| Library / Tipiṭaka / ਤਿਪਿਟਕ • Tipiṭaka / વਿਨਯવਿਨਿਚ੍ਛਯ-ਟੀਕਾ • Vinayavinicchaya-ṭīkā |
ਸਮੁਟ੍ਠਾਨਸੀਸਕਥਾવਣ੍ਣਨਾ
Samuṭṭhānasīsakathāvaṇṇanā
੩੨੫-੬. ਮਹੇਸਿਨਾ ਦ੍વੀਸੁ વਿਭਙ੍ਗੇਸੁ ਪਞ੍ਞਤ੍ਤਾਨਿ ਯਾਨਿ ਪਾਰਾਜਿਕਾਦੀਨਿ ਸਿਕ੍ਖਾਪਦਾਨਿ ਉਪੋਸਥੇ ਉਦ੍ਦਿਸਨ੍ਤਿ, ਤੇਸਂ ਸਿਕ੍ਖਾਪਦਾਨਂ ਸਮੁਟ੍ਠਾਨਂ ਭਿਕ੍ਖੂਨਂ ਪਾਟવਤ੍ਥਾਯ ਇਤੋ ਪਰਂ ਪવਕ੍ਖਾਮਿ, ਤਂ ਸਮਾਹਿਤਾ ਸੁਣਾਥਾਤਿ ਯੋਜਨਾ।
325-6. Mahesinā dvīsu vibhaṅgesu paññattāni yāni pārājikādīni sikkhāpadāni uposathe uddisanti, tesaṃ sikkhāpadānaṃ samuṭṭhānaṃ bhikkhūnaṃ pāṭavatthāya ito paraṃ pavakkhāmi, taṃ samāhitā suṇāthāti yojanā.
੩੨੭. ਕਾਯੋ ਚ વਾਚਾ ਚ ਕਾਯવਾਚਾ ਚਾਤਿ ਅਚਿਤ੍ਤਕਾਨਿ ਯਾਨਿ ਤੀਣਿ ਸਮੁਟ੍ਠਾਨਾਨਿ, ਤਾਨੇવ ਚਿਤ੍ਤੇਨ ਪਚ੍ਚੇਕਂ ਯੋਜਿਤਾਨਿ ਸਚਿਤ੍ਤਕਾਨਿ ਤੀਣਿ ਸਮੁਟ੍ਠਾਨਾਨਿ ਹੋਨ੍ਤੀਤਿ ਏવਮੇવ ਸਮੁਟ੍ਠਾਨਂ ਪੁਰਿਮਾਨਂ ਦ੍વਿਨ੍ਨਂ વਸੇਨ ਏਕਙ੍ਗਿਕਂ, ਤਤਿਯਚਤੁਤ੍ਥਪਞ੍ਚਮਾਨਂ વਸੇਨ ਦ੍વਙ੍ਗਿਕਂ, ਛਟ੍ਠਸ੍ਸ વਸੇਨ ਤਿવਙ੍ਗਿਕਞ੍ਚਾਤਿ ਏવਂ ਛਧਾ ਸਮੁਟ੍ਠਾਨવਿਧਿਂ વਦਨ੍ਤੀਤਿ ਯੋਜਨਾ। ਕਾਯੋ, વਾਚਾਤਿ ਏਕਙ੍ਗਿਕਂ ਦ੍વਯਂ, ਕਾਯવਾਚਾ , ਕਾਯਚਿਤ੍ਤਂ, વਾਚਾਚਿਤ੍ਤਨ੍ਤਿ ਦੁવਙ੍ਗਿਕਤ੍ਤਯਂ, ਕਾਯવਾਚਾਚਿਤ੍ਤਨ੍ਤਿ ਅਙ੍ਗਭੇਦੇਨ ਤਿવਿਧਮ੍ਪਿ ਅવਯવਭੇਦੇਨ ਸਮੁਟ੍ਠਾਨਭੇਦવਿਧਿਂ ਛਪ੍ਪਕਾਰਂ વਦਨ੍ਤੀਤਿ ਅਧਿਪ੍ਪਾਯੋ।
327. Kāyo ca vācā ca kāyavācā cāti acittakāni yāni tīṇi samuṭṭhānāni, tāneva cittena paccekaṃ yojitāni sacittakāni tīṇi samuṭṭhānāni hontīti evameva samuṭṭhānaṃ purimānaṃ dvinnaṃ vasena ekaṅgikaṃ, tatiyacatutthapañcamānaṃ vasena dvaṅgikaṃ, chaṭṭhassa vasena tivaṅgikañcāti evaṃ chadhā samuṭṭhānavidhiṃ vadantīti yojanā. Kāyo, vācāti ekaṅgikaṃ dvayaṃ, kāyavācā , kāyacittaṃ, vācācittanti duvaṅgikattayaṃ, kāyavācācittanti aṅgabhedena tividhampi avayavabhedena samuṭṭhānabhedavidhiṃ chappakāraṃ vadantīti adhippāyo.
੩੨੮. ਤੇਸੁ ਛਸੁ ਸਮੁਟ੍ਠਾਨੇਸੁ ਏਕੇਨ વਾ ਸਮੁਟ੍ਠਾਨੇਨ ਦ੍વੀਹਿ વਾ ਤੀਹਿ વਾ ਚਤੂਹਿ વਾ ਛਹਿ વਾ ਸਮੁਟ੍ਠਾਨੇਹਿ ਨਾਨਾ ਆਪਤ੍ਤਿਯੋ ਜਾਯਰੇਤਿ ਸਮ੍ਬਨ੍ਧੋ।
328.Tesu chasu samuṭṭhānesu ekena vā samuṭṭhānena dvīhi vā tīhi vā catūhi vā chahi vā samuṭṭhānehi nānā āpattiyo jāyareti sambandho.
੩੨੯. ਤਤ੍ਥ ਤਾਸੁ ਨਾਨਾਪਤ੍ਤੀਸੁ। ਪਞ੍ਚ ਸਮੁਟ੍ਠਾਨਾਨਿ ਏਤਿਸ੍ਸਾਤਿ ਪਞ੍ਚਸਮੁਟ੍ਠਾਨਾ, ਏવਰੂਪਾ ਕਾਚਿ ਆਪਤ੍ਤਿ ਨ વਿਜ੍ਜਤਿ। ਏਕਮੇਕਂ ਸਮੁਟ੍ਠਾਨਂ ਯਾਸਨ੍ਤਿ વਿਗ੍ਗਹੋ। ਪਚ੍ਛਿਮੇਹੇવ ਤੀਹਿਪੀਤਿ ਸਚਿਤ੍ਤਕੇਹੇવ ਤੀਹਿ ਸਮੁਟ੍ਠਾਨੇਹਿ, ਯਾ ਆਪਤ੍ਤਿ ਏਕਸਮੁਟ੍ਠਾਨਾ ਹੋਤਿ, ਸਾ ਸਚਿਤ੍ਤਕਾਨਂ ਤਿਣ੍ਣਮਞ੍ਞਤਰੇਨ ਹੋਤੀਤਿ ਅਧਿਪ੍ਪਾਯੋ।
329.Tattha tāsu nānāpattīsu. Pañca samuṭṭhānāni etissāti pañcasamuṭṭhānā, evarūpā kāci āpatti na vijjati. Ekamekaṃ samuṭṭhānaṃ yāsanti viggaho. Pacchimeheva tīhipīti sacittakeheva tīhi samuṭṭhānehi, yā āpatti ekasamuṭṭhānā hoti, sā sacittakānaṃ tiṇṇamaññatarena hotīti adhippāyo.
੩੩੦-੧. ਤਤਿਯਚ੍ਛਟ੍ਠਤੋਪਿ ਚਾਤਿ ਕਾਯવਾਚਤੋ, ਕਾਯવਾਚਾਚਿਤ੍ਤਤੋ ਚ। ਚਤੁਤ੍ਥਚ੍ਛਟ੍ਠਤੋ ਚੇવਾਤਿ ਕਾਯਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ। ਪਞ੍ਚਮਚ੍ਛਟ੍ਠਤੋਪਿ ਚਾਤਿ વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ। ‘‘ਕਾਯਤੋ ਕਾਯਚਿਤ੍ਤਤੋ’’ਤਿ ਪਠਮਂ ਦ੍વਿਸਮੁਟ੍ਠਾਨਂ, ‘‘વਾਚਤੋ વਾਚਾਚਿਤ੍ਤਤੋ’’ਤਿ ਦੁਤਿਯਂ, ‘‘ਕਾਯવਾਚਤੋ ਕਾਯવਾਚਾਚਿਤ੍ਤਤੋ’’ਤਿ ਤਤਿਯਂ, ‘‘ਕਾਯਚਿਤ੍ਤਤੋ ਕਾਯવਾਚਾਚਿਤ੍ਤਤੋ’’ਤਿ ਚਤੁਤ੍ਥਂ, ‘‘વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ’’ਤਿ ਪਞ੍ਚਮਂ ਦ੍વਿਸਮੁਟ੍ਠਾਨਨ੍ਤਿ ਏવਂ ਪਞ੍ਚਧਾ ਏવ ਠਿਤੇਹਿ ਦ੍વੀਹਿ ਸਮੁਟ੍ਠਾਨੇਹਿ ਏਸਾ ਦ੍વਿਸਮੁਟ੍ਠਾਨਾਪਤ੍ਤਿ ਜਾਯਤੇ ਸਮੁਟ੍ਠਾਤਿ। ਨ ਅਞ੍ਞਤੋਤਿ ਕਾਯਤੋ વਾਚਤੋਤਿ ਏਕਂ, વਾਚਤੋ ਕਾਯવਾਚਤੋਤਿ ਏਕਨ੍ਤਿ ਏવਂ ਯਥਾવੁਤ੍ਤਕ੍ਕਮવਿਪਰਿਯਾਯੇਨ ਯੋਜਿਤੇਹਿ ਅਞ੍ਞੇਹਿ ਸਮੁਟ੍ਠਾਨੇਹਿ ਨ ਸਮੁਟ੍ਠਾਤਿ।
330-1.Tatiyacchaṭṭhatopi cāti kāyavācato, kāyavācācittato ca. Catutthacchaṭṭhato cevāti kāyacittato kāyavācācittato ca. Pañcamacchaṭṭhatopi cāti vācācittato kāyavācācittato ca. ‘‘Kāyato kāyacittato’’ti paṭhamaṃ dvisamuṭṭhānaṃ, ‘‘vācato vācācittato’’ti dutiyaṃ, ‘‘kāyavācato kāyavācācittato’’ti tatiyaṃ, ‘‘kāyacittato kāyavācācittato’’ti catutthaṃ, ‘‘vācācittato kāyavācācittato’’ti pañcamaṃ dvisamuṭṭhānanti evaṃ pañcadhā eva ṭhitehi dvīhi samuṭṭhānehi esā dvisamuṭṭhānāpatti jāyate samuṭṭhāti. Na aññatoti kāyato vācatoti ekaṃ, vācato kāyavācatoti ekanti evaṃ yathāvuttakkamavipariyāyena yojitehi aññehi samuṭṭhānehi na samuṭṭhāti.
੩੩੨. ਪਠਮੇਹਿ ਚ ਤੀਹੀਤਿ ‘‘ਕਾਯਤੋ, વਾਚਤੋ, ਕਾਯવਾਚਤੋ’’ਤਿ ਪਠਮਂ ਨਿਦ੍ਦਿਟ੍ਠੇਹਿ ਤੀਹਿ ਅਚਿਤ੍ਤਕਸਮੁਟ੍ਠਾਨੇਹਿ। ਪਚ੍ਛਿਮੇਹਿ ਚਾਤਿ ‘‘ਕਾਯਚਿਤ੍ਤਤੋ, વਾਚਾਚਿਤ੍ਤਤੋ, ਕਾਯવਾਚਾਚਿਤ੍ਤਤੋ’’ਤਿ ਏવਂ ਪਚ੍ਛਾ વੁਤ੍ਤੇਹਿ ਸਚਿਤ੍ਤਕੇਹਿ ਤੀਹਿ ਸਮੁਟ੍ਠਾਨੇਹਿ। ਨ ਅਞ੍ਞਤੋਤਿ ‘‘ਕਾਯਤੋ, વਾਚਤੋ, ਕਾਯਚਿਤ੍ਤਤੋ, વਾਚਤੋ, ਕਾਯવਾਚਤੋ, ਕਾਯਚਿਤ੍ਤਤੋ’’ਤਿ ਏવਂ વੁਤ੍ਤવਿਪਲ੍ਲਾਸਤੋ ਅਞ੍ਞੇਹਿ ਤੀਹਿ ਸਮੁਟ੍ਠਾਨੇਹਿ ਨ ਸਮੁਟ੍ਠਾਤਿ।
332.Paṭhamehi ca tīhīti ‘‘kāyato, vācato, kāyavācato’’ti paṭhamaṃ niddiṭṭhehi tīhi acittakasamuṭṭhānehi. Pacchimehi cāti ‘‘kāyacittato, vācācittato, kāyavācācittato’’ti evaṃ pacchā vuttehi sacittakehi tīhi samuṭṭhānehi. Na aññatoti ‘‘kāyato, vācato, kāyacittato, vācato, kāyavācato, kāyacittato’’ti evaṃ vuttavipallāsato aññehi tīhi samuṭṭhānehi na samuṭṭhāti.
੩੩੩-੪. ਪਠਮਾ ਤਤਿਯਾ ਚੇવ, ਚਤੁਤ੍ਥਚ੍ਛਟ੍ਠਤੋਪਿ ਚਾਤਿ ਕਾਯਤੋ, ਕਾਯવਾਚਤੋ, ਕਾਯਚਿਤ੍ਤਤੋ, ਕਾਯવਾਚਾਚਿਤ੍ਤਤੋਤਿ ਏਤੇਹਿ ਚਤੂਹਿ ਸਮੁਟ੍ਠਾਨੇਹਿ ਚੇવ। ਦੁਤਿਯਾ…ਪੇ॰… ਚ੍ਛਟ੍ਠਤੋਪਿ ਚਾਤਿ વਾਚਤੋ, ਕਾਯવਾਚਤੋ, વਾਚਾਚਿਤ੍ਤਤੋ, ਕਾਯવਾਚਾਚਿਤ੍ਤਤੋਤਿ ਇਮੇਹਿ ਚਤੂਹਿ ਚਾਤਿ ਚਤੁਸਮੁਟ੍ਠਾਨੇਨਾਪਤ੍ਤਿ।
333-4.Paṭhamā tatiyā ceva, catutthacchaṭṭhatopi cāti kāyato, kāyavācato, kāyacittato, kāyavācācittatoti etehi catūhi samuṭṭhānehi ceva. Dutiyā…pe… cchaṭṭhatopi cāti vācato, kāyavācato, vācācittato, kāyavācācittatoti imehi catūhi cāti catusamuṭṭhānenāpatti.
ਸਾ ਏવਂ ਦ੍વਿਧਾ ਠਿਤੇਹਿ ਚਤੂਹਿ ਸਮੁਟ੍ਠਾਨੇਹਿ ਜਾਯਤੇ। ਨ ਪਨਞ੍ਞਤੋਤਿ ‘‘ਕਾਯਤੋ, વਾਚਤੋ, ਕਾਯવਾਚਤੋ, ਕਾਯਚਿਤ੍ਤਤੋ’’ਤਿ ਏવਮਾਦਿਨਾ વਿਪਲ੍ਲਾਸਨਯੇਨ ਯੋਜਿਤੇਹਿ ਚਤੂਹਿ ਸਮੁਟ੍ਠਾਨੇਹਿ ਨ ਸਮੁਟ੍ਠਾਤਿ। ਛ ਸਮੁਟ੍ਠਾਨਾਨਿ ਯਸ੍ਸਾ ਸਾ ਛਸਮੁਟ੍ਠਾਨਾ। ਸਚਿਤ੍ਤਕੇਹਿ ਤੀਹਿ, ਅਚਿਤ੍ਤਕੇਹਿ ਤੀਹੀਤਿ ਛਹਿ ਏવ ਸਮੁਟ੍ਠਾਨੇਹਿ ਸਮੁਟ੍ਠਾਤੀਤਿ। ਪਕਾਰਨ੍ਤਰਾਭਾવਾ ਇਧ ‘‘ਨ ਅਞ੍ਞਤੋ’’ਤਿ ਨ વੁਤ੍ਤਂ।
Sā evaṃ dvidhā ṭhitehi catūhi samuṭṭhānehi jāyate. Na panaññatoti ‘‘kāyato, vācato, kāyavācato, kāyacittato’’ti evamādinā vipallāsanayena yojitehi catūhi samuṭṭhānehi na samuṭṭhāti. Cha samuṭṭhānāni yassā sā chasamuṭṭhānā. Sacittakehi tīhi, acittakehi tīhīti chahi eva samuṭṭhānehi samuṭṭhātīti. Pakārantarābhāvā idha ‘‘na aññato’’ti na vuttaṃ.
ਆਹ ਚ ਅਟ੍ਠਕਥਾਚਰਿਯੋ ਮਾਤਿਕਟ੍ਠਕਥਾਯਂ।
Āha ca aṭṭhakathācariyo mātikaṭṭhakathāyaṃ.
੩੩੫. ਸਮੁਟ੍ਠਾਤਿ ਏਤਸ੍ਮਾਤਿ ਸਮੁਟ੍ਠਾਨਂ, ਕਾਯਾਦਿ ਛਬ੍ਬਿਧਂ, ਏਕਂ ਸਮੁਟ੍ਠਾਨਂ ਕਾਰਣਂ ਯਸ੍ਸਾ ਸਾ ਏਕਸਮੁਟ੍ਠਾਨਾ। ਪਕਾਰਨ੍ਤਰਾਭਾવਾ ਤਿਧਾ। ਕਥਂ? ਸਚਿਤ੍ਤਕਾਨਂ ਤਿਣ੍ਣਂ ਸਮੁਟ੍ਠਾਨਾਨਂ વਸੇਨ ਤਿવਿਧਾ। ਦ੍વੀਹਿ ਸਮੁਟ੍ਠਾਨੇਹਿ ਸਮੁਟ੍ਠਿਤਾ ਦ੍વਿਸਮੁਟ੍ਠਿਤਾ, ਦ੍વਿਸਮੁਟ੍ਠਾਨਾਪਤ੍ਤੀਤਿ ਅਤ੍ਥੋ। ਪਞ੍ਚਧਾਤਿ વੁਤ੍ਤਨਯੇਨ ਪਞ੍ਚਪ੍ਪਕਾਰਾ। ਤੀਣਿ ਸਮੁਟ੍ਠਾਨਾਨਿ ਯਸ੍ਸਾ ਸਾ ਤਿਸਮੁਟ੍ਠਾਨਾ, ਚਤ੍ਤਾਰਿ ਸਮੁਟ੍ਠਾਨਾਨਿ ਯਸ੍ਸਾ ਸਾ ਚਤੁਰੁਟ੍ਠਾਨਾ, ਤਿਸਮੁਟ੍ਠਾਨਾ ਚ ਚਤੁਰੁਟ੍ਠਾਨਾ ਚ ਤਿਚਤੁਰੁਟ੍ਠਾਨਾਤਿ ਏਕਦੇਸਸਰੂਪੇਕਸੇਸੋ, ਤਿਸਮੁਟ੍ਠਾਨਾ ਦ੍વਿਧਾ વਿਭਤ੍ਤਾ, ਚਤੁਸਮੁਟ੍ਠਾਨਾ ਚ ਦ੍વਿਧਾ ਏવ વਿਭਤ੍ਤਾਤਿ ਅਤ੍ਥੋ। ਛਹਿ ਸਮੁਟ੍ਠਾਨੇਹਿ ਸਮੁਟ੍ਠਿਤਾ ਛਸਮੁਟ੍ਠਿਤਾ, ਛਸਮੁਟ੍ਠਾਨਾਤਿ ਅਤ੍ਥੋ। ਏਕਧਾਤਿ ਪਕਾਰਨ੍ਤਰਾਭਾવਾ ਏਕਧਾવ ਠਿਤਾਤਿ ਅਧਿਪ੍ਪਾਯੋ।
335. Samuṭṭhāti etasmāti samuṭṭhānaṃ, kāyādi chabbidhaṃ, ekaṃ samuṭṭhānaṃ kāraṇaṃ yassā sā ekasamuṭṭhānā. Pakārantarābhāvā tidhā. Kathaṃ? Sacittakānaṃ tiṇṇaṃ samuṭṭhānānaṃ vasena tividhā. Dvīhi samuṭṭhānehi samuṭṭhitā dvisamuṭṭhitā, dvisamuṭṭhānāpattīti attho. Pañcadhāti vuttanayena pañcappakārā. Tīṇi samuṭṭhānāni yassā sā tisamuṭṭhānā, cattāri samuṭṭhānāni yassā sā caturuṭṭhānā, tisamuṭṭhānā ca caturuṭṭhānā ca ticaturuṭṭhānāti ekadesasarūpekaseso, tisamuṭṭhānā dvidhā vibhattā, catusamuṭṭhānā ca dvidhā eva vibhattāti attho. Chahi samuṭṭhānehi samuṭṭhitā chasamuṭṭhitā, chasamuṭṭhānāti attho. Ekadhāti pakārantarābhāvā ekadhāva ṭhitāti adhippāyo.
