| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੧੪) ੪. ਪੁਗ੍ਗਲવਗ੍ਗੋ
(14) 4. Puggalavaggo
੧. ਸਂਯੋਜਨਸੁਤ੍ਤવਣ੍ਣਨਾ
1. Saṃyojanasuttavaṇṇanā
੧੩੧. ਚਤੁਤ੍ਥਸ੍ਸ ਪਠਮੇ ਉਪਪਤ੍ਤਿਪ੍ਪਟਿਲਾਭਂ ਸਂવਤ੍ਤਨਿਕਾਨੀਤਿ ਉਪਪਤ੍ਤਿਪਟਿਲਾਭਿਯਾਨਿ। ਭવਪਟਿਲਾਭਿਯਾਨੀਤਿ ਏਤ੍ਥਾਪਿ ਏਸੇવ ਨਯੋ। ਯੇਹੀਤਿ ਯੇਹਿ ਸਂਯੋਜਨੇਹਿ ਹੇਤੁਭੂਤੇਹਿ, ਕਰਣਭੂਤੇਹਿ વਾ। ਨਨੁ ਚ ਸੋਤਾਪਨ੍ਨਸ੍ਸਪਿ ਓਰਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨਿ, ਕਸ੍ਮਾ ਪਨ ਸਕਦਾਗਾਮੀਯੇવ ਇਧ ਗਹਿਤੋਤਿ ਆਹ ‘‘ਸਕਦਾਗਾਮਿਸ੍ਸਾਤਿ ਇਦਂ ਅਪ੍ਪਹੀਨਸਂਯੋਜਨੇਸੁ ਅਰਿਯੇਸੁ ਉਤ੍ਤਮਕੋਟਿਯਾ ਗਹਿਤ’’ਨ੍ਤਿ। ਤਤ੍ਥ ਅਪ੍ਪਹੀਨਸਂਯੋਜਨੇਸੂਤਿ ਅਪ੍ਪਹੀਨਓਰਮ੍ਭਾਗਿਯਸਂਯੋਜਨੇਸੁ। ਉਤ੍ਤਮਕੋਟਿਯਾ ਗਹਿਤਨ੍ਤਿ ਉਕ੍ਕਟ੍ਠਪਰਿਚ੍ਛੇਦੇਨ ਗਹਿਤਂ। ਸਕਦਾਗਾਮਿਤੋ ਪਰਞ੍ਹਿ ਅਪ੍ਪਹੀਨਓਰਮ੍ਭਾਗਿਯਸਂਯੋਜਨੋ ਅਰਿਯੋ ਨਾਮ ਨਤ੍ਥਿ। ਨਨੁ ਚ ਸਕਦਾਗਾਮਿਸ੍ਸ ਪਹੀਨਾਨਿਪਿ ਓਰਮ੍ਭਾਗਿਯਾਨਿ ਸਂਯੋਜਨਾਨਿ ਅਤ੍ਥਿ ਦਿਟ੍ਠਿવਿਚਿਕਿਚ੍ਛਾਸੀਲਬ੍ਬਤਪਰਾਮਾਸਸਂਯੋਜਨਾਨਂ ਪਹੀਨਤ੍ਤਾ, ਤਸ੍ਮਾ ‘‘ਓਰਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨੀ’’ਤਿ ਕਸ੍ਮਾ વੁਤ੍ਤਨ੍ਤਿ ਆਹ ‘‘ਓਰਮ੍ਭਾਗਿਯੇਸੁ ਚ ਅਪ੍ਪਹੀਨਂ ਉਪਾਦਾਯਾ’’ਤਿਆਦਿ। ਯਸ੍ਮਾ ਕਾਮਰਾਗਬ੍ਯਾਪਾਦਸਂਯੋਜਨਾਨਿ ਸਕਦਾਗਾਮਿਸ੍ਸ ਅਪ੍ਪਹੀਨਾਨਿ, ਤਸ੍ਮਾ ਤਾਨਿ ਅਪ੍ਪਹੀਨਾਨਿ ਉਪਾਦਾਯ ‘‘ਓਰਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨੀ’’ਤਿ વੁਤ੍ਤਂ, ਨ ਸਬ੍ਬੇਸਂ ਅਪ੍ਪਹੀਨਤ੍ਤਾਤਿ ਅਧਿਪ੍ਪਾਯੋ।
131. Catutthassa paṭhame upapattippaṭilābhaṃ saṃvattanikānīti upapattipaṭilābhiyāni. Bhavapaṭilābhiyānīti etthāpi eseva nayo. Yehīti yehi saṃyojanehi hetubhūtehi, karaṇabhūtehi vā. Nanu ca sotāpannassapi orambhāgiyāni saṃyojanāni appahīnāni, kasmā pana sakadāgāmīyeva idha gahitoti āha ‘‘sakadāgāmissāti idaṃ appahīnasaṃyojanesu ariyesu uttamakoṭiyā gahita’’nti. Tattha appahīnasaṃyojanesūti appahīnaorambhāgiyasaṃyojanesu. Uttamakoṭiyā gahitanti ukkaṭṭhaparicchedena gahitaṃ. Sakadāgāmito parañhi appahīnaorambhāgiyasaṃyojano ariyo nāma natthi. Nanu ca sakadāgāmissa pahīnānipi orambhāgiyāni saṃyojanāni atthi diṭṭhivicikicchāsīlabbataparāmāsasaṃyojanānaṃ pahīnattā, tasmā ‘‘orambhāgiyāni saṃyojanāni appahīnānī’’ti kasmā vuttanti āha ‘‘orambhāgiyesu ca appahīnaṃ upādāyā’’tiādi. Yasmā kāmarāgabyāpādasaṃyojanāni sakadāgāmissa appahīnāni, tasmā tāni appahīnāni upādāya ‘‘orambhāgiyāni saṃyojanāni appahīnānī’’ti vuttaṃ, na sabbesaṃ appahīnattāti adhippāyo.
ਸਂਯੋਜਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saṃyojanasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਂਯੋਜਨਸੁਤ੍ਤਂ • 1. Saṃyojanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਸਂਯੋਜਨਸੁਤ੍ਤવਣ੍ਣਨਾ • 1. Saṃyojanasuttavaṇṇanā
