuttāti ‘‘ūnadvādasavassaṃ gihigataṃ (pāci. 1091), paripuṇṇadvādasavassaṃ gihigataṃ dve vassāni chasu dhammesu asikkhitasikkhaṃ (pāci. 1097), dvevassāni sikkhitasikkhaṃ saṅghena asammata’’nti (pāci. 1103) vuttasikkhāpadāni ca. Tissoyeva kumārikāti ‘‘ūnavīsativassaṃ kumāribhūta’’ntiādinā (pāci. 1120) nayena vuttā tisso ca.
368. ஊனத்³வாத³ஸவஸ்ஸா த்³வேதி ‘‘ஊனத்³வாத³ஸவஸ்ஸா வுட்டா²பெய்ய (பாசி॰ 1137), பரிபுண்ணத்³வாத³ஸவஸ்ஸா ஸங்கே⁴ன அஸம்மதா வுட்டா²பெய்யா’’தி (பாசி॰ 1142) வுத்தானி த்³வே ஸிக்கா²பதா³னி ச. அலங் தாவ தேதி ‘‘அலங் தாவ தே, அய்யே, வுட்டா²பிதேனா’’தி (பாசி॰ 1147) வுத்தஸிக்கா²பத³ஞ்ச. ஸோகாவஸ்ஸாதி ‘‘சண்டி³ங் ஸோகாவாஸங் ஸிக்க²மானங் வுட்டா²பெய்யா’’தி (பாசி॰ 1159) வுத்தஸிக்கா²பத³ஞ்ச. பாரிவாஸிகச்ச²ந்த³தா³னதோதி ‘‘பாரிவாஸிகச²ந்த³தா³னேன ஸிக்க²மானங் வுட்டா²பெய்யா’’தி (பாசி॰ 1167) வுத்தஸிக்கா²பத³ஞ்ச.
368.Ūnadvādasavassā dveti ‘‘ūnadvādasavassā vuṭṭhāpeyya (pāci. 1137), paripuṇṇadvādasavassā saṅghena asammatā vuṭṭhāpeyyā’’ti (pāci. 1142) vuttāni dve sikkhāpadāni ca. Alaṃ tāva teti ‘‘alaṃ tāva te, ayye, vuṭṭhāpitenā’’ti (pāci. 1147) vuttasikkhāpadañca. Sokāvassāti ‘‘caṇḍiṃ sokāvāsaṃ sikkhamānaṃ vuṭṭhāpeyyā’’ti (pāci. 1159) vuttasikkhāpadañca. Pārivāsikacchandadānatoti ‘‘pārivāsikachandadānena sikkhamānaṃ vuṭṭhāpeyyā’’ti (pāci. 1167) vuttasikkhāpadañca.
369. அனுவஸ்ஸங் து³வே சாதி ‘‘அனுவஸ்ஸங் வுட்டா²பெய்ய (பாசி॰ 1171), ஏகங் வஸ்ஸங் த்³வே வுட்டா²பெய்யா’’தி (பாசி॰ 1175) வுத்தஸிக்கா²பதா³னி சாதி ஏகூனஸத்ததி ஸிக்கா²பதா³னி. அதி³ன்னாதா³னதுல்யத்தாதி அதி³ன்னாதா³னேன ஸமானஸமுட்டா²னத்தா. திஸமுட்டா²னிகா கதாதி ஸசித்தகேஹி தீஹி ஸமுட்டா²னேஹி ஸமுட்ட²ஹந்தீதி வுத்தா.
369.Anuvassaṃ duve cāti ‘‘anuvassaṃ vuṭṭhāpeyya (pāci. 1171), ekaṃ vassaṃ dve vuṭṭhāpeyyā’’ti (pāci. 1175) vuttasikkhāpadāni cāti ekūnasattati sikkhāpadāni. Adinnādānatulyattāti adinnādānena samānasamuṭṭhānattā. Tisamuṭṭhānikā katāti sacittakehi tīhi samuṭṭhānehi samuṭṭhahantīti vuttā.
து³தியபாராஜிகஸமுட்டா²னவண்ணனா.
Dutiyapārājikasamuṭṭhānavaṇṇanā.
370. ஸஞ்சரிகுடிமஹல்லகந்தி ஸஞ்சரித்தங், ஸஞ்ஞாசிகாய குடிகரணங், மஹல்லகவிஹாரகரணஞ்ச. தோ⁴வாபனஞ்ச படிக்³க³ஹோதி அஞ்ஞாதிகாய பி⁴க்கு²னியா புராணசீவரதோ⁴வாபனஞ்ச சீவரபடிக்³க³ஹணஞ்ச. சீவரஸ்ஸ ச விஞ்ஞத்திந்தி அஞ்ஞாதகங் க³ஹபதிங் வா க³ஹபதானிங் வா சீவரவிஞ்ஞாபனஸிக்கா²பத³ஞ்ச. க³ஹணஞ்ச தது³த்தரிந்தி தது³த்தரிஸாதி³யனஸிக்கா²பத³ஞ்ச.
370.Sañcarikuṭimahallakanti sañcarittaṃ, saññācikāya kuṭikaraṇaṃ, mahallakavihārakaraṇañca. Dhovāpanañca paṭiggahoti aññātikāya bhikkhuniyā purāṇacīvaradhovāpanañca cīvarapaṭiggahaṇañca. Cīvarassa ca viññattinti aññātakaṃ gahapatiṃ vā gahapatāniṃ vā cīvaraviññāpanasikkhāpadañca. Gahaṇañca taduttarinti taduttarisādiyanasikkhāpadañca.
371. உபக்க²டத்³வயஞ்சேவாதி ‘‘சீவரசேதாபன்னங் உபக்க²டங் ஹோதீ’’தி (பாரா॰ 528) ஆக³தஸிக்கா²பத³த்³வயஞ்ச. ததா² தூ³தேன சீவரந்தி தூ³தேனசீவரசேதாபன்னபஹிதஸிக்கா²பத³ஞ்ச. கோஸியந்தி கோஸியமிஸ்ஸகஸிக்கா²பத³ஞ்ச. ஸுத்³த⁴காளானந்தி ‘‘ஸுத்³த⁴காளகான’’ந்திஆதி³ஸிக்கா²பத³ஞ்ச (பாரா॰ 548). த்³வே பா⁴கா³தா³னமேவ சாதி ‘‘த்³வே பா⁴கா³ ஆதா³தப்³பா³’’தி (பாரா॰ 553) வுத்தஸிக்கா²பத³ஞ்ச.
371.Upakkhaṭadvayañcevāti ‘‘cīvaracetāpannaṃ upakkhaṭaṃ hotī’’ti (pārā. 528) āgatasikkhāpadadvayañca. Tathā dūtena cīvaranti dūtenacīvaracetāpannapahitasikkhāpadañca. Kosiyanti kosiyamissakasikkhāpadañca. Suddhakāḷānanti ‘‘suddhakāḷakāna’’ntiādisikkhāpadañca (pārā. 548). Dve bhāgādānameva cāti ‘‘dve bhāgā ādātabbā’’ti (pārā. 553) vuttasikkhāpadañca.
372. ச²ப்³ப³ஸ்ஸானீதி ச²ப்³ப³ஸ்ஸானி தா⁴ரணஸிக்கா²பத³ஞ்ச. புராணஸ்ஸாதி ‘‘புராணஸந்த²தஸ்ஸா’’தி (பாரா॰ 567) வுத்தஸிக்கா²பத³ஞ்ச. லோமதோ⁴வாபனம்பி சாதி ஏளகலோமதோ⁴வாபனஸிக்கா²பத³ஞ்ச. ரூபியஸ்ஸ படிக்³கா³ஹோதி ரூபியபடிக்³க³ஹணஸிக்கா²பத³ஞ்ச. உபோ⁴ நானப்பகாரகாதி ரூபியஸங்வோஹாரகயவிக்கயஸிக்கா²பதா³னி ச.
372.Chabbassānīti chabbassāni dhāraṇasikkhāpadañca. Purāṇassāti ‘‘purāṇasanthatassā’’ti (pārā. 567) vuttasikkhāpadañca. Lomadhovāpanampi cāti eḷakalomadhovāpanasikkhāpadañca. Rūpiyassa paṭiggāhoti rūpiyapaṭiggahaṇasikkhāpadañca. Ubho nānappakārakāti rūpiyasaṃvohārakayavikkayasikkhāpadāni ca.
