| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
૫. સમુટ્ઠાનવારો
5. Samuṭṭhānavāro
૨૪૩. અવસ્સુતાય ભિક્ખુનિયા અવસ્સુતસ્સ પુરિસપુગ્ગલસ્સ કાયસંસગ્ગં સાદિયન્તિયા આપત્તિયો છન્નં આપત્તિસમુટ્ઠાનાનં કતિહિ સમુટ્ઠાનેહિ સમુટ્ઠન્તિ? અવસ્સુતાય ભિક્ખુનિયા અવસ્સુતસ્સ પુરિસપુગ્ગલસ્સ કાયસંસગ્ગં સાદિયન્તિયા આપત્તિયો છન્નં આપત્તિસમુટ્ઠાનાનં એકેન સમુટ્ઠાનેન સમુટ્ઠન્તિ – કાયતો ચ ચિત્તતો ચ સમુટ્ઠન્તિ, ન વાચતો…પે॰….
243. Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato…pe….
દધિં વિઞ્ઞાપેત્વા ભુઞ્જન્તિયા આપત્તિયો છન્નં આપત્તિસમુટ્ઠાનાનં કતિહિ સમુટ્ઠાનેહિ સમુટ્ઠન્તિ? દધિં વિઞ્ઞાપેત્વા ભુઞ્જન્તિયા આપત્તિયો છન્નં આપત્તિસમુટ્ઠાનાનં ચતૂહિ સમુટ્ઠાનેહિ સમુટ્ઠન્તિ – સિયા કાયતો સમુટ્ઠન્તિ, ન વાચતો ન ચિત્તતો; સિયા કાયતો ચ વાચતો ચ સમુટ્ઠન્તિ, ન ચિત્તતો; સિયા કાયતો ચ ચિત્તતો ચ સમુટ્ઠન્તિ, ન વાચતો; સિયા કાયતો ચ વાચતો ચ ચિત્તતો ચ સમુટ્ઠન્તિ.
Dadhiṃ viññāpetvā bhuñjantiyā āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti? Dadhiṃ viññāpetvā bhuñjantiyā āpattiyo channaṃ āpattisamuṭṭhānānaṃ catūhi samuṭṭhānehi samuṭṭhanti – siyā kāyato samuṭṭhanti, na vācato na cittato; siyā kāyato ca vācato ca samuṭṭhanti, na cittato; siyā kāyato ca cittato ca samuṭṭhanti, na vācato; siyā kāyato ca vācato ca cittato ca samuṭṭhanti.
સમુટ્ઠાનવારો નિટ્ઠિતો પઞ્ચમો.
Samuṭṭhānavāro niṭṭhito pañcamo.
