| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൭-൮. സഞ്ചേതനികസുത്തദ്വയവണ്ണനാ
7-8. Sañcetanikasuttadvayavaṇṇanā
൨൧൭-൨൧൮. സത്തമേ സഞ്ചേതനികാനന്തി ചേതേത്വാ പകപ്പേത്വാ കതാനം. ഉപചിതാനന്തി ചിതാനം വഡ്ഢിതാനം. അപ്പടിസംവേദിത്വാതി തേസം കമ്മാനം വിപാകം അവേദിയിത്വാ. ബ്യന്തീഭാവന്തി വിഗതന്തഭാവം തേസം കമ്മാനം പരിച്ഛേദപരിവടുമതാകരണം. തഞ്ച ഖോ ദിട്ഠേവ ധമ്മേതി തഞ്ച ഖോ വിപാകം ദിട്ഠധമ്മവേദനീയം ദിട്ഠേവ ധമ്മേ. ഉപപജ്ജന്തി ഉപപജ്ജവേദനീയം അനന്തരേ അത്തഭാവേ. അപരേ വാ പരിയായേതി അപരപരിയായവേദനീയം പന സംസാരപ്പവത്തേ സതി സഹസ്സിമേപി അത്തഭാവേതി. ഇമിനാ ഇദം ദസ്സേതി ‘‘സംസാരപ്പവത്തേ പടിലദ്ധവിപാകാരഹകമ്മേ ന വിജ്ജതി സോ ജഗതിപ്പദേസോ, യത്ഥ ഠിതോ മുച്ചേയ്യ പാപകമ്മാ’’തി. തിവിധാതി തിപ്പകാരാ. കായകമ്മന്തസന്ദോസബ്യാപത്തീതി കായകമ്മന്തസങ്ഖാതാ വിപത്തി. ഇമിനാ നയേന സബ്ബപദാനി വേദിതബ്ബാനി. അട്ഠമേ അപണ്ണകോ മണീതി സമന്തതോ ചതുരസ്സോ പാസകോ.
217-218. Sattame sañcetanikānanti cetetvā pakappetvā katānaṃ. Upacitānanti citānaṃ vaḍḍhitānaṃ. Appaṭisaṃveditvāti tesaṃ kammānaṃ vipākaṃ avediyitvā. Byantībhāvanti vigatantabhāvaṃ tesaṃ kammānaṃ paricchedaparivaṭumatākaraṇaṃ. Tañca kho diṭṭheva dhammeti tañca kho vipākaṃ diṭṭhadhammavedanīyaṃ diṭṭheva dhamme. Upapajjanti upapajjavedanīyaṃ anantare attabhāve. Apare vā pariyāyeti aparapariyāyavedanīyaṃ pana saṃsārappavatte sati sahassimepi attabhāveti. Iminā idaṃ dasseti ‘‘saṃsārappavatte paṭiladdhavipākārahakamme na vijjati so jagatippadeso, yattha ṭhito mucceyya pāpakammā’’ti. Tividhāti tippakārā. Kāyakammantasandosabyāpattīti kāyakammantasaṅkhātā vipatti. Iminā nayena sabbapadāni veditabbāni. Aṭṭhame apaṇṇako maṇīti samantato caturasso pāsako.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൭. പഠമസഞ്ചേതനികസുത്തം • 7. Paṭhamasañcetanikasuttaṃ
൮. ദുതിയസഞ്ചേതനികസുത്തം • 8. Dutiyasañcetanikasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൫൩൬. പഠമനിരയസഗ്ഗസുത്താദിവണ്ണനാ • 1-536. Paṭhamanirayasaggasuttādivaṇṇanā