373. ஊனப³ந்த⁴னபத்தோ சாதி ஊனபஞ்சப³ந்த⁴னபத்தஸிக்கா²பத³ஞ்ச. வஸ்ஸஸாடிகஸுத்தகந்தி வஸ்ஸிகஸாடிகஸிக்கா²பத³ஞ்ச ஸுத்தங் விஞ்ஞாபெத்வா சீவரகாராபனஸிக்கா²பத³ஞ்ச. விகப்பாபஜ்ஜனந்தி தந்தவாயே உபஸங்கமித்வா சீவரே விகப்பாபஜ்ஜனஞ்ச. யாவ த்³வாரதா³னஞ்ச ஸிப்³ப³னந்தி ‘‘யாவ த்³வாரகோஸா அக்³க³ளட்ட²பனாயா’’தி (பாசி॰ 135) வுத்தஸிக்கா²பத³ஞ்ச ‘‘அஞ்ஞாதிகாய பி⁴க்கு²னியா சீவரங் த³தெ³ய்ய (பாசி॰ 171), சீவரங் ஸிப்³பெ³ய்யா’’தி (பாசி॰ 176) வுத்தஸிக்கா²பத³த்³வயஞ்ச.
373.Ūnabandhanapatto cāti ūnapañcabandhanapattasikkhāpadañca. Vassasāṭikasuttakanti vassikasāṭikasikkhāpadañca suttaṃ viññāpetvā cīvarakārāpanasikkhāpadañca. Vikappāpajjananti tantavāye upasaṅkamitvā cīvare vikappāpajjanañca. Yāva dvāradānañca sibbananti ‘‘yāva dvārakosā aggaḷaṭṭhapanāyā’’ti (pāci. 135) vuttasikkhāpadañca ‘‘aññātikāya bhikkhuniyā cīvaraṃ dadeyya (pāci. 171), cīvaraṃ sibbeyyā’’ti (pāci. 176) vuttasikkhāpadadvayañca.
374. பூவேஹீதி பூவேஹி வா மந்தே²ஹி வா அபி⁴ஹட்டு²ங் பவாரணஸிக்கா²பத³ஞ்ச. பச்சயோதி சதுமாஸபச்சயபவாரணஸிக்கா²பத³ஞ்ச. ஜோதீதி ஜோதியா ஸமாத³ஹனஸிக்கா²பத³ஞ்ச. ரதனந்தி ரதனஸிக்கா²பத³ஞ்ச. ஸூசி…பே॰… ஸுக³தஸ்ஸ சாதி ஸூசிக⁴ரஸிக்கா²பதா³தீ³னி ஸத்த ஸிக்கா²பதா³னி ச.
374.Pūvehīti pūvehi vā manthehi vā abhihaṭṭhuṃ pavāraṇasikkhāpadañca. Paccayoti catumāsapaccayapavāraṇasikkhāpadañca. Jotīti jotiyā samādahanasikkhāpadañca. Ratananti ratanasikkhāpadañca. Sūci…pe… sugatassa cāti sūcigharasikkhāpadādīni satta sikkhāpadāni ca.
375. அஞ்ஞவிஞ்ஞத்திஸிக்கா² சாதி ‘‘அஞ்ஞங் விஞ்ஞாபெய்யா’’தி (பாசி॰ 749) வுத்தஸிக்கா²பத³ஞ்ச. அஞ்ஞங் சேதாபனம்பி சாதி ‘‘அஞ்ஞங் சேதாபெத்வா அஞ்ஞங் சேதாபெய்யா’’தி (பாசி॰ 749) வுத்தஸிக்கா²பத³ஞ்ச. ஸங்கி⁴கேன து³வே வுத்தாதி ‘‘ஸங்கி⁴கேன அஞ்ஞங் சேதாபெய்ய (பாசி॰ 759), ஸங்கி⁴கேன ஸஞ்ஞாசிகேன அஞ்ஞங் சேதாபெய்யா’’தி (பாசி॰ 764) வுத்தானி த்³வே ஸிக்கா²பதா³னி ச. த்³வே மஹாஜனிகேனாதி ‘‘மஹாஜனிகேன அஞ்ஞங் சேதாபெய்ய (பாசி॰ 769), மஹாஜனிகேன ஸஞ்ஞாசிகேன அஞ்ஞங் சேதாபெய்யா’’தி (பாசி॰ 774) வுத்தானி த்³வே ஸிக்கா²பதா³னி ச.
375.Aññaviññattisikkhā cāti ‘‘aññaṃ viññāpeyyā’’ti (pāci. 749) vuttasikkhāpadañca. Aññaṃ cetāpanampi cāti ‘‘aññaṃ cetāpetvā aññaṃ cetāpeyyā’’ti (pāci. 749) vuttasikkhāpadañca. Saṅghikena duve vuttāti ‘‘saṅghikena aññaṃ cetāpeyya (pāci. 759), saṅghikena saññācikena aññaṃ cetāpeyyā’’ti (pāci. 764) vuttāni dve sikkhāpadāni ca. Dve mahājanikenāti ‘‘mahājanikena aññaṃ cetāpeyya (pāci. 769), mahājanikena saññācikena aññaṃ cetāpeyyā’’ti (pāci. 774) vuttāni dve sikkhāpadāni ca.
376. ததா² புக்³க³லிகேனேகந்தி ‘‘புக்³க³லிகேன ஸஞ்ஞாசிகேன அஞ்ஞங் சேதாபெய்யா’’தி (பாசி॰ 779) வுத்தமேகஸிக்கா²பத³ஞ்ச. க³ருபாவுரணந்தி க³ருபாவுரணசேதாபனஸிக்கா²பத³ஞ்ச. லஹுந்தி லஹுபாவுரணசேதாபனஸிக்கா²பத³ங். ‘‘விகா⁴ஸா உத³ஸாடி சா’’தி பத³ச்சே²தோ³. த்³வே விகா⁴ஸாதி ‘‘உச்சாரங் வா பஸ்ஸாவங் வா ஸங்காரங் வா விகா⁴ஸங் வா திரோகுட்டே வா திரோபாகாரே வா ச²ட்³டெ³ய்ய வா ச²ட்³டா³பெய்ய வா (பாசி॰ 825), ஹரிதே ச²ட்³டெ³ய்ய வா ச²ட்³டா³பெய்ய வா’’தி (பாசி॰ 829) ஏவங் வுத்தானி த்³வே விகா⁴ஸஸிக்கா²பதா³னி ச. உத³ஸாடி சாதி உத³கஸாடிகஸிக்கா²பத³ஞ்ச. ததா² ஸமணசீவரந்தி ததா² ‘‘ஸமணசீவரங் த³தெ³ய்யா’’தி (பாசி॰ 917) வுத்தஸிக்கா²பத³ஞ்சாதி.
376.Tathāpuggalikenekanti ‘‘puggalikena saññācikena aññaṃ cetāpeyyā’’ti (pāci. 779) vuttamekasikkhāpadañca. Garupāvuraṇanti garupāvuraṇacetāpanasikkhāpadañca. Lahunti lahupāvuraṇacetāpanasikkhāpadaṃ. ‘‘Vighāsā udasāṭi cā’’ti padacchedo. Dve vighāsāti ‘‘uccāraṃ vā passāvaṃ vā saṅkāraṃ vā vighāsaṃ vā tirokuṭṭe vā tiropākāre vā chaḍḍeyya vā chaḍḍāpeyya vā (pāci. 825), harite chaḍḍeyya vā chaḍḍāpeyya vā’’ti (pāci. 829) evaṃ vuttāni dve vighāsasikkhāpadāni ca. Udasāṭi cāti udakasāṭikasikkhāpadañca. Tathā samaṇacīvaranti tathā ‘‘samaṇacīvaraṃ dadeyyā’’ti (pāci. 917) vuttasikkhāpadañcāti.
377. இதி ஏதே ஏகூனபண்ணாஸ த⁴ம்மா து³க்க²ந்தத³ஸ்ஸினா ப⁴க³வதா ச²ஸமுட்டா²னிகா தேயேவ ஸஞ்சரித்தஸமா ஸஞ்சரித்தஸிக்கா²பதே³ன ஸமா கதா அனுமதா பஞ்ஞத்தாதி யோஜனா.
377. Iti ete ekūnapaṇṇāsa dhammā dukkhantadassinā bhagavatā chasamuṭṭhānikā teyeva sañcarittasamā sañcarittasikkhāpadena samā katā anumatā paññattāti yojanā.
ஸஞ்சரித்தஸமுட்டா²னவண்ணனா.
Sañcarittasamuṭṭhānavaṇṇanā.
378. ஸங்க⁴பே⁴தோ³தி ஸங்க⁴பே⁴த³ஸிக்கா²பத³ஞ்ச. பே⁴தா³னுவத்தது³ப்³ப³சதூ³ஸகாதி பே⁴தா³னுவத்தகது³ப்³ப³சகுலதூ³ஸகஸிக்கா²பதா³னி ச. து³ட்டு²ல்லச்சா²த³னந்தி து³ட்டு²ல்லபடிச்சா²த³னஸிக்கா²பத³ஞ்ச. தி³ட்டீ²தி தி³ட்டி²அப்படினிஸ்ஸஜ்ஜனஸிக்கா²பத³ஞ்ச . ச²ந்த³உஜ்ஜக்³கி⁴கா து³வேதி ச²ந்த³ங்அத³த்வாக³மனஸிக்கா²பத³ஞ்ச உஜ்ஜக்³கி⁴காய அந்தரக⁴ரே க³மனநிஸீத³னஸிக்கா²பத³த்³வயஞ்ச.
