| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. санд̣̇агасуд̇д̇аван̣н̣анаа
6. Sandakasuttavaṇṇanā
223. звам̣ мз суд̇анд̇и санд̣̇агасуд̇д̇ам̣. д̇ад̇т̇а билагкаг̇ухааяанд̇и д̇ассаа г̇ухааяа д̣̇ваарз билагкаругко ахоси, д̇асмаа билагкаг̇ухаад̇взва сан̇кам̣ г̇ад̇аа. бадисаллаанаа вудтид̇од̇и вивзгад̇о вудтид̇о. д̣̇звагад̇асоб̣бход̇и вассод̣̇агзнзва д̇иннадтаанз ж̇аад̇о махаауд̣̇агарахад̣̇о. г̇ухаад̣̇ассанааяаад̇и зд̇т̇а г̇ухаад̇и бам̣суг̇ухаа. саа уннамз уд̣̇агамуд̇д̇адтаанз ахоси, згад̇о уман̇г̇ам̣ гад̇ваа каан̣угз жа бам̣сун̃жа нийхарид̇ваа анд̇о т̇амбхз уссаабзд̇ваа мад̇т̇агз бад̣̇аражчаннаг̇зхасан̇кзбзна гад̇аа, д̇ад̇т̇а д̇з бариб̣б̣ааж̇агаа васанд̇и. саа вассаанз уд̣̇агабун̣н̣аа д̇идтад̇и, нид̣̇аагхз д̇ад̇т̇а васанд̇и. д̇ам̣ санд̇хааяа ‘‘г̇ухаад̣̇ассанааяаа’’д̇и ааха. вихаарад̣̇ассанад̇т̇ан̃хи анамад̇аг̇г̇ияам̣ бажжавзгкид̇ваа самуд̣̇д̣̇абаб̣б̣ад̇ад̣̇ассанад̇т̇ам̣ вааби г̇анд̇ум̣ ваддад̇ийд̇и.
223.Evaṃme sutanti sandakasuttaṃ. Tattha pilakkhaguhāyanti tassā guhāya dvāre pilakkharukkho ahosi, tasmā pilakkhaguhātveva saṅkhaṃ gatā. Paṭisallānā vuṭṭhitoti vivekato vuṭṭhito. Devakatasobbhoti vassodakeneva tinnaṭṭhāne jāto mahāudakarahado. Guhādassanāyāti ettha guhāti paṃsuguhā. Sā unname udakamuttaṭṭhāne ahosi, ekato umaṅgaṃ katvā khāṇuke ca paṃsuñca nīharitvā anto thambhe ussāpetvā matthake padaracchannagehasaṅkhepena katā, tattha te paribbājakā vasanti. Sā vassāne udakapuṇṇā tiṭṭhati, nidāghe tattha vasanti. Taṃ sandhāya ‘‘guhādassanāyā’’ti āha. Vihāradassanatthañhi anamataggiyaṃ paccavekkhitvā samuddapabbatadassanatthaṃ vāpi gantuṃ vaṭṭatīti.
уннаад̣̇инияаад̇и ужжам̣ над̣̇амаанааяа. звам̣ над̣̇амаанааяа жассаа уд̣̇д̇хан̇г̇аманавасзна ужжо, д̣̇исаасу бад̇т̇адавасзна махаасад̣̇д̣̇од̇и ужжаасад̣̇д̣̇амахаасад̣̇д̣̇о, д̇ааяа ужжаасад̣̇д̣̇амахаасад̣̇д̣̇ааяа. д̇зсам̣ бариб̣б̣ааж̇агаанам̣ баад̇ова удтааяа гад̇д̇аб̣б̣ам̣ наама жзд̇ияавад̇д̇ам̣ ваа б̣од̇хивад̇д̇ам̣ ваа аажарияубаж̇жхааяавад̇д̇ам̣ ваа яонисоманасигааро ваа над̇т̇и. д̇зна д̇з баад̇ова удтааяа б̣аалаад̇абз нисиннаа, сааяам̣ ваа гат̇ааяа паасугад̇т̇ааяа саннибад̇ид̇аа ‘‘имасса хад̇т̇о собхан̣о имасса баад̣̇о’’д̇и звам̣ ан̃н̃аман̃н̃асса хад̇т̇абаад̣̇аад̣̇ийни ваа аараб̣бха ид̇т̇ибурисад̣̇аарагад̣̇ааригааван̣н̣з ваа ан̃н̃ам̣ ваа гаамассаад̣̇абхавассаад̣̇аад̣̇ивад̇т̇ум̣ аараб̣бха гат̇ам̣ бадтабзд̇ваа анубуб̣б̣зна рааж̇агат̇аад̣̇ианзгавид̇хам̣ д̇иражчаанагат̇ам̣ гат̇знд̇и. саа хи анияяаанигад̇д̇аа саг̇г̇амогкамаг̇г̇аанам̣ д̇иражчаанабхууд̇аа гат̇аад̇и д̇иражчаанагат̇аа. д̇ад̇т̇а рааж̇аанам̣ аараб̣бха ‘‘махаасаммад̇о манд̇хаад̇аа д̇хаммаасого звам̣махаанубхааво’’д̇иаад̣̇инаа наязна бавад̇д̇аа гат̇аа рааж̇агат̇аа. зса наяо жорагат̇аад̣̇ийсу.
Unnādiniyāti uccaṃ nadamānāya. Evaṃ nadamānāya cassā uddhaṅgamanavasena ucco, disāsu patthaṭavasena mahāsaddoti uccāsaddamahāsaddo, tāya uccāsaddamahāsaddāya. Tesaṃ paribbājakānaṃ pātova uṭṭhāya kattabbaṃ nāma cetiyavattaṃ vā bodhivattaṃ vā ācariyupajjhāyavattaṃ vā yonisomanasikāro vā natthi. Tena te pātova uṭṭhāya bālātape nisinnā, sāyaṃ vā kathāya phāsukatthāya sannipatitā ‘‘imassa hattho sobhaṇo imassa pādo’’ti evaṃ aññamaññassa hatthapādādīni vā ārabbha itthipurisadārakadārikāvaṇṇe vā aññaṃ vā kāmassādabhavassādādivatthuṃ ārabbha kathaṃ paṭṭhapetvā anupubbena rājakathādianekavidhaṃ tiracchānakathaṃ kathenti. Sā hi aniyyānikattā saggamokkhamaggānaṃ tiracchānabhūtā kathāti tiracchānakathā. Tattha rājānaṃ ārabbha ‘‘mahāsammato mandhātā dhammāsoko evaṃmahānubhāvo’’tiādinā nayena pavattā kathā rājakathā. Esa nayo corakathādīsu.
д̇зсу ‘‘асуго рааж̇аа абхируубо д̣̇ассанийяо’’д̇иаад̣̇инаа наязна г̇зхассид̇агат̇аава д̇иражчаанагат̇аа ход̇и. ‘‘соби наама звам̣ махаанубхааво каяам̣ г̇ад̇о’’д̇и звам̣ бавад̇д̇аа бана гаммадтаанабхаавз д̇идтад̇и. жорзсуби ‘‘муулад̣̇зво звам̣махаанубхааво, мзгхамаало звам̣махаанубхааво’’д̇и д̇зсам̣ гаммам̣ бадижжа ахо суураад̇и г̇зхассид̇агат̇аава д̇иражчаанагат̇аа. яуд̣̇д̇хзби бхаарад̇аяуд̣̇д̇хаад̣̇ийсу ‘‘асугзна асуго звам̣ маарид̇о звам̣ вид̣̇д̇хо’’д̇и гаамассаад̣̇авасзнзва гат̇аа д̇иражчаанагат̇аа. ‘‘д̇зби наама каяам̣ г̇ад̇аа’’д̇и звам̣ бавад̇д̇аа бана саб̣б̣ад̇т̇а гат̇аа гаммадтаанамзва ход̇и. абижа аннаад̣̇ийсу ‘‘звам̣ ван̣н̣аванд̇ам̣ г̇анд̇хаванд̇ам̣ расаванд̇ам̣ пассасамбаннам̣ каад̣̇имха бхун̃ж̇имха бивимха барибхун̃ж̇имхаа’’д̇и гаамассаад̣̇авасзна гат̇зд̇ум̣ на ваддад̇и, саад̇т̇агам̣ бана гад̇ваа – ‘‘буб̣б̣з звам̣ ван̣н̣аад̣̇исамбаннам̣ аннам̣ баанам̣ вад̇т̇ам̣ саяанам̣ маалам̣ г̇анд̇хам̣ сийлаванд̇аанам̣ ад̣̇амха, жзд̇ияз бууж̇ам̣ агаримхаа’’д̇и гат̇зд̇ум̣ ваддад̇и.