੩੩੬. ਸਬ੍ਬਾ ਆਪਤ੍ਤਿਯੋ ਸਮੁਟ੍ਠਾਨવਿਸੇਸਤੋ ਏવਂ ਤੇਰਸਧਾ ਠਿਤਾਨਂ ਸਮੁਟ੍ਠਾਨਭੇਦਾਨਂ ਨਾਨਤ੍ਤਤੋ ਤੇਹਿ ਸਮੁਟ੍ਠਿਤਾਨਂ ਪਠਮਂ ਪਞ੍ਞਤ੍ਤਤ੍ਤਾ ਸੀਸਭੂਤਾਨਂ ਸਿਕ੍ਖਾਪਦਾਨਂ વਸੇਨ ਤੇਰਸੇવ ਨਾਮਾਨਿ ਲਭਨ੍ਤਿ, ਤਾਨਿ ਇਤੋ ਪਰਂ વਕ੍ਖਾਮੀਤਿ ਯੋਜਨਾ।
336.Sabbā āpattiyo samuṭṭhānavisesato evaṃ terasadhā ṭhitānaṃ samuṭṭhānabhedānaṃ nānattato tehi samuṭṭhitānaṃ paṭhamaṃ paññattattā sīsabhūtānaṃ sikkhāpadānaṃ vasena teraseva nāmāni labhanti, tāni ito paraṃ vakkhāmīti yojanā.
੩੩੭. ਪਠਮਨ੍ਤਿਮવਤ੍ਥੁਞ੍ਚਾਤਿ ਪਠਮਪਾਰਾਜਿਕਸਮੁਟ੍ਠਾਨਂ। ਦੁਤਿਯਨ੍ਤਿ ਅਦਿਨ੍ਨਾਦਾਨਸਮੁਟ੍ਠਾਨਂ। ਸਞ੍ਚਰਿਤ੍ਤਕਨ੍ਤਿ ਸਞ੍ਚਰਿਤ੍ਤਸਮੁਟ੍ਠਾਨਂ। ਸਮਨੁਭਾਸਨਨ੍ਤਿ ਸਮਨੁਭਾਸਨਸਮੁਟ੍ਠਾਨਂ। ‘‘ਕਥਿਨਂ ਏਲ਼ਕਲੋਮਕ’’ਨ੍ਤਿ ਪਦਚ੍ਛੇਦੋ, ਕਥਿਨਸਮੁਟ੍ਠਾਨਂ ਏਲ਼ਕਲੋਮਸਮੁਟ੍ਠਾਨਞ੍ਚ।
337.Paṭhamantimavatthuñcāti paṭhamapārājikasamuṭṭhānaṃ. Dutiyanti adinnādānasamuṭṭhānaṃ. Sañcarittakanti sañcarittasamuṭṭhānaṃ. Samanubhāsananti samanubhāsanasamuṭṭhānaṃ. ‘‘Kathinaṃ eḷakalomaka’’nti padacchedo, kathinasamuṭṭhānaṃ eḷakalomasamuṭṭhānañca.
੩੩੮. ਪਦਸੋਧਮ੍ਮਨ੍ਤਿ ਪਦਸੋਧਮ੍ਮਸਮੁਟ੍ਠਾਨਂ। ਅਦ੍ਧਾਨਂ ਥੇਯ੍ਯਸਤ੍ਥਨ੍ਤਿ ਅਦ੍ਧਾਨਸਮੁਟ੍ਠਾਨਂ ਥੇਯ੍ਯਸਤ੍ਥਸਮੁਟ੍ਠਾਨਂ। ਦੇਸਨਾਤਿ ਧਮ੍ਮਦੇਸਨਾਸਮੁਟ੍ਠਾਨਂ। ਭੂਤਾਰੋਚਨਕਨ੍ਤਿ ਭੂਤਾਰੋਚਨਸਮੁਟ੍ਠਾਨਂ। ਚੋਰਿવੁਟ੍ਠਾਪਨਨ੍ਤਿ ਚੋਰਿવੁਟ੍ਠਾਪਨਸਮੁਟ੍ਠਾਨਂ।
338.Padasodhammanti padasodhammasamuṭṭhānaṃ. Addhānaṃ theyyasatthanti addhānasamuṭṭhānaṃ theyyasatthasamuṭṭhānaṃ. Desanāti dhammadesanāsamuṭṭhānaṃ. Bhūtārocanakanti bhūtārocanasamuṭṭhānaṃ. Corivuṭṭhāpananti corivuṭṭhāpanasamuṭṭhānaṃ.
੩੩੯. ਅਨਨੁਞ੍ਞਾਤਕਞ੍ਚਾਤਿ ਅਨਨੁਞ੍ਞਾਤਕਸਮੁਟ੍ਠਾਨਞ੍ਚਾਤਿ ਏਤਾਨਿ ਤੇਰਸ ਤੇਹਿ ਸਮੁਟ੍ਠਾਨੇਹਿ ਸਮੁਟ੍ਠਿਤਾਨਂ ਤੇਸਂ ਸਿਕ੍ਖਾਪਦਾਨਂ ਪਠਮਂ ਪਠਮਂ ਨਿਦ੍ਦਿਟ੍ਠਾਨਂ ਪਠਮਪਾਰਾਜਿਕਾਦਿਸਿਕ੍ਖਾਪਦਸਮੁਟ੍ਠਾਨਾਨਂ ਇਤਰੇਸਂ ਪੁਬ੍ਬਙ੍ਗਮਭਾવਤੋ ‘‘ਸੀਸਾਨੀ’’ਤਿ વੁਤ੍ਤਾਨਿ। ਯਥਾਹ ਪਰਿવਾਰਟ੍ਠਕਥਾਯਂ ‘‘ਪਠਮਪਾਰਾਜਿਕਂ ਨਾਮ ਏਕਂ ਸਮੁਟ੍ਠਾਨਸੀਸਂ, ਸੇਸਾਨਿ ਤੇਨ ਸਦਿਸਾਨੀ’’ਤਿਆਦਿ (ਪਰਿ॰ ਅਟ੍ਠ॰ ੨੫੮)। ਤੇਰਸੇਤੇ ਸਮੁਟ੍ਠਾਨਨਯਾਤਿ ਏਤੇ ਸੀਸવਸੇਨ ਦਸ੍ਸਿਤਾ ਤੇਰਸ ਸਮੁਟ੍ਠਾਨਨਯਾ। વਿਞ੍ਞੂਹਿ ਉਪਾਲਿਤ੍ਥੇਰਾਦੀਹਿ।
339.Ananuññātakañcāti ananuññātakasamuṭṭhānañcāti etāni terasa tehi samuṭṭhānehi samuṭṭhitānaṃ tesaṃ sikkhāpadānaṃ paṭhamaṃ paṭhamaṃ niddiṭṭhānaṃ paṭhamapārājikādisikkhāpadasamuṭṭhānānaṃ itaresaṃ pubbaṅgamabhāvato ‘‘sīsānī’’ti vuttāni. Yathāha parivāraṭṭhakathāyaṃ ‘‘paṭhamapārājikaṃ nāma ekaṃ samuṭṭhānasīsaṃ, sesāni tena sadisānī’’tiādi (pari. aṭṭha. 258). Terasete samuṭṭhānanayāti ete sīsavasena dassitā terasa samuṭṭhānanayā. Viññūhi upālittherādīhi.
੩੪੦. ਤਤ੍ਥ ਤੇਰਸਸੁ ਸਮੁਟ੍ਠਾਨਸੀਸੇਸੁ। ਯਾਤਿ ਯਾ ਪਨ ਆਪਤ੍ਤਿ। ਆਦਿਪਾਰਾਜਿਕੁਟ੍ਠਾਨਾਤਿ ਪਠਮਪਾਰਾਜਿਕਸਮੁਟ੍ਠਾਨਾ।
340.Tattha terasasu samuṭṭhānasīsesu. Yāti yā pana āpatti. Ādipārājikuṭṭhānāti paṭhamapārājikasamuṭṭhānā.
੩੪੧. ਅਦਿਨ੍ਨਾਦਾਨ-ਸਦ੍ਦੋ ਪੁਬ੍ਬਕੋ ਪਠਮੋ ਏਤਿਸ੍ਸਾ ਤਂਸਮੁਟ੍ਠਾਨਾਪਤ੍ਤਿਯਾਤਿ ਅਦਿਨ੍ਨਾਦਾਨਪੁਬ੍ਬਕਾ, ਅਦਿਨ੍ਨਾਦਾਨਸਮੁਟ੍ਠਾਨਾਤਿ ਉਦ੍ਦਿਟ੍ਠਾਤਿ ਯੋਜਨਾ।
341. Adinnādāna-saddo pubbako paṭhamo etissā taṃsamuṭṭhānāpattiyāti adinnādānapubbakā, adinnādānasamuṭṭhānāti uddiṭṭhāti yojanā.
੩੪੨. ਜਾਤੂਤਿ ਏਕਂਸੇਨ।
342.Jātūti ekaṃsena.
੩੪੩. ਅਯਂ ਸਮੁਟ੍ਠਾਨવਸੇਨ ‘‘ਸਮਨੁਭਾਸਨਾਸਮੁਟ੍ਠਾਨਾ’’ਤਿ વੁਤ੍ਤਾਤਿ ਯੋਜਨਾ।
343. Ayaṃ samuṭṭhānavasena ‘‘samanubhāsanāsamuṭṭhānā’’ti vuttāti yojanā.
੩੪੪. ਕਥਿਨ-ਸਦ੍ਦੋ ਉਪਪਦੋ ਯਸ੍ਸਾ ਤਂਸਮੁਟ੍ਠਾਨਾਯ ਆਪਤ੍ਤਿਯਾ ਸਾ ਕਥਿਨੁਪਪਦਾ, ਕਥਿਨਸਮੁਟ੍ਠਾਨਾਤਿ ਮਤਾ ਞਾਤਾ, ਅਯਂ ਸਮੁਟ੍ਠਾਨવਸੇਨ ‘‘ਕਥਿਨਸਮੁਟ੍ਠਾਨਾ’’ਤਿ ਞਾਤਾਤਿ ਅਤ੍ਥੋ।
344. Kathina-saddo upapado yassā taṃsamuṭṭhānāya āpattiyā sā kathinupapadā, kathinasamuṭṭhānāti matā ñātā, ayaṃ samuṭṭhānavasena ‘‘kathinasamuṭṭhānā’’ti ñātāti attho.
੩੪੫. ਏਲ਼ਕਲੋਮ-ਸਦ੍ਦੋ ਆਦਿ ਯਸ੍ਸਾ ਤਂਸਮੁਟ੍ਠਾਨਾਪਤ੍ਤਿਯਾ ਸਾ ਏਲ਼ਕਲੋਮਾਦਿਸਮੁਟ੍ਠਾਨਾਤਿ ਅਤ੍ਥੋ।
345. Eḷakaloma-saddo ādi yassā taṃsamuṭṭhānāpattiyā sā eḷakalomādisamuṭṭhānāti attho.
੩੪੯. ਏਤ੍ਥ ਸਮੁਟ੍ਠਾਨੇਸੁ।
349.Ettha samuṭṭhānesu.
੩੫੦. ਭੂਤਾਰੋਚਨ-ਸਦ੍ਦੋ ਪੁਬ੍ਬਭਾਗੋ ਏਤਿਸ੍ਸਾ ਤਂਸਮੁਟ੍ਠਾਨਾਯ ਆਪਤ੍ਤਿਯਾਤਿ ਭੂਤਾਰੋਚਨਪੁਬ੍ਬਕਾ, ਭੂਤਾਰੋਚਨਸਮੁਟ੍ਠਾਨਾਤਿ ਅਤ੍ਥੋ।
350. Bhūtārocana-saddo pubbabhāgo etissā taṃsamuṭṭhānāya āpattiyāti bhūtārocanapubbakā, bhūtārocanasamuṭṭhānāti attho.
੩੫੧. ਸਮੁਟ੍ਠਾਨਂ ਸਮੁਟ੍ਠਿਤਂ, ਚੋਰਿવੁਟ੍ਠਾਪਨਂ ਸਮੁਟ੍ਠਿਤਂ ਯਸ੍ਸਾ ਸਾ ਚੋਰਿવੁਟ੍ਠਾਪਨਸਮੁਟ੍ਠਿਤਾ, ਚੋਰਿવੁਟ੍ਠਾਪਨਸਮੁਟ੍ਠਾਨਾਤਿ ਅਤ੍ਥੋ।
351. Samuṭṭhānaṃ samuṭṭhitaṃ, corivuṭṭhāpanaṃ samuṭṭhitaṃ yassā sā corivuṭṭhāpanasamuṭṭhitā, corivuṭṭhāpanasamuṭṭhānāti attho.
੩੫੩. ਤਤ੍ਥਾਤਿ ਤੇਰਸਸਮੁਟ੍ਠਾਨਸੀਸੇਸੁ, ‘‘ਸਮੁਟ੍ਠਾਨਂ ਸਚਿਤ੍ਤਕ’’ਨ੍ਤਿ ਇਦਂ ‘‘ਪਠਮ’’ਨ੍ਤਿਆਦੀਹਿ ਪਚ੍ਚੇਕਂ ਯੋਜੇਤਬ੍ਬਂ। ਪਠਮਂ ਸਮੁਟ੍ਠਾਨਨ੍ਤਿ ਪਠਮਪਾਰਾਜਿਕਸਮੁਟ੍ਠਾਨਂ। ਦੁਤਿਯਂ ਸਮੁਟ੍ਠਾਨਨ੍ਤਿ ਅਦਿਨ੍ਨਾਦਾਨਸਮੁਟ੍ਠਾਨਂ। ਚਤੁਤ੍ਥਂ ਸਮੁਟ੍ਠਾਨਨ੍ਤਿ ਸਮਨੁਭਾਸਨਸਮੁਟ੍ਠਾਨਂ। ਨવਮਂ ਸਮੁਟ੍ਠਾਨਨ੍ਤਿ ਥੇਯ੍ਯਸਤ੍ਥਸਮੁਟ੍ਠਾਨਂ। ਦਸਮਂ ਸਮੁਟ੍ਠਾਨਨ੍ਤਿ ਧਮ੍ਮਦੇਸਨਾਸਮੁਟ੍ਠਾਨਂ। ਦ੍વਾਦਸਮਂ ਸਮੁਟ੍ਠਾਨਨ੍ਤਿ ਚੋਰਿવੁਟ੍ਠਾਪਨਸਮੁਟ੍ਠਾਨਂ।
353.Tatthāti terasasamuṭṭhānasīsesu, ‘‘samuṭṭhānaṃ sacittaka’’nti idaṃ ‘‘paṭhama’’ntiādīhi paccekaṃ yojetabbaṃ. Paṭhamaṃ samuṭṭhānanti paṭhamapārājikasamuṭṭhānaṃ. Dutiyaṃ samuṭṭhānanti adinnādānasamuṭṭhānaṃ. Catutthaṃ samuṭṭhānanti samanubhāsanasamuṭṭhānaṃ. Navamaṃ samuṭṭhānanti theyyasatthasamuṭṭhānaṃ. Dasamaṃ samuṭṭhānanti dhammadesanāsamuṭṭhānaṃ. Dvādasamaṃ samuṭṭhānanti corivuṭṭhāpanasamuṭṭhānaṃ.
੩੫੪. ਸਮੁਟ੍ਠਾਨੇਤਿ ਸਮੁਟ੍ਠਾਨਸੀਸੇ। ਸਦਿਸਾਤਿ ਤੇਨ ਤੇਨ ਸਮੁਟ੍ਠਾਨਸੀਸੇਨ ਸਮੁਟ੍ਠਾਨਾ ਆਪਤ੍ਤਿਯੋ। ਇਧਾਤਿ ਇਮਸ੍ਮਿਂ ਸਮੁਟ੍ਠਾਨવਿਨਿਚ੍ਛਯੇ। ਦਿਸ੍ਸਰੇਤਿ ਦਿਸ੍ਸਨ੍ਤੇ, ਦਿਸ੍ਸਨ੍ਤੀਤਿ ਅਤ੍ਥੋ। ਅਥ વਾ ਇਧ ਦਿਸ੍ਸਰੇਤਿ ਇਧ ਉਭਤੋવਿਭਙ੍ਗੇ ਏਤੇਸੁ ਤੇਰਸਸਮੁਟ੍ਠਾਨੇਸੁ ਏਕੇਕਸ੍ਮਿਂ ਅਞ੍ਞਾਨਿਪਿ ਸਦਿਸਾਨਿ ਸਮੁਟ੍ਠਾਨਾਨਿ ਦਿਸ੍ਸਨ੍ਤੀਤਿ ਅਤ੍ਥੋ। ਇਦਾਨਿ ਤਾਨਿ ਸਰੂਪਤੋ ਨਿਦਸ੍ਸੇਤੁਮਾਹ ‘‘ਸੁਕ੍ਕਞ੍ਚਾ’’ਤਿਆਦਿ। ਤਤ੍ਥ ਸੁਕ੍ਕਨ੍ਤਿ ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦਂ। ਏਸ ਨਯੋ ‘‘ਕਾਯਸਂਸਗ੍ਗੋ’’ਤਿਆਦੀਸੁਪਿ। ਯਦੇਤ੍ਥ ਦੁવਿਞ੍ਞੇਯ੍ਯਂ, ਤਂ વਕ੍ਖਾਮ।
354.Samuṭṭhāneti samuṭṭhānasīse. Sadisāti tena tena samuṭṭhānasīsena samuṭṭhānā āpattiyo. Idhāti imasmiṃ samuṭṭhānavinicchaye. Dissareti dissante, dissantīti attho. Atha vā idha dissareti idha ubhatovibhaṅge etesu terasasamuṭṭhānesu ekekasmiṃ aññānipi sadisāni samuṭṭhānāni dissantīti attho. Idāni tāni sarūpato nidassetumāha ‘‘sukkañcā’’tiādi. Tattha sukkanti sukkavissaṭṭhisikkhāpadaṃ. Esa nayo ‘‘kāyasaṃsaggo’’tiādīsupi. Yadettha duviññeyyaṃ, taṃ vakkhāma.
੩੫੫. ਪੁਬ੍ਬੁਪਪਰਿਪਾਕੋ ਚਾਤਿ ‘‘ਜਾਨਂ ਪੁਬ੍ਬੁਪਗਤਂ ਭਿਕ੍ਖੁ’’ਨ੍ਤਿ (ਪਾਚਿ॰ ੧੨੦) ਸਿਕ੍ਖਾਪਦਞ੍ਚ ‘‘ਭਿਕ੍ਖੁਨਿਪਰਿਪਾਚਿਤ’’ਨ੍ਤਿ (ਪਾਚਿ॰ ੧੯੨, ੧੯੪) ਪਿਣ੍ਡਪਾਤਸਿਕ੍ਖਾਪਦਞ੍ਚ। ਰਹੋ ਭਿਕ੍ਖੁਨਿਯਾਸਹਾਤਿ ਭਿਕ੍ਖੁਨਿਯਾ ਸਦ੍ਧਿਂ ਰਹੋ ਨਿਸਜ੍ਜਸਿਕ੍ਖਾਪਦਞ੍ਚ। ਸਭੋਜਨੇ, ਰਹੋ ਦ੍વੇ ਚਾਤਿ ਸਭੋਜਨੇ ਕੁਲੇ ਅਨੁਪਖਜ੍ਜਸਿਕ੍ਖਾਪਦਞ੍ਚ ਦ੍વੇ ਰਹੋਨਿਸਜ੍ਜਸਿਕ੍ਖਾਪਦਾਨਿ ਚ। ਅਙ੍ਗੁਲੀ ਉਦਕੇ ਹਸਨ੍ਤਿ ਅਙ੍ਗੁਲਿਪਤੋਦਞ੍ਚ ਉਦਕਹਸਧਮ੍ਮਸਿਕ੍ਖਾਪਦਞ੍ਚ।
355.Pubbupaparipāko cāti ‘‘jānaṃ pubbupagataṃ bhikkhu’’nti (pāci. 120) sikkhāpadañca ‘‘bhikkhuniparipācita’’nti (pāci. 192, 194) piṇḍapātasikkhāpadañca. Raho bhikkhuniyāsahāti bhikkhuniyā saddhiṃ raho nisajjasikkhāpadañca. Sabhojane, raho dve cāti sabhojane kule anupakhajjasikkhāpadañca dve rahonisajjasikkhāpadāni ca. Aṅgulī udake hasanti aṅgulipatodañca udakahasadhammasikkhāpadañca.
