Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
46. сам̣варанид̣̇д̣̇зсаван̣н̣анаа
46. Saṃvaraniddesavaṇṇanā
453. сам̣варан̣ам̣ жагкуд̣̇ваараад̣̇ийнам̣ сад̇игаваадзна бид̣̇аханам̣ сам̣варо. д̇ад̇т̇а гин̃жааби жагкунд̣̇рияз сам̣варо над̇т̇и, на хи жагкубасаад̣̇ам̣ ниссааяа сад̇и уббаж̇ж̇ад̇и, нзва бхаван̇г̇асамаяз ааваж̇ж̇анаад̣̇ийнам̣ ан̃н̃ад̇арасамаяз, ж̇аванагкан̣з бана уббаж̇ж̇ад̇ийд̇и д̇ад̣̇аа сам̣варо ход̇и, звам̣ хонд̇з бана со жагкуд̣̇ваараад̣̇ийнам̣ сам̣варод̇и вужжад̇и. жагкусод̇аад̣̇ибхзд̣̇зхийд̇и жагку жа сод̇ан̃жа, д̇аани аад̣̇и язсам̣, д̇зва бхзд̣̇аа жаад̇и самаасо, д̇зхи д̣̇ваарзхи. абхиж̇жхаад̣̇иббавад̇д̇ияаа ажжанд̇обагаарагад̇д̇аа гаран̣ад̇т̇з жзд̇т̇а д̇ад̇ияаа. зд̇зна жагкусод̇агхаанаж̇ивхаагааяаманасан̇каад̇аани д̣̇ваараани вуд̇д̇аани. руубасад̣̇д̣̇аад̣̇иг̇ожарзд̇и руубасад̣̇д̣̇аг̇анд̇харасаподтаб̣б̣ад̇хаммасан̇каад̇з висаяз. абхиж̇жхаад̣̇оманассаад̣̇иббавад̇д̇инд̇и зд̇т̇а барасамбад̇д̇им̣ абхимукам̣ жхааяад̇ийд̇и абхиж̇жхаа, б̣алавад̇ан̣хаа. аад̣̇и-сад̣̇д̣̇зна мижчаад̣̇идтиаад̣̇аяо анзгз агусалаа д̇хаммаа сан̇г̇ахид̇аа.
453. Saṃvaraṇaṃ cakkhudvārādīnaṃ satikavāṭena pidahanaṃ saṃvaro. Tattha kiñcāpi cakkhundriye saṃvaro natthi, na hi cakkhupasādaṃ nissāya sati uppajjati, neva bhavaṅgasamaye āvajjanādīnaṃ aññatarasamaye, javanakkhaṇe pana uppajjatīti tadā saṃvaro hoti, evaṃ honte pana so cakkhudvārādīnaṃ saṃvaroti vuccati. Cakkhusotādibhedehīti cakkhu ca sotañca, tāni ādi yesaṃ, teva bhedā cāti samāso, tehi dvārehi. Abhijjhādippavattiyā accantopakārakattā karaṇatthe cettha tatiyā. Etena cakkhusotaghānajivhākāyamanasaṅkhātāni dvārāni vuttāni. Rūpasaddādigocareti rūpasaddagandharasaphoṭṭhabbadhammasaṅkhāte visaye. Abhijjhādomanassādippavattinti ettha parasampattiṃ abhimukhaṃ jhāyatīti abhijjhā, balavataṇhā. Ādi-saddena micchādiṭṭhiādayo aneke akusalā dhammā saṅgahitā.
454. сагам̣ жид̇д̇ам̣ гидтаад̣̇им̣ д̣̇уббасум̣ вияа ниг̇г̇ан̣хзяяаад̇и самб̣анд̇хо. гидтанд̇и гидтадтаанз уббаннам̣ сассам̣ г̇ахид̇ам̣. гидтам̣ ад̣̇ад̇ийд̇и гидтаад̣̇и, д̇ам̣. самбаж̇аанод̇и саад̇т̇агасаббааяаг̇ожараасаммохасан̇каад̇зна жад̇усамбаж̇ан̃н̃зна саммаа баж̇аано. иминаа инд̣̇рияасам̣варасийлам̣ гат̇ид̇ам̣.
454. Sakaṃ cittaṃ kiṭṭhādiṃ duppasuṃ viya niggaṇheyyāti sambandho. Kiṭṭhanti kiṭṭhaṭṭhāne uppannaṃ sassaṃ gahitaṃ. Kiṭṭhaṃ adatīti kiṭṭhādi, taṃ. Sampajānoti sātthakasappāyagocaraasammohasaṅkhātena catusampajaññena sammā pajāno. Iminā indriyasaṃvarasīlaṃ kathitaṃ.
сам̣варанид̣̇д̣̇зсаван̣н̣анаа нидтид̇аа.
Saṃvaraniddesavaṇṇanā niṭṭhitā.