Tesu ‘‘asuko rājā abhirūpo dassanīyo’’tiādinā nayena gehassitakathāva tiracchānakathā hoti. ‘‘Sopi nāma evaṃ mahānubhāvo khayaṃ gato’’ti evaṃ pavattā pana kammaṭṭhānabhāve tiṭṭhati. Coresupi ‘‘mūladevo evaṃmahānubhāvo, meghamālo evaṃmahānubhāvo’’ti tesaṃ kammaṃ paṭicca aho sūrāti gehassitakathāva tiracchānakathā. Yuddhepi bhāratayuddhādīsu ‘‘asukena asuko evaṃ mārito evaṃ viddho’’ti kāmassādavaseneva kathā tiracchānakathā. ‘‘Tepi nāma khayaṃ gatā’’ti evaṃ pavattā pana sabbattha kathā kammaṭṭhānameva hoti. Apica annādīsu ‘‘evaṃ vaṇṇavantaṃ gandhavantaṃ rasavantaṃ phassasampannaṃ khādimha bhuñjimha pivimha paribhuñjimhā’’ti kāmassādavasena kathetuṃ na vaṭṭati, sātthakaṃ pana katvā – ‘‘pubbe evaṃ vaṇṇādisampannaṃ annaṃ pānaṃ vatthaṃ sayanaṃ mālaṃ gandhaṃ sīlavantānaṃ adamha, cetiye pūjaṃ akarimhā’’ti kathetuṃ vaṭṭati.
н̃аад̇игат̇аад̣̇ийсуби ‘‘амхаагам̣ н̃аад̇агаа суураа самад̇т̇аа’’д̇и ваа ‘‘буб̣б̣з маяам̣ звам̣ вижид̇рзхи яаанзхи жаримхаа’’д̇и ваа ассаад̣̇авасзна вад̇д̇ум̣ на ваддад̇и, саад̇т̇агам̣ бана гад̇ваа ‘‘д̇зби но н̃аад̇агаа каяам̣ г̇ад̇аа’’д̇и ваа ‘‘буб̣б̣з маяам̣ зваруубаа убааханаа сан̇гхасса ад̣̇амхаа’’д̇и ваа гат̇зд̇аб̣б̣аа. г̇аамагат̇ааби сунивидтад̣̇уннивидтасубхигкад̣̇уб̣бхигкаад̣̇ивасзна ваа ‘‘асугаг̇аамаваасино суураа самад̇т̇аа’’д̇и ваа звам̣ ассаад̣̇авасзна на ваддад̇и, саад̇т̇агам̣ бана гад̇ваа сад̣̇д̇хаа басаннаад̇и ваа каяаваяам̣ г̇ад̇аад̇и ваа вад̇д̇ум̣ ваддад̇и. ниг̇аманаг̇араж̇анабад̣̇агат̇аасуби зсзва наяо. ид̇т̇игат̇ааби ван̣н̣асан̣таанаад̣̇ийни бадижжа ассаад̣̇авасзна на ваддад̇и, сад̣̇д̇хаа басаннаа каяам̣ г̇ад̇аад̇и звамзва ваддад̇и. суурагат̇ааби нанд̣̇имид̇д̇о наама яод̇хо сууро ахосийд̇и ассаад̣̇авасзнзва на ваддад̇и, сад̣̇д̇хо басанно ахоси каяам̣ г̇ад̇од̇и звамзва ваддад̇и. висикаагат̇ааби асугаа висикаа сунивидтаа д̣̇уннивидтаа суураа самад̇т̇аад̇и ассаад̣̇авасзнзва на ваддад̇и, сад̣̇д̇хаа басаннаа каяам̣ г̇ад̇аа ижжзвам̣ ваддад̇и.
Ñātikathādīsupi ‘‘amhākaṃ ñātakā sūrā samatthā’’ti vā ‘‘pubbe mayaṃ evaṃ vicitrehi yānehi carimhā’’ti vā assādavasena vattuṃ na vaṭṭati, sātthakaṃ pana katvā ‘‘tepi no ñātakā khayaṃ gatā’’ti vā ‘‘pubbe mayaṃ evarūpā upāhanā saṅghassa adamhā’’ti vā kathetabbā. Gāmakathāpi suniviṭṭhadunniviṭṭhasubhikkhadubbhikkhādivasena vā ‘‘asukagāmavāsino sūrā samatthā’’ti vā evaṃ assādavasena na vaṭṭati, sātthakaṃ pana katvā saddhā pasannāti vā khayavayaṃ gatāti vā vattuṃ vaṭṭati. Nigamanagarajanapadakathāsupi eseva nayo. Itthikathāpi vaṇṇasaṇṭhānādīni paṭicca assādavasena na vaṭṭati, saddhā pasannā khayaṃ gatāti evameva vaṭṭati. Sūrakathāpi nandimitto nāma yodho sūro ahosīti assādavaseneva na vaṭṭati, saddho pasanno ahosi khayaṃ gatoti evameva vaṭṭati. Visikhākathāpi asukā visikhā suniviṭṭhā dunniviṭṭhā sūrā samatthāti assādavaseneva na vaṭṭati, saddhā pasannā khayaṃ gatā iccevaṃ vaṭṭati.
гумбхадтаанагат̇аад̇и гумбхадтаанауд̣̇агад̇ид̇т̇агат̇аа ваа вужжад̇и гумбхад̣̇аасигат̇аа ваа. сааби ‘‘баасаад̣̇игаа нажжид̇ум̣ г̇ааяид̇ум̣ чзгаа’’д̇и ассаад̣̇авасзна на ваддад̇и, сад̣̇д̇хаа басаннаад̇иаад̣̇инаа наязнзва ваддад̇и. буб̣б̣абзд̇агат̇аад̇и ад̇ийд̇ан̃аад̇игат̇аа. д̇ад̇т̇а вад̇д̇амаанан̃аад̇игат̇аасад̣̇исова винижчаяо.
Kumbhaṭṭhānakathāti kumbhaṭṭhānaudakatitthakathā vā vuccati kumbhadāsikathā vā. Sāpi ‘‘pāsādikā naccituṃ gāyituṃ chekā’’ti assādavasena na vaṭṭati, saddhā pasannātiādinā nayeneva vaṭṭati. Pubbapetakathāti atītañātikathā. Tattha vattamānañātikathāsadisova vinicchayo.
наанад̇д̇агат̇аад̇и буримабажчимагат̇аавимуд̇д̇аа авасзсаа наанаасабхааваа нирад̇т̇агагат̇аа. логагкааяигаад̇и аяам̣ лого гзна ниммид̇о, асугзна наама ниммид̇о, гаагаа сзд̇аа адтийнам̣ сзд̇ад̇д̇аа, б̣агаа рад̇д̇аа лохид̇асса рад̇д̇ад̇д̇аад̇и звамаад̣̇игаа логааяад̇авид̇ан̣д̣асаллаабагат̇аа.
Nānattakathāti purimapacchimakathāvimuttā avasesā nānāsabhāvā niratthakakathā. Lokakkhāyikāti ayaṃ loko kena nimmito, asukena nāma nimmito, kākā setā aṭṭhīnaṃ setattā, bakā rattā lohitassa rattattāti evamādikā lokāyatavitaṇḍasallāpakathā.
самуд̣̇д̣̇агкааяигаа наама гасмаа самуд̣̇д̣̇о сааг̇аро, сааг̇арад̣̇звзна кан̣ид̇ад̇д̇аа сааг̇аро, кад̇о мзд̇и хад̇т̇амуд̣̇д̣̇ааяа нивзд̣̇ид̇ад̇д̇аа самуд̣̇д̣̇од̇и звамаад̣̇игаа нирад̇т̇агаа самуд̣̇д̣̇агкааяигагат̇аа. ид̇и бхаво, ид̇и абхавод̇и яам̣ ваа д̇ам̣ ваа нирад̇т̇агагааран̣ам̣ вад̇ваа бавад̇д̇ид̇агат̇аа ид̇ибхаваабхавагат̇аа. зд̇т̇а жа бхавод̇и сассад̇ам̣, абхавод̇и ужчзд̣̇ам̣. бхавод̇и вад̣дхи, абхавод̇и хаани. бхавод̇и гаамасукам̣, абхавод̇и ад̇д̇агиламат̇о. ид̇и имааяа чаб̣б̣ид̇хааяа ид̇ибхаваабхавагат̇ааяа сад̣̇д̇хим̣ б̣аад̇д̇им̣сад̇иражчаанагат̇аа наама ход̇и. зваруубим̣ д̇иражчаанагат̇ам̣ гат̇знд̇ияаа нисинно ход̇и.
Samuddakkhāyikā nāma kasmā samuddo sāgaro, sāgaradevena khaṇitattā sāgaro, khato meti hatthamuddāya niveditattā samuddoti evamādikā niratthakā samuddakkhāyikakathā. Iti bhavo, iti abhavoti yaṃ vā taṃ vā niratthakakāraṇaṃ vatvā pavattitakathā itibhavābhavakathā. Ettha ca bhavoti sassataṃ, abhavoti ucchedaṃ. Bhavoti vaḍḍhi, abhavoti hāni. Bhavoti kāmasukhaṃ, abhavoti attakilamatho. Iti imāya chabbidhāya itibhavābhavakathāya saddhiṃ bāttiṃsatiracchānakathā nāma hoti. Evarūpiṃ tiracchānakathaṃ kathentiyā nisinno hoti.
д̇ад̇о санд̣̇аго бариб̣б̣ааж̇аго д̇з бариб̣б̣ааж̇агз ологзд̇ваа – ‘‘имз бариб̣б̣ааж̇агаа ад̇ивияа ан̃н̃аман̃н̃ам̣ аг̇аараваа аббад̇иссаа, маяан̃жа саман̣асса г̇од̇амасса баад̇убхаавад̇о бадтааяа суурияуг̇г̇аманз каж̇ж̇обанагуубамаа ж̇аад̇аа, лаабхасаггаароби но барихийно. сажз бана имам̣ таанам̣ саман̣о г̇од̇амо г̇од̇амасааваго ваа г̇ихиубадтаагоби ваасса ааг̇ажчзяяа, ад̇ивияа лаж̇ж̇анийяам̣ бхависсад̇и. барисад̣̇осо ко бана барисаж̇здтагассзва убари аарохад̇ий’’д̇и ид̇о жид̇о жа вилогзнд̇о т̇зрам̣ ад̣̇д̣̇аса. д̇зна вуд̇д̇ам̣ ад̣̇д̣̇асаа ко санд̣̇аго бариб̣б̣ааж̇аго…бз… д̇ун̣хий ахзсунд̇и.
Tato sandako paribbājako te paribbājake oloketvā – ‘‘ime paribbājakā ativiya aññamaññaṃ agāravā appatissā, mayañca samaṇassa gotamassa pātubhāvato paṭṭhāya sūriyuggamane khajjopanakūpamā jātā, lābhasakkāropi no parihīno. Sace pana imaṃ ṭhānaṃ samaṇo gotamo gotamasāvako vā gihiupaṭṭhākopi vāssa āgaccheyya, ativiya lajjanīyaṃ bhavissati. Parisadoso kho pana parisajeṭṭhakasseva upari ārohatī’’ti ito cito ca vilokento theraṃ addasa. Tena vuttaṃ addasā kho sandako paribbājako…pe… tuṇhī ahesunti.
д̇ад̇т̇а сан̣табзсийд̇и сигкаабзси, важ̇ж̇амассаа бадижчаад̣̇зси. яат̇аа судтабид̇аа ход̇и, д̇ат̇аа нам̣ табзси. яат̇аа наама барисамаж̇жхам̣ бависанд̇о бурисо важ̇ж̇абадижчаад̣̇анад̇т̇ам̣ ниваасанам̣ сан̣табзд̇и, баарубанам̣ сан̣табзд̇и, раж̇огин̣н̣адтаанам̣ бун̃чад̇и, звамассаа важ̇ж̇абадижчаад̣̇анад̇т̇ам̣ ‘‘аббасад̣̇д̣̇аа бхонд̇о’’д̇и сигкаабзнд̇о яат̇аа судтабид̇аа ход̇и, д̇ат̇аа нам̣ табзсийд̇и ад̇т̇о. аббасад̣̇д̣̇агаамаад̇и аббасад̣̇д̣̇ам̣ ижчанд̇и, згагаа нисийд̣̇анд̇и, згагаа д̇идтанд̇и, на г̇ан̣асан̇г̇ан̣игааяа яаабзнд̇и. аббасад̣̇д̣̇авинийд̇аад̇и аббасад̣̇д̣̇зна ниравзна б̣уд̣̇д̇хзна винийд̇аа. аббасад̣̇д̣̇асса ван̣н̣аваад̣̇инод̇и яам̣ таанам̣ аббасад̣̇д̣̇ам̣ ниссад̣̇д̣̇ам̣. д̇асса ван̣н̣аваад̣̇ино. убасан̇гамид̇аб̣б̣ам̣ ман̃н̃зяяаад̇и ид̇хааг̇анд̇аб̣б̣ам̣ ман̃н̃зяяа.
Tattha saṇṭhapesīti sikkhāpesi, vajjamassā paṭicchādesi. Yathā suṭṭhapitā hoti, tathā naṃ ṭhapesi. Yathā nāma parisamajjhaṃ pavisanto puriso vajjapaṭicchādanatthaṃ nivāsanaṃ saṇṭhapeti, pārupanaṃ saṇṭhapeti, rajokiṇṇaṭṭhānaṃ puñchati, evamassā vajjapaṭicchādanatthaṃ ‘‘appasaddā bhonto’’ti sikkhāpento yathā suṭṭhapitā hoti, tathā naṃ ṭhapesīti attho. Appasaddakāmāti appasaddaṃ icchanti, ekakā nisīdanti, ekakā tiṭṭhanti, na gaṇasaṅgaṇikāya yāpenti. Appasaddavinītāti appasaddena niravena buddhena vinītā. Appasaddassavaṇṇavādinoti yaṃ ṭhānaṃ appasaddaṃ nissaddaṃ. Tassa vaṇṇavādino. Upasaṅkamitabbaṃ maññeyyāti idhāgantabbaṃ maññeyya.
гасмаа банзса т̇зрасса убасан̇гаманам̣ бажжаасийсад̇ийд̇и. ад̇д̇ано вуд̣̇д̇хим̣ бад̇т̇аяамаано. бариб̣б̣ааж̇агаа гира б̣уд̣̇д̇хзсу ваа б̣уд̣̇д̇хасаавагзсу ваа ад̇д̇ано санд̇игам̣ ааг̇ад̇зсу – ‘‘аж̇ж̇а амхаагам̣ санд̇игам̣ саман̣о г̇од̇амо ааг̇ад̇о, саарибуд̇д̇о ааг̇ад̇о, на ко банзд̇з яасса ваа д̇асса ваа санд̇игам̣ г̇ажчанд̇и, бассат̇а амхаагам̣ уд̇д̇амабхаава’’нд̇и ад̇д̇ано убадтаагаанам̣ санд̇игз ад̇д̇аанам̣ угкибанд̇и ужжз таанз табзнд̇и. бхаг̇авад̇оби убадтаагз г̇ан̣хид̇ум̣ вааяаманд̇и. д̇з гира бхаг̇авад̇о убадтаагз д̣̇исваа звам̣ вад̣̇анд̇и – ‘‘д̇умхаагам̣ сад̇т̇аа бхавам̣ г̇од̇амоби г̇од̇амасса саавагааби амхаагам̣ санд̇игам̣ ааг̇ажчанд̇и, маяам̣ ан̃н̃аман̃н̃ам̣ самаг̇г̇аа. д̇умхз бана амхз агкийхи бассид̇ум̣ на ижчат̇а, саамийжигаммам̣ на гарот̇а, гим̣ во амхзхи абарад̣̇д̇ха’’нд̇и. аббзгажжз мануссаа – ‘‘б̣уд̣̇д̇хааби зд̇зсам̣ санд̇игам̣ г̇ажчанд̇и, гим̣ амхаага’’нд̇и д̇ад̇о бадтааяа д̇з д̣̇исваа наббамаж̇ж̇анд̇и. д̇ун̣хий ахзсунд̇и санд̣̇агам̣ бариваарзд̇ваа ниссад̣̇д̣̇аа нисийд̣̇им̣су.