੩੫੬. ਪਹਾਰੇ ਉਗ੍ਗਿਰੇ ਚੇવਾਤਿ ਪਹਾਰਦਾਨਸਿਕ੍ਖਾਪਦਞ੍ਚ ਤਲਸਤ੍ਤਿਉਗ੍ਗਿਰਣਸਿਕ੍ਖਾਪਦਞ੍ਚ। ਤੇਪਞ੍ਞਾਸਾ ਚ ਸੇਖਿਯਾਤਿ ਪਞ੍ਚਸਤ੍ਤਤਿਸੇਖਿਯਾਸੁ વਕ੍ਖਮਾਨਾਨਿ ਉਜ੍ਜਗ੍ਘਿਕਾਦੀਨਿ ਸਮਨੁਭਾਸਨਸਮੁਟ੍ਠਾਨਾਨਿ ਦਸ, ਛਤ੍ਤਪਾਣਿਆਦੀਨਿ ਧਮ੍ਮਦੇਸਨਾਸਮੁਟ੍ਠਾਨਾਨਿ ਏਕਾਦਸ, ਥੇਯ੍ਯਸਤ੍ਥਸਮੁਟ੍ਠਾਨਂ , ਸੂਪੋਦਨવਿਞ੍ਞਤ੍ਤਿਸਿਕ੍ਖਾਪਦਞ੍ਚਾਤਿ ਬਾવੀਸਤਿ ਸਿਕ੍ਖਾਪਦਾਨਿ ਠਪੇਤ੍વਾ ਪਰਿਮਣ੍ਡਲਨਿવਾਸਨਾਦੀਨਿ ਇਤਰਾਨਿ ਤੇਪਞ੍ਞਾਸ ਸੇਖਿਯਸਿਕ੍ਖਾਪਦਾਨਿ ਚ। ਅਧਕ੍ਖਕੁਬ੍ਭਜਾਣੁਞ੍ਚਾਤਿ ਭਿਕ੍ਖੁਨੀਨਂ ਅਧਕ੍ਖਕਉਬ੍ਭਜਾਣੁਸਿਕ੍ਖਾਪਦਞ੍ਚ। ਗਾਮਨ੍ਤਰਮવਸ੍ਸੁਤਾਤਿ ਗਾਮਨ੍ਤਰਗਮਨਂ, ਅવਸ੍ਸੁਤਸ੍ਸ ਹਤ੍ਥਤੋ ਖਾਦਨੀਯਗ੍ਗਹਣਸਿਕ੍ਖਾਪਦਞ੍ਚ।
356.Pahāre uggire cevāti pahāradānasikkhāpadañca talasattiuggiraṇasikkhāpadañca. Tepaññāsā ca sekhiyāti pañcasattatisekhiyāsu vakkhamānāni ujjagghikādīni samanubhāsanasamuṭṭhānāni dasa, chattapāṇiādīni dhammadesanāsamuṭṭhānāni ekādasa, theyyasatthasamuṭṭhānaṃ , sūpodanaviññattisikkhāpadañcāti bāvīsati sikkhāpadāni ṭhapetvā parimaṇḍalanivāsanādīni itarāni tepaññāsa sekhiyasikkhāpadāni ca. Adhakkhakubbhajāṇuñcāti bhikkhunīnaṃ adhakkhakaubbhajāṇusikkhāpadañca. Gāmantaramavassutāti gāmantaragamanaṃ, avassutassa hatthato khādanīyaggahaṇasikkhāpadañca.
੩੫੭-੮. ਤਲਮਟ੍ਠੁਦਸੁਦ੍ਧਿ ਚਾਤਿ ਤਲਘਾਤਂ, ਜਤੁਮਟ੍ਠਂ, ਉਦਕਸੁਦ੍ਧਿਕਾਦਿਯਨਞ੍ਚ। વਸ੍ਸਂવੁਤ੍ਥਾਤਿ ‘‘વਸ੍ਸਂવੁਤ੍ਥਾ…ਪੇ॰… ਛਪ੍ਪਞ੍ਚਯੋਜਨਾਨੀ’’ਤਿ (ਪਾਚਿ॰ ੯੭੪) ਸਿਕ੍ਖਾਪਦਞ੍ਚ। ਓવਾਦਾਯ ਨ ਗਚ੍ਛਨ੍ਤੀਤਿ ਓવਾਦਾਯ ਅਗਮਨਸਿਕ੍ਖਾਪਦਞ੍ਚ। ਨਾਨੁਬਨ੍ਧੇ ਪવਤ੍ਤਿਨਿਨ੍ਤਿ ‘‘વੁਟ੍ਠਾਪਿਤਂ ਪવਤ੍ਤਿਨਿਂ ਦ੍વੇ વਸ੍ਸਾਨਿ ਨਾਨੁਬਨ੍ਧੇਯ੍ਯਾ’’ਤਿ (ਪਾਚਿ॰ ੧੧੧੨) ਸਿਕ੍ਖਾਪਦਞ੍ਚਾਤਿ ਉਭਤੋવਿਭਙ੍ਗੇ ਨਿਦ੍ਦਿਟ੍ਠਾ ਇਮੇ ਪਞ੍ਚਸਤ੍ਤਤਿ ਧਮ੍ਮਾ ਕਾਯਚਿਤ੍ਤਸਮੁਟ੍ਠਿਤਾ ਮੇਥੁਨੇਨ ਸਮਾ ਏਕਸਮੁਟ੍ਠਾਨਾ ਮਤਾਤਿ ਯੋਜਨਾ।
357-8.Talamaṭṭhudasuddhi cāti talaghātaṃ, jatumaṭṭhaṃ, udakasuddhikādiyanañca. Vassaṃvutthāti ‘‘vassaṃvutthā…pe… chappañcayojanānī’’ti (pāci. 974) sikkhāpadañca. Ovādāya na gacchantīti ovādāya agamanasikkhāpadañca. Nānubandhe pavattininti ‘‘vuṭṭhāpitaṃ pavattiniṃ dve vassāni nānubandheyyā’’ti (pāci. 1112) sikkhāpadañcāti ubhatovibhaṅge niddiṭṭhā ime pañcasattati dhammā kāyacittasamuṭṭhitā methunena samā ekasamuṭṭhānā matāti yojanā.
ਏਤ੍ਥ ਚ ਪਾਲ਼ਿਯਂ ‘‘ਛਸਤ੍ਤਤੀ’’ਤਿ ਗਣਨਪਰਿਚ੍ਛੇਦੋ ਸਮੁਟ੍ਠਾਨਸਿਕ੍ਖਾਪਦੇਨ ਸਹ ਦਸ੍ਸਿਤੋ। ਇਧ ਪਨ ਤਂ વਿਨਾ ਤਂਸਦਿਸਾਨਮੇવ ਗਣਨਾ ਦਸ੍ਸਿਤਾ। ਤੇਨੇવ ਪਠਮਂ ਸਮੁਟ੍ਠਾਨਸੀਸਂ ਪਾਲ਼ਿਯਂ ਗਣਨਾਯਪਿ ਦਸ੍ਸਿਤਂ, ਇਧੇવ ਨ ਦਸ੍ਸਿਤਂ। ਉਪਰਿ ਕਤ੍ਥਚਿ ਸਮੁਟ੍ਠਾਨਸੀਸਸ੍ਸ ਦਸ੍ਸਨਂ ਪਨੇਤ੍ਥ વਕ੍ਖਮਾਨਾਨਂ ਤਂਸਦਿਸਭਾવਦਸ੍ਸਨਤ੍ਥਂ, ਗਣਨਾਯ વਕ੍ਖਮਾਨਾਯ ਅਨ੍ਤੋਗਧਭਾવਦਸ੍ਸਨਤ੍ਥਂ। ਤੇਨੇવ ਤਤ੍ਥਪਿ ਤਂ વਿਨਾ ਗਣਨਂ વਕ੍ਖਤਿ।
Ettha ca pāḷiyaṃ ‘‘chasattatī’’ti gaṇanaparicchedo samuṭṭhānasikkhāpadena saha dassito. Idha pana taṃ vinā taṃsadisānameva gaṇanā dassitā. Teneva paṭhamaṃ samuṭṭhānasīsaṃ pāḷiyaṃ gaṇanāyapi dassitaṃ, idheva na dassitaṃ. Upari katthaci samuṭṭhānasīsassa dassanaṃ panettha vakkhamānānaṃ taṃsadisabhāvadassanatthaṃ, gaṇanāya vakkhamānāya antogadhabhāvadassanatthaṃ. Teneva tatthapi taṃ vinā gaṇanaṃ vakkhati.
ਪਠਮਪਾਰਾਜਿਕਸਮੁਟ੍ਠਾਨવਣ੍ਣਨਾ।
Paṭhamapārājikasamuṭṭhānavaṇṇanā.
੩੫੯. વਿਗ੍ਗਹਨ੍ਤਿ ਮਨੁਸ੍ਸવਿਗ੍ਗਹਸਿਕ੍ਖਾਪਦਂ। ਉਤ੍ਤਰਿ ਚੇવਾਤਿ ਉਤ੍ਤਰਿਮਨੁਸ੍ਸਧਮ੍ਮਸਿਕ੍ਖਾਪਦਞ੍ਚ। ਦੁਟ੍ਠੁਲ੍ਲਨ੍ਤਿ ਦੁਟ੍ਠੁਲ੍ਲવਾਚਾਸਿਕ੍ਖਾਪਦਂ। ਅਤ੍ਤਕਾਮਤਾਤਿ ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦਞ੍ਚ। ਦੁਟ੍ਠਦੋਸਾ ਦੁવੇ ਚੇવਾਤਿ ਦ੍વੇ ਦੁਟ੍ਠਦੋਸਸਿਕ੍ਖਾਪਦਾਨਿ ਚ। ਦੁਤਿਯਾਨਿਯਤੋਪਿ ਚਾਤਿ ਦੁਤਿਯਅਨਿਯਤਸਿਕ੍ਖਾਪਦਞ੍ਚ।
359.Viggahanti manussaviggahasikkhāpadaṃ. Uttari cevāti uttarimanussadhammasikkhāpadañca. Duṭṭhullanti duṭṭhullavācāsikkhāpadaṃ. Attakāmatāti attakāmapāricariyasikkhāpadañca. Duṭṭhadosā duve cevāti dve duṭṭhadosasikkhāpadāni ca. Dutiyāniyatopi cāti dutiyaaniyatasikkhāpadañca.
੩੬੦. ਅਚ੍ਛਿਨ੍ਦਨਞ੍ਚਾਤਿ ਸਾਮਂ ਚੀવਰਂ ਦਤ੍વਾ ਅਚ੍ਛਿਨ੍ਦਨਞ੍ਚ। ਪਰਿਣਾਮੋਤਿ ਸਙ੍ਘਿਕਲਾਭਸ੍ਸ ਅਤ੍ਤਨੋ ਪਰਿਣਾਮਨਞ੍ਚ। ਮੁਸਾਓਮਸਪੇਸੁਣਾਤਿ ਮੁਸਾવਾਦੋ ਚ ਓਮਸવਾਦੋ ਚ ਭਿਕ੍ਖੁਪੇਸੁਞ੍ਞਞ੍ਚ। ਦੁਟ੍ਠੁਲ੍ਲਾਰੋਚਨਞ੍ਚੇવਾਤਿ ਦੁਟ੍ਠੁਲ੍ਲਾਪਤ੍ਤਿਆਰੋਚਨਸਿਕ੍ਖਾਪਦਞ੍ਚ। ਪਥવੀਖਣਨਮ੍ਪਿ ਚਾਤਿ ਪਥવੀਖਣਨਸਿਕ੍ਖਾਪਦਞ੍ਚ।
360.Acchindanañcāti sāmaṃ cīvaraṃ datvā acchindanañca. Pariṇāmoti saṅghikalābhassa attano pariṇāmanañca. Musāomasapesuṇāti musāvādo ca omasavādo ca bhikkhupesuññañca. Duṭṭhullārocanañcevāti duṭṭhullāpattiārocanasikkhāpadañca. Pathavīkhaṇanampi cāti pathavīkhaṇanasikkhāpadañca.
੩੬੧. ਭੂਤਗਾਮਞ੍ਚ વਾਦੋ ਚਾਤਿ ਭੂਤਗਾਮਸਿਕ੍ਖਾਪਦਂ, ਅਞ੍ਞવਾਦਕਸਿਕ੍ਖਾਪਦਞ੍ਚ। ਉਜ੍ਝਾਪਨਕਮੇવ ਚਾਤਿ ਉਜ੍ਝਾਪਨਕਸਿਕ੍ਖਾਪਦਞ੍ਚ। ਨਿਕ੍ਕਡ੍ਢੋ ਸਿਞ੍ਚਨਞ੍ਚੇવਾਤਿ વਿਹਾਰਤੋ ਨਿਕ੍ਕਡ੍ਢਨਞ੍ਚ ਉਦਕੇ ਤਿਣਾਦਿਸਿਞ੍ਚਨਞ੍ਚ। ਆਮਿਸਹੇਤੁ ਚਾਤਿ ਆਮਿਸਹੇਤੁ ਭਿਕ੍ਖੁਨਿਯੋ ਓવਾਦਸਿਕ੍ਖਾਪਦਞ੍ਚ।
361.Bhūtagāmañcavādo cāti bhūtagāmasikkhāpadaṃ, aññavādakasikkhāpadañca. Ujjhāpanakameva cāti ujjhāpanakasikkhāpadañca. Nikkaḍḍho siñcanañcevāti vihārato nikkaḍḍhanañca udake tiṇādisiñcanañca. Āmisahetu cāti āmisahetu bhikkhuniyo ovādasikkhāpadañca.
੩੬੨. ਭੁਤ੍ਤਾવਿਨ੍ਤਿ ਭੁਤ੍ਤਾવਿਂ ਅਨਤਿਰਿਤ੍ਤੇਨ ਖਾਦਨੀਯਾਦਿਨਾ ਪવਾਰਣਸਿਕ੍ਖਾਪਦਞ੍ਚ। ਏਹਨਾਦਰਿਨ੍ਤਿ ‘‘ਏਹਾવੁਸੋ, ਗਾਮਂ વਾ’’ਤਿ (ਪਾਚਿ॰ ੨੭੫) વੁਤ੍ਤਸਿਕ੍ਖਾਪਦਞ੍ਚ ਅਨਾਦਰਿਯਸਿਕ੍ਖਾਪਦਞ੍ਚ। ਭਿਂਸਾਪਨਮੇવ ਚਾਤਿ ਭਿਕ੍ਖੁਭਿਂਸਨਕਞ੍ਚ। ਅਪਨਿਧੇਯ੍ਯਾਤਿ ਪਤ੍ਤਾਦਿਅਪਨਿਧਾਨਸਿਕ੍ਖਾਪਦਞ੍ਚ। ਸਞ੍ਚਿਚ੍ਚ ਪਾਣਨ੍ਤਿ ਸਞ੍ਚਿਚ੍ਚ ਪਾਣਂ ਜੀવਿਤਾવੋਰੋਪਨਞ੍ਚ। ਸਪ੍ਪਾਣਕਮ੍ਪਿ ਚਾਤਿ ਜਾਨਂ ਸਪ੍ਪਾਣਕਉਦਕਸਿਕ੍ਖਾਪਦਞ੍ਚ।
362.Bhuttāvinti bhuttāviṃ anatirittena khādanīyādinā pavāraṇasikkhāpadañca. Ehanādarinti ‘‘ehāvuso, gāmaṃ vā’’ti (pāci. 275) vuttasikkhāpadañca anādariyasikkhāpadañca. Bhiṃsāpanameva cāti bhikkhubhiṃsanakañca. Apanidheyyāti pattādiapanidhānasikkhāpadañca. Sañcicca pāṇanti sañcicca pāṇaṃ jīvitāvoropanañca. Sappāṇakampi cāti jānaṃ sappāṇakaudakasikkhāpadañca.
੩੬੩. ਉਕ੍ਕੋਟਨਞ੍ਚਾਤਿ ਪੁਨਕਮ੍ਮਾਯ ਉਕ੍ਕੋਟਨਞ੍ਚ। ਊਨੋਤਿ ਊਨવੀਸਤਿવਸ੍ਸਸਿਕ੍ਖਾਪਦਞ੍ਚ। ਸਂવਾਸੋਤਿ ਉਕ੍ਖਿਤ੍ਤਕੇਨ ਸਦ੍ਧਿਂ ਸਂવਾਸਸਿਕ੍ਖਾਪਦਞ੍ਚ। ਨਾਸਨੇ ਚਾਤਿ ਨਾਸਿਤਕਸਾਮਣੇਰਸਮ੍ਭੋਗਸਿਕ੍ਖਾਪਦਞ੍ਚ। ਸਹਧਮ੍ਮਿਕਨ੍ਤਿ ਸਹਧਮ੍ਮਿਕਂ વੁਚ੍ਚਮਾਨਸਿਕ੍ਖਾਪਦਞ੍ਚ। વਿਲੇਖਾ ਚਾਤਿ ‘‘વਿਲੇਖਾਯ ਸਂવਤ੍ਤਨ੍ਤੀ’’ਤਿ (ਪਾਚਿ॰ ੪੩੯) ਆਗਤਸਿਕ੍ਖਾਪਦਞ੍ਚ। ਮੋਹਨਾਤਿ ਮੋਹਨਸਿਕ੍ਖਾਪਦਞ੍ਚ। ਅਮੂਲਕੇਨ ਚਾਤਿ ਅਮੂਲਕੇਨ ਸਙ੍ਘਾਦਿਸੇਸੇਨ ਅਨੁਦ੍ਧਂਸਨਸਿਕ੍ਖਾਪਦਞ੍ਚ।
363.Ukkoṭanañcāti punakammāya ukkoṭanañca. Ūnoti ūnavīsativassasikkhāpadañca. Saṃvāsoti ukkhittakena saddhiṃ saṃvāsasikkhāpadañca. Nāsane cāti nāsitakasāmaṇerasambhogasikkhāpadañca. Sahadhammikanti sahadhammikaṃ vuccamānasikkhāpadañca. Vilekhā cāti ‘‘vilekhāya saṃvattantī’’ti (pāci. 439) āgatasikkhāpadañca. Mohanāti mohanasikkhāpadañca. Amūlakena cāti amūlakena saṅghādisesena anuddhaṃsanasikkhāpadañca.
੩੬੪. ਕੁਕ੍ਕੁਚ੍ਚਂ ਖੀਯਨਂ ਦਤ੍વਾਤਿ ਕੁਕ੍ਕੁਚ੍ਚਉਪ੍ਪਾਦਨਞ੍ਚ ਧਮ੍ਮਿਕਾਨਂ ਕਮ੍ਮਾਨਂ ਛਨ੍ਦਂ ਦਤ੍વਾ ਖੀਯਨਞ੍ਚ ਚੀવਰਂ ਦਤ੍વਾ ਖੀਯਨਞ੍ਚ। ਪਰਿਣਾਮੇਯ੍ਯ ਪੁਗ੍ਗਲੇਤਿ ਸਙ੍ਘਿਕਂ ਲਾਭਂ ਪੁਗ੍ਗਲਸ੍ਸ ਪਰਿਣਾਮਨਸਿਕ੍ਖਾਪਦਞ੍ਚ। ਕਿਂ ਤੇ, ਅਕਾਲਂ, ਅਚ੍ਛਿਨ੍ਦੇਤਿ ‘‘ਕਿਂ ਤੇ, ਅਯ੍ਯੇ, ਏਸੋ ਪੁਰਿਸਪੁਗ੍ਗਲੋ ਕਰਿਸ੍ਸਤੀ’’ਤਿ (ਪਾਚਿ॰ ੭੦੫) ਆਗਤਸਿਕ੍ਖਾਪਦਞ੍ਚ ਅਕਾਲਚੀવਰਂ ‘‘ਕਾਲਚੀવਰ’’ਨ੍ਤਿ ਅਧਿਟ੍ਠਹਿਤ੍વਾ ਭਾਜਨਸਿਕ੍ਖਾਪਦਞ੍ਚ ਭਿਕ੍ਖੁਨਿਯਾ ਸਦ੍ਧਿਂ ਚੀવਰਂ ਪਰਿવਤ੍ਤੇਤ੍વਾ ਅਚ੍ਛਿਨ੍ਦਨਸਿਕ੍ਖਾਪਦਞ੍ਚ। ਦੁਗ੍ਗਹਨਿਰਯੇਨ ਚਾਤਿ ਦੁਗ੍ਗਹਿਤੇਨ ਦੁਪਧਾਰਿਤੇਨ ਪਰਂ ਉਜ੍ਝਾਪਨਸਿਕ੍ਖਾਪਦਞ੍ਚ ਨਿਰਯੇਨ વਾ ਬ੍ਰਹ੍ਮਚਰਿਯੇਨ વਾ ਅਭਿਸਪਨਸਿਕ੍ਖਾਪਦਞ੍ਚ।
364.Kukkuccaṃ khīyanaṃ datvāti kukkuccauppādanañca dhammikānaṃ kammānaṃ chandaṃ datvā khīyanañca cīvaraṃ datvā khīyanañca. Pariṇāmeyya puggaleti saṅghikaṃ lābhaṃ puggalassa pariṇāmanasikkhāpadañca. Kiṃ te, akālaṃ, acchindeti ‘‘kiṃ te, ayye, eso purisapuggalo karissatī’’ti (pāci. 705) āgatasikkhāpadañca akālacīvaraṃ ‘‘kālacīvara’’nti adhiṭṭhahitvā bhājanasikkhāpadañca bhikkhuniyā saddhiṃ cīvaraṃ parivattetvā acchindanasikkhāpadañca. Duggahanirayena cāti duggahitena dupadhāritena paraṃ ujjhāpanasikkhāpadañca nirayena vā brahmacariyena vā abhisapanasikkhāpadañca.