378.Saṅghabhedoti saṅghabhedasikkhāpadañca. Bhedānuvattadubbacadūsakāti bhedānuvattakadubbacakuladūsakasikkhāpadāni ca. Duṭṭhullacchādananti duṭṭhullapaṭicchādanasikkhāpadañca. Diṭṭhīti diṭṭhiappaṭinissajjanasikkhāpadañca . Chandaujjagghikā duveti chandaṃadatvāgamanasikkhāpadañca ujjagghikāya antaraghare gamananisīdanasikkhāpadadvayañca.
379. அப்பஸத்³தா³ து³வே வுத்தாதி ‘‘அப்பஸத்³தோ³ அந்தரக⁴ரே க³மிஸ்ஸாமி, நிஸீதி³ஸ்ஸாமீ’’தி (பாசி॰ 588, 589) வுத்தானி த்³வே ஸிக்கா²பதா³னி ச. ந ப்³யாஹரேதி ‘‘ந ஸகப³ளேன முகே²ன ப்³யாஹரிஸ்ஸாமீ’’தி (பாசி॰ 619) வுத்தஸிக்கா²பத³ஞ்ச. ச²மா, நீசாஸனே, டா²னந்தி ‘‘ச²மாயங் நிஸீதி³த்வா (பாசி॰ 645), நீசே ஆஸனே நிஸீதி³த்வா (பாசி॰ 647), டி²தோ நிஸின்னஸ்ஸா’’தி (பாசி॰ 648) வுத்தஸிக்கா²பத³ஞ்ச. பச்ச²தோ உப்பதே²ன சாதி ‘‘பச்ச²தோ க³ச்ச²ந்தோ புரதோ க³ச்ச²ந்தஸ்ஸ (பாசி॰ 649), உப்பதே²ன க³ச்ச²ந்தோ பதே²ன க³ச்ச²ந்தஸ்ஸா’’தி (பாசி॰ 650) வுத்தஸிக்கா²பத³த்³வயஞ்ச.
379.Appasaddā duve vuttāti ‘‘appasaddo antaraghare gamissāmi, nisīdissāmī’’ti (pāci. 588, 589) vuttāni dve sikkhāpadāni ca. Na byāhareti ‘‘na sakabaḷena mukhena byāharissāmī’’ti (pāci. 619) vuttasikkhāpadañca. Chamā, nīcāsane, ṭhānanti ‘‘chamāyaṃ nisīditvā (pāci. 645), nīce āsane nisīditvā (pāci. 647), ṭhito nisinnassā’’ti (pāci. 648) vuttasikkhāpadañca. Pacchato uppathena cāti ‘‘pacchato gacchanto purato gacchantassa (pāci. 649), uppathena gacchanto pathena gacchantassā’’ti (pāci. 650) vuttasikkhāpadadvayañca.
380. வஜ்ஜச்சா²தா³தி வஜ்ஜதோ படிச்சா²த³னஸிக்கா²பத³ஞ்ச. அனுவத்தா சாதி உக்கி²த்தானுவத்தனஸிக்கா²பத³ஞ்ச. க³ஹணந்தி ‘‘ஹத்த²க்³க³ஹணங் வா ஸாதி³யெய்யா’’தி (பாசி॰ 675) வுத்தஸிக்கா²பத³ஞ்ச. ஓஸாரெய்ய சாதி ‘‘அனபலோகெத்வா காரகஸங்க⁴ங் அனஞ்ஞாய க³ணஸ்ஸ ச²ந்த³ங் ஓஸாரெய்யா’’தி (பாசி॰ 695) வுத்தஸிக்கா²பத³ஞ்ச. பச்சக்கா²மீதி ஸிக்கா² சாதி ‘‘பு³த்³த⁴ங் பச்சாசிக்கா²மீ’’தி (பாசி॰ 710) வுத்தஸிக்கா²பத³ஞ்ச. ததா² கிஸ்மிஞ்சிதே³வ சாதி ‘‘கிஸ்மிஞ்சிதே³வ அதி⁴கரணே பச்சாகதா’’தி (பாசி॰ 716) வுத்தஸிக்கா²பத³ஞ்ச.
380.Vajjacchādāti vajjato paṭicchādanasikkhāpadañca. Anuvattā cāti ukkhittānuvattanasikkhāpadañca. Gahaṇanti ‘‘hatthaggahaṇaṃ vā sādiyeyyā’’ti (pāci. 675) vuttasikkhāpadañca. Osāreyya cāti ‘‘anapaloketvā kārakasaṅghaṃ anaññāya gaṇassa chandaṃ osāreyyā’’ti (pāci. 695) vuttasikkhāpadañca. Paccakkhāmīti sikkhā cāti ‘‘buddhaṃ paccācikkhāmī’’ti (pāci. 710) vuttasikkhāpadañca. Tathā kismiñcideva cāti ‘‘kismiñcideva adhikaraṇe paccākatā’’ti (pāci. 716) vuttasikkhāpadañca.
381. ஸங்ஸட்டா² த்³வே சாதி ‘‘பி⁴க்கு²னியோ பனேவ ஸங்ஸட்டா² விஹரந்தீ’’தி (பாசி॰ 722) ச ‘‘யா பன பி⁴க்கு²னீ ஏவங் வதெ³ய்ய ஸங்ஸட்டா²வ, அய்யே, தும்ஹே விஹரதா²’’திஆதி³வசனங் (பாசி॰ 728) படிச்ச வுத்தஸிக்கா²பத³த்³வயஞ்ச. வதி⁴த்வா சாதி ‘‘அத்தானங் வதி⁴த்வா வதி⁴த்வா ரோதெ³ய்யா’’தி (பாசி॰ 880) வுத்தஸிக்கா²பத³ஞ்ச. விஸிப்³பெ³த்வா சாதி ‘‘பி⁴க்கு²னியா சீவரங் விஸிப்³பெ³த்வா வா விஸிப்³பா³பெத்வா வா’’தி (பாசி॰ 893) வுத்தஸிக்கா²பத³ஞ்ச. து³க்கி²தந்தி ‘‘து³க்கி²தங் ஸஹஜீவினி’’ந்தி (பாசி॰ 947) வுத்தஸிக்கா²பத³ஞ்ச. புனதே³வ ச ஸங்ஸட்டா²தி ‘‘ஸங்ஸட்டா² விஹரெய்ய க³ஹபதினா வா க³ஹபதிபுத்தேன வா’’தி (பாசி॰ 956) ஏவங் புன வுத்தஸங்ஸட்ட²ஸிக்கா²பத³ஞ்ச. நேவ வூபஸமெய்ய சாதி ‘‘‘ஏஹாய்யே, இமங் அதி⁴கரணங் வூபஸமேஹீ’தி (பாசி॰ 995) வுச்சமானா ‘ஸாதூ⁴’தி படிஸ்ஸுணித்வா ஸா பச்சா² அனந்தராயிகினீ நேவ வூபஸமெய்யா’’தி வுத்தஸிக்கா²பத³ஞ்ச.
381.Saṃsaṭṭhā dve cāti ‘‘bhikkhuniyo paneva saṃsaṭṭhā viharantī’’ti (pāci. 722) ca ‘‘yā pana bhikkhunī evaṃ vadeyya saṃsaṭṭhāva, ayye, tumhe viharathā’’tiādivacanaṃ (pāci. 728) paṭicca vuttasikkhāpadadvayañca. Vadhitvā cāti ‘‘attānaṃ vadhitvā vadhitvā rodeyyā’’ti (pāci. 880) vuttasikkhāpadañca. Visibbetvā cāti ‘‘bhikkhuniyā cīvaraṃ visibbetvā vā visibbāpetvā vā’’ti (pāci. 893) vuttasikkhāpadañca. Dukkhitanti ‘‘dukkhitaṃ sahajīvini’’nti (pāci. 947) vuttasikkhāpadañca. Punadeva ca saṃsaṭṭhāti ‘‘saṃsaṭṭhā vihareyya gahapatinā vā gahapatiputtena vā’’ti (pāci. 956) evaṃ puna vuttasaṃsaṭṭhasikkhāpadañca. Neva vūpasameyya cāti ‘‘‘ehāyye, imaṃ adhikaraṇaṃ vūpasamehī’ti (pāci. 995) vuccamānā ‘sādhū’ti paṭissuṇitvā sā pacchā anantarāyikinī neva vūpasameyyā’’ti vuttasikkhāpadañca.