Kasmā panesa therassa upasaṅkamanaṃ paccāsīsatīti. Attano vuddhiṃ patthayamāno. Paribbājakā kira buddhesu vā buddhasāvakesu vā attano santikaṃ āgatesu – ‘‘ajja amhākaṃ santikaṃ samaṇo gotamo āgato, sāriputto āgato, na kho panete yassa vā tassa vā santikaṃ gacchanti, passatha amhākaṃ uttamabhāva’’nti attano upaṭṭhākānaṃ santike attānaṃ ukkhipanti ucce ṭhāne ṭhapenti. Bhagavatopi upaṭṭhāke gaṇhituṃ vāyamanti. Te kira bhagavato upaṭṭhāke disvā evaṃ vadanti – ‘‘tumhākaṃ satthā bhavaṃ gotamopi gotamassa sāvakāpi amhākaṃ santikaṃ āgacchanti, mayaṃ aññamaññaṃ samaggā. Tumhe pana amhe akkhīhi passituṃ na icchatha, sāmīcikammaṃ na karotha, kiṃ vo amhehi aparaddha’’nti. Appekacce manussā – ‘‘buddhāpi etesaṃ santikaṃ gacchanti, kiṃ amhāka’’nti tato paṭṭhāya te disvā nappamajjanti. Tuṇhī ahesunti sandakaṃ parivāretvā nissaddā nisīdiṃsu.
224. свааг̇ад̇ам̣ бход̇о аананд̣̇ассаад̇и суааг̇аманам̣ бход̇о аананд̣̇асса. бхаванд̇з хи но ааг̇ад̇з аананд̣̇о ход̇и, г̇ад̇з согод̇и д̣̇ийбзд̇и. жирассам̣ код̇и бияасамуд̣̇аажаараважанамзд̇ам̣. т̇зро бана гаалзна гаалам̣ бариб̣б̣ааж̇агаараамам̣ жааригад̇т̇ааяа г̇ажчад̇ийд̇и буримаг̇аманам̣ г̇ахзд̇ваа звамааха. зван̃жа бана вад̇ваа на маанад̇т̇ад̣̇д̇хо худ̇ваа нисийд̣̇и, ад̇д̇ано бана аасанаа вудтааяа д̇ам̣ аасанам̣ бабподзд̇ваа т̇зрам̣ аасанзна ниманд̇знд̇о нисийд̣̇ад̇у бхавам̣ аананд̣̇о, ид̣̇амаасанам̣ бан̃н̃ад̇д̇анд̇и ааха.
224.Svāgataṃ bhoto ānandassāti suāgamanaṃ bhoto ānandassa. Bhavante hi no āgate ānando hoti, gate sokoti dīpeti. Cirassaṃ khoti piyasamudācāravacanametaṃ. Thero pana kālena kālaṃ paribbājakārāmaṃ cārikatthāya gacchatīti purimagamanaṃ gahetvā evamāha. Evañca pana vatvā na mānatthaddho hutvā nisīdi, attano pana āsanā vuṭṭhāya taṃ āsanaṃ papphoṭetvā theraṃ āsanena nimantento nisīdatu bhavaṃ ānando, idamāsanaṃ paññattanti āha.
анд̇араагат̇аа виббагад̇аад̇и нисиннаанам̣ во аарамбхад̇о бадтааяа яаава мамааг̇аманам̣ зд̇асмим̣ анд̇арз гаа наама гат̇аа виббагад̇аа, мамааг̇аманабажжаяаа гад̇амаа гат̇аа барияанд̇ам̣ на г̇ад̇аад̇и бужчад̇и.
Antarākathāvippakatāti nisinnānaṃ vo ārambhato paṭṭhāya yāva mamāgamanaṃ etasmiṃ antare kā nāma kathā vippakatā, mamāgamanapaccayā katamā kathā pariyantaṃ na gatāti pucchati.
ат̇а бариб̣б̣ааж̇аго ‘‘нирад̇т̇агагат̇аава зсаа ниссаараа ваддасанниссид̇аа, на д̇умхаагам̣ бурад̇о вад̇д̇аб̣б̣ад̇ам̣ арахад̇ий’’д̇и д̣̇ийбзнд̇о д̇идтад̇зсаа, бход̇иаад̣̇имааха. нзсаа бход̇од̇и сажз бхавам̣ сод̇угаамо бхависсад̇и, бажчаабзсаа гат̇аа на д̣̇уллабхаа бхависсад̇и, амхаагам̣ банимааяа ад̇т̇о над̇т̇и. бход̇о бана ааг̇аманам̣ лабхид̇ваа ан̃н̃ад̣̇зва сугааран̣ам̣ гат̇ам̣ сод̇угаамамхаад̇и д̣̇ийбзд̇и. д̇ад̇о д̇хаммад̣̇зсанам̣ яаажанд̇о саад̇ху вад̇а бхаванд̇ам̣ яз ваад̇иаад̣̇имааха. д̇ад̇т̇а аажарияагзд̇и аажарияасамаяз. анассаасигаанийд̇и ассаасавирахид̇аани. сасагганд̇и згам̣сад̇т̇з нибаад̇о, вин̃н̃уу бурисо згам̣сзнзва на васзяяаад̇и ад̇т̇о. васанд̇о жа наараад̇хзяяаад̇и на самбаад̣̇зяяа, на барибуурзяяаад̇и вуд̇д̇ам̣ ход̇и. н̃ааяам̣ д̇хаммам̣ гусаланд̇и гааран̣абхууд̇ам̣ анаваж̇ж̇адтзна гусалам̣ д̇хаммам̣.
Atha paribbājako ‘‘niratthakakathāva esā nissārā vaṭṭasannissitā, na tumhākaṃ purato vattabbataṃ arahatī’’ti dīpento tiṭṭhatesā, bhotiādimāha. Nesā bhototi sace bhavaṃ sotukāmo bhavissati, pacchāpesā kathā na dullabhā bhavissati, amhākaṃ panimāya attho natthi. Bhoto pana āgamanaṃ labhitvā aññadeva sukāraṇaṃ kathaṃ sotukāmamhāti dīpeti. Tato dhammadesanaṃ yācanto sādhu vata bhavantaṃ ye vātiādimāha. Tattha ācariyaketi ācariyasamaye. Anassāsikānīti assāsavirahitāni. Sasakkanti ekaṃsatthe nipāto, viññū puriso ekaṃseneva na vaseyyāti attho. Vasanto ca nārādheyyāti na sampādeyya, na paripūreyyāti vuttaṃ hoti. Ñāyaṃ dhammaṃ kusalanti kāraṇabhūtaṃ anavajjaṭṭhena kusalaṃ dhammaṃ.
225. ид̇хаад̇и имасмим̣ логз. над̇т̇и д̣̇иннанд̇иаад̣̇ийни саалзяяагасуд̇д̇з (ма. ни. 1.440) вуд̇д̇аани. жаад̇умахаабхууд̇игод̇и жад̇умахаабхууд̇амаяо. бат̇авий бат̇авийгааяанд̇и аж̇жхад̇д̇игаа бат̇авийд̇хаад̇у б̣аахирабат̇авийд̇хаад̇ум̣. анубзд̇ийд̇и ануяаад̇и. анубаг̇ажчад̇ийд̇и д̇ассзва взважанам̣, ануг̇ажчад̇ийд̇иби ад̇т̇о, убхаязнааби убзд̇и убаг̇ажчад̇ийд̇и д̣̇ассзд̇и. аабаад̣̇ийсуби зсзва наяо. инд̣̇рияаанийд̇и манажчадтаани инд̣̇рияаани аагаасам̣ багканд̣̇анд̇и. аасанд̣̇ибан̃жамаад̇и нибаннаман̃жзна бан̃жамаа, ман̃жо жзва, жад̇д̇ааро ман̃жабаад̣̇з г̇ахзд̇ваа тид̇аа жад̇д̇ааро бурисаа жаад̇и ад̇т̇о. яааваал̣ааханаад̇и яаава сусаанаа. бад̣̇аанийд̇и аяам̣ звам̣ сийлаваа ахоси, звам̣ д̣̇уссийлод̇иаад̣̇инаа наязна бавад̇д̇аани г̇ун̣абад̣̇аани. сарийрамзва ваа зд̇т̇а бад̣̇аанийд̇и ад̇хиббзд̇ам̣. гаабод̇агаанийд̇и габод̇агаван̣н̣аани, баараавад̇абагкаван̣н̣аанийд̇и ад̇т̇о.