੩੬੫. ਗਣਸ੍ਸ ਚਾਤਿ ‘‘ਗਣਸ੍ਸ ਚੀવਰਲਾਭਂ ਅਨ੍ਤਰਾਯਂ ਕਰੇਯ੍ਯਾ’’ਤਿ (ਪਾਚਿ॰ ੯੦੮) વੁਤ੍ਤਸਿਕ੍ਖਾਪਦਞ੍ਚ। વਿਭਙ੍ਗਞ੍ਚਾਤਿ ‘‘ਧਮ੍ਮਿਕਂ ਚੀવਰવਿਭਙ੍ਗਂ ਪਟਿਬਾਹੇਯ੍ਯਾ’’ਤਿ (ਪਾਚਿ॰ ੯੧੨) વੁਤ੍ਤਸਿਕ੍ਖਾਪਦਞ੍ਚ। ਦੁਬ੍ਬਲਾਸਾ ਤਥੇવ ਚਾਤਿ ‘‘ਦੁਬ੍ਬਲਚੀવਰਪਚ੍ਚਾਸਾਯ ਚੀવਰਕਾਲਸਮਯਂ ਅਤਿਕ੍ਕਾਮੇਯ੍ਯਾ’’ਤਿ (ਪਾਚਿ॰ ੯੨੧) વੁਤ੍ਤਸਿਕ੍ਖਾਪਦਞ੍ਚ। ਧਮ੍ਮਿਕਂ ਕਥਿਨੁਦ੍ਧਾਰਨ੍ਤਿ ‘‘ਧਮ੍ਮਿਕਂ ਕਥਿਨੁਦ੍ਧਾਰਂ ਪਟਿਬਾਹੇਯ੍ਯਾ’’ਤਿ (ਪਾਚਿ॰ ੯੨੮) વੁਤ੍ਤਸਿਕ੍ਖਾਪਦਞ੍ਚ। ਸਞ੍ਚਿਚ੍ਚਾਫਾਸੁਮੇવ ਚਾਤਿ ‘‘ਭਿਕ੍ਖੁਨਿਯਾ ਸਞ੍ਚਿਚ੍ਚ ਅਫਾਸੁਂ ਕਰੇਯ੍ਯਾ’’ਤਿ (ਪਾਚਿ॰ ੯੪੨) વੁਤ੍ਤਸਿਕ੍ਖਾਪਦਞ੍ਚ।
365.Gaṇassa cāti ‘‘gaṇassa cīvaralābhaṃ antarāyaṃ kareyyā’’ti (pāci. 908) vuttasikkhāpadañca. Vibhaṅgañcāti ‘‘dhammikaṃ cīvaravibhaṅgaṃ paṭibāheyyā’’ti (pāci. 912) vuttasikkhāpadañca. Dubbalāsā tatheva cāti ‘‘dubbalacīvarapaccāsāya cīvarakālasamayaṃ atikkāmeyyā’’ti (pāci. 921) vuttasikkhāpadañca. Dhammikaṃ kathinuddhāranti ‘‘dhammikaṃ kathinuddhāraṃ paṭibāheyyā’’ti (pāci. 928) vuttasikkhāpadañca. Sañciccāphāsumeva cāti ‘‘bhikkhuniyā sañcicca aphāsuṃ kareyyā’’ti (pāci. 942) vuttasikkhāpadañca.
੩੬੬. ਸਯਂ ਉਪਸ੍ਸਯਂ ਦਤ੍વਾਤਿ ‘‘ਭਿਕ੍ਖੁਨਿਯਾ ਉਪਸ੍ਸਯਂ ਦਤ੍વਾ ਕੁਪਿਤਾ ਅਨਤ੍ਤਮਨਾ ਨਿਕ੍ਕਡ੍ਢੇਯ੍ਯਾ’’ਤਿ (ਪਾਚਿ॰ ੯੫੧) વੁਤ੍ਤਸਿਕ੍ਖਾਪਦਞ੍ਚ। ਅਕ੍ਕੋਸੇਯ੍ਯ ਚਾਤਿ ‘‘ਭਿਕ੍ਖੁਂ ਅਕ੍ਕੋਸੇਯ੍ਯ વਾ ਪਰਿਭਾਸੇਯ੍ਯ વਾ’’ਤਿ (ਪਾਚਿ॰ ੧੦੨੯) વੁਤ੍ਤਸਿਕ੍ਖਾਪਦਞ੍ਚ। ਚਣ੍ਡਿਕਾਤਿ ‘‘ਚਣ੍ਡੀਕਤਾ ਗਣਂ ਪਰਿਭਾਸੇਯ੍ਯਾ’’ਤਿ (ਪਾਚਿ॰ ੧੦੩੪) વੁਤ੍ਤਸਿਕ੍ਖਾਪਦਞ੍ਚ। ਕੁਲਮਚ੍ਛਰਿਨੀ ਅਸ੍ਸਾਤਿ ‘‘ਕੁਲਮਚ੍ਛਰਿਨੀ ਅਸ੍ਸਾ’’ਤਿ (ਪਾਚਿ॰ ੧੦੪੩) વੁਤ੍ਤਸਿਕ੍ਖਾਪਦਞ੍ਚ। ਗਬ੍ਭਿਨਿਂ વੁਟ੍ਠਾਪੇਯ੍ਯ ਚਾਤਿ ‘‘ਗਬ੍ਭਿਨਿਂ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੦੬੮) વੁਤ੍ਤਸਿਕ੍ਖਾਪਦਞ੍ਚ।
366.Sayaṃ upassayaṃ datvāti ‘‘bhikkhuniyā upassayaṃ datvā kupitā anattamanā nikkaḍḍheyyā’’ti (pāci. 951) vuttasikkhāpadañca. Akkoseyya cāti ‘‘bhikkhuṃ akkoseyya vā paribhāseyya vā’’ti (pāci. 1029) vuttasikkhāpadañca. Caṇḍikāti ‘‘caṇḍīkatā gaṇaṃ paribhāseyyā’’ti (pāci. 1034) vuttasikkhāpadañca. Kulamaccharinī assāti ‘‘kulamaccharinī assā’’ti (pāci. 1043) vuttasikkhāpadañca. Gabbhiniṃ vuṭṭhāpeyya cāti ‘‘gabbhiniṃ vuṭṭhāpeyyā’’ti (pāci. 1068) vuttasikkhāpadañca.
੩੬੭. ਪਾਯਨ੍ਤਿਨ੍ਤਿ ‘‘ਪਾਯਨ੍ਤਿਂ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੦੭੩) વੁਤ੍ਤਸਿਕ੍ਖਾਪਦਞ੍ਚ। ਦ੍વੇ ਚ વਸ੍ਸਾਨੀਤਿ ‘‘ਦ੍વੇ વਸ੍ਸਾਨਿ ਛਸੁ ਧਮ੍ਮੇਸੁ ਅਸਿਕ੍ਖਿਤਸਿਕ੍ਖਂ ਸਿਕ੍ਖਮਾਨਂ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੦੮੦) વੁਤ੍ਤਸਿਕ੍ਖਾਪਦਞ੍ਚ। ਸਙ੍ਘੇਨਾਸਮ੍ਮਤਨ੍ਤਿ ‘‘ਸਿਕ੍ਖਿਤਸਿਕ੍ਖਂ ਸਿਕ੍ਖਮਾਨਂ ਸਙ੍ਘੇਨ ਅਸਮ੍ਮਤਂ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੦੮੬) વੁਤ੍ਤਸਿਕ੍ਖਾਪਦਞ੍ਚ। ਤਿਸ੍ਸੋ ਗਿਹਿਗਤਾ વੁਤ੍ਤਾਤਿ ‘‘ਊਨਦ੍વਾਦਸવਸ੍ਸਂ ਗਿਹਿਗਤਂ (ਪਾਚਿ॰ ੧੦੯੧), ਪਰਿਪੁਣ੍ਣਦ੍વਾਦਸવਸ੍ਸਂ ਗਿਹਿਗਤਂ ਦ੍વੇ વਸ੍ਸਾਨਿ ਛਸੁ ਧਮ੍ਮੇਸੁ ਅਸਿਕ੍ਖਿਤਸਿਕ੍ਖਂ (ਪਾਚਿ॰ ੧੦੯੭), ਦ੍વੇવਸ੍ਸਾਨਿ ਸਿਕ੍ਖਿਤਸਿਕ੍ਖਂ ਸਙ੍ਘੇਨ ਅਸਮ੍ਮਤ’’ਨ੍ਤਿ (ਪਾਚਿ॰ ੧੧੦੩) વੁਤ੍ਤਸਿਕ੍ਖਾਪਦਾਨਿ ਚ। ਤਿਸ੍ਸੋਯੇવ ਕੁਮਾਰਿਕਾਤਿ ‘‘ਊਨવੀਸਤਿવਸ੍ਸਂ ਕੁਮਾਰਿਭੂਤ’’ਨ੍ਤਿਆਦਿਨਾ (ਪਾਚਿ॰ ੧੧੨੦) ਨਯੇਨ વੁਤ੍ਤਾ ਤਿਸ੍ਸੋ ਚ।
367.Pāyantinti ‘‘pāyantiṃ vuṭṭhāpeyyā’’ti (pāci. 1073) vuttasikkhāpadañca. Dve ca vassānīti ‘‘dve vassāni chasu dhammesu asikkhitasikkhaṃ sikkhamānaṃ vuṭṭhāpeyyā’’ti (pāci. 1080) vuttasikkhāpadañca. Saṅghenāsammatanti ‘‘sikkhitasikkhaṃ sikkhamānaṃ saṅghena asammataṃ vuṭṭhāpeyyā’’ti (pāci. 1086) vuttasikkhāpadañca. Tisso gihigatā vuttāti ‘‘ūnadvādasavassaṃ gihigataṃ (pāci. 1091), paripuṇṇadvādasavassaṃ gihigataṃ dve vassāni chasu dhammesu asikkhitasikkhaṃ (pāci. 1097), dvevassāni sikkhitasikkhaṃ saṅghena asammata’’nti (pāci. 1103) vuttasikkhāpadāni ca. Tissoyeva kumārikāti ‘‘ūnavīsativassaṃ kumāribhūta’’ntiādinā (pāci. 1120) nayena vuttā tisso ca.
੩੬੮. ਊਨਦ੍વਾਦਸવਸ੍ਸਾ ਦ੍વੇਤਿ ‘‘ਊਨਦ੍વਾਦਸવਸ੍ਸਾ વੁਟ੍ਠਾਪੇਯ੍ਯ (ਪਾਚਿ॰ ੧੧੩੭), ਪਰਿਪੁਣ੍ਣਦ੍વਾਦਸવਸ੍ਸਾ ਸਙ੍ਘੇਨ ਅਸਮ੍ਮਤਾ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੧੪੨) વੁਤ੍ਤਾਨਿ ਦ੍વੇ ਸਿਕ੍ਖਾਪਦਾਨਿ ਚ। ਅਲਂ ਤਾવ ਤੇਤਿ ‘‘ਅਲਂ ਤਾવ ਤੇ, ਅਯ੍ਯੇ, વੁਟ੍ਠਾਪਿਤੇਨਾ’’ਤਿ (ਪਾਚਿ॰ ੧੧੪੭) વੁਤ੍ਤਸਿਕ੍ਖਾਪਦਞ੍ਚ। ਸੋਕਾવਸ੍ਸਾਤਿ ‘‘ਚਣ੍ਡਿਂ ਸੋਕਾવਾਸਂ ਸਿਕ੍ਖਮਾਨਂ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੧੫੯) વੁਤ੍ਤਸਿਕ੍ਖਾਪਦਞ੍ਚ। ਪਾਰਿવਾਸਿਕਚ੍ਛਨ੍ਦਦਾਨਤੋਤਿ ‘‘ਪਾਰਿવਾਸਿਕਛਨ੍ਦਦਾਨੇਨ ਸਿਕ੍ਖਮਾਨਂ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੧੬੭) વੁਤ੍ਤਸਿਕ੍ਖਾਪਦਞ੍ਚ।
368.Ūnadvādasavassā dveti ‘‘ūnadvādasavassā vuṭṭhāpeyya (pāci. 1137), paripuṇṇadvādasavassā saṅghena asammatā vuṭṭhāpeyyā’’ti (pāci. 1142) vuttāni dve sikkhāpadāni ca. Alaṃ tāva teti ‘‘alaṃ tāva te, ayye, vuṭṭhāpitenā’’ti (pāci. 1147) vuttasikkhāpadañca. Sokāvassāti ‘‘caṇḍiṃ sokāvāsaṃ sikkhamānaṃ vuṭṭhāpeyyā’’ti (pāci. 1159) vuttasikkhāpadañca. Pārivāsikacchandadānatoti ‘‘pārivāsikachandadānena sikkhamānaṃ vuṭṭhāpeyyā’’ti (pāci. 1167) vuttasikkhāpadañca.
੩੬੯. ਅਨੁવਸ੍ਸਂ ਦੁવੇ ਚਾਤਿ ‘‘ਅਨੁવਸ੍ਸਂ વੁਟ੍ਠਾਪੇਯ੍ਯ (ਪਾਚਿ॰ ੧੧੭੧), ਏਕਂ વਸ੍ਸਂ ਦ੍વੇ વੁਟ੍ਠਾਪੇਯ੍ਯਾ’’ਤਿ (ਪਾਚਿ॰ ੧੧੭੫) વੁਤ੍ਤਸਿਕ੍ਖਾਪਦਾਨਿ ਚਾਤਿ ਏਕੂਨਸਤ੍ਤਤਿ ਸਿਕ੍ਖਾਪਦਾਨਿ। ਅਦਿਨ੍ਨਾਦਾਨਤੁਲ੍ਯਤ੍ਤਾਤਿ ਅਦਿਨ੍ਨਾਦਾਨੇਨ ਸਮਾਨਸਮੁਟ੍ਠਾਨਤ੍ਤਾ। ਤਿਸਮੁਟ੍ਠਾਨਿਕਾ ਕਤਾਤਿ ਸਚਿਤ੍ਤਕੇਹਿ ਤੀਹਿ ਸਮੁਟ੍ਠਾਨੇਹਿ ਸਮੁਟ੍ਠਹਨ੍ਤੀਤਿ વੁਤ੍ਤਾ।
369.Anuvassaṃ duve cāti ‘‘anuvassaṃ vuṭṭhāpeyya (pāci. 1171), ekaṃ vassaṃ dve vuṭṭhāpeyyā’’ti (pāci. 1175) vuttasikkhāpadāni cāti ekūnasattati sikkhāpadāni. Adinnādānatulyattāti adinnādānena samānasamuṭṭhānattā. Tisamuṭṭhānikā katāti sacittakehi tīhi samuṭṭhānehi samuṭṭhahantīti vuttā.
ਦੁਤਿਯਪਾਰਾਜਿਕਸਮੁਟ੍ਠਾਨવਣ੍ਣਨਾ।
Dutiyapārājikasamuṭṭhānavaṇṇanā.
੩੭੦. ਸਞ੍ਚਰਿਕੁਟਿਮਹਲ੍ਲਕਨ੍ਤਿ ਸਞ੍ਚਰਿਤ੍ਤਂ, ਸਞ੍ਞਾਚਿਕਾਯ ਕੁਟਿਕਰਣਂ, ਮਹਲ੍ਲਕવਿਹਾਰਕਰਣਞ੍ਚ। ਧੋવਾਪਨਞ੍ਚ ਪਟਿਗ੍ਗਹੋਤਿ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਪੁਰਾਣਚੀવਰਧੋવਾਪਨਞ੍ਚ ਚੀવਰਪਟਿਗ੍ਗਹਣਞ੍ਚ। ਚੀવਰਸ੍ਸ ਚ વਿਞ੍ਞਤ੍ਤਿਨ੍ਤਿ ਅਞ੍ਞਾਤਕਂ ਗਹਪਤਿਂ વਾ ਗਹਪਤਾਨਿਂ વਾ ਚੀવਰવਿਞ੍ਞਾਪਨਸਿਕ੍ਖਾਪਦਞ੍ਚ। ਗਹਣਞ੍ਚ ਤਦੁਤ੍ਤਰਿਨ੍ਤਿ ਤਦੁਤ੍ਤਰਿਸਾਦਿਯਨਸਿਕ੍ਖਾਪਦਞ੍ਚ।
370.Sañcarikuṭimahallakanti sañcarittaṃ, saññācikāya kuṭikaraṇaṃ, mahallakavihārakaraṇañca. Dhovāpanañca paṭiggahoti aññātikāya bhikkhuniyā purāṇacīvaradhovāpanañca cīvarapaṭiggahaṇañca. Cīvarassa ca viññattinti aññātakaṃ gahapatiṃ vā gahapatāniṃ vā cīvaraviññāpanasikkhāpadañca. Gahaṇañca taduttarinti taduttarisādiyanasikkhāpadañca.
੩੭੧. ਉਪਕ੍ਖਟਦ੍વਯਞ੍ਚੇવਾਤਿ ‘‘ਚੀવਰਚੇਤਾਪਨ੍ਨਂ ਉਪਕ੍ਖਟਂ ਹੋਤੀ’’ਤਿ (ਪਾਰਾ॰ ੫੨੮) ਆਗਤਸਿਕ੍ਖਾਪਦਦ੍વਯਞ੍ਚ। ਤਥਾ ਦੂਤੇਨ ਚੀવਰਨ੍ਤਿ ਦੂਤੇਨਚੀવਰਚੇਤਾਪਨ੍ਨਪਹਿਤਸਿਕ੍ਖਾਪਦਞ੍ਚ। ਕੋਸਿਯਨ੍ਤਿ ਕੋਸਿਯਮਿਸ੍ਸਕਸਿਕ੍ਖਾਪਦਞ੍ਚ। ਸੁਦ੍ਧਕਾਲ਼ਾਨਨ੍ਤਿ ‘‘ਸੁਦ੍ਧਕਾਲ਼ਕਾਨ’’ਨ੍ਤਿਆਦਿਸਿਕ੍ਖਾਪਦਞ੍ਚ (ਪਾਰਾ॰ ੫੪੮)। ਦ੍વੇ ਭਾਗਾਦਾਨਮੇવ ਚਾਤਿ ‘‘ਦ੍વੇ ਭਾਗਾ ਆਦਾਤਬ੍ਬਾ’’ਤਿ (ਪਾਰਾ॰ ੫੫੩) વੁਤ੍ਤਸਿਕ੍ਖਾਪਦਞ੍ਚ।
371.Upakkhaṭadvayañcevāti ‘‘cīvaracetāpannaṃ upakkhaṭaṃ hotī’’ti (pārā. 528) āgatasikkhāpadadvayañca. Tathā dūtena cīvaranti dūtenacīvaracetāpannapahitasikkhāpadañca. Kosiyanti kosiyamissakasikkhāpadañca. Suddhakāḷānanti ‘‘suddhakāḷakāna’’ntiādisikkhāpadañca (pārā. 548). Dve bhāgādānameva cāti ‘‘dve bhāgā ādātabbā’’ti (pārā. 553) vuttasikkhāpadañca.
੩੭੨. ਛਬ੍ਬਸ੍ਸਾਨੀਤਿ ਛਬ੍ਬਸ੍ਸਾਨਿ ਧਾਰਣਸਿਕ੍ਖਾਪਦਞ੍ਚ। ਪੁਰਾਣਸ੍ਸਾਤਿ ‘‘ਪੁਰਾਣਸਨ੍ਥਤਸ੍ਸਾ’’ਤਿ (ਪਾਰਾ॰ ੫੬੭) વੁਤ੍ਤਸਿਕ੍ਖਾਪਦਞ੍ਚ। ਲੋਮਧੋવਾਪਨਮ੍ਪਿ ਚਾਤਿ ਏਲ਼ਕਲੋਮਧੋવਾਪਨਸਿਕ੍ਖਾਪਦਞ੍ਚ। ਰੂਪਿਯਸ੍ਸ ਪਟਿਗ੍ਗਾਹੋਤਿ ਰੂਪਿਯਪਟਿਗ੍ਗਹਣਸਿਕ੍ਖਾਪਦਞ੍ਚ। ਉਭੋ ਨਾਨਪ੍ਪਕਾਰਕਾਤਿ ਰੂਪਿਯਸਂવੋਹਾਰਕਯવਿਕ੍ਕਯਸਿਕ੍ਖਾਪਦਾਨਿ ਚ।
372.Chabbassānīti chabbassāni dhāraṇasikkhāpadañca. Purāṇassāti ‘‘purāṇasanthatassā’’ti (pārā. 567) vuttasikkhāpadañca. Lomadhovāpanampi cāti eḷakalomadhovāpanasikkhāpadañca. Rūpiyassa paṭiggāhoti rūpiyapaṭiggahaṇasikkhāpadañca. Ubho nānappakārakāti rūpiyasaṃvohārakayavikkayasikkhāpadāni ca.
੩੭੩. ਊਨਬਨ੍ਧਨਪਤ੍ਤੋ ਚਾਤਿ ਊਨਪਞ੍ਚਬਨ੍ਧਨਪਤ੍ਤਸਿਕ੍ਖਾਪਦਞ੍ਚ। વਸ੍ਸਸਾਟਿਕਸੁਤ੍ਤਕਨ੍ਤਿ વਸ੍ਸਿਕਸਾਟਿਕਸਿਕ੍ਖਾਪਦਞ੍ਚ ਸੁਤ੍ਤਂ વਿਞ੍ਞਾਪੇਤ੍વਾ ਚੀવਰਕਾਰਾਪਨਸਿਕ੍ਖਾਪਦਞ੍ਚ। વਿਕਪ੍ਪਾਪਜ੍ਜਨਨ੍ਤਿ ਤਨ੍ਤવਾਯੇ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਾਪਜ੍ਜਨਞ੍ਚ। ਯਾવ ਦ੍વਾਰਦਾਨਞ੍ਚ ਸਿਬ੍ਬਨਨ੍ਤਿ ‘‘ਯਾવ ਦ੍વਾਰਕੋਸਾ ਅਗ੍ਗਲ਼ਟ੍ਠਪਨਾਯਾ’’ਤਿ (ਪਾਚਿ॰ ੧੩੫) વੁਤ੍ਤਸਿਕ੍ਖਾਪਦਞ੍ਚ ‘‘ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਚੀવਰਂ ਦਦੇਯ੍ਯ (ਪਾਚਿ॰ ੧੭੧), ਚੀવਰਂ ਸਿਬ੍ਬੇਯ੍ਯਾ’’ਤਿ (ਪਾਚਿ॰ ੧੭੬) વੁਤ੍ਤਸਿਕ੍ਖਾਪਦਦ੍વਯਞ੍ਚ।
373.Ūnabandhanapatto cāti ūnapañcabandhanapattasikkhāpadañca. Vassasāṭikasuttakanti vassikasāṭikasikkhāpadañca suttaṃ viññāpetvā cīvarakārāpanasikkhāpadañca. Vikappāpajjananti tantavāye upasaṅkamitvā cīvare vikappāpajjanañca. Yāva dvāradānañca sibbananti ‘‘yāva dvārakosā aggaḷaṭṭhapanāyā’’ti (pāci. 135) vuttasikkhāpadañca ‘‘aññātikāya bhikkhuniyā cīvaraṃ dadeyya (pāci. 171), cīvaraṃ sibbeyyā’’ti (pāci. 176) vuttasikkhāpadadvayañca.