382. ஜானங் ஸபி⁴க்கு²காராமந்தி ‘‘ஜானங் ஸபி⁴க்கு²கங் ஆராமங் அனாபுச்சா² பவிஸெய்யா’’தி (பாசி॰ 1024) வுத்தஸிக்கா²பத³ஞ்ச. ததே²வ ந பவாரயேதி ‘‘உப⁴தோஸங்கே⁴ தீஹி டா²னேஹி ந பவாரெய்யா’’தி (பாசி॰ 1051) வுத்தஸிக்கா²பத³ஞ்ச. ததா² அன்வத்³த⁴மாஸஞ்சாதி ‘‘அன்வத்³த⁴மாஸங் பி⁴க்கு²னியா பி⁴க்கு²ஸங்க⁴தோ த்³வே த⁴ம்மா பச்சாஸீஸிதப்³பா³’’தி (பாசி॰ 1059) வுத்தஸிக்கா²பத³ஞ்ச. ஸஹஜீவினியோ து³வேதி ‘‘ஸஹஜீவினிங் வுட்டா²பெத்வா த்³வே வஸ்ஸானி நேவ அனுக்³க³ண்ஹெய்ய (பாசி॰ 1108), ஸஹஜீவினிங் வுட்டா²பெத்வா நேவ வூபகாஸெய்யா’’தி (பாசி॰ 1116) வுத்தஸிக்கா²பத³த்³வயஞ்ச.
382.Jānaṃsabhikkhukārāmanti ‘‘jānaṃ sabhikkhukaṃ ārāmaṃ anāpucchā paviseyyā’’ti (pāci. 1024) vuttasikkhāpadañca. Tatheva na pavārayeti ‘‘ubhatosaṅghe tīhi ṭhānehi na pavāreyyā’’ti (pāci. 1051) vuttasikkhāpadañca. Tathā anvaddhamāsañcāti ‘‘anvaddhamāsaṃ bhikkhuniyā bhikkhusaṅghato dve dhammā paccāsīsitabbā’’ti (pāci. 1059) vuttasikkhāpadañca. Sahajīviniyo duveti ‘‘sahajīviniṃ vuṭṭhāpetvā dve vassāni neva anuggaṇheyya (pāci. 1108), sahajīviniṃ vuṭṭhāpetvā neva vūpakāseyyā’’ti (pāci. 1116) vuttasikkhāpadadvayañca.
383-4. ஸசே மே சீவரங் அய்யேதி ‘‘ஸசே மே த்வங், அய்யே, சீவரங் த³ஸ்ஸஸி, ஏவாஹங் தங் வுட்டா²பெஸ்ஸாமீ’’தி (பாசி॰ 1151) வுத்தஸிக்கா²பத³ஞ்ச. அனுப³ந்தி⁴ஸ்ஸஸீதி ‘‘ஸசே மங் த்வங், அய்யே, த்³வே வஸ்ஸானி அனுப³ந்தி⁴ஸ்ஸஸி, ஏவாஹங் தங் வுட்டா²பெஸ்ஸாமீ’’தி (பாசி॰ 1155) வுத்தஸிக்கா²பத³ஞ்ச. அஸமேன ஸம்பு³த்³தே⁴ன பகாஸிதா இமே ஸத்ததிங்ஸ த⁴ம்மா ஸப்³பே³ காயவாசாதி³தோ காயவாசாசித்ததோ ஏகஸமுட்டா²னா கதா ஸமனுபா⁴ஸனா ஸியுங் ஸமுட்டா²னதோ ஸமனுபா⁴ஸனஸிக்கா²பதே³ன ஸதி³ஸா ஸியுந்தி யோஜனா.
383-4.Sace me cīvaraṃ ayyeti ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti (pāci. 1151) vuttasikkhāpadañca. Anubandhissasīti ‘‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’ti (pāci. 1155) vuttasikkhāpadañca. Asamena sambuddhena pakāsitā ime sattatiṃsa dhammā sabbe kāyavācādito kāyavācācittato ekasamuṭṭhānā katā samanubhāsanā siyuṃ samuṭṭhānato samanubhāsanasikkhāpadena sadisā siyunti yojanā.
ஸமனுபா⁴ஸனஸமுட்டா²னவண்ணனா.
Samanubhāsanasamuṭṭhānavaṇṇanā.
385. கதி²னானி ச தீணீதி ‘‘நிட்டி²தசீவரஸ்மிங் பி⁴க்கு²னா உப்³ப⁴தஸ்மிங் கதி²னே’’தி (பாரா॰ 462) வுத்தானி ஆதி³தோ தீணி ஸிக்கா²பதா³னி. பத்தோதி ‘‘த³ஸாஹபரமங் அதிரேகபத்தோ’’தி (பாரா॰ 601) வுத்தஸிக்கா²பத³ஞ்ச. பே⁴ஸஜ்ஜமேவ சாதி ‘‘படிஸாயனீயானி பே⁴ஸஜ்ஜானீ’’தி (பாரா॰ 622) வுத்தஸிக்கா²பத³ஞ்ச. அச்சேகம்பி சாதி அச்சேகஸிக்கா²பத³ஞ்ச. ஸாஸங்கந்தி தத³னந்தரமேவ ஸாஸங்கஸிக்கா²பத³ஞ்ச. பக்கமந்தத்³வயம்பி சாதி ‘‘தங் பக்கமந்தோ நேவ உத்³த⁴ரெய்யா’’தி (பாசி॰ 109, 115) பூ⁴தகா³மவக்³கே³ வுத்தஸிக்கா²பத³த்³வயஞ்ச.
385.Kathināni ca tīṇīti ‘‘niṭṭhitacīvarasmiṃ bhikkhunā ubbhatasmiṃ kathine’’ti (pārā. 462) vuttāni ādito tīṇi sikkhāpadāni. Pattoti ‘‘dasāhaparamaṃ atirekapatto’’ti (pārā. 601) vuttasikkhāpadañca. Bhesajjameva cāti ‘‘paṭisāyanīyāni bhesajjānī’’ti (pārā. 622) vuttasikkhāpadañca. Accekampi cāti accekasikkhāpadañca. Sāsaṅkanti tadanantarameva sāsaṅkasikkhāpadañca. Pakkamantadvayampi cāti ‘‘taṃ pakkamanto neva uddhareyyā’’ti (pāci. 109, 115) bhūtagāmavagge vuttasikkhāpadadvayañca.
386. ததா² உபஸ்ஸயங் க³ந்த்வாதி ‘‘பி⁴க்கு²னுபஸ்ஸயங் உபஸங்கமித்வா பி⁴க்கு²னியோ ஓவதெ³ய்யா’’தி (பாசி॰ 158) வுத்தஸிக்கா²பத³ஞ்ச. பரம்பரங் போ⁴ஜனந்தி ‘‘பரம்பரபோ⁴ஜனே பாசித்திய’’ந்தி (பாசி॰ 221) வுத்தஸிக்கா²பத³ஞ்ச. அனதிரித்தந்தி ‘‘அனதிரித்தங் கா²த³னீயங் வா போ⁴ஜனீயங் வா’’தி (பாசி॰ 238) வுத்தஸிக்கா²பத³ஞ்ச. ஸப⁴த்தோதி ‘‘நிமந்திதோ ஸப⁴த்தோ ஸமானோ’’தி (பாசி॰ 299) வுத்தஸிக்கா²பத³ஞ்ச. விகப்பெத்வா ததே²வ சாதி ‘‘சீவரங் விகப்பெத்வா’’தி (பாசி॰ 373) வுத்தஸிக்கா²பத³ஞ்ச.
386.Tathā upassayaṃ gantvāti ‘‘bhikkhunupassayaṃ upasaṅkamitvā bhikkhuniyo ovadeyyā’’ti (pāci. 158) vuttasikkhāpadañca. Paramparaṃ bhojananti ‘‘paramparabhojane pācittiya’’nti (pāci. 221) vuttasikkhāpadañca. Anatirittanti ‘‘anatirittaṃ khādanīyaṃ vā bhojanīyaṃ vā’’ti (pāci. 238) vuttasikkhāpadañca. Sabhattoti ‘‘nimantito sabhatto samāno’’ti (pāci. 299) vuttasikkhāpadañca. Vikappetvā tatheva cāti ‘‘cīvaraṃ vikappetvā’’ti (pāci. 373) vuttasikkhāpadañca.