225.Idhāti imasmiṃ loke. Natthi dinnantiādīni sāleyyakasutte (ma. ni. 1.440) vuttāni. Cātumahābhūtikoti catumahābhūtamayo. Pathavī pathavīkāyanti ajjhattikā pathavīdhātu bāhirapathavīdhātuṃ. Anupetīti anuyāti. Anupagacchatīti tasseva vevacanaṃ, anugacchatītipi attho, ubhayenāpi upeti upagacchatīti dasseti. Āpādīsupi eseva nayo. Indriyānīti manacchaṭṭhāni indriyāni ākāsaṃ pakkhandanti. Āsandipañcamāti nipannamañcena pañcamā, mañco ceva, cattāro mañcapāde gahetvā ṭhitā cattāro purisā cāti attho. Yāvāḷāhanāti yāva susānā. Padānīti ayaṃ evaṃ sīlavā ahosi, evaṃ dussīlotiādinā nayena pavattāni guṇapadāni. Sarīrameva vā ettha padānīti adhippetaṃ. Kāpotakānīti kapotakavaṇṇāni, pārāvatapakkhavaṇṇānīti attho.
бхассанд̇аад̇и бхасманд̇аа, аяамзва ваа баал̣и. аахуд̇ияод̇и яам̣ бахзн̣агасаггаараад̣̇ибхзд̣̇ам̣ д̣̇иннад̣̇аанам̣, саб̣б̣ам̣ д̇ам̣ чааригаавасаанамзва ход̇и, на д̇ад̇о барам̣ палад̣̇ааяагам̣ худ̇ваа г̇ажчад̇ийд̇и ад̇т̇о. д̣̇ад̇д̇убан̃н̃ад̇д̇анд̇и д̣̇ад̇д̇уухи б̣ааламануссзхи бан̃н̃ад̇д̇ам̣. ид̣̇ам̣ вуд̇д̇ам̣ ход̇и – б̣аалзхи аб̣уд̣̇д̇хийхи бан̃н̃ад̇д̇амид̣̇ам̣ д̣̇аанам̣, на бан̣д̣ид̇зхи. б̣аалаа д̣̇знд̇и, бан̣д̣ид̇аа г̇ан̣ханд̇ийд̇и д̣̇ассзд̇и. ад̇т̇игаваад̣̇анд̇и ад̇т̇и д̣̇иннам̣ д̣̇иннапаланд̇и имам̣ ад̇т̇игаваад̣̇ам̣язва вад̣̇анд̇и д̇зсам̣ д̇ужчам̣ важанам̣ мусаавилаабо. б̣аалз жа бан̣д̣ид̇з жаад̇и б̣аалаа жа бан̣д̣ид̇аа жа.
Bhassantāti bhasmantā, ayameva vā pāḷi. Āhutiyoti yaṃ paheṇakasakkārādibhedaṃ dinnadānaṃ, sabbaṃ taṃ chārikāvasānameva hoti, na tato paraṃ phaladāyakaṃ hutvā gacchatīti attho. Dattupaññattanti dattūhi bālamanussehi paññattaṃ. Idaṃ vuttaṃ hoti – bālehi abuddhīhi paññattamidaṃ dānaṃ, na paṇḍitehi. Bālā denti, paṇḍitā gaṇhantīti dasseti. Atthikavādanti atthi dinnaṃ dinnaphalanti imaṃ atthikavādaṃyeva vadanti tesaṃ tucchaṃ vacanaṃ musāvilāpo. Bāleca paṇḍite cāti bālā ca paṇḍitā ca.
агад̇зна мз зд̇т̇а гад̇анд̇и маяхам̣ агад̇знзва саман̣агаммзна зд̇т̇а зд̇асса самаяз гаммам̣ гад̇ам̣ наама ход̇и, авусид̇знзва б̣рахмажариязна вусид̇ам̣ наама ход̇и. зд̇т̇аад̇и зд̇асмим̣ саман̣ад̇хаммз. самасамаад̇и ад̇ивияа самаа, самзна ваа г̇ун̣зна самаа. сааман̃н̃ам̣ бад̇д̇аад̇и самаанабхаавам̣ бад̇д̇аа.
Akatena me ettha katanti mayhaṃ akateneva samaṇakammena ettha etassa samaye kammaṃ kataṃ nāma hoti, avusiteneva brahmacariyena vusitaṃ nāma hoti. Etthāti etasmiṃ samaṇadhamme. Samasamāti ativiya samā, samena vā guṇena samā. Sāmaññaṃ pattāti samānabhāvaṃ pattā.
226. гарад̇од̇иаад̣̇ийни абан̣н̣агасуд̇д̇з вуд̇д̇аани. д̇ат̇аа над̇т̇и хзд̇ууд̇иаад̣̇ийни.
226.Karatotiādīni apaṇṇakasutte vuttāni. Tathā natthi hetūtiādīni.
228. жад̇уд̇т̇аб̣рахмажарияаваасз агадаад̇и агад̇аа. агадавид̇хаад̇и агад̇авид̇хаанаа, звам̣ гарохийд̇и гзнажи гаараабид̇аа на хонд̇ийд̇и ад̇т̇о. аниммид̇аад̇и ид̣̇д̇хияааби на ниммид̇аа. аниммаад̇аад̇и аниммаабид̇аа. гзжи аниммид̇аб̣б̣аад̇и бад̣̇ам̣ вад̣̇анд̇и, д̇ам̣ нзва баал̣ияам̣, на адтагат̇ааяам̣ санд̣̇иссад̇и. ван̃жхаад̇и ван̃жхабасуван̃жхад̇аалаад̣̇аяо вияа апалаа, гассажи аж̇анагаад̇и ад̇т̇о. зд̇зна бат̇авийгааяаад̣̇ийнам̣ руубаад̣̇иж̇анагабхаавам̣ бадигкибад̇и. баб̣б̣ад̇агуудаа вияа тид̇аад̇и гуудадтаа. ийсигадтааяидтид̇аад̇и мун̃ж̇з ийсигаа вияа тид̇аа. д̇ад̇рааяамад̇хиббааяо – яамид̣̇ам̣ ж̇ааяад̇ийд̇и вужжад̇и, д̇ам̣ мун̃ж̇ад̇о ийсигаа вияа виж̇ж̇амаанамзва нигкамад̇ийд̇и. ‘‘зсигадтааяидтид̇аа’’д̇иби баато, суникаад̇о зсигад̇т̇амбхо нижжало д̇идтад̇и, звам̣ тид̇аад̇и ад̇т̇о. убхаязнаби д̇зсам̣ винаасаабхаавам̣ д̣̇ийбзд̇и. на ин̃ж̇анд̇ийд̇и зсигад̇т̇амбхо вияа тид̇ад̇д̇аа на жаланд̇и. на вибарин̣аамзнд̇ийд̇и багад̇им̣ на ж̇аханд̇и. на ан̃н̃аман̃н̃ам̣ б̣яааб̣аад̇хзнд̇ийд̇и ан̃н̃аман̃н̃ам̣ на убахананд̇и. нааланд̇и на самад̇т̇аа.
228. Catutthabrahmacariyavāse akaṭāti akatā. Akaṭavidhāti akatavidhānā, evaṃ karohīti kenaci kārāpitā na hontīti attho. Animmitāti iddhiyāpi na nimmitā. Animmātāti animmāpitā. Keci animmitabbāti padaṃ vadanti, taṃ neva pāḷiyaṃ, na aṭṭhakathāyaṃ sandissati. Vañjhāti vañjhapasuvañjhatālādayo viya aphalā, kassaci ajanakāti attho. Etena pathavīkāyādīnaṃ rūpādijanakabhāvaṃ paṭikkhipati. Pabbatakūṭā viya ṭhitāti kūṭaṭṭhā. Īsikaṭṭhāyiṭṭhitāti muñje īsikā viya ṭhitā. Tatrāyamadhippāyo – yamidaṃ jāyatīti vuccati, taṃ muñjato īsikā viya vijjamānameva nikkhamatīti. ‘‘Esikaṭṭhāyiṭṭhitā’’tipi pāṭho, sunikhāto esikatthambho niccalo tiṭṭhati, evaṃ ṭhitāti attho. Ubhayenapi tesaṃ vināsābhāvaṃ dīpeti. Na iñjantīti esikatthambho viya ṭhitattā na calanti. Na vipariṇāmentīti pakatiṃ na jahanti. Na aññamaññaṃ byābādhentīti aññamaññaṃ na upahananti. Nālanti na samatthā.
