| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
7. ஸங்விதா⁴னஸிக்கா²பத³வண்ணனா
7. Saṃvidhānasikkhāpadavaṇṇanā
181. தா பி⁴க்கு²னியோ தூ³ஸயிங்ஸூதி விபரிணாமோ காதப்³போ³.
181. Tā bhikkhuniyo dūsayiṃsūti vipariṇāmo kātabbo.
182-4. ஸம்பத³ந்தீதி பத³ஸா க³ச்ச²ந்தி. வுத்தனயேனேவாதி ‘‘ஸம்பதந்தி எத்தா²தி ஸம்பாதோ’’திஆதி³னா. பத³க³தே உபசாரோ ந லப்³ப⁴தி, அச்சாஸன்னத்தா மிஸ்ஸங் விய ஹோதீதி. குக்குடவஸ்ஸிதபரிச்சி²ன்னோ மஹாஅட்ட²கதா²யங். ‘‘தம்பி வோஹாரேனா’’தி லிகி²தங். ‘‘யேபு⁴ய்யேன ததா² ஸன்னிவேஸோ ஹோதீதி கத்வா அட்ட²கதா²யங் வுத்தங், தஸ்மா ந பமாத³லேகோ²’’தி ச, ‘‘உக்கட்ட²பரிச்சே²தே³ன வுத்தங் அட்ட²கதா²யங், ததோ உத்³த⁴ங் அத்³த⁴யோஜனலக்க²ணஸம்பத்தங் நாம ஹோதீதி க³ஹேதப்³ப³’’ந்தி ச வுத்தங். ‘‘கப்பியபூ⁴மி கிராயங்…பே॰… ந வத³ந்தீ’’தி வுத்தங். து³த்³த³ஸஞ்ஹெத்த² காரணங். கதரங் பன தந்தி? ‘‘க³ச்சா²மாதி ஸங்வித³ஹதி, ஆபத்தி து³க்கடஸ்ஸா’’தி வுத்தங். தத்த² ‘‘க³ச்சா²மா’’தி வத்தமானவசனந்தஞ்ச, அமக்³கே³ பி⁴க்கு²னுபஸ்ஸயாதி³ம்ஹி ந ஸம்ப⁴வதியேவ மனுஸ்ஸானங் அந்தரக⁴ராதி³ம்ஹி மக்³க³ஸங்கே²பக³மனதோ, உச்சாஸயனாதி³உப்பத்திட்டா²னத்தா ச. ந தித்தி²யஸெய்யாய வா பப்³ப³ஜிதாவாஸத்தா. த்³வாரேதி ஸமீபத்தே² பு⁴ம்மங், தஸ்மா தங் த³ஸ்ஸேதுங் புன ‘‘ரதி²காயா’’தி ஆஹ. ஸேஸஅட்ட²கதா²யங் ‘‘எத்த²ந்தரே ஸங்வித³ஹிதேபி பி⁴க்கு²னோ து³க்கட’’ந்தி ஆக³தத்தா ந ஸமேதி. ‘‘கா³மந்தரே’’தி வசனதோ அஞ்ஞகா³மஸ்ஸ உபசாரோக்கமனே ஏவ ஆபத்தி. ‘‘அத்³த⁴யோஜனே’’தி வசனதோ அதிக்கமனேயேவ யுத்தங்.
182-4.Sampadantīti padasā gacchanti. Vuttanayenevāti ‘‘sampatanti etthāti sampāto’’tiādinā. Padagate upacāro na labbhati, accāsannattā missaṃ viya hotīti. Kukkuṭavassitaparicchinno mahāaṭṭhakathāyaṃ. ‘‘Tampi vohārenā’’ti likhitaṃ. ‘‘Yebhuyyena tathā sanniveso hotīti katvā aṭṭhakathāyaṃ vuttaṃ, tasmā na pamādalekho’’ti ca, ‘‘ukkaṭṭhaparicchedena vuttaṃ aṭṭhakathāyaṃ, tato uddhaṃ addhayojanalakkhaṇasampattaṃ nāma hotīti gahetabba’’nti ca vuttaṃ. ‘‘Kappiyabhūmi kirāyaṃ…pe… na vadantī’’ti vuttaṃ. Duddasañhettha kāraṇaṃ. Kataraṃ pana tanti? ‘‘Gacchāmāti saṃvidahati, āpatti dukkaṭassā’’ti vuttaṃ. Tattha ‘‘gacchāmā’’ti vattamānavacanantañca, amagge bhikkhunupassayādimhi na sambhavatiyeva manussānaṃ antaragharādimhi maggasaṅkhepagamanato, uccāsayanādiuppattiṭṭhānattā ca. Na titthiyaseyyāya vā pabbajitāvāsattā. Dvāreti samīpatthe bhummaṃ, tasmā taṃ dassetuṃ puna ‘‘rathikāyā’’ti āha. Sesaaṭṭhakathāyaṃ ‘‘etthantare saṃvidahitepi bhikkhuno dukkaṭa’’nti āgatattā na sameti. ‘‘Gāmantare’’ti vacanato aññagāmassa upacārokkamane eva āpatti. ‘‘Addhayojane’’ti vacanato atikkamaneyeva yuttaṃ.
185. ரட்ட²பே⁴தே³தி விலோபே. போராணக³ண்டி²பதே³ ‘‘தயோபி ஸங்கேதா காலதி³வஸமக்³க³வஸேன, தத்த² பச்சி²மேனேவ ஆபத்தீ’’தி வுத்தங். ‘‘இமினா மக்³கே³னா’’தி விஸ்ஸஜ்ஜெத்வா அஞ்ஞேன க³ச்ச²ந்தி சே, ஆபத்தியேவாதி அத்தோ².
185.Raṭṭhabhedeti vilope. Porāṇagaṇṭhipade ‘‘tayopi saṅketā kāladivasamaggavasena, tattha pacchimeneva āpattī’’ti vuttaṃ. ‘‘Iminā maggenā’’ti vissajjetvā aññena gacchanti ce, āpattiyevāti attho.
ஸங்விதா⁴னஸிக்கா²பத³வண்ணனா நிட்டி²தா.
Saṃvidhānasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 7. ஸங்விதா⁴னஸிக்கா²பத³வண்ணனா • 7. Saṃvidhānasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. ஸங்வித³ஹனஸிக்கா²பத³வண்ணனா • 7. Saṃvidahanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 7. ஸங்விதா⁴னஸிக்கா²பத³வண்ணனா • 7. Saṃvidhānasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. ஸங்விதா⁴னஸிக்கா²பத³ங் • 7. Saṃvidhānasikkhāpadaṃ
