| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਸਮੁਟ੍ਠਾਨਸੀਸવਣ੍ਣਨਾ
Samuṭṭhānasīsavaṇṇanā
੨੫੭. ਸਮੁਟ੍ਠਾਨਕਥਾਯ ਪਨ ਕਰੁਣਾਸੀਤਲਭਾવੇਨ ਚਨ੍ਦਸਦਿਸਤ੍ਤਾ ‘‘ਬੁਦ੍ਧਚਨ੍ਦੇ’’ਤਿ વੁਤ੍ਤਂ, ਕਿਲੇਸਤਿਮਿਰਪਹਾਨਤੋ ‘‘ਬੁਦ੍ਧਾਦਿਚ੍ਚੇ’’ਤਿ વੁਤ੍ਤਂ। ਪਿਟਕੇ ਤੀਣਿ ਦੇਸਯੀਤਿ ਯਸ੍ਮਾ ਤੇ ਦੇਸਯਨ੍ਤਿ, ਤਸ੍ਮਾ ਅਙ੍ਗਿਰਸੋਪਿ ਪਿਟਕਾਨਿ ਤੀਣਿ ਦੇਸਯਿ। ਤਾਨਿ ਕਤਮਾਨੀਤਿ ਆਹ ‘‘ਸੁਤ੍ਤਨ੍ਤ’’ਨ੍ਤਿਆਦਿ। ਮਹਾਗੁਣਨ੍ਤਿ ਮਹਾਨਿਸਂਸਂ। ਏવਂ ਨੀਯਤਿ ਸਦ੍ਧਮ੍ਮੋ, વਿਨਯੋ ਯਦਿ ਤਿਟ੍ਠਤੀਤਿ ਯਦਿ વਿਨਯਪਰਿਯਤ੍ਤਿ ਅਨਨ੍ਤਰਹਿਤਾ ਤਿਟ੍ਠਤਿ ਪવਤ੍ਤਤਿ, ਏવਂ ਸਤਿ ਪਟਿਪਤ੍ਤਿਪਟਿવੇਧਸਦ੍ਧਮ੍ਮੋ ਨੀਯਤਿ ਪવਤ੍ਤਤਿ। વਿਨਯਪਰਿਯਤ੍ਤਿ ਪਨ ਕਥਂ ਤਿਟ੍ਠਤੀਤਿ ਆਹ ‘‘ਉਭਤੋਚਾ’’ਤਿਆਦਿ। ਪਰਿવਾਰੇਨ ਗਨ੍ਥਿਤਾ ਤਿਟ੍ਠਨ੍ਤੀਤਿ ਯੋਜੇਤਬ੍ਬਂ। ਤਸ੍ਸੇવ ਪਰਿવਾਰਸ੍ਸਾਤਿ ਤਸ੍ਮਿਂਯੇવ ਪਰਿવਾਰੇ।
257. Samuṭṭhānakathāya pana karuṇāsītalabhāvena candasadisattā ‘‘buddhacande’’ti vuttaṃ, kilesatimirapahānato ‘‘buddhādicce’’ti vuttaṃ. Piṭake tīṇi desayīti yasmā te desayanti, tasmā aṅgirasopi piṭakāni tīṇi desayi. Tāni katamānīti āha ‘‘suttanta’’ntiādi. Mahāguṇanti mahānisaṃsaṃ. Evaṃ nīyati saddhammo, vinayo yadi tiṭṭhatīti yadi vinayapariyatti anantarahitā tiṭṭhati pavattati, evaṃ sati paṭipattipaṭivedhasaddhammo nīyati pavattati. Vinayapariyatti pana kathaṃ tiṭṭhatīti āha ‘‘ubhatocā’’tiādi. Parivārena ganthitā tiṭṭhantīti yojetabbaṃ. Tasseva parivārassāti tasmiṃyeva parivāre.
ਨਿਯਤਕਤਨ੍ਤਿ ਕਤਨਿਯਤਂ, ਨਿਯਮਿਤਨ੍ਤਿ ਅਤ੍ਥੋ। ਅਞ੍ਞੇਹਿ ਸਦ੍ਧਿਨ੍ਤਿ ਸੇਸਸਿਕ੍ਖਾਪਦੇਹਿ ਸਦ੍ਧਿਂ। ਅਸਮ੍ਭਿਨ੍ਨਸਮੁਟ੍ਠਾਨਾਨੀਤਿ ਅਸਙ੍ਕਰਸਮੁਟ੍ਠਾਨਾਨਿ।
Niyatakatanti kataniyataṃ, niyamitanti attho. Aññehi saddhinti sesasikkhāpadehi saddhiṃ. Asambhinnasamuṭṭhānānīti asaṅkarasamuṭṭhānāni.