੩੭੪. ਪੂવੇਹੀਤਿ ਪੂવੇਹਿ વਾ ਮਨ੍ਥੇਹਿ વਾ ਅਭਿਹਟ੍ਠੁਂ ਪવਾਰਣਸਿਕ੍ਖਾਪਦਞ੍ਚ। ਪਚ੍ਚਯੋਤਿ ਚਤੁਮਾਸਪਚ੍ਚਯਪવਾਰਣਸਿਕ੍ਖਾਪਦਞ੍ਚ। ਜੋਤੀਤਿ ਜੋਤਿਯਾ ਸਮਾਦਹਨਸਿਕ੍ਖਾਪਦਞ੍ਚ। ਰਤਨਨ੍ਤਿ ਰਤਨਸਿਕ੍ਖਾਪਦਞ੍ਚ। ਸੂਚਿ…ਪੇ॰… ਸੁਗਤਸ੍ਸ ਚਾਤਿ ਸੂਚਿਘਰਸਿਕ੍ਖਾਪਦਾਦੀਨਿ ਸਤ੍ਤ ਸਿਕ੍ਖਾਪਦਾਨਿ ਚ।
374.Pūvehīti pūvehi vā manthehi vā abhihaṭṭhuṃ pavāraṇasikkhāpadañca. Paccayoti catumāsapaccayapavāraṇasikkhāpadañca. Jotīti jotiyā samādahanasikkhāpadañca. Ratananti ratanasikkhāpadañca. Sūci…pe… sugatassa cāti sūcigharasikkhāpadādīni satta sikkhāpadāni ca.
੩੭੫. ਅਞ੍ਞવਿਞ੍ਞਤ੍ਤਿਸਿਕ੍ਖਾ ਚਾਤਿ ‘‘ਅਞ੍ਞਂ વਿਞ੍ਞਾਪੇਯ੍ਯਾ’’ਤਿ (ਪਾਚਿ॰ ੭੪੯) વੁਤ੍ਤਸਿਕ੍ਖਾਪਦਞ੍ਚ। ਅਞ੍ਞਂ ਚੇਤਾਪਨਮ੍ਪਿ ਚਾਤਿ ‘‘ਅਞ੍ਞਂ ਚੇਤਾਪੇਤ੍વਾ ਅਞ੍ਞਂ ਚੇਤਾਪੇਯ੍ਯਾ’’ਤਿ (ਪਾਚਿ॰ ੭੪੯) વੁਤ੍ਤਸਿਕ੍ਖਾਪਦਞ੍ਚ। ਸਙ੍ਘਿਕੇਨ ਦੁવੇ વੁਤ੍ਤਾਤਿ ‘‘ਸਙ੍ਘਿਕੇਨ ਅਞ੍ਞਂ ਚੇਤਾਪੇਯ੍ਯ (ਪਾਚਿ॰ ੭੫੯), ਸਙ੍ਘਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਯ੍ਯਾ’’ਤਿ (ਪਾਚਿ॰ ੭੬੪) વੁਤ੍ਤਾਨਿ ਦ੍વੇ ਸਿਕ੍ਖਾਪਦਾਨਿ ਚ। ਦ੍વੇ ਮਹਾਜਨਿਕੇਨਾਤਿ ‘‘ਮਹਾਜਨਿਕੇਨ ਅਞ੍ਞਂ ਚੇਤਾਪੇਯ੍ਯ (ਪਾਚਿ॰ ੭੬੯), ਮਹਾਜਨਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਯ੍ਯਾ’’ਤਿ (ਪਾਚਿ॰ ੭੭੪) વੁਤ੍ਤਾਨਿ ਦ੍વੇ ਸਿਕ੍ਖਾਪਦਾਨਿ ਚ।
375.Aññaviññattisikkhā cāti ‘‘aññaṃ viññāpeyyā’’ti (pāci. 749) vuttasikkhāpadañca. Aññaṃ cetāpanampi cāti ‘‘aññaṃ cetāpetvā aññaṃ cetāpeyyā’’ti (pāci. 749) vuttasikkhāpadañca. Saṅghikena duve vuttāti ‘‘saṅghikena aññaṃ cetāpeyya (pāci. 759), saṅghikena saññācikena aññaṃ cetāpeyyā’’ti (pāci. 764) vuttāni dve sikkhāpadāni ca. Dve mahājanikenāti ‘‘mahājanikena aññaṃ cetāpeyya (pāci. 769), mahājanikena saññācikena aññaṃ cetāpeyyā’’ti (pāci. 774) vuttāni dve sikkhāpadāni ca.
੩੭੬. ਤਥਾ ਪੁਗ੍ਗਲਿਕੇਨੇਕਨ੍ਤਿ ‘‘ਪੁਗ੍ਗਲਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਯ੍ਯਾ’’ਤਿ (ਪਾਚਿ॰ ੭੭੯) વੁਤ੍ਤਮੇਕਸਿਕ੍ਖਾਪਦਞ੍ਚ। ਗਰੁਪਾવੁਰਣਨ੍ਤਿ ਗਰੁਪਾવੁਰਣਚੇਤਾਪਨਸਿਕ੍ਖਾਪਦਞ੍ਚ। ਲਹੁਨ੍ਤਿ ਲਹੁਪਾવੁਰਣਚੇਤਾਪਨਸਿਕ੍ਖਾਪਦਂ। ‘‘વਿਘਾਸਾ ਉਦਸਾਟਿ ਚਾ’’ਤਿ ਪਦਚ੍ਛੇਦੋ। ਦ੍વੇ વਿਘਾਸਾਤਿ ‘‘ਉਚ੍ਚਾਰਂ વਾ ਪਸ੍ਸਾવਂ વਾ ਸਙ੍ਕਾਰਂ વਾ વਿਘਾਸਂ વਾ ਤਿਰੋਕੁਟ੍ਟੇ વਾ ਤਿਰੋਪਾਕਾਰੇ વਾ ਛਡ੍ਡੇਯ੍ਯ વਾ ਛਡ੍ਡਾਪੇਯ੍ਯ વਾ (ਪਾਚਿ॰ ੮੨੫), ਹਰਿਤੇ ਛਡ੍ਡੇਯ੍ਯ વਾ ਛਡ੍ਡਾਪੇਯ੍ਯ વਾ’’ਤਿ (ਪਾਚਿ॰ ੮੨੯) ਏવਂ વੁਤ੍ਤਾਨਿ ਦ੍વੇ વਿਘਾਸਸਿਕ੍ਖਾਪਦਾਨਿ ਚ। ਉਦਸਾਟਿ ਚਾਤਿ ਉਦਕਸਾਟਿਕਸਿਕ੍ਖਾਪਦਞ੍ਚ। ਤਥਾ ਸਮਣਚੀવਰਨ੍ਤਿ ਤਥਾ ‘‘ਸਮਣਚੀવਰਂ ਦਦੇਯ੍ਯਾ’’ਤਿ (ਪਾਚਿ॰ ੯੧੭) વੁਤ੍ਤਸਿਕ੍ਖਾਪਦਞ੍ਚਾਤਿ।
376.Tathāpuggalikenekanti ‘‘puggalikena saññācikena aññaṃ cetāpeyyā’’ti (pāci. 779) vuttamekasikkhāpadañca. Garupāvuraṇanti garupāvuraṇacetāpanasikkhāpadañca. Lahunti lahupāvuraṇacetāpanasikkhāpadaṃ. ‘‘Vighāsā udasāṭi cā’’ti padacchedo. Dve vighāsāti ‘‘uccāraṃ vā passāvaṃ vā saṅkāraṃ vā vighāsaṃ vā tirokuṭṭe vā tiropākāre vā chaḍḍeyya vā chaḍḍāpeyya vā (pāci. 825), harite chaḍḍeyya vā chaḍḍāpeyya vā’’ti (pāci. 829) evaṃ vuttāni dve vighāsasikkhāpadāni ca. Udasāṭi cāti udakasāṭikasikkhāpadañca. Tathā samaṇacīvaranti tathā ‘‘samaṇacīvaraṃ dadeyyā’’ti (pāci. 917) vuttasikkhāpadañcāti.
੩੭੭. ਇਤਿ ਏਤੇ ਏਕੂਨਪਣ੍ਣਾਸ ਧਮ੍ਮਾ ਦੁਕ੍ਖਨ੍ਤਦਸ੍ਸਿਨਾ ਭਗવਤਾ ਛਸਮੁਟ੍ਠਾਨਿਕਾ ਤੇਯੇવ ਸਞ੍ਚਰਿਤ੍ਤਸਮਾ ਸਞ੍ਚਰਿਤ੍ਤਸਿਕ੍ਖਾਪਦੇਨ ਸਮਾ ਕਤਾ ਅਨੁਮਤਾ ਪਞ੍ਞਤ੍ਤਾਤਿ ਯੋਜਨਾ।
377. Iti ete ekūnapaṇṇāsa dhammā dukkhantadassinā bhagavatā chasamuṭṭhānikā teyeva sañcarittasamā sañcarittasikkhāpadena samā katā anumatā paññattāti yojanā.
ਸਞ੍ਚਰਿਤ੍ਤਸਮੁਟ੍ਠਾਨવਣ੍ਣਨਾ।
Sañcarittasamuṭṭhānavaṇṇanā.
੩੭੮. ਸਙ੍ਘਭੇਦੋਤਿ ਸਙ੍ਘਭੇਦਸਿਕ੍ਖਾਪਦਞ੍ਚ। ਭੇਦਾਨੁવਤ੍ਤਦੁਬ੍ਬਚਦੂਸਕਾਤਿ ਭੇਦਾਨੁવਤ੍ਤਕਦੁਬ੍ਬਚਕੁਲਦੂਸਕਸਿਕ੍ਖਾਪਦਾਨਿ ਚ। ਦੁਟ੍ਠੁਲ੍ਲਚ੍ਛਾਦਨਨ੍ਤਿ ਦੁਟ੍ਠੁਲ੍ਲਪਟਿਚ੍ਛਾਦਨਸਿਕ੍ਖਾਪਦਞ੍ਚ। ਦਿਟ੍ਠੀਤਿ ਦਿਟ੍ਠਿਅਪ੍ਪਟਿਨਿਸ੍ਸਜ੍ਜਨਸਿਕ੍ਖਾਪਦਞ੍ਚ । ਛਨ੍ਦਉਜ੍ਜਗ੍ਘਿਕਾ ਦੁવੇਤਿ ਛਨ੍ਦਂਅਦਤ੍વਾਗਮਨਸਿਕ੍ਖਾਪਦਞ੍ਚ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਗਮਨਨਿਸੀਦਨਸਿਕ੍ਖਾਪਦਦ੍વਯਞ੍ਚ।
378.Saṅghabhedoti saṅghabhedasikkhāpadañca. Bhedānuvattadubbacadūsakāti bhedānuvattakadubbacakuladūsakasikkhāpadāni ca. Duṭṭhullacchādananti duṭṭhullapaṭicchādanasikkhāpadañca. Diṭṭhīti diṭṭhiappaṭinissajjanasikkhāpadañca . Chandaujjagghikā duveti chandaṃadatvāgamanasikkhāpadañca ujjagghikāya antaraghare gamananisīdanasikkhāpadadvayañca.
੩੭੯. ਅਪ੍ਪਸਦ੍ਦਾ ਦੁવੇ વੁਤ੍ਤਾਤਿ ‘‘ਅਪ੍ਪਸਦ੍ਦੋ ਅਨ੍ਤਰਘਰੇ ਗਮਿਸ੍ਸਾਮਿ, ਨਿਸੀਦਿਸ੍ਸਾਮੀ’’ਤਿ (ਪਾਚਿ॰ ੫੮੮, ੫੮੯) વੁਤ੍ਤਾਨਿ ਦ੍વੇ ਸਿਕ੍ਖਾਪਦਾਨਿ ਚ। ਨ ਬ੍ਯਾਹਰੇਤਿ ‘‘ਨ ਸਕਬਲ਼ੇਨ ਮੁਖੇਨ ਬ੍ਯਾਹਰਿਸ੍ਸਾਮੀ’’ਤਿ (ਪਾਚਿ॰ ੬੧੯) વੁਤ੍ਤਸਿਕ੍ਖਾਪਦਞ੍ਚ। ਛਮਾ, ਨੀਚਾਸਨੇ, ਠਾਨਨ੍ਤਿ ‘‘ਛਮਾਯਂ ਨਿਸੀਦਿਤ੍વਾ (ਪਾਚਿ॰ ੬੪੫), ਨੀਚੇ ਆਸਨੇ ਨਿਸੀਦਿਤ੍વਾ (ਪਾਚਿ॰ ੬੪੭), ਠਿਤੋ ਨਿਸਿਨ੍ਨਸ੍ਸਾ’’ਤਿ (ਪਾਚਿ॰ ੬੪੮) વੁਤ੍ਤਸਿਕ੍ਖਾਪਦਞ੍ਚ। ਪਚ੍ਛਤੋ ਉਪ੍ਪਥੇਨ ਚਾਤਿ ‘‘ਪਚ੍ਛਤੋ ਗਚ੍ਛਨ੍ਤੋ ਪੁਰਤੋ ਗਚ੍ਛਨ੍ਤਸ੍ਸ (ਪਾਚਿ॰ ੬੪੯), ਉਪ੍ਪਥੇਨ ਗਚ੍ਛਨ੍ਤੋ ਪਥੇਨ ਗਚ੍ਛਨ੍ਤਸ੍ਸਾ’’ਤਿ (ਪਾਚਿ॰ ੬੫੦) વੁਤ੍ਤਸਿਕ੍ਖਾਪਦਦ੍વਯਞ੍ਚ।
379.Appasaddā duve vuttāti ‘‘appasaddo antaraghare gamissāmi, nisīdissāmī’’ti (pāci. 588, 589) vuttāni dve sikkhāpadāni ca. Na byāhareti ‘‘na sakabaḷena mukhena byāharissāmī’’ti (pāci. 619) vuttasikkhāpadañca. Chamā, nīcāsane, ṭhānanti ‘‘chamāyaṃ nisīditvā (pāci. 645), nīce āsane nisīditvā (pāci. 647), ṭhito nisinnassā’’ti (pāci. 648) vuttasikkhāpadañca. Pacchato uppathena cāti ‘‘pacchato gacchanto purato gacchantassa (pāci. 649), uppathena gacchanto pathena gacchantassā’’ti (pāci. 650) vuttasikkhāpadadvayañca.
੩੮੦. વਜ੍ਜਚ੍ਛਾਦਾਤਿ વਜ੍ਜਤੋ ਪਟਿਚ੍ਛਾਦਨਸਿਕ੍ਖਾਪਦਞ੍ਚ। ਅਨੁવਤ੍ਤਾ ਚਾਤਿ ਉਕ੍ਖਿਤ੍ਤਾਨੁવਤ੍ਤਨਸਿਕ੍ਖਾਪਦਞ੍ਚ। ਗਹਣਨ੍ਤਿ ‘‘ਹਤ੍ਥਗ੍ਗਹਣਂ વਾ ਸਾਦਿਯੇਯ੍ਯਾ’’ਤਿ (ਪਾਚਿ॰ ੬੭੫) વੁਤ੍ਤਸਿਕ੍ਖਾਪਦਞ੍ਚ। ਓਸਾਰੇਯ੍ਯ ਚਾਤਿ ‘‘ਅਨਪਲੋਕੇਤ੍વਾ ਕਾਰਕਸਙ੍ਘਂ ਅਨਞ੍ਞਾਯ ਗਣਸ੍ਸ ਛਨ੍ਦਂ ਓਸਾਰੇਯ੍ਯਾ’’ਤਿ (ਪਾਚਿ॰ ੬੯੫) વੁਤ੍ਤਸਿਕ੍ਖਾਪਦਞ੍ਚ। ਪਚ੍ਚਕ੍ਖਾਮੀਤਿ ਸਿਕ੍ਖਾ ਚਾਤਿ ‘‘ਬੁਦ੍ਧਂ ਪਚ੍ਚਾਚਿਕ੍ਖਾਮੀ’’ਤਿ (ਪਾਚਿ॰ ੭੧੦) વੁਤ੍ਤਸਿਕ੍ਖਾਪਦਞ੍ਚ। ਤਥਾ ਕਿਸ੍ਮਿਞ੍ਚਿਦੇવ ਚਾਤਿ ‘‘ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ’’ਤਿ (ਪਾਚਿ॰ ੭੧੬) વੁਤ੍ਤਸਿਕ੍ਖਾਪਦਞ੍ਚ।
380.Vajjacchādāti vajjato paṭicchādanasikkhāpadañca. Anuvattā cāti ukkhittānuvattanasikkhāpadañca. Gahaṇanti ‘‘hatthaggahaṇaṃ vā sādiyeyyā’’ti (pāci. 675) vuttasikkhāpadañca. Osāreyya cāti ‘‘anapaloketvā kārakasaṅghaṃ anaññāya gaṇassa chandaṃ osāreyyā’’ti (pāci. 695) vuttasikkhāpadañca. Paccakkhāmīti sikkhā cāti ‘‘buddhaṃ paccācikkhāmī’’ti (pāci. 710) vuttasikkhāpadañca. Tathā kismiñcideva cāti ‘‘kismiñcideva adhikaraṇe paccākatā’’ti (pāci. 716) vuttasikkhāpadañca.
੩੮੧. ਸਂਸਟ੍ਠਾ ਦ੍વੇ ਚਾਤਿ ‘‘ਭਿਕ੍ਖੁਨਿਯੋ ਪਨੇવ ਸਂਸਟ੍ਠਾ વਿਹਰਨ੍ਤੀ’’ਤਿ (ਪਾਚਿ॰ ੭੨੨) ਚ ‘‘ਯਾ ਪਨ ਭਿਕ੍ਖੁਨੀ ਏવਂ વਦੇਯ੍ਯ ਸਂਸਟ੍ਠਾવ, ਅਯ੍ਯੇ, ਤੁਮ੍ਹੇ વਿਹਰਥਾ’’ਤਿਆਦਿવਚਨਂ (ਪਾਚਿ॰ ੭੨੮) ਪਟਿਚ੍ਚ વੁਤ੍ਤਸਿਕ੍ਖਾਪਦਦ੍વਯਞ੍ਚ। વਧਿਤ੍વਾ ਚਾਤਿ ‘‘ਅਤ੍ਤਾਨਂ વਧਿਤ੍વਾ વਧਿਤ੍વਾ ਰੋਦੇਯ੍ਯਾ’’ਤਿ (ਪਾਚਿ॰ ੮੮੦) વੁਤ੍ਤਸਿਕ੍ਖਾਪਦਞ੍ਚ। વਿਸਿਬ੍ਬੇਤ੍વਾ ਚਾਤਿ ‘‘ਭਿਕ੍ਖੁਨਿਯਾ ਚੀવਰਂ વਿਸਿਬ੍ਬੇਤ੍વਾ વਾ વਿਸਿਬ੍ਬਾਪੇਤ੍વਾ વਾ’’ਤਿ (ਪਾਚਿ॰ ੮੯੩) વੁਤ੍ਤਸਿਕ੍ਖਾਪਦਞ੍ਚ। ਦੁਕ੍ਖਿਤਨ੍ਤਿ ‘‘ਦੁਕ੍ਖਿਤਂ ਸਹਜੀવਿਨਿ’’ਨ੍ਤਿ (ਪਾਚਿ॰ ੯੪੭) વੁਤ੍ਤਸਿਕ੍ਖਾਪਦਞ੍ਚ। ਪੁਨਦੇવ ਚ ਸਂਸਟ੍ਠਾਤਿ ‘‘ਸਂਸਟ੍ਠਾ વਿਹਰੇਯ੍ਯ ਗਹਪਤਿਨਾ વਾ ਗਹਪਤਿਪੁਤ੍ਤੇਨ વਾ’’ਤਿ (ਪਾਚਿ॰ ੯੫੬) ਏવਂ ਪੁਨ વੁਤ੍ਤਸਂਸਟ੍ਠਸਿਕ੍ਖਾਪਦਞ੍ਚ। ਨੇવ વੂਪਸਮੇਯ੍ਯ ਚਾਤਿ ‘‘‘ਏਹਾਯ੍ਯੇ, ਇਮਂ ਅਧਿਕਰਣਂ વੂਪਸਮੇਹੀ’ਤਿ (ਪਾਚਿ॰ ੯੯੫) વੁਚ੍ਚਮਾਨਾ ‘ਸਾਧੂ’ਤਿ ਪਟਿਸ੍ਸੁਣਿਤ੍વਾ ਸਾ ਪਚ੍ਛਾ ਅਨਨ੍ਤਰਾਯਿਕਿਨੀ ਨੇવ વੂਪਸਮੇਯ੍ਯਾ’’ਤਿ વੁਤ੍ਤਸਿਕ੍ਖਾਪਦਞ੍ਚ।
381.Saṃsaṭṭhā dve cāti ‘‘bhikkhuniyo paneva saṃsaṭṭhā viharantī’’ti (pāci. 722) ca ‘‘yā pana bhikkhunī evaṃ vadeyya saṃsaṭṭhāva, ayye, tumhe viharathā’’tiādivacanaṃ (pāci. 728) paṭicca vuttasikkhāpadadvayañca. Vadhitvā cāti ‘‘attānaṃ vadhitvā vadhitvā rodeyyā’’ti (pāci. 880) vuttasikkhāpadañca. Visibbetvā cāti ‘‘bhikkhuniyā cīvaraṃ visibbetvā vā visibbāpetvā vā’’ti (pāci. 893) vuttasikkhāpadañca. Dukkhitanti ‘‘dukkhitaṃ sahajīvini’’nti (pāci. 947) vuttasikkhāpadañca. Punadeva ca saṃsaṭṭhāti ‘‘saṃsaṭṭhā vihareyya gahapatinā vā gahapatiputtena vā’’ti (pāci. 956) evaṃ puna vuttasaṃsaṭṭhasikkhāpadañca. Neva vūpasameyya cāti ‘‘‘ehāyye, imaṃ adhikaraṇaṃ vūpasamehī’ti (pāci. 995) vuccamānā ‘sādhū’ti paṭissuṇitvā sā pacchā anantarāyikinī neva vūpasameyyā’’ti vuttasikkhāpadañca.
