| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൨൧. ഏകവീസതിമവഗ്ഗോ
21. Ekavīsatimavaggo
(൨൦൨) ൩. സംയോജനകഥാ
(202) 3. Saṃyojanakathā
൮൮൧. അത്ഥി കിഞ്ചി സംയോജനം അപ്പഹായ അരഹത്തപ്പത്തീതി? ആമന്താ. അത്ഥി കിഞ്ചി സക്കായദിട്ഠിം അപ്പഹായ…പേ॰… വിചികിച്ഛം അപ്പഹായ…പേ॰… സീലബ്ബതപരാമാസം അപ്പഹായ… രാഗം അപ്പഹായ… ദോസം അപ്പഹായ… മോഹം അപ്പഹായ… അനോത്തപ്പം അപ്പഹായ അരഹത്തപ്പത്തീതി? ന ഹേവം വത്തബ്ബേ…പേ॰….
881. Atthi kiñci saṃyojanaṃ appahāya arahattappattīti? Āmantā. Atthi kiñci sakkāyadiṭṭhiṃ appahāya…pe… vicikicchaṃ appahāya…pe… sīlabbataparāmāsaṃ appahāya… rāgaṃ appahāya… dosaṃ appahāya… mohaṃ appahāya… anottappaṃ appahāya arahattappattīti? Na hevaṃ vattabbe…pe….
അത്ഥി കിഞ്ചി സംയോജനം അപ്പഹായ അരഹത്തപ്പത്തീതി? ആമന്താ. അരഹാ സരാഗോ സദോസോ സമോഹോ സമാനോ സമക്ഖോ സപളാസോ സഉപായാസോ സകിലേസോതി? ന ഹേവം വത്തബ്ബേ…പേ॰… നനു അരഹാ നിരാഗോ നിദ്ദോസോ നിമ്മോഹോ നിമ്മാനോ നിമ്മക്ഖോ നിപ്പളാസോ നിരുപായാസോ നിക്കിലേസോതി? ആമന്താ. ഹഞ്ചി അരഹാ നിരാഗോ…പേ॰… നിക്കിലേസോ, നോ ച വത രേ വത്തബ്ബേ – ‘‘അത്ഥി കിഞ്ചി സംയോജനം അപ്പഹായ അരഹത്തപ്പത്തീ’’തി.
Atthi kiñci saṃyojanaṃ appahāya arahattappattīti? Āmantā. Arahā sarāgo sadoso samoho samāno samakkho sapaḷāso saupāyāso sakilesoti? Na hevaṃ vattabbe…pe… nanu arahā nirāgo niddoso nimmoho nimmāno nimmakkho nippaḷāso nirupāyāso nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya arahattappattī’’ti.
൮൮൨. ന വത്തബ്ബം – ‘‘അത്ഥി കിഞ്ചി സംയോജനം അപ്പഹായ അരഹത്തപ്പത്തീ’’തി ? ആമന്താ. അരഹാ സബ്ബം ബുദ്ധവിസയം ജാനാതീതി? ന ഹേവം വത്തബ്ബേ. തേന ഹി അത്ഥി കിഞ്ചി സംയോജനം അപ്പഹായ അരഹത്തപ്പത്തീതി.
882. Na vattabbaṃ – ‘‘atthi kiñci saṃyojanaṃ appahāya arahattappattī’’ti ? Āmantā. Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya arahattappattīti.
സംയോജനകഥാ നിട്ഠിതാ.
Saṃyojanakathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൩. സഞ്ഞോജനകഥാവണ്ണനാ • 3. Saññojanakathāvaṇṇanā