бат̇авийгааяод̇иаад̣̇ийсу бат̇авийязва бат̇авийгааяо, бат̇авийсамуухо ваа. д̇ад̇т̇аад̇и д̇зсу ж̇ийвасад̇д̇амзсу гааязсу. над̇т̇и ханд̇аа ваад̇и ханд̇ум̣ ваа гхаад̇зд̇ум̣ ваа сод̇ум̣ ваа саавзд̇ум̣ ваа ж̇аанид̇ум̣ ваа ж̇аанаабзд̇ум̣ ваа самад̇т̇о наама над̇т̇ийд̇и д̣̇ийбзд̇и. сад̇д̇аннам̣д̇взва гааяаананд̇и яат̇аа муг̇г̇араасиаад̣̇ийсу бахадам̣ сад̇т̇ам̣ муг̇г̇араасиаад̣̇ийнам̣ анд̇арзна бависад̇и, звам̣ сад̇д̇аннам̣ гааяаанам̣ анд̇арзна чид̣̇д̣̇зна виварзна сад̇т̇ам̣ бависад̇и. д̇ад̇т̇а ‘‘ахам̣ имам̣ ж̇ийвид̇аа воробзмий’’д̇и гзвалам̣ сан̃н̃аамад̇д̇амзва ход̇ийд̇и д̣̇ассзд̇и. яонибамукасад̇асахассаанийд̇и бамукаяонийнам̣ уд̇д̇амаяонийнам̣ жуд̣̇д̣̇асасад̇асахассаани ан̃н̃аани жа садтисад̇аани ан̃н̃аани жа часад̇аани. бан̃жа жа гаммуно сад̇аанийд̇и бан̃жа гаммасад̇аани жа, гзвалам̣ д̇аггамад̇д̇агзна нирад̇т̇агам̣ д̣̇идтим̣ д̣̇ийбзд̇и. бан̃жа жа гаммаани д̇ийн̣и жа гаммаанийд̇иаад̣̇ийсуби зсзва наяо. гзжи банааху бан̃жа гаммаанийд̇и бан̃жинд̣̇рияавасзна бхан̣ад̇и. д̇ийн̣ийд̇и гааяагаммаад̣̇ивасзнаад̇и. гаммз жа ад̣дхагаммз жаад̇и зд̇т̇а банасса гааяагамман̃жа важийгамман̃жа гамманд̇и лад̣̇д̇хи, маногаммам̣ убад̣дхагамманд̇и. д̣̇вадтибадибад̣̇аад̇и д̣̇ваасадти бадибад̣̇аад̇и вад̣̇ад̇и. д̣̇вадтанд̇арагаббаад̇и згасмим̣ габбз жад̇усадти анд̇арагаббаа наама хонд̇и, аяам̣ бана ан̃н̃з д̣̇вз аж̇аананд̇о звамааха. чал̣аабхиж̇аад̇ияо абан̣н̣агасуд̇д̇з вид̇т̇аарид̇аа.
Pathavīkāyotiādīsu pathavīyeva pathavīkāyo, pathavīsamūho vā. Tatthāti tesu jīvasattamesu kāyesu. Natthi hantā vāti hantuṃ vā ghātetuṃ vā sotuṃ vā sāvetuṃ vā jānituṃ vā jānāpetuṃ vā samattho nāma natthīti dīpeti. Sattannaṃtveva kāyānanti yathā muggarāsiādīsu pahaṭaṃ satthaṃ muggarāsiādīnaṃ antarena pavisati, evaṃ sattannaṃ kāyānaṃ antarena chiddena vivarena satthaṃ pavisati. Tattha ‘‘ahaṃ imaṃ jīvitā voropemī’’ti kevalaṃ saññāmattameva hotīti dasseti. Yonipamukhasatasahassānīti pamukhayonīnaṃ uttamayonīnaṃ cuddasasatasahassāni aññāni ca saṭṭhisatāni aññāni ca chasatāni. Pañca ca kammuno satānīti pañca kammasatāni ca, kevalaṃ takkamattakena niratthakaṃ diṭṭhiṃ dīpeti. Pañca ca kammāni tīṇi ca kammānītiādīsupi eseva nayo. Keci panāhu pañca kammānīti pañcindriyavasena bhaṇati. Tīṇīti kāyakammādivasenāti. Kamme ca aḍḍhakamme cāti ettha panassa kāyakammañca vacīkammañca kammanti laddhi, manokammaṃ upaḍḍhakammanti. Dvaṭṭhipaṭipadāti dvāsaṭṭhi paṭipadāti vadati. Dvaṭṭhantarakappāti ekasmiṃ kappe catusaṭṭhi antarakappā nāma honti, ayaṃ pana aññe dve ajānanto evamāha. Chaḷābhijātiyo apaṇṇakasutte vitthāritā.
адта бурисабхуумияод̇и манд̣̇абхууми кид̣д̣аабхууми виймам̣сагабхууми уж̇уг̇ад̇абхууми сзгкабхууми саман̣абхууми ж̇инабхууми баннабхуумийд̇и имаа адта бурисабхуумияод̇и вад̣̇ад̇и. д̇ад̇т̇а ж̇аад̇ад̣̇ивасад̇о бадтааяа сад̇д̇ад̣̇ивасз самб̣аад̇хадтаанад̇о нигканд̇ад̇д̇аа сад̇д̇аа манд̣̇аа хонд̇и момуухаа. аяам̣ манд̣̇абхуумийд̇и вад̣̇ад̇и. яз бана д̣̇уг̇г̇ад̇ид̇о ааг̇ад̇аа хонд̇и, д̇з абхин̣хам̣ род̣̇анд̇и жзва вираванд̇и жа. суг̇ад̇ид̇о ааг̇ад̇аа д̇ам̣ ануссарид̇ваа ануссарид̇ваа хасанд̇и. аяам̣ кид̣д̣аабхууми наама. маад̇аабид̇уунам̣ хад̇т̇ам̣ ваа баад̣̇ам̣ ваа ман̃жам̣ ваа бийтам̣ ваа г̇ахзд̇ваа бхуумияам̣ бад̣̇анигкибанам̣ виймам̣сагабхууми наама. бад̣̇асаава г̇анд̇ум̣ самад̇т̇агаало уж̇уг̇ад̇абхууми наама. сиббаанам̣ сигканагаало сзгкабхууми наама. гхараа нигкамма баб̣б̣аж̇анагаало саман̣абхууми наама. аажарияам̣ сзвид̇ваа ж̇аананагаало ж̇инабхууми наама. бхигку жа баннаго ж̇ино на гин̃жи аахаад̇и звам̣ алаабхим̣ саман̣ам̣ баннабхуумийд̇и вад̣̇ад̇и.
Aṭṭha purisabhūmiyoti mandabhūmi khiḍḍābhūmi vīmaṃsakabhūmi ujugatabhūmi sekkhabhūmi samaṇabhūmi jinabhūmi pannabhūmīti imā aṭṭha purisabhūmiyoti vadati. Tattha jātadivasato paṭṭhāya sattadivase sambādhaṭṭhānato nikkhantattā sattā mandā honti momūhā. Ayaṃ mandabhūmīti vadati. Ye pana duggatito āgatā honti, te abhiṇhaṃ rodanti ceva viravanti ca. Sugatito āgatā taṃ anussaritvā anussaritvā hasanti. Ayaṃ khiḍḍābhūmi nāma. Mātāpitūnaṃ hatthaṃ vā pādaṃ vā mañcaṃ vā pīṭhaṃ vā gahetvā bhūmiyaṃ padanikkhipanaṃ vīmaṃsakabhūmi nāma. Padasāva gantuṃ samatthakālo ujugatabhūmi nāma. Sippānaṃ sikkhanakālo sekkhabhūmi nāma. Gharā nikkhamma pabbajanakālo samaṇabhūmi nāma. Ācariyaṃ sevitvā jānanakālo jinabhūmi nāma. Bhikkhu ca pannako jino na kiñci āhāti evaṃ alābhiṃ samaṇaṃ pannabhūmīti vadati.
