| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. сам̣варасуд̇д̇ам̣
5. Saṃvarasuttaṃ
98. ‘‘сам̣варан̃жа во, бхигкавз, д̣̇зсзссаами, асам̣варан̃жа. д̇ам̣ сун̣аат̇а. гат̇ан̃жа, бхигкавз, асам̣варо ход̇и? санд̇и, бхигкавз, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и, взд̣̇ид̇аб̣б̣амзд̇ам̣, бхигкавз, бхигкунаа – ‘барихааяаами гусалзхи д̇хаммзхи’. барихаанан̃хзд̇ам̣ вуд̇д̇ам̣ бхаг̇авад̇аад̇и…бз… санд̇и, бхигкавз, ж̇ивхаавин̃н̃зяяаа расаа…бз… санд̇и, бхигкавз, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и, взд̣̇ид̇аб̣б̣амзд̇ам̣, бхигкавз, бхигкунаа – ‘барихааяаами гусалзхи д̇хаммзхи’. барихаанан̃хзд̇ам̣ вуд̇д̇ам̣ бхаг̇авад̇аад̇и. звам̣ ко, бхигкавз, асам̣варо ход̇и.
98. ‘‘Saṃvarañca vo, bhikkhave, desessāmi, asaṃvarañca. Taṃ suṇātha. Kathañca, bhikkhave, asaṃvaro hoti? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati, veditabbametaṃ, bhikkhave, bhikkhunā – ‘parihāyāmi kusalehi dhammehi’. Parihānañhetaṃ vuttaṃ bhagavatāti…pe… santi, bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati, veditabbametaṃ, bhikkhave, bhikkhunā – ‘parihāyāmi kusalehi dhammehi’. Parihānañhetaṃ vuttaṃ bhagavatāti. Evaṃ kho, bhikkhave, asaṃvaro hoti.
‘‘гат̇ан̃жа, бхигкавз, сам̣варо ход̇и? санд̇и, бхигкавз, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и, взд̣̇ид̇аб̣б̣амзд̇ам̣, бхигкавз, бхигкунаа – ‘на барихааяаами гусалзхи д̇хаммзхи’. абарихаанан̃хзд̇ам̣ вуд̇д̇ам̣ бхаг̇авад̇аад̇и …бз… санд̇и, бхигкавз, ж̇ивхаавин̃н̃зяяаа расаа…бз… санд̇и, бхигкавз, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и, взд̣̇ид̇аб̣б̣амзд̇ам̣ бхигкунаа – ‘на барихааяаами гусалзхи д̇хаммзхи’. абарихаанан̃хзд̇ам̣ вуд̇д̇ам̣ бхаг̇авад̇аад̇и. звам̣ ко, бхигкавз, сам̣варо ход̇ий’’д̇и. бан̃жамам̣.
‘‘Kathañca, bhikkhave, saṃvaro hoti? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati, veditabbametaṃ, bhikkhave, bhikkhunā – ‘na parihāyāmi kusalehi dhammehi’. Aparihānañhetaṃ vuttaṃ bhagavatāti …pe… santi, bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati, veditabbametaṃ bhikkhunā – ‘na parihāyāmi kusalehi dhammehi’. Aparihānañhetaṃ vuttaṃ bhagavatāti. Evaṃ kho, bhikkhave, saṃvaro hotī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. сам̣варасуд̇д̇аван̣н̣анаа • 5. Saṃvarasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. сам̣варасуд̇д̇аван̣н̣анаа • 5. Saṃvarasuttavaṇṇanā