387. ரஞ்ஞோதி ‘‘ரஞ்ஞோ க²த்தியஸ்ஸா’’தி (பாசி॰ 498) வுத்தஸிக்கா²பத³ஞ்ச. விகாலேதி ‘‘விகாலே கா³மங் பவிஸெய்யா’’தி (பாசி॰ 509-512) வுத்தஸிக்கா²பத³ஞ்ச. வோஸாஸாதி ‘‘வோஸாஸமானரூபா டி²தா’’தி (பாசி॰ 558) வுத்தஸிக்கா²பத³ஞ்ச. ‘‘ஆரஞ்ஞகே உஸ்ஸயவாதி³கா’’தி பத³ச்சே²தோ³. ஆரஞ்ஞகேதி ‘‘ததா²ரூபேஸு ஆரஞ்ஞகேஸு ஸேனாஸனேஸு புப்³பே³ அப்படிஸங்விதி³த’’ந்தி (பாசி॰ 570) வுத்தஸிக்கா²பத³ஞ்ச. உஸ்ஸயவாதி³காதி ‘‘உஸ்ஸயவாதி³கா விஹரெய்யா’’தி (பாசி॰ 679) வுத்தஸிக்கா²பத³ஞ்ச. பத்தஸன்னிசயஞ்சேவாதி ‘‘பத்தஸன்னிசயங் கரெய்யா’’தி (பாசி॰ 734) வுத்தஸிக்கா²பத³ஞ்ச. புரே, பச்சா², விகாலகேதி ‘‘யா பன பி⁴க்கு²னீ புரேப⁴த்தங் குலானி உபஸங்கமித்வா’’தி (பாசி॰ 855) ச ‘‘பச்சா²ப⁴த்தங் குலானி உபஸங்கமித்வா’’தி (பாசி॰ 860) ச ‘‘விகாலே குலானி உபஸங்கமித்வா’’தி (பாசி॰ 865) ச வுத்தஸிக்கா²பத³த்தயஞ்ச.
387.Raññoti ‘‘rañño khattiyassā’’ti (pāci. 498) vuttasikkhāpadañca. Vikāleti ‘‘vikāle gāmaṃ paviseyyā’’ti (pāci. 509-512) vuttasikkhāpadañca. Vosāsāti ‘‘vosāsamānarūpā ṭhitā’’ti (pāci. 558) vuttasikkhāpadañca. ‘‘Āraññake ussayavādikā’’ti padacchedo. Āraññaketi ‘‘tathārūpesu āraññakesu senāsanesu pubbe appaṭisaṃvidita’’nti (pāci. 570) vuttasikkhāpadañca. Ussayavādikāti ‘‘ussayavādikā vihareyyā’’ti (pāci. 679) vuttasikkhāpadañca. Pattasannicayañcevāti ‘‘pattasannicayaṃ kareyyā’’ti (pāci. 734) vuttasikkhāpadañca. Pure, pacchā, vikālaketi ‘‘yā pana bhikkhunī purebhattaṃ kulāni upasaṅkamitvā’’ti (pāci. 855) ca ‘‘pacchābhattaṃ kulāni upasaṅkamitvā’’ti (pāci. 860) ca ‘‘vikāle kulāni upasaṅkamitvā’’ti (pāci. 865) ca vuttasikkhāpadattayañca.
388-9. பஞ்சாஹிகந்தி ‘‘பஞ்சாஹிகங் ஸங்கா⁴டிசாரங் அதிக்கமெய்யா’’தி (பாசி॰ 898) வுத்தஸிக்கா²பத³ஞ்ச. ஸங்கமனிந்தி ‘‘சீவரஸங்கமனீயங் தா⁴ரெய்யா’’தி (பாசி॰ 903) வுத்தஸிக்கா²பத³ஞ்ச. ததா² ஆவஸத²த்³வயந்தி ‘‘ஆவஸத²சீவரங் அனிஸ்ஸஜ்ஜித்வா பரிபு⁴ஞ்ஜெய்ய (பாசி॰ 1004), ஆவஸத²ங் அனிஸ்ஸஜ்ஜித்வா சாரிகங் பக்கமெய்யா’’தி (பாசி॰ 1009) ஏவங் ஆவஸதே²ன ஸத்³தி⁴ங் வுத்தஸிக்கா²பத³த்³வயஞ்ச. பஸாகே²தி ‘‘பஸாகே² ஜாதங் க³ண்ட³ங் வா’’தி (பாசி॰ 1063) வுத்தஸிக்கா²பத³ஞ்ச. ஆஸனே சாதி ‘‘பி⁴க்கு²ஸ்ஸ புரதோ அனாபுச்சா² ஆஸனே நிஸீதெ³ய்யா’’தி (பாசி॰ 1215) வுத்தஸிக்கா²பத³ஞ்சாதி இமே பன ஏகூனதிங்ஸ த⁴ம்மா காயவாசதோ, காயவாசாசித்ததோ ச ஸமுட்டா²னதோ ஸப்³பே³ த்³விஸமுட்டா²னிகா, ததோயேவ கதி²னஸம்ப⁴வா கதி²னஸமுட்டா²னா ஹொந்தீதி யோஜனா.
388-9.Pañcāhikanti ‘‘pañcāhikaṃ saṅghāṭicāraṃ atikkameyyā’’ti (pāci. 898) vuttasikkhāpadañca. Saṅkamaninti ‘‘cīvarasaṅkamanīyaṃ dhāreyyā’’ti (pāci. 903) vuttasikkhāpadañca. Tathā āvasathadvayanti ‘‘āvasathacīvaraṃ anissajjitvā paribhuñjeyya (pāci. 1004), āvasathaṃ anissajjitvā cārikaṃ pakkameyyā’’ti (pāci. 1009) evaṃ āvasathena saddhiṃ vuttasikkhāpadadvayañca. Pasākheti ‘‘pasākhe jātaṃ gaṇḍaṃ vā’’ti (pāci. 1063) vuttasikkhāpadañca. Āsane cāti ‘‘bhikkhussa purato anāpucchā āsane nisīdeyyā’’ti (pāci. 1215) vuttasikkhāpadañcāti ime pana ekūnatiṃsa dhammā kāyavācato, kāyavācācittato ca samuṭṭhānato sabbe dvisamuṭṭhānikā, tatoyeva kathinasambhavā kathinasamuṭṭhānā hontīti yojanā.
கதி²னஸமுட்டா²னவண்ணனா.
Kathinasamuṭṭhānavaṇṇanā.
390. த்³வே ஸெய்யாதி த்³வே ஸஹஸெய்யஸிக்கா²பதா³னி ச. ஆஹச்சபாதோ³ சாதி ஆஹச்சபாத³கஸிக்கா²பத³ஞ்ச. பிண்ட³ஞ்சாதி ஆவஸத²பிண்ட³போ⁴ஜனஸிக்கா²பத³ஞ்ச. க³ணபோ⁴ஜனந்தி க³ணபோ⁴ஜனஸிக்கா²பத³ஞ்ச . விகாலேதி விகாலபோ⁴ஜனஸிக்கா²பத³ஞ்ச. ஸன்னிதி⁴ஞ்சேவாதி ஸன்னிதி⁴காரகஸிக்கா²பத³ஞ்ச. த³ந்தபோனந்தி த³ந்தபோனஸிக்கா²பத³ஞ்ச. அசேலகந்தி அசேலகஸிக்கா²பத³ஞ்ச.
390.Dve seyyāti dve sahaseyyasikkhāpadāni ca. Āhaccapādo cāti āhaccapādakasikkhāpadañca. Piṇḍañcāti āvasathapiṇḍabhojanasikkhāpadañca. Gaṇabhojananti gaṇabhojanasikkhāpadañca . Vikāleti vikālabhojanasikkhāpadañca. Sannidhiñcevāti sannidhikārakasikkhāpadañca. Dantaponanti dantaponasikkhāpadañca. Acelakanti acelakasikkhāpadañca.
391. உய்யுத்தஞ்சாதி ‘‘உய்யுத்தங் ஸேனங் த³ஸ்ஸனாய க³ச்செ²ய்யா’’தி (பாசி॰ 311) வுத்தஸிக்கா²பத³ஞ்ச. ‘‘வஸே உய்யோதி⁴’’ந்தி பத³ச்சே²தோ³. வஸேதி ‘‘ஸேனாய வஸெய்யா’’தி (பாசி॰ 318) வுத்தஸிக்கா²பத³ஞ்ச. உய்யோதி⁴ந்தி ‘‘உய்யோதி⁴கங் வா…பே॰… அனீகத³ஸ்ஸனங் வா க³ச்செ²ய்யா’’தி (பாசி॰ 323) வுத்தஸிக்கா²பத³ஞ்ச . ஸுராதி ஸுராபானஸிக்கா²பத³ஞ்ச. ஓரேன ந்ஹாயனந்தி ஓரேனத்³த⁴மாஸனஹாயனஸிக்கா²பத³ஞ்ச. து³ப்³ப³ண்ணகரணஞ்சேவாதி ‘‘திண்ணங் து³ப்³ப³ண்ணகரணான’’ந்தி (பாசி॰ 368) வுத்தஸிக்கா²பத³ஞ்ச. பாடிதே³ஸனீயத்³வயந்தி வுத்தாவஸேஸங் பாடிதே³ஸனீயத்³வயஞ்ச.
391.Uyyuttañcāti ‘‘uyyuttaṃ senaṃ dassanāya gaccheyyā’’ti (pāci. 311) vuttasikkhāpadañca. ‘‘Vase uyyodhi’’nti padacchedo. Vaseti ‘‘senāya vaseyyā’’ti (pāci. 318) vuttasikkhāpadañca. Uyyodhinti ‘‘uyyodhikaṃ vā…pe… anīkadassanaṃ vā gaccheyyā’’ti (pāci. 323) vuttasikkhāpadañca . Surāti surāpānasikkhāpadañca. Orena nhāyananti orenaddhamāsanahāyanasikkhāpadañca. Dubbaṇṇakaraṇañcevāti ‘‘tiṇṇaṃ dubbaṇṇakaraṇāna’’nti (pāci. 368) vuttasikkhāpadañca. Pāṭidesanīyadvayanti vuttāvasesaṃ pāṭidesanīyadvayañca.
392. லஸுணந்தி லஸுணஸிக்கா²பத³ஞ்ச. உபதிட்டெ²ய்யாதி ‘‘பி⁴க்கு²ஸ்ஸ பு⁴ஞ்ஜந்தஸ்ஸ பானீயேன வா விதூ⁴பனேன வா உபதிட்டெ²ய்யா’’தி (பாசி॰ 816) வுத்தஸிக்கா²பத³ஞ்ச. நச்சத³ஸ்ஸனமேவ சாதி ‘‘நச்சங் வா கீ³தங் வா வாதி³தங் வா த³ஸ்ஸனாய க³ச்செ²ய்யா’’தி (பாசி॰ 834) வுத்தஸிக்கா²பத³ஞ்ச. நக்³க³ந்தி ‘‘நக்³கா³ நஹாயெய்யா’’தி (பாசி॰ 884) வுத்தஸிக்கா²பத³ஞ்ச. அத்த²ரணந்தி ‘‘ஏகத்த²ரணபாவுரணா துவட்டெய்யு’’ந்தி (பாசி॰ 937) வுத்தஸிக்கா²பத³ஞ்ச. மஞ்சேதி ‘‘ஏகமஞ்சே துவட்டெய்யு’’ந்தி (பாசி॰ 933) வுத்தஸிக்கா²பத³ஞ்ச. அந்தோரட்டே²தி ‘‘அந்தோரட்டே² ஸாஸங்கஸம்மதே’’தி (பாசி॰ 962) வுத்தஸிக்கா²பத³ஞ்ச. ததா² ப³ஹீதி ‘‘திரோரட்டே² ஸாஸங்கஸம்மதே’’தி (பாசி॰ 966) வுத்தஸிக்கா²பத³ஞ்ச.
392.Lasuṇanti lasuṇasikkhāpadañca. Upatiṭṭheyyāti ‘‘bhikkhussa bhuñjantassa pānīyena vā vidhūpanena vā upatiṭṭheyyā’’ti (pāci. 816) vuttasikkhāpadañca. Naccadassanameva cāti ‘‘naccaṃ vā gītaṃ vā vāditaṃ vā dassanāya gaccheyyā’’ti (pāci. 834) vuttasikkhāpadañca. Nagganti ‘‘naggā nahāyeyyā’’ti (pāci. 884) vuttasikkhāpadañca. Attharaṇanti ‘‘ekattharaṇapāvuraṇā tuvaṭṭeyyu’’nti (pāci. 937) vuttasikkhāpadañca. Mañceti ‘‘ekamañce tuvaṭṭeyyu’’nti (pāci. 933) vuttasikkhāpadañca. Antoraṭṭheti ‘‘antoraṭṭhe sāsaṅkasammate’’ti (pāci. 962) vuttasikkhāpadañca. Tathā bahīti ‘‘tiroraṭṭhe sāsaṅkasammate’’ti (pāci. 966) vuttasikkhāpadañca.
393. அந்தோவஸ்ஸந்தி ‘‘அந்தோவஸ்ஸங் சாரிகங் சரெய்யா’’தி (பாசி॰ 970) வுத்தஸிக்கா²பத³ஞ்ச. அகா³ரஞ்சாதி ‘‘ராஜாகா³ரங் வா சித்தாகா³ரங் வா…பே॰… பொக்க²ரணிங் வா த³ஸ்ஸனாய க³ச்செ²ய்யா’’தி (பாசி॰ 978) வுத்தஸிக்கா²பத³ஞ்ச. ஆஸந்தி³ந்தி ‘‘ஆஸந்தி³ங் வா பல்லங்கங் வா பரிபு⁴ஞ்ஜெய்யா’’தி (பாசி॰ 983) வுத்தஸிக்கா²பத³ஞ்ச. ஸுத்தகந்தனந்தி ‘‘ஸுத்தங் கந்தெய்யா’’தி (பாசி॰ 987) வுத்தஸிக்கா²பத³ஞ்ச. வெய்யாவச்சந்தி ‘‘கி³ஹிவெய்யாவச்சங் கரெய்யா’’தி (பாசி॰ 991) வுத்தஸிக்கா²பத³ஞ்ச. ஸஹத்தா² சாதி ‘‘அகா³ரிகஸ்ஸ வா பரிப்³பா³ஜகஸ்ஸ வா பரிப்³பா³ஜிகாய வா ஸஹத்தா² கா²த³னீயங் வா போ⁴ஜனீயங் வா த³தெ³ய்யா’’தி (பாசி॰ 1000) வுத்தஸிக்கா²பத³ஞ்ச . ஆவாஸே ச அபி⁴க்கு²கேதி ‘‘அபி⁴க்கு²கே ஆவாஸே வஸ்ஸங் வஸெய்யா’’தி (பாசி॰ 1047) வுத்தஸிக்கா²பத³ஞ்ச.
393.Antovassanti ‘‘antovassaṃ cārikaṃ careyyā’’ti (pāci. 970) vuttasikkhāpadañca. Agārañcāti ‘‘rājāgāraṃ vā cittāgāraṃ vā…pe… pokkharaṇiṃ vā dassanāya gaccheyyā’’ti (pāci. 978) vuttasikkhāpadañca. Āsandinti ‘‘āsandiṃ vā pallaṅkaṃ vā paribhuñjeyyā’’ti (pāci. 983) vuttasikkhāpadañca. Suttakantananti ‘‘suttaṃ kanteyyā’’ti (pāci. 987) vuttasikkhāpadañca. Veyyāvaccanti ‘‘gihiveyyāvaccaṃ kareyyā’’ti (pāci. 991) vuttasikkhāpadañca. Sahatthā cāti ‘‘agārikassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dadeyyā’’ti (pāci. 1000) vuttasikkhāpadañca . Āvāse ca abhikkhuketi ‘‘abhikkhuke āvāse vassaṃ vaseyyā’’ti (pāci. 1047) vuttasikkhāpadañca.
394. ச²த்தந்தி ‘‘ச²த்துபாஹனங் தா⁴ரெய்யா’’தி (பாசி॰ 1178) வுத்தஸிக்கா²பத³ஞ்ச. யானஞ்சாதி ‘‘யானேன யாயெய்யா’’தி (பாசி॰ 1186) வுத்தஸிக்கா²பத³ஞ்ச. ஸங்கா⁴ணிந்தி ‘‘ஸங்கா⁴ணிங் தா⁴ரெய்யா’’தி (பாசி॰ 1191) வுத்தஸிக்கா²பத³ஞ்ச. அலங்காரந்தி ‘‘இத்தா²லங்காரங் தா⁴ரெய்யா’’தி (பாசி॰ 1195) வுத்தஸிக்கா²பத³ஞ்ச. க³ந்த⁴வாஸிதந்தி ‘‘க³ந்த⁴வண்ணகேன நஹாயெய்ய (பாசி॰ 1199), வாஸிதகேன பிஞ்ஞாகேன நஹாயெய்யா’’தி (பாசி॰ 1203) வுத்தஸிக்கா²பத³த்³வயஞ்ச. ‘‘பி⁴க்கு²னீ…பே॰… கி³ஹினியா’’தி ஏதேன ‘‘பி⁴க்கு²னியா உம்மத்³தா³பெய்யா’’திஆதீ³னி (பாசி॰ 1207) சத்தாரி ஸிக்கா²பதா³னி வுத்தானி.
394.Chattanti ‘‘chattupāhanaṃ dhāreyyā’’ti (pāci. 1178) vuttasikkhāpadañca. Yānañcāti ‘‘yānena yāyeyyā’’ti (pāci. 1186) vuttasikkhāpadañca. Saṅghāṇinti ‘‘saṅghāṇiṃ dhāreyyā’’ti (pāci. 1191) vuttasikkhāpadañca. Alaṅkāranti ‘‘itthālaṅkāraṃ dhāreyyā’’ti (pāci. 1195) vuttasikkhāpadañca. Gandhavāsitanti ‘‘gandhavaṇṇakena nahāyeyya (pāci. 1199), vāsitakena piññākena nahāyeyyā’’ti (pāci. 1203) vuttasikkhāpadadvayañca. ‘‘Bhikkhunī…pe… gihiniyā’’ti etena ‘‘bhikkhuniyā ummaddāpeyyā’’tiādīni (pāci. 1207) cattāri sikkhāpadāni vuttāni.
395. ததா²ஸங்கச்சிகாதி ‘‘அஸங்கச்சிகா கா³மங் பவிஸெய்யா’’தி (பாசி॰ 1225) ஏவங் வுத்தஸிக்கா²பத³ஞ்ச. இமே பன தேசத்தாலீஸ த⁴ம்மா ஸப்³பே³ காயசித்தவஸேன த்³விஸமுட்டா²னிகா. ஏளகலோமேன ஸமுட்டா²னதோ ஸமா ஹொந்தீதி யோஜனா.
395.Tathāsaṃkaccikāti ‘‘asaṃkaccikā gāmaṃ paviseyyā’’ti (pāci. 1225) evaṃ vuttasikkhāpadañca. Ime pana tecattālīsa dhammā sabbe kāyacittavasena dvisamuṭṭhānikā. Eḷakalomena samuṭṭhānato samā hontīti yojanā.
ஏளகலோமஸமுட்டா²னவண்ணனா.
Eḷakalomasamuṭṭhānavaṇṇanā.
396-7. அஞ்ஞத்ராதி ‘‘மாதுகா³மஸ்ஸ உத்தரிச²ப்பஞ்சவாசாஹி த⁴ம்மங் தே³ஸெய்ய அஞ்ஞத்ர விஞ்ஞுனா புரிஸவிக்³க³ஹேனா’’தி (பாசி॰ 63) வுத்தஸிக்கா²பத³ஞ்ச. அஸம்மதோ சேவாதி ‘‘அஸம்மதோ பி⁴க்கு²னியோ ஓவதெ³ய்யா’’தி (பாசி॰ 146) வுத்தஸிக்கா²பத³ஞ்ச. ததா² அத்த²ங்க³தேன சாதி ‘‘அத்த²ங்க³தே ஸூரியே பி⁴க்கு²னியோ ஓவதெ³ய்யா’’தி (பாசி॰ 154) வுத்தஸிக்கா²பத³ஞ்ச. திரச்சா²னவிஜ்ஜா த்³வே வுத்தாதி ‘‘திரச்சா²னவிஜ்ஜங் பரியாபுணெய்ய, வாசெய்யா’’தி (பாசி॰ 1014, 1018) ஏவங் வுத்தானி த்³வே ஸிக்கா²பதா³னி ச. அனோகாஸகதம்பி சாதி ‘‘அனோகாஸகதங் பி⁴க்கு²ங் பஞ்ஹங் புச்செ²ய்யா’’தி (பாசி॰ 1220) வுத்தஸிக்கா²பத³ஞ்சாதி இமே பன ஸப்³பே³ ச² த⁴ம்மா வாசதோ, வாசாசித்ததோ சாதி இமேஹி த்³வீஹி ஸமுட்டா²னேஹி ஸமுட்டா²னிகா ஹொந்தி. பத³ஸோத⁴ம்மதுல்யதா அயமேதேஸங் பத³ஸோத⁴ம்மேன ஸதி³ஸபா⁴வோதி யோஜனா.
396-7.Aññatrāti ‘‘mātugāmassa uttarichappañcavācāhi dhammaṃ deseyya aññatra viññunā purisaviggahenā’’ti (pāci. 63) vuttasikkhāpadañca. Asammato cevāti ‘‘asammato bhikkhuniyo ovadeyyā’’ti (pāci. 146) vuttasikkhāpadañca. Tathā atthaṅgatena cāti ‘‘atthaṅgate sūriye bhikkhuniyo ovadeyyā’’ti (pāci. 154) vuttasikkhāpadañca. Tiracchānavijjā dve vuttāti ‘‘tiracchānavijjaṃ pariyāpuṇeyya, vāceyyā’’ti (pāci. 1014, 1018) evaṃ vuttāni dve sikkhāpadāni ca. Anokāsakatampi cāti ‘‘anokāsakataṃ bhikkhuṃ pañhaṃ puccheyyā’’ti (pāci. 1220) vuttasikkhāpadañcāti ime pana sabbe cha dhammā vācato, vācācittato cāti imehi dvīhi samuṭṭhānehi samuṭṭhānikā honti. Padasodhammatulyatā ayametesaṃ padasodhammena sadisabhāvoti yojanā.
பத³ஸோத⁴ம்மஸமுட்டா²னவண்ணனா.
Padasodhammasamuṭṭhānavaṇṇanā.
398-9. ஏகந்தி ‘‘பி⁴க்கு²னியா ஸத்³தி⁴ங் ஸங்விதா⁴ய ஏகத்³தா⁴னமக்³க³ங் படிபஜ்ஜெய்யா’’தி (பாசி॰ 180) வுத்தஸிக்கா²பத³ஞ்ச. நாவந்தி ‘‘ஏகனாவங் அபி⁴ருஹெய்யா’’தி (பாசி॰ 188) வுத்தஸிக்கா²பத³ஞ்ச. பணீதஞ்சாதி ‘‘பணீதபோ⁴ஜனானி அகி³லானோ அத்தனோ அத்தா²ய விஞ்ஞாபெத்வாபு⁴ஞ்ஜெய்யா’’தி (பாசி॰ 259) வுத்தஸிக்கா²பத³ஞ்ச. ஸங்விதா⁴னஞ்சாதி மாதுகா³மேன ஸத்³தி⁴ங் ஸங்விதா⁴ய க³மனஸிக்கா²பத³ஞ்ச. ஸங்ஹரேதி ‘‘ஸம்பா³தே⁴ லோமங் ஸங்ஹராபெய்யா’’தி (பாசி॰ 799) வுத்தஸிக்கா²பத³ஞ்ச. த⁴ஞ்ஞந்தி ‘‘ஆமகத⁴ஞ்ஞங் விஞ்ஞத்வா வா’’தி (பாசி॰ 821) வுத்தஸிக்கா²பத³ஞ்ச. நிமந்திதா சேவாதி ‘‘நிமந்திதா வா பவாரிதா வா கா²த³னீயங் வா போ⁴ஜனீயங் வா கா²தெ³ய்ய வா பு⁴ஞ்ஜெய்ய வா’’தி (பாசி॰ 1038) வுத்தஸிக்கா²பத³ஞ்ச. பாடிதே³ஸனியட்ட²கந்தி பி⁴க்கு²னீனங் வுத்தா அட்ட² பாடிதே³ஸனீயா சேதி பு³த்³த⁴ஸெட்டே²ன பஞ்ஞத்தா ஏதா சுத்³த³ஸ ஸிக்கா² சதுஸமுட்டா²னா காயதோ, காயவாசதோ, காயசித்ததோ, வாசாசித்ததோ சாதி சதூஹி ஸமுட்டா²னேஹி ஸமுட்ட²ஹந்தி. ஸமுட்டா²னதோ அத்³தா⁴னேன அத்³தா⁴னஸிக்கா²பதே³ன ஸமா ஹொந்தீதி மதாதி யோஜனா.
398-9.Ekanti ‘‘bhikkhuniyā saddhiṃ saṃvidhāya ekaddhānamaggaṃ paṭipajjeyyā’’ti (pāci. 180) vuttasikkhāpadañca. Nāvanti ‘‘ekanāvaṃ abhiruheyyā’’ti (pāci. 188) vuttasikkhāpadañca. Paṇītañcāti ‘‘paṇītabhojanāni agilāno attano atthāya viññāpetvābhuñjeyyā’’ti (pāci. 259) vuttasikkhāpadañca. Saṃvidhānañcāti mātugāmena saddhiṃ saṃvidhāya gamanasikkhāpadañca. Saṃhareti ‘‘sambādhe lomaṃ saṃharāpeyyā’’ti (pāci. 799) vuttasikkhāpadañca. Dhaññanti ‘‘āmakadhaññaṃ viññatvā vā’’ti (pāci. 821) vuttasikkhāpadañca. Nimantitā cevāti ‘‘nimantitā vā pavāritā vā khādanīyaṃ vā bhojanīyaṃ vā khādeyya vā bhuñjeyya vā’’ti (pāci. 1038) vuttasikkhāpadañca. Pāṭidesaniyaṭṭhakanti bhikkhunīnaṃ vuttā aṭṭha pāṭidesanīyā ceti buddhaseṭṭhena paññattā etā cuddasa sikkhā catusamuṭṭhānā kāyato, kāyavācato, kāyacittato, vācācittato cāti catūhi samuṭṭhānehi samuṭṭhahanti. Samuṭṭhānato addhānena addhānasikkhāpadena samā hontīti matāti yojanā.
அத்³தா⁴னஸமுட்டா²னவண்ணனா.
Addhānasamuṭṭhānavaṇṇanā.