згуунабан̃н̃ааса ааж̇ийвасад̇зд̇и згуунабан̃н̃ааса ааж̇ийвавуд̇д̇исад̇аани. бариб̣б̣ааж̇агасад̇зд̇и бариб̣б̣ааж̇агабаб̣б̣аж̇ж̇асад̇аани. нааг̇ааваасасад̇зд̇и нааг̇аман̣д̣аласад̇аани. вийсз инд̣̇рияасад̇зд̇и вийса инд̣̇рияасад̇аани. д̇им̣сз нираяасад̇зд̇и д̇им̣са нираяасад̇аани. раж̇од̇хаад̇уяод̇и раж̇аогиран̣адтаанаани. хад̇т̇абидтибаад̣̇абидтаад̣̇ийни санд̇хааяа вад̣̇ад̇и. сад̇д̇а сан̃н̃ийг̇аб̣бхаад̇и одтаг̇он̣аг̇ад̣̇рабхааж̇абасумиг̇амахим̣сз санд̇хааяа вад̣̇ад̇и. асан̃н̃ийг̇аб̣бхаад̇и саалияаваг̇од̇хумамуг̇г̇аган̇г̇уварагагуд̣̇руусагз санд̇хааяа вад̣̇ад̇и. ниг̇ан̣тиг̇аб̣бхаад̇и ниг̇ан̣тимхи ж̇аад̇аг̇аб̣бхаа, ужчувзл̣унал̣аад̣̇аяо санд̇хааяа вад̣̇ад̇и. сад̇д̇а д̣̇зваад̇и б̣ахуу д̣̇зваа, со бана сад̇д̇аад̇и вад̣̇ад̇и. маанусааби ананд̇аа, со сад̇д̇аад̇и вад̣̇ад̇и. сад̇д̇а бисаажаад̇и бисаажаа маханд̇аа, сад̇д̇аад̇и вад̣̇ад̇и.
Ekūnapaññāsaājīvasateti ekūnapaññāsa ājīvavuttisatāni. Paribbājakasateti paribbājakapabbajjasatāni. Nāgāvāsasateti nāgamaṇḍalasatāni. Vīse indriyasateti vīsa indriyasatāni. Tiṃse nirayasateti tiṃsa nirayasatāni. Rajodhātuyoti rajaokiraṇaṭṭhānāni. Hatthapiṭṭhipādapiṭṭhādīni sandhāya vadati. Satta saññīgabbhāti oṭṭhagoṇagadrabhaajapasumigamahiṃse sandhāya vadati. Asaññīgabbhāti sāliyavagodhumamuggakaṅguvarakakudrūsake sandhāya vadati. Nigaṇṭhigabbhāti nigaṇṭhimhi jātagabbhā, ucchuveḷunaḷādayo sandhāya vadati. Satta devāti bahū devā, so pana sattāti vadati. Mānusāpi anantā, so sattāti vadati. Satta pisācāti pisācā mahantā, sattāti vadati.
сараад̇и махаасараа. ган̣н̣амун̣д̣а-рат̇агаара-анод̇ад̇д̇а-сийхабабаад̇агул̣ира-мужалинд̣̇а-гун̣аалад̣̇ахз г̇ахзд̇ваа вад̣̇ад̇и. бавудаад̇и г̇ан̣тигаа. бабаад̇аад̇и махаабабаад̇аа. бабаад̇асад̇аанийд̇и куд̣̇д̣̇агабабаад̇асад̇аани. субинаад̇и махаасубинаа. субинасад̇аанийд̇и куд̣̇д̣̇агасубинасад̇аани. махаагаббинод̇и махаагаббаанам̣. зд̇т̇а згамхаа сараа вассасад̇з вассасад̇з гусаг̇г̇зна згам̣ уд̣̇агаб̣инд̣̇ум̣ нийхарид̇ваа нийхарид̇ваа сад̇д̇агкад̇д̇ум̣ д̇амхи сарз нируд̣̇агз гад̇з зго махаагаббод̇и вад̣̇ад̇и. зваруубаанам̣ махаагаббаанам̣ жад̇ураасийд̇исад̇асахассаани кзбзд̇ваа б̣аалаа жа бан̣д̣ид̇аа жа д̣̇угкассанд̇ам̣ гаронд̇ийд̇и аяамасса лад̣̇д̇хи. бан̣д̣ид̇оби гира анд̇араа суж̇жхид̇ум̣ на саггод̇и, б̣аалоби д̇ад̇о уд̣̇д̇хам̣ на г̇ажчад̇и.
Sarāti mahāsarā. Kaṇṇamuṇḍa-rathakāra-anotatta-sīhapapātakuḷira-mucalinda-kuṇāladahe gahetvā vadati. Pavuṭāti gaṇṭhikā. Papātāti mahāpapātā. Papātasatānīti khuddakapapātasatāni. Supināti mahāsupinā. Supinasatānīti khuddakasupinasatāni. Mahākappinoti mahākappānaṃ. Ettha ekamhā sarā vassasate vassasate kusaggena ekaṃ udakabinduṃ nīharitvā nīharitvā sattakkhattuṃ tamhi sare nirudake kate eko mahākappoti vadati. Evarūpānaṃ mahākappānaṃ caturāsītisatasahassāni khepetvā bālā ca paṇḍitā ca dukkhassantaṃ karontīti ayamassa laddhi. Paṇḍitopi kira antarā sujjhituṃ na sakkoti, bālopi tato uddhaṃ na gacchati.
сийлзнаад̇и ажзлагасийлзна ваа ан̃н̃зна ваа язна гзнажи. вад̇знаад̇и д̇аад̣̇исзна вад̇зна. д̇абзнаад̇и д̇абогаммзна. абарибаггам̣ барибаажзд̇и наама яо ‘‘ахам̣ бан̣д̣ид̇о’’д̇и анд̇араа висуж̇жхад̇и. барибаггам̣ пусса пусса б̣яанд̇им̣ гарод̇и наама яо ‘‘ахам̣ б̣аало’’д̇и вуд̇д̇абаримаан̣ам̣ гаалам̣ ад̇иггамид̇ваа яаад̇и. хзвам̣ над̇т̇ийд̇и звам̣ над̇т̇и. д̇ан̃хи убхаяамби на саггаа гаад̇унд̇и д̣̇ийбзд̇и. д̣̇он̣амид̇зд̇и д̣̇он̣зна мид̇ам̣ вияа. сукад̣̇угкзд̇и сукад̣̇угкам̣. барияанд̇агад̇зд̇и вуд̇д̇абаримаан̣зна гаалзна гад̇абарияанд̇о. над̇т̇и хааяанавад̣дханзд̇и над̇т̇и хааяанавад̣дханаани. на сам̣сааро бан̣д̣ид̇асса хааяад̇и, на б̣ааласса вад̣дхад̇ийд̇и ад̇т̇о. уггам̣саавагам̣сзд̇и уггам̣саавагам̣саа, хаабанавад̣дханаанамзвзд̇ам̣ взважанам̣. ид̣̇аани д̇амад̇т̇ам̣ убамааяа саад̇хзнд̇о сзяяат̇ааби наамаад̇иаад̣̇имааха. д̇ад̇т̇а суд̇д̇аг̇ул̣зд̇и взтзд̇ваа гад̇асуд̇д̇аг̇ул̣ам̣. ниб̣б̣зтияамаанамзва балзд̇ийд̇и баб̣б̣ад̇з ваа ругкаг̇г̇з ваа тад̇ваа кид̇д̇ам̣ суд̇д̇абамаан̣зна ниб̣б̣зтияамаанам̣ г̇ажчад̇и, суд̇д̇з кийн̣з д̇ад̇т̇а д̇идтад̇и на г̇ажчад̇и. звамзвам̣ вуд̇д̇агаалад̇о уд̣̇д̇хам̣ на г̇ажчад̇ийд̇и д̣̇ассзд̇и.
Sīlenāti acelakasīlena vā aññena vā yena kenaci. Vatenāti tādisena vatena. Tapenāti tapokammena. Aparipakkaṃ paripāceti nāma yo ‘‘ahaṃ paṇḍito’’ti antarā visujjhati. Paripakkaṃ phussa phussa byantiṃ karoti nāma yo ‘‘ahaṃ bālo’’ti vuttaparimāṇaṃ kālaṃ atikkamitvā yāti. Hevaṃ natthīti evaṃ natthi. Tañhi ubhayampi na sakkā kātunti dīpeti. Doṇamiteti doṇena mitaṃ viya. Sukhadukkheti sukhadukkhaṃ. Pariyantakateti vuttaparimāṇena kālena katapariyanto. Natthi hāyanavaḍḍhaneti natthi hāyanavaḍḍhanāni. Na saṃsāro paṇḍitassa hāyati, na bālassa vaḍḍhatīti attho. Ukkaṃsāvakaṃseti ukkaṃsāvakaṃsā, hāpanavaḍḍhanānamevetaṃ vevacanaṃ. Idāni tamatthaṃ upamāya sādhento seyyathāpi nāmātiādimāha. Tattha suttaguḷeti veṭhetvā katasuttaguḷaṃ. Nibbeṭhiyamānameva paletīti pabbate vā rukkhagge vā ṭhatvā khittaṃ suttapamāṇena nibbeṭhiyamānaṃ gacchati, sutte khīṇe tattha tiṭṭhati na gacchati. Evamevaṃ vuttakālato uddhaṃ na gacchatīti dasseti.
