Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi

2. саан̣аваасийт̇зрабзд̇авад̇т̇у

2. Sāṇavāsītherapetavatthu

408.

гун̣д̣инааг̇арияо т̇зро, саан̣авааси ¹ ниваасиго;

Kuṇḍināgariyo thero, sāṇavāsi ² nivāsiko;

бодтабаад̣̇од̇и наамзна, саман̣о бхаавид̇инд̣̇рияо.

Poṭṭhapādoti nāmena, samaṇo bhāvitindriyo.

409.

д̇асса маад̇аа бид̇аа бхаад̇аа, д̣̇уг̇г̇ад̇аа яамалогигаа;

Tassa mātā pitā bhātā, duggatā yamalokikā;

баабагаммам̣ гарид̇ваана, бзд̇алогам̣ ид̇о г̇ад̇аа.

Pāpakammaṃ karitvāna, petalokaṃ ito gatā.

410.

д̇з д̣̇уг̇г̇ад̇аа суужигаддаа, гиланд̇аа наг̇г̇ино гисаа;

Te duggatā sūcikaṭṭā, kilantā naggino kisā;

уд̇д̇асанд̇аа ³ махад̇д̇аасаа ⁴, на д̣̇ассзнд̇и гуруурино ⁵.

Uttasantā ⁶ mahattāsā ⁷, na dassenti kurūrino ⁸.

411.

д̇асса бхаад̇аа вид̇арид̇ваа, наг̇г̇о згабат̇згаго;

Tassa bhātā vitaritvā, naggo ekapathekako;

жад̇угун̣д̣иго бхавид̇ваана, т̇зрасса д̣̇ассаяийд̇умам̣.

Catukuṇḍiko bhavitvāna, therassa dassayītumaṃ.

412.

т̇зро жааманасигад̇ваа, д̇ун̣хийбхууд̇о ад̇иггами;

Thero cāmanasikatvā, tuṇhībhūto atikkami;

со жа вин̃н̃аабаяий т̇зрам̣, ‘бхаад̇аа бзд̇аг̇ад̇о ахам̣’.

So ca viññāpayī theraṃ, ‘bhātā petagato ahaṃ’.

413.

‘‘маад̇аа бид̇аа жа д̇з бханд̇з, д̣̇уг̇г̇ад̇аа яамалогигаа;

‘‘Mātā pitā ca te bhante, duggatā yamalokikā;

баабагаммам̣ гарид̇ваана, бзд̇алогам̣ ид̇о г̇ад̇аа.

Pāpakammaṃ karitvāna, petalokaṃ ito gatā.

414.

‘‘д̇з д̣̇уг̇г̇ад̇аа суужигаддаа, гиланд̇аа наг̇г̇ино гисаа;

‘‘Te duggatā sūcikaṭṭā, kilantā naggino kisā;

уд̇д̇асанд̇аа махад̇д̇аасаа, на д̣̇ассзнд̇и гуруурино.

Uttasantā mahattāsā, na dassenti kurūrino.

415.

‘‘анугамбассу гаарун̣иго, д̣̇ад̇ваа анваад̣̇исаахи но;

‘‘Anukampassu kāruṇiko, datvā anvādisāhi no;

д̇ава д̣̇иннзна д̣̇аанзна, яаабзссанд̇и гуруурино’’д̇и.

Tava dinnena dānena, yāpessanti kurūrino’’ti.

416.

т̇зро жарид̇ваа бин̣д̣ааяа, бхигкуу ан̃н̃з жа д̣̇ваад̣̇аса;

Thero caritvā piṇḍāya, bhikkhū aññe ca dvādasa;

згаж̇жхам̣ саннибад̇им̣су, бхад̇д̇ависсаг̇г̇агааран̣аа.

Ekajjhaṃ sannipatiṃsu, bhattavissaggakāraṇā.

417.

т̇зро саб̣б̣зва д̇з ааха, ‘‘яат̇аалад̣̇д̇хам̣ д̣̇ад̣̇аат̇а мз;

Thero sabbeva te āha, ‘‘yathāladdhaṃ dadātha me;

сан̇гхабхад̇д̇ам̣ гариссаами, анугамбааяа н̃аад̇инам̣’’.

Saṅghabhattaṃ karissāmi, anukampāya ñātinaṃ’’.

418.

нияяаад̣̇аяим̣су т̇зрасса, т̇зро сан̇гхам̣ ниманд̇аяи;

Niyyādayiṃsu therassa, thero saṅghaṃ nimantayi;

д̣̇ад̇ваа анваад̣̇иси т̇зро, маад̇у бид̇у жа бхаад̇уно;

Datvā anvādisi thero, mātu pitu ca bhātuno;

‘‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’’.

‘‘Idaṃ me ñātīnaṃ hotu, sukhitā hontu ñātayo’’.

419.