ਤਸ੍ਮਾ ਸਿਕ੍ਖੇਤਿ ਯਸ੍ਮਾ વਿਨਯੇ ਸਤਿ ਸਦ੍ਧਮ੍ਮੋ ਤਿਟ੍ਠਤਿ, વਿਨਯੋ ਚ ਪਰਿવਾਰੇਨ ਗਨ੍ਥਿਤੋ ਤਿਟ੍ਠਤਿ, ਪਰਿવਾਰੇ ਚ ਸਮੁਟ੍ਠਾਨਾਦੀਨਿ ਦਿਸ੍ਸਨ੍ਤਿ, ਤਸ੍ਮਾ ਸਿਕ੍ਖੇਯ੍ਯ ਪਰਿવਾਰਂ, ਉਗ੍ਗਣ੍ਹੇਯ੍ਯਾਤਿ ਅਤ੍ਥੋ।
Tasmā sikkheti yasmā vinaye sati saddhammo tiṭṭhati, vinayo ca parivārena ganthito tiṭṭhati, parivāre ca samuṭṭhānādīni dissanti, tasmā sikkheyya parivāraṃ, uggaṇheyyāti attho.
ਆਦਿਮ੍ਹਿ ਤਾવ ਪੁਰਿਮਨਯੇਤਿ ‘‘ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤੀਤਿ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਾਤਿ, ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤੀ’’ਤਿਆਦਿਨਾ (ਪਰਿ॰ ੧੮੭) ਪਞ੍ਞਤ੍ਤਿવਾਰੇ ਸਕਿਂ ਆਗਤਨਯਂ ਸਨ੍ਧਾਯੇਤਂ વੁਤ੍ਤਂ।
Ādimhi tāva purimanayeti ‘‘channaṃ āpattisamuṭṭhānānaṃ katihi samuṭṭhānehi samuṭṭhātīti ekena samuṭṭhānena samuṭṭhāti, kāyato ca cittato ca samuṭṭhātī’’tiādinā (pari. 187) paññattivāre sakiṃ āgatanayaṃ sandhāyetaṃ vuttaṃ.
੨੫੮. ਨਾਨੁਬਨ੍ਧੇ ਪવਤ੍ਤਿਨਿਨ੍ਤਿ ‘‘ਯਾ ਪਨ ਭਿਕ੍ਖੁਨੀ વੁਟ੍ਠਾਪਿਤਂ ਪવਤ੍ਤਿਨਿਂ ਦ੍વੇ વਸ੍ਸਾਨਿ ਨਾਨੁਬਨ੍ਧੇਯ੍ਯਾ’’ਤਿ (ਪਾਚਿ॰ ੧੧੧੧) વੁਤ੍ਤਸਿਕ੍ਖਾਪਦਂ।
258.Nānubandhe pavattininti ‘‘yā pana bhikkhunī vuṭṭhāpitaṃ pavattiniṃ dve vassāni nānubandheyyā’’ti (pāci. 1111) vuttasikkhāpadaṃ.
੨੭੦. ਅਕਤਨ੍ਤਿ ਅਞ੍ਞੇਹਿ ਅਮਿਸ੍ਸੀਕਤਂ, ਨਿਯਤਸਮੁਟ੍ਠਾਨਨ੍ਤਿ વੁਤ੍ਤਂ ਹੋਤਿ।
270.Akatanti aññehi amissīkataṃ, niyatasamuṭṭhānanti vuttaṃ hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
ਸਮੁਟ੍ਠਾਨਸ੍ਸੁਦ੍ਦਾਨਂ • Samuṭṭhānassuddānaṃ
੧. ਪਠਮਪਾਰਾਜਿਕਸਮੁਟ੍ਠਾਨਂ • 1. Paṭhamapārājikasamuṭṭhānaṃ
੧੩. ਅਨਨੁਞ੍ਞਾਤਸਮੁਟ੍ਠਾਨਂ • 13. Ananuññātasamuṭṭhānaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā
ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਪਠਮਪਾਰਾਜਿਕਸਮੁਟ੍ਠਾਨવਣ੍ਣਨਾ • Paṭhamapārājikasamuṭṭhānavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਪਠਮਪਾਰਾਜਿਕਸਮੁਟ੍ਠਾਨવਣ੍ਣਨਾ • Paṭhamapārājikasamuṭṭhānavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਪਠਮਪਾਰਾਜਿਕਸਮੁਟ੍ਠਾਨવਣ੍ਣਨਾ • Paṭhamapārājikasamuṭṭhānavaṇṇanā