229. гимид̣̇анд̇и гимид̣̇ам̣ д̇ава ан̃н̃аан̣ам̣, гим̣ саб̣б̣ан̃н̃у наама д̇ванд̇и звам̣ будто самаано нияад̇иваад̣̇з багкибанд̇о сун̃н̃ам̣ мз аг̇ааранд̇иаад̣̇имааха.
229.Kimidanti kimidaṃ tava aññāṇaṃ, kiṃ sabbaññu nāma tvanti evaṃ puṭṭho samāno niyativāde pakkhipanto suññaṃ me agārantiādimāha.
230. ануссавиго ход̇ийд̇и ануссаваниссид̇о ход̇и. ануссавасажжод̇и саванам̣ сажжад̇о г̇ахзд̇ваа тид̇о. бидагасамбад̣̇ааяаад̇и ваг̇г̇абан̣н̣аасагааяа бидагаг̇ант̇асамбад̇д̇ияаа.
230.Anussaviko hotīti anussavanissito hoti. Anussavasaccoti savanaṃ saccato gahetvā ṭhito. Piṭakasampadāyāti vaggapaṇṇāsakāya piṭakaganthasampattiyā.
232. манд̣̇од̇и манд̣̇абан̃н̃о. момууход̇и ад̇имуул̣хо. ваажаавигкзбам̣ аабаж̇ж̇ад̇ийд̇и ваажааяа вигкзбам̣ аабаж̇ж̇ад̇и. гийд̣̇исам̣? амараавигкзбам̣, абарияанд̇авигкзбанд̇и ад̇т̇о. ат̇а ваа амараа наама мажчаж̇аад̇и. саа уммуж̇ж̇ананиммуж̇ж̇анаад̣̇ивасзна уд̣̇агз санд̇хаавамаанаа г̇ахзд̇ум̣ на саггаад̇и звамзва аяамби ваад̣̇о ид̇о жид̇о жа санд̇хаавад̇и, г̇аахам̣ на убаг̇ажчад̇ийд̇и амараавигкзбод̇и вужжад̇и. д̇ам̣ амараавигкзбам̣.
232.Mandoti mandapañño. Momūhoti atimūḷho. Vācāvikkhepaṃ āpajjatīti vācāya vikkhepaṃ āpajjati. Kīdisaṃ? Amarāvikkhepaṃ, apariyantavikkhepanti attho. Atha vā amarā nāma macchajāti. Sā ummujjananimmujjanādivasena udake sandhāvamānā gahetuṃ na sakkāti evameva ayampi vādo ito cito ca sandhāvati, gāhaṃ na upagacchatīti amarāvikkhepoti vuccati. Taṃ amarāvikkhepaṃ.
званд̇иби мз нод̇иаад̣̇ийсу ид̣̇ам̣ гусаланд̇и будто ‘‘званд̇иби мз но’’д̇и вад̣̇ад̇и, д̇ад̇о гим̣ агусаланд̇и вуд̇д̇з ‘‘д̇ат̇аад̇иби мз но’’д̇и вад̣̇ад̇и, гим̣ убхаяад̇о ан̃н̃ат̇аад̇и вуд̇д̇з ‘‘ан̃н̃ат̇аад̇иби мз но’’д̇и вад̣̇ад̇и, д̇ад̇о д̇ивид̇хзнааби на ход̇ийд̇и д̇з лад̣̇д̇хийд̇и вуд̇д̇з ‘‘нод̇иби мз но’’д̇и вад̣̇ад̇и, д̇ад̇о гим̣ но нод̇и д̇з лад̣̇д̇хийд̇и вуд̇д̇з ‘‘но нод̇иби мз но’’д̇и вигкзбамаабаж̇ж̇ад̇и, згасмимби багкз на д̇идтад̇и. ниб̣б̣иж̇ж̇а баггамад̇ийд̇и ад̇д̇аноби зса сад̇т̇аа авассаяо бхавид̇ум̣ на саггод̇и, маяхам̣ гим̣ сагкиссад̇ийд̇и ниб̣б̣инд̣̇ид̇ваа баггамад̇и. буримзсуби анассаасигзсу зсзва наяо.
Evantipi me notiādīsu idaṃ kusalanti puṭṭho ‘‘evantipi me no’’ti vadati, tato kiṃ akusalanti vutte ‘‘tathātipi me no’’ti vadati, kiṃ ubhayato aññathāti vutte ‘‘aññathātipi me no’’ti vadati, tato tividhenāpi na hotīti te laddhīti vutte ‘‘notipi me no’’ti vadati, tato kiṃ no noti te laddhīti vutte ‘‘no notipi me no’’ti vikkhepamāpajjati, ekasmimpi pakkhe na tiṭṭhati. Nibbijja pakkamatīti attanopi esa satthā avassayo bhavituṃ na sakkoti, mayhaṃ kiṃ sakkhissatīti nibbinditvā pakkamati. Purimesupi anassāsikesu eseva nayo.
234. саннид̇хигаарагам̣ гаамз барибхун̃ж̇ид̇унд̇и яат̇аа буб̣б̣з г̇ихибхууд̇о саннид̇хим̣ гад̇ваа вад̇т̇угаамз барибхун̃ж̇ад̇и, звам̣ д̇илад̇ан̣д̣уласаббинаванийд̇аад̣̇ийни саннид̇хим̣ гад̇ваа ид̣̇аани барибхун̃ж̇ид̇ум̣ абхаб̣б̣од̇и ад̇т̇о. нану жа кийн̣аасавасса васанадтаанз д̇илад̇ан̣д̣улаад̣̇аяо бан̃н̃ааяанд̇ийд̇и. но на бан̃н̃ааяанд̇и, на банзса д̇з ад̇д̇ано ад̇т̇ааяа табзд̇и, апаасугабаб̣б̣аж̇ид̇аад̣̇ийнам̣ ад̇т̇ааяа табзд̇и. анааг̇аамисса гат̇анд̇и. д̇ассааби бан̃жа гаамаг̇ун̣аа саб̣б̣асова бахийнаа, д̇хаммзна бана лад̣̇д̇хам̣ вижаарзд̇ваа барибхун̃ж̇ад̇и.
234.Sannidhikārakaṃ kāme paribhuñjitunti yathā pubbe gihibhūto sannidhiṃ katvā vatthukāme paribhuñjati, evaṃ tilataṇḍulasappinavanītādīni sannidhiṃ katvā idāni paribhuñjituṃ abhabboti attho. Nanu ca khīṇāsavassa vasanaṭṭhāne tilataṇḍulādayo paññāyantīti. No na paññāyanti, na panesa te attano atthāya ṭhapeti, aphāsukapabbajitādīnaṃ atthāya ṭhapeti. Anāgāmissa kathanti. Tassāpi pañca kāmaguṇā sabbasova pahīnā, dhammena pana laddhaṃ vicāretvā paribhuñjati.
236. буд̇д̇амад̇ааяа буд̇д̇аад̇и со гира имам̣ д̇хаммам̣ суд̇ваа ааж̇ийвагаа мад̇аа наамаад̇и сан̃н̃ий худ̇ваа звамааха. аяан̃хзд̇т̇а ад̇т̇о – ааж̇ийвагаа мад̇аа наама, д̇зсам̣ маад̇аа буд̇д̇амад̇аа ход̇и, ид̇и ааж̇ийвагаа буд̇д̇амад̇ааяа буд̇д̇аа наама хонд̇и. саман̣з г̇од̇амзд̇и саман̣з г̇од̇амз б̣рахмажарияаваасо ад̇т̇и, ан̃н̃ад̇т̇а над̇т̇ийд̇и д̣̇ийбзд̇и. сзсам̣ саб̣б̣ад̇т̇а уд̇д̇аанамзваад̇и.
236.Puttamatāya puttāti so kira imaṃ dhammaṃ sutvā ājīvakā matā nāmāti saññī hutvā evamāha. Ayañhettha attho – ājīvakā matā nāma, tesaṃ mātā puttamatā hoti, iti ājīvakā puttamatāya puttā nāma honti. Samaṇe gotameti samaṇe gotame brahmacariyavāso atthi, aññattha natthīti dīpeti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
санд̣̇агасуд̇д̇аван̣н̣анаа нидтид̇аа.
Sandakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. санд̣̇агасуд̇д̇ам̣ • 6. Sandakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. санд̣̇агасуд̇д̇аван̣н̣анаа • 6. Sandakasuttavaṇṇanā