самананд̇араануд̣̇д̣̇идтз, бхож̇анам̣ уд̣̇абаж̇ж̇ат̇а;

Samanantarānuddiṭṭhe, bhojanaṃ udapajjatha;

сужим̣ бан̣ийд̇ам̣ самбаннам̣, анзгарасаб̣яан̃ж̇анам̣.

Suciṃ paṇītaṃ sampannaṃ, anekarasabyañjanaṃ.

420.

д̇ад̇о уд̣̇д̣̇ассаяий ⁹ бхаад̇аа, ван̣н̣аваа б̣алаваа сукий;

Tato uddassayī ¹⁰ bhātā, vaṇṇavā balavā sukhī;

‘‘бахууд̇ам̣ бхож̇анам̣ бханд̇з, басса наг̇г̇аамхасз маяам̣;

‘‘Pahūtaṃ bhojanaṃ bhante, passa naggāmhase mayaṃ;

д̇ат̇аа бханд̇з бараггама, яат̇аа вад̇т̇ам̣ лабхаамасз’’д̇и.

Tathā bhante parakkama, yathā vatthaṃ labhāmase’’ti.

421.

т̇зро сан̇гаарагуудамхаа, ужжинид̇ваана нанд̇агз;

Thero saṅkārakūṭamhā, uccinitvāna nantake;

билод̇игам̣ бадам̣ гад̇ваа, сан̇гхз жаад̇уд̣̇д̣̇исз ад̣̇аа.

Pilotikaṃ paṭaṃ katvā, saṅghe cātuddise adā.

422.

д̣̇ад̇ваа анваад̣̇исий т̇зро, маад̇у бид̇у жа бхаад̇уно;

Datvā anvādisī thero, mātu pitu ca bhātuno;

‘‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’’.

‘‘Idaṃ me ñātīnaṃ hotu, sukhitā hontu ñātayo’’.

423.

самананд̇араануд̣̇д̣̇идтз, вад̇т̇аани уд̣̇абаж̇ж̇исум̣;

Samanantarānuddiṭṭhe, vatthāni udapajjisuṃ;

д̇ад̇о сувад̇т̇авасано, т̇зрасса д̣̇ассаяийд̇умам̣.

Tato suvatthavasano, therassa dassayītumaṃ.

424.

‘‘яаавад̇аа нанд̣̇арааж̇асса, виж̇ид̇асмим̣ бадижчад̣̇аа;

‘‘Yāvatā nandarājassa, vijitasmiṃ paṭicchadā;

д̇ад̇о б̣ахуд̇араа бханд̇з, вад̇т̇аанажчаад̣̇анаани но.

Tato bahutarā bhante, vatthānacchādanāni no.

425.

‘‘госзяяагамб̣алийяаани, кома габбаасигаани жа;

‘‘Koseyyakambalīyāni, khoma kappāsikāni ca;

вибулаа жа махаг̇гхаа жа, д̇збаагаасзваламб̣арз.

Vipulā ca mahagghā ca, tepākāsevalambare.

426.

‘‘д̇з маяам̣ барид̣̇ахаама, яам̣ яам̣ хи манасо бияам̣;

‘‘Te mayaṃ paridahāma, yaṃ yaṃ hi manaso piyaṃ;

д̇ат̇аа бханд̇з бараггама, яат̇аа г̇зхам̣ лабхаамасз’’д̇и.

Tathā bhante parakkama, yathā gehaṃ labhāmase’’ti.

427.

т̇зро бан̣н̣агудим̣ гад̇ваа, сан̇гхз жаад̇уд̣̇д̣̇исз ад̣̇аа;

Thero paṇṇakuṭiṃ katvā, saṅghe cātuddise adā;

д̣̇ад̇ваа анваад̣̇исий т̇зро, маад̇у бид̇у жа бхаад̇уно;

Datvā anvādisī thero, mātu pitu ca bhātuno;

‘‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’’.

‘‘Idaṃ me ñātīnaṃ hotu, sukhitā hontu ñātayo’’.

428.

самананд̇араануд̣̇д̣̇идтз , гхараани уд̣̇абаж̇ж̇исум̣;

Samanantarānuddiṭṭhe , gharāni udapajjisuṃ;

гуудааг̇ааранивзсанаа, вибхад̇д̇аа бхааг̇асо мид̇аа.

Kūṭāgāranivesanā, vibhattā bhāgaso mitā.

429.

‘‘на мануссзсу ийд̣̇исаа, яаад̣̇исаа но гхараа ид̇ха;

‘‘Na manussesu īdisā, yādisā no gharā idha;

аби д̣̇иб̣б̣зсу яаад̣̇исаа, д̇аад̣̇исаа но гхараа ид̇ха.

Api dibbesu yādisā, tādisā no gharā idha.

430.

‘‘д̣̇ад̣̇д̣̇алламаанаа аабхзнд̇и ¹¹, саманд̇аа жад̇уро д̣̇исаа;

‘‘Daddallamānā ābhenti ¹², samantā caturo disā;

‘д̇ат̇аа бханд̇з бараггама, яат̇аа баанийяам̣ лабхаамасз’’д̇и.

