| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
(૧૪) ૪. પુગ્ગલવગ્ગો
(14) 4. Puggalavaggo
૧. સંયોજનસુત્તવણ્ણના
1. Saṃyojanasuttavaṇṇanā
૧૩૧. ચતુત્થસ્સ પઠમે ઉપપત્તિપટિલાભિયાનીતિ યેહિ અનન્તરા ઉપપત્તિં પટિલભતિ. ભવપટિલાભિયાનીતિ ઉપપત્તિભવસ્સ પટિલાભાય પચ્ચયાનિ. સકદાગામિસ્સાતિ ઇદં અપ્પહીનસંયોજનેસુ અરિયેસુ ઉત્તમકોટિયા ગહિતં. યસ્મા પન અન્તરાપરિનિબ્બાયિસ્સ અન્તરા ઉપપત્તિ નત્થિ, યં પન સો તત્થ ઝાનં સમાપજ્જતિ, તં કુસલત્તા ‘‘ઉપપત્તિભવસ્સ પચ્ચયો’’ તેવ સઙ્ખ્યં ગચ્છતિ. તસ્માસ્સ ‘‘ઉપપત્તિપટિલાભિયાનિ સંયોજનાનિ પહીનાનિ, ભવપટિલાભિયાનિ સંયોજનાનિ અપ્પહીનાની’’તિ વુત્તં. ઓરમ્ભાગિયેસુ ચ અપ્પહીનં ઉપાદાય સકદાગામિસ્સ અવિસેસેન ‘‘ઓરમ્ભાગિયાનિ સંયોજનાનિ અપ્પહીનાની’’તિ વુત્તં. સેસમેત્થ ઉત્તાનમેવ.
131. Catutthassa paṭhame upapattipaṭilābhiyānīti yehi anantarā upapattiṃ paṭilabhati. Bhavapaṭilābhiyānīti upapattibhavassa paṭilābhāya paccayāni. Sakadāgāmissāti idaṃ appahīnasaṃyojanesu ariyesu uttamakoṭiyā gahitaṃ. Yasmā pana antarāparinibbāyissa antarā upapatti natthi, yaṃ pana so tattha jhānaṃ samāpajjati, taṃ kusalattā ‘‘upapattibhavassa paccayo’’ teva saṅkhyaṃ gacchati. Tasmāssa ‘‘upapattipaṭilābhiyāni saṃyojanāni pahīnāni, bhavapaṭilābhiyāni saṃyojanāni appahīnānī’’ti vuttaṃ. Orambhāgiyesu ca appahīnaṃ upādāya sakadāgāmissa avisesena ‘‘orambhāgiyāni saṃyojanāni appahīnānī’’ti vuttaṃ. Sesamettha uttānameva.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. સંયોજનસુત્તં • 1. Saṃyojanasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧. સંયોજનસુત્તવણ્ણના • 1. Saṃyojanasuttavaṇṇanā
