| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૭-૮. સઞ્ચેતનિકસુત્તદ્વયવણ્ણના
7-8. Sañcetanikasuttadvayavaṇṇanā
૨૧૭-૨૧૮. સત્તમે સઞ્ચેતનિકાનન્તિ ચેતેત્વા પકપ્પેત્વા કતાનં. ઉપચિતાનન્તિ ચિતાનં વડ્ઢિતાનં. અપ્પટિસંવેદિત્વાતિ તેસં કમ્માનં વિપાકં અવેદિયિત્વા. બ્યન્તીભાવન્તિ વિગતન્તભાવં તેસં કમ્માનં પરિચ્છેદપરિવટુમતાકરણં. તઞ્ચ ખો દિટ્ઠેવ ધમ્મેતિ તઞ્ચ ખો વિપાકં દિટ્ઠધમ્મવેદનીયં દિટ્ઠેવ ધમ્મે. ઉપપજ્જન્તિ ઉપપજ્જવેદનીયં અનન્તરે અત્તભાવે. અપરે વા પરિયાયેતિ અપરપરિયાયવેદનીયં પન સંસારપ્પવત્તે સતિ સહસ્સિમેપિ અત્તભાવેતિ. ઇમિના ઇદં દસ્સેતિ ‘‘સંસારપ્પવત્તે પટિલદ્ધવિપાકારહકમ્મે ન વિજ્જતિ સો જગતિપ્પદેસો, યત્થ ઠિતો મુચ્ચેય્ય પાપકમ્મા’’તિ. તિવિધાતિ તિપ્પકારા. કાયકમ્મન્તસન્દોસબ્યાપત્તીતિ કાયકમ્મન્તસઙ્ખાતા વિપત્તિ. ઇમિના નયેન સબ્બપદાનિ વેદિતબ્બાનિ. અટ્ઠમે અપણ્ણકો મણીતિ સમન્તતો ચતુરસ્સો પાસકો.
217-218. Sattame sañcetanikānanti cetetvā pakappetvā katānaṃ. Upacitānanti citānaṃ vaḍḍhitānaṃ. Appaṭisaṃveditvāti tesaṃ kammānaṃ vipākaṃ avediyitvā. Byantībhāvanti vigatantabhāvaṃ tesaṃ kammānaṃ paricchedaparivaṭumatākaraṇaṃ. Tañca kho diṭṭheva dhammeti tañca kho vipākaṃ diṭṭhadhammavedanīyaṃ diṭṭheva dhamme. Upapajjanti upapajjavedanīyaṃ anantare attabhāve. Apare vā pariyāyeti aparapariyāyavedanīyaṃ pana saṃsārappavatte sati sahassimepi attabhāveti. Iminā idaṃ dasseti ‘‘saṃsārappavatte paṭiladdhavipākārahakamme na vijjati so jagatippadeso, yattha ṭhito mucceyya pāpakammā’’ti. Tividhāti tippakārā. Kāyakammantasandosabyāpattīti kāyakammantasaṅkhātā vipatti. Iminā nayena sabbapadāni veditabbāni. Aṭṭhame apaṇṇako maṇīti samantato caturasso pāsako.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૭. પઠમસઞ્ચેતનિકસુત્તં • 7. Paṭhamasañcetanikasuttaṃ
૮. દુતિયસઞ્ચેતનિકસુત્તં • 8. Dutiyasañcetanikasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૫૩૬. પઠમનિરયસગ્ગસુત્તાદિવણ્ણના • 1-536. Paṭhamanirayasaggasuttādivaṇṇanā
