| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. саббаан̣агаваг̇г̇о
7. Sappāṇakavaggo
1. сан̃жижжабаан̣асигкаабад̣̇аван̣н̣анаа
1. Sañciccapāṇasikkhāpadavaṇṇanā
382. саббаан̣агаваг̇г̇асса батамасигкаабад̣̇з – иссаасо ход̇ийд̇и г̇ихигаалз д̇хануг̇г̇ахаажарияо ход̇и. ж̇ийвид̇аа воробид̇аад̇и ж̇ийвид̇аа вияож̇ид̇аа.
382. Sappāṇakavaggassa paṭhamasikkhāpade – issāso hotīti gihikāle dhanuggahācariyo hoti. Jīvitā voropitāti jīvitā viyojitā.
сигкаабад̣̇зби воробзяяаад̇и вияож̇зяяа. яасмаа бана вохаарамад̇д̇амзвзд̇ам̣; на хзд̇т̇а гин̃жи вияож̇ид̇з сийсаалан̇гаарз сийсам̣ вияа ж̇ийвид̇аа воробид̇з баан̣зби ж̇ийвид̇ам̣ наама висум̣ д̇идтад̇и, ан̃н̃ад̣̇ад̇т̇у анд̇арад̇хаанамзва г̇ажчад̇и, д̇асмаа д̇амад̇т̇ам̣ д̣̇ассзд̇ум̣ бад̣̇абхааж̇анз ‘‘ж̇ийвид̇инд̣̇рияам̣ убажчинд̣̇ад̇ий’’д̇иаад̣̇и вуд̇д̇ам̣. имасмин̃жа сигкаабад̣̇з д̇иражчаанаг̇ад̇оязва ‘‘баан̣о’’д̇и взд̣̇ид̇аб̣б̣о. д̇ам̣ куд̣̇д̣̇агамби маханд̇амби маарзнд̇асса аабад̇д̇инаанаагаран̣ам̣ над̇т̇и. маханд̇з бана убаггамамаханд̇ад̇д̇аа агусаламахад̇д̇ам̣ ход̇и. баан̣з баан̣асан̃н̃ийд̇и анд̇амасо ман̃жабийтам̣ сод̇хзнд̇о ман̇г̇улаб̣ийж̇агзби баан̣асан̃н̃ий ниггаарун̣игад̇ааяа д̇ам̣ бхинд̣̇анд̇о абанзд̇и, баажид̇д̇ияам̣. д̇асмаа зваруубзсу таанзсу гаарун̃н̃ам̣ убадтабзд̇ваа аббамад̇д̇зна вад̇д̇ам̣ гаад̇аб̣б̣ам̣. сзсам̣ мануссавиг̇г̇ахз вуд̇д̇анаязнзва взд̣̇ид̇аб̣б̣ам̣ сад̣̇д̇хим̣ самудтаанаад̣̇ийхийд̇и.
Sikkhāpadepi voropeyyāti viyojeyya. Yasmā pana vohāramattamevetaṃ; na hettha kiñci viyojite sīsālaṅkāre sīsaṃ viya jīvitā voropite pāṇepi jīvitaṃ nāma visuṃ tiṭṭhati, aññadatthu antaradhānameva gacchati, tasmā tamatthaṃ dassetuṃ padabhājane ‘‘jīvitindriyaṃ upacchindatī’’tiādi vuttaṃ. Imasmiñca sikkhāpade tiracchānagatoyeva ‘‘pāṇo’’ti veditabbo. Taṃ khuddakampi mahantampi mārentassa āpattinānākaraṇaṃ natthi. Mahante pana upakkamamahantattā akusalamahattaṃ hoti. Pāṇe pāṇasaññīti antamaso mañcapīṭhaṃ sodhento maṅgulabījakepi pāṇasaññī nikkāruṇikatāya taṃ bhindanto apaneti, pācittiyaṃ. Tasmā evarūpesu ṭhānesu kāruññaṃ upaṭṭhapetvā appamattena vattaṃ kātabbaṃ. Sesaṃ manussaviggahe vuttanayeneva veditabbaṃ saddhiṃ samuṭṭhānādīhīti.
сан̃жижжабаан̣асигкаабад̣̇ам̣ батамам̣.
Sañciccapāṇasikkhāpadaṃ paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. сан̃жижжасигкаабад̣̇аван̣н̣анаа • 1. Sañciccasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. сан̃жижжабаан̣асигкаабад̣̇а-ад̇т̇аяож̇анаа • 1. Sañciccapāṇasikkhāpada-atthayojanā