੩੮੨. ਜਾਨਂ ਸਭਿਕ੍ਖੁਕਾਰਾਮਨ੍ਤਿ ‘‘ਜਾਨਂ ਸਭਿਕ੍ਖੁਕਂ ਆਰਾਮਂ ਅਨਾਪੁਚ੍ਛਾ ਪવਿਸੇਯ੍ਯਾ’’ਤਿ (ਪਾਚਿ॰ ੧੦੨੪) વੁਤ੍ਤਸਿਕ੍ਖਾਪਦਞ੍ਚ। ਤਥੇવ ਨ ਪવਾਰਯੇਤਿ ‘‘ਉਭਤੋਸਙ੍ਘੇ ਤੀਹਿ ਠਾਨੇਹਿ ਨ ਪવਾਰੇਯ੍ਯਾ’’ਤਿ (ਪਾਚਿ॰ ੧੦੫੧) વੁਤ੍ਤਸਿਕ੍ਖਾਪਦਞ੍ਚ। ਤਥਾ ਅਨ੍વਦ੍ਧਮਾਸਞ੍ਚਾਤਿ ‘‘ਅਨ੍વਦ੍ਧਮਾਸਂ ਭਿਕ੍ਖੁਨਿਯਾ ਭਿਕ੍ਖੁਸਙ੍ਘਤੋ ਦ੍વੇ ਧਮ੍ਮਾ ਪਚ੍ਚਾਸੀਸਿਤਬ੍ਬਾ’’ਤਿ (ਪਾਚਿ॰ ੧੦੫੯) વੁਤ੍ਤਸਿਕ੍ਖਾਪਦਞ੍ਚ। ਸਹਜੀવਿਨਿਯੋ ਦੁવੇਤਿ ‘‘ਸਹਜੀવਿਨਿਂ વੁਟ੍ਠਾਪੇਤ੍વਾ ਦ੍વੇ વਸ੍ਸਾਨਿ ਨੇવ ਅਨੁਗ੍ਗਣ੍ਹੇਯ੍ਯ (ਪਾਚਿ॰ ੧੧੦੮), ਸਹਜੀવਿਨਿਂ વੁਟ੍ਠਾਪੇਤ੍વਾ ਨੇવ વੂਪਕਾਸੇਯ੍ਯਾ’’ਤਿ (ਪਾਚਿ॰ ੧੧੧੬) વੁਤ੍ਤਸਿਕ੍ਖਾਪਦਦ੍વਯਞ੍ਚ।
382.Jānaṃsabhikkhukārāmanti ‘‘jānaṃ sabhikkhukaṃ ārāmaṃ anāpucchā paviseyyā’’ti (pāci. 1024) vuttasikkhāpadañca. Tatheva na pavārayeti ‘‘ubhatosaṅghe tīhi ṭhānehi na pavāreyyā’’ti (pāci. 1051) vuttasikkhāpadañca. Tathā anvaddhamāsañcāti ‘‘anvaddhamāsaṃ bhikkhuniyā bhikkhusaṅghato dve dhammā paccāsīsitabbā’’ti (pāci. 1059) vuttasikkhāpadañca. Sahajīviniyo duveti ‘‘sahajīviniṃ vuṭṭhāpetvā dve vassāni neva anuggaṇheyya (pāci. 1108), sahajīviniṃ vuṭṭhāpetvā neva vūpakāseyyā’’ti (pāci. 1116) vuttasikkhāpadadvayañca.
੩੮੩-੪. ਸਚੇ ਮੇ ਚੀવਰਂ ਅਯ੍ਯੇਤਿ ‘‘ਸਚੇ ਮੇ ਤ੍વਂ, ਅਯ੍ਯੇ, ਚੀવਰਂ ਦਸ੍ਸਸਿ, ਏવਾਹਂ ਤਂ વੁਟ੍ਠਾਪੇਸ੍ਸਾਮੀ’’ਤਿ (ਪਾਚਿ॰ ੧੧੫੧) વੁਤ੍ਤਸਿਕ੍ਖਾਪਦਞ੍ਚ। ਅਨੁਬਨ੍ਧਿਸ੍ਸਸੀਤਿ ‘‘ਸਚੇ ਮਂ ਤ੍વਂ, ਅਯ੍ਯੇ, ਦ੍વੇ વਸ੍ਸਾਨਿ ਅਨੁਬਨ੍ਧਿਸ੍ਸਸਿ, ਏવਾਹਂ ਤਂ વੁਟ੍ਠਾਪੇਸ੍ਸਾਮੀ’’ਤਿ (ਪਾਚਿ॰ ੧੧੫੫) વੁਤ੍ਤਸਿਕ੍ਖਾਪਦਞ੍ਚ। ਅਸਮੇਨ ਸਮ੍ਬੁਦ੍ਧੇਨ ਪਕਾਸਿਤਾ ਇਮੇ ਸਤ੍ਤਤਿਂਸ ਧਮ੍ਮਾ ਸਬ੍ਬੇ ਕਾਯવਾਚਾਦਿਤੋ ਕਾਯવਾਚਾਚਿਤ੍ਤਤੋ ਏਕਸਮੁਟ੍ਠਾਨਾ ਕਤਾ ਸਮਨੁਭਾਸਨਾ ਸਿਯੁਂ ਸਮੁਟ੍ਠਾਨਤੋ ਸਮਨੁਭਾਸਨਸਿਕ੍ਖਾਪਦੇਨ ਸਦਿਸਾ ਸਿਯੁਨ੍ਤਿ ਯੋਜਨਾ।
383-4.Sace me cīvaraṃ ayyeti ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti (pāci. 1151) vuttasikkhāpadañca. Anubandhissasīti ‘‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’ti (pāci. 1155) vuttasikkhāpadañca. Asamena sambuddhena pakāsitā ime sattatiṃsa dhammā sabbe kāyavācādito kāyavācācittato ekasamuṭṭhānā katā samanubhāsanā siyuṃ samuṭṭhānato samanubhāsanasikkhāpadena sadisā siyunti yojanā.
ਸਮਨੁਭਾਸਨਸਮੁਟ੍ਠਾਨવਣ੍ਣਨਾ।
Samanubhāsanasamuṭṭhānavaṇṇanā.
੩੮੫. ਕਥਿਨਾਨਿ ਚ ਤੀਣੀਤਿ ‘‘ਨਿਟ੍ਠਿਤਚੀવਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ’’ਤਿ (ਪਾਰਾ॰ ੪੬੨) વੁਤ੍ਤਾਨਿ ਆਦਿਤੋ ਤੀਣਿ ਸਿਕ੍ਖਾਪਦਾਨਿ। ਪਤ੍ਤੋਤਿ ‘‘ਦਸਾਹਪਰਮਂ ਅਤਿਰੇਕਪਤ੍ਤੋ’’ਤਿ (ਪਾਰਾ॰ ੬੦੧) વੁਤ੍ਤਸਿਕ੍ਖਾਪਦਞ੍ਚ। ਭੇਸਜ੍ਜਮੇવ ਚਾਤਿ ‘‘ਪਟਿਸਾਯਨੀਯਾਨਿ ਭੇਸਜ੍ਜਾਨੀ’’ਤਿ (ਪਾਰਾ॰ ੬੨੨) વੁਤ੍ਤਸਿਕ੍ਖਾਪਦਞ੍ਚ। ਅਚ੍ਚੇਕਮ੍ਪਿ ਚਾਤਿ ਅਚ੍ਚੇਕਸਿਕ੍ਖਾਪਦਞ੍ਚ। ਸਾਸਙ੍ਕਨ੍ਤਿ ਤਦਨਨ੍ਤਰਮੇવ ਸਾਸਙ੍ਕਸਿਕ੍ਖਾਪਦਞ੍ਚ। ਪਕ੍ਕਮਨ੍ਤਦ੍વਯਮ੍ਪਿ ਚਾਤਿ ‘‘ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯਾ’’ਤਿ (ਪਾਚਿ॰ ੧੦੯, ੧੧੫) ਭੂਤਗਾਮવਗ੍ਗੇ વੁਤ੍ਤਸਿਕ੍ਖਾਪਦਦ੍વਯਞ੍ਚ।
385.Kathināni ca tīṇīti ‘‘niṭṭhitacīvarasmiṃ bhikkhunā ubbhatasmiṃ kathine’’ti (pārā. 462) vuttāni ādito tīṇi sikkhāpadāni. Pattoti ‘‘dasāhaparamaṃ atirekapatto’’ti (pārā. 601) vuttasikkhāpadañca. Bhesajjameva cāti ‘‘paṭisāyanīyāni bhesajjānī’’ti (pārā. 622) vuttasikkhāpadañca. Accekampi cāti accekasikkhāpadañca. Sāsaṅkanti tadanantarameva sāsaṅkasikkhāpadañca. Pakkamantadvayampi cāti ‘‘taṃ pakkamanto neva uddhareyyā’’ti (pāci. 109, 115) bhūtagāmavagge vuttasikkhāpadadvayañca.
੩੮੬. ਤਥਾ ਉਪਸ੍ਸਯਂ ਗਨ੍ਤ੍વਾਤਿ ‘‘ਭਿਕ੍ਖੁਨੁਪਸ੍ਸਯਂ ਉਪਸਙ੍ਕਮਿਤ੍વਾ ਭਿਕ੍ਖੁਨਿਯੋ ਓવਦੇਯ੍ਯਾ’’ਤਿ (ਪਾਚਿ॰ ੧੫੮) વੁਤ੍ਤਸਿਕ੍ਖਾਪਦਞ੍ਚ। ਪਰਮ੍ਪਰਂ ਭੋਜਨਨ੍ਤਿ ‘‘ਪਰਮ੍ਪਰਭੋਜਨੇ ਪਾਚਿਤ੍ਤਿਯ’’ਨ੍ਤਿ (ਪਾਚਿ॰ ੨੨੧) વੁਤ੍ਤਸਿਕ੍ਖਾਪਦਞ੍ਚ। ਅਨਤਿਰਿਤ੍ਤਨ੍ਤਿ ‘‘ਅਨਤਿਰਿਤ੍ਤਂ ਖਾਦਨੀਯਂ વਾ ਭੋਜਨੀਯਂ વਾ’’ਤਿ (ਪਾਚਿ॰ ੨੩੮) વੁਤ੍ਤਸਿਕ੍ਖਾਪਦਞ੍ਚ। ਸਭਤ੍ਤੋਤਿ ‘‘ਨਿਮਨ੍ਤਿਤੋ ਸਭਤ੍ਤੋ ਸਮਾਨੋ’’ਤਿ (ਪਾਚਿ॰ ੨੯੯) વੁਤ੍ਤਸਿਕ੍ਖਾਪਦਞ੍ਚ। વਿਕਪ੍ਪੇਤ੍વਾ ਤਥੇવ ਚਾਤਿ ‘‘ਚੀવਰਂ વਿਕਪ੍ਪੇਤ੍વਾ’’ਤਿ (ਪਾਚਿ॰ ੩੭੩) વੁਤ੍ਤਸਿਕ੍ਖਾਪਦਞ੍ਚ।
386.Tathā upassayaṃ gantvāti ‘‘bhikkhunupassayaṃ upasaṅkamitvā bhikkhuniyo ovadeyyā’’ti (pāci. 158) vuttasikkhāpadañca. Paramparaṃ bhojananti ‘‘paramparabhojane pācittiya’’nti (pāci. 221) vuttasikkhāpadañca. Anatirittanti ‘‘anatirittaṃ khādanīyaṃ vā bhojanīyaṃ vā’’ti (pāci. 238) vuttasikkhāpadañca. Sabhattoti ‘‘nimantito sabhatto samāno’’ti (pāci. 299) vuttasikkhāpadañca. Vikappetvā tatheva cāti ‘‘cīvaraṃ vikappetvā’’ti (pāci. 373) vuttasikkhāpadañca.
੩੮੭. ਰਞ੍ਞੋਤਿ ‘‘ਰਞ੍ਞੋ ਖਤ੍ਤਿਯਸ੍ਸਾ’’ਤਿ (ਪਾਚਿ॰ ੪੯੮) વੁਤ੍ਤਸਿਕ੍ਖਾਪਦਞ੍ਚ। વਿਕਾਲੇਤਿ ‘‘વਿਕਾਲੇ ਗਾਮਂ ਪવਿਸੇਯ੍ਯਾ’’ਤਿ (ਪਾਚਿ॰ ੫੦੯-੫੧੨) વੁਤ੍ਤਸਿਕ੍ਖਾਪਦਞ੍ਚ। વੋਸਾਸਾਤਿ ‘‘વੋਸਾਸਮਾਨਰੂਪਾ ਠਿਤਾ’’ਤਿ (ਪਾਚਿ॰ ੫੫੮) વੁਤ੍ਤਸਿਕ੍ਖਾਪਦਞ੍ਚ। ‘‘ਆਰਞ੍ਞਕੇ ਉਸ੍ਸਯવਾਦਿਕਾ’’ਤਿ ਪਦਚ੍ਛੇਦੋ। ਆਰਞ੍ਞਕੇਤਿ ‘‘ਤਥਾਰੂਪੇਸੁ ਆਰਞ੍ਞਕੇਸੁ ਸੇਨਾਸਨੇਸੁ ਪੁਬ੍ਬੇ ਅਪ੍ਪਟਿਸਂવਿਦਿਤ’’ਨ੍ਤਿ (ਪਾਚਿ॰ ੫੭੦) વੁਤ੍ਤਸਿਕ੍ਖਾਪਦਞ੍ਚ। ਉਸ੍ਸਯવਾਦਿਕਾਤਿ ‘‘ਉਸ੍ਸਯવਾਦਿਕਾ વਿਹਰੇਯ੍ਯਾ’’ਤਿ (ਪਾਚਿ॰ ੬੭੯) વੁਤ੍ਤਸਿਕ੍ਖਾਪਦਞ੍ਚ। ਪਤ੍ਤਸਨ੍ਨਿਚਯਞ੍ਚੇવਾਤਿ ‘‘ਪਤ੍ਤਸਨ੍ਨਿਚਯਂ ਕਰੇਯ੍ਯਾ’’ਤਿ (ਪਾਚਿ॰ ੭੩੪) વੁਤ੍ਤਸਿਕ੍ਖਾਪਦਞ੍ਚ। ਪੁਰੇ, ਪਚ੍ਛਾ, વਿਕਾਲਕੇਤਿ ‘‘ਯਾ ਪਨ ਭਿਕ੍ਖੁਨੀ ਪੁਰੇਭਤ੍ਤਂ ਕੁਲਾਨਿ ਉਪਸਙ੍ਕਮਿਤ੍વਾ’’ਤਿ (ਪਾਚਿ॰ ੮੫੫) ਚ ‘‘ਪਚ੍ਛਾਭਤ੍ਤਂ ਕੁਲਾਨਿ ਉਪਸਙ੍ਕਮਿਤ੍વਾ’’ਤਿ (ਪਾਚਿ॰ ੮੬੦) ਚ ‘‘વਿਕਾਲੇ ਕੁਲਾਨਿ ਉਪਸਙ੍ਕਮਿਤ੍વਾ’’ਤਿ (ਪਾਚਿ॰ ੮੬੫) ਚ વੁਤ੍ਤਸਿਕ੍ਖਾਪਦਤ੍ਤਯਞ੍ਚ।
387.Raññoti ‘‘rañño khattiyassā’’ti (pāci. 498) vuttasikkhāpadañca. Vikāleti ‘‘vikāle gāmaṃ paviseyyā’’ti (pāci. 509-512) vuttasikkhāpadañca. Vosāsāti ‘‘vosāsamānarūpā ṭhitā’’ti (pāci. 558) vuttasikkhāpadañca. ‘‘Āraññake ussayavādikā’’ti padacchedo. Āraññaketi ‘‘tathārūpesu āraññakesu senāsanesu pubbe appaṭisaṃvidita’’nti (pāci. 570) vuttasikkhāpadañca. Ussayavādikāti ‘‘ussayavādikā vihareyyā’’ti (pāci. 679) vuttasikkhāpadañca. Pattasannicayañcevāti ‘‘pattasannicayaṃ kareyyā’’ti (pāci. 734) vuttasikkhāpadañca. Pure, pacchā, vikālaketi ‘‘yā pana bhikkhunī purebhattaṃ kulāni upasaṅkamitvā’’ti (pāci. 855) ca ‘‘pacchābhattaṃ kulāni upasaṅkamitvā’’ti (pāci. 860) ca ‘‘vikāle kulāni upasaṅkamitvā’’ti (pāci. 865) ca vuttasikkhāpadattayañca.
੩੮੮-੯. ਪਞ੍ਚਾਹਿਕਨ੍ਤਿ ‘‘ਪਞ੍ਚਾਹਿਕਂ ਸਙ੍ਘਾਟਿਚਾਰਂ ਅਤਿਕ੍ਕਮੇਯ੍ਯਾ’’ਤਿ (ਪਾਚਿ॰ ੮੯੮) વੁਤ੍ਤਸਿਕ੍ਖਾਪਦਞ੍ਚ। ਸਙ੍ਕਮਨਿਨ੍ਤਿ ‘‘ਚੀવਰਸਙ੍ਕਮਨੀਯਂ ਧਾਰੇਯ੍ਯਾ’’ਤਿ (ਪਾਚਿ॰ ੯੦੩) વੁਤ੍ਤਸਿਕ੍ਖਾਪਦਞ੍ਚ। ਤਥਾ ਆવਸਥਦ੍વਯਨ੍ਤਿ ‘‘ਆવਸਥਚੀવਰਂ ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜੇਯ੍ਯ (ਪਾਚਿ॰ ੧੦੦੪), ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮੇਯ੍ਯਾ’’ਤਿ (ਪਾਚਿ॰ ੧੦੦੯) ਏવਂ ਆવਸਥੇਨ ਸਦ੍ਧਿਂ વੁਤ੍ਤਸਿਕ੍ਖਾਪਦਦ੍વਯਞ੍ਚ। ਪਸਾਖੇਤਿ ‘‘ਪਸਾਖੇ ਜਾਤਂ ਗਣ੍ਡਂ વਾ’’ਤਿ (ਪਾਚਿ॰ ੧੦੬੩) વੁਤ੍ਤਸਿਕ੍ਖਾਪਦਞ੍ਚ। ਆਸਨੇ ਚਾਤਿ ‘‘ਭਿਕ੍ਖੁਸ੍ਸ ਪੁਰਤੋ ਅਨਾਪੁਚ੍ਛਾ ਆਸਨੇ ਨਿਸੀਦੇਯ੍ਯਾ’’ਤਿ (ਪਾਚਿ॰ ੧੨੧੫) વੁਤ੍ਤਸਿਕ੍ਖਾਪਦਞ੍ਚਾਤਿ ਇਮੇ ਪਨ ਏਕੂਨਤਿਂਸ ਧਮ੍ਮਾ ਕਾਯવਾਚਤੋ, ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਨਤੋ ਸਬ੍ਬੇ ਦ੍વਿਸਮੁਟ੍ਠਾਨਿਕਾ, ਤਤੋਯੇવ ਕਥਿਨਸਮ੍ਭવਾ ਕਥਿਨਸਮੁਟ੍ਠਾਨਾ ਹੋਨ੍ਤੀਤਿ ਯੋਜਨਾ।
388-9.Pañcāhikanti ‘‘pañcāhikaṃ saṅghāṭicāraṃ atikkameyyā’’ti (pāci. 898) vuttasikkhāpadañca. Saṅkamaninti ‘‘cīvarasaṅkamanīyaṃ dhāreyyā’’ti (pāci. 903) vuttasikkhāpadañca. Tathā āvasathadvayanti ‘‘āvasathacīvaraṃ anissajjitvā paribhuñjeyya (pāci. 1004), āvasathaṃ anissajjitvā cārikaṃ pakkameyyā’’ti (pāci. 1009) evaṃ āvasathena saddhiṃ vuttasikkhāpadadvayañca. Pasākheti ‘‘pasākhe jātaṃ gaṇḍaṃ vā’’ti (pāci. 1063) vuttasikkhāpadañca. Āsane cāti ‘‘bhikkhussa purato anāpucchā āsane nisīdeyyā’’ti (pāci. 1215) vuttasikkhāpadañcāti ime pana ekūnatiṃsa dhammā kāyavācato, kāyavācācittato ca samuṭṭhānato sabbe dvisamuṭṭhānikā, tatoyeva kathinasambhavā kathinasamuṭṭhānā hontīti yojanā.
ਕਥਿਨਸਮੁਟ੍ਠਾਨવਣ੍ਣਨਾ।
Kathinasamuṭṭhānavaṇṇanā.
੩੯੦. ਦ੍વੇ ਸੇਯ੍ਯਾਤਿ ਦ੍વੇ ਸਹਸੇਯ੍ਯਸਿਕ੍ਖਾਪਦਾਨਿ ਚ। ਆਹਚ੍ਚਪਾਦੋ ਚਾਤਿ ਆਹਚ੍ਚਪਾਦਕਸਿਕ੍ਖਾਪਦਞ੍ਚ। ਪਿਣ੍ਡਞ੍ਚਾਤਿ ਆવਸਥਪਿਣ੍ਡਭੋਜਨਸਿਕ੍ਖਾਪਦਞ੍ਚ। ਗਣਭੋਜਨਨ੍ਤਿ ਗਣਭੋਜਨਸਿਕ੍ਖਾਪਦਞ੍ਚ । વਿਕਾਲੇਤਿ વਿਕਾਲਭੋਜਨਸਿਕ੍ਖਾਪਦਞ੍ਚ। ਸਨ੍ਨਿਧਿਞ੍ਚੇવਾਤਿ ਸਨ੍ਨਿਧਿਕਾਰਕਸਿਕ੍ਖਾਪਦਞ੍ਚ। ਦਨ੍ਤਪੋਨਨ੍ਤਿ ਦਨ੍ਤਪੋਨਸਿਕ੍ਖਾਪਦਞ੍ਚ। ਅਚੇਲਕਨ੍ਤਿ ਅਚੇਲਕਸਿਕ੍ਖਾਪਦਞ੍ਚ।
390.Dve seyyāti dve sahaseyyasikkhāpadāni ca. Āhaccapādo cāti āhaccapādakasikkhāpadañca. Piṇḍañcāti āvasathapiṇḍabhojanasikkhāpadañca. Gaṇabhojananti gaṇabhojanasikkhāpadañca . Vikāleti vikālabhojanasikkhāpadañca. Sannidhiñcevāti sannidhikārakasikkhāpadañca. Dantaponanti dantaponasikkhāpadañca. Acelakanti acelakasikkhāpadañca.
੩੯੧. ਉਯ੍ਯੁਤ੍ਤਞ੍ਚਾਤਿ ‘‘ਉਯ੍ਯੁਤ੍ਤਂ ਸੇਨਂ ਦਸ੍ਸਨਾਯ ਗਚ੍ਛੇਯ੍ਯਾ’’ਤਿ (ਪਾਚਿ॰ ੩੧੧) વੁਤ੍ਤਸਿਕ੍ਖਾਪਦਞ੍ਚ। ‘‘વਸੇ ਉਯ੍ਯੋਧਿ’’ਨ੍ਤਿ ਪਦਚ੍ਛੇਦੋ। વਸੇਤਿ ‘‘ਸੇਨਾਯ વਸੇਯ੍ਯਾ’’ਤਿ (ਪਾਚਿ॰ ੩੧੮) વੁਤ੍ਤਸਿਕ੍ਖਾਪਦਞ੍ਚ। ਉਯ੍ਯੋਧਿਨ੍ਤਿ ‘‘ਉਯ੍ਯੋਧਿਕਂ વਾ…ਪੇ॰… ਅਨੀਕਦਸ੍ਸਨਂ વਾ ਗਚ੍ਛੇਯ੍ਯਾ’’ਤਿ (ਪਾਚਿ॰ ੩੨੩) વੁਤ੍ਤਸਿਕ੍ਖਾਪਦਞ੍ਚ । ਸੁਰਾਤਿ ਸੁਰਾਪਾਨਸਿਕ੍ਖਾਪਦਞ੍ਚ। ਓਰੇਨ ਨ੍ਹਾਯਨਨ੍ਤਿ ਓਰੇਨਦ੍ਧਮਾਸਨਹਾਯਨਸਿਕ੍ਖਾਪਦਞ੍ਚ। ਦੁਬ੍ਬਣ੍ਣਕਰਣਞ੍ਚੇવਾਤਿ ‘‘ਤਿਣ੍ਣਂ ਦੁਬ੍ਬਣ੍ਣਕਰਣਾਨ’’ਨ੍ਤਿ (ਪਾਚਿ॰ ੩੬੮) વੁਤ੍ਤਸਿਕ੍ਖਾਪਦਞ੍ਚ। ਪਾਟਿਦੇਸਨੀਯਦ੍વਯਨ੍ਤਿ વੁਤ੍ਤਾવਸੇਸਂ ਪਾਟਿਦੇਸਨੀਯਦ੍વਯਞ੍ਚ।
391.Uyyuttañcāti ‘‘uyyuttaṃ senaṃ dassanāya gaccheyyā’’ti (pāci. 311) vuttasikkhāpadañca. ‘‘Vase uyyodhi’’nti padacchedo. Vaseti ‘‘senāya vaseyyā’’ti (pāci. 318) vuttasikkhāpadañca. Uyyodhinti ‘‘uyyodhikaṃ vā…pe… anīkadassanaṃ vā gaccheyyā’’ti (pāci. 323) vuttasikkhāpadañca . Surāti surāpānasikkhāpadañca. Orena nhāyananti orenaddhamāsanahāyanasikkhāpadañca. Dubbaṇṇakaraṇañcevāti ‘‘tiṇṇaṃ dubbaṇṇakaraṇāna’’nti (pāci. 368) vuttasikkhāpadañca. Pāṭidesanīyadvayanti vuttāvasesaṃ pāṭidesanīyadvayañca.
੩੯੨. ਲਸੁਣਨ੍ਤਿ ਲਸੁਣਸਿਕ੍ਖਾਪਦਞ੍ਚ। ਉਪਤਿਟ੍ਠੇਯ੍ਯਾਤਿ ‘‘ਭਿਕ੍ਖੁਸ੍ਸ ਭੁਞ੍ਜਨ੍ਤਸ੍ਸ ਪਾਨੀਯੇਨ વਾ વਿਧੂਪਨੇਨ વਾ ਉਪਤਿਟ੍ਠੇਯ੍ਯਾ’’ਤਿ (ਪਾਚਿ॰ ੮੧੬) વੁਤ੍ਤਸਿਕ੍ਖਾਪਦਞ੍ਚ। ਨਚ੍ਚਦਸ੍ਸਨਮੇવ ਚਾਤਿ ‘‘ਨਚ੍ਚਂ વਾ ਗੀਤਂ વਾ વਾਦਿਤਂ વਾ ਦਸ੍ਸਨਾਯ ਗਚ੍ਛੇਯ੍ਯਾ’’ਤਿ (ਪਾਚਿ॰ ੮੩੪) વੁਤ੍ਤਸਿਕ੍ਖਾਪਦਞ੍ਚ। ਨਗ੍ਗਨ੍ਤਿ ‘‘ਨਗ੍ਗਾ ਨਹਾਯੇਯ੍ਯਾ’’ਤਿ (ਪਾਚਿ॰ ੮੮੪) વੁਤ੍ਤਸਿਕ੍ਖਾਪਦਞ੍ਚ। ਅਤ੍ਥਰਣਨ੍ਤਿ ‘‘ਏਕਤ੍ਥਰਣਪਾવੁਰਣਾ ਤੁવਟ੍ਟੇਯ੍ਯੁ’’ਨ੍ਤਿ (ਪਾਚਿ॰ ੯੩੭) વੁਤ੍ਤਸਿਕ੍ਖਾਪਦਞ੍ਚ। ਮਞ੍ਚੇਤਿ ‘‘ਏਕਮਞ੍ਚੇ ਤੁવਟ੍ਟੇਯ੍ਯੁ’’ਨ੍ਤਿ (ਪਾਚਿ॰ ੯੩੩) વੁਤ੍ਤਸਿਕ੍ਖਾਪਦਞ੍ਚ। ਅਨ੍ਤੋਰਟ੍ਠੇਤਿ ‘‘ਅਨ੍ਤੋਰਟ੍ਠੇ ਸਾਸਙ੍ਕਸਮ੍ਮਤੇ’’ਤਿ (ਪਾਚਿ॰ ੯੬੨) વੁਤ੍ਤਸਿਕ੍ਖਾਪਦਞ੍ਚ। ਤਥਾ ਬਹੀਤਿ ‘‘ਤਿਰੋਰਟ੍ਠੇ ਸਾਸਙ੍ਕਸਮ੍ਮਤੇ’’ਤਿ (ਪਾਚਿ॰ ੯੬੬) વੁਤ੍ਤਸਿਕ੍ਖਾਪਦਞ੍ਚ।
392.Lasuṇanti lasuṇasikkhāpadañca. Upatiṭṭheyyāti ‘‘bhikkhussa bhuñjantassa pānīyena vā vidhūpanena vā upatiṭṭheyyā’’ti (pāci. 816) vuttasikkhāpadañca. Naccadassanameva cāti ‘‘naccaṃ vā gītaṃ vā vāditaṃ vā dassanāya gaccheyyā’’ti (pāci. 834) vuttasikkhāpadañca. Nagganti ‘‘naggā nahāyeyyā’’ti (pāci. 884) vuttasikkhāpadañca. Attharaṇanti ‘‘ekattharaṇapāvuraṇā tuvaṭṭeyyu’’nti (pāci. 937) vuttasikkhāpadañca. Mañceti ‘‘ekamañce tuvaṭṭeyyu’’nti (pāci. 933) vuttasikkhāpadañca. Antoraṭṭheti ‘‘antoraṭṭhe sāsaṅkasammate’’ti (pāci. 962) vuttasikkhāpadañca. Tathā bahīti ‘‘tiroraṭṭhe sāsaṅkasammate’’ti (pāci. 966) vuttasikkhāpadañca.
੩੯੩. ਅਨ੍ਤੋવਸ੍ਸਨ੍ਤਿ ‘‘ਅਨ੍ਤੋવਸ੍ਸਂ ਚਾਰਿਕਂ ਚਰੇਯ੍ਯਾ’’ਤਿ (ਪਾਚਿ॰ ੯੭੦) વੁਤ੍ਤਸਿਕ੍ਖਾਪਦਞ੍ਚ। ਅਗਾਰਞ੍ਚਾਤਿ ‘‘ਰਾਜਾਗਾਰਂ વਾ ਚਿਤ੍ਤਾਗਾਰਂ વਾ…ਪੇ॰… ਪੋਕ੍ਖਰਣਿਂ વਾ ਦਸ੍ਸਨਾਯ ਗਚ੍ਛੇਯ੍ਯਾ’’ਤਿ (ਪਾਚਿ॰ ੯੭੮) વੁਤ੍ਤਸਿਕ੍ਖਾਪਦਞ੍ਚ। ਆਸਨ੍ਦਿਨ੍ਤਿ ‘‘ਆਸਨ੍ਦਿਂ વਾ ਪਲ੍ਲਙ੍ਕਂ વਾ ਪਰਿਭੁਞ੍ਜੇਯ੍ਯਾ’’ਤਿ (ਪਾਚਿ॰ ੯੮੩) વੁਤ੍ਤਸਿਕ੍ਖਾਪਦਞ੍ਚ। ਸੁਤ੍ਤਕਨ੍ਤਨਨ੍ਤਿ ‘‘ਸੁਤ੍ਤਂ ਕਨ੍ਤੇਯ੍ਯਾ’’ਤਿ (ਪਾਚਿ॰ ੯੮੭) વੁਤ੍ਤਸਿਕ੍ਖਾਪਦਞ੍ਚ। વੇਯ੍ਯਾવਚ੍ਚਨ੍ਤਿ ‘‘ਗਿਹਿવੇਯ੍ਯਾવਚ੍ਚਂ ਕਰੇਯ੍ਯਾ’’ਤਿ (ਪਾਚਿ॰ ੯੯੧) વੁਤ੍ਤਸਿਕ੍ਖਾਪਦਞ੍ਚ। ਸਹਤ੍ਥਾ ਚਾਤਿ ‘‘ਅਗਾਰਿਕਸ੍ਸ વਾ ਪਰਿਬ੍ਬਾਜਕਸ੍ਸ વਾ ਪਰਿਬ੍ਬਾਜਿਕਾਯ વਾ ਸਹਤ੍ਥਾ ਖਾਦਨੀਯਂ વਾ ਭੋਜਨੀਯਂ વਾ ਦਦੇਯ੍ਯਾ’’ਤਿ (ਪਾਚਿ॰ ੧੦੦੦) વੁਤ੍ਤਸਿਕ੍ਖਾਪਦਞ੍ਚ । ਆવਾਸੇ ਚ ਅਭਿਕ੍ਖੁਕੇਤਿ ‘‘ਅਭਿਕ੍ਖੁਕੇ ਆવਾਸੇ વਸ੍ਸਂ વਸੇਯ੍ਯਾ’’ਤਿ (ਪਾਚਿ॰ ੧੦੪੭) વੁਤ੍ਤਸਿਕ੍ਖਾਪਦਞ੍ਚ।
393.Antovassanti ‘‘antovassaṃ cārikaṃ careyyā’’ti (pāci. 970) vuttasikkhāpadañca. Agārañcāti ‘‘rājāgāraṃ vā cittāgāraṃ vā…pe… pokkharaṇiṃ vā dassanāya gaccheyyā’’ti (pāci. 978) vuttasikkhāpadañca. Āsandinti ‘‘āsandiṃ vā pallaṅkaṃ vā paribhuñjeyyā’’ti (pāci. 983) vuttasikkhāpadañca. Suttakantananti ‘‘suttaṃ kanteyyā’’ti (pāci. 987) vuttasikkhāpadañca. Veyyāvaccanti ‘‘gihiveyyāvaccaṃ kareyyā’’ti (pāci. 991) vuttasikkhāpadañca. Sahatthā cāti ‘‘agārikassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dadeyyā’’ti (pāci. 1000) vuttasikkhāpadañca . Āvāse ca abhikkhuketi ‘‘abhikkhuke āvāse vassaṃ vaseyyā’’ti (pāci. 1047) vuttasikkhāpadañca.
੩੯੪. ਛਤ੍ਤਨ੍ਤਿ ‘‘ਛਤ੍ਤੁਪਾਹਨਂ ਧਾਰੇਯ੍ਯਾ’’ਤਿ (ਪਾਚਿ॰ ੧੧੭੮) વੁਤ੍ਤਸਿਕ੍ਖਾਪਦਞ੍ਚ। ਯਾਨਞ੍ਚਾਤਿ ‘‘ਯਾਨੇਨ ਯਾਯੇਯ੍ਯਾ’’ਤਿ (ਪਾਚਿ॰ ੧੧੮੬) વੁਤ੍ਤਸਿਕ੍ਖਾਪਦਞ੍ਚ। ਸਙ੍ਘਾਣਿਨ੍ਤਿ ‘‘ਸਙ੍ਘਾਣਿਂ ਧਾਰੇਯ੍ਯਾ’’ਤਿ (ਪਾਚਿ॰ ੧੧੯੧) વੁਤ੍ਤਸਿਕ੍ਖਾਪਦਞ੍ਚ। ਅਲਙ੍ਕਾਰਨ੍ਤਿ ‘‘ਇਤ੍ਥਾਲਙ੍ਕਾਰਂ ਧਾਰੇਯ੍ਯਾ’’ਤਿ (ਪਾਚਿ॰ ੧੧੯੫) વੁਤ੍ਤਸਿਕ੍ਖਾਪਦਞ੍ਚ। ਗਨ੍ਧવਾਸਿਤਨ੍ਤਿ ‘‘ਗਨ੍ਧવਣ੍ਣਕੇਨ ਨਹਾਯੇਯ੍ਯ (ਪਾਚਿ॰ ੧੧੯੯), વਾਸਿਤਕੇਨ ਪਿਞ੍ਞਾਕੇਨ ਨਹਾਯੇਯ੍ਯਾ’’ਤਿ (ਪਾਚਿ॰ ੧੨੦੩) વੁਤ੍ਤਸਿਕ੍ਖਾਪਦਦ੍વਯਞ੍ਚ। ‘‘ਭਿਕ੍ਖੁਨੀ…ਪੇ॰… ਗਿਹਿਨਿਯਾ’’ਤਿ ਏਤੇਨ ‘‘ਭਿਕ੍ਖੁਨਿਯਾ ਉਮ੍ਮਦ੍ਦਾਪੇਯ੍ਯਾ’’ਤਿਆਦੀਨਿ (ਪਾਚਿ॰ ੧੨੦੭) ਚਤ੍ਤਾਰਿ ਸਿਕ੍ਖਾਪਦਾਨਿ વੁਤ੍ਤਾਨਿ।
394.Chattanti ‘‘chattupāhanaṃ dhāreyyā’’ti (pāci. 1178) vuttasikkhāpadañca. Yānañcāti ‘‘yānena yāyeyyā’’ti (pāci. 1186) vuttasikkhāpadañca. Saṅghāṇinti ‘‘saṅghāṇiṃ dhāreyyā’’ti (pāci. 1191) vuttasikkhāpadañca. Alaṅkāranti ‘‘itthālaṅkāraṃ dhāreyyā’’ti (pāci. 1195) vuttasikkhāpadañca. Gandhavāsitanti ‘‘gandhavaṇṇakena nahāyeyya (pāci. 1199), vāsitakena piññākena nahāyeyyā’’ti (pāci. 1203) vuttasikkhāpadadvayañca. ‘‘Bhikkhunī…pe… gihiniyā’’ti etena ‘‘bhikkhuniyā ummaddāpeyyā’’tiādīni (pāci. 1207) cattāri sikkhāpadāni vuttāni.
੩੯੫. ਤਥਾਸਂਕਚ੍ਚਿਕਾਤਿ ‘‘ਅਸਂਕਚ੍ਚਿਕਾ ਗਾਮਂ ਪવਿਸੇਯ੍ਯਾ’’ਤਿ (ਪਾਚਿ॰ ੧੨੨੫) ਏવਂ વੁਤ੍ਤਸਿਕ੍ਖਾਪਦਞ੍ਚ। ਇਮੇ ਪਨ ਤੇਚਤ੍ਤਾਲੀਸ ਧਮ੍ਮਾ ਸਬ੍ਬੇ ਕਾਯਚਿਤ੍ਤવਸੇਨ ਦ੍વਿਸਮੁਟ੍ਠਾਨਿਕਾ। ਏਲ਼ਕਲੋਮੇਨ ਸਮੁਟ੍ਠਾਨਤੋ ਸਮਾ ਹੋਨ੍ਤੀਤਿ ਯੋਜਨਾ।
395.Tathāsaṃkaccikāti ‘‘asaṃkaccikā gāmaṃ paviseyyā’’ti (pāci. 1225) evaṃ vuttasikkhāpadañca. Ime pana tecattālīsa dhammā sabbe kāyacittavasena dvisamuṭṭhānikā. Eḷakalomena samuṭṭhānato samā hontīti yojanā.
ਏਲ਼ਕਲੋਮਸਮੁਟ੍ਠਾਨવਣ੍ਣਨਾ।
Eḷakalomasamuṭṭhānavaṇṇanā.