400-1. ஸுதிந்தி உபஸ்ஸுதிதிட்ட²னஸிக்கா²பத³ஞ்ச. ஸூபாதி³விஞ்ஞத்திந்தி ஸூபோத³னவிஞ்ஞத்திஸிக்கா²பத³ஞ்ச. அந்த⁴காரேதி ‘‘ரத்தந்த⁴காரே அப்பதீ³பே’’தி (பாசி॰ 839) வுத்தஸிக்கா²பத³ஞ்ச. ததே²வ ச படிச்ச²ன்னேதி ‘‘படிச்ச²ன்னே ஓகாஸே’’தி (பாசி॰ 843) வுத்தஸிக்கா²பத³ஞ்ச. ஓகாஸேதி ‘‘அஜ்ஜோ²காஸே புரிஸேன ஸத்³தி⁴’’ந்தி (பாசி॰ 847) ஏவங் வுத்தஸிக்கா²பத³ஞ்ச. ப்³யூஹே சாதி தத³னந்தரமேவ ‘‘ரதி²காய வா ப்³யூஹே வா ஸிங்கா⁴டகே வா புரிஸேன ஸத்³தி⁴’’ந்தி (பாசி॰ 851) ஆக³தஸிக்கா²பத³ஞ்சாதி இமே ஸப்³பே³பி ஆதி³ச்சப³ந்து⁴னா தே³ஸிதா ச² த⁴ம்மா சதுத்த²ச்ச²ட்ட²தோ காயசித்ததோ, காயவாசாசித்ததோ ச ஸமுட்ட²ஹந்தா தெ²ய்யஸத்த²ஸமுட்டா²னா தெ²ய்யஸத்த²ஸிக்கா²பதே³ன ஸமானஸமுட்டா²னா ஸியுந்தி யோஜனா.
400-1.Sutinti upassutitiṭṭhanasikkhāpadañca. Sūpādiviññattinti sūpodanaviññattisikkhāpadañca. Andhakāreti ‘‘rattandhakāre appadīpe’’ti (pāci. 839) vuttasikkhāpadañca. Tatheva ca paṭicchanneti ‘‘paṭicchanne okāse’’ti (pāci. 843) vuttasikkhāpadañca. Okāseti ‘‘ajjhokāse purisena saddhi’’nti (pāci. 847) evaṃ vuttasikkhāpadañca. Byūhe cāti tadanantarameva ‘‘rathikāya vā byūhe vā siṅghāṭake vā purisena saddhi’’nti (pāci. 851) āgatasikkhāpadañcāti ime sabbepi ādiccabandhunā desitā cha dhammā catutthacchaṭṭhato kāyacittato, kāyavācācittato ca samuṭṭhahantā theyyasatthasamuṭṭhānā theyyasatthasikkhāpadena samānasamuṭṭhānā siyunti yojanā.
தெ²ய்யஸத்த²ஸமுட்டா²னவண்ணனா.
Theyyasatthasamuṭṭhānavaṇṇanā.
402. ச²த்த, த³ண்ட³கரஸ்ஸாபீதி ‘‘ந ச²த்தபாணிஸ்ஸ த³ண்ட³பாணிஸ்ஸா’’தி (பாசி॰ 635) வுத்தஸிக்கா²பத³த்³வயஞ்ச. ஸத்தா²வுத⁴கரஸ்ஸாபீதி ‘‘ந ஸத்த²பாணிஸ்ஸ (பாசி॰ 636), ந ஆவுத⁴பாணிஸ்ஸா’’தி (பாசி॰ 637) வுத்தஸிக்கா²பத³த்³வயஞ்ச. பாது³கூபாஹனா, யானந்தி ‘‘ந பாது³காருள்ஹஸ்ஸ (பாசி॰ 638), ந உபாஹனாருள்ஹஸ்ஸ (பாசி॰ 639), ந யானக³தஸ்ஸா’’தி (பாசி॰ 640) வுத்தஸிக்கா²பத³த்தயஞ்ச. ஸெய்யா, பல்லத்தி²காய சாதி ‘‘ந ஸயனக³தஸ்ஸ (பாசி॰ 641), ந பல்லத்தி²காய நிஸின்னஸ்ஸா’’தி (பாசி॰ 642) வுத்தஸிக்கா²பத³த்³வயஞ்ச.
402.Chatta, daṇḍakarassāpīti ‘‘na chattapāṇissa daṇḍapāṇissā’’ti (pāci. 635) vuttasikkhāpadadvayañca. Satthāvudhakarassāpīti ‘‘na satthapāṇissa (pāci. 636), na āvudhapāṇissā’’ti (pāci. 637) vuttasikkhāpadadvayañca. Pādukūpāhanā, yānanti ‘‘na pādukāruḷhassa (pāci. 638), na upāhanāruḷhassa (pāci. 639), na yānagatassā’’ti (pāci. 640) vuttasikkhāpadattayañca. Seyyā, pallatthikāya cāti ‘‘na sayanagatassa (pāci. 641), na pallatthikāya nisinnassā’’ti (pāci. 642) vuttasikkhāpadadvayañca.
403. வேடி²தோகு³ண்டி²தோ சாதி ‘‘ந வேடி²தஸீஸஸ்ஸ (பாசி॰ 643), ந ஓகு³ண்டி²தஸீஸஸ்ஸா’’தி (பாசி॰ 644) வுத்தஸிக்கா²பத³த்³வயஞ்சாதி நித³ஸ்ஸிதா ஸப்³பே³ ஏகாத³ஸ த⁴ம்மா வாசாசித்தஸங்கா²தேன ஏகேன ஸமுட்டா²னேன ஸமுட்டி²தா த⁴ம்மதே³ஸனஸமுட்டா²னாதி ஸஞ்ஞிதா ஸல்லக்கி²தாதி யோஜனா.
403.Veṭhitoguṇṭhito cāti ‘‘na veṭhitasīsassa (pāci. 643), na oguṇṭhitasīsassā’’ti (pāci. 644) vuttasikkhāpadadvayañcāti nidassitā sabbe ekādasa dhammā vācācittasaṅkhātena ekena samuṭṭhānena samuṭṭhitā dhammadesanasamuṭṭhānāti saññitā sallakkhitāti yojanā.
த⁴ம்மதே³ஸனஸமுட்டா²னவண்ணனா.
Dhammadesanasamuṭṭhānavaṇṇanā.
404. ஏவங் தாவ ஸம்பி⁴ன்னஸமுட்டா²னங் வேதி³தப்³ப³ங், நியதஸமுட்டா²னங் திவித⁴ங், தங் ஏகஸ்ஸேவ ஸிக்கா²பத³ஸ்ஸ ஹோதீதி விஸுங்யேவ த³ஸ்ஸேதுமாஹ ‘‘பூ⁴தாரோசனகஞ்சேவா’’திஆதி³. பூ⁴தாரோசனகஞ்சேவாதி தீஹி அசித்தகஸமுட்டா²னேஹி ஸமுட்டி²தங் பூ⁴தாரோசனஸிக்கா²பத³ஞ்ச. சோரிவுட்டா²பனம்பி சாதி வாசாசித்ததோ, காயவாசாசித்ததோ சாதி த்³வீஹி ஸமுட்டி²தங் சோரிவுட்டா²பனஸிக்கா²பத³ஞ்ச. அனநுஞ்ஞாதமேவ அனநுஞ்ஞாதமத்தங். அனநுஞ்ஞாதமத்தந்தி வாசதோ, காயவாசதோ, வாசாசித்ததோ, காயவாசாசித்ததோ சாதி சதூஹி ஸமுட்டி²தங் அனநுஞ்ஞாதஸிக்கா²பத³ஞ்சாதி. இத³ங் தயந்தி இத³ங் ஸிக்கா²பத³த்தயங். அஸம்பி⁴ன்னந்தி கேனசி அஞ்ஞேன ஸிக்கா²பதே³ன அஸம்மிஸ்ஸஸமுட்டா²னங்.
404. Evaṃ tāva sambhinnasamuṭṭhānaṃ veditabbaṃ, niyatasamuṭṭhānaṃ tividhaṃ, taṃ ekasseva sikkhāpadassa hotīti visuṃyeva dassetumāha ‘‘bhūtārocanakañcevā’’tiādi. Bhūtārocanakañcevāti tīhi acittakasamuṭṭhānehi samuṭṭhitaṃ bhūtārocanasikkhāpadañca. Corivuṭṭhāpanampi cāti vācācittato, kāyavācācittato cāti dvīhi samuṭṭhitaṃ corivuṭṭhāpanasikkhāpadañca. Ananuññātameva ananuññātamattaṃ. Ananuññātamattanti vācato, kāyavācato, vācācittato, kāyavācācittato cāti catūhi samuṭṭhitaṃ ananuññātasikkhāpadañcāti. Idaṃ tayanti idaṃ sikkhāpadattayaṃ. Asambhinnanti kenaci aññena sikkhāpadena asammissasamuṭṭhānaṃ.
இதி உத்தரே லீனத்த²பகாஸனியா
Iti uttare līnatthapakāsaniyā
ஸமுட்டா²னஸீஸகதா²வண்ணனா நிட்டி²தா.
Samuṭṭhānasīsakathāvaṇṇanā niṭṭhitā.
