Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
സമുട്ഠാനസീസവണ്ണനാ
Samuṭṭhānasīsavaṇṇanā
൨൫൭. സമുട്ഠാനകഥായ പന കരുണാസീതലഭാവേന ചന്ദസദിസത്താ ‘‘ബുദ്ധചന്ദേ’’തി വുത്തം, കിലേസതിമിരപഹാനതോ ‘‘ബുദ്ധാദിച്ചേ’’തി വുത്തം. പിടകേ തീണി ദേസയീതി യസ്മാ തേ ദേസയന്തി, തസ്മാ അങ്ഗിരസോപി പിടകാനി തീണി ദേസയി. താനി കതമാനീതി ആഹ ‘‘സുത്തന്ത’’ന്തിആദി. മഹാഗുണന്തി മഹാനിസംസം. ഏവം നീയതി സദ്ധമ്മോ, വിനയോ യദി തിട്ഠതീതി യദി വിനയപരിയത്തി അനന്തരഹിതാ തിട്ഠതി പവത്തതി, ഏവം സതി പടിപത്തിപടിവേധസദ്ധമ്മോ നീയതി പവത്തതി. വിനയപരിയത്തി പന കഥം തിട്ഠതീതി ആഹ ‘‘ഉഭതോചാ’’തിആദി. പരിവാരേന ഗന്ഥിതാ തിട്ഠന്തീതി യോജേതബ്ബം. തസ്സേവ പരിവാരസ്സാതി തസ്മിംയേവ പരിവാരേ.
257. Samuṭṭhānakathāya pana karuṇāsītalabhāvena candasadisattā ‘‘buddhacande’’ti vuttaṃ, kilesatimirapahānato ‘‘buddhādicce’’ti vuttaṃ. Piṭake tīṇi desayīti yasmā te desayanti, tasmā aṅgirasopi piṭakāni tīṇi desayi. Tāni katamānīti āha ‘‘suttanta’’ntiādi. Mahāguṇanti mahānisaṃsaṃ. Evaṃ nīyati saddhammo, vinayo yadi tiṭṭhatīti yadi vinayapariyatti anantarahitā tiṭṭhati pavattati, evaṃ sati paṭipattipaṭivedhasaddhammo nīyati pavattati. Vinayapariyatti pana kathaṃ tiṭṭhatīti āha ‘‘ubhatocā’’tiādi. Parivārena ganthitā tiṭṭhantīti yojetabbaṃ. Tasseva parivārassāti tasmiṃyeva parivāre.
നിയതകതന്തി കതനിയതം, നിയമിതന്തി അത്ഥോ. അഞ്ഞേഹി സദ്ധിന്തി സേസസിക്ഖാപദേഹി സദ്ധിം. അസമ്ഭിന്നസമുട്ഠാനാനീതി അസങ്കരസമുട്ഠാനാനി.
Niyatakatanti kataniyataṃ, niyamitanti attho. Aññehi saddhinti sesasikkhāpadehi saddhiṃ. Asambhinnasamuṭṭhānānīti asaṅkarasamuṭṭhānāni.
തസ്മാ സിക്ഖേതി യസ്മാ വിനയേ സതി സദ്ധമ്മോ തിട്ഠതി, വിനയോ ച പരിവാരേന ഗന്ഥിതോ തിട്ഠതി, പരിവാരേ ച സമുട്ഠാനാദീനി ദിസ്സന്തി, തസ്മാ സിക്ഖേയ്യ പരിവാരം, ഉഗ്ഗണ്ഹേയ്യാതി അത്ഥോ.
Tasmā sikkheti yasmā vinaye sati saddhammo tiṭṭhati, vinayo ca parivārena ganthito tiṭṭhati, parivāre ca samuṭṭhānādīni dissanti, tasmā sikkheyya parivāraṃ, uggaṇheyyāti attho.
ആദിമ്ഹി താവ പുരിമനയേതി ‘‘ഛന്നം ആപത്തിസമുട്ഠാനാനം കതിഹി സമുട്ഠാനേഹി സമുട്ഠാതീതി ഏകേന സമുട്ഠാനേന സമുട്ഠാതി, കായതോ ച ചിത്തതോ ച സമുട്ഠാതീ’’തിആദിനാ (പരി॰ ൧൮൭) പഞ്ഞത്തിവാരേ സകിം ആഗതനയം സന്ധായേതം വുത്തം.
Ādimhi tāva purimanayeti ‘‘channaṃ āpattisamuṭṭhānānaṃ katihi samuṭṭhānehi samuṭṭhātīti ekena samuṭṭhānena samuṭṭhāti, kāyato ca cittato ca samuṭṭhātī’’tiādinā (pari. 187) paññattivāre sakiṃ āgatanayaṃ sandhāyetaṃ vuttaṃ.
൨൫൮. നാനുബന്ധേ പവത്തിനിന്തി ‘‘യാ പന ഭിക്ഖുനീ വുട്ഠാപിതം പവത്തിനിം ദ്വേ വസ്സാനി നാനുബന്ധേയ്യാ’’തി (പാചി॰ ൧൧൧൧) വുത്തസിക്ഖാപദം.
258.Nānubandhe pavattininti ‘‘yā pana bhikkhunī vuṭṭhāpitaṃ pavattiniṃ dve vassāni nānubandheyyā’’ti (pāci. 1111) vuttasikkhāpadaṃ.
൨൭൦. അകതന്തി അഞ്ഞേഹി അമിസ്സീകതം, നിയതസമുട്ഠാനന്തി വുത്തം ഹോതി.
270.Akatanti aññehi amissīkataṃ, niyatasamuṭṭhānanti vuttaṃ hoti.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi
സമുട്ഠാനസ്സുദ്ദാനം • Samuṭṭhānassuddānaṃ
൧. പഠമപാരാജികസമുട്ഠാനം • 1. Paṭhamapārājikasamuṭṭhānaṃ
൧൩. അനനുഞ്ഞാതസമുട്ഠാനം • 13. Ananuññātasamuṭṭhānaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā
സമുട്ഠാനസീസവണ്ണനാ • Samuṭṭhānasīsavaṇṇanā
പഠമപാരാജികസമുട്ഠാനവണ്ണനാ • Paṭhamapārājikasamuṭṭhānavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā
സമുട്ഠാനസീസവണ്ണനാ • Samuṭṭhānasīsavaṇṇanā
പഠമപാരാജികസമുട്ഠാനവണ്ണനാ • Paṭhamapārājikasamuṭṭhānavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / സമുട്ഠാനസീസവണ്ണനാ • Samuṭṭhānasīsavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi
സമുട്ഠാനസീസവണ്ണനാ • Samuṭṭhānasīsavaṇṇanā
പഠമപാരാജികസമുട്ഠാനവണ്ണനാ • Paṭhamapārājikasamuṭṭhānavaṇṇanā