੩੯੬-੭. ਅਞ੍ਞਤ੍ਰਾਤਿ ‘‘ਮਾਤੁਗਾਮਸ੍ਸ ਉਤ੍ਤਰਿਛਪ੍ਪਞ੍ਚવਾਚਾਹਿ ਧਮ੍ਮਂ ਦੇਸੇਯ੍ਯ ਅਞ੍ਞਤ੍ਰ વਿਞ੍ਞੁਨਾ ਪੁਰਿਸવਿਗ੍ਗਹੇਨਾ’’ਤਿ (ਪਾਚਿ॰ ੬੩) વੁਤ੍ਤਸਿਕ੍ਖਾਪਦਞ੍ਚ। ਅਸਮ੍ਮਤੋ ਚੇવਾਤਿ ‘‘ਅਸਮ੍ਮਤੋ ਭਿਕ੍ਖੁਨਿਯੋ ਓવਦੇਯ੍ਯਾ’’ਤਿ (ਪਾਚਿ॰ ੧੪੬) વੁਤ੍ਤਸਿਕ੍ਖਾਪਦਞ੍ਚ। ਤਥਾ ਅਤ੍ਥਙ੍ਗਤੇਨ ਚਾਤਿ ‘‘ਅਤ੍ਥਙ੍ਗਤੇ ਸੂਰਿਯੇ ਭਿਕ੍ਖੁਨਿਯੋ ਓવਦੇਯ੍ਯਾ’’ਤਿ (ਪਾਚਿ॰ ੧੫੪) વੁਤ੍ਤਸਿਕ੍ਖਾਪਦਞ੍ਚ। ਤਿਰਚ੍ਛਾਨવਿਜ੍ਜਾ ਦ੍વੇ વੁਤ੍ਤਾਤਿ ‘‘ਤਿਰਚ੍ਛਾਨવਿਜ੍ਜਂ ਪਰਿਯਾਪੁਣੇਯ੍ਯ, વਾਚੇਯ੍ਯਾ’’ਤਿ (ਪਾਚਿ॰ ੧੦੧੪, ੧੦੧੮) ਏવਂ વੁਤ੍ਤਾਨਿ ਦ੍વੇ ਸਿਕ੍ਖਾਪਦਾਨਿ ਚ। ਅਨੋਕਾਸਕਤਮ੍ਪਿ ਚਾਤਿ ‘‘ਅਨੋਕਾਸਕਤਂ ਭਿਕ੍ਖੁਂ ਪਞ੍ਹਂ ਪੁਚ੍ਛੇਯ੍ਯਾ’’ਤਿ (ਪਾਚਿ॰ ੧੨੨੦) વੁਤ੍ਤਸਿਕ੍ਖਾਪਦਞ੍ਚਾਤਿ ਇਮੇ ਪਨ ਸਬ੍ਬੇ ਛ ਧਮ੍ਮਾ વਾਚਤੋ, વਾਚਾਚਿਤ੍ਤਤੋ ਚਾਤਿ ਇਮੇਹਿ ਦ੍વੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਨਿਕਾ ਹੋਨ੍ਤਿ। ਪਦਸੋਧਮ੍ਮਤੁਲ੍ਯਤਾ ਅਯਮੇਤੇਸਂ ਪਦਸੋਧਮ੍ਮੇਨ ਸਦਿਸਭਾવੋਤਿ ਯੋਜਨਾ।
396-7.Aññatrāti ‘‘mātugāmassa uttarichappañcavācāhi dhammaṃ deseyya aññatra viññunā purisaviggahenā’’ti (pāci. 63) vuttasikkhāpadañca. Asammato cevāti ‘‘asammato bhikkhuniyo ovadeyyā’’ti (pāci. 146) vuttasikkhāpadañca. Tathā atthaṅgatena cāti ‘‘atthaṅgate sūriye bhikkhuniyo ovadeyyā’’ti (pāci. 154) vuttasikkhāpadañca. Tiracchānavijjā dve vuttāti ‘‘tiracchānavijjaṃ pariyāpuṇeyya, vāceyyā’’ti (pāci. 1014, 1018) evaṃ vuttāni dve sikkhāpadāni ca. Anokāsakatampi cāti ‘‘anokāsakataṃ bhikkhuṃ pañhaṃ puccheyyā’’ti (pāci. 1220) vuttasikkhāpadañcāti ime pana sabbe cha dhammā vācato, vācācittato cāti imehi dvīhi samuṭṭhānehi samuṭṭhānikā honti. Padasodhammatulyatā ayametesaṃ padasodhammena sadisabhāvoti yojanā.
ਪਦਸੋਧਮ੍ਮਸਮੁਟ੍ਠਾਨવਣ੍ਣਨਾ।
Padasodhammasamuṭṭhānavaṇṇanā.
੩੯੮-੯. ਏਕਨ੍ਤਿ ‘‘ਭਿਕ੍ਖੁਨਿਯਾ ਸਦ੍ਧਿਂ ਸਂવਿਧਾਯ ਏਕਦ੍ਧਾਨਮਗ੍ਗਂ ਪਟਿਪਜ੍ਜੇਯ੍ਯਾ’’ਤਿ (ਪਾਚਿ॰ ੧੮੦) વੁਤ੍ਤਸਿਕ੍ਖਾਪਦਞ੍ਚ। ਨਾવਨ੍ਤਿ ‘‘ਏਕਨਾવਂ ਅਭਿਰੁਹੇਯ੍ਯਾ’’ਤਿ (ਪਾਚਿ॰ ੧੮੮) વੁਤ੍ਤਸਿਕ੍ਖਾਪਦਞ੍ਚ। ਪਣੀਤਞ੍ਚਾਤਿ ‘‘ਪਣੀਤਭੋਜਨਾਨਿ ਅਗਿਲਾਨੋ ਅਤ੍ਤਨੋ ਅਤ੍ਥਾਯ વਿਞ੍ਞਾਪੇਤ੍વਾਭੁਞ੍ਜੇਯ੍ਯਾ’’ਤਿ (ਪਾਚਿ॰ ੨੫੯) વੁਤ੍ਤਸਿਕ੍ਖਾਪਦਞ੍ਚ। ਸਂવਿਧਾਨਞ੍ਚਾਤਿ ਮਾਤੁਗਾਮੇਨ ਸਦ੍ਧਿਂ ਸਂવਿਧਾਯ ਗਮਨਸਿਕ੍ਖਾਪਦਞ੍ਚ। ਸਂਹਰੇਤਿ ‘‘ਸਮ੍ਬਾਧੇ ਲੋਮਂ ਸਂਹਰਾਪੇਯ੍ਯਾ’’ਤਿ (ਪਾਚਿ॰ ੭੯੯) વੁਤ੍ਤਸਿਕ੍ਖਾਪਦਞ੍ਚ। ਧਞ੍ਞਨ੍ਤਿ ‘‘ਆਮਕਧਞ੍ਞਂ વਿਞ੍ਞਤ੍વਾ વਾ’’ਤਿ (ਪਾਚਿ॰ ੮੨੧) વੁਤ੍ਤਸਿਕ੍ਖਾਪਦਞ੍ਚ। ਨਿਮਨ੍ਤਿਤਾ ਚੇવਾਤਿ ‘‘ਨਿਮਨ੍ਤਿਤਾ વਾ ਪવਾਰਿਤਾ વਾ ਖਾਦਨੀਯਂ વਾ ਭੋਜਨੀਯਂ વਾ ਖਾਦੇਯ੍ਯ વਾ ਭੁਞ੍ਜੇਯ੍ਯ વਾ’’ਤਿ (ਪਾਚਿ॰ ੧੦੩੮) વੁਤ੍ਤਸਿਕ੍ਖਾਪਦਞ੍ਚ। ਪਾਟਿਦੇਸਨਿਯਟ੍ਠਕਨ੍ਤਿ ਭਿਕ੍ਖੁਨੀਨਂ વੁਤ੍ਤਾ ਅਟ੍ਠ ਪਾਟਿਦੇਸਨੀਯਾ ਚੇਤਿ ਬੁਦ੍ਧਸੇਟ੍ਠੇਨ ਪਞ੍ਞਤ੍ਤਾ ਏਤਾ ਚੁਦ੍ਦਸ ਸਿਕ੍ਖਾ ਚਤੁਸਮੁਟ੍ਠਾਨਾ ਕਾਯਤੋ, ਕਾਯવਾਚਤੋ, ਕਾਯਚਿਤ੍ਤਤੋ, વਾਚਾਚਿਤ੍ਤਤੋ ਚਾਤਿ ਚਤੂਹਿ ਸਮੁਟ੍ਠਾਨੇਹਿ ਸਮੁਟ੍ਠਹਨ੍ਤਿ। ਸਮੁਟ੍ਠਾਨਤੋ ਅਦ੍ਧਾਨੇਨ ਅਦ੍ਧਾਨਸਿਕ੍ਖਾਪਦੇਨ ਸਮਾ ਹੋਨ੍ਤੀਤਿ ਮਤਾਤਿ ਯੋਜਨਾ।
398-9.Ekanti ‘‘bhikkhuniyā saddhiṃ saṃvidhāya ekaddhānamaggaṃ paṭipajjeyyā’’ti (pāci. 180) vuttasikkhāpadañca. Nāvanti ‘‘ekanāvaṃ abhiruheyyā’’ti (pāci. 188) vuttasikkhāpadañca. Paṇītañcāti ‘‘paṇītabhojanāni agilāno attano atthāya viññāpetvābhuñjeyyā’’ti (pāci. 259) vuttasikkhāpadañca. Saṃvidhānañcāti mātugāmena saddhiṃ saṃvidhāya gamanasikkhāpadañca. Saṃhareti ‘‘sambādhe lomaṃ saṃharāpeyyā’’ti (pāci. 799) vuttasikkhāpadañca. Dhaññanti ‘‘āmakadhaññaṃ viññatvā vā’’ti (pāci. 821) vuttasikkhāpadañca. Nimantitā cevāti ‘‘nimantitā vā pavāritā vā khādanīyaṃ vā bhojanīyaṃ vā khādeyya vā bhuñjeyya vā’’ti (pāci. 1038) vuttasikkhāpadañca. Pāṭidesaniyaṭṭhakanti bhikkhunīnaṃ vuttā aṭṭha pāṭidesanīyā ceti buddhaseṭṭhena paññattā etā cuddasa sikkhā catusamuṭṭhānā kāyato, kāyavācato, kāyacittato, vācācittato cāti catūhi samuṭṭhānehi samuṭṭhahanti. Samuṭṭhānato addhānena addhānasikkhāpadena samā hontīti matāti yojanā.
ਅਦ੍ਧਾਨਸਮੁਟ੍ਠਾਨવਣ੍ਣਨਾ।
Addhānasamuṭṭhānavaṇṇanā.
੪੦੦-੧. ਸੁਤਿਨ੍ਤਿ ਉਪਸ੍ਸੁਤਿਤਿਟ੍ਠਨਸਿਕ੍ਖਾਪਦਞ੍ਚ। ਸੂਪਾਦਿવਿਞ੍ਞਤ੍ਤਿਨ੍ਤਿ ਸੂਪੋਦਨવਿਞ੍ਞਤ੍ਤਿਸਿਕ੍ਖਾਪਦਞ੍ਚ। ਅਨ੍ਧਕਾਰੇਤਿ ‘‘ਰਤ੍ਤਨ੍ਧਕਾਰੇ ਅਪ੍ਪਦੀਪੇ’’ਤਿ (ਪਾਚਿ॰ ੮੩੯) વੁਤ੍ਤਸਿਕ੍ਖਾਪਦਞ੍ਚ। ਤਥੇવ ਚ ਪਟਿਚ੍ਛਨ੍ਨੇਤਿ ‘‘ਪਟਿਚ੍ਛਨ੍ਨੇ ਓਕਾਸੇ’’ਤਿ (ਪਾਚਿ॰ ੮੪੩) વੁਤ੍ਤਸਿਕ੍ਖਾਪਦਞ੍ਚ। ਓਕਾਸੇਤਿ ‘‘ਅਜ੍ਝੋਕਾਸੇ ਪੁਰਿਸੇਨ ਸਦ੍ਧਿ’’ਨ੍ਤਿ (ਪਾਚਿ॰ ੮੪੭) ਏવਂ વੁਤ੍ਤਸਿਕ੍ਖਾਪਦਞ੍ਚ। ਬ੍ਯੂਹੇ ਚਾਤਿ ਤਦਨਨ੍ਤਰਮੇવ ‘‘ਰਥਿਕਾਯ વਾ ਬ੍ਯੂਹੇ વਾ ਸਿਙ੍ਘਾਟਕੇ વਾ ਪੁਰਿਸੇਨ ਸਦ੍ਧਿ’’ਨ੍ਤਿ (ਪਾਚਿ॰ ੮੫੧) ਆਗਤਸਿਕ੍ਖਾਪਦਞ੍ਚਾਤਿ ਇਮੇ ਸਬ੍ਬੇਪਿ ਆਦਿਚ੍ਚਬਨ੍ਧੁਨਾ ਦੇਸਿਤਾ ਛ ਧਮ੍ਮਾ ਚਤੁਤ੍ਥਚ੍ਛਟ੍ਠਤੋ ਕਾਯਚਿਤ੍ਤਤੋ, ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਹਨ੍ਤਾ ਥੇਯ੍ਯਸਤ੍ਥਸਮੁਟ੍ਠਾਨਾ ਥੇਯ੍ਯਸਤ੍ਥਸਿਕ੍ਖਾਪਦੇਨ ਸਮਾਨਸਮੁਟ੍ਠਾਨਾ ਸਿਯੁਨ੍ਤਿ ਯੋਜਨਾ।
400-1.Sutinti upassutitiṭṭhanasikkhāpadañca. Sūpādiviññattinti sūpodanaviññattisikkhāpadañca. Andhakāreti ‘‘rattandhakāre appadīpe’’ti (pāci. 839) vuttasikkhāpadañca. Tatheva ca paṭicchanneti ‘‘paṭicchanne okāse’’ti (pāci. 843) vuttasikkhāpadañca. Okāseti ‘‘ajjhokāse purisena saddhi’’nti (pāci. 847) evaṃ vuttasikkhāpadañca. Byūhe cāti tadanantarameva ‘‘rathikāya vā byūhe vā siṅghāṭake vā purisena saddhi’’nti (pāci. 851) āgatasikkhāpadañcāti ime sabbepi ādiccabandhunā desitā cha dhammā catutthacchaṭṭhato kāyacittato, kāyavācācittato ca samuṭṭhahantā theyyasatthasamuṭṭhānā theyyasatthasikkhāpadena samānasamuṭṭhānā siyunti yojanā.
ਥੇਯ੍ਯਸਤ੍ਥਸਮੁਟ੍ਠਾਨવਣ੍ਣਨਾ।
Theyyasatthasamuṭṭhānavaṇṇanā.
੪੦੨. ਛਤ੍ਤ, ਦਣ੍ਡਕਰਸ੍ਸਾਪੀਤਿ ‘‘ਨ ਛਤ੍ਤਪਾਣਿਸ੍ਸ ਦਣ੍ਡਪਾਣਿਸ੍ਸਾ’’ਤਿ (ਪਾਚਿ॰ ੬੩੫) વੁਤ੍ਤਸਿਕ੍ਖਾਪਦਦ੍વਯਞ੍ਚ। ਸਤ੍ਥਾવੁਧਕਰਸ੍ਸਾਪੀਤਿ ‘‘ਨ ਸਤ੍ਥਪਾਣਿਸ੍ਸ (ਪਾਚਿ॰ ੬੩੬), ਨ ਆવੁਧਪਾਣਿਸ੍ਸਾ’’ਤਿ (ਪਾਚਿ॰ ੬੩੭) વੁਤ੍ਤਸਿਕ੍ਖਾਪਦਦ੍વਯਞ੍ਚ। ਪਾਦੁਕੂਪਾਹਨਾ, ਯਾਨਨ੍ਤਿ ‘‘ਨ ਪਾਦੁਕਾਰੁਲ਼੍ਹਸ੍ਸ (ਪਾਚਿ॰ ੬੩੮), ਨ ਉਪਾਹਨਾਰੁਲ਼੍ਹਸ੍ਸ (ਪਾਚਿ॰ ੬੩੯), ਨ ਯਾਨਗਤਸ੍ਸਾ’’ਤਿ (ਪਾਚਿ॰ ੬੪੦) વੁਤ੍ਤਸਿਕ੍ਖਾਪਦਤ੍ਤਯਞ੍ਚ। ਸੇਯ੍ਯਾ, ਪਲ੍ਲਤ੍ਥਿਕਾਯ ਚਾਤਿ ‘‘ਨ ਸਯਨਗਤਸ੍ਸ (ਪਾਚਿ॰ ੬੪੧), ਨ ਪਲ੍ਲਤ੍ਥਿਕਾਯ ਨਿਸਿਨ੍ਨਸ੍ਸਾ’’ਤਿ (ਪਾਚਿ॰ ੬੪੨) વੁਤ੍ਤਸਿਕ੍ਖਾਪਦਦ੍વਯਞ੍ਚ।
402.Chatta, daṇḍakarassāpīti ‘‘na chattapāṇissa daṇḍapāṇissā’’ti (pāci. 635) vuttasikkhāpadadvayañca. Satthāvudhakarassāpīti ‘‘na satthapāṇissa (pāci. 636), na āvudhapāṇissā’’ti (pāci. 637) vuttasikkhāpadadvayañca. Pādukūpāhanā, yānanti ‘‘na pādukāruḷhassa (pāci. 638), na upāhanāruḷhassa (pāci. 639), na yānagatassā’’ti (pāci. 640) vuttasikkhāpadattayañca. Seyyā, pallatthikāya cāti ‘‘na sayanagatassa (pāci. 641), na pallatthikāya nisinnassā’’ti (pāci. 642) vuttasikkhāpadadvayañca.
੪੦੩. વੇਠਿਤੋਗੁਣ੍ਠਿਤੋ ਚਾਤਿ ‘‘ਨ વੇਠਿਤਸੀਸਸ੍ਸ (ਪਾਚਿ॰ ੬੪੩), ਨ ਓਗੁਣ੍ਠਿਤਸੀਸਸ੍ਸਾ’’ਤਿ (ਪਾਚਿ॰ ੬੪੪) વੁਤ੍ਤਸਿਕ੍ਖਾਪਦਦ੍વਯਞ੍ਚਾਤਿ ਨਿਦਸ੍ਸਿਤਾ ਸਬ੍ਬੇ ਏਕਾਦਸ ਧਮ੍ਮਾ વਾਚਾਚਿਤ੍ਤਸਙ੍ਖਾਤੇਨ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਿਤਾ ਧਮ੍ਮਦੇਸਨਸਮੁਟ੍ਠਾਨਾਤਿ ਸਞ੍ਞਿਤਾ ਸਲ੍ਲਕ੍ਖਿਤਾਤਿ ਯੋਜਨਾ।
403.Veṭhitoguṇṭhito cāti ‘‘na veṭhitasīsassa (pāci. 643), na oguṇṭhitasīsassā’’ti (pāci. 644) vuttasikkhāpadadvayañcāti nidassitā sabbe ekādasa dhammā vācācittasaṅkhātena ekena samuṭṭhānena samuṭṭhitā dhammadesanasamuṭṭhānāti saññitā sallakkhitāti yojanā.
ਧਮ੍ਮਦੇਸਨਸਮੁਟ੍ਠਾਨવਣ੍ਣਨਾ।
Dhammadesanasamuṭṭhānavaṇṇanā.
੪੦੪. ਏવਂ ਤਾવ ਸਮ੍ਭਿਨ੍ਨਸਮੁਟ੍ਠਾਨਂ વੇਦਿਤਬ੍ਬਂ, ਨਿਯਤਸਮੁਟ੍ਠਾਨਂ ਤਿવਿਧਂ, ਤਂ ਏਕਸ੍ਸੇવ ਸਿਕ੍ਖਾਪਦਸ੍ਸ ਹੋਤੀਤਿ વਿਸੁਂਯੇવ ਦਸ੍ਸੇਤੁਮਾਹ ‘‘ਭੂਤਾਰੋਚਨਕਞ੍ਚੇવਾ’’ਤਿਆਦਿ। ਭੂਤਾਰੋਚਨਕਞ੍ਚੇવਾਤਿ ਤੀਹਿ ਅਚਿਤ੍ਤਕਸਮੁਟ੍ਠਾਨੇਹਿ ਸਮੁਟ੍ਠਿਤਂ ਭੂਤਾਰੋਚਨਸਿਕ੍ਖਾਪਦਞ੍ਚ। ਚੋਰਿવੁਟ੍ਠਾਪਨਮ੍ਪਿ ਚਾਤਿ વਾਚਾਚਿਤ੍ਤਤੋ, ਕਾਯવਾਚਾਚਿਤ੍ਤਤੋ ਚਾਤਿ ਦ੍વੀਹਿ ਸਮੁਟ੍ਠਿਤਂ ਚੋਰਿવੁਟ੍ਠਾਪਨਸਿਕ੍ਖਾਪਦਞ੍ਚ। ਅਨਨੁਞ੍ਞਾਤਮੇવ ਅਨਨੁਞ੍ਞਾਤਮਤ੍ਤਂ। ਅਨਨੁਞ੍ਞਾਤਮਤ੍ਤਨ੍ਤਿ વਾਚਤੋ, ਕਾਯવਾਚਤੋ, વਾਚਾਚਿਤ੍ਤਤੋ, ਕਾਯવਾਚਾਚਿਤ੍ਤਤੋ ਚਾਤਿ ਚਤੂਹਿ ਸਮੁਟ੍ਠਿਤਂ ਅਨਨੁਞ੍ਞਾਤਸਿਕ੍ਖਾਪਦਞ੍ਚਾਤਿ। ਇਦਂ ਤਯਨ੍ਤਿ ਇਦਂ ਸਿਕ੍ਖਾਪਦਤ੍ਤਯਂ। ਅਸਮ੍ਭਿਨ੍ਨਨ੍ਤਿ ਕੇਨਚਿ ਅਞ੍ਞੇਨ ਸਿਕ੍ਖਾਪਦੇਨ ਅਸਮ੍ਮਿਸ੍ਸਸਮੁਟ੍ਠਾਨਂ।
404. Evaṃ tāva sambhinnasamuṭṭhānaṃ veditabbaṃ, niyatasamuṭṭhānaṃ tividhaṃ, taṃ ekasseva sikkhāpadassa hotīti visuṃyeva dassetumāha ‘‘bhūtārocanakañcevā’’tiādi. Bhūtārocanakañcevāti tīhi acittakasamuṭṭhānehi samuṭṭhitaṃ bhūtārocanasikkhāpadañca. Corivuṭṭhāpanampi cāti vācācittato, kāyavācācittato cāti dvīhi samuṭṭhitaṃ corivuṭṭhāpanasikkhāpadañca. Ananuññātameva ananuññātamattaṃ. Ananuññātamattanti vācato, kāyavācato, vācācittato, kāyavācācittato cāti catūhi samuṭṭhitaṃ ananuññātasikkhāpadañcāti. Idaṃ tayanti idaṃ sikkhāpadattayaṃ. Asambhinnanti kenaci aññena sikkhāpadena asammissasamuṭṭhānaṃ.
ਇਤਿ ਉਤ੍ਤਰੇ ਲੀਨਤ੍ਥਪਕਾਸਨਿਯਾ
Iti uttare līnatthapakāsaniyā
ਸਮੁਟ੍ਠਾਨਸੀਸਕਥਾવਣ੍ਣਨਾ ਨਿਟ੍ਠਿਤਾ।
Samuṭṭhānasīsakathāvaṇṇanā niṭṭhitā.
