| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౬. సంయోజనసుత్తవణ్ణనా
6. Saṃyojanasuttavaṇṇanā
౬. ఛట్ఠే సంయోజనియేసు ధమ్మేసూతి దసన్నం సంయోజనానం పచ్చయభూతేసు తేభూమకధమ్మేసు. అస్సాదానుపస్సితాతి అస్సాదతో పస్సితా పస్సనభావోతి అత్థో. నిబ్బిదానుపస్సితాతి నిబ్బిదావసేన ఉక్కణ్ఠనవసేన పస్సనభావో. జాతియాతి ఖన్ధనిబ్బత్తితో. జరాయాతి ఖన్ధపరిపాకతో. మరణేనాతి ఖన్ధభేదతో. సోకేహీతి అన్తోనిజ్ఝాయనలక్ఖణేహి సోకేహి. పరిదేవేహీతి తన్నిస్సితలాలప్పితలక్ఖణేహి పరిదేవేహి. దుక్ఖేహీతి కాయపటిపీళనదుక్ఖేహి. దోమనస్సేహీతి మనోవిఘాతదోమనస్సేహి. ఉపాయాసేహీతి అధిమత్తాయాసలక్ఖణఉపాయాసేహి. దుక్ఖస్మాతి సకలవట్టదుక్ఖతో. పజహతీతి మగ్గేన పజహతి. పహాయాతి ఏత్థ పన ఫలక్ఖణో కథితో. ఇమస్మిం సుత్తే వట్టవివట్టం కథితం. ఛట్ఠం.
6. Chaṭṭhe saṃyojaniyesu dhammesūti dasannaṃ saṃyojanānaṃ paccayabhūtesu tebhūmakadhammesu. Assādānupassitāti assādato passitā passanabhāvoti attho. Nibbidānupassitāti nibbidāvasena ukkaṇṭhanavasena passanabhāvo. Jātiyāti khandhanibbattito. Jarāyāti khandhaparipākato. Maraṇenāti khandhabhedato. Sokehīti antonijjhāyanalakkhaṇehi sokehi. Paridevehīti tannissitalālappitalakkhaṇehi paridevehi. Dukkhehīti kāyapaṭipīḷanadukkhehi. Domanassehīti manovighātadomanassehi. Upāyāsehīti adhimattāyāsalakkhaṇaupāyāsehi. Dukkhasmāti sakalavaṭṭadukkhato. Pajahatīti maggena pajahati. Pahāyāti ettha pana phalakkhaṇo kathito. Imasmiṃ sutte vaṭṭavivaṭṭaṃ kathitaṃ. Chaṭṭhaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౬. సంయోజనసుత్తం • 6. Saṃyojanasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౬. సంయోజనసుత్తవణ్ణనా • 6. Saṃyojanasuttavaṇṇanā