‘Tathā bhante parakkama, yathā pānīyaṃ labhāmase’’ti.

431.

т̇зро гаран̣ам̣ ¹³ буурзд̇ваа, сан̇гхз жаад̇уд̣̇д̣̇исз ад̣̇аа;

Thero karaṇaṃ ¹⁴ pūretvā, saṅghe cātuddise adā;

д̣̇ад̇ваа анваад̣̇исий т̇зро, маад̇у бид̇у жа бхаад̇уно;

Datvā anvādisī thero, mātu pitu ca bhātuno;

‘‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’.

‘‘Idaṃ me ñātīnaṃ hotu, sukhitā hontu ñātayo’.

432.

самананд̇араануд̣̇д̣̇идтз, баанийяам̣ уд̣̇абаж̇ж̇ат̇а;

Samanantarānuddiṭṭhe, pānīyaṃ udapajjatha;

г̇амбхийраа жад̇урассаа жа, богкаран̃н̃о суниммид̇аа.

Gambhīrā caturassā ca, pokkharañño sunimmitā.

433.

сийд̇од̣̇игаа суббад̇ид̇т̇аа, сийд̇аа аббадиг̇анд̇хияаа;

Sītodikā suppatitthā, sītā appaṭigandhiyā;

бад̣̇умуббаласан̃чаннаа, вааригин̃ж̇агкабуурид̇аа.

Padumuppalasañchannā, vārikiñjakkhapūritā.

434.

д̇ад̇т̇а нхад̇ваа бивид̇ваа жа, т̇зрасса бадид̣̇ассаяум̣;

Tattha nhatvā pivitvā ca, therassa paṭidassayuṃ;

‘‘бахууд̇ам̣ баанийяам̣ бханд̇з, баад̣̇аа д̣̇угкаа паланд̇и но’’.

‘‘Pahūtaṃ pānīyaṃ bhante, pādā dukkhā phalanti no’’.

435.

‘‘аахин̣д̣амаанаа кан̃ж̇аама, сагкарз гусаган̣дагз;

‘‘Āhiṇḍamānā khañjāma, sakkhare kusakaṇṭake;

‘д̇ат̇аа бханд̇з бараггама, яат̇аа яаанам̣ лабхаамасз’’’д̇и.

‘Tathā bhante parakkama, yathā yānaṃ labhāmase’’’ti.

436.

т̇зро сибаадигам̣ лад̣̇д̇хаа, сан̇гхз жаад̇уд̣̇д̣̇исз ад̣̇аа;

Thero sipāṭikaṃ laddhā, saṅghe cātuddise adā;

д̣̇ад̇ваа анваад̣̇исий т̇зро, маад̇у бид̇у жа бхаад̇уно;

Datvā anvādisī thero, mātu pitu ca bhātuno;

‘‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’’.

‘‘Idaṃ me ñātīnaṃ hotu, sukhitā hontu ñātayo’’.

437.

самананд̇араануд̣̇д̣̇идтз , бзд̇аа рат̇зна мааг̇амум̣;

Samanantarānuddiṭṭhe , petā rathena māgamuṃ;

‘‘анугамбид̇амха бхад̣̇анд̇з, бхад̇д̇знажчаад̣̇анзна жа.

‘‘Anukampitamha bhadante, bhattenacchādanena ca.

438.

‘‘гхарзна баанийяад̣̇аанзна, яаанад̣̇аанзна жуубхаяам̣;

‘‘Gharena pānīyadānena, yānadānena cūbhayaṃ;

муним̣ гаарун̣игам̣ логз, бханд̇з ванд̣̇ид̇умааг̇ад̇аа’’д̇и.

Muniṃ kāruṇikaṃ loke, bhante vanditumāgatā’’ti.

саан̣аваасийт̇зрабзд̇авад̇т̇у д̣̇уд̇ияам̣.

Sāṇavāsītherapetavatthu dutiyaṃ.

Next: 3. рат̇агаарабзд̇ивад̇т̇у • 3. Rathakārapetivatthu

Footnotes:

1. саанувааси (сий.), саанавааси (сяаа.)

2. sānuvāsi (sī.), sānavāsi (syā.)

3. од̇д̇аббанд̇аа (сяаа. га.)

4. махаад̇аасаа (сий.)

5. гуруд̣̇д̣̇ино (га.)

6. ottappantā (syā. ka.)

7. mahātāsā (sī.)

8. kuruddino (ka.)

9. уд̣̇д̣̇исаяий (сий. га.), уд̣̇д̣̇иссад̇и (сяаа. га.)

10. uddisayī (sī. ka.), uddissati (syā. ka.)

11. аабханд̇и (га.)

12. ābhanti (ka.)

13. гарагам̣ (сий. сяаа. бий.)

14. karakaṃ (sī. syā. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 2. саан̣аваасид̇т̇зрабзд̇авад̇т̇уван̣н̣анаа • 2. Sāṇavāsittherapetavatthuvